صباح الخير جميعاً ❤️..
بوست قد يكون يكون متأخر قليلا ☹️..
لكن بناء على كثرة استفساركم عن مادة الوراثة الطبية.
الوراثة الطبية ١٦ فصل ٢ محذوفين الا وهنن ١٢+١٥.
وفي محذوفات أخرى من داخل الفصول كالكتابة يلي بالأزرق.

رح اشرح المادة إن شاء الله على منصة يوتيوب بشكل مجاني تماما.

خطة الدراسة :
سنبدأ بالفصل الثالث و نجرها إلى أن نصل للفصل ١٠ من أجل ترابط الأفكار.

يبقى لدينا الفصل الأول والثاني وال ١١+١٣.

الفصل الثالث يتحدث عن بنية النكليوتيدات والدنا بشكل عام يلي الرابع الذي يتحدث عن تضاعف الدنا والخامس الذي يتحدث عن انتساخ الدنا ثم السادس الذي يتحدث عن ترجمة الرنا
السابع يتحدث عن آليات التحكم بما سبق وذُكر ثم الثامن يتحدث عن التقانات ( pcr على سبيل المثال وكيف يمكن ان نستفيد من الأمور التي درسناها بالتحليل و و )
التاسع يتحدث عن انواع الطفرات
العاشر يتحدث عن الطفرات والامراض بحد ذاتها

سنبدأ اعتبارا من الأسبوع القادم على قناة التشريح والوراثة بحدول أسبوعي يتضمن :
◾ماذا أدرس في هذا الأسبوع؟
◾من أين أدرس؟
◾ روابط الفيديوهات .
◾ملاحق pdf تضعها بجانب الكتاب أثناء دراستك.
◾وأخيرا ملحق دورات شامل للموضوع المطروح لتختبر نفسك.

تقريبا حسب الخطة الموضوعة يبقى شهر أو اكثر قبل بدء الفحص نكون بعون الله انهينا المنهج.

والشهر للمراجعة.

رابط القناة هو :
https://t.me/Ah_Med_Anatomy

نرجوا الله التوفيق في عملنا هذا ❤️.

ومابدنا نضحك ع حالنا..كل مواد الفصل بتندرس ومابتحتاج لدورات ودفع هالمبالغ الطائلة يلي عم تحطوها مع الأسف ، وفي ألف مصدر مجاني عربي أجنبي عاليوتيوب
المادة بسيطة وسهلة وبتندرس وفيك تجيب مية بدون أي شي لاكورس ولا مورس ولا دورات .

بس عندك الفصل ٧+٨ بدهم شوية شغل فقط لاغير.

دمتم بخير ولاتنسونا من صالح دعائكم 🌹🙏

#الفيزيولوجيا
#الفصل_الثاني

متل ما اتفقنا بدنا نفصل بالأطوار يلي حكينا عنهن بالبوست الماضي

أ- دور الراحة :
يعني كامن الغشاء في أثناء الراحة قبل نشوء كامن الفعل
و اتفقنا أنو قيمتو -90
و بكون كامن الغشاء شديد السلبية

ب- دور زوال الاستقطاب Depolarization stage :
تذكر معي .....
زوال يعني صوديوم
قصدي
الغشاء بهي المرحلة فجأة شديد النفوذية لشوارد الصوديوم ...
يعني شوارد الصوديوم عم تتدفق لجوا الخلية بكميات هائلة
و تذكر قبل ما يفوت الصوديوم .... كامن الغشاء شديد السلبية ... وقت الصوديوم صار يفوت و بغزارة ..بصير عندي ارتفاع سريع للكامن بالاتجاه الموجب

وهلق ببلش عندي دور عودة الاستقطاب Repolarization Stage :
بعد ما صار الغشاء شديد لشوارد الصوديوم
تبدأ قنوات الصوديوم بالانغلاق
تذكر أنا بدي رجع الغشاء شديد السلبية
بعد ما سكرنا قنوات الصوديوم
بدها تفتح قنوات البوتاسيوم
نفس المبدأ
فتحت قنوات البوتاسيوم و صار عندي انتشار سريع لشوارد البوتاسيوم (للخارج )

