Med Help

https://m.facebook.com/groups/364523431785373/permalink/457941769110205/

👍1

5.91K views22:41

" لانك الله لا خوفٌ ولا قلقٌ
لانك الله لا يأسٌ ولا احباطٌ
لانك الله حياتنا كلها امل "
ممكن البعض هلأ عم يبكي وزعلان لان ما جاب متل مالو حاسب وعم يقول شو ذنبي ان اتعب وادرس وما الاقي نتيجة ؟!
احياناً يا اصدقائي بتمر علينا ظروف وبتصير امور ما منحبها بهي الظروف بالذات لازم نصبر ونتذكر ان قدر رب العالمين كله خير وهو قال " عسى ان تكرهوا شيئاً وهو خير لكم "
كن ع يقين ان يلي صار معك هو خير لان رب العالمين بحب عباده وما ح يخترلهن الا الخير..
ذُكِرَ في القرآن الكريم:
" قل لن يصيبنا الا ما كتب الله لنا "
رب العالمين قال " لنا " مو "علينا "
علماء التفسير قالوا ان " لنا " تدل ع شي ايجابي وع شي فيه خير اما " علينا " فالعكس تماما بتدل ع شي السلبي..
يعني رب العالمين ما بيختار الا الخير وحتى لو هاد الشي ما بيريده الانسان..
طيب ح تقلي هلأ انا راح حلمي بالمعدل...انا ح اقلك ان رب العالمين قال " يُؤتكم خيراً ما اخذ منكم "
كن ع يقين ان هاد الهدف يلي عم تقول عنو ان راح هو مو خير الك ولو خير فكان صار..ورب العالمين ح يعوّضك بالاحسن باذن الله لان عِوض الله لا يكون بقدر المفقود بل خيراً وافضل منه..
ف خلي يقينك بالله قوي واتذكر ان رب الخير لا ياتي الا بالخير..
فارضَ عن كل شي ، ارضَ عن نفسك ، ارضَ عن قضاء الله وقدره..وقوّي ايمانك فيه .. وقت ترضى ع كل شي عم يصير وتسلم امرك لله ح تحس براحة نفسية ، بتحس في شي جواتك مطمّن ولو كنت بنص العاصفة.. واكيد رب العالمين مخبيلك شي رائع وح يعطيك ويأكرمك اكتر ما بتتوقع بس اصبر لحكمه وثق ان قدره كلو خير وانّ كل مشكلة في جواتها خير ولو تبيّن العكس..
لازم نتذكر شي ان ما منعرف وين الخير..فعلا احيانا منبكي ومنبكي جدا ع احلام ضاعت بس ما منعرف القدر شو مخبيلنا..
وبالاخير قضاء الله شو ما كان لان هو الخير واكبر دليل ان القدر كله خير هو سورة الكهف ومثلا الام يلي انقتل ابنها تخيل الموقف اديه صعب:
اجا رجل قتل ابنها ومشى ..يعني الام عاشت لايام وسنوات تبكي وتندب ( حكمة: كان ابواه مؤمنان فخشينا ان يرهقهما طغيانا وكفرا) هي الام ما كانت بتعرف ان ابنها يلي قتل كان ح يعذبها اذا بقي عايش او يطلع عاق لوالديه..ورب العالمين اكرمها بولد تاني يلي كان فيه الخير ولو انها ما كانت بتعرف ان الولد التاني عوض عن الولد..
وهون يكمن الخير ..وقت يصير هيك شي معنا لازم نرضى ووقت يرضى الانسان رب العالمين ح ياكرمه بشي رائع واكتر ما بيتوقعه لان رب العالمين اذا اعطى ادهش..
وسر السعادة في الحياة هو الرضا..
وبالاخير قال ان العبد لو يعلم ما يخبىء له ربه لبَكِي من عظمة وروعة هالشي..
فالله يعطينا شعور الرضا وياكرمنا بشي خير النا..
والله يوفق الجميع وافتحوا صفحة جديدة وركزوا ع المادة التانية..
#Med_Help_Be_Optimistic ❤️😌
@MedHelpForPreYears

❤53👍3🔥1🤩1

6.1K views00:10