💌 مثبتة دراسة العملي 💌

⚠️ تحوي على نوط العملي والسلايدات الخاصة بالعملي وملاحق امتحانية بالإضافة لدفتر الفيزياء ودفتر رسومات البيولوجيا

💭 دراسة عملي #البيولوجيا :
https://t.me/MedHelpForPreYears/7598

💭 دراسة عملي #الكيمياء :
https://t.me/MedHelpForPreYears/7596

💭 دراسة عملي #الفيزياء :
https://t.me/MedHelpForPreYears/7594

#Med_Help 💙✨
@MedHelpForPreYears

للتذكير دراسة العملي حصرا من هنا ، ولاسيما الفيزياء ف يوجد تغيير عن الملخصات والنوط ( الجلسات لم تعد مفيدة كونها تغيرت ) ، لذلك يجب الدراسة من الكتاب.

وتحتوي ايضا على رسومات البيولوجيا ودفتر للفيزياء وقريبا سيصدر دورات العملي وملاحق امتحانية.

بالتوفيق ❤️

مساء الخير 💚🌸

بعد اختتامنا لدراسة #الفصل_الرابع من مادة #الكيمياء اليوم ، فستكون خطتنا الآن على الشكل الآتي :
👈🏻 سنقوم بنشر بعض #الملاحظات_الهامة لهذا الفصل .
👈🏻 بعدها سنقوم بنشر ملحق اختبر معلوماتك لهذا الفصل أيضاً .
👈🏻 ختاماً سنقوم باختبار انفسنا و دراستنا باسئلة الدورات الوزارية .

دمتم بخير و لا تنسونا من صالح الدعاء 💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

طابت أوقاتكم جميعاً 💚✨

سنبدأ الآن بطرح بعض المواضيع و الملاحظات #الهامّة التي تخص #الفصل_الرابع من مادة #الكيمياء .

#سؤال_مكرر_بالامتحان ⚠️

كيف برتب المركبات حسب درجة الغليان؟

بسم الله نبدأ ..

🔹شو هي درجة الغليان؟
هي درجة الحرارة التي يكون عندها ضغط بخار السائل مساوي لقيمة الضغط الجوي.

👈🏻 هلأ نجي للحكي اللي بيهمنا :
أنا لما بقول درجة غليان مركب ما فبقصد درجة الحرارة اللي بتلزمني لحتى افكك الروابط بين الجزيئية اللي فيه.

⬅️ معناها الرابطة هون بتهمني ادرس قوتها لأن :

• إذا كان رابطة قوية ف رح يصير بدي حرارة أكتر لتفكيكها بالتالي ازدياد درجة الغليان.

• أما إذا كانت رابطة أضعف ف بدي حرارة أقل بالتالي قلت درجة الغليان.

⬅️ معناها :
🔺كلما ازدادت قوة الرابطة ازدادت درجة الغليان.
🔺كلما قلت قوة الرابطة قلت درجة الغليان.

دمتم بخير ولا تنسونا من صالح الدّعاء 💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

⚠️نكمل مع بعض #الملاحظات_الهامة لدراسة #الفصل_الرابع  في  #الكيمياء ⚠️

خلال دراستنا للفصل الرابع رح نتعرف عالقطبية ورح نصير نميز المركبات القطبية عن الغير قطبية ؛ طيب ..

🔹هل بتأثر القطبية على درجة الغليان ؟
طبعاً ، ليش ؟
👈🏻 لأن القطبية يعني وجود فرق كهرسلبية بين ذرات المركب بالتالي رح يصير جذب أكتر وبتزداد قوة الرابطة وطبعاً تزداد درجة الغليان.

👈🏻 ف إذا إجاني سؤال فيه :
3 مركبات لا قطبية ومركب قطبي ،
مين درجة غليانه اكبر ؟ القطبي طبعاً ، معناها :
🔺درجة غليان المركبات القطبية أكبر من درجة غليان المركبات اللا قطبية .

🔹طيب اذا اجاني كل المركبات لا قطبية شو بعمل؟🤔

👈🏻 في عنا قوى موجودة بجميع المركبات القطبية واللاقطبية واللي هي قوى فاندرفالس .

إذا ازدادت قوى فاندرفالس يعني ازدادت درجة الغليان (ماعاد في داعي نقول إنه كلما زادت القوة صار بدي حرارة اكتر بالتالي درجة الغليان بتزداد صح!🙃) .

