للفائدة العلمية ومعرفة الإجابة انقر هنا

#التشريح
#الفصل_الثاني
هيكل الطرف العلوي❤❤
1)Clavicle:عظم الترقوة
كلّفني المدير بمهمة وحصلت على ترقية بفضلها
كلّفني =clavicle
ترقية=ترقوة💁‍♀️
2)Scapula:العظم الكتفي
بدي كفي اكل الكفتا اسكبولي لسا😏
كفي و كفتا=كتفي
اسكبولي =scapula

3) Glenoid cavity: الجوف الحُقاني
هالايام اللي بيحكي كلمة حق بيدفع تمنا غالي(مثلا جربوا تحكوا انو الكهربا ما عم تجي 😂)
حق=حقاني
غالي =glenoid
4)Humerus: العضد
ال hero او البطل 💪🦸‍♂️
ملاحظين شكل الايد⬆️ ابو عضل وكذا مذا شغل اذى😀
معناها الهيرو ببين من حركة ايدو ليبين العضلات اللي عند العضد💪
hero=humerus
ابو عضل وحركة الايد💪=العضد
5)epicondyle:اللقيمة
6)condyle :اللقمة
لما كون عاملة دايت باكل لقمة وبقوم
كون +دايت= condyle
واللقيمة هي ابن اللقمة =》 epicondyle
7)Capitulum:الرؤيس او الوابلة
الرؤيس او الرئيس هو الكابتن او القائد
كابتن =captitulum
ومعلومة كيوتة: اي قائد بكون حضورو الو هيبة ورهبة وكذا فمنحسو متل الوحش او متل شي بلوة جايتنا😂
بلوة يعني وابلة
ووحش يعني :الرؤيس يقع في وحشي النهاية السفلية للعضد 😉
●تعوا نتفق انو الكورونا اجت من ورا الخفاش يعني نوع من الطيور(بعرف انو من الثدييات بلا فزلكة 😑)
لهيك كل كلمة بتشبه كورونا رح يكون الها علاقة بالطيور
8) coracoid process:الناتىء الغرابي
بدايتو متل كورونا =》الو علاقة بالطيور
في حرف c الي منلفظا كاف وفقاً للكنة الخاصة فيني 😂 معناها بذكرنا بالقاااع قاااع
وبالتالي نحنوو امام الغرااب🤗
9)coronoid fossa:الحفرة المنقارية
بدايتا كورونا =》 طيووور
ولاحظوا معي آخر اربع حروف noid بتشبه noise🤥 الذي اذا لاحظتوا انو الانف بيشبه المنقار عند الطائر🐤🤥💁‍♀️
10) radial fossa: الحفرةالكعبرية
11)radius
بتتذكروا من سنتين يمكن كان ممنوع عالسوريين يروحوا عالكعبة (ما بعرف اذا لسا الحظر قائم☺)
لهيك كنا نسمع الاشعار ولبيك اللهم لبيك عالرااديو
كلمة كعبة بتذكرنا بالكعبرة
والراديو=radial
والله حلوة المصطلحات روقونا رح نخلص ❤❤
12)Ulna:عظم الزند
كل يوم زن زن زن حوارات ما بتخلص 😑
اذا ما عرفتووها اكتبوا هالكلمات عاليوتيوب وبتطلعلكن اظرف واحلى غنية لتامر حسني
بطلة العالم بالنكد😂
النكد = ulna😁
والنكدية بتضل زن زن زن =》زند😏
13)Olecranon process: الناتىء الزجي
بتعرفوها لران بكونان؟؟
اذا ما بتعرفوها اتخيلوا وحدة اسما ران تزوجت واحد
بس هالواحد خابصها ومتزوج تنين فإجت مرتو القديمة وشديتا لرنونة من شعرا وقالتلا وليييك ران بعدي عن زوجي
وليك ران=olec ranon
زوجي=زجي
14)Carpal bone: عظام الرسغ
انت كدكتور بس تكون قاعد مع حدا ويقلك مثلا قربلي هالطاولة رح تروح بكل لطافة وتمسكها بإيدك وتقربها
بس لأنك كدكتور رح تقلو عفكرة نحنا منقرب الطاولة باستخدام عظام الرسغ(مشان تشوفو انك خاتم الاناتومي)

