Med Help

#هام_جدا_جدا
من فريق أخبار السنة التحضيرية الطبية في سوريا منفتخر بهيك ناس ببلدنا 😍😍
و النا الشرف إنو ندعم هيك فريق همو المساعدة #فقط
و حنضل طول عمرنا ندعم أي فريق همو يساعد دون أي ارباح من عيونا♥️♥️

👇👇👇
وحوش #Pre_6🔥
السلام عليكم⁦❤️⁩🙏
أنا زميلكم أحمد فوّاز من الدفعة يلي قبلكم وطالب بشري سنة ثانية بدمشق قريبا إن شاء الله⁦❤️⁩
بالفصل الثاني من السنة الماضية
ساويت قناة انو اجمع فيها الملفات يلي بحتاجها بدراستي وشارك بها الزملاء
ويلي بحب يستفيد منها يستفيد ويلي مابحب مو مشكلة
ف بعدين خطرتلي فكرة
ليش ماصير انا اشتغل
اعمل صور شرح وفيديوهات
ومن هنا نشأ فريق #Med_Help
يلي لاقى نجاح كبير بوقت قصير جداً بفضل الله وفضل دعائكم⁦❤️⁩
بعدين الفريق كبر شوي شوي من حيث عدد أعضاء الفريق ومن حيث عدد الناس يلي عم تستفيد منو⁦❤️⁩
والحمد لله وبفضله لاقينا دعم ونجاح ولا اروع من هيك⁦❤️⁩
وبفضل من الله وبفضل دعاء الناس النا
حقق اعضاء الفريق نجاحات ومعدلات باهرة ماشاء الله⁦ كلو فوق ال ٩٠❤️⁩
وحبينا نكمل بنفس العمل مع ال pre-6
لانو نحن طلاب مثلنا مثلكم عانو من صعوبات كبيرة(عدم وجود شرح وافي،ضياع في الدراسة،عدم وجود منهج،الخ...).. وحبينا نخلصكم من هي الصعوبات ونساعدكم على تجاوزها

شغل الفريق هو كالتالي:
🔴 كل شي ممكن تحتاجوه بالسنة من ريكوردات وملفات وفيديوهات اللي استعننا فيهن بدراستنا وانتقينا الشي اللي كان برأينا الأفضل لان مو همنا نشهر حدا وإنما فائدتكن وبس
🔴 بالإضافة لشروحات كتابية وريكوردات لكل المواد ح تنزل عالقناة بالتزامن مع دراستكن للفصول وحسب طلبكن للفقرات الصعبة
🔴 بوتات لكل المواد للإجابة عن استفساراتكن وكل شي بيخطر ببالكن ان كان بيتعلق بالمواد وأسئلتها او ببرامج للدراسة او بصعوبات عم تواجهوها لان الفصل الاول ح يكون صعب عليكن لتقدرو تتأقلمو مع الجو الجديد
🔴 أتمتات (دورات ونكشات بس) لان ما بدنا تشتتو وتكتر الرسائل بالقناة عليكن عالفاضي
🔴 وشغلات كتير بتشوفوها ان شاء الله تباعاً بقلب السنة
ان شاء الله ما كون طولت عليكن بالبوست❤️
بتمنى تضيفو رفقاتكن عالقناة حتى توصل الفائدة لأكبر عدد ممكن ❤️
الله يوفقكن يارب وشوفكن بالفرع اللي بتحبوه ومحققين كل أحلامكن ❤️

رابط القناة💓
https://t.me/MedHelpForPreYears

رابط الغروب تبع الشات ( للمناقشة عن اسئلتكم )💓:
https://t.me/MedHelp_pre_6

رابط صفحتنا عالفيس 💓
https://www.facebook.com/Med-Help-For-Pre_Years-115992890248929/

......
من منصة الأخبار منتمنالكن كل التوفيق و الله يردلكن المساعدة الف ♥️♥️♥️
⭕رابط الغروب #الوحيد التابع للصفحة للدفعة السادسة 👇
https://www.facebook.com/groups/926438814367574/?ref=share

Med Help

بوت التشريح:
@MedHelpAnatomy_bot
بوت الوراثة:
@MedHelpGenetics_bot
بوت الفيزيولوجيا:
@MedHelpPhysiology_bot
بوت الإحصاء:
@MedHelpStatistics_bot
بوت اللغة الانكليزية:
@MedHelpEnglish_ALT_bot
⭐️ البوت الآلي
@MedHelpRobot_bot

9.45K viewsAhmed H Fawaz, 14:07

Med Help

Med Help pinned «#هام_جدا_جدا من فريق أخبار السنة التحضيرية الطبية في سوريا منفتخر بهيك ناس ببلدنا 😍😍 و النا الشرف إنو ندعم هيك فريق همو المساعدة #فقط و حنضل طول عمرنا ندعم أي فريق همو يساعد دون أي ارباح من عيونا♥️♥️ 👇👇👇 وحوش #Pre_6🔥 السلام عليكم⁦❤️⁩🙏 أنا زميلكم أحمد فوّاز…»

14:07

Med Help

دكاترة هاد الغروب لنقاشاتكن #العلمية وح نفتح الشات فيه بأوقات معينة يكون الكل فاتح فيها ونناقش أسئلة الكل وهلأ صار الغروب يكبر الحمدلله ❤️ فياريت كل حدا يضيف رفقاتو اللي متأكد ح يطلعلن تحضيري عليه حتى نوصل الفائدة لأكبر عدد ممكن وهاد رابط الغروب ❤️
https://t.me/MedHelp_pre_6