🔹السؤال هو ايمت بتزداد قوى فاندرفالس؟
في عاملين اللي هنن:
• ازدياد العدد الذري (عدد الالكترونات=البروتونات).
• ازدياد نقاط التماس بين الجزيئات.

👈🏻 معناها عندي 4 مركبات لاقطبية كيف برتب درجات الغليان تبعهن؟
اول شي بتطلع عالعدد الذري وبرتب حسب ازدياده كلما ازداد ازدادت درجة الغليان.

👈🏻 طيب اذا طلع عندي مركبين نفس العدد الذري شو بعمل؟
بتطلع ع نقاط التماس كلما زادت زاد درجة الغليان (شوفوا الصورة بالكتاب ص64 لتفهموا القصد من نقاط التماس).
معناها :

🔺كلما ازداد العدد الذري أو ازدادت نقاط التماس ازدادت نقطة الغليان.

🔹طبعاً قبل ما تسألوا ليش بالمركبات اللاقطبية بنقارن حسب قوى فاندرفالس اما القطبية لا مع إنه موجودة فيها ؟🤔

👈🏻 الجواب هو إنه المركبات القطبية فيها قوى أقوى من فاندرفالس واللي هي ثنائي القطب الدائم لهيك فاندرفالس ضعيفة قدامها ف مابحسن قارن ع أساسها.

🔹ضل اخر شي واللي هو المركبات القطبية
في عندي هون حالتين :

1⃣ يكون عندي روابط هيدروجينية.
وجود الرابطة الهيدروجينية بزيد نقطة الغليان .
معناها :
🔺كلما ازداد عدد الروابط الهيدروجينة بالمركب ازدادت نقطة الغليان.

2⃣ إذا عندي مركبات قطبية بس مابتشكل روابط هيدروجينية.
قال بتطلع ع فرق الكهرسلبية
المركب القطبي اللي فرق الكهرسلبية بين ذراته أكبر معناها قوة رابطته أقوى بالتالي نقطة غليانه أكبر.
معناتها :
🔺كلما ازداد فرق الكهرسلبية ازدادت نقطة الغليان.

دمتم بخير ولا تنسونا من صالح دعائكم 💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

عُدنا من جديد 👀

هي تجميعة لأشكال وزوايا بعض المركبات الواردة بالكتاب .
👈🏻اتطلعوا عليهم بعد ما تدرسوا الفصل الرابع .

⚠️ تعديل صغير للصورة :
منحذف ال co2 يلي بالمربع الاول  الفوق عاليمين
ومنضيف  ملاحظة  كمان بنفس المربع عند  اول خيار :
《تطبق هذه الحالة على المركبات التي تحوي رابطة مشتركة (احادية) أو رابطة أحادية》.

بالتوفيق إن شاء الله 💚🌸

#Chemistry 🧪
#MC_Chapter_4
#Med_Help_Chemistry
@MedHelpForPreYears

أسعد الله أوقاتكم 💚🌸

يُقدّم لكم طاقم #الكيمياء مُلحق دقيق و شامل لحل اسئلة اختبر معلوماتك الواردة في الفصل الرابع 📝 .

بالتوفيق ولا تنسونا من دعائكم الطّيب💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

مساء الخير 💚🌸

مع ختام الفصل الرابع في مادة الكيمياء نقدم لكم اسئلة دورات هذا الفصل الوزارية على شكل Pdf

⭐️ رابط نوطة الدورات الوزارية كيمياء :
https://t.me/MedHelpForPreYears/7440

دُمتم بخير ولا تنسونا من صالح الدعاء 💚🙏🏻


#Chemistry 🧪
#MC_Chapter_4
#Med_Help_Chemistry
@MedHelpForPreYears

أسعد الله صباحكم بكل خير 💙🌸

وصلنا اليوم إلى أيام #الفيزياء من أسبوعنا الدراسي و سنبدأ اليوم بدراسة #الفصل_الثاني وسنقوم بدراسته على يومين  .

👈🏻 مصدرنا الدراسي المساعد هو فيديوهات د.محمد حلبي ، بحيث سنقوم بنشر الجزء الأول اليوم ، و الجزء الثاني غداً .

⚠️ حسب البرنامج الذي أصدرناه في بداية الأسبوع ، كما قد خصصنا يوم غد لدراسة الفصل الثالث من الفيزياء ، ولكن نظراً لقرار المحذوفات الجديدة ، فسنقوم بتمديد وقت الفصل الثاني ليومين بدلاً من يوم واحد . 

