يعطيكم العافية يارب بتلاقو بالتسجيل هون شرح للقاعدة الأولى من الانكليزي 2 يلي هي قاعدة الشرطيات مشروحة كاملة

#English 🏛
#ME_Unit_4
#Med_Help_English
@MedHelpForPreYears

🌱 شرح صغير للفرق بين
• be used to
• Get used to

⭐ Be used to :

انا كنت بالماضي ما بعرف اشتغل الشغلة
وهل وانا عم احكي صرت اعرف ساويها
مثلا
ما كنت اعرف سوق سيارة بس هلق صرت اعرف سوق

⭐ Get used to :

بتدل انو انا لسا عم اتعود ما خلصت لسا
يعني اذا قلت
I get used to riding a horse
المعنى أنو أنا عم اتدرب على ركوب الحصان لسا ما تعودت

I am used to riding a horse
انا تعودت وصرت فيني اركب حصان بشكل ممتاز

بالتوفيق يارب ❤️✨

#English
#ME_Unit_5
#Med_Help_English
@MedHelpForPreYears

يعطيكم العافية يارب
كلكم بتعرفو انو أسئلة الرايتنغ في منها بتعتمد على أنو نعرف موقع وجود الفاصلة من عدمو وهيك اشياء
لهيك هلق لح احكي كم ملاحظة بتساعدكن على معرفة موقع الفواصل

1. لتسهيل حفظ أحرف العطف بالانكليزي
أو الأحرف يلي بستخدمهن من شان اوصل بين جملتين وهل بيجي فواصل قبلهن او لا بستخدم هي الكلمة
FANBOYS
كل حرف بدل على حرف وصل
F=For
وبيجي قبلها فاصلة
A=And
وما بيجي قبلها فاصلة حسب قواعد الإنكليزي البريطانية
N=Nor
مختلف إذا بيجي قبلها فاصلة او لا بس الشائع لا
B=but
بيجي قبلها فاصلة
O=or
ما بيجي قبلها فاصلة
Y=Yet
بيجي قبلها فاصلة
S=So
بيجي قبلها فاصلة

الخلاصة : FANBOYS
كلمة بتجمع الأدوات يلي بربط فيها الجمل
و4 منهن بيجي قبلهن فاصلة و3 لا
ملاحظة : but إذا اجت بمعنى الاستثناء ما بيجي قبلها فاصلة
وكلهن إذا اجو اول الجملة مافي فاصلة قبلهن

2. . Insted of,
بيجي قبلها نقطة وبعدها فاصلة
3. . In fact,
قبلها نقطة بعدها فاصلة
4. . However,
قبلها نقطة بعدها فاصلة
5. Firstly, secondly, finally, in conclusion,
كلهن بيجي بعدهن فاصلة
6. . In addition,
قبلها نقطة وبعدها فاصلة
7. , whereas
قبلها فاصلة
8. In that moment,
بعدها فاصلة
9., according to
بيجي قبلها فاصلة وبعدها to
10. , although
قبلها فاصلة

تنويه : بعد الفاصلة بيجي الحرف صغير
وبعد النقطة الحرف كبير
موفقين يارب
إعادة نشر للأهمية 😂
#Med_Help_English
@MedHelpForPreYears

حالات For example
هامة للرايتنغ
#Med_Help_English
@MedHelpForPreYears

توضيح لفكرة ايمتى بحط ادوات معرفة او نكرة قبل أسماء الأماكن الآتية
🔸Prison, Church, school, hospital, university
🔹الحالة بدون ما حط قبلها أي أداة
♦️بستخدمها وقت بدي احكي عن هاد المكان بمعناه الأساسي
مثال
I went to school to learn maths👉👉 رحت على المدرسة لادرس فيها

His mother came to the school to check on him👉 راحت على المدرسة لغرض غير الدراسة

وقيسوا على ذلك
مثال تاني
I am in hospital having an operation 👉👉 فتت عالمشفى لاتعالج
I am in the hospital to visit my grand father👉👉 فتت عالمشفى لزور واحد
يعني باختصار لما اتعامل مع هالبناء عانه بناء وبس شو ما كانت وظيفته فينا نستعمل أداة
وهكذا
#Med_Help_English
@MedHelpForPreYears

