◾️#الفصل_الخامس

🔴 المحضضات التي يستخدمها RNA POL 2 عند الحقيقيات :

1⃣ صندوق TATA وهو TATAAAA موجود في المنطقة بين 20- و 40-.

2⃣ صندوق GC وهو GGGCGG موجود في المنطقة بين 40- و 60-.

3⃣ صندوق CAAT وهو GGCCAATCT موجود في المنطقة 80-.

4⃣ صندوق GC اخر وهو GGGCGG موجود في المنطقة 100-.

5⃣ صندوق الثمانية ATTTGCAT موجود في المنطقة بين 120- و 140-

💎 ملاحظة :
ماحدا يسأل اذا مطلوبين للحفظ🥲 ، يلي بدو ١٠٠ يحفظون 🔥
ركزوا ع اسم الصندوق ووشو المنطقة يلي بيقع فيها.


#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 ملاحظات هامة جدا جدا جدا جدا 🔥

🔺 ترتيب عوامل الانتساخ في حقيقيات النوى :

وهي مجموعة في كلمة دب فيه ( DB FEH)

المراحل:

🔹 أولاً : TFII(D) اول عامل انتساخ يرتبط بالمحضض TATA لاحتوائه على بروتين رابط التاتا يدعى TBP 🔥🔥

🔹 يرتبط العاملان TFII(A) و TFII(B) الى منطقة المحضض ويتشكل معقد من ثلاث عوامل انتساخ ترتبط بالمحضض وهي TFIIDو TFIIA وTFIIB.

🔹 يرتبط العامل TFII(F) بالرنا بوليمراز 2 ثم يرتبطان سويا بالمقعد المتشكل على المحضض TATA.

🔸 يمتلك العامل TFII(F) القدرة على فصل طاقي الدنا عند موقع بدء الانتساخ.

🔹 يرتبط العاملان TFII(H) و TFII(J) الى المعقد النهائي

🔸 ويمتلك العاملTFII(H) فعالية انزيم الهليكاز المفكك لطاقي الدنا امام الرنا بوليمراز في مرحلة الاطالة 🔥🔥

🔴 بالتالي :
💡في طور البدء يقوم TFII(F) بفك طاقي الدنا
💡في طور الاطالة يقوم TFII(H) بفك طاقي الدنا


#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

تذكرة ع السريع 🔥

🔹 شو هيي الرابطة فوسفاتية الاستر ؟

هيي الرابطة يلي بين زمرة الفوسفات وبين هدروكسيل السكر الخماسي ، فمنسميها رابطة فوسفاتية الاستر.

🔹 طيب معناها شو هيي الرابطة الفوسفاتية ثنائية الاستر ؟
هيي زمرة فوسفات ارتبطت بهدروكسيلتين
يعني ارتبطت بسكرين خماسيين
شوفوا الصورة
الدائرة الزرقة هيي زمرة الفوسفات.
ارتبطت من فوق برابطة استيرية ومن تحت برابطة استيرية.
فصارت عندنا رابطة فوسفاتية ثنائية الاستر .


🔸 بناءاً ع هالحكي صار عنا كالتالي 🔥

🔹 الرابطة بين نكيوتيد ونكليوتيد بعده هي فوسفاتية ثنائية الاستر .

🔹الرابطة بين السكر الخماسي وزمرة الفوسفات بنكليوتيد واحد هيي فوسفاتية الاستر.

🔹 الرابطة بين السكر الخماسي والأساس الآزوتي هيي رابطة غليكوزيدية.

موفقين كتيير 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

كتار عم يخربطو بالتعديلات يلي بتصير على الرنا المرسال ، بعد هالبوست ما رح نضيع فيهم ان شاء الله 😌🔥

🔷 إضافة القلنسوة :
1⃣ متى بنضيفها ؟
أثنااااء عملية الانتساخ ، وذكر الكتاب ان طول الرنا بيكون لسا 30 نكليوتيد فقط .

2⃣ شو وظيفتها ؟
الحماية من انزيمات النكلياز ( يلي شغلتها انها تدرك الرنا ) + بترتبط فيها بعض البروتينات حتمرق معنا بالفصل السادس

3⃣ كيف بنضيفها ؟
ثلاث خطوات ، وكل خطوة مسؤول عنها انزيم :

🔸 الخطوة الأولى مسؤول عنها انزيم اسمو Guanylyl Transferase ، من اسمو بياخد GTP وبياخد الغوانين منو وبيحطو على النكليوتيد الأول برابطة مميزة هية رابطة ثنائية الاستر 5'-5'

🔸 الخطوة التانية مسؤول عنها انزيم اسمو Guanine -7- mythyl transferase ، كمان من اسمو بياخد ميتيل وبيحطو عالكربون رقم 7 من الغوانين .

