البوست المثبت الخاص بـ #الفصل_الاول من مادة الفيزياء الطبية 🩻


🔹 التحويلات الهامة بالفيزياء :
https://t.me/MedHelpForPreYears/8555

🔹 فيديو يوضح تجربـة شقّا يانغ والتداخل بنوعيه و الطبيعة المثنوية للجسيمات :
https://t.me/MedHelpForPreYears/8583


🔹 صورة توضيح الطبيعة الموجية :
https://t.me/MedHelpForPreYears/8586

🔹 صورة توضيح الطبيعة الجسيمية :
https://t.me/MedHelpForPreYears/8587

🔹 مفعول كومتون Compton Effect :
https://t.me/MedHelpForPreYears/8588

🔹 مجهر المفعول النفقي الماسح STM :

👈🏻 شرح كتابي :
https://t.me/MedHelpForPreYears/8589

👈🏻 تسجيل صوتي :
https://t.me/MedHelpForPreYears/8599

🔹فيديو يوضح آلية عمل مجهر STM :
https://t.me/MedHelpForPreYears/8591


🔹الأسئلة المتكررة بالفصل الأول :
https://t.me/MedHelpForPreYears/8592


بالتوفيق للجميع ولا تنسونا من صالح دعائكم 💙✨


#Physics 🩻
#MP_Chapter_1 🩻
#Med_Help_Physics 🩻
@MedHelpForPreYears

⚠️ تنـويـه ⚠️

نقلًا عن د.محمد حلبي ، قرائن الانكسار الواجب حفظها :

👈🏻 الماء 1.333
👈🏻 الهواء الجاف 1.000293
👈🏻 الزجاج التاجي 1.517
👈🏻 البلكسيغلاس 1.51


#Med_Help 💙✨
#Med_Help_Physics 🩻
@MedHelpForPreYears

أصبحنا وأصبحَ المُلك لله🌿🌻
يومٌ جديد.. بدايةٌ جديدة.. أملٌ جديد..✨️
أبدؤوا يومكم بأذكارِ الصباح،
اشحنوا انفسكم بذكر الرحمن، وانطلقوا
بالسعي وراء رضى الله والعِلم النافع..
نرجو لكم يومًا مباركًا مليئًا بالإنجازات..✨️
وبالتوفيق ان شاء الله 💛

#Med_Help_Be_Optimistic 💫
@MedHelpForPreYears

صبـاح الخيـرات 💜

ومـع الفيـزيـاء بيومها الـخامس ، سنكمـل اليوم حسب برنامجنا بالفصول الثاني والثاني عشر والثاني والعشرون .

👈🏻 كما وأخبرناكم سابقًا ،  يُفضل الاستعانة بـ فيديوهات د.محمد حلبي ، و حتى لا يضيع الوقت شاهدها مسرّعة .

🌟 الفصل الثاني :
《جزأين : 3 ساعات》
• https://youtu.be/j--nhqek8XA
• https://youtu.be/9AoiXxiSVQc

⭐ الفصل الثاني عشر:
《جزء1 : ساعتين و15 دقيقة》:
• https://youtu.be/rFuQNGDIpsw

⭐ الفصل الثاني والعشرين :
《جزأين : ساعة و58 دقيقة》
• https://youtu.be/KFJDnAQQR0A
• https://youtu.be/IVtUw7qEW6s


🌟 رابـط بوت الفيزياء لأي استفسار :
@MedHelpPhysics_ALT_bot

🌟 رابـط شات المناقشة العلمية :
https://t.me/+94vvvkMuQlJlNzhk

بالتـوفيـق يـا رب ✨

#Physics 🩻
#MP_Chapter_2_12_22
#Med_Help_Physics
@MedHelpForPreYears

🌟 التصوير المقطعي المحوري 🌟


تلخيص لهذه الفقرة التي قد يعاني منها بعضكم ، مشاركة من زميل لكم جزاه الله خيرًا ✨ .