شرح السؤالين السابقين
و٣ أسئلة جداد 😂
#تنويه:
Most students*
#Med_Help_English
@MedHelpForPreYears

#English
#Med_Help_English
Hello everyone 😊❤️
" 4C Grammer Section " 😍😍

قاعدتنا لليوم كتير سهلة وبسيطة اذا فهمتوها بتنحفظ معكم فورا مع انو في طلاب بتلاقي صعوبة فيها بس حنشرحها الكم بطريقة مبسطة و مفصلة باذن الله لتفهموها بالشكل الصحيح والكامل 🌹

Verbs To Feel 🍃
او فينا نقول " أفعال الحواس " ☘

🍄 أول شغلة بدنا نخلي شغلة ببالنا والي هية افعال الحواس يلي حتمرق معنا خمسة والي هنن :
look , feel , smell , sound , taste .

🔴 هلأ اول نقطة اذا أجو هدول الافعال لحالهم فبعدن حصرا حيكون عنا صفة (adjective) متل مثلا :
💥 E.g : She looks tired
إنها تبدو متعبة
💥 E.g : These jeans doesn't feel comfortable
بنطال الجينز هذا لا يبدو مريحاً

🔴 تاني نقطة فينا نحط بعد فعل من هالأفعال كلمة like ليصير المعنى "يشبه" او "يبدو" بس بهي الحالة بدو يجي بعد like اسم وليس صفة او شيء آخر .
💥 E.g : He looks like his father
هو يشبه والده
💥E.g : This material feels like silk
هذه المادة تشبه في ملمسها الحرير

p.s :
ممكن احيانا تكون الجملة بهي الحالة بمعنى "يريد" او "يود" مثلاً :
I don't feel like going out
لا أود الخروج

• بشكل عام فينا نقرّب ترجمة العبارة (feel like) ل : "جاي على بالو"
بالجملة السابقة بتصير "مو جاي على بالي اطلع"

🔴 تالت نقطة فينا نستخدم بعد فعل من هالأفعال مصطلح "as if" او "as though" وبعدهم بيجي clause ( او جملة فعلية ) دائماً .
💥E.g : It smells as if something is burning
هناك رائحة وكأنما هنالك شيء يحترق

p.s :
ممكن ان يحل بدل as if أو as though كلمة like ويأتي بعدها clause كما في الحالة الأساسية لهم مثل :
E.g : It sounds like it's raining
يبدو وكأنها تمطر

🟢 لتجميع الأفكار ...
- اذا كان عنا فعل من أفعال الحواس و اجا وحيد ما بعده شي من الي ذكرناه ← بعده صفة adj .
- اما اذا كان عنا هالفعل وبعده like ← حيجي بعدهم اسم noun .
- واذا كان عنا هالفعل وبعده احد هدول التلاتة ( like , as though , as if ) ← حيجي بعدهم clause .
✓ و في شغلة مهمة لازم تركزوا عليها انو اذا اجا عندنا like بعد هالفعل هاد الشي بيحتمل احتمالين اما انو يكون بعدهم صفة او يكون بعدهم clause .

شكرا لحسن متابعتكم ❤️😇

✨رابط بوت انغلش:
@MedHelpEnglish_ALT_bot
✨رابط القناة:
@MedHelpForPreYears

تمسَّكوا باحلامَكم بقوةٍ ولا تدعُوها تفلِت منكُم ، انفِضوا عن نفسِكم غُبارَ اليأسِ وانعِدَام الثّقةِ ، وامسَحوا من قاموسِكم جمِيع مصطَلحاتِ الفشلِ ، وآمِنوا انكُم الاقوَى وانكُم ستَصِلون يوماً الى احلامِكم التّي تَنتظِركُم في نهايةِ هذا الطّريقِ الطويلِ 🔥✌️🏻
#Med_Help_Be_Optimistic ❤️😌
@MedHelpForPreYears

يا جماعة يلي عندو سؤال بالانغلش يتفضل عالغروب:
https://t.me/joinchat/Ti-Uur_hnrlOy8eP