🔸الخطوة التالتة مسؤول عنها انزيم اسمو O methyl transferase ـ2' ، بيحط ميثيل على النكليوتيد يلي ارتبط فيه الغوانين .


🔷 إضافة الذيل :
1⃣ متى ؟
بعد ما يتم شطر الرنا عند موقع الشطر

2⃣ شو وظيفتو ؟
له وظيفتين ، بيزيد ثباتية الرنا ( يعني بيقلل تدركه ) + بيساعد خارج النواة

3⃣ كيف ؟
عن طريق خطوتين مسؤول عنهما انزيمين :
🔸 الخطوة الأولى مسؤول عنها انزيم من النوع Endonuclease بيشطر الرنا المرسال عند موقع الشطر

🔸 الخطوة التانية مسؤول عنها انزيم Ploy A ploymerase ، بيضيف الذيل عند موقع الشطر .


🔷 ازالة الانترونات ( التضفير )
1⃣ متى ؟
بعد الانتساخ وقبل الترجمة ( قبل ما يطلع الرنا من النواة )

2⃣ شو فائدته ؟
بيشيل الانترونات يلي ما رح تفيدني بالترجمة + بنستفاد منه بالتفضير البديل يلي بيعطنا بروتينات جديدة من نفس الجين

3⃣ كيف ؟
قبل ما نحكي كيف في عنا 3 مواقع مهمة بدنا نحكي عنها
💫 النهاية 5' للانترون يلي بترتبط مع للنهاية 3' للاكسون يلي قبله بتحتوي نكليوتيدين مصانين هنن GT ( وبتكون GU على الرنا )
💫 موقع التفرع قريب من النهاية 3' للانترون بيحوي نكليوتيد مصان هوة A
💫 النهاية 3' للانترون يلي بترتبط مع النهاية 5' للاكسون يلي بعده وفيها نكليوتيدين مصانين هنن AG

🔸 الخطوة الأولى بيرتبط U1 عند النهاية 5' للانترون و U2 عند موقع التفرع

🔸 الخطوة التانية بينشطر الانترون عند النهاية 5'

🔸 الخطوة التالتة بترتبط النهاية 5' للانترون عند موقع التفرع برابطة مميزة هية رابطة فوسفورية ثنائية الاستر 5'-2'

🔸 الخطوة الرابعة بتنشطر النهاية 3' للانترون وبيتحرر الانترون

🔸 الخطوة الخامسة بنوصل بين الاكسونين يلي كان الانترون بيناتهم عن طريق انزيم الليغاز

⭐ كل العمليات التلاتة بتصير ضمن النواة
⭐ الرنا الناقل والريباسي بيخضعو للتضفير أيضاً ولكن بآليات مختلفة.

موفقين كتير ولا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

شو هو تحرير الرنا وبشو بيفيد ؟ 🤔

🔷 هوة عملية تعديل على الرنا المرسال وليس الجين بعد أن يتم الانتساخ

🔷 شو التعديلات يلي بتتم ؟
ذكرلنا الكتاب تعديلين :
1⃣ تعديل على بنى الأسس الآزوتية ، بالتالي تغيير هي الأسس
2⃣ إضافة أو حذف نكليوتيد اليوراسيل

🔷 رح نضرب مثال ب Apolipoprotein-B ونتبع مع الصورة المرفقة :
🔺 بدايةً ، الجين المرمزة لهاد البروتين بتكون موجودة بالكروماتين الحقيقي لخلايا الكبد والأمعاء
( لاحظ أن الجين نفسها نفسها بالخليتين )

🔺 بعدها بيصير انتساخ لهي الجين بكل من الخليتين ، والرنا المرسال الناتج أيضاً نفسه بالخليتين

🔺 بعدها بيتم التعديل على الرنا المرسال يلي بخلية الأمعاء وتغيير نكليوتيد من C ل U ليتشكل رامز توقف ، بينما الخلية الكبدية ما بصير عليها هاد التعديل

🔺 بعدها بيصير ترجمة للرنا المرسال ،
بالخلية الكبدية بتستمر الترجمة ، بينما بالخلية المعوية بتتوقف الترجمة عند منتصف الرنا بسبب وجود رامز توقف

🔺 البروتين الناتج بالكبد طلع أطول من البروتين الناتج بالأمعاء

#Genetics 🧬
#MG_Chapter_5
#Med_Help_Genetics
@MedHelpForPreYears

افطارًا شهيّا جميعًا 💜✨..