بالنهاية يعود كامن الغشاء السالب السائد في أثناء الراحة 😁

برأيي هيك الفكرة ... احفظوها بشكل قصة 😉

⭐ رابط بوت الفيزيولوجيا لأي استفسار:
@MedHelpPhysiology_bot

بالتوفيق يا رب 🌻💚

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

رجعنالكم مع أحلى فقرة وهي :
◾The Absolute Refractory period ◾

فترة الحران المطلق
الحران بتشبه كلمة حردان 😂
المهم
يعني متل أخونا الصغير وقت منكون عاملين العمايل و منجي بدنا نراضي بالمصاري بالأكل بس مافي أمل 😁
يلي بقصدو التالي :
الحران المطلق هي فترة بعد ما يبدأ العصبون بانتاج كامن فعل يصبح عاجزا عن توليد كامن فعل آخر
طيب ليش؟!
🔺لأن بكون في عندي كتير قنوات الصوديوم مفتوحة أصلا
🔺و بعض القنوات الصوديوم تكون معطلة الفعالية و لا تفتح استجابة لأي تنبيه أبدا مهما بلغت قوته
وهي الفترة تشمل
أ- الطور الصاعد لكامن الفعل
ب- القسم الأول من الطور النازل

◾The Relative Refractory period ◾
فترة الحران النسبي
بتصير مباشرة فترة الحران المطلق في زمن حدوثها
يعني هي بيرجع العصبون خلالها قدرته على إنتاج كامن فعل جديد
طيب ليش ؟!
أ- انغلاق بعض قنوات البوتاسيوم المبوبة الفولطاج
ب- انعتاق بعض قنوات الصوديوم المبوبة فولطيا من حالة تعطيل الفعالية و بترجع لحالة الإغلاق الذي يسود في حالة الراحة

هي الفترة بتتمثل ب :
أ- طور فرط الاستقطاب
ب- القسم الأخير من الطور النازل لكامن الفعل

ان شاء الله تكونوا عم تفهموا و تثبتوا الأفكار بهي الطريقة 😇

⭐ رابط بوت مادة الفيزيولوجيا لأي استفسار :
@MedHelpPhysiology_bot


وإلى هنا نكون قد وصلنا إلى ختام رحلتنا مع مادة الفيزيولوجيا لليوم 🎉❤️

بالتوفيق يارب ❤️✨

#Physiology 💉
#MP_Chapter_2
#Med_Help_Physiology
@MedHelpForPreYears

🔴 #خبر | #Med_Help | #جامعة_طرطوس:

#برنامج الفصل الدراسي الثاني للعام الدراسي 2021-2022
ويبدأ العمل به اعتباراً من يوم السبت 12/3/2022

#Med_Help_Tartous
@MedHelpForPreYears

🔴#هام | #جامعة_البعث | #Med_Help :

جدول دوام النظري للفصل الثاني

#Med_Help_AlBaath
@MedHelpForPreYears

#English
الله يعطيكن العافية جميعاً 🔥
انطلاقاً من سلسلة البوستات التعريفية لمواد الفصل الثاني،منكمل معكن ببوست تعريفي عن مادة ال English 🔥

- المادة تتمة للفصل الاول (نفس الكتاب للفصلين) بس درستو أول ثلاث فايلات فصل أول، هاد الفصل رح تدرسو 4 و 5 و 6
اما الفايل 7 محذوف 💃

💥المادة تعتبر بسيطة كمعلومات
وكدراسة قدام ال4 مواد بالفصل الثاني

🔸شو السبب يلي جعل بعض طلاب الدفعات السابقة تحصل معدل أعلى بالمواد الثانية اما مادة ال English طلعت مو معدل؟ 🧐
- من الطبيعي انو الطالب يلي درس تشريح او فيزيولوجيا طول السنة وعادها مرتين انو يجيب فيهن معدل(بغض النظر عن صعوبة الاسئلة بعدين، هون بقيت توفيق من الله)

