⭕#هام
⭕#جامعة_دمشق
إعلان للتعويض النهائي لامتحان #عملي #التشريح لطلاب السنة التحضيرية
أخبار السنة التحضيرية الطبية في سوريا

#الفيزيولوجيا
#الفصل_الثاني
#سؤال_مكرر
#Med_Help_Physiology 💉
شو هي فعالية التقلص العضلي؟
عم يشبهو العضلة ك آلة
فالعضلة هي الها فعالية وتعريف الفعالية كم الطاقة المستخدمة بالعمل وليست الطاقة الضائعة على شكل حرارة
بعمل العضلات بتلاقي في جزء من الطاقة المستخدمة عم يضيع على شكل حرارة نحنا فعليا بدنا كمية الطاقة المستهلكة لهيك حكولك انو كمية مدخول الطاقة هيي 25 بالمية فقط من كمية الغذاء المجمل
طبعا نحنا منحصل على الطاقة من حرق واكسدة الاغذية
بفرض انو الاغذية هي 100٪ عم تعطي طاقة وأثناء التفكك رح تعطي 50٪ طاقة لتشتغل العضلة و50 بالمية حرارة
معناها منسفيد من 50 بالمية فقط
هال50 بالمية راحت عالعضلات واثناء عمل العضلات صار في كمان استهلاك ع شكل حرارة بنسبة 25 بالمية
وبالتالي استفادت العضلة من 25 فقط
اذا جمعنا كمية الحرارة المتشكلة بتطلع فعلا 75
وكمية الطاقة المستخدمة يلي هيي الفعالية 25
ومنلاقي التعريف والمعادلة صحيحة
بعدين حكو بالفقرة كيف فينا نحصل على ال25 بالمية كاملين بدون اي نقص
هاد الشي بيتم عن طريق التقلص سوي السرعة
هاد الشي كتير يكون موضع اهتمام للي بيلعبو رياضة او نادي كمال اجسام لانو اول نصيحة بيقولوها
التركيز اثناء التمرين لا تعمل التمرين بسرعة كبيرة
ولا ببطئ كبير اشتغل بسكل وسط لتحصل على الاستفادة

لانو التقلص البطيء رح يصرف حرارة بشكل كبيرة وجزء بس من ال25 بالمية رح يروح للعضلات والباقي منا رح ينكب حرارة وبالتالي ما استفدنا

واذا بسرعة زائدة الاحتكاك بين الالياف العضلية عم يعمل صعوبة بالامر ونتيجة الاحتكاك كمان عم ينتج حرارة والطاقة عم نستخدما لنغلب الاحتكاك مو لنقوم بالعمل

فحسبو السرعة وطلعت لازم يكون سرعة التقلص 30٪ لتاخد العضلة كل الطاقة وتستفيد منها
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

ارفضْ الاستِسلام ، حارِب لاجلِ اهدافِك ، وايّاكَ ان تعودَ للوراءِ ولا خُطوةً واحِدةً...
#Med_Help_Be_Optimistic ❤️😌
@MedHelpForPreYears

اللهمَ في هذا الصَّباحِ ابعثْ فِينا روحَ الاملِ والتفاؤلِ ، ومُدَّنا بالقوةِ والصّبرِ حتّى نبلغَ مُرادَنا ، ياللّه 🥺❤️
#Med_Help_Be_Optimistic
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉
يعطيكن ألف عافيه يارب 🌸

بس في كم ملاحظة بدنا نحكي عليها للتذكير

🔺الربط بين الخلايا العضلة القلبية بواسطة: الأقراص المقحمة

🔺الأقراص المقحمة تتألف من:
🔸ديسموزوم: يقوم بالربط الآلي
🔸الموصل الفجوي : يقوم بالربط الكهربائي

🔹الخلايا ذاتية النظم: هي خلايا عضلية متخصصة

🌸النسيج العقدي مكون من:

أ-العقدة الحيبية الأذينية (SAN):
تدعى الناظمة القلبية ليش؟
لأنها تمتلك النظم الأسرع من زوال الاستقطاب
ب-المسالك بين العقد :
تنقل التنبيه من العقدة الجيبية الأذينية إلى العقدة الأذينية البطينية
د-العقدة الأذينية البطينية (AVN):
تمتلك القدرة على توليد التنبيه لكن بمعدل أقل من العقدة الجيبية الأذينية
ه- حزمة هيس :
تتفرع إلى أن تبلغ كامل العضلة خلال شبكة بوركنج فتنقل التنبيه لكامل أنحاء البطينين