كثير سألتم عن :

◾هل احفظ مصطلحات الرسمات ولا يكفي الفقرات ، طبعا الدكتور بيان السيد قال لازم ال٢ ، وسؤال دورة في العام الفائت اجى مصطلح غير مذكور بالفقرات.

👈🏻 لذلك :
اي مصطلح وارد في الفقرة فقط بالعربي دون اللاتيني ، لازم تدور ع مصطلحه اللاتيني لأنو ممكن يجي ، وأنا مريحك لأنو شارح بالفيديوهات جميع المعالم عربي + لاتيني ، ف ماعاد في داعي تدور.

◾ طيب انا درست فيديوهاتك + الكتاب ، في داعي ادرس رسمات الكتاب ؟
👈🏻 لأ خلص ، لأنو شاملهم بالشرح.

◾ المصطلحات يلي موجودين فقط بالرسمات ومو موجودين بالفقرات ( ك معلومة يعني ) مثال : منطقة المقطب الموجودة في العظم الجبهي ، هل نحفظهم ؟
👈🏻 لأ.

🔴 مثبتة فيديوهات التشريح الشاملة :
https://t.me/Ah_Med_GeneralAnatomy23/93

بالتوفيق يارب ❤️🥰.

#Med_Anatomy 🤍☠
@Ah_Med_GeneralAnatomy23

مساء الخير 💜✨

والآن .. عدنا مع مفاجأة جديدة من مفاجآت ميد هيلب الرائعة 🥰

انتظرونا على تمام الساعة الحادية عشرة مع نوطة الدورات الوزارية لمادة الفيزيولوجيا الطبية 🔥

بالتوفيق 🌸

#Physiology 💉
#Med_Help_Physiology 💉
@MedHelpForPreYears

نقدم لكم ملحق أسئلة الدورات الوزارية النظامية لمادة الفيزيولوجيا 📒

👈🏻 والذّي يتضمن :

🔸أسئلة الدورات من عام ٢٠١٧ لعام ٢٠٢٢ .
🔸الأسئلة مقسّمة حسب السنوات ، وكل سنة مقسمة حسب الفصول .
🔸الأسئلة وزارية نظامية مع الحل والتوضيح من الكتاب .

⬅️ فبالتالي مقسمة في آنٍ معًا حسب الفصول والسنوات.

⚠️ ملحق التصويبات :
https://t.me/MedHelpForPreYears/9308

بالتوفيق يارب 💚✨

#Physiology 💉
#Med_Help_Physiology
@MedHelpForPreYears

صباح الهمّة والنشاط ❤️

سنكمل اليوم مع برنامجنا الأسبوعي في يومه الخامس ، ومادتنا اليوم هي مادة الإحصاء .

👈🏻 مقررنا اليوم هو :
الفصول 《 1-2-3-4 》.

👈🏻 مصدر دراستنا المساعد هو :
تسجيلات الدكتورة منال للفصل الرابع ، وبالنسبة للفصول الثلاثة الأولى فمصدرنا المساعد هو ملحق عمل ميد هيلب ، سيصدر عصراً على القناة .

⭐ رابط التسجيلات :
https://t.me/MedHelpForPreYears/6227


⚠️ كما توجد التسجيلات  على البوت الآلي :
@MedHelpRobot_bot

⭐ بوت مادة الإحصاء  لأي استفسار :
@MedHelpStatistics_bot

⭐ رابط شات المناقشة العلمية ل pre-8 :
https://t.me/+s1ceS4b4efkxY2U0


حلمك ليس له تاريخ انتهاء ، خذ نفساً عميقاً وحاول مرة أخرى ♡

بالتوفيق واذكرونا بدعوة طيبة ❤️✨

#Statistics 📊
#Med_Help_Statistics
@MedHelpForPreYears

🔴 #خبر | خاص بـ #Med_Help | #جامعة_دمشق :

نقلًا عن الدكتورة عبير القدسي ، علامات جميع المواد الحملة ستصدر يوم الأحد بإذن الله ❤️.

