بما انو كلو عم يدور على كتب
فهاد غروب للتبادل :
https://t.me/exchbopre

فيما يخص التشريح والوراثة :
https://t.me/Ah_Med_Anatomy/78

رح نحاول نضغط البرنامج بحيث يخلص قبل حدود شهر او ٣ اسابيع من الفحص.

لكن الاستطلاع بس لنشوف الموافقة.
الدراسة تبدأ من الأسبوع القادم إذا.

نسأل الله التوفيق ، وبهالفترة رح نوزع البرامج.

لاتنسونا من صالح دعائكم ❤️

رابط القناة:
@Ah_Med_Anatomy

#تعديل : عالبرنامج بزيد أكتر من ٥ أسابيع إن شاء الله ، وهاد شي وسطي كونه ماتحدد ايمت الفحص بالضبط.

🔴#هام | #السنة_التحضيرية | #جامعة_تشرين :

علامات حملة الفيزيولوجيا

#Med_Help_Tishreen
@MedHelpForPreYears

#فيزيولوجيا

يسعد أوقاتكم 🖤
اليوم بهاد البوست ح نحكي عن مادة الفيزيولوجيا يلي تعتبر من أمتع المواد والأقرب للقلب والطب وبتحكي عن وظائف الأجهزة والأعضاء الموجودة بجسمنا..
ومع الأسئلة المعتادة:

💢 ما هي مصادر المادة ؟!
طبعاً لا ننصح الا بالكتاب لكن في حال كان الكتاب تنسيقه صعب على البعض ولم يتأقلم عليه ف ممكن محاضرات RBCS او اي مصدر تاني بترتاحوا فيه فبالنهاية المعلومات نفسها مع اختلاف التنسيق والمهم تحصيل العلامة لكن يُفضل ان يكون الكتاب بجانبه حصراً

💢 عن شو بتحكي المادة وطريقة دراستها ؟!
متل ما ذكرت سابقاً هي بتحكي عن وظائف الأجهزة والأعضاء بالجسم وآلية عملها ( مثل جهاز الدوران والتنفس و .. ) وهي عبارة عن ١٢ فصل لكن #الفصل_التاسع محذوف ...
وهي المادة بعتبرها من السهل الممتنع لانها صعبة قبل ما تنفهم وسهلة جداً بعد الفهم لذلك رجاءً لا تبصموا ولا كلمة فيها من دون فهم ومعرفة كاملة بكل معلومة وخاصة ان هي المادة ضرورية للفروع الثلاثة بعد التحضيري.

💢 ما هي اعمال Med Help بالمادة ؟!
سيتم شرح بعض الفصول الصعبة على شكل فويسات بالاضافة لأي فقرة بيتم تكرار السؤال عنها عالبوت ح ينزل شرحها على شكل ريكورد + البوت يلي ح يكون متواجد دوماً للاجابة عن اي سؤال بيصعب عليكم وان شاء الله نقدر نكون معكم لتوصلوا لل ١٠٠ وبالاخير رح نوفر الكم الدورات على شكل pdf كرمال تحلوها وتختبروا حالكم لكن بدي نوه لنقطة إنه الدورات ح تنزل كاملة يعني مثلا دورة 2019 كاملة واذا حبيتو تحلو دورات فصل دون غيره فموجودين بآخر محاضرات RBCs ..
وح نبدأ اليوم معكم ببوستات مساعدة لدراسة الفصل الثاني كاملاً إن شاء الله

كل التوفيق يا رب.. ولا تنسونا من صالح دعائكم..

✨ رابط بوت الفيزيولوجيا:
@MedHelpPhysiology_bot
✨ رابط القناة:
@MedHelpForPreYears

🔴 #خبر | #Med_Help | #جامعة_طرطوس:

#اعلان
برنامج يوم #الاربعاء 9/3/2022 في مدرج الشهيد كنان ميا في مدرسة التمريض
_________
محاضرة مقرر #الوراثة

**من الساعة 8 الى 10 الطلاب الذين تبدأ اسماؤهم بالاحرف من (أ) الى(ض)
**من الساعة 10 الى 12 الطلاب الذين تبدأ اسماؤهم بالاحرف من (ط) الى(ي)
________
محاضرة مقرر #الاحصاء

**من الساعة 12 الى 2 الطلاب الذين تبدأ اسماؤهم بالاحرف من (أ) الى(ض)
**من الساعة 2 الى 4 الطلاب الذين تبدأ اسماؤهم بالاحرف من (ط) الى(ي)
#ملاحظة
لا يوجد محاضرات يوم الخميس لهذا الاسبوع