بالتـوفيـق للجميـع 💜✨


#Physics 🩻
#Med_Help_Physics 🩻
@MedHelpForPreYears

في منتصف معركة الفيزياء ، لنأخذ فاصلًا لطيفًا مع الأمطار الجميلة و رائحة التراب المبللة بماء السّماء الطّاهر 🌧

اللهمَّ مع كلِّ قطرة مطر تحملها ملائكتُكَ إلينا ، اجبر قلوبنا وخواطرنا جبرًا يليق بجلالِ اسمك الأعظم و عظيمِ سُلطانك ، ياربُّ ! أنتَ ربُّ الخير و الجود ، وربُّ الكرمِ و العطاء ، جُد علينا يا رحمـن يا رحيـم بما تتمنّاه قلوبُنا ، اللهمَّ أثلج صدورنا وأرِحها باستجابة لتلك الدعوات التي أخفيناها بأفئدتنا وهي لا تخفى عليك يا الله ! 💙🌧

دُعاء المطر مستجاب بإذن الله ، اطلبوا من الله ما تتمنّون ! 💙🌿 .

#Med_Help 💙✨
@MedHelpForPreYears

أسعد الله أوقاتكم 💙🌸

👈🏻 موضوعنا الآن هو عن :
نموذج بور لذرة الهيدروجين

🔹 بدايةً بور ما ابتكر نموذجه عن ذرة الهيدروجين من فراغ ؛ الي قام فيه هو التعديل على اخر نموذج كان واصله العلماء ليصحح الأخطاء الي فيه .

🔹 شو بميز نموذج بور للذرة عن النموذج الي قبله ؟
👈🏻 الي بيميزه عبارة عن 3 فرضيات فرضهم بور وهنن كالآتي :

1⃣ الالكترون الي بالذرة وهوة عم يدور حول النواة بيكون مستقر ، يعني ما عم يشع طاقة طول ماله عم يدور حول النواة .

2⃣ الالكترون بيدور بمدارات محددة الها ابعاد ثابتة عن النواة
🪄 وإذا بدو ينتقل من مدار قريب عن النواة لمدار أبعد بدو يمتص طاقة من برا.
🪄 وإذا بدو ينتقل من مدار ابعد لمدار اقرب بدو يصدر طاقة لبرا.

3⃣ مو الالكترون عم يدور حول النواة ؟
معناها عندو اندافع زاوي ( لانو كلشي بيدور اله اندفاع زاوي 😏)
قديش قيمة هاد الاندفاع الزاوي ؟
👈🏻 بيقلك بور هي القيمة متعلقة بالمدار الي عم يدور فيه الالكترون :
بتساوي رقم المدار ضرب ثابت بلانك المختزل ( ثابت بلانك المختزل هوة ثابت بلانك تقسيم 2Π ).

👈🏻من هالفرضيات ال 3 انطلق بور وعمل حسابات رياضية ليوصل ل 3 استنتاجات .

كل التوفيق يا رب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

مكملين معكم بملاحظات #الفصل_الثاني من مادة #الفيزياء 🩻

📝 استنتاجات بور :

1⃣ اول مدار لذرة الهيدروجين بيبعد عن النواة 0.0529 نانو متر .
👈🏻 واذا بدك تحسب كم بيبعد مدار ما عن النواة بتضرب هاد الرقم ب مربع رقم المدار .

2⃣ طاقة اول مدار لذرة الهيدروجين تساوي 13.606- الكترون فولط .
👈🏻 واذا بدك تحسب كم طاقة مدار ما بتقسم هاد الرقم على مربع رقم المدار .

3⃣ الفرق بين طاقتي مدارين متتالين بيقل كل ما بعدت عن النواة .
ما فهمت شي ☹️
👈🏻 يعني الفرق بين طاقة المدار الاول وطاقة المدار التاني كبير.
👈🏻الفرق بين طاقة المدار التاني وطاقة المدار التالت أقل .
👈🏻 والفرق بين طاقة المدار التالت وطاقة المدار الرابع بتصير أقل وأقل .
وهكذا ....
👈🏻يعني كل ما بعدت عن النواة أكتر ، كل ما كان الفرق بين طاقتي المدارين المتتالين أصغر ( يعني بيكون بدك طاقة اقل لتنقل الالكترون بين هالمدارين 😉)

بالتوفيق يارب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

عُدنا 👀

⚡️ الطاقة السالبة《بعبع الطلاب ☹️》.

