Let's take a break.. 👀
في #مسرحية جميلة وقصيرة عن عملية التضاعف يلي هو موضوع الفصل الرابع بمادة #الوراثة
شوفوها حلوة وبتضحك 😂❤️
ان شاء الله بيثبت عمل كل انزيم بمخكم بعد ماتشوفها
يلي بحب يشوفها هذا هو الرابط 👇:
https://www.facebook.com/100014671452635/videos/1134236747075363/

Let's take a break.. 👀
في #مسرحية جميلة وقصيرة عن عملية التضاعف يلي هو موضوع الفصل الرابع بمادة #الوراثة
شوفوها حلوة وبتضحك 😂❤️
ان شاء الله بيثبت عمل كل انزيم بمخكم بعد ماتشوفها
#Med_Help_Genetics 🧬
@MedHelpForPreYears

يسعد مساكم 💜✨
#وراثة
نتابع اليوم معكن بمقرر مادة #الوراثة ولكن ب #الفصل_الرابع_عشر لكثرة الاسئلة عليه بالوقت الحالي ببعض الملاحظات والشروحات المبسطة كرمال توضحلكم بعض الافكار ويسهل عليكم الفصل بشكل عام وسنتابع معكم ببقية الفصول ان شاء الله
#Med_Help_Genetics 🧬

#الوراثة
#الفصل_الرابع_عشر
تجميعات مهمة للفصل ١٤ وراثة 🌼💛
مواقع الجينات على الصبغيات التي تحدث عليها الطفرات والأورام المترافقة لها والطفرات اللي عم تنتج السرطانات..
🔴 الورم الأرومي الشبكي ⬅️ الجين المسؤولة تقع على الذراع الطويل للصبغي 13
🔴 جينات p53 ⬅️ تقع على الذراع القصير للصبغي 17
🔴 سرطان الكبد المحرّض بالAflatoxin ⬅️ تنتج الطفرة عن قلب GpC إلى TpC في الموضع 249
🔴 سرطان الرئة ⬅️ تبدل من CpN إلى ApN في طفرات (p53)
🔴 سرطان القولون ⬅️ طفرة نقطية ناتجة عن قلب من C إلى T في ثنائي النكليوتيد CpG في المواضع ( 175, 248 , 273 , 283 )
🔴 سرطان المثانة وسرطان الرئة والميلانوم طفرة نقطية تؤدي الى التبدل من GGC إلى GTC تؤدي إلى استبدال الحمض الأميني الغلايسين في الموضع 12 إلى الحمض الأميني الفالين
🔴 الورم الأرومي العصبي ⬅️ سببه تضخيم الجين N-MYC
🔴 ابيضاض الدم النقوي ⬅️ سببه إعادة تراتب صبغية تؤدي الى تخلق جين هجين مثالها جين ABL
🔴 ورم بوركيت ⬅️ سببه إزفاء جين إلى ناحية كروماتين ينتسخ بنشاط مثالها جين MYC
🔴 سرطان الثدي من النمط 1 ⬅️ الطفرة على الجين BRCA 1
🔴 سرطان الثدي مت النمط 2 ⬅️ الطفرة على الجين BRCA 2
🔴 سرطان عنق الرحم ⬅️ اشتراك بروتينات فيروسات الورم الحليمي PAPILLOMA
نمط E6 _ E7
#Med_Help_Genetics 🧬

#الوراثة
#الفصل_الرابع_عشر
#سؤال_مكرر
◾ شو يعني دقائق مضاعفة؟
◾ ضغط انتخابي؟

بدايةً، كيف بينشأ الورم؟
زيادة أعداد الجين الورمي والحصول على عدد نسخ هائل نتيجة الانقسامات الخيطية التي حدثت على الخلية دون وجود مراقب يحد من زيادة الانقسام (نتذكر من البيولوجيا)
اثناء تطور السرطان قد تنشأ تبدلات صبغية جديدة تزيد من خباثة السرطان.
(يعني من زيادة عدد نسخ الجينات رح يزيد عدد الصبغيات الغير طبيعية)
من هذه التبدلات : الدقائق المضاعفة، و HSRs

يعني الدقائق هي صبغيات مختلفة عن الصبغيات ال 46 الطبيعيات ممكن بشكلها من حيث فاقدة القسيم المركزي وتختلف بالوظيفة من حيث زيادة اعدادها بالخلية يعني السرطان خبيث اكتر