15) pisiform bone: العظم الحمصي
انا بسافر عحمص
بسافر=pisiform
حمص =حُمصي
16)Trapezium bone:
العظم المربعي
التربيزة بكون شكلها مربع واللي عايز يعاركني يعاركني😃
اتخيلوا هي التربيزة📦 لان ما شفت سمايل الها😂
تربيزة =tarpezium
انتبهوا كتير كتير على نهايتها رجاءً ❤ ium
17) Trapezoid bone: العظم المنحرفي
لما نشوف حدا منحرف وبلا ترباية منتمسخر ومنقول يخزي العين شو هالترباية الزايدة
ترباية زايدة= trapezoid
زايددددة نهاية الكلمة oid
اللي فوق ium ولسا رح يمر معنا بالفصل التالت وحدة بتشبهن 😃
18)Hamate bone: العظم الكلابي
حماتي حياتي نورتلي حياتي بالكلب ابنها الصايع ❤
حماتي =hamate
الكلب ابنها😂=كلابي
19) phalanges: السلاميات
(سلاميات اليد)(سلاميات القدم)
هنن نفس المعنى بالقدم وباليد بالانكليزي وبالعربي
قصة حزينة: لما تضرب اصبع رجلك الصغير بطرف الباب بتنفلج فلج من الوجع 😖
عظام اصبع الرجل او حتى الايد هيي سلاميات 💁‍♀️
بتنفلج =phalanges
ما بعرف كيف بدي خبركن بس وصلنا لنهاية هالفقرة ❤❤
لا وداعاً بل لقاء مع الطرف السفلي قريباً❤
#Med_Help_Anatomy 🧠
@MedHelpForPreYears

#التشريح
#الفصل_الثاني
هيكل الطرف السفلي :
1)Ilium: حرقفة
اليوم حررر كتير : حر=حرقفة
ilium = اليوم
ملاحظة: في كلمة تانية ileum وبتعني اللفائفي (جزء من المعي الدقيق) فرقوا بيناتهن باليز❤
2) Pupis :العانة
رفيقتي الكيوت بس تشوف بوبي (كلب يعني) بتصير ولعانة من الخوف
ولعانة =عانة💁‍♀️
3) Femur :الفخذ 🍗
منتذكر كيف العالم بتتقاتل عفخدة الفروج لأنو فيها موور لحمة more = كتير
فيها مور =femur
4) Greater trochanter: المدور الكبير
عنا باللادقية منقول ترو تنرو ندوّر
يعني بتروح لنتسلى مع حذف الحاء لقلة المروة😂 المهم ترو =tro اول كم حرف من مدور
تندوّر =مدور
اتس ايزي😏
ملاحظة: كيف منعرف انو العرف بين المدورين من الخلف والخط من الامام ؟
منتذكر انو بالماضي (الخلف الزمنيّ=يعني من زمان 😄) المهم بالماضي كان في اعراف وتقاليد واحترام لهلقصص اما هلا لا
لهيك خلف يعني في عرف
أما امام =>خط💁‍♀️💁‍♀️
5)Patella: الرضفة 🧎‍♂️
البنت كيف بتشوف الشب بطلا؟؟
اتخيلوا المشهد الرومنسي لما يوطي قداما ويحط ركبتو عتد الرضفة بالضبط😃عالارض ويقدملا المحبس وكذا مذا👰
بطلاا =patella والرضفة و💑
6)Fibula :الشظية
بتتذكروا ال فيمور تبع الغخد
هون كمان "في" بس هالمرة بيلاا بتتذكروا غنية بيلا تشاو (بيلا كان يعني جميلة )
طيب وفي غنية تانية متل الطلقة الروسية اذا ما قتلتي لاب لاب
الخلاصة بعد هالذكريات : في وحدة بيلا (حلوة يعني) febula متل الطلقة او فينا نقول متل الشظية
معناها البيلاا شظية❤
7) Talus :قعب
قااع قاااع صوت مين كان؟
بالضبط الغراب ،وهاد الغراب بيعمللنا تلوسسس سمعي talus😎
طبعا قاع متل قعب👀
8)calcaneum : العقب
العقب بيعقب القعب يعني سَلَكَ بطريقه قدامو
سلك= calca
-كيف ناويين تسافروا؟؟
اكيد ما بالطيارة، رح تسافروا نفي بالزورق😂
9)Navicular: العظم الزورقي
نفي =navi
10)Cuboid bone: العظم النردي
نحنا جماعة النردات ما بيحلالنا الدرس الا مع cub =فووونجان من القهوة☕☕
و هاد كان آخر مصطلح بقسم عظام الطرف السفلي ،بدي نوّه انو هاد ربط فقط للمصطلحات الصعبين، يعني ليس مرجع كافي للدراسة من هون.
دمتم سالمين❤❤
#Med_Help_Anatomy 🧠
@MedHelpForPreYears