#Med_Help_Tartous
@MedHelpForPreYears

🔴 #خبر | #Med_Help | #جامعة_طرطوس:

نتائج مقرارت #الوراثة و #الاحصاء و #اللغةالاجنبية_2 و #الفيزيولوجيا و #التشريح للطلاب #الحملة للدورة الفصلية الاولى من العام الدراسي2021-2022

تقبل طلبات #الاعتراض اعتباراً من يوم #الاربعاء 9/3/2022 ولغاية يوم #الخميس 17/3/2022


#Med_Help_Tartous
@MedHelpForPreYears

لكثرة سؤالكم عن العظام والمفاصل هذا هو رابط فيديو الشرح :
https://youtu.be/Co1w7DH2TU8

الشرح شامل ومدته ٢٥د فقط.

بالنسبة للقناة ف سنباشر من الأسبوع القادم بناء على طلبكم بجدول اسبوعي في مادتي الوراثة والتشريح ❤️🙏.

بحيث نخلص المنهاج قبل حوالي شهر من بدء الفحص من أجل المراجعة .

دمتم بخير ولاتنسونا من صالح دعائكم 🌹.

@Ah_Med_Anatomy

يعطيكم العافية جميعا 🌸
إن شاء الله تكون الهمة عالية
بداية ح نبلش معكن بسلسلة مبسطة هدفها مراجعة أفكار فصول الفيزيولوجيا
هدف هاد الشي أنو أنت صديقي وقت تكون عم تقرأ هادا البوست تتذكر الأفكار يلي وردت ضمن الفصول وترتب أفكارك بالفصل ..

أول فصل يلي نحن رح نبلش فيه اليوم هو #الفصل_الثاني

◾ الأنسجة المستثارة◾
أنسجة مستثارة ببساطة كانت
أنسجة :يعني هي مجموعة من خلايا عصبية أو خلايا عضلية (ملساء و مخططة)
مستثارة: يعني هي الخلايا بتخلق اشارات بتتواصل من خلالها
في مصطلح بدو يمر معنا كان بكل فقرة كان اسمو Action potentials
يعني كامن الفعل ويلي هي الطريقة يلي الاشارات بتتواصل من خلالها

نذكر بتوزع الشوارد:

🔺السائل داخل الخلايا :
البوتاسيوم و الفوسفات و البروتينات تراكيز هي الشوارد كبيرة ضمن السائل داخل الخلايا على عكس شوارد الصوديوم يلي بتكون بكميات قليلة بالسائل داخل الخلايا
🔺السائل خارج الخلايا:
عندي كميات كبيرة من شوارد الصوديوم
و شوارد الكلور و الكالسيوم
أما بالنسبة الشوارد البوتاسيوم بتكون كميات قليلة ضمن السائل خارج الخلية
في مصطلح تاني يلي هو

◾ مدروج التركيز ◾
أكيد مر معكن بكل فقرة
طيب شو كان معناه
ببساطة هو انتقال الشوارد يلي تركيزها عالي من المنطقة يلي بكون فيها التركيز عالي للمنطقة يلي بتكون فيها تركيزها منخفض
يعني متل إذا أنا عم كب سطل مي من راس الدرج لآخرو 🙂
و هل الشي بخليني استنتج أنو أنا مالي بحاجة لأصرف طاقة ATP
أما أنا إذا بدي أرفع المي من آخر درجة لأول درجة بدي قوة رافعة اجباري
هادا صار اسمو النقل عكس مدروج التركيز و أكيد صار بدي ATP 👍

هلق منجي ع فكرة النقل المنفعل 😁
النقل المنفعل منقسمو:
أ- الانتشار البسيط
ب- الانتشار الميسر

هلق بدنا نتذكر عن شو كان الانتشار البسيط👍
بهادا النوع
من خلالو كان ينتشر نوعين من المواد عبر غشاء الخلية و تذكر أنو غشاء الخلية كان هو طبقة شحمية مضاعفة من هل الشي بوضحلي شو هي المواد
🔺المواد الذوابة في الشحم
🔺الماء !! طيب بتقلي مو ما بصير
بقلب باعتبار الماء مصدر حياتي لحياة الخلية تجاوزا بيمرق من قنوات خاصة بتكون عل الغشاء و بمرق معو المواد