🔺تذكرة :
كامن ناظم الخطا:
هو كامن غشاء خلايا النسيج العقدي الغير مستقر و غير ثابت عند أي قيمة يبدأ عند ال -60 ميلي فولط و تزداد قيمته عند ال -40 ميلي فولط
🔹عند هي الحالة بتبلش الخلايا ذاتية النظم بإطلاق كامن الفعل

🔸المتحكم الرئيسي بسرعة زوال الاستقطاب في العضلة القلبية :قنوات الكالسيوم
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

#الفيزيولوجيا
#الفصل_الخامس
#Med_Help_Physiology 💉

وهلق صار لازم نحكي عن كامن فعل العضلة القلبية 😍❤️
القلب وما أدراك ما القلب 🫀

🔻أول شي بدنا نعرف أنو متل اي كامن فعل حتمر العضلة القلبية ب ٣ اطوار اساسية والي هية :
🔹طور زوال الاستقطاب
🔹طور عودة الاستقطاب
🔹طور حالة الراحة
ومتل ما بنعرف بكون الدور الاساسي بزوال الاستقطاب هو دخول شوارد الصوديوم والدور الاساسي بعودة الاستقطاب هو خروج شوارد البوتاسيوم .
هاد الشي الي متفقين عليه ..

🔻منجي هلا لنفصل شوي بكل طور على حدى :

📌 الطور 0 : وهو طور زوال الاستقطاب
بهاد الطور بكون اول الشي كامن الفعل عم يتحرك ليوصل لخلية عضلية قابلة للتقلص ( فينا نقول ليف عضلي كمان ) هاد الشي بأدي لقلب شحنة السطح لشحنة أكثر إيجابية مما يؤدي لفتح قنوات الصوديوم (((( المبوبة بالفولطاج )))) ساعتها بتفوت شوارد الصوديوم لجوا الخلية بتضل بتفوت لحتى يصل كامن غشاء ل +20 وهي بتكون الذروة يلي ما لازم نتجاوزها لذلك بتوقف شوارد الصوديوم عن الدخول وبتسكر قنواتها .

📌 الطور 1 : طور عودة الاستقطاب الأولية
بعد ما تسكر قنوات الصوديوم بتفتح قنوات البوتاسيوم بشكل طبيعي لتعدل التغير يلي صار ب كامن الغشاء متل اي كامن مر معنا من قبل فبتغادر شوارد البوتاسيوم الخلية وبتبدا هالخلية ترجع لطور الراحة ..
بس بدنا ننتبه لشغلة انو هاد الطور بكون مدته كتير قصيرة .

📌 الطور 2 : طور الهضبة
بهاد الطور بتزداد نفوذية الغشاء لشوارد الكالسيوم وبتنقص نفوذيته لشوارد البوتاسيوم وبهاد الشي بطول كامن الفعل شوي (لأنو البوتاسيوم عم يطلع لبرا والكالسيوم عم يفوت لجوا حسب مدروج التركيز) وبيسمح للعضلة القلبية انو ترتاح شوي بين التقلصات مشان ينتقل الدم للبطينات يلي بتمتلئ بالدم ..
وبنهاية هاد الطور بكون انتهى الحران المطلق وبتصير العضلة القلبية بتتنبه للتنبيهات يلي بتبلغ شدة معينة بتكون عالية نسبيا ( لانو منصير بفترة الحران النسبي ) .
ومن اول كامن الفعل لاخر هذا الطور بيستغرق بين ال 200 وال 300 ميلي ثانية يلي هية نفسها فترة الحران المطلق ..