#English
#Med_Help_English
اليوم شرحنا عن قاعدة سهلة وبدها تركيز :

used to / be used to /get used to
(be افعال الكون: is am are was were)
🔸 كيف بقدر فرّق بين الصيغ التلاتة؟
1️⃣ used to :
◾ Negative formation: صيغة النفي
didn't use to (Not didn't used to ✖)
◾ Used to +(infinitive)⛔
◾ We use it to talk about : نستخدمها للتكلم
▶ past habits :عادات بالماضي فقط
↪ I used to drink five cups of coffee a day, but now I am not.
بهالمثال شرب القهوة عادة كنت اعملها بالماضي
▶ repeated actions احداث متكررة
↪ I used to have croissants for breakfast when I lived in France.
بهالمثال كنت اكل كروسان كل يوم
▶ situations which have changed مع حالات بالماضي لكن حصل عليها تغير
↪ I didn't use to sleep very well , but then I started doing yoga and it really helps
ما كنت معتاد نام منيح قبل بس هلأ صرت نام
🔷 Notes: ملاحظات
🅰 We can use "would" to refer to repeated actions in the past.
◾ Would+infinitive
منقدر نستخدم would للاشارة الى احداث متتكررة
↪ I would eat croissants for breakfast when I lived in France.

لاحظ بهالمثال استخدمنا would eat (غلط نحكي would have✖) ببساطة لان وقت استخدام would بمعنى" يعتاد على" ما بصير يكون بعدها افعال جامدة non-action verbs

↪ (non-action verbs: be, believe, know, need, think, have, hate, see, feel, understand, remember, own)
🅱to talk about present habits, use present simple ✔
وقت بدنا نحكي عن عادات بالحاضر بستخدم الزمن الحاضر البسيط (ما بصير احكي use to ✖)
↪ I usually do some sport activities in the morning. (NOT I usually use to do.. ✖)
_____


2️⃣ be used to / get used to :
be used to+ gerund ⛔
get used to +gerund ⛔
🅰 We use "be used to" to talk about new situations which are NOW familiar or less strange.
بستخدم be used to مع احداث مألوفة بالنسبة النا واتعودنا عليها
↪ I was an only child,so I wasn't used to sharing room.
ما اتعودت أحد يشاركني بالغرفة (حدث مألوف)
🅱 We use "get used to" to talk about new situations which are BECOMING familiar with something.
منستخدم get used to مع احداث بدها تصير مألوفة بالنسبة النا ولازم نتأقلم معها.
↪ we haven't got used to having a new baby yet.
لسا ما اتعودنا انو عنا طفل بعد (بدو يصير مألوف بس بدو وقت)
⚫ Extra examples:
امثلة خارجية اضافية لتثبيت الفكرة
▶He wasn't used to walking so much and his legs hurt after the hike.
شرح: (عادة مألوفة انو ما اتعود يطلع يمشي لهيك وقت طلع هالمشوار اتألّم)
▶I'm getting used to the noise now. I found it really stressful when I first moved in.
شرح: (عم حاول اني اتأقلم مع وضع الضجة هلأ لهيك استخدمت get used to)
▶ Even though I loved my old job, I couldn't get used to the long hours.
شرح: (بالرغم اني بحب عملي القديم بس ما قدرت اتعود على العمل ساعات طويلة)
❗ هون احتمال تفكرو انو الحدث ماضي واني غيرت شغلي ليش ما استخدمت couldn't used to. بس الهدف هون انو العمل الطويل غير مألوف بالنسبة الي وما رح يصير لهيك استخدمت get)
▶ You've stopped hiking? But why? You used to go all the time.
شرح: (سهلة كنت عطول تتزلج بس هلأ وقفت يعني الحالة الاولى)
▶ I work from home so I'm used to not having people around me all day.
شرح: (عادة مألوفة ما شفت العالم)
▶ I used to play the guitar but I don't have time now.
شرح: (بطلت العب عالجيتار 🎻 بعد ما اتعودت عليه لاني تحضيرية وما عندي وقت)
✨رابط بوت انغلش:
@MedHelpEnglish_ALT_bot
✨رابط القناة:
@MedHelpForPreYears