💥يلي بدي اوصلو بالنسبة لمادة ال English ؛حاول تدرسها ولو كل يوم نصف ساعة /ساعة
حاول ادرس جزء بسيط من الgrammar أو الvocabulary باليوم، وصدقني رح تلاحظ تحسن بمستواك جداً🔥

🔸اذا كان مستواك عالي جبت معدل،اذا مستواك ضعيف او وسط ما بتجيب معدل ..؟
هالكلام فيه جزء من الصحة، يعني أي حدا حياتو كلها مقضيها شغل على مستوى اللغة، رح يشوف المادة بالتحضيري بسيطة جداً ومافيها شي جديد ورح يروح على امتحان اللغة باخر السنة مجرد تسلاية 🥳

▫️طيب انت يلي مستواك مو جيد راحت عليك مثلاً ؟
حكيت قبل، اذا درست ولو نص ساعة او ساعة باليوم من منهاجك كتير هاد الشي رح يساعدك بتحسن مستواك و يسهل عليك تعب اسبوع مادة 😍

🔸 منجي عالفكرة يلي اغلبكن هلا عم يفكر فيها..
- "أنا هاد الفصل بدي حسّن مستواي باللغة، شوفي كورسات او مواقع عالانترنت او حتى معاهد اقدر فيها اوصل لمستوى الطالب الخارق او حتى رفع مادة اللغة معدل ؟ "

- كلمتين بس؛ هاد الشغل يلي عم تفكر فيه فيك تتركو للسنة الجاي.
لان السنة التحضيرية هي سنة مصيرية بالنسبة الك ولازم تتعب على جميع مواد هالفصل "بلا استثناء " لتدخل الفرع يلي بدك ياه ، اما انك هي السنة تترك كل شي مواد عندك وتروح بس لمستوى اللغة وبالآخر تروح عليك السنة وتنزل هندسات او تنشلف ع شي محافظة ؟
شغلك منطقي هيك؟🙃

- "طيب انا مستواي جداً ضعيف وما بدي ارجع كرر ضربة الفصل الاول بهالمادة معقول ضل ع مستواي؟ "

- منرجع نكرر، ادرس ساعة او ساعتين باليوم منهاجك نفسو ،لا تترك المادة لاسبوعها، واذا حسيت فيك تتابع شرح لقواعد منهاجك من أي منصة تعليمية عاليوتيوب او غيرو لا تقصر 🔥
+
فيك بوقت فراغك تتابع friends مثلاً أو أي مسلسل أو فلم أو تسمع اغاني او تتابع اخبار او تشوف فيديوهات،هي طريقة انك تحسن مستواك شوي شوي بدون ما تنتبه 🔥🥳

+ منجرع نكرر، مو غلط تتابع كورسات مثل Z american Englishأو taleek أوBritish council أو غيرو كتير بس مو عحساب دراستك للمواد التانية يعني اذا قدرت تنظم وقتك صح بحيث لكل شي وقتو الكافي🔥
بس ضروري تدرس المادة خلال السنة🔥

🔸تفاصيل المادة :
متل الفصل الاول،الا انو القواعد شوي ادسم واصعب فانتبه عليهن
ال vocabulary: سهلة نوعاً ما

💥 في تطبيق انا بستعملو اسمو Ulangi؛ بيساعدك بحيث أي مصطلح جديد وبدك تحفظو ،بتفتح التطبيق بتسجل عليه الكلمة وشرح صغير الها على شكل flash card، وبتعمل مراجعة ايمت ما صحلك وقت "بالمواصلات مثلاً" ،وحتى التطبيق فيه ميزة انو بيعملك اسئلة كل فترة للمصطلحات يلي كتبتا
💥 كتابة كل مصطلح بياخد معك دقيقتين،بس صدقني رح تلاقي نتيجة هالدقيقتين🔥

