Med Help

مساء الخير للجميع ❤️..

بوست خطة الزنقة ، والذي كنت رح اعمله لو كنت مكانكم ، ونأمل من الله أن يجبر قلوبكم وفقه بعلامة تفوق الـ 90 .

وبسم اللّه نبدأ..

📢 أولًا :
حابب وضح أنو هذا البوست لـ يلي مو عرفانين يدرسوا بضل هالأوضاع + لـ يلي مخلصين المادة ومو عرفانين يراجعوا + لـ يلي بقي عليهن كمية لابأس بها بالمادة ، ف أفضل لاسمح الله من حمل المادة أو علامة قليلة ، يعني عالحالتين علامة حضرتكم مو مضمونة ، فـ بهالخطة بإذن الله رح نحاوب نضمن علامة عالية.

أما يلي عنده مصادره وخطته وماشية أموره وشاف هالبوست وماحب يلتزم فيه ف أنا أحبذ أنو يكمل مسيرته يلي كان ماشي عليها.

كل شخص أدرى بحاله.

📢 ثانيًا :
-رح ندرس بهالخطة نسبة تفوق الـ ٩٠٪ من معلومات الفصلين 2+4 ، يلي هنن إلهم مايقارب. ٦٠ سؤالًا لنصمنهم ، خلال ٥ ساعات فقط.
- ورح ندرس معلومات بقية الفصول أيضًا ولكن مو بهالعمق ، رح نركز عـ شغلات معينة مكررة ، وقد كمان نضمن علامتهم..

📢 ثالثًا :
- المصادر ( رح اضع رابطها في آخر سطر بالبوست ) :
- فيديوهات سكيتشي لميد هيلب للفصلين 2+4 ، ويلي مابيقدر يشوف فيديوهات فينه يفتح ملفات السكيتشي ، في ملفات بالرسالة اسمها سكيتشي ، هي نفسها الفيديوهات ولكن مفرغة ، طبعًا أنا أميل للفيديوهات ولكن أنت ووضعك.

- بعدها برأيي تتم دراسة الفصل الخامس من مصدر دراستك الاساسي ( في ملف قصص مساعدة للفصل موجود بالرسالة تبع المصادر ).

- بعدها شو تعمل؟
بتبلش دورات ، بتحفظ الدورات ، بلش بالفصل ٢+٤+٥ كونك درستهم.
بعدين ١+٣ بتحفظ دوراتهم ، سؤال وجواب ، وبتروح تفتح ملفات القصص بالمثبتة عنهم فقط لا غير ها ، لاتدرسهم دراسة من مصدر ، إلا إذا زاد معك وقت

- رجاء لاحدا يحل دورة بري ٧
يعني تركوها للأخير لتختبروا حالكم ، وبشرونا هل الخطة فعالة أم لأ..
فحلوا كلشي دورات إلا هي تركوها لبعد ماتخلصوا كل شيء ليوم الجمعة.

- في حال خلصت التعليمات بالأعلى فينك تدرس الفصول ١+٣ بشكل رسمي

- فينك بعد ماتدرس سكيتشي ٢+٤ ، تبلش حل دورات وحفظ لكامل الفصول ، في حال كان وضعك مابيسمحلك بدراسة الفصل ٥ ، ف اتركه للأخير ، وإذا مالحقته مو مشكلة.

🚨 رابط بوست المصادر :
https://t.me/MedHelpForPreYears/8861

📢 #ملاحظات :

- يُرجى قراءة أولًا جيّدا ، ف أنت حكيم نفسك في اتخاذ القرار.

- نلاحظ أن المستفيدين الأكثر هنن يلي مخلصين ١+٣+٥ ، ف هدول ممكن يزيد معهم يوم الجمعة فاضي ، ف راجعوا فيه هدول الفصول لو قراءة.

- فيديوهات سكيتشي ميد هيلب تقريبا ٤ ساعات .
ساعتين لكل فصل ، يعني ساعتين للفصل ٢ وساعتين للفصل ٤ .
- إذا كان لديك مصدر للدورات وهو مضمون فـ ادرس منه ، وعلى كل حال في نوطة ميد هيلب موجودة بالرابط مقسمة حسب الفصول والمباجث والسنوات

نهايةً ، أرجوا من الله أن يجبر قلبنا وقلوبكم جميعًا برحمة من عنده ، وأن تنتهي أزماتنا التي سلبتنا جسدًا و روحًا.

مع التمنيات بالتوفيق للأبطال الـ Pre 8 الصابرين ❤️🙏🏻.

ولاتنسونا من صالح دعائكم 🌸.

❤103👍42🔥9💔6🥰3🎉3😢1👨‍💻1

17.4K views11:50