كيف ثم كيف ثم كيف طلع مع بور طاقة المدار الأول 《13.606- الكترون فولط》؟!
هي اول مرة بحياتي بشوف طاقة سالبة 😕

💡كيف في طاقة سالبة وشو معناها ؟

💡أولاً بدي أسال سؤال ، كيف في أي شي بهالحياة سالب ؟
💡كيف في شي اقل من الصفر ؟
💡كيف في شي أقل من اللاشيء ؟

👈🏻الجواب ببساطة مافي .

💡لكن لشو منستخدم السالب نحنا ؟

👈🏻منستخدمها كاصطلاح لانو في شي عم يصير بس بالاتجاه المعاكس للاتجاه الطبيعي .

👈🏻 طيب حنشوف هلأ طاقة المدارات ونضربها بمثال من حياتنا الواقعية .
المثال الي رح نستخدمه هوة الارتفاع عن سطح البحر 🌊

🔹أول شي :

💡انت لما تكون واقف عند سطح البحر هل فعلا انت ارتفاعك 0 ؟
👈🏻 اكيد لا ، لو كان ارتفاعك 0 ما بتقدر تنزل اكتر ، بس نحنا بنقدر نغوص وننزل اكتر عادي 😎

💡طيب ليش الناس بيعتبروا سطح البحر هوة الصفر ؟
👈🏻ببساطة هاد (اصطلاح) اتفق عليه الناس لسهولة التعامل 😉 .
تخيل كل ما بدك تحكي عن ارتفاع منطقة او مدينة تقعد تقول ارتفاعها مدري كم الف كيلو متر ومدري كم متر عن مركز الأرض ☹️

👈🏻نفس الشي الالكترون الي برا الذرة ما بتكون طاقته ( فعلا ) صفر ، والدليل انو جرب خليه يفوت على الذرة ويقرب من النواة وشوف مقدار الطاقة الي حيطلعلك ياها ، معناها كان عنده طاقة 😏

💡 لكن ليش عم يقولوا طاقته صفر ☹️ ؟!
👈🏻 لنفس السبب هاد ( اصطلاح ) اتفق عليه العلماء ، ليش ؟
مشان يوضحولك الحد الفاصل بين الالكترون المرتبط بالنواة وبين الالكترون الحر

🔹 تاني شي :

👈🏻 لما تكون انت بعمق البحر وغايص 100 متر معناها انت ( حسب الاصطلاح الي نحنا متفقين عليه ) ارتفاعك سالب وبتحتاج ترتفع 100 متر لتوصل للصفر الي هوة سطح البحر .
👈🏻نفس الشي بالنسبة للالكترون :
لما يكون مرتبط بالنواة وقاعد بالمدار الأول فهوة ( حسب الاصطلاح الي متفقين عليه ) طاقته سالبة وبيحتاج ياخد 13.606 الكترون فولط لتوصل طاقته للصفر

🔹 تالت شي :

👈🏻 الغواص الي غايص 50 متر اكيد اعلى من الغواص الي غايص 100 متر
هاد بده 50 متر ليوصل لل 0 و هاد بده 100 متر ليوصل كمان لل 0 .
👈🏻 منرجع للالكترون :
الالكترون الي بالمدار التاني اكيد طاقته اعلى من الالكترون الي بالمدار الأول .

منتمنى أنو تكون وضحت الفكرة بشكل كامل 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

متابعين معكم 🍃

⭐️ النظرية الكمومية :
هون وصلنا لاخر محطة من محطات نظريات الذرة ، النظرية الكمومية الي بتعتمد على مكيانيك الكم بشكل كامل .

🔷 طيب شو عملوا العلماء بهالنموذج ؟
👈🏻جابوا معادلة بتستخدم كتير بميكانيك الكم اسمها معادلة شرودنغر ، وحطوا فيها معطيات الالكترون الي بذرة الهيدروجين .
قامت جمعت طرحت ضربت قسمت وعطتنا 3 توابع .