⭐️ رابط فيديو د.محمد حلبي للفصل الثاني_الجزء الأول :
https://youtu.be/j--nhqek8XA

⭐️ رابط بوت مادة الفيزياء لأي استفسار :
@MedHelpPhysics_ALT_bot

⭐️ رابط شات المناقشة العلمية :
https://t.me/+FFyKhqpP4yphMWQ0


دمتم بخير ولا تنسونا من صالح الدعاء 💙🙏🏻


#Physics 🩻
#MP_Chapter_2
#Med_Help_Physics
@MedHelpForPreYears

💌 مثبتة دراسة العملي 💌

⚠️ تحوي على نوط العملي والسلايدات الخاصة بالعملي وملاحق امتحانية بالإضافة لدفتر الفيزياء ودفتر رسومات البيولوجيا

💭 دراسة عملي #البيولوجيا :
https://t.me/MedHelpForPreYears/7598

💭 دراسة عملي #الكيمياء :
https://t.me/MedHelpForPreYears/7596

💭 دراسة عملي #الفيزياء :
https://t.me/MedHelpForPreYears/7594

#Med_Help 💙✨
@MedHelpForPreYears

للتذكير دراسة العملي حصرا من هنا ، ولاسيما الفيزياء ف يوجد تغيير عن الملخصات والنوط ( الجلسات لم تعد مفيدة كونها تغيرت ) ، لذلك يجب الدراسة من الكتاب.

وتحتوي ايضا على رسومات البيولوجيا ودفتر للفيزياء وقريبا سيصدر دورات العملي وملاحق امتحانية.

بالتوفيق ❤️

مساء الخير جميعاً 💙✨

نذكركم بالبوت الآلي 🤖 .

👈🏻 يتضمّن كل ما يهم الطالب و يحتاجه في أثناء دراسته ، بحيث يوفّر للطالب :

🔹الكتاب الجامعي لكل مادة.
🔹التصويبات و المحذوفات الوزارية《بالإضافة للمحذوفات الجديدة》لكل مادة.
🔹تسجيلات شرح للمنهاج لنخبة من دكاترة الجامعة و طلّاب الطب المتميزين.
🔹فيديوهات شرح لدكاترة مميزين في بعض المواد.
🔹فيديوهات سكيتشات ميد هيلب لمادة التاريخ.
🔹ملاحق Med Help المساعدة بجانب الكتاب ؛ مثل : ملحق قوانين الفيزياء 📖 .
🔹محاضرات Rbcs.
🔹متطلّبات دراسة العملي للمواد التي لها قسم عملي .

⚠️ مع العِلم أنَّ جميع الأعمال الجديدة التي ستصدر خلال العام ستتم إضافتها تباعاً على البوت .

⭐️ رابط البوت :
https://t.me/MedHelpRobot_bot

ودمتم بخير ولا تَنسونَا من صالح الدُّعاء 💙🙏🏻

#Med_Help 💙✨
@MedHelpForPreYears

جمعة مباركة عليكم جميعاً 💙🌸

مكملين اليوم بدراسة #الفصل_الثاني من مادة #الفيزياء

👈🏻 مصدرنا الدراسي المساعد هو فيديو الدكتور محمد حلبي .

👈🏻 مساءً سنقوم بنشر بعض الملاحظات الهامة لهذا الفصل .

👈🏻وفي الختام سنقوم بنشر اسئلة الدورات الوزارية على شكل استفتاءات لتختبروا دراستكم بها .

⭐️ رابط فيديو د.محمد حلبي للفصل الثاني الجزء الثاني والأخير :
https://youtu.be/9AoiXxiSVQc

⭐️ رابط بوت مادة الفيزياء لأي استفسار :
@MedHelpPhysics_ALT_bot

⭐️ رابط شات المناقشة العلمية :
https://t.me/+FFyKhqpP4yphMWQ0


دمتم بخير ولا تنسونا من صالح الدعاء 💙🙏🏻


#Physics 🩻
#MP_Chapter_2
#Med_Help_Physics
@MedHelpForPreYears

أسعد الله أوقاتكم 💙🌸

👈🏻 موضوعنا الآن هو عن :
نموذج بور لذرة الهيدروجين

🔹 بدايةً بور ما ابتكر نموذجه عن ذرة الهيدروجين من فراغ ؛ الي قام فيه هو التعديل على اخر نموذج كان واصله العلماء ليصحح الأخطاء الي فيه .