Remember / Remind

#English 🏛
#ME_Unit_4
#Med_Help_English
@MedHelpForPreYears

🔸شرح قواعد وتبسيطها:

✨الفرق بين used to و be used to:
https://t.me/c/1311741114/86551

✨الفرق بين As و Like:
https://t.me/c/1311741114/86594

✨شرح Be used to:
https://t.me/c/1311741114/86595

✨قاعدة as....as:
https://t.me/c/1311741114/86597

✨ Second Idea:
https://t.me/c/1311741114/86598

✨ شرح ايمت نحط the لغير المعدود وايمت لأ :
https://t.me/c/1311741114/91615

ظَني فيكَ ياللّه جمِيلٌ ، ظَني انّك اذا اعطَيت ادهشتَ وانّك تعطِي وتكرِمُ اكثرَ ممّا استحقُ ، ظَني فيكَ ان تقوِيني وتمنحَني الصّبرَ والثّباتَ الى نهايةِ الطّريقِ ، ظَني ان تجعلَني التَقي بهدفِي بعدَ كلِّ هذا العناءِ والتعبِ ، انتَ قلتَ ياللّه " اني عَند ظنِ عَبدِي بي " وهذا ظَني فيكَ بأنْ تحققَ مُرادِي وجميعَ امنياتِي واحلامِي...
" احسِنوا الظّنَ باللّه يا رِفاقُ وادعُوه فهو مجيبُ الدّعاءِ "
#Med_Help_Be_Optimistic ❤️😌
@MedHelpForPreYears

بما يخص النص الامتحاني

#Med_Help_English

اللهمَ في هذا الصَّباحِ نعوذُ بكَ من الهزيمةِ والانسحابِ في منتَصفِ الطّريقِ ، ونسألُكَ الثّباتَ والصّبرَ لنهايتِه ، اللهمَ تَوفيقَاً وتحقِيقاً لاحلامِنا ، ياللّه ❤️🥺
#Med_Help_Be_Optimistic
@MedHelpForPreYears

#English
#Med_Help_English
السلام عليكم شعب بري٦ العظيم 🔥
اليوم رجعنالكم بفقرة جديدة من المصطلحات ألا وهي أجزاء الجسد
Body Parts and Organs
فقرة طويلة شوي ولكنها سهلة وعلامتها مضمونة بإذن الله 🔥

☆☆☆☆☆☆☆☆☆☆☆☆

1⃣-بداية رح نذكر هي الأجزاء وترجمتها

Ankle : كاحل القدم | Elbow : المرفق
Calf : بطة الساق | Wrist : المعصم
Heel : كعب القدم | Palm : راحة اليد

Nails : الأظافر

Chest : الصدر
Waist : الخصر
Hip : الورك
Thigh : الفخذ

Forehead : الجبين | Chin: الذقن
Eyebrow : الحاجب | Eyelashes: الرموش
Cheek : الخد | Lips: شفاه
Wrinkles: التجاعيد | Neck: العنق

Brain : 🧠 الدماغ
Heart : 🫀 القلب
Kidney : الكلية
Liver : الكبد
Lung : 🫁 الرئة

p.s:
كل الأسماء هي لما بدي اجمعها بحط حرف s آخرها إلا كلمة calf بتصير calves على مبدأ half و halves.

☆☆☆☆☆☆☆☆☆☆☆☆

2⃣- هلأ رح نذكر أفعال بتجي مع هي الأجزاء مع معانيها

🔴 Bite your nails:
المعنى الحرفي : أن تقضم أظافرك (تقرطهن) وغالبا وقت تكون متوتر
المعنى التاني : وهو التعبير عن الندم 😞

🔴 Blow your nose: 🤧
بمعنى أن تنفخ أنفك (تنضفو)

🔴 Brush your hair / teeth:
معناها أن تسرّح شعرك(تمشطو) او أن تنظف أسنانك (تفرشيهن) حسب الجزء الي جاي بعد الفعل

🔴 Clap your hands: 👏
تصفق بإيديك

🔴 Comb your hair: 👩🏻‍🦰
كمان معناها أن تسرح شعرك (تمشطو)

🔴 Fold your arms:
تطوي ذراعيك

🔴 Hold somebody's hand: 👫
تمسك بإيد شخص (طبعا أنت سنغل ما لك علاقة 🌚)

🔴 Nod your head: 😌
تومئ برأسك (لتحت ولفوق) وهاد دليل على أنك موافق.