قالوا العلماء معناها عنا 3 اعداد بتعبر عن الالكترون ، كل عدد منها مرتبط بتابع من هالتوابع .

هالارقام هنن : n و l و ml .

🔷 هالعلماء وهنن عم يدرسوا لاحظوا علاقات بتربط بين هالارقام 😳 ، شو هي العلاقات ؟؟

👈🏻 قال اول شي العدد n لازم يكون عدد صحيح بين 1 واللانهاية
👈🏻 العدد l لازم يكون عدد صحيح بين 0 وبين n - 1 .

💡يعني إذا اجاني سؤال وأحد الخيارات طلع فيها 《 l و n 》نفس القيمة بعرف انو هاد الخيار خطأ 😉.

👈🏻 اما العدد ml فلازم يكون عدد صحيح بين l- وبين l+ .

❕طيب عن شو بتعبر هالأرقام ؟
❕شو معناها ؟
خبوا هالسؤال معكم للبوست القادم 😶‍🌫

#Physics 🩻
#MP_Chapter_2
#Med_Help_Physics
@MedHelpForPreYears

حان وقت الجواب على السؤال في المنشور السابق 👀 .

⭐️ الدلالة الفيزيائية للأعداد الكمومية :

🔵 العدد الكمومي الرئيسي :

👈🏻 هالعدد بيساعدنا لنعرف طاقة الحالة المسموحة للذرة حسب العلاقة :
E=-13.6/n²

🔵 العدد الكمومي المداري :

💡بداية لازم نذكركم ببعض المفاهيم اللطيفة :

👈🏻 الاندفاع هو ببساطة كتلة الجسم بحركته.
👈🏻والاندفاع الزاوي هو الاندفاع الخطي ضرب نصف القطر.
🙌🏻 يعني ببساطة : L=rP

👨🏻‍🏫 عنا عالم اسمو بور .
حب يعتبر الالكترون عبارة عن كتلة تتحرك على مسار دائري بسرعة معينة، وحسب الاندفاع الزاوي اله حسب الميكانيك التقليدي ونموذجه الذري ؛ قام طلع معه هالقانون :
L=nh (اتش بار)

🥲للاسف بور طلع مخطئ ونموذجه الذري بحاجة تعديل ؛ لأنو بالحالة الأساسية لذرة الهدروجين طلع معه الاندفاع يساوي اتش بار وهاد مو ممكن فيزيائيا .

هلق نحنا بصراحة ما منعرف ليش مستحيلة بس هيك مكتوبة بالكتاب ، بس منعتقد انو اذا كان الاندفاع بيساوي هالقيمة، حيكون الالكترون قريب جدا من النواة مما يؤدي لمنع دوران الالكترون حولها.

وكمان لو الاندفاع الزاوي كان معدوم ،
يعني L=0 معناها منكون لغينا الحركة الدائرية للالكترون وبيكون عم يتحرك حركة اهزازية بخط مستقيم ويعبر النواة، وهاد كمان غير ممكن.

🥲 وهاد الشي اثبتلنا عجز النموذج الكلاسيكي عن تفسير حركة اندفاع الالكترون.

👈🏻 وهنا اتى دور ميكانيك الكم :

اول شي ساويناه هون أنو لغينا اعتبار الالكترون جسيم يتحرك حول نواة مشحونة بشكل دائري ، ومع هيك ضل محتفظ باندفاع زاوي خاص فيه.
تاني شي لغيناه، حددنا قيم الاندفاع الزاوي
يعني قمنا بتكمية شعاع الاندفاع.

💡شو يعني تكمية؟
وقت نقول عن شيء انه مكمى، يعني هو خاضع لميكانيك الكم مو الميكانيك الكلاسيكي
فهو بيخضع للاحتمال بالدرجة الاولى وممكن ياخد عدة قيم بالوقت نفسه ومافينا نكون متاكدين من اي وحدة منهم ،فقط منعطي احتمال.