- الرايتنغ شفتو فصل أول كيف بتجي اسئلتو بس صراحةً هاد الفصل واضحة قواعدو اكتر من الفصل الاول وبتعرف شو تدرس🏃‍♀

- "طيب مشان النص شو بقدر اعمل؟ الفصل الماضي خلص وقت بالامتحان وما لحقت وبالآخر شلفتو؟😕 "
-صديقي كتابك مليان نصوص وعندك نصوص الدورات الموجودين بملحق الاربسيز لو بتمرق كل يوم شوي او بوقت فراغك تفتح فيس بتلاقي مقالات قصيرة هاد الشي كتير بيعمل عندك مرونة للقراءة🔥
طبعاً أكيد نصوص الكتاب كافية
ولا تنسى تسجيل كل كلمة صعبة🔥

🔸مصدر دراسة المادة :
عندك محاضرات RBCs او الكتاب اذا قدرت تتعامل معو(كلو موجود بالبوت الآلي)
@MedHelpRobot_bot
حل دورات بنهاية كل محاضرة اربسيز
+ بحال استصعبت عليك شغلة لا بأس تدور عاليوتيوب شرح لهي الشغلة
+ فيك تسأل بوت ميد هيلب المخصص للمادة 🥳

🔸 أعمال فريق ال English ضمن Med Help :
رح نكون معكن بكل وقت ونجاوب عكل استفسارتكن على البوت المخصص للمادة
@MedHelpEnglish_ALT_bot
+اكيد رح نقدم كلشي منقدر عليه لتسهيل الشرح عليكن😍
من بوستات توضيحية،ملفات،صور فويسات،اسئلة مكررة ...
وكل شغلنا رح ينزل ع قناة Med Help بهاشتاغ
#Med_Help_English🔥
رابط القناة:
https://t.me/MedHelpForPreYears

وبالنهاية موفقين جميعاً يارب❤️
واتذكر دائماً انو أصل القمر نجمة✨
والألماس ما بصير ألماس إلا إذا تعرّض لضغط وحرارة شديدين 🤎🤎
و أنت فيك تأبدع حتى لو كان مستواك ضعيف لأن كل واحد ما انولد مع قدراتو وفيك تلألئ بالسماء ولو كنت مجرد نجمة صغيرة🌟

بشأن برنامج الوراثة والتشريح
شاهد هذا البوست :
https://www.facebook.com/groups/364523431785373/permalink/486221396282242/

صباح الخير جميعاً وجمعة مباركة ❤️🥰.

كـما وعدناكم الجدول الأسبوعي لمادتي التشريح والوراثة.

هذا الجدول فقط من أجل أن تتأهبوا للغد ، لأنه من الغد ان شاء الله سنبدأ مسيرتنا وإيّاكم في المادتين.

الخطة كالتالي :
🔹تشريح :
◾نشاهد الفيديوهات .
◾نكررها في حال لم تثبت لدينا المعلومة وهو أمر طبيعي.
◾نعود لدراستها من الكتاب ونضع السلايدات جنبنا للمساعدة.
◾نحل الدورات وسأقوم بتنزيلها على شكل pdf مقسم حسب الفصول.

▫️رابط فيديو الفصل الأول :
https://youtu.be/zwmh1Adio40
▫️رابط بلاي ليست الفصل الثاني :
https://youtube.com/playlist?list=PLM8fl_nxcUH6GlvMfvvnDA9RfZhvdYqSl
🔹الوراثة :
◾نشاهد الفيديوهات مرة واحد ( مشروح فيها بالتفصيل وحرف حرف حتى رسمات الكتاب مشروحة )
◾تعود للكتاب وتقوم بتقليبه 😎.