#وزارة_الأوقاف:
الثلاثاء 20 تموز، أول أيام #عيد_الأضحى المبارك

كل عام وانتم بخير ❤️
#Med_Help
@MedHelpForPreYears

اللهمَ في هذا المَساءِ نعوذُ بكَ من التعثُّرِ والسّقوطِ ، ونسألُكَ القوةَ والصّبرَ للنّهايةِ ، ونسألُكَ توفِيقاً وفرحَاً عَظيماً بعدَ كلِّ هذا التعبَ❤️🥺
#Med_Help_Be_Optimistic
@MedHelpForPreYears

#التشريح
#الفصل_الثالث
#العضلة_الخياطية:
#علميا
الخياط او الدراز لما يخيط من دون طاولة..بلف رجل ع رجل وبخيط ..ومن هون اجت التسمية العضلة الخياطية تبعا لهي الحالة
- لف رجل ع رجل ⬅️ العضلة الخياطية
- وقت تلف رجل ع رجل شو بيصير ( استنتج الوظائف ) ويلي هي:
🔸قبض الساق ودوران انسي للساق
🔸قبض للفخذ
Cross leg: العضلة الخياطية
#Med_Help_Anatomy 💀
@MedHelpForPreYears

#جامعة_دمشق
#نتائج_عملي مادة التشريح في جامعة دمشق
@MedHelpForPreYears

الغزل #التشريحي وما ادراك
بمناسبة اسبوع التشريح
كتبت كم جملة السنة الماضية..هدول مشان تحفظوا القلب..ليست لأغراض أُخرى 😜
حقوق النشر محفوظة ها 😂😎

#Med_Help_Anatomy 💀
@MedHelpForPreYears

#التشريح
#الفصل_الثالث
مكملين معكن بالمصطلحات مع الفصل التالت🥰🥰
Classification of Muscles:
1)Muscles of mastication :
العضلة الماضغة
بتعرفوا المسكة؟؟
هيي نفسها العلكة بس هيك بسموها الشوام😄
نحنا منقوم بمضغ او علك المسكة
مسكة= mastication
مضغ=ماضغة
2) Sternocleidomastoid:
العضلة القرائية
القترائية =القصية الترقوية الخشائية
القصية = sternum
الترقوية =clavicle
الخشائية=mastoid
كل هدول انذكروا بالفصل التاني☺
3) suprahyoid فوق اللامي
4)Infarhyoid تحت الامي
hayoid : العظم اللامي اللي انهينا وهيينا القحف الحشوي فيه اتذكرتوه؟؟
بس حطينالو supr صار فوق
و infra صار تحت
تجميع بين الفصل الاول والتاني🙄
5)Intercostal muscles:
العضلات الوربية
شو يعني ورب؟
بالضبط المسافة بين الضلعين
ومنتذكر انو الضلع كان مقوّس يعني عشكل قوس لهيك سميناه costal
وبما انو الورب بكون بين الضلع =》intercostal
6)Diaphragm:عضلة الحجاب الحاجز
انت وماشي بالسيارة كان قدامك حاجز فضربت فرام
ضرب فرام = Dia phragm
حاجز =الحجاب الحاجز
7)Psoas:العضلة القطنية
التياب القطن بتسوا كتير
بتسوا = psoas
القطن=قطنية
8)Obturator internus :العضلة السدادية الداخلية
🙇‍♀️اووه بدي اعمل رتوش لسد المسامات بوجهي
اوه+بدي+رتوش= obturator
سد=السدادية
9)Brachialis: العضلة العضدية
عضّلت ايدي من تقطيع الخضرا فبرشتا برش
عضّل=عضدية
برش=Brachialis
10)Coracobrachialis: العضلة الغرابية العضدية
مرت معنا بالفصل التاني كلمة coracoidاللي كان معناها غرابي
وهلا قلنا بالمصطلح السابق birachial تعني عضدية
فصاروا مع بعض غرابية عضدية
11)Flexors: القابضات
Extensors: الباسطات
مصطلحين دائما بيجوا سوا
مروا معنا بالفصل الاول ولنقدر نفرق بيناتن رح نتذكر كلمة Excited واللي بتعني متحمس يعني شي الو علاقة بالانبساط😀
exited ~ extensors =》باسطات
وبالتالي التانية قابضات
#Med_Help_Anatomy 🧠
@MedHelpForPreYears