المواد يلي بتمرق الها شرطين:
🔸 يكون وزنها الجزيئي صغير
🔸 تكون غير مشحونة

و تذكر أنو سرعة الانتشار بتتناسب طردا مع مدروج التركيز😉
و هلق الانتشار الميسر
أخي من اسمو ميسر يعني أنا بدي حدا ي يسرلي أموري من هل الحكي
بستنتج أنو
الانتشار الميسر بدو حامل🙃
يعني هي المواد يلي عم تنتشر بحاجة لمساعدة بروتين حامل ( بروتين ناقل)
انتبه ع نقطة أنو سرعة الانتشار الميسر تزداد بزيادة تراكيز المادة المنتشرة ل توصل لحد أقصى

لا تنس تراجع الآلية من الكتاب 😌

سؤال خطر ببالك ... ليش قلتلي سرعة قصوى و بوقف الانتشار و مدري شي .. ليش ما بيشبه الانتشار البسيط... شو الفرق ؟!
تعا لقلك
هلق مو اتفقنا أنو المادة يلي بدها تنتقل بدها ترتبط ب بروتين ناقل و هادا البروتين بكون بقلب قنوات بروتينية و هي القنوات موجودة ع سطح الغشاء
نتوصل لمرحلة هي القنوات بتمتلئ بالكامل من هون بتثبت سرعة الانتشار و من هون اجا مصطلح سرعة الانتشار القصوى

معناها ب الانتشار البسيط النقل غير محدود
انتشار ميسر عندي محدودية للنقل

هلق في فكرة النقل الفاعل
هادا النوع هدفو المحافظه على فروق التراكيز الثابتة على جانبي الغشاء
عكس الانتشار البسيط يلي بخلي التركيز متساويه على جانبي الغشاء

النقل الفاعل كمان نوعين:
أ- النقل الفاعل الأولي
ب- النقل الفاعل الثانوي

سنتكلم عنهم كل واحدٍ على حدى في البوستات القادمة 🎉

⭐ رابط بوت الفيزيولوجيا لأي استفسار :
@MedHelpPhysiology_bot

كل التوفيق يا رب ..
ولا تنسونا من صالح دعائكم 💜✨

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

هلق صار وقت نحكي عن أنواع النقل الفاعل
🔺النقل الفاعل الأولي
🔺النقل الفاعل الثانوي

منرجع منذكر هون عم نعرض العناوين الأساسية ... ما ح نغوص بالآليات 🙂

🌸النقل الفاعل الأولي:
أهم الشوارد صوديوم ، بوتاسيوم ، كالسيوم ، هيدروجين
المثال الأشهر ع هاد النوع هو
🔸مضخة الصوديوم و البوتاسيوم🔸
حنحكي عن وظيفتها و من شو بتتألف

الوظيفة : ضخ شوارد الصوديوم لخااارج الخلية و شوارد البوتاسيوم لداخلها
من هالحكي منستنتج أنها مسؤولة عن
💫 صون التركيز الشاردية لكل من الصوديوم و البوتاسيوم على جانبي الغشاء

هلق منجي منحكي عن مكوناتها :
بروتين حامل
هادا البروتين كان بيتكون من اجتماع بروتينين كرويين منفصلين

🔺بروتين أصغر :
يلي هي تثبيت البروتين الحامل في شحم الغشاء
🔺 البروتين الأكبر :
يلي خصائصه ضرورية لعمل هي المضخة

راجعهن عل السريع من الكتاب 😉

منتذكر أنو لهي المضخة اتجاهين متعاكسين للنقل
يعني
أ- تفكيك ال ATP
ب- تركيب ال ATP

طيب كيف بقرر آلية النقل ؟🤨
هلق منتذكر أنو
ADP+Pi >> ATP
معناها
التراكيز النسبية لل ADP و ATP و Pi
و ضيف عليها قيمة المدروج الكيميائي الكهربائي لكل من الصوديوم و البوتاسيوم

يُتبع ...

كل التوفيق يا رب..💜

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

وهلق نكمل بفقرة حلوة كتير 🙃
🔺النقل الفاعل الثانوي
بدنا نناقش فكرتين
أ- ليش بصير
ب- سبب حدوثه
ج- أنواعه
بداية...
منتذكر أنو شوارد الصوديوم وقت بتنتقل لخااارج الخلية بسبب مدروج كبير لهي الشاردة عبر الغشاء و هل المدروج بيختزن كمية كبيرة من ATP

تذكر😁
نقل شوارد الصوديوم لخااارج الخلية بواسطة النقل الفاعل الأولي
المهم...
صار الصوديوم برا الخلية معو طاقة كبيرة ... منطق أنو بدو يرجع ينتشر لجوا الخلية
طيب .... معنا طاقة و الأمور تمام معناها لايمنع أنو ينقلي مادة أخرى و هو فايت
هي المادة...اما لداخل الخلية
أو
لخارجها
هي أساس العملية
هلق
ب-المسؤول
أكيد عندي بروتين ناقل 🙂
ليش!
لأن هو أساسا موجود بالغشاء
و هو متل الحباسة 😂

يعني بيربطلي شاردة الصوديوم و المادة المرافقة يلي بدها تنتقل معها

لمع ببالك شي صح؟!
إذا أي أو لا بسيطة🤣
المهم وقت ارتبطت شاردة الصوديوم و المادة المرافقة لها بالبروتين حيصير تبدل شكلي في بنيته

ج-أنواعه
🔺نقل المرافق المساير :
بينقل غلوكوز +حموض أمينية

🔺النقل المرافق بالاتجاه المضاد:
بينقل صوديوم و كالسيوم
الصوديوم و هيدروجين

راجع الآليات من الكتاب😌

#Physiology 💉
#MP_Chapter_2
#Med_Help_Physiology
@MedHelpForPreYears

مع بداية الفصل الثاني.
نذكركم بـ بوتات المواد ، وهي بوتات تقوم بكرح سؤالك في المادة ، ونحاول جاهدين الإجابة عليه.
🔸بوت التشريح:
@MedHelpAnatomy_bot
🔸بوت الإحصاء :
@MedHelpStatistics_bot
🔸بوت الوراثة:
@MedHelpGenetics_bot
🔸بوت الفيزيولوجيا:
@MedHelpPhysiology_bot
🔸بوت اللغة الانكليزية:
@MedHelpEnglish_ALT_bot


💢البوت الآلي ( يحتوي كل ما تحتاج ) :
@MedHelpRobot_bot

ملاحظة : أي سؤال خارج اللكتاب او الملفات التي تصدر هنا ، سواء كان من محاضرة أو نوطة أو أو.. معتذر عن الإجابة و لسن مسؤولين عن ماذكر في النوط أو المحاضرات ، فـ يُرجى في حال كنت عنيد وما اقتنعت بالكتاب ودرست من نوط او محاضرات ، فـ اسأل أصحاب هذه النوط أو المحاضرات ، وشكرا لتفهمكم ، وبالتوفيق يارب ❤️

#الفيزيولوجيا
#الفصل_الثاني

رجعنالكم مع فقرة حلوة هي :

◾كامن الغشاء في الأنسجة المستثارة ◾
بهي الفقرة ريحونا كتير الحمد لله و طلبوا بس القيم تبع الكامن
منذكر فيهن ع السريع

🔺كامن انتشار البوتاسيوم :
-94 ميلي فولط

🔺انتشار الصوديوم و البوتاسيوم عبر غشاء العصب :
-86 ميلي فولط

🔺مضخة الصوديوم و البوتاسيوم:
-4 ميلي فولط

و بالأخير
🔺قيمة كامن الغشاء أثناء الراحة :
-90 ميلي فولط

إذا بدكن التفاصيل رجعوا للكتاب 😁

هلق بدنا نعمل تمهيد لفكرة

◾Nerve Action Potential ◾

كامن فعل العصب:
منرجع منذكر بمفهوم كامن الفعل :

أ- تبدل سريع يطرأ على كامن الغشاء
معنى هل الحكي... الغشاء وقت بعطيه منبه كاف شو بصير؟!

أ-يتحول كامن الراحة الغشائي السالب السوي إلى كامن غشاء موجب
ب- بيرجع مرة تانية كامن الغشاء إلى وضع للراحة
طيب
🔺كامن الفعل:
هو انعكاس مفاجئ و مؤقت القطبية الغشاء ناتج عن منبه معين

🚫 تنويه:
في شغلة بدك تحط ببالك متل اسمك
سرعة التبدل من كامن الراحة الغشائي السوي السالب إلى كامن الغشاء الموجب (تساوي) سرعة العودة إلى وضع الراحة

طيب كامن الفعل شو بساوي؟!
يعني انجاز آثار فيزيولوجية عديدة :
أ-نقل دفعات عصبية على طول العصب
ب- احداث تقلص عضلي
ج- تنشيط الإفراز الغدي أو تثبيطه
كان في عنا أطوار لكامن الفعل
🔹دور الراحة
🔹دور زوال الاستقطاب
🔹دور عودة الاستقطاب

انطرونا بالبوست الجاية لنحكي عليهن بالتفصيل 😉

كل التوفيق يا رب..
ولا تنسونا من صالح دعائكم 💜✨

#Physiology 💉
#MP_Chapter_2
#Med_Help_Physiology
@MedHelpForPreYears

بشأن مادة الوراثة الطبية :
https://m.facebook.com/groups/364523431785373/permalink/485101799727535/