انطرونا بالبوست الجاية لنذكركن بباقي الأطوار 😉
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

🔴#مكرر لكثرة السؤال
محذوفات وتصويبات #الفصل_الثاني من مادة #التشريح حسب كلام الدكتور القدير بيان السيّد
https://www.facebook.com/groups/243167734185043/permalink/258605689307914/

#Med_Help_Anatomy 🧠
#التشريح
#الفصل_الثاني
كل ما هو مُعَلَّم فهو مطلوب ، هذا الملف يحوي الصفحات التي فيها إشكال عن المحذوف .
لا تنسونا من صالح الدعاء ، بالتوفيق ..❣

#الفيزيولوجيا
#الفصل_الخامس
#Med_Help_Physiology 💉

وهلق صار لازم نحكي عن كامن فعل العضلة القلبية 😍❤️
القلب وما أدراك ما القلب 🫀

هلق بدنا نتابع بآخر طورين☺️

📌 الطور 3 : نهاية طور الهضبة
وهون باختصار متل طور عودة الاستقطاب ولكن بتسكر قنوات الكالسيوم وبتفتح قنوات بوتاسيوم أكثر لتسمح بخروج شوارد البوتاسيوم لخارج الخلية وعودة الاستقطاب بشكل تدريجي 😊

الطور 4 : طور حالة الراحة 😍😁
وهون عنا بعد ما تخلص كل الاطوار السابقة صار لازم القلب ياخد استراحة صغيرة ليجي كامن الفعل يلي بعده وبكون مستقر وقيمته تساوي - 90 ميلي فولط ..
ومننتبه ومنذكر انو هي الإشارة السالبة اصطلاحية تشير الى شحنة السطح الداخلي السالب لليف ( يعني الفرق بين شحنة الليف الخارجية والداخلية سالبة او بصيغة اخرى داخل الليف اكثر سلبية ب ٩٠ ميللي فولط من خارجه ) .

هيك منكون خلصنا كامن الفعل بالعضلة القلبية ومننتقل بالبوست القادم لتخطيط كهربية القلب باذن الله 😁😍😍


✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

يَوماً ما سَيأتي النّورُ ليَعتذِر عمَّا فعلهُ الظّلام ، لذا ايّاك ان تستَسِلمَ ، قاوِم و حارِب لاجلِ اهدافِك
#Med_Help_Be_Optimistic ❤️😌
@MedHelpForPreYears

#نقلاً عن الدكتور مروان الحلبي
يُحذف #الفصل_16 من مادة الوراثة الطبية #كاملاً لطلاب السنة التحضيرية
"ننتظر القرار بشكل رسمي"
مُبارك❤️🌹
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉

وهلا بدنا نحكي عن فقرة كتير مهمة بهالفصل وهية المغزى من كل معلومات هالفصل والي هية تخطيط كهربائية القلب 😍🔥
هي الفقرة كتير سهلة وحنشرحها باسلوب مبسط ولما تفهموها حتحسو حالكم دكاترة لانو شي عملي بحت 🤣🤣
نحنا مو أحيانا منشوف بالصور وبالمشافي ناس مسطحة وملزقين على اماكن متعددة من جسمها متل دوائر بوصولة باسلاك للجهاز ؟؟
حتقلولي مبلا طبعا وشايفينا كتير ..
هي هية ما يدعى بتخطيط الكهربائية القلبية ..
هاد الجهاز وهي الاسلاك بتقيس تغير نفوذ الشوارد على جانبي الياف العضلة القلبية وبالتالي بتقيس تغير القطبية يعني .. طيب هاد الشي كيف منشوفو برا الاسلاك بشكل عملي ؟؟
قال في ورق خاص لهالجهاز هاد متل ابرة بترسم هاد التغير على ورق ميلليمتري بشكل تموجات .. 😍😍
المحور الافقي بهالورق بكون لتغير الزمن والعامودي لتغير الجهد الكهربائي وتطبيقه بموجة صاعدة على الورق الميلليمتري ..

🔵 وهلا صار لازم نحكي عن اطوار مخطط كهربائية القلب بشكل كامل
🔺 الطور الأول او الموجة P : تمثل تشكل النبضة في العقدة الجيبية الأذينية وانقباض الأذينتين .
🔺 الطور الثاني او الموجة المركبة QRS : تمثل زوال استقطاب البطينين بعد انتهاء استثارة الياف بوركينج بالالية يلي تحدثنا عنها من قبل بانتقال النبضة من العقدة الجيبية الأذينية الى الياف بوركينج في جدران البطينين و زوال استقطابهما ..
🔺 الطور الثالث او الموجة T : بتمثل عودة استقطاب البطينين من التنبيه ودخولهما في طور الراحة .
🚫 لازم ننوه لشغلة وهي انو الموجة QRS اكبر من P بسبب انو فيها بيحدث تغير أكبر بالفولطاج لانو النسيج العضلي البطيني اكيد اكبر من الاذيني ..