#التشريح
#الفصل_الثالث
Muscles of pelvic girdle :
عضلات الزنار الحوضيّ :
كلمتين بس pelvic : بضل بيلفي عحوض السباحة 👀
بيلفي =pelvic , حوض السباحة =الحوض 💁‍♀️
طيب الكلمة التانية girdle بتشبه garden او الجنينة اللي بتحاوط البيت متل الزنار
لهيك girdle رح تذكرنا بالزنار

2)Gluteus maximum الالوية العظمى
ألوي بلهجتنا منقولها قلوي(اقققق)
متل آرمة وقارمة وكذا مذا😂
وبلهجة ما بعرف اي محافظة بقولوها (غلوي =glu)
طبعا هيي ما فيها قاف بس مشان نقدر نحفظا
3)Tensor fasciae lata muscle:
العضلة موترة اللفافة العريضة
بسم الله : لا تنسوووا الدايت مشان ما تعرضوا(تسمنوا يعني )
تنسوا =tensor ، تعرضوا = العريضة
كمان لسا لااا توتروووني laaa taaa
=》 lata💁‍♀️ الموترة
وخدولكن علامة ببلاش : مشان ما تعرضوا لازم توقفوا عشان كدا هي العضلة بتفيد بحالة الانتصاب👀😏
4)Quadriceps femoris:العضلة مربعة الرؤوس الفخذية
اكيد بتعرفو انو Quadruple معناها رباعية ما👀
iceps احفظوها وجه رح تمر كتير
والفيموور منعرفا😎
صارت رباعية الرؤوس الفخذية
5)pectineus: المشطية (العانية)
بس بدي ذكركن انو عفرع العانة العلوي كان عنا شي اسمو الخط المشطي لهيك الها هالاسمين
هلا كيف رح نحفظ اسما احفظوا معي الجملة الشهيرة بس كون زارعتن لرفقاتي بالشارع
"بالله استنوني لمشّط شعري"
بالله +استنوني =pectineus
لمشط =ما بدها ذكاء مشطي وقلنا الخط المشطي بالعانة لا تنسوا 👀
6)sartorius: العضلة الخياطية
يا جماعة هي سارة عملت تيّور عند الخياط
سارة +تيّور =sartorius
خياط=خياطية
هامش:التيور مشان اللي ما بيعرفوا تنورة وجاكيت رسميين شغل الاكابر الحيايا متل سارة 🐍
7) biceps: العضلة ذات الرأسين الفخذية
احرف الانكليزي بتعرفوهن A, B,C لاب لاب لاب
تاني واحد فيهن هو B يعني رقم ✌
Iceps اتغقنا انو وجه 🥳
B+iceps =ذات الرأسين
8)triceps muscle of calf: العضلة مثلثة الرؤوس الربلية
Tri = تلاتة يا شبااب
كلف روبل واحد (الروبل عملة روسيا يجماعة)
كلف =calf ، روبل =ربلية🙄
9)Gastrocnemius: العضلة التوءَمية الساقية
شوفوا بداية الكلمة بالانكليزي ما بتشبه كاستر🍨
اي والكاستر حلو بس ناكلوا رح نعطش ونروح عالساقية لنشرب
10)Gracilis: العضلة الناحلة ( الرشيقة)
في عنا كلمة اسبانية اسما غراسياس وبتعني شكرا او اكتفيت من شغلة معينة
ف لما تكون رشيق ونحيل وعود فرنساوي ويعرضوا عليك اكل بتقول غراسياس
غراسياس = gracilis
#Med_Help_Anatomy 🧠
@MedHelpForPreYears