▫️رابط بلاي ليست الفصل الثالث :
https://youtube.com/playlist?list=PLM8fl_nxcUH47yiI9vyjdaMWaFaBxPah5
▫️رابط بلاي ليست الفصل الرابع :
https://youtube.com/playlist?list=PLM8fl_nxcUH6PnOZbDizAxrE5fkpAKLgT

ولاتنسوا الاشتراك بقناة التلغرام :
https://t.me/Ah_Med_Anatomy
بالتوفيق ولاتنسونا من صالح دعائكم 🌹.

◾برنامج الأسبوع ◾

-السبت : الفصل الأول تشريح.
-الاحد : الفصل الثالث وراثة.
-الاثنين : من أول الفصل الثاني تشريح وحتى العظم القذالي.
-الثلاثاء : الفصل الرابع وراثة.
-الأربعاء : العظمان الوتدي + الصدغي
-الخميس : القحف الحشوي.

- الجمعة : تشييك عالتقصير او في حال عدم تركيز فقرة.

بالتوفيق ❤️🙏.

@Ah_Med_Anatomy

أنت الحياة ، أنت الأمل ، أنت الوعد الصادق ، أنت اليد الدافئة ، وأنت القلب الحنون ، أنت طبيب الغد ، أنت الوسيلة لشفاء المرضى بإذن الله ، هناك إنسان في هذه البقعة الأرضية ينتظرك بعد سنوات لِتُدخل السّلام والرّاحة إلى قلبه و تعالجه علاجاً عجز أطباء كُثر عن فعله ، أنت المعجزة !
لذلك لا تستسلم ، قاوم حتّى الرمق الأخير ، محاولاتك التّي اخفقت فيها كلّها سبيل لتقّدمك أكثر و أكثر ، فقط استمر بالمحاولة ، في هذه المعركة أنت لا تملك إلا خيارين ؛ إما الفوز أو الفوز ! ، أسرع ؛ فهناك مسؤولية كبيرة تنتظرك ، هناك إنسانيّة بأكملها تنتظرك أيها الطبيب الرائع !
#Med_Help_Be_Optimistic❤️😌
@MedHelpForPreYears

#الفيزيولوجيا
#الفصل_الثاني
#Med_Help_Physiology 💉

#الفيزيولوجيا
#الفصل_الثاني
#Med_Help_Physiology 💉

#الفيزيولوجيا
#الفصل_الثاني
صورة من مرجع أطلس للنسج توضح بشكل أكبر..
#Med_Help_Physiology 💉

#Med_Anatomy 💀

Introduction To Anatomy | مدخل إلى علم التشريح
للمشاهدة بدقة عالية على يوتيوب:
https://youtu.be/zwmh1Adio40

الفيديو مقسم إلى قسمين :
من البداية وحتى الدقيقة ٧ هي تتحدث عن كيفية دراسة مادة التشريح.

من الدقيقة ٧ وحتى نهاية الفيديو تشرح الفصل الأول في مادة التشريح.

بالتوفيق ولاتنسونا من صالح دعائكم ❤️.
https://t.me/Ah_Med_Anatomy

ملحق #الفصل_الأول .
يتضمن :
🔸صور شرح الفصل .
🔸مصطلحات الفصل .

بالتوفيق يارب ❤️.
@Ah_Med_Anatomy

#Med_Anatomy 💀

ملحق دورات #الفصل_الأول.
يتضمن دورات 2017+2018+2019+2020+2021.
عدد الأسئلة وسطياً في كل دورة ٢-٣ أسئلة.

بالتوفيق يارب ❤️.
@Ah_Med_Anatomy

انتهينا من الفصل الأول في مادة التشريح.

نبدأ غد بالفصل الثالث في مادة الوراثة الطبية.