#Med_Help 💙✨
#Med_Help_Damascus
@MedHelpForPreYears

خبار سار جدا جدا جدا 🎉🎉🎉

بعد أخذ الإذن ، سيتم تأمين فيديوهات شرح للدكتورة هدى حبش ، دكتورة في مادة الاحصاء.

الفيديوهات ستصدر على قناة MedHelp على اليوتيوب بشكل مجاني.

والدكتورة #خارقة في مادة الإحصاء بكل ماتعنيه الكلمة ، ينصح بالحضوور.

وكمان شغلة أنه خلال الشرح عم تنوه للنكشات الامتحانية + عم تحط أسئلة بعد كل فصل تخلصه ، لذلك ينصح بالحضور بشدة ، الفيديوهات ستصدر قريببا 🎉🎉🎉❤️‍🔥.

#Med_Help 💙✨
@MedHelpForPreYears

مساء الخير 💚✨

عدنا من جديد مع مفاجأة جديدة 🧨

نقدم لكم ملحق مادة الإحصاء الخاص بالفصول « 1 - 2 - 3 - 4 » 🥁
والذي يتضمن شرحًا وافيًا لهذه الفصول وترتيبًا لأفكارهم حتّى يكون عونًا لكم أثناء دراستكم 🔥

نسأل الله أن نكون وفّقنا لهذا العمل 🍃
بالتوفيق يارب، لاتنسونا من صالح الدعاء 💚✨

#Statistics 📊
#Statistics_Chapter_1_2_3_4
#Med_Help_Statistics
@MedHelpForPreYears

خبر سار من جديد 💜🎉.

على تمام الساعة ال٧:٣٠ رح يصدر فيديو شرح الفصل الأول في مادة الإحصاء للدكتورة هدى حبش ❤️‍🔥.

وعلى تمام الساعة العاشرة رح يصدر الفصلين ٢+٣.
كونوا على الموعد ❤️‍🔥.

#Statistics 📊
#Med_Help_Statistics
@MedHelpForPreYears

🥁🥁🥁🥁 💜✨

الفيديو الأول للدكتورة هدى حبش
يحتوي على شرح كامل الفصل الأول

متضما في نهايته النكشات الامتحانية بالإضافة إلى أسئلة امتحانية.

◾ رابط الفيديو :
https://youtu.be/JY59BsNVX78

يُنصح بشدة في الحضور❤️‍🔥❤️‍🔥.

#Statistics 📊
#Med_Help_Statistics
@MedHelpForPreYears

وفي نهايةِ اليومِ الحافل بالمفاجآت الجميلة من ميد هيلب، نقدم لكم فيديوهات الدكتورة هدى حبش للفصلين الثاني والثالث من مادة الإحصاء 🎉❤️‍🔥

◾رابط فيديو الفصل الثاني :
• https://youtu.be/TSXFZ9shT6g

◾رابط فيديو الفصل الثالث :
• https://youtu.be/QRtzBXpTpfs


بالتوفيق يارب، لا تنسونا من دعائكم الطيّب 💚

#Statistics 📊
#Med_Help_Statistics
@MedHelpForPreYears

الأخبار السارّة مجددا 💜👀

◾ أقدم لكم بلاي ليست فيديوهات عملي مادة التشريح لكامل العملي ، أي ١٠ جلسات .

◾ Watch "عملي التشريح العام - السنة التحضيرية" on YouTube
https://youtube.com/playlist?list=PLM8fl_nxcUH45E0Q1yHgJF2OKqO-tnrAx

بالتوفيق يارب ولاتنسونا من صالح دعائكم 💜✨.

جمعة مباركة 🌻🍃

سنكمل اليوم مع برنامجنا الأسبوعي في يومه السادس ، ومادتنا اليوم هي مادة الفيزيولوجيا .

👈🏻 مقررنا اليوم هو :
الفصل الثاني من بدايته حتى النسيج العضلي .

⚠️(النسيج العضلي غير مطلوب لليوم وستتم دراسته في الأسابيع القادمة بإذن الله حسب برنامجنا الأسبوعي).

👈🏻 مصدر دراستنا المساعد هو :
فيديوهات د. شهلا .