🔵 اكيد حيخطر ببال كتير منكم سؤال .. والي هو كيف في للبطينين موجة عودة استقطاب خاصة وللاذينتين لا ؟؟
قال في عودة استقطاب للاذينتين اكيد بس ما ببين بالمخطط .. طيب لي ؟ .. لانو تغير في استقطاب الاذينتين بكون محجوب بالموجة QRS الكبيرة جدا لذلك ما ببين عالمخطط لانو ببين بهداك الوقت بس زوال استقطاب البطينين ✨

💥 في عنا كمان مرضين بيتعلقو بمخطط كهربائية القلب نتيجة شذوذ فيه يعني ممكن نلاحظهم من المخطط الغير صحيح بشكل كامل والي هنن :
⚡️ اولا الاحصار القلبي وقتها بتطول الفترة PQ لتمتد حتى 0.20 ثانية ( علما انو هية لازم تكون 0.16 ثانية بشكل وسطي ) ... ليش سميناه احصار قلبي لانو ببساطة بطول الوقت اللازم لانتقال التنبيه من العقدة الجيبية الأذينية الى البطينين يعني القلب حاصر فينا نقول 🌚
⚡️الحالة المرضية الثانية والي هية الاحتشاء ( او الذبحة الصدرية ) بنحسن نكشفها عبر رؤية انزياح القطعة T - S نحو الاعلى او الاسفل والسبب انو عندي خلل بدخول شوارد الكالسيوم للخلايا ولذلك بصير عندي هالاضطراب ..

هون منكون خصلنا مخطط كهربائية القلب ومنرجعلكم البوست الجاية ب الدورة القلبية واصوات القلب وحتكون سهلة كتير عليكم يا أشاوس لانو لسا بالعملي كانو متوسعين اكتر فيهم 🥰🥰❤️

✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

ملف قوانين مادة #الإحصاء لطلاب السنة التحضيرية
للذهاب إليه انقر هنا
#Med_Help_Statistics 🧮
@MedHelpForPreYears

مساءُ الخيرِ للذينَ يقاتِلون من اجلِ ذلكَ الحلمِ العتيقِ ، للذينَ لا يكترِثون لكثرةِ الصِّعابِ والعَثراتِ ، للذينَ لا يعرِفون المُستحيل ، استَمروا وقاوِموا فالمجدُ لكُم يا رِفاقُ 🔥✌️🏻
#Med_Help_Be_Optimistic ❤️😌
@MedHelpForPreYears

سيتحققُ حُلمكَ مَا دُمتَ تحاوِلُ ، لِذا لَا تستَسِلم واكمِل الطَّريقَ مَهما كَانت صُعوبتهُ..
#Med_Help_Be_Optimistic ❤️😌
@MedHelpForPreYears

#وراثة
#الفصل_العاشر
#سؤال_مكرر
بدايةً حكولنا انو الخلل قد لا يكون في جميع الخلايا وانما في بعض الخلايا
اي يكون نسيج معين يحوي خلايا طافرة وخلايا طبيعية
يطلق على هذا النوع اسم التزيق
🔸 معنى تزيق: مظهر فسيفسائي؛ اجتماع عدة انواع مختلفة بمكان واحد
🔸 حالات التزيق تنشأ عن طريق الانقسامات الخيطية (لان كل انقسام المنصف ينتج عنه 4 خلايا مستقلة عن بعضها دون تشكيل مظهر متزيق)
🔸 كيف ممكن تنشأ حالات التزيق:
لدينا حالتان:
1 بعد الانقسام المنصف قد تتشكل بيضة ملقحة تحوي خلل بالصيغة الصبغية (تثلث /احاد..) ومن ثم أثناء الانقسامات الخيطية تتحسن الصيغة الصبغية ويظهر نمط ظاهري طبيعي
2 او تتشكل بيضة ملقحة صيغتها الصبغية طبيعية، فعند الانقسامات الخيطية ينشأ صيغة صبغية مختلة
🔸 فبالحالة الاولى: اثناء تصحيح الصيغة قد لا تتصلح في جميع الخلايا او بالحالة الثانية قد لا يصبح الخلل في جميع الخلايا؛ فيصبح النسيج متزيّق
🔺 اخر فكرة؛ اذا الاختلال حصل بمراحل مبكرة فقد يكون الخطر كبيراً(لأن بالمراحل المبكرة نكون بمرحلة التويتة او الارومة وهي ستعطي طل خلايا الجسم)
بينما اذا الاختلال بمراحل متأخرة فالخطر ضئيلاً
#Med_Help_Genetics 🧬