🔹 شو بميز نموذج بور للذرة عن النموذج الي قبله ؟
👈🏻 الي بيميزه عبارة عن 3 فرضيات فرضهم بور وهنن كالآتي :

1⃣ الالكترون الي بالذرة وهوة عم يدور حول النواة بيكون مستقر ، يعني ما عم يشع طاقة طول ماله عم يدور حول النواة .

2⃣ الالكترون بيدور بمدارات محددة الها ابعاد ثابتة عن النواة
🪄 وإذا بدو ينتقل من مدار قريب عن النواة لمدار أبعد بدو يمتص طاقة من برا.
🪄 وإذا بدو ينتقل من مدار ابعد لمدار اقرب بدو يصدر طاقة لبرا.

3⃣ مو الالكترون عم يدور حول النواة ؟
معناها عندو اندافع زاوي ( لانو كلشي بيدور اله اندفاع زاوي 😏)
قديش قيمة هاد الاندفاع الزاوي ؟
👈🏻 بيقلك بور هي القيمة متعلقة بالمدار الي عم يدور فيه الالكترون :
بتساوي رقم المدار ضرب ثابت بلانك المختزل ( ثابت بلانك المختزل هوة ثابت بلانك تقسيم 2Π ).

👈🏻من هالفرضيات ال 3 انطلق بور وعمل حسابات رياضية ليوصل ل  3 استنتاجات .

كل التوفيق يا رب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

مكملين معكم بملاحظات #الفصل_الثاني من مادة #الفيزياء 🩻

📝 استنتاجات بور :

1⃣ اول مدار لذرة الهيدروجين بيبعد عن النواة 0.0529 نانو متر .
👈🏻 واذا بدك تحسب كم بيبعد مدار ما عن النواة بتضرب هاد الرقم ب مربع رقم المدار .

2⃣ طاقة اول مدار لذرة الهيدروجين تساوي 13.606- الكترون فولط .
👈🏻 واذا بدك تحسب كم طاقة مدار ما بتقسم هاد الرقم على مربع رقم المدار .

3⃣ الفرق بين طاقتي مدارين متتالين بيقل كل ما بعدت عن النواة .
ما فهمت شي ☹️
👈🏻 يعني الفرق بين طاقة المدار الاول وطاقة المدار التاني كبير.
👈🏻الفرق بين طاقة المدار التاني وطاقة المدار التالت أقل .
👈🏻 والفرق بين طاقة المدار التالت وطاقة المدار الرابع بتصير أقل وأقل .
وهكذا ....
👈🏻يعني كل ما بعدت عن النواة أكتر ، كل ما كان الفرق بين طاقتي المدارين المتتالين أصغر ( يعني بيكون بدك طاقة اقل لتنقل الالكترون بين هالمدارين 😉)

بالتوفيق يارب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

عُدنا 👀

⚡️ الطاقة السالبة《بعبع الطلاب ☹️》.

كيف ثم كيف ثم كيف طلع مع بور طاقة المدار الأول 《13.606- الكترون فولط》؟!
هي اول مرة بحياتي بشوف طاقة سالبة 😕

💡كيف في طاقة سالبة وشو معناها ؟

💡أولاً بدي أسال سؤال ، كيف في أي شي بهالحياة سالب ؟
💡كيف في شي اقل من الصفر ؟
💡كيف في شي أقل من اللاشيء ؟

👈🏻الجواب ببساطة مافي .

💡لكن لشو منستخدم السالب نحنا ؟

👈🏻منستخدمها كاصطلاح لانو في شي عم يصير بس بالاتجاه المعاكس للاتجاه الطبيعي .

👈🏻 طيب حنشوف هلأ طاقة المدارات ونضربها بمثال من حياتنا الواقعية .
المثال الي رح نستخدمه هوة الارتفاع عن سطح البحر 🌊

🔹أول شي :

💡انت لما تكون واقف عند سطح البحر هل فعلا انت ارتفاعك 0 ؟
👈🏻 اكيد لا ، لو كان ارتفاعك 0 ما بتقدر تنزل اكتر ، بس نحنا بنقدر نغوص وننزل اكتر عادي 😎

💡طيب ليش الناس بيعتبروا سطح البحر هوة الصفر ؟
👈🏻ببساطة هاد (اصطلاح) اتفق عليه الناس لسهولة التعامل 😉 .
تخيل كل ما بدك تحكي عن ارتفاع منطقة او مدينة تقعد تقول ارتفاعها مدري كم الف كيلو متر ومدري كم متر عن مركز الأرض ☹️