🔴 Shake your head: 😐
تهز براسك (يمين ويسار) وهاد دليل عدم الموافقة

🔴 raise your eyebrows: 😳
ترفع حواجبك وهاد دليل التعجب والاندهاش

🔴 Shake hands (with someone): 🤝
تصافح (تسلم بالإيد) شخصا ما

🔴 Shrug your shoulders: 🤷‍♂
تهز كتفيك (لفوق وتحت طبعا) وهي ممكن تجي كدليل على عدم معرفة الجواب لما حدا يسألك سؤال أو عدم الاهتمام.

☆☆☆☆☆☆☆☆☆☆☆☆

3⃣ وهلأ رح نحكي عن أفعال بتدل على بعض الأجزاء:

🔴 Wink: (😉 شو) يغمز
وطبعا الفعل يغمز متعلق بالعين Eye
e.g. He winked at me to show that he was joking.
غمزني مشان يبين انو هو بس عم يمزح.

🔴 Chew: يمضغ
فعل بيتعلق بالأسنان Teeth 🦷
e.g. The steak was tough and hard to chew.
شريحة اللحم كانت قاسية وصعبة المضغ
⭐️ هالفعل دائما منستخدمو مع العلكة (I love chewing gum).

🔴 Hug: (يحضن) يعانق
فعل بيتعلق بالذراعين Arms 💪
e.g. When we met, we were so happy we hugged each other.
لما التقينا كنا مبسوطين كتير وعانقنا بعض

🔴 Scratch: يخدش (يحك)
-فعل بيتعلق بالأظافر Nails 💅
e.g. Don't scratch the mosquito bite. You will only make it worse.
لا تحك قرصة الناموسة. انت رح تخليها تزداد سوء

🔴 Wave: 🙋‍♂ يلوّح بيديه
فعل بيتعلق باليدين Hands
e.g. She waved goodbye sadly to her boyfriend as the train left the station.
هي لوّحت الوداع بحزن لصديقها بينما غادر القطار المحطة.

🔴 Kneel down:🧎 يجثي على ركبتيه (يركع)
-فعل متعلق بالركب Knees
e.g. Some women think a man should kneel down when he proposes marriage.
بعض النساء تعتقد أنه يجب على الرجل أن يجثي على ركبتيه عندما يتقدم بالزواج (يطلب ايدها).

🔴 Frown: 😠 يعبس
-فعل متعلق بالجبهة Forehead
e.g. The teacher frowned when she saw all the mistakes I had made.
المعلمة عبست عندما رأت كل الأخطاء التي ارتكبتها.

🔴 Stare: 👀 حدّق(نظر لفترة طويلة)
-فعل بيتعلق بالعيون كمان Eyes
e.g. The painting was so strange I stared at it for a long time.
اللوحة كان غريبة جدا لدرجة أني حدقت بها لوقت طويل.
⭐️ الفعل stare غالبا بياخد حرف الجر at ولكن ممكن يجي معو into بحالات قليلة
(I love staring into her beautiful eyes).

🔴 Stretch: يتمدد (يتمطمط)
-فعل بيتعلق بالذراعين او الساقين
arms/legs
e.g. She got out of bed and stretched.
هي قامت من السرير وتمطمطت.

🔴 point: 👈 يشير إلى
-فعل بيتعلق بالأصابع Fingers
e.g. stop pointing at the man, this is very rude.
توقف عن التأشير على الرجل ، هذه وقاحة .

p.s:
الأفعال السابقة كلها نظامية لما بدك تصرفها بالماضي.
✨رابط بوت انغلش:
@MedHelpEnglish_ALT_bot
✨رابط القناة:
@MedHelpForPreYears