⭐ رابط الفيديوهات :
https://t.me/MedHelpForPreYears/5909

⚠️ كما توجد الفيديوهات على البوت الآلي :
@MedHelpRobot_bot

⭐ بوت مادة الفيزيولوجيا لأي استفسار :
@MedHelpPhysiology_bot

⭐ رابط شات المناقشة العلمية ل pre-8 :
https://t.me/+s1ceS4b4efkxY2U0

[ هيّا انطلق..
انشر ضياءك للمدى
قم واستبق
فالناس تمشي للعلا
كالسهم اعبر واخترق ♡ ]

بالتوفيق يارب، اذكرونا بدعوة طيبة 💚✨

#Physiology 💉
#MP_Chapter_2
#Med_Help_Physiology
@MedHelpForPreYears

🥁🥁🥁🥁🥁🥁

عدنا مع مفاجأةٍ تشريحيّة جديدة 🥳❤️‍🔥

ستصدر على قناة التشريح في تمام الساعة الرابعة 🧨

⭐ رابط قناة التشريح :
https://t.me/Ah_Med_GeneralAnatomy23

بالتوفيق يارب 🍃🌻

#Med_Help 💙✨
@MedHelpForPreYears

المفاجأة المُنتظرة 💜🎉🎉

هي 🥁🥁🥁:

"" نوطة عملي مادة التشريح العام ""

الدراسة منها وفقط ، بالإضافة لفيديوهات العملي .

هممت على هذه النوطة طيلة الشهؤ الماضي ، وارجوا أن نُحقق الفائدة المرجوة بإذن الله ❤️.

◾النوطة ستصدر على تمام الساعة العاشرة مساءً اليوم على قناة التشريح :
https://t.me/Ah_Med_GeneralAnatomy23

نسأل اللّه التوفيق والقَبول 💜🎉.

يعطيكم العافية جميعا 🌸
إن شاء الله تكون الهمة عالية
بداية ح نبلش معكن بسلسلة مبسطة هدفها مراجعة أفكار فصول الفيزيولوجيا
هدف هاد الشي أنو أنت صديقي وقت تكون عم تقرأ هادا البوست تتذكر الأفكار يلي وردت ضمن الفصول وترتب أفكارك بالفصل ..

أول فصل يلي نحن رح نبلش فيه اليوم هو #الفصل_الثاني

◾ الأنسجة المستثارة◾
أنسجة مستثارة ببساطة كانت
أنسجة :يعني هي مجموعة من خلايا عصبية أو خلايا عضلية (ملساء و مخططة)
مستثارة: يعني هي الخلايا بتخلق اشارات بتتواصل من خلالها
في مصطلح بدو يمر معنا كان بكل فقرة كان اسمو Action potentials
يعني كامن الفعل ويلي هي الطريقة يلي الاشارات بتتواصل من خلالها

نذكر بتوزع الشوارد:

🔺السائل داخل الخلايا :
البوتاسيوم و الفوسفات و البروتينات تراكيز هي الشوارد كبيرة ضمن السائل داخل الخلايا على عكس شوارد الصوديوم يلي بتكون بكميات قليلة بالسائل داخل الخلايا
🔺السائل خارج الخلايا:
عندي كميات كبيرة من شوارد الصوديوم
و شوارد الكلور و الكالسيوم
أما بالنسبة الشوارد البوتاسيوم بتكون كميات قليلة ضمن السائل خارج الخلية
في مصطلح تاني يلي هو

◾ مدروج التركيز ◾
أكيد مر معكن بكل فقرة
طيب شو كان معناه
ببساطة هو انتقال الشوارد يلي تركيزها عالي من المنطقة يلي بكون فيها التركيز عالي للمنطقة يلي بتكون فيها تركيزها منخفض
يعني متل إذا أنا عم كب سطل مي من راس الدرج لآخرو 🙂
و هل الشي بخليني استنتج أنو أنا مالي بحاجة لأصرف طاقة ATP
أما أنا إذا بدي أرفع المي من آخر درجة لأول درجة بدي قوة رافعة اجباري
هادا صار اسمو النقل عكس مدروج التركيز و أكيد صار بدي ATP 👍

هلق منجي ع فكرة النقل المنفعل 😁
النقل المنفعل منقسمو:
أ- الانتشار البسيط
ب- الانتشار الميسر