المهم
حسبوا قيم الاندفاع الزاوي المكمى وطلع معهم :
L=✓l(l+1)×h بار

👈🏻 طيب تعوا نتاكد اذا هالنموذج نجح بالنقاط يلي فشل فيها نموذج بور.

بفرض n=1
بيكون l=0
يعني L=0
وهي قيمة مقبولة بهالنموذج
متل ما منعرف وقت l=0 بيكون شكل مدار الالكترون كروي، وما حيكون معدوم متل نموذج بور.

بالتوفيق جميعاً يارب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

💡شرح مفعول زيمان

#Physics 🩻
#MP_Chapter_2
#Med_Help_Physics
@MedHelpForPreYears

نُكمل 🙏🏻

لما حطيت الذرة بهالحقل المغناطيسي
فنحن منضيف طاقة الحقل لطاقة الجملة ( ذرة - حقل خارجي ) الأصلية .

وطاقة الحقل : Ub=-uB

👈🏻 يعني العزم المغناطيسي ضرب الحقل.

اتجاهات العزم المغناطيسي مكماة ،وبيحددها العدد الكمومي m .

شو يعني ؟!🙂

بشكل بسيط رح اشرح العزم شوفو الصورة اللي تحت 😶‍🌫

عنا الكترون ( ويلي هو عبارة عن تيار كهربائي) حطيناه بحقل مغناطيسي، حركة الالكترون حول النواة حتولد حقل مغناطيسي بيتاثر بالحقل الاصلي فبيتولد عنا عزم مغناطيسي بيسبب بانحراف الالكترون وتغير شكل حركته.
هاد العزم بما انه ناتج عن الكترون، وكلشي بالالكترون خاضع لقوانين ميكانيك الكم ، فالعزم هاد مكمى كمان، وخاضع لهالقوانين، واله اتجاهات محددة وقيم محددة بحددها العدد المغناطيسي ml .

👈🏻 نحنا منعرف انو عندنا مدار رئيسي n مو ؟
طيب بهالمدارات الرئيسية عنا المدارات الفرعية l طيب لما ماعندي حقل مغناطيسي كل الامور تماما و l هي نفسا l .

👈🏻 هلا بقا نتيجة وجود الحقل المغناطيسي رح تنشطر هالطبقة الفرعية l ل ٣ طبقات يلي هنن الطبقات بوافقوا الاعداد الكمومية المغناطيسية.


#Physics 🩻
#MP_Chapter_2
#Med_Help_Physics
@MedHelpForPreYears

💡انشطار سويات الطاقة بمفعول زيمان

#Physics 🩻
#MP_Chapter_2
#Med_Help_Physics
@MedHelpForPreYears

🌟 فيديو رائع يوضح تجارب العلماء والسبين 🌟

#Physics 🩻
#MP_Chapter_2
#Med_Help_Physics
@MedHelpForPreYears

💡شرح السبين وتجارب العلماء ستيرن غيلاش وفيبس تايلور .


#Physics 🩻
#MP_Chapter_2
#Med_Help_Physics
@MedHelpForPreYears

⌛️ سنبدأ بسلسلة الأسئلة المكررة والهامّـة امتحانيًّا من الفصل الثاني بعد قليل .

يُرجى محاولـة حل السؤال قبل معرفة طريقة الحل ، حتى تتمكنوا أكثر من معلوماتكم 🙏🏻✨


#Physics 🩻
#MP_Chapter_2
#Med_Help_Physics
@MedHelpForPreYears

🌟 سؤال مكرر جدًا جدًا 🌟

هل يوجد فرق بين إلكترون مثار إثارة كذا
وبين الكترون مثار إلى الطبقة كذا ؟ 🤔

نعم يوجد فرق كبير.

👈🏻 عندما نقول أن الالكترون مثار إثارة ثانية فرضًا ، هذا يعني أنه في الطبقة n=3

👈🏻 ولكن عندما نقول أنه مثار للطبقة الثانية فهذا يعني أنه تم إثارته بغض النظر عن رقم الإثارة بحيث الآن يقع في الطبقة الثانية ومنه n=2 .