8.76K viewsBara'ah Al Masri, 11:16

Med Help

كلية طب الاسنان
دوام النظري للسنة الثانية
#جامعة_دمشق
@MedHelpForPreYears

7.47K viewsAhmed H Fawaz, edited 13:59

Med Help

كلية الصيدلة
دوام السنة الثانية
#جامعة_دمشق
@MedHelpForPreYears

❤1

7.31K viewsAhmed H Fawaz, edited 11:20

Med Help

يعطيكم العافية أنا الطالب أسيد الخباز ، معدلي بالفصل الأول ٩٥.٨ وبالفصل الثاني ٩٦.٨
الحمد لله حصلت عالمرتبة الثالثة على جامعة دمشق .
البداية : أكيد متلي متل أي حدا فايت عجو جديد حسيت حالي ضايع ومالي عرفان شلون نظام الجامعة وطبيعة المواد يلي حا ادرسها مشان هيك قبل بأسبوع من الدوام بلشت دراسة بيولوجيا بس وأخدت فكرة عنها بس أهم فكرة بدك تحطا ببالك انك أنت فايت بدك تفهم كلشي ايم من بالك ضخامة المنهاج وصعوبة الحفظ وحط ببالك الفهم وبس بالبداية .
الدراسة : بكل المواد كان اعتمادي الأساسي على الكتب يلي هية المرجع الأول والأخير ومنها بتجي الأسئلة عدا التاريخ درستا من أربيسيز وجبت ١٠٠ لأنو هية منظمة أكتر .
بالنسبة للفرق كتير الطلاب بتحتار بينن بدكن تحطوا ببالكم أنو مافي غير فريق أربيسيز تطوعي بحت وبنزل كل محاضراتو pdf ومتوفرة ورقي أما الباقي فبنزلولك عينات من محاضراتن فقط وبرأيي الشخصي أربيسيز طاغي على كل الفرق .
مافي عدد ساعات معينة كنت ادرسها الصراحة بس كان اعتمادي على الكم والكيف مثال : البيولوجيا ٤٠٠ صفحة فرضا بحط بدي خلصا ب ١٠ أسابيع فأنا بالأسبوع لازم خلص ٤٠ صفحة وباقي المواد هيك أما الكيف فما كنت مرق أي فكرة قبل ما افهما فهم عميق أد ما أخدت وقت .. ما كنت اترك مادة لأسبوعا أبدا لازم تخلص المواد قبل ب ١٠ ل ١٥ يوم من الامتحان . (عدا الانكليزي يلي بتعتمد عخبرتك السابقة وأنت أدرى بوضعك فيها)
بالنسبة للحضور هاد الشي نسبي أنا نزلت أول اسبوع من الفصل الأول بعدين قررت أنو احضر كيميا بس عند الدكتورة بيان والدكتورة ملك والفصل الثاني حضور التشريح عند الدكتور بيان السيد مفيد أنا حضرت محاضرة وحدة فقط بهاد الفصل .
الحمد لله أنا لغتي قوية فهاد الشي كان الو عون كبير وكان اعتمادي كبير عالنت واليوتيوب هاد بالنسبة الي عامل أساسي وكتير مهم بهالنجاح لأنو أبدا مالازم الواحد يحصر حالو بكتاب لازم تتوسع لأنو الكتب في أفكار بتتركا مبهمة بدون شرح وافي .. فيلي لغته منيحة أو لا حاول تبحث وتعتمد عالنت خصوصاً بالفصل التاني هالشي حا يساعدك ويرسخ الأفكار عندك.
بالنسبة للدورات يلي بتنعمل خارج الجامعة مالها أهمية ودكاترة الجامعة أفهم من يلي عم يعطوا برا.
وأنا كونه لغتي قوية لح حاول اشتغل معكم و دبلج فيديوهات بيولوجيا بالفصل الأول و وراثة و فيزيولوجيا بالفصل التاني باسم فريق ميد هيلب
فريق ميد هيلب
ماخلق ليعمل مصدر جديد متل باقي الفرق
بل هو كما يُقال : العلامة الفارقة بين فرق التحضيري
عم يجبلكون احسن المصادر ويضعها بين ايديكم من تسجيلات و محاضرات
طبعا ح يصير الفريق يعمل فيديوهات للمواد باسمه للشرح وتوضيح الفكرة بمعظم المواد
فيك تعتبرو كورس مجاني رح ينزل تيلي
واذا شفنا انو في طلب ع نزوله عاليوتيوب رح ننزله مشان الميغات والتحميل
هي رابط قناة الفريق على التيليغرام ⁦❤️⁩:
https://t.me/MedHelpForPreYears
صفحة الفريق على الفيس ⁦❤️⁩:
https://www.facebook.com/Med-Help-For-Pre_Years-115992890248929/

❤3👍2😢1

8.76K viewsOsaid, edited 13:09

Med Help

علامات تاريخ حملة دمشق
@MedHelpForPreYears

17.3K viewsAbdallah hanbli, 11:20

Med Help

علامات حملة انكليزي ١ دمشق
@MedHelpForPreYears

17.1K viewsAbdallah hanbli, 11:23

About

Blog

Apps

Platform