هلق بدنا نتذكر عن شو كان الانتشار البسيط👍
بهادا النوع
من خلالو كان ينتشر نوعين من المواد عبر غشاء الخلية و تذكر أنو غشاء الخلية كان هو طبقة شحمية مضاعفة من هل الشي بوضحلي شو هي المواد
🔺المواد الذوابة في الشحم
🔺الماء !! طيب بتقلي مو ما بصير
بقلب باعتبار الماء مصدر حياتي لحياة الخلية تجاوزا بيمرق من قنوات خاصة بتكون عل الغشاء و بمرق معو المواد

المواد يلي بتمرق الها شرطين:
🔸 يكون وزنها الجزيئي صغير
🔸 تكون غير مشحونة

و تذكر أنو سرعة الانتشار بتتناسب طردا مع مدروج التركيز😉
و هلق الانتشار الميسر
أخي من اسمو ميسر يعني أنا بدي حدا ي يسرلي أموري من هل الحكي
بستنتج أنو
الانتشار الميسر بدو حامل🙃
يعني هي المواد يلي عم تنتشر بحاجة لمساعدة بروتين حامل ( بروتين ناقل)
انتبه ع نقطة أنو سرعة الانتشار الميسر تزداد بزيادة تراكيز المادة المنتشرة ل توصل لحد أقصى

لا تنس تراجع الآلية من الكتاب 😌

سؤال خطر ببالك ... ليش قلتلي سرعة قصوى و بوقف الانتشار و مدري شي .. ليش ما بيشبه الانتشار البسيط... شو الفرق ؟!
تعا لقلك
هلق مو اتفقنا أنو المادة يلي بدها تنتقل بدها ترتبط ب بروتين ناقل و هادا البروتين بكون بقلب قنوات بروتينية و هي القنوات موجودة ع سطح الغشاء
نتوصل لمرحلة هي القنوات بتمتلئ بالكامل من هون بتثبت سرعة الانتشار و من هون اجا مصطلح سرعة الانتشار القصوى

معناها ب الانتشار البسيط النقل غير محدود
انتشار ميسر عندي محدودية للنقل

هلق في فكرة النقل الفاعل
هادا النوع هدفو المحافظه على فروق التراكيز الثابتة على جانبي الغشاء
عكس الانتشار البسيط يلي بخلي التركيز متساويه على جانبي الغشاء

النقل الفاعل كمان نوعين:
أ- النقل الفاعل الأولي
ب- النقل الفاعل الثانوي

سنتكلم عنهم كل واحدٍ على حدى في البوستات القادمة 🎉

⭐ رابط بوت الفيزيولوجيا لأي استفسار :
@MedHelpPhysiology_bot

كل التوفيق يا رب ..
ولا تنسونا من صالح دعائكم 💜✨

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

هلق صار وقت نحكي عن أنواع النقل الفاعل
🔺النقل الفاعل الأولي
🔺النقل الفاعل الثانوي

منرجع منذكر هون عم نعرض العناوين الأساسية ... ما ح نغوص بالآليات 🙂

🌸النقل الفاعل الأولي:
أهم الشوارد صوديوم ، بوتاسيوم ، كالسيوم ، هيدروجين
المثال الأشهر ع هاد النوع هو
🔸مضخة الصوديوم و البوتاسيوم🔸
حنحكي عن وظيفتها و من شو بتتألف

الوظيفة : ضخ شوارد الصوديوم لخااارج الخلية و شوارد البوتاسيوم لداخلها
من هالحكي منستنتج أنها مسؤولة عن
💫 صون التركيز الشاردية لكل من الصوديوم و البوتاسيوم على جانبي الغشاء

هلق منجي منحكي عن مكوناتها :
بروتين حامل
هادا البروتين كان بيتكون من اجتماع بروتينين كرويين منفصلين

🔺بروتين أصغر :
يلي هي تثبيت البروتين الحامل في شحم الغشاء
🔺 البروتين الأكبر :
يلي خصائصه ضرورية لعمل هي المضخة

راجعهن عل السريع من الكتاب 😉

منتذكر أنو لهي المضخة اتجاهين متعاكسين للنقل
يعني
أ- تفكيك ال ATP
ب- تركيب ال ATP

طيب كيف بقرر آلية النقل ؟🤨
هلق منتذكر أنو
ADP+Pi >> ATP
معناها
التراكيز النسبية لل ADP و ATP و Pi
و ضيف عليها قيمة المدروج الكيميائي الكهربائي لكل من الصوديوم و البوتاسيوم

يُتبع ...

كل التوفيق يا رب..💜

#Physiology 💉
#MP_Chapter_2
#Med_Help_Physiology
@MedHelpForPreYears