👈🏻 في الحالة الأولى يكون :

حالة أرضية ---> n=1
حالة مثارة أولى ---> n=2
حالة مثارة ثانية ---> n=3

👈🏻 بينما في الحالة الثانية لايهمنا رقم الإثارة وما يهمنا هو فقط رقم الطبقة ونعوضه كقيمة n .

إن شاءالله تكون وضحت 💜✨

⭐ رابط بوت المادة لأي استفسار :
@MedHelpPhysics_ALT_bot


#Physics 🩻
#MP_Chapter_2
#Med_Help_Physics 🔬
@MedHelpForPreYears

🌟 سؤال مكرر أيضًا من الفصل الثاني 🌟

🌻 الفرق بين إشارات الطاقات الموجبة والسالبة :

👈🏻 لدينا طاقة ارتباط مكونات النواة : هي موجبة ، لأننا نقدمها للنواة لفكها عن بعضها .

👈🏻 طاقة الجملة ( نواة - الكترون ) ، أي الطاقة الكلية لذرة الهيدروجين هي طاقة سالبة ، لأن الجملة مقيدة .

👈🏻 أما طاقة التأين ، هي طاقة موجبة
لأننا نقدمها للذرة لفك الكترون عنها .

إن شاءالله تكون وضحت 💜✨

🌟 رابط بوت المادة لأي استفسار:
@MedHelpPhysics_ALT_bot

بالتـوفيـق ✨

#Physics 🩻
#MP_Chapter_2
#Med_Help_Physics
@MedHelpForPreYears

⚠️ ورد سؤال دورة كالتالي : ⚠️

عدد الحالات الكمومية لذرة الهيدروجين في حالتها المثارة الثالثة بغض النظر عن السبين الالكتروني هو :

كيف أحلُّ هذا السؤال وما القانون ؟ 🤔

👈🏻 بدايةً قانون عدد الحالات الكمومية لذرة هو : n²
ولكن لدينا ذرة الهيدروجين في حالتها المثارة الثالثة هذا يعني ---> n=4
ومنه الجواب بهذه الحالة هو 16 .

وهو الجواب المطلوب.

🌟 إذًا بماذا أفادتني كلمة بغض النظر عن السبين ؟ (:

كما نعلم أنه بكل حالة من الحالات السابقة السبين ممكن أن يأخد قيمتين :
قيمة ---> موجبة .
وقيمة ---> سالبة .

👈🏻 هذا يعني بهذه الحالة من الضروري أن أضرب بـ 2 حتى أحقق كل حالة موجبة وسالبة ..
وبالتالي يصبح القانون : 2n² .

ومنه الجواب يكون 32 .
لذلك نبهونا بالسؤال وقالوا بغض النظر عن حالات السبين الالكتروني ، فقط الاعداد الكمومية بشكل طبيعي .
لذلك اكتفينا بالقانون n².

🔚 النتيجة :

بغض النظر عن السبين الالكتروني ---> n²

مع أخد الاعتبار السبين الالكتروني ---> 2n²

نأمل أن تكون الفكرة اتّضحت لديكم 💜✨

🌟 رابط بوت المادة لأي استفسار :
@MedHelpPhysics_ALT_bot

بالتـوفيـق ✨

#Physics 🩻
#MP_Chapter_2
#Med_Help_Physics
@MedHelpForPreYears

⚠️ نختـم أسئلة اليوم بأحد الأسئلة الهامـة من الفصل السادس ⚠️


🌟 سؤال أتى بدورة 2021 وفكرته غريبة جداً :

🔺 يعتمد بشكل أساسي على قوانين الاشتقاق .
و النتيجة النهائية يلي منستفيد منها أنو كل تغير 1% بدرجة الحرارة بيقابل 4% تغير بالتيار الحراري .

👈🏻 من الفصل السادس الأشعة تحت الحمراء IR .

بالتـوفيـق ✨

#Physics 🩻
#MP_Chapter_6
#Med_Help_Physics 🔬
@MedHelpForPreYears