ويلي عنده أي سؤال يتفضل إلى المعسكر :
https://t.me/Anatomical_Camp

#الفيزيولوجيا
#الفصل_الثاني
#سؤال_مكرر
#Med_Help_Physiology 💉
شو هي فعالية التقلص العضلي؟
عم يشبهو العضلة ك آلة
فالعضلة هي الها فعالية وتعريف الفعالية كم الطاقة المستخدمة بالعمل وليست الطاقة الضائعة على شكل حرارة
بعمل العضلات بتلاقي في جزء من الطاقة المستخدمة عم يضيع على شكل حرارة نحنا فعليا بدنا كمية الطاقة المستهلكة لهيك حكولك انو كمية مدخول الطاقة هيي 25 بالمية فقط من كمية الغذاء المجمل
طبعا نحنا منحصل على الطاقة من حرق واكسدة الاغذية
بفرض انو الاغذية هي 100٪ عم تعطي طاقة وأثناء التفكك رح تعطي 50٪ طاقة لتشتغل العضلة و50 بالمية حرارة
معناها منسفيد من 50 بالمية فقط
هال50 بالمية راحت عالعضلات واثناء عمل العضلات صار في كمان استهلاك ع شكل حرارة بنسبة 25 بالمية
وبالتالي استفادت العضلة من 25 فقط
اذا جمعنا كمية الحرارة المتشكلة بتطلع فعلا 75
وكمية الطاقة المستخدمة يلي هيي الفعالية 25
ومنلاقي التعريف والمعادلة صحيحة
بعدين حكو بالفقرة كيف فينا نحصل على ال25 بالمية كاملين بدون اي نقص
هاد الشي بيتم عن طريق التقلص سوي السرعة
هاد الشي كتير يكون موضع اهتمام للي بيلعبو رياضة او نادي كمال اجسام لانو اول نصيحة بيقولوها
التركيز اثناء التمرين لا تعمل التمرين بسرعة كبيرة
ولا ببطئ كبير اشتغل بشكل وسط لتحصل على الاستفادة

لانو التقلص البطيء رح يصرف حرارة بشكل كبيرة وجزء بس من ال25 بالمية رح يروح للعضلات والباقي منا رح ينكب حرارة وبالتالي ما استفدنا

واذا بسرعة زائدة الاحتكاك بين الالياف العضلية عم يعمل صعوبة بالامر ونتيجة الاحتكاك كمان عم ينتج حرارة والطاقة عم نستخدما لنغلب الاحتكاك مو لنقوم بالعمل

فحسبو السرعة وطلعت لازم يكون سرعة التقلص 30٪ لتاخد العضلة كل الطاقة وتستفيد منها

✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears

هيك أصدقائي منكون أنهينا الفصل الثاني من مادة #الفيزيولوجيا كاملاً إن شاء الله
ورح ننزل رسالة تجمع روابط كل البوستات اللي نزلت وبتخص هالفصل
وبكرا رح نتابع بالفصل الثالث بإذن الله
وأعود وأنوِّه يُفَضَّل بدء دراسة المادة من الفصل الثاني ..
وأي حدا عندو سؤال فيه يسأل عالبوت المخصص بالمادة:
@MedHelpPhysiology_bot

وكل التوفيق يارب❤️❤️

#الفيزيولوجيا
#شروحات_Med_Help
#الفصل_الثاني :

🔹 الأنسجة المستثارة

🔹 أنواع النقل الفاعل:

▪️ النقل الفاعل الأولي

▪️ النقل الفاعل الثانوي


🔹 مضخة الصوديوم-بوتاسيوم

🔹 عمل المضخة بالاتجاهين

🔹 الصوديوم والبوتاسيوم

🔹 كامن الغشاء في الانسجة المستثارة

🔹 أطوار كامن الفعل

🔹 الحران المطلق والحران النسبي

🔹 العضلة ومكوناتها

🔹 الميوزين

🔹 فعالية التقلص العضلي

كل التوفيق يا رب..
ولا تنسونا من صالح دعائكم ❤️✨

#Physiology
#MP_Chapter_2
#Med_Help_Physiology 💉
@MedHelpForPreYears