منذ بداية الخليقة عُرف عن الإنسان حب النجاح .. ما بذكر بني آدم سوي بيستلذ بالفشل
وهاد سبب كتابة البوست عزيزي .. ولفئتك هي .. اللي ربنا ما كتبلها معدل عالي أول فصل ..
ما دائماً تمشي الأمور حسب ما بدك .. ولا تتخيل ولا لحظة أن الحياة توقف على رضاك أو زعلك .. ما حدا بيتأثر غيرك .. أنت والناس اللي حاطة ثقتها فيك .. وكل شي تاني هبد ..
شوف يا عزيزي .. لازم ترسخ مفهوم الرضا بالقسمة اللي قسملك ياها رب العالمين .. شو ما كانت ولو ما كانت عادلة – بنظرك طبعاً –.. اي بعرف أنت خاتمها من لما كنت صف اول وعلامتك باك كانت ٢٣٩.٩ .. بس لا يعني شيء .. في غيرك كتير ..
أنت عايش بالدنيا .. اللي مالكها هو ربنا .. فكل شي فيها لربنا .. اللي أوجد كل شي بالبداية .. لهيك اللي بتاخده واللي بينمنع عنك هو بأمر مالك الدنيا باللي فيها .. ربنا سبحانه وتعالى ..
بس بدي الفت نظرك لشغلة .. أنو أنت لسا ما طلعت من كل الحسابات .. اوك معدلك مو عالي ما رح نتضحك على بعض .. بس شو يعني؟ تترك الدراسة وتفتح قناة يوتيوب تحلل فيها أداء تشافي؟