👈🏻نفس الشي الالكترون الي برا الذرة ما بتكون طاقته ( فعلا ) صفر ، والدليل انو جرب خليه يفوت على الذرة ويقرب من النواة وشوف مقدار الطاقة الي حيطلعلك ياها ، معناها كان عنده طاقة 😏

💡 لكن ليش عم يقولوا طاقته صفر ☹️ ؟!
👈🏻 لنفس السبب  هاد ( اصطلاح ) اتفق عليه العلماء ، ليش ؟
مشان يوضحولك الحد الفاصل بين الالكترون المرتبط بالنواة وبين الالكترون الحر

🔹 تاني شي :

👈🏻 لما تكون انت بعمق البحر وغايص 100 متر معناها انت ( حسب الاصطلاح الي نحنا متفقين عليه ) ارتفاعك سالب وبتحتاج ترتفع 100 متر لتوصل للصفر الي هوة سطح البحر .
👈🏻نفس الشي بالنسبة للالكترون :
لما يكون مرتبط بالنواة وقاعد بالمدار الأول فهوة ( حسب الاصطلاح الي متفقين عليه ) طاقته سالبة وبيحتاج ياخد 13.606 الكترون فولط لتوصل طاقته للصفر

🔹 تالت شي :

👈🏻 الغواص الي غايص 50 متر اكيد اعلى من الغواص الي غايص 100 متر
هاد بده 50 متر ليوصل لل 0 و هاد بده 100 متر ليوصل كمان لل 0 .
👈🏻 منرجع للالكترون :
الالكترون الي بالمدار التاني اكيد طاقته اعلى من الالكترون الي بالمدار الأول .

منتمنى أنو تكون وضحت الفكرة بشكل كامل 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

متابعين معكم 🍃

⭐️ النظرية الكمومية :
هون وصلنا لاخر محطة من محطات نظريات الذرة ، النظرية الكمومية الي بتعتمد على مكيانيك الكم بشكل كامل .

🔷 طيب شو عملوا العلماء بهالنموذج ؟
👈🏻جابوا معادلة بتستخدم كتير بميكانيك الكم اسمها معادلة شرودنغر ، وحطوا فيها معطيات الالكترون الي بذرة الهيدروجين .
قامت جمعت طرحت ضربت قسمت وعطتنا 3 توابع .

قالوا العلماء معناها عنا 3 اعداد بتعبر عن الالكترون ، كل عدد منها مرتبط بتابع من هالتوابع .

هالارقام هنن : n و l و ml .

🔷 هالعلماء وهنن عم يدرسوا لاحظوا علاقات بتربط بين هالارقام 😳 ، شو هي العلاقات ؟؟

👈🏻 قال اول شي العدد n لازم يكون عدد صحيح بين 1 واللانهاية
👈🏻 العدد l لازم يكون عدد صحيح بين 0 وبين n - 1 .

💡يعني إذا اجاني سؤال وأحد الخيارات طلع فيها 《 l و n 》نفس القيمة بعرف انو هاد الخيار خطأ 😉.

👈🏻 اما العدد ml فلازم يكون عدد صحيح بين l- وبين l+ .

❕طيب عن شو بتعبر هالأرقام ؟
❕شو معناها ؟
خبوا هالسؤال معكم للبوست القادم 😶‍🌫

#Physics 🩻
#MP_Chapter_2
#Med_Help_Physics
@MedHelpForPreYears

حان وقت الجواب على السؤال في المنشور السابق 👀 .

⭐️ الدلالة الفيزيائية للأعداد الكمومية :

🔵 العدد الكمومي الرئيسي :

👈🏻 هالعدد بيساعدنا لنعرف طاقة الحالة المسموحة للذرة حسب العلاقة :
E=-13.6/n²

🔵 العدد الكمومي المداري :

💡بداية لازم نذكركم ببعض المفاهيم اللطيفة :

👈🏻 الاندفاع هو ببساطة كتلة الجسم بحركته.
👈🏻والاندفاع الزاوي هو الاندفاع الخطي ضرب نصف القطر.
🙌🏻 يعني ببساطة :  L=rP

👨🏻‍🏫 عنا عالم اسمو بور .
حب يعتبر الالكترون عبارة عن كتلة تتحرك على مسار دائري بسرعة معينة، وحسب الاندفاع الزاوي اله حسب الميكانيك التقليدي ونموذجه الذري ؛ قام طلع معه هالقانون :
L=nh (اتش بار)

🥲للاسف بور طلع مخطئ ونموذجه الذري بحاجة تعديل ؛ لأنو بالحالة الأساسية لذرة الهدروجين طلع معه الاندفاع يساوي اتش بار وهاد مو ممكن فيزيائيا .

هلق نحنا بصراحة ما منعرف ليش مستحيلة بس هيك مكتوبة بالكتاب ، بس منعتقد انو اذا كان الاندفاع بيساوي هالقيمة، حيكون الالكترون قريب جدا من النواة مما يؤدي لمنع دوران الالكترون حولها.

وكمان لو الاندفاع الزاوي كان معدوم ،
يعني L=0 معناها منكون لغينا الحركة الدائرية للالكترون وبيكون عم يتحرك حركة اهزازية بخط مستقيم ويعبر النواة، وهاد كمان غير ممكن.

🥲 وهاد الشي اثبتلنا عجز النموذج الكلاسيكي عن تفسير حركة اندفاع الالكترون.

👈🏻 وهنا اتى دور ميكانيك الكم :

اول شي ساويناه هون أنو لغينا اعتبار الالكترون جسيم يتحرك حول نواة مشحونة بشكل دائري ، ومع هيك ضل محتفظ باندفاع زاوي خاص فيه.
تاني شي لغيناه، حددنا قيم الاندفاع الزاوي
يعني قمنا بتكمية شعاع الاندفاع.

💡شو يعني تكمية؟
وقت نقول عن شيء انه مكمى، يعني هو خاضع لميكانيك الكم مو الميكانيك الكلاسيكي
فهو بيخضع للاحتمال بالدرجة الاولى وممكن ياخد عدة قيم بالوقت نفسه ومافينا نكون متاكدين من اي وحدة منهم ،فقط منعطي احتمال.

المهم
حسبوا قيم الاندفاع الزاوي المكمى وطلع معهم :
L=✓l(l+1)×h بار

👈🏻 طيب تعوا نتاكد اذا هالنموذج نجح بالنقاط يلي فشل فيها نموذج بور.

بفرض n=1
بيكون l=0
يعني L=0
وهي قيمة مقبولة بهالنموذج
متل ما منعرف وقت l=0 بيكون شكل مدار الالكترون كروي، وما حيكون معدوم متل نموذج بور.

بالتوفيق جميعاً يارب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

💡شرح مفعول زيمان

#Physics 🩻
#MP_Chapter_2
#Med_Help_Physics
@MedHelpForPreYears

نُكمل 🙏🏻

لما حطيت الذرة بهالحقل المغناطيسي
فنحن منضيف طاقة الحقل لطاقة الجملة ( ذرة - حقل خارجي ) الأصلية .

وطاقة الحقل :  Ub=-uB

👈🏻 يعني العزم المغناطيسي ضرب الحقل.

اتجاهات العزم المغناطيسي مكماة ،وبيحددها العدد الكمومي m .

شو يعني ؟!🙂

بشكل بسيط رح اشرح العزم شوفو الصورة اللي تحت 😶‍🌫

عنا الكترون ( ويلي هو عبارة عن تيار كهربائي) حطيناه بحقل مغناطيسي، حركة الالكترون حول النواة حتولد حقل مغناطيسي بيتاثر بالحقل الاصلي فبيتولد عنا عزم مغناطيسي بيسبب بانحراف الالكترون وتغير شكل حركته.
هاد العزم بما انه ناتج عن الكترون، وكلشي بالالكترون خاضع لقوانين ميكانيك الكم ، فالعزم هاد مكمى كمان، وخاضع لهالقوانين، واله اتجاهات محددة وقيم محددة بحددها العدد المغناطيسي ml .

👈🏻 نحنا منعرف انو عندنا مدار رئيسي n مو ؟
طيب بهالمدارات الرئيسية عنا المدارات الفرعية l طيب لما ماعندي حقل مغناطيسي كل الامور تماما و l هي نفسا l .

👈🏻 هلا بقا نتيجة وجود الحقل المغناطيسي رح تنشطر هالطبقة الفرعية l ل ٣ طبقات يلي هنن الطبقات بوافقوا الاعداد الكمومية المغناطيسية.


#Physics 🩻
#MP_Chapter_2
#Med_Help_Physics
@MedHelpForPreYears

💡انشطار سويات الطاقة بمفعول زيمان

#Physics 🩻
#MP_Chapter_2
#Med_Help_Physics
@MedHelpForPreYears