◾ طيب ليش كل ما ازداد عدد الدقائق المضاعفة بتزيد خباثة السرطان؟
ببساطة انو هي عبارة عن صبغيات مو طبيعية،
(بس الصبغيات هي بالنهاية DNA يعني جينات)، فالجينات عليها تمتلك افضلية انتخابية من أجل الورم، يعني هي الجينات بيزداد التعبير الجيني عنها بشكل كبير مؤدي لحدوث السرطان
وكل ما كان بالخلية الجينات هدول كل ما كان التعبير عنها اكبر (تناسب طردي) بالتالي ازدادت خباثة السرطان

◾ بيضل آخر فكرة :
Dihydroflate enzyme
ومركب methortrexate شو هدول؟؟

هلا الانزيم موجود بشكل طبيعي بالخلية بيساعد على تنظيم الدارة الخلوية ومنع تشكيل السرطان،
بس لسبب ما وصار زيادة بالجينات يلي بترمز هاد الانزيم، فبحول مركب dihydroflate لمركب تاني مسؤول عن زيادة الانقسامات وبناء احماض امينية جديدة وبزيد تشكيل الورم

⬅ هيك منكون أكدنا انو الدقائق المضاعفة تمتلك جينات لها افضلية انتخابية من اجل الورم، انو هي نشأت نتيجة السرطان وزاد التعبير الجيني عن الانزيم ⬅ زيادة تشكيل الورم ⬅ زيادة خباثة السرطان

كيف منعالج المريض بهالحالة؟
منعطيه مركب methorexate، يلي بيشتغل كبروتين كاظم بالنسبة للجينات المرمزة لانزيم dihydroflate وبيرفع الضغط الانتخابي عنها يعني بيقلل التعبير الجيني عن معظم الجينات، فبتختفي بعض الدقائق المضاعفة وممكن يصير خالي من السرطان اذا ما رجعت خلاياه تكاثرت..

بس هاد المركب ما بيرفع الضغط الانتخابي عن جينات الصبغيات HERF الغير طبيعية، وظيفتو فقط على الدقائق
#Med_Help_Genetics 🧬

#الوراثة
#الفصل_الرابع_عشر
رح نحكي عن جملة انحكت بالفصل ونفهم معناها 🌚🌼
شو يعني فقدان في تخالفية الألائل ( LOH )
هلأ في فرد وهالفرد متخالف الائل (اليل مرض+اليل طبيعي) فاذا صار على الأليل الطبيعي طفرة تبع حذف اليل او الخبن يعني ما عاد في عندي أليل طبيعي وأليل طافر
وإنما صاروا التنين طافرين فماعاد في متخالف الائل لهيك سميت الحالة: فقدان في تخالفية الائل
يعني فقدت انو يكون عندي اليلين مختلفين..

طبعا هي حالات فقدان تخالفية الالائل بتتنوع بين الافراد على حسب الطفرة الي حصلت عالجين الكابح للورم، وانا نتيجة ملاحظتي للصبغيات بالkaryo type بقدر استنتج على أنو صبغي صار الحذف وبقدر مع مقارنتي مع مريض سليم اني شوف شو هو الجين يلي سببلي السرطان (طبعا السرطان الو كتير جينات بتسببو)
#Med_Help_Genetics 🧬

#الوراثة
#الفصل_الرابع_عشر
#Med_Help_Genetics 🧬

#الوراثة
#الفصل_الرابع_عشر
يُورّث كخلة جسدية سائدة
#Med_Help_Genetics 🧬

#الوراثة
#الفصل_الرابع_عشر
#Med_Help_Genetics 🧬

الذّي خلقَ الطّريقَ الصّعب ، خلقَ القُوة ع اجتيازِه ، لِذا ايّاكم ان تستَسلِموا او تهزَموا ، استَمروا وقاوِموا حتّى النهايةِ ، فانتُم لهَا يا رِفاقُ ✌️🏻🔥
#Med_Help_Be_Optimistic 😌❤️
@MedHelpForPreYears

#الفيزيولوجيا
#الفصل_الخامس
#Med_Help_Physiology 💉
هلق اجا وقت نفصل بالشرايين و الأوردة 😉

🔺الشرايين :
أ- الشريان الأبهر :
ينقل الدم الغني ب O2من البطين الأيسر ل أنحاء الجسم

ب- الجذع الرئوي:
ينقل الدم الفقير ب O2 من البطين الأيمن إلى الرئتين

🚫 ملحوظة :
أبهر بتشبه أيسر مشان ما تعكسوا بيناتهن

🔹الأوردة :

أ- الأوردة الرئوية الأربعