هذه الرسالة تحتوي ع تسجيلات د.محمد الحلبي لعام ٢٠٢٢ + سلايدات لعام ٢٠٢١ وستُعدل فور صدور الفصول الاخرى..
موفقين جميعا ❤️✨

#Med_Help_Physics 🔬

في مثل هذا اليوم قام العالم روتنجن بإجراء أول صورة أشعة طبية ليد زوجته.
تساهم صور أشعة روتنجن بالتشخيص الطبي بشكل فعال و خصوصا في أمراض و تشوهات العمود الفقري.

وبالصورة تظهر يد زوجته وخاتمها ✨.
@MedHelpForPreYears

لم يَفُت الأوان بعد يا صديقي الجّميل !
عند شروق الشمس من كلِّ يوم هناك فرصة جديدة لبداية جديدة ، وعند كلِّ نفسٍ جديد يكرمنا به الله تعالى تذكرة لنا أنّنا لا زلنا نملك فرصة لنحاول مرّة أُخرى ، الوقت ليس مُلكنا ولا نستطيع التّحكم فيه ولكنّنا نستطيع أن نسيّره لصالحنا بأن نحاول مراراً و تكراراً حتّى نصل إلى ما نريده و نتمنّاه ، لذلك أغمض عينيك الآن و خُذ نفساً عميقاً يبعث الطاقة من جديد في روحك الجميلة ، و لِتبدأ من جديد ✨ .
#Med_Help_Be_Optimistic❤️😌
@MedHelpForPreYears

باذن الله اليوم سيتم إصدار الفصل الثاني على شكل فيديوهات للدكتور محمد الحلبي ❤️✨

🔴#هام:
#Med_Help_Physics 🔬

📹 تصوير فيديو شرح الفصل الثاني كاملا 🔥 - د.محمد الحلبي - الفيزياء.

رابط الفيديو:
https://youtu.be/TY-ot1myeSs

@MedHelpForPreYears

رابط شات المناقشة العلمية لطلاب السنة التحضيرية:
https://t.me/joinchat/RXdrKh8ZF7xjZDQ0

💥#الفيزياء
#Med_Help_Physics 🔬
#البوست_المثبت_الخاص ب فيديوهات د.محمد الحلبي / عمل هذا العام / 2022:
🔸الفصل الاول:
- للمشاهدة ع اليوتيوب:
🔹https://youtu.be/8sXRqpFEdSo
🔹https://youtu.be/0e4hmJKcqoU
🔹https://youtu.be/PGcBdGEBI9M

🔸الفصل الثاني:
- للمشاهدة ع اليوتيوب:
🔹https://youtu.be/TY-ot1myeSs

🔸الفصل الثالث:
للمشاهدة ع اليوتيوب:

كل التوفيق يا رب..
ولا تنسونا من صالح دعائكم ❤️✨
@MedHelpForPreYears

هذه هي الرسالة المثبتة لمادة التاريخ :
https://t.me/MedHelpForPreYears/4288

تحتوي على :
💢 الكتاب.
💢 نوطة RBCs .
💢 قصص MedHelp.
💢 دورات شاملة.

🍃آلية الدراسة :
يُفضل قراءة قصص المبحث ومن ثمّ قراءة المبحث ، لكي تستطيع ربط القصة مع الفقرة بشكل متقن وسلس .

رابط شات المناقشة العلمية لطلاب السنة التحضيرية:
https://t.me/joinchat/RXdrKh8ZF7xjZDQ0

آلامُ الطريقِ جزءٌ من وعدِ الوصولِ...
#Med_Help_Be_Optimistic 😌❤️
@MedHelpForPreYears

رابط شات المناقشة العلمية لطلاب السنة التحضيرية:
https://t.me/joinchat/RXdrKh8ZF7xjZDQ0

أسعد الله أوقاتكم 💙🌸

👈🏻 موضوعنا الآن هو عن :
نموذج بور لذرة الهيدروجين

🔹 بدايةً بور ما ابتكر نموذجه عن ذرة الهيدروجين من فراغ ؛ الي قام فيه هو التعديل على اخر نموذج كان واصله العلماء ليصحح الأخطاء الي فيه .

🔹 شو بميز نموذج بور للذرة عن النموذج الي قبله ؟
👈🏻 الي بيميزه عبارة عن 3 فرضيات فرضهم بور وهنن كالآتي :

1⃣ الالكترون الي بالذرة وهوة عم يدور حول النواة بيكون مستقر ، يعني ما عم يشع طاقة طول ماله عم يدور حول النواة .

2⃣ الالكترون بيدور بمدارات محددة الها ابعاد ثابتة عن النواة
🪄 وإذا بدو ينتقل من مدار قريب عن النواة لمدار أبعد بدو يمتص طاقة من برا.
🪄 وإذا بدو ينتقل من مدار ابعد لمدار اقرب بدو يصدر طاقة لبرا.

3⃣ مو الالكترون عم يدور حول النواة ؟
معناها عندو اندافع زاوي ( لانو كلشي بيدور اله اندفاع زاوي 😏)
قديش قيمة هاد الاندفاع الزاوي ؟
👈🏻 بيقلك بور هي القيمة متعلقة بالمدار الي عم يدور فيه الالكترون :
بتساوي رقم المدار ضرب ثابت بلانك المختزل ( ثابت بلانك المختزل هوة ثابت بلانك تقسيم 2Π ).

👈🏻من هالفرضيات ال 3 انطلق بور وعمل حسابات رياضية ليوصل ل 3 استنتاجات .

كل التوفيق يا رب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

مكملين معكم بملاحظات #الفصل_الثاني من مادة #الفيزياء 🩻

📝 استنتاجات بور :

1⃣ اول مدار لذرة الهيدروجين بيبعد عن النواة 0.0529 نانو متر .
👈🏻 واذا بدك تحسب كم بيبعد مدار ما عن النواة بتضرب هاد الرقم ب مربع رقم المدار .

2⃣ طاقة اول مدار لذرة الهيدروجين تساوي 13.606- الكترون فولط .
👈🏻 واذا بدك تحسب كم طاقة مدار ما بتقسم هاد الرقم على مربع رقم المدار .

3⃣ الفرق بين طاقتي مدارين متتالين بيقل كل ما بعدت عن النواة .
ما فهمت شي ☹️
👈🏻 يعني الفرق بين طاقة المدار الاول وطاقة المدار التاني كبير.
👈🏻الفرق بين طاقة المدار التاني وطاقة المدار التالت أقل .
👈🏻 والفرق بين طاقة المدار التالت وطاقة المدار الرابع بتصير أقل وأقل .
وهكذا ....
👈🏻يعني كل ما بعدت عن النواة أكتر ، كل ما كان الفرق بين طاقتي المدارين المتتالين أصغر ( يعني بيكون بدك طاقة اقل لتنقل الالكترون بين هالمدارين 😉)

بالتوفيق يارب 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

عُدنا 👀

⚡️ الطاقة السالبة《بعبع الطلاب ☹️》.

كيف ثم كيف ثم كيف طلع مع بور طاقة المدار الأول 《13.606- الكترون فولط》؟!
هي اول مرة بحياتي بشوف طاقة سالبة 😕

💡كيف في طاقة سالبة وشو معناها ؟

💡أولاً بدي أسال سؤال ، كيف في أي شي بهالحياة سالب ؟
💡كيف في شي اقل من الصفر ؟
💡كيف في شي أقل من اللاشيء ؟

👈🏻الجواب ببساطة مافي .

💡لكن لشو منستخدم السالب نحنا ؟

👈🏻منستخدمها كاصطلاح لانو في شي عم يصير بس بالاتجاه المعاكس للاتجاه الطبيعي .

👈🏻 طيب حنشوف هلأ طاقة المدارات ونضربها بمثال من حياتنا الواقعية .
المثال الي رح نستخدمه هوة الارتفاع عن سطح البحر 🌊

🔹أول شي :

💡انت لما تكون واقف عند سطح البحر هل فعلا انت ارتفاعك 0 ؟
👈🏻 اكيد لا ، لو كان ارتفاعك 0 ما بتقدر تنزل اكتر ، بس نحنا بنقدر نغوص وننزل اكتر عادي 😎

💡طيب ليش الناس بيعتبروا سطح البحر هوة الصفر ؟
👈🏻ببساطة هاد (اصطلاح) اتفق عليه الناس لسهولة التعامل 😉 .
تخيل كل ما بدك تحكي عن ارتفاع منطقة او مدينة تقعد تقول ارتفاعها مدري كم الف كيلو متر ومدري كم متر عن مركز الأرض ☹️

👈🏻نفس الشي الالكترون الي برا الذرة ما بتكون طاقته ( فعلا ) صفر ، والدليل انو جرب خليه يفوت على الذرة ويقرب من النواة وشوف مقدار الطاقة الي حيطلعلك ياها ، معناها كان عنده طاقة 😏

💡 لكن ليش عم يقولوا طاقته صفر ☹️ ؟!
👈🏻 لنفس السبب هاد ( اصطلاح ) اتفق عليه العلماء ، ليش ؟
مشان يوضحولك الحد الفاصل بين الالكترون المرتبط بالنواة وبين الالكترون الحر

🔹 تاني شي :

👈🏻 لما تكون انت بعمق البحر وغايص 100 متر معناها انت ( حسب الاصطلاح الي نحنا متفقين عليه ) ارتفاعك سالب وبتحتاج ترتفع 100 متر لتوصل للصفر الي هوة سطح البحر .
👈🏻نفس الشي بالنسبة للالكترون :
لما يكون مرتبط بالنواة وقاعد بالمدار الأول فهوة ( حسب الاصطلاح الي متفقين عليه ) طاقته سالبة وبيحتاج ياخد 13.606 الكترون فولط لتوصل طاقته للصفر

🔹 تالت شي :

👈🏻 الغواص الي غايص 50 متر اكيد اعلى من الغواص الي غايص 100 متر
هاد بده 50 متر ليوصل لل 0 و هاد بده 100 متر ليوصل كمان لل 0 .
👈🏻 منرجع للالكترون :
الالكترون الي بالمدار التاني اكيد طاقته اعلى من الالكترون الي بالمدار الأول .

منتمنى أنو تكون وضحت الفكرة بشكل كامل 💙🙏🏻

#Physics 🩻
#MP_Chapter_2
#Med_Help_Physics
@MedHelpForPreYears

متابعين معكم 🍃

⭐️ النظرية الكمومية :
هون وصلنا لاخر محطة من محطات نظريات الذرة ، النظرية الكمومية الي بتعتمد على مكيانيك الكم بشكل كامل .

🔷 طيب شو عملوا العلماء بهالنموذج ؟
👈🏻جابوا معادلة بتستخدم كتير بميكانيك الكم اسمها معادلة شرودنغر ، وحطوا فيها معطيات الالكترون الي بذرة الهيدروجين .
قامت جمعت طرحت ضربت قسمت وعطتنا 3 توابع .

قالوا العلماء معناها عنا 3 اعداد بتعبر عن الالكترون ، كل عدد منها مرتبط بتابع من هالتوابع .

هالارقام هنن : n و l و ml .

🔷 هالعلماء وهنن عم يدرسوا لاحظوا علاقات بتربط بين هالارقام 😳 ، شو هي العلاقات ؟؟

👈🏻 قال اول شي العدد n لازم يكون عدد صحيح بين 1 واللانهاية
👈🏻 العدد l لازم يكون عدد صحيح بين 0 وبين n - 1 .

💡يعني إذا اجاني سؤال وأحد الخيارات طلع فيها 《 l و n 》نفس القيمة بعرف انو هاد الخيار خطأ 😉.

👈🏻 اما العدد ml فلازم يكون عدد صحيح بين l- وبين l+ .

❕طيب عن شو بتعبر هالأرقام ؟
❕شو معناها ؟
خبوا هالسؤال معكم للبوست القادم 😶‍🌫

#Physics 🩻
#MP_Chapter_2
#Med_Help_Physics
@MedHelpForPreYears