#التشريح
#الفصل_الرابع
🔶 البلعوم pharynx :

▫ يقسم الى 3 اقسام:
↩ بلعوم انفي:
يوجد النفير البلعومي الطبلي على الجدار الوحشي للبلعوم الانفي.

↩ بلعوم فموي:
🔸 يمتد من شراع الحنك بالاعلى الى الحافة العلوية للفلكة بالاسفل.
🔸 مجاوراته:
من الخلف: جسم الفقرة الرقبية 2
من الامام: يتصل مع جوف الفم المخصوص عبر برزخ الحلق
من الجانب: قوسان متباعدان تشمل الطية الحنكية اللسانية من الامام والطية الحنكية البلعومية من الخلف
🔸 يوجد بين الطيتان السابقتان لوزة حنكية تتوضع ضمن الحفرة اللوزية
🔸 توجد الثقبة العوراء في ذروة التلم الانتهائي
🔸يوجد طية لسانية فلكية ناصفة و طيتان فلكيتان وحشية مكان اتصال اللسان مع الفلكة
يوجد اخدودين (الوهدة) بين الطية الفلكية الناصفة وكل طية فلكية وحشية

↩ بلعوم حنجري:
🔸 يمتد من الحافة العلوية للفلكية الى الحافة السفلية للغضروف الحلقي
🔸 مجاوراته:
من الامام: فتحة الحنجرة والوجه الخلفي للغضروف الطرجهالي والحلقي
من الخلف: جسم الفقرة ر4 ر5 ر6
🔸يوجد توسع ما يدعى بالردب الكمثري قبل بداية المريء
🔺 يجب التمييز بين الردب الكمثري والفتحة الكمثرية

🔴 العضلات المضيقة العلوية والسفلية والوسطى الموجودة بالطبقة الخارجية تشارك بعملية البلع
اما العضلة الابرية البلعومية والعضلة الحنكية البلعومية تعمل على رفع البلعوم والحنجرة

🔶 المريء esophagus:
↩ طوله 25 سم
↩ قطره 2_3 سم
↩ يمتد من مستوى الفقرة ر6 حتى مستوى الفقرة ص11
🔸توضعاته ومجاوراته :
↩ بالعنق:
امام العمود الفقري + خلف الرغامى
↩ بالصدر:
بالمنصف العلوي: خلف الرغامى
بالمنصف الخلفي: خلف الاذينة اليسرى +امام الابهر الصدري
↩ بالبطن :يدخله عبر فتحة بالحجاب الحاجز بمستوى الفقرة ص10
#Med_Help_Anatomy 🧠
@MedHelpForPreYears

#Med_Help_Anatomy 🧠
@MedHelpForPreYears

" فِي وسطِ انشغَالاتِك تذَكر مَا زاحَم القُرآنُ شَيئاً الّا بارَكهُ "
#Med_Help_Be_Optimistic ❤️😌
@MedHelpForPreYears

#نتائج_عملي مادة التشريح في جامعة حماة
#جامعة_حماة
@MedHelpForPreYears

#التشريح
#الفصل_الخامس
تتكون خلايا الدم من :
🔸الكريات الحمراء:
- تتشكل من نقي العظام ومن العظام قصيرة ومسطحة ونهايات العظام الطويلة
- عددها : ٥ - ٦ مليون كرية في المليمتر مكعب في الدم
- حياتها: ٤ اشهر
- يعد الطحال مقبرة لبقايا هذه الكريات

🔸 الكريات البيضاء:
- وظيفتها: الحماية والدفاع بشكل عام
- لها نوعان:
🔹خلايا متحركة:
- توجد في الدم
- تقوم بالدفاع عن العضوية
- مثال عليها : الخلايا البالعة يلي بتقوم ببلع الاجسام الغريبة
- عددها: ٥٠٠٠ - ٨٠٠٠٠ كرية في المليمتر مكعب في الدم
🔹خلايا ثابتة:
- كبيرة وقادرة ع البلعمة
- لا توجد بالدم بل بانسجة ضامة لبعض الاعضاء ( كبد - طحال - عقد لمفية - نقي العظام )

🔸الصفيحات:
- حجمها: نصف حجم كرية الدم الحمراء
- عددها : ٢٥٠٠٠٠ في الميلمتر مكعب في الدم
- دورها: في عملية تخثر الدم
#Med_Help_Anatomy 🧠
@MedHelpForPreYears

#التشريح
#الفصل_الخامس
نكشات الشرايين
🔴الشريان الكلوي الايمن اطول من الايسر
🔴الوريد الكلوي الايسر اطول من الايمن
🔴يقع الشريان الكظري فوق الشريان الكلوي
🔴منشأ الشريان الكلوي الايسر اعلى من منشأ الايمن
🔴المساريقي العلوي يصالب القطعة الثالثة من العفج
🔴المساريقي السفلي يغطى بالقطعة الثالثة من العفج
🔴الشريان الرئوي الايمن يسير اسفل القوس الابهرية وخلف الاجوف العلوي
🔴المثلث الفخذي يقع بين العضلة المقربة الكبيرة والخياطية والرباط الاربي
🔴 الشريانان المنعطف العضدي الامامي والخلفي فرع من الشريان الابطي (هاااام)
🔴الشريان الزندي يعطي الجذع المشترك للشريان بين العظيمن
نكشات اوردة:
🔵يوجد وريدين عضدين رأسيين ايمن وايسر لكن يوجد فقط جذع عضدي رأسي واحد
🔵يصب بالوريد الوداجي الباطن عدة اوردة اخرى
🔵يصب الوريد الوداجي الامامي في الوريد الوداجي الخارجي والوريد الوداجي الخارجي في الوريد تحت الترقوة
🔵يصب الوريد الرأسي والقاعدي في الوريد الابطي ويعدان من الاوردة السطحية
🔵الوريد الصافن الكبير في الانسي ويصب بالوريد الفخذي
🔵الوريد الصافن الصغير في الوحشي ويصب في الوريد المأبضي
🔵الوريد السري لا يصب بالوريد الحرقفي الباطن
#Med_Help_Anatomy 🧠
@MedHelpForPreYears

#التشريح 🔥
بعض الملاحظات والشروحات المبسطة ب #الفصل_الخامس من مقرر مادة #التشريح تابعوا معنا 👇🏻❤️
بالتوفيق يا رب
#Med_Help_Anatomy 🧠
@MedHelpForPreYears

#تشريح
#الفصل_الخامس
#ملاحظات
#Med_Help_Anatomy 🧠
لاحظتوا انو لما نحكي عن خلايا الدم نذكر كريات حمر ..
طيب معقول خلية يكون اسمها وما يكون فيها نواة ؟
الكريات الحمر لحتى تقدر تقوم بوظيفتها لازم تتخلى عن النواة للاسف
في مراحل الاعداد للنضج تبدأ بالتخطيط لاخلاء مكان النواة لتحميل كمية اكبر من الاكسجين والمواد الغذائية وايضا من اجل عدم حصول استهلاك من العناصر التي تحملها
(لما تكون جوعان ومعك سندويشة اكيد رح تاكلا وهيي نفس الشي لما يكون في نواة رح يزداد متطلب الطاقة والتغذية ف بتصير تتغذى على ما تحمله من اكسجين ومواد)
ولكي يصبح شكلها مقعر الوجهين وقرصي
لهيك قلنا عنها خلية كونو كانت تملك نواة ولكن بنضجها تخلت عنها ..
قصة حزينة 💔
✨رابط بوت التشريح:
@MedHelpAnatomy_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh
كل التوفيق يا رب..
ولا تنسونا من صالح دعائكم 💜✨