تشَبثُوا باحلَامِكم وطُموحاتِكم ولا تدعُوها تُفلِت منكُم ، افعلُوا المُستَحيل لاجلِ ابتسَامةٍ تُرتَسمُ ع وجوهِ مرضَاكُم ، قاوِموا وكافِحوا ، وايّاكُم ان تستَسلِموا للصّعابِ ، واتذكَروا دائِماً انكُم لهَا يَا رِفاقُ 🔥✌️🏻
#Med_Help_Be_Optimistic ❤️😌
@MedHelpForPreYears

للتذكير 💜✨
رابط قناة الاتمتة يلي بحب يختبر دراسته
@MedHelpAtmateh

#English
اليوم شرحنا عن قاعدة سهلة وبدها تركيز :

used to / be used to /get used to
(be افعال الكون: is am are was were)
🔸 كيف بقدر فرّق بين الصيغ التلاتة؟
1️⃣ used to :
◾ Negative formation: صيغة النفي
didn't use to (Not didn't used to ✖)
◾ Used to +(infinitive)⛔
◾ We use it to talk about : نستخدمها للتكلم
▶ past habits :عادات بالماضي فقط
↪ I used to drink five cups of coffee a day, but now I am not.
بهالمثال شرب القهوة عادة كنت اعملها بالماضي
▶ repeated actions احداث متكررة
↪ I used to have croissants for breakfast when I lived in France.
بهالمثال كنت اكل كروسان كل يوم
▶ situations which have changed مع حالات بالماضي لكن حصل عليها تغير
↪ I didn't use to sleep very well , but then I started doing yoga and it really helps
ما كنت معتاد نام منيح قبل بس هلأ صرت نام
🔷 Notes: ملاحظات
🅰 We can use "would" to refer to repeated actions in the past.
◾ Would+infinitive
منقدر نستخدم would للاشارة الى احداث متتكررة
↪ I would eat croissants for breakfast when I lived in France.

لاحظ بهالمثال استخدمنا would eat (غلط نحكي would have✖) ببساطة لان وقت استخدام would بمعنى" يعتاد على" ما بصير يكون بعدها افعال جامدة non-action verbs

↪ (non-action verbs: be, believe, know, need, think, have, hate, see, feel, understand, remember, own)
🅱to talk about present habits, use present simple ✔
وقت بدنا نحكي عن عادات بالحاضر بستخدم الزمن الحاضر البسيط (ما بصير احكي use to ✖)
↪ I usually do some sport activities in the morning. (NOT I usually use to do.. ✖)
_


2️⃣ be used to / get used to :
be used to+ gerund ⛔
get used to +gerund ⛔
🅰 We use "be used to" to talk about new situations which are NOW familiar or less strange.
بستخدم be used to مع احداث مألوفة بالنسبة النا واتعودنا عليها
↪ I was an only child,so I wasn't used to sharing room.
ما اتعودت أحد يشاركني بالغرفة (حدث مألوف)
🅱 We use "get used to" to talk about new situations which are BECOMING familiar with something.
منستخدم get used to مع احداث بدها تصير مألوفة بالنسبة النا ولازم نتأقلم معها.
↪ we haven't got used to having a new baby yet.
لسا ما اتعودنا انو عنا طفل بعد (بدو يصير مألوف بس بدو وقت)
⚫ Extra examples:
امثلة خارجية اضافية لتثبيت الفكرة
▶He wasn't used to walking so much and his legs hurt after the hike.
شرح: (عادة مألوفة انو ما اتعود يطلع يمشي لهيك وقت طلع هالمشوار اتألّم)
▶I'm getting used to the noise now. I found it really stressful when I first moved in.
شرح: (عم حاول اني اتأقلم مع وضع الضجة هلأ لهيك استخدمت get used to)
▶ Even though I loved my old job, I couldn't get used to the long hours.
شرح: (بالرغم اني بحب عملي القديم بس ما قدرت اتعود على العمل ساعات طويلة)
❗ هون احتمال تفكرو انو الحدث ماضي واني غيرت شغلي ليش ما استخدمت couldn't use to. بس الهدف هون انو العمل الطويل غير مألوف بالنسبة الي وما رح يصير لهيك استخدمت get)
▶ You've stopped hiking? But why? You used to go all the time.
شرح: (سهلة كنت عطول تتزلج بس هلأ وقفت يعني الحالة الاولى)
▶ I work from home so I'm used to not having people around me all day.
شرح: (عادة مألوفة ما شفت العالم)
▶ I used to play the guitar but I don't have time now.
شرح: (بطلت العب عالجيتار 🎻 بعد ما اتعودت عليه لاني تحضيرية وما عندي وقت)
✨رابط بوت المادة يلي عنده اي سؤال:
@MedHelpEnglish_ALT_bot
✨رابط القناة:
@MedHelpForPreYears
كان معكم:
#Med_Help_English

لا تنسَ احلامَك او تخذُلها ، ايّاكَ ان تفعلَ هذا..استَمر رغمَ كلِّ المشاقِ والعَثراتِ ، ف غداً سَتشرقُ الحياةُ وتبتَسِم لكَ ، وسَتجدُ نفسَك وسطَ حُلمكَ ، ثِق بذلك
#Med_Help_Be_Optimistic ❤️😌
@MedHelpForPreYears

⭕#هام
⭕#جامعة_دمشق
إعلان للتعويض النهائي لامتحان #عملي #التشريح لطلاب السنة التحضيرية
أخبار السنة التحضيرية الطبية في سوريا

#الفيزيولوجيا
#الفصل_الثاني
#سؤال_مكرر
#Med_Help_Physiology 💉
شو هي فعالية التقلص العضلي؟
عم يشبهو العضلة ك آلة
فالعضلة هي الها فعالية وتعريف الفعالية كم الطاقة المستخدمة بالعمل وليست الطاقة الضائعة على شكل حرارة
بعمل العضلات بتلاقي في جزء من الطاقة المستخدمة عم يضيع على شكل حرارة نحنا فعليا بدنا كمية الطاقة المستهلكة لهيك حكولك انو كمية مدخول الطاقة هيي 25 بالمية فقط من كمية الغذاء المجمل
طبعا نحنا منحصل على الطاقة من حرق واكسدة الاغذية
بفرض انو الاغذية هي 100٪ عم تعطي طاقة وأثناء التفكك رح تعطي 50٪ طاقة لتشتغل العضلة و50 بالمية حرارة
معناها منسفيد من 50 بالمية فقط
هال50 بالمية راحت عالعضلات واثناء عمل العضلات صار في كمان استهلاك ع شكل حرارة بنسبة 25 بالمية
وبالتالي استفادت العضلة من 25 فقط
اذا جمعنا كمية الحرارة المتشكلة بتطلع فعلا 75
وكمية الطاقة المستخدمة يلي هيي الفعالية 25
ومنلاقي التعريف والمعادلة صحيحة
بعدين حكو بالفقرة كيف فينا نحصل على ال25 بالمية كاملين بدون اي نقص
هاد الشي بيتم عن طريق التقلص سوي السرعة
هاد الشي كتير يكون موضع اهتمام للي بيلعبو رياضة او نادي كمال اجسام لانو اول نصيحة بيقولوها
التركيز اثناء التمرين لا تعمل التمرين بسرعة كبيرة
ولا ببطئ كبير اشتغل بسكل وسط لتحصل على الاستفادة

لانو التقلص البطيء رح يصرف حرارة بشكل كبيرة وجزء بس من ال25 بالمية رح يروح للعضلات والباقي منا رح ينكب حرارة وبالتالي ما استفدنا

واذا بسرعة زائدة الاحتكاك بين الالياف العضلية عم يعمل صعوبة بالامر ونتيجة الاحتكاك كمان عم ينتج حرارة والطاقة عم نستخدما لنغلب الاحتكاك مو لنقوم بالعمل

فحسبو السرعة وطلعت لازم يكون سرعة التقلص 30٪ لتاخد العضلة كل الطاقة وتستفيد منها
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

ارفضْ الاستِسلام ، حارِب لاجلِ اهدافِك ، وايّاكَ ان تعودَ للوراءِ ولا خُطوةً واحِدةً...
#Med_Help_Be_Optimistic ❤️😌
@MedHelpForPreYears

اللهمَ في هذا الصَّباحِ ابعثْ فِينا روحَ الاملِ والتفاؤلِ ، ومُدَّنا بالقوةِ والصّبرِ حتّى نبلغَ مُرادَنا ، ياللّه 🥺❤️
#Med_Help_Be_Optimistic
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉
يعطيكن ألف عافيه يارب 🌸

بس في كم ملاحظة بدنا نحكي عليها للتذكير

🔺الربط بين الخلايا العضلة القلبية بواسطة: الأقراص المقحمة

🔺الأقراص المقحمة تتألف من:
🔸ديسموزوم: يقوم بالربط الآلي
🔸الموصل الفجوي : يقوم بالربط الكهربائي

🔹الخلايا ذاتية النظم: هي خلايا عضلية متخصصة

🌸النسيج العقدي مكون من:

أ-العقدة الحيبية الأذينية (SAN):
تدعى الناظمة القلبية ليش؟
لأنها تمتلك النظم الأسرع من زوال الاستقطاب
ب-المسالك بين العقد :
تنقل التنبيه من العقدة الجيبية الأذينية إلى العقدة الأذينية البطينية
د-العقدة الأذينية البطينية (AVN):
تمتلك القدرة على توليد التنبيه لكن بمعدل أقل من العقدة الجيبية الأذينية
ه- حزمة هيس :
تتفرع إلى أن تبلغ كامل العضلة خلال شبكة بوركنج فتنقل التنبيه لكامل أنحاء البطينين

🔺تذكرة :
كامن ناظم الخطا:
هو كامن غشاء خلايا النسيج العقدي الغير مستقر و غير ثابت عند أي قيمة يبدأ عند ال -60 ميلي فولط و تزداد قيمته عند ال -40 ميلي فولط
🔹عند هي الحالة بتبلش الخلايا ذاتية النظم بإطلاق كامن الفعل

🔸المتحكم الرئيسي بسرعة زوال الاستقطاب في العضلة القلبية :قنوات الكالسيوم
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

#الفيزيولوجيا
#الفصل_الخامس
#Med_Help_Physiology 💉

وهلق صار لازم نحكي عن كامن فعل العضلة القلبية 😍❤️
القلب وما أدراك ما القلب 🫀

🔻أول شي بدنا نعرف أنو متل اي كامن فعل حتمر العضلة القلبية ب ٣ اطوار اساسية والي هية :
🔹طور زوال الاستقطاب
🔹طور عودة الاستقطاب
🔹طور حالة الراحة
ومتل ما بنعرف بكون الدور الاساسي بزوال الاستقطاب هو دخول شوارد الصوديوم والدور الاساسي بعودة الاستقطاب هو خروج شوارد البوتاسيوم .
هاد الشي الي متفقين عليه ..

🔻منجي هلا لنفصل شوي بكل طور على حدى :

📌 الطور 0 : وهو طور زوال الاستقطاب
بهاد الطور بكون اول الشي كامن الفعل عم يتحرك ليوصل لخلية عضلية قابلة للتقلص ( فينا نقول ليف عضلي كمان ) هاد الشي بأدي لقلب شحنة السطح لشحنة أكثر إيجابية مما يؤدي لفتح قنوات الصوديوم (((( المبوبة بالفولطاج )))) ساعتها بتفوت شوارد الصوديوم لجوا الخلية بتضل بتفوت لحتى يصل كامن غشاء ل +20 وهي بتكون الذروة يلي ما لازم نتجاوزها لذلك بتوقف شوارد الصوديوم عن الدخول وبتسكر قنواتها .

📌 الطور 1 : طور عودة الاستقطاب الأولية
بعد ما تسكر قنوات الصوديوم بتفتح قنوات البوتاسيوم بشكل طبيعي لتعدل التغير يلي صار ب كامن الغشاء متل اي كامن مر معنا من قبل فبتغادر شوارد البوتاسيوم الخلية وبتبدا هالخلية ترجع لطور الراحة ..
بس بدنا ننتبه لشغلة انو هاد الطور بكون مدته كتير قصيرة .

📌 الطور 2 : طور الهضبة
بهاد الطور بتزداد نفوذية الغشاء لشوارد الكالسيوم وبتنقص نفوذيته لشوارد البوتاسيوم وبهاد الشي بطول كامن الفعل شوي (لأنو البوتاسيوم عم يطلع لبرا والكالسيوم عم يفوت لجوا حسب مدروج التركيز) وبيسمح للعضلة القلبية انو ترتاح شوي بين التقلصات مشان ينتقل الدم للبطينات يلي بتمتلئ بالدم ..
وبنهاية هاد الطور بكون انتهى الحران المطلق وبتصير العضلة القلبية بتتنبه للتنبيهات يلي بتبلغ شدة معينة بتكون عالية نسبيا ( لانو منصير بفترة الحران النسبي ) .
ومن اول كامن الفعل لاخر هذا الطور بيستغرق بين ال 200 وال 300 ميلي ثانية يلي هية نفسها فترة الحران المطلق ..

انطرونا بالبوست الجاية لنذكركن بباقي الأطوار 😉
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

🔴#مكرر لكثرة السؤال
محذوفات وتصويبات #الفصل_الثاني من مادة #التشريح حسب كلام الدكتور القدير بيان السيّد
https://www.facebook.com/groups/243167734185043/permalink/258605689307914/

#Med_Help_Anatomy 🧠
#التشريح
#الفصل_الثاني
كل ما هو مُعَلَّم فهو مطلوب ، هذا الملف يحوي الصفحات التي فيها إشكال عن المحذوف .
لا تنسونا من صالح الدعاء ، بالتوفيق ..❣

#الفيزيولوجيا
#الفصل_الخامس
#Med_Help_Physiology 💉

وهلق صار لازم نحكي عن كامن فعل العضلة القلبية 😍❤️
القلب وما أدراك ما القلب 🫀

هلق بدنا نتابع بآخر طورين☺️

📌 الطور 3 : نهاية طور الهضبة
وهون باختصار متل طور عودة الاستقطاب ولكن بتسكر قنوات الكالسيوم وبتفتح قنوات بوتاسيوم أكثر لتسمح بخروج شوارد البوتاسيوم لخارج الخلية وعودة الاستقطاب بشكل تدريجي 😊

الطور 4 : طور حالة الراحة 😍😁
وهون عنا بعد ما تخلص كل الاطوار السابقة صار لازم القلب ياخد استراحة صغيرة ليجي كامن الفعل يلي بعده وبكون مستقر وقيمته تساوي - 90 ميلي فولط ..
ومننتبه ومنذكر انو هي الإشارة السالبة اصطلاحية تشير الى شحنة السطح الداخلي السالب لليف ( يعني الفرق بين شحنة الليف الخارجية والداخلية سالبة او بصيغة اخرى داخل الليف اكثر سلبية ب ٩٠ ميللي فولط من خارجه ) .

هيك منكون خلصنا كامن الفعل بالعضلة القلبية ومننتقل بالبوست القادم لتخطيط كهربية القلب باذن الله 😁😍😍


✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

يَوماً ما سَيأتي النّورُ ليَعتذِر عمَّا فعلهُ الظّلام ، لذا ايّاك ان تستَسِلمَ ، قاوِم و حارِب لاجلِ اهدافِك
#Med_Help_Be_Optimistic ❤️😌
@MedHelpForPreYears

#نقلاً عن الدكتور مروان الحلبي
يُحذف #الفصل_16 من مادة الوراثة الطبية #كاملاً لطلاب السنة التحضيرية
"ننتظر القرار بشكل رسمي"
مُبارك❤️🌹
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉

وهلا بدنا نحكي عن فقرة كتير مهمة بهالفصل وهية المغزى من كل معلومات هالفصل والي هية تخطيط كهربائية القلب 😍🔥
هي الفقرة كتير سهلة وحنشرحها باسلوب مبسط ولما تفهموها حتحسو حالكم دكاترة لانو شي عملي بحت 🤣🤣
نحنا مو أحيانا منشوف بالصور وبالمشافي ناس مسطحة وملزقين على اماكن متعددة من جسمها متل دوائر بوصولة باسلاك للجهاز ؟؟
حتقلولي مبلا طبعا وشايفينا كتير ..
هي هية ما يدعى بتخطيط الكهربائية القلبية ..
هاد الجهاز وهي الاسلاك بتقيس تغير نفوذ الشوارد على جانبي الياف العضلة القلبية وبالتالي بتقيس تغير القطبية يعني .. طيب هاد الشي كيف منشوفو برا الاسلاك بشكل عملي ؟؟
قال في ورق خاص لهالجهاز هاد متل ابرة بترسم هاد التغير على ورق ميلليمتري بشكل تموجات .. 😍😍
المحور الافقي بهالورق بكون لتغير الزمن والعامودي لتغير الجهد الكهربائي وتطبيقه بموجة صاعدة على الورق الميلليمتري ..

🔵 وهلا صار لازم نحكي عن اطوار مخطط كهربائية القلب بشكل كامل
🔺 الطور الأول او الموجة P : تمثل تشكل النبضة في العقدة الجيبية الأذينية وانقباض الأذينتين .
🔺 الطور الثاني او الموجة المركبة QRS : تمثل زوال استقطاب البطينين بعد انتهاء استثارة الياف بوركينج بالالية يلي تحدثنا عنها من قبل بانتقال النبضة من العقدة الجيبية الأذينية الى الياف بوركينج في جدران البطينين و زوال استقطابهما ..
🔺 الطور الثالث او الموجة T : بتمثل عودة استقطاب البطينين من التنبيه ودخولهما في طور الراحة .
🚫 لازم ننوه لشغلة وهي انو الموجة QRS اكبر من P بسبب انو فيها بيحدث تغير أكبر بالفولطاج لانو النسيج العضلي البطيني اكيد اكبر من الاذيني ..

🔵 اكيد حيخطر ببال كتير منكم سؤال .. والي هو كيف في للبطينين موجة عودة استقطاب خاصة وللاذينتين لا ؟؟
قال في عودة استقطاب للاذينتين اكيد بس ما ببين بالمخطط .. طيب لي ؟ .. لانو تغير في استقطاب الاذينتين بكون محجوب بالموجة QRS الكبيرة جدا لذلك ما ببين عالمخطط لانو ببين بهداك الوقت بس زوال استقطاب البطينين ✨

💥 في عنا كمان مرضين بيتعلقو بمخطط كهربائية القلب نتيجة شذوذ فيه يعني ممكن نلاحظهم من المخطط الغير صحيح بشكل كامل والي هنن :
⚡️ اولا الاحصار القلبي وقتها بتطول الفترة PQ لتمتد حتى 0.20 ثانية ( علما انو هية لازم تكون 0.16 ثانية بشكل وسطي ) ... ليش سميناه احصار قلبي لانو ببساطة بطول الوقت اللازم لانتقال التنبيه من العقدة الجيبية الأذينية الى البطينين يعني القلب حاصر فينا نقول 🌚
⚡️الحالة المرضية الثانية والي هية الاحتشاء ( او الذبحة الصدرية ) بنحسن نكشفها عبر رؤية انزياح القطعة T - S نحو الاعلى او الاسفل والسبب انو عندي خلل بدخول شوارد الكالسيوم للخلايا ولذلك بصير عندي هالاضطراب ..

هون منكون خصلنا مخطط كهربائية القلب ومنرجعلكم البوست الجاية ب الدورة القلبية واصوات القلب وحتكون سهلة كتير عليكم يا أشاوس لانو لسا بالعملي كانو متوسعين اكتر فيهم 🥰🥰❤️

✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh

ملف قوانين مادة #الإحصاء لطلاب السنة التحضيرية
للذهاب إليه انقر هنا
#Med_Help_Statistics 🧮
@MedHelpForPreYears

مساءُ الخيرِ للذينَ يقاتِلون من اجلِ ذلكَ الحلمِ العتيقِ ، للذينَ لا يكترِثون لكثرةِ الصِّعابِ والعَثراتِ ، للذينَ لا يعرِفون المُستحيل ، استَمروا وقاوِموا فالمجدُ لكُم يا رِفاقُ 🔥✌️🏻
#Med_Help_Be_Optimistic ❤️😌
@MedHelpForPreYears

سيتحققُ حُلمكَ مَا دُمتَ تحاوِلُ ، لِذا لَا تستَسِلم واكمِل الطَّريقَ مَهما كَانت صُعوبتهُ..
#Med_Help_Be_Optimistic ❤️😌
@MedHelpForPreYears

#وراثة
#الفصل_العاشر
#سؤال_مكرر
بدايةً حكولنا انو الخلل قد لا يكون في جميع الخلايا وانما في بعض الخلايا
اي يكون نسيج معين يحوي خلايا طافرة وخلايا طبيعية
يطلق على هذا النوع اسم التزيق
🔸 معنى تزيق: مظهر فسيفسائي؛ اجتماع عدة انواع مختلفة بمكان واحد
🔸 حالات التزيق تنشأ عن طريق الانقسامات الخيطية (لان كل انقسام المنصف ينتج عنه 4 خلايا مستقلة عن بعضها دون تشكيل مظهر متزيق)
🔸 كيف ممكن تنشأ حالات التزيق:
لدينا حالتان:
1 بعد الانقسام المنصف قد تتشكل بيضة ملقحة تحوي خلل بالصيغة الصبغية (تثلث /احاد..) ومن ثم أثناء الانقسامات الخيطية تتحسن الصيغة الصبغية ويظهر نمط ظاهري طبيعي
2 او تتشكل بيضة ملقحة صيغتها الصبغية طبيعية، فعند الانقسامات الخيطية ينشأ صيغة صبغية مختلة
🔸 فبالحالة الاولى: اثناء تصحيح الصيغة قد لا تتصلح في جميع الخلايا او بالحالة الثانية قد لا يصبح الخلل في جميع الخلايا؛ فيصبح النسيج متزيّق
🔺 اخر فكرة؛ اذا الاختلال حصل بمراحل مبكرة فقد يكون الخطر كبيراً(لأن بالمراحل المبكرة نكون بمرحلة التويتة او الارومة وهي ستعطي طل خلايا الجسم)
بينما اذا الاختلال بمراحل متأخرة فالخطر ضئيلاً
#Med_Help_Genetics 🧬