#مفقودات
#دمشق
بطاقة جامعية باسم بيان طارق طبيخ

اللي بلاقيها يحاكيناا عالبوت ولكم جزيل الشكر 💙

#تنويه
مر بالفصل السابع أنه الضغط الجزئي الأكسجين بكون ١٠٤ ملمز وبعدين قالوا بفقرة منحى تفارق الأكسجين-خضاب الدم أنو بكون ٩٥ ملمز
شو السبب بهل فرق هاد؟
منعرف انه الدوران بالرئة تغذوي وظيفي
لهيك بيختلط الدم القادم للقلب من الدوران القصبي (غير مؤكسج) مع الدم القادم للقلب من الدوران الرئوي (المؤكسج)
وكون الغير مؤكسج كميته قليلة نسبياً مقارنة بالمؤكسج لهيك بكون هبوط الضغط الجزئي لل O2 قليل

أول شي الودي بيتسخدم النورادرينالين والادرينالين يعني مستقبلات ادرينالية
انت لما تخاف بحاجة للود ومأمن بالاضافة لازم تمتلك القوة وعضلات لحتى تواجه خوفك وما لازم تسترخي او تهتم بالكماليات (الاكل عمليات الهضم) لهيك ودي (مسؤول عن حالات الخوف والكرب)
معناها الودي بدو طاقة وطاقة من اوكسجين( لاكسدة التنفسية) والسكريات
مستقبلات بيتا ١: القلب بيت الاسرار وهو واحد بالجسم لهيك بيتا ١
مستقبلات هي مسؤولة عن القلب بشكل اساسي
1.زيادة قوة ضربة القلبية
2.تسرع القلب
3. تحلل الشحوم ( القلب بيحتاج طاقة كبيرة والشحوم بتعطي طاقة كبيرة لهيك منحلل الشحم لنزود القلب بالطاقة)

مستقبلات بيتا٢: مسؤولة عن ارخاء وتثبيط(التثبيط يعني مافي كمون عمل يعني ارخاء)
1.ارخاء جدار المثانة(جدار المثانة هو العضلة النافضة او طارحة للبول وانا بحالات يلي بدي قوة ما لازم اطرح هالبول بتروح الهيبة🙃)
2.تولد حرارة ( طبعا بما انو انا عم أعمل أكسدة تنفسية لح تنتج كتير حرارة متل لما تركض)
3.ارخاء عضل الرحم
4. ارخاء الامعاء

مستقبلات ألفا مسؤولة عن تقبض ( لما توقف متل الألف بتشد ضهرك يعني بتقبض عضلات الظهر لهيك ألفا متل الالف تقبض)
1.تقبض أوعية الجلد والمخاطيات ( بيصفر وشي وقت الخوف وبينشف ريقي)
2.تقلص معصرات المثانة والامعاء
3.تنظم تحرير الناقل العصبي ( تحرير الناقل بيولد كمون عمل يعني بيقلص او بيفعل)
4.توسع الحدقة (تقلص عضلات شعاعية).

ألفا بترخي (إرخاء فيها ألف =أمعاء وأنسولين) شغتلين فقط ويلي هنن :
1.إرخاء المعاء
2.تثبط تحرير الانسولين ( انسولين بيفوت الغلكوز عالكبد وبيخزنو وانا بحالة الودي بدي طاقة يعني بدي اعمل اكسد للغلكوز لهيك بوقف تحريرو)

#هامش هالطريقة لحتى تخليك تفهم الفكرة وبعدا تحفظا

بس شوية تركيز💔 وح ينزل التوضيح بعد شوي

هلأ بالنسبة لهاد السؤال
تروية القلب عم بتكون من اوعية بالشغاف اللي هيي طبعا الاوعية الاكليلية وهي الاوعية لما بصير انقباض بالقلب ف حتنقبض كمان وبالتالي ح تقل التروية أما أثناء الانبساط بتتوسع وبتزيد التروية وهو الخيار الصح
وأكيد بيتأثر بالدورة القلبية
أما بالنسبة لتسرع القلب (وهو اللي الغالبية مخربطين فيه)
لما بيتسرع القلب كتير حيزيد زمن الانقباض وبالتالي ح يزداد الضغط عالاوعية بالشغاف يعني حتتضيق وتقل التروية لكن بما انه زاد عمل القلب ف حتزيد حاجتو للاستقلاب والغذاء يعني لازم تتوسع الاوعية اللي عم ترويه
فأثناء تسرع القلب ح تنضغط الأوعية القلبية من جهة وح تتوسع من جهة وبالتالي ما ح تتأثر التروية القلبية او حتى ممكن تقل
لذلك الجواب الصح قطعا هو B وهو سؤال دورة تكميلية

@MedHelpForPreYears

وهاد ليه هيك الاجوبة😕
1 الأدرينالين يفرز بس من لب الكظر (بتفرز تقريبا 80% ادرينالين و 20% نورأدرينالين) أما النهايات العصبية بتحرر فقط نورأردينالين
2 و4 مذكورين بشكل صريح بالكتاب
3 هو الجملة الخطأ لان الكورتيزول يزيد حساسية الأوعية الدموية للمقبضات
أما هو ما بقبض يعني اذا الدم مليان كورتيزول وما في ابدا مقبضات(متل الادرينالين مثلا) مستحيل يصير تقبض لان الكورتيزول لحالو ما بقبض

@MedHelpForPreYears

🔥الأعضاء التي لا يؤثر فيها التنبيه النظير الودي :

عم اشعر(العضلة الناصبة للشعر) بالحر وعرقان(الغدد العرقية) من الشوب حاسس شحمي (الخلايا الشحمية) رح يدوب كمان رح اشعل(العضلات الشعاعية بالقزحية) المكيف ورح اطحن (الطحال) شوية ثلج واعمل كاسة لبن (لب الكظر) مشان انتعش شوي .

ولا تنسوا بالنسبة للقلب النظير الودي ما بيتدخل إلا بالنبض (تباطؤ) وبالتوصيل (تناقص)

🔥الأعضاء التي لا يؤثر فيها التنبيه الودي :

ودي (أريد بالخليجي 🤗) اضربك على معدتك وأمعائك خليك تدور من الوجع وتبكي متل الولاد .
👈المعدة،الأمعاء،العضلة الدائرية في القزحية،الغدد الدمعية

#فيزيولوجيا_فصل_4

أفكار الفصل الرابع فيزيولوجيا #AF10

@MedHelpForPreYears

#هل_تعلم
هل تعلم أنه باقي يوم ونص ل تفوت على آخر امتحان بهالسنة
وهل تعلم أنه باقي يون ونص وساعة ونص ( و ٥د 😂) لتخلص من سنة التحضيري كلها قشة لفة
هالشي بيعطيك دافع وأمل كبير ⁦❤️⁩
وبالنهاية شو ماكان فرزك وشو ماكان معدلك
إعلم أنه الله هيك كتبلك.. والله ما بيكتبلك إلا كل خير ⁦❤️⁩🤩
شدوا الهمة
مجرد ما سلمتوا الورقة .. بهي اللحظة سلمتوا التحضيرية كلها وشلتوها من همكون .. بهاللحظة ستتنفسون الصعداء 😂⁦❤️⁩
ربي ييسرلكم ويختارلكم كل خير ، ولايضيع تعب حدا ⁦❤️⁩
بالتوفيق أطبّاء وصيادلة المستقبل 🤩
#AF10

ليست رسماً أو صورةً على Photoshop
بل هي قوة التوتر السطحي في لحظةٍ زمنيةٍ معينة..

شباب لو سمحتو طلب صغير و آخر واحد
بكرى كلنا بإذن الله منطلع بعلامات منيحة الله كريم❤️
بقى بلا ما نزت الوراق على الارض لان في حدا بعمر والدي او والدك بدو يلم من ورايي و وراك
ما حلوة والله
كلنا بدنا نطلع فرحانين انو خلصنا و حقنا هاد ، بس بلا زت الوراق بالارض الله يوفقكم لان شفتوا السنة الماضية اديش توسخت الارض من يلي قبلنا
هل محاضرة بجوز حدا يستفاد منها بعدك و خاصة الوضع صعب حاليا..
وشكراً لتفهمكم دكاترة المستقبل ⁦❤️⁩⁦❤️⁩🤩

@MedHelpForPreYears

ملحق الفصل السابع فيزيولوجيا

@MedHelpForPreYears

جدول يلخص السعات والحجوم الرئوية
#AF10
@MedHelpForPreYears

التبادل الغازي في الرئتين والنسج

#AF10
@MedHelpForPreYears