تشَبثُوا باحلامِكم ولا تدَعُوها تُفلِت منكُم ، حارِبوا بقوةٍ واصرارٍ ، ايّاكم والسّقوط فالقاعُ ليسَ لكُم ، حطِّموا الحَواجزَ والقُيودَ التّي تمنعُكم من الاستمرارِ ، ولا تأبَهوا للظّلمةِ مَهما اشتدَّ سَوادُها ، ف غَداً سَتزهِر الحياةُ وسَيكونُ المجدُ لكُم يا رِفاقُ 🔥✌️🏻
#Med_Help_Be_Optimistic ❤️😌
@MedHelpForPreYears

يَوماً ما سَتبتسِمُ الحَياةُ لنَا ، وسَتتحققُ جميعُ احلَامنا ، هذهِ ثِقتُنا باللّه..
#Med_Help_Be_Optimistic ❤️😌
@MedHelpForPreYears

#وراثة
#الفصل_التاسع
#سؤال_مكرر
مكتوب جملة بالكتاب:
(يتوزع المجين النووي البشري على 23 او 24 صبغي)
◾ السؤال من وين 23 او 24 صبغي؟؟

المجين النووي البشري هو مجموع الجينات الموجودة بكامل الخلية
◾ والجينات متوضعة على صبغيات
◾ الصبغيات تتوزع الى صبغيات جسدية او صبغيات جنسية (X او y)
◾ الصبغيات الجسدية توجد بشكل اشفاع
(الشفع اي صبغيين متماثلين يحويان الجينات نفسها، اي الجين على الصبغي 1' والجين على الصبغي 1 يرمزان نفس الصفة، قد يختلفو عن بعض بشكل الصفة، اي منسميهن اليل)
◾ الصبغيات الجنسية
عند الانثى يوجد شفع xx
عند الذكر لا يوجد شفع اي الصبغي x يختلف بجيناته عن الصبغي y

فالفكرة بالسؤال..
اثناء عدّ الجينات بالمجين البشري، لا نحسب الاشفاع لانها متماثلة، نحسب فقط الجينات المختلفة


⬅ نتيجة : عند الانثى 23 صبغي
عند الذكر 24 صبغي
#Med_Help_Genetics 🧬
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉

واليوم حيكون حكينا متل ما قلنا بالبوست الماضي عن الدورة القلبية ونتاج القلب وهية فقرة كتير بسيطة وقراءة البوست مرة او مرتين بفهم بتكفيكم باذن الله ..

حننوه لعدة نقاط بهالفقرة ..
🔺 بالدورة القلبية بكون في عنا طورين يلي هنن :
- طور الانقباض الأذيني ومدته 0.15 ثانية
- وطور الانقباض البطيني ومدته 0.3 ثانية ( يعني ضعف مدة طور الانقباض الأذيني )
🔺 لما بكون الاذينتين بحالة انقباض بكون البطينين في حالة استرخاء والعكس صحيح .. يعني لما بكونو البطينين منقبضين بكون الاذينتين في حالة استرخاء
🔺 بالنسبة للصمامات :
🔸 لما بنكون بطور الانقباض الاذيني بتكون الصمامات الاذينية البطينية مفتوحة مشان ضغط الدم يلي موجود بالاذينتين يدخل عبر هالصمامات للبطينين .. بينما بهاد الوقت بتكون الصمامات السينية مغلقة لحتى ينقبضو البطينين .
🔸 ولما بنكون بطور الانقباض البطيني بتكون الصمامات السينية مفتوحة والصمامات الاذينية البطينية مغلقة .. بتنفتح الصمامات السينية نتيجة حصول ضغط في البطينين نتيجة دخول الدم اليهما من الاذينتين بعد القبض الأذيني ..

🔴 ملاحظة صغيرة : لما بينقبضو البطينين ف ثلثين الدم الموجود فيهم يقذف عبر الصمامات السينية والثلث المتبقي فيهم بيدخل بالصمامات بنهاية القبض اول مل يفوت البطينين بمرحلة الاسترخاء .

⚜ بالنسبة لنتاج القلب فهو بيعتمد على عاملين :
- اول شي معدل دقات القلب يعني عدد الضربات
- وثاني شي حجم النفضة يعني كمية الدم يلي بتنضخ لما بيتقلصو البطينين

🔷 طبعا لازم ننوه لشغلة كتير ضرورية والي هية انو حتى لو زاد عندي عدد ضربات القلب ما حيزداد بشكل كبير النتاج القلبي .. طيب لي ؟ .. في معادلة بسيطة بتوضح هالشي :
اذا زاد عندي عدد ضربات القلب ⬅️ حيقل زمن الانبساط او الاسترخاء ⬅️ هيك حينقص حجم نهاية الانبساط ويرجع القلب ينقبض بسرعة ⬅️ حيتناقص حجم النفضة لانو القلب ماعت يلحق يستورد الدم بوقت كافي ⬅️ هيك حينقص النتاج القلبي ببساطة ✨✨
🔚 قبل ما ننتقل لاصوات القلب في معلومة صغيرة لازم نذكرها وهية النتاج القلبي في حالة الراحة ..
طبعا هون قصدنا بالراحة ليس استرخاء العضلة القلبية لبعض الوقت وانما حالة الراحة يعني غير متعب .. يعني مافي اسباب خارجية عم تزيد النبض والتقلص في عضلة القلب ..
بحالة الراحة يضخ البطين الأيمن للدوران الرئوي نفس الكمية الي بضخها البطين الأيسر للدوران الرئوي وهي : 5.25 لتر من الدم 🩸

صحيح طولنا عليكم بهالبوست بس وصلنا لآخر فقرة بالفصل الخامس وهي أصوات القلب 😍😍
للقلب أربع أصوات الصوت الاول والثاني منها تسمع بوضوح اما الثالث والرابع فتواترها منخفض وصعبة السماع قليلاً
🔸 الصوت الأول : طويل نسبيا ويسمع عند انغلاق الصمامات الأذينية وانقباض البطينين .
🔸 الصوت الثاني : يسمع عند نهاية انقباض البطينين وانغلاق الصمامات السينية ( أي بدء استرخاء البطينين )
🔸 الصوت الثالث : في الثلث المتوسط من وقت انبساط العضلة القلبية وسببه اهتزاز الدم في جدران البطينين عندما يتورد من الأذينتين عبر الصمامات الأذينية الهلالية .
🔸 الصوت الرابع : سببه الانقباض الأذيني الفعال في نهاية استرخاء بطيني وهذا الانقباض غير مطاوع و يترافق بعلة مرضية وهي ارتفاع التوتر الشرياني او قصور الدسام التاجي .
وطبعا بالصوت الاول والثاني ينجم عن انغلاق وريقات الصمامات المشدودة مع بعضها واهتزاز الدم في جدارن القلب بعض الصوت الذي يساعد في سماع هذين الصوتين بشكل افضل ..
👨‍⚕ وانت كطبيب بعد كل هاد الكلام لازم تعرف وين المكان المناسب لقياض النبض بالفحص السريري ل تقييم حالة المريض والمساعدة على التشخيص .. قالولك بالكتاب افضل طريقة هية جس الشريان الكعبري فوق الميزابة الكعبرية في نهاية الساعد الوحشية بضغطة خفيفة لتقدر تجس النبض الموجود وتعده لانو لازم يكون بمعدل ٧٠ نبضة بالدقيقة وهو الحد الطبيعي للإنسان السوي ..

هيك منكون خلصنا الفصل الخامس والحمد لله ان شاء الله تكونو استفدتو ومكملين باذن الله بالمادة لوقت الفحص حنضل ننزل بوستات لترجعولها وتساعدكم على الفهم بشكل افضل والمراجعة بشكل ممتاز 😍😍❤️
الى اللقاء يا أشاوس وأطباء المستقبل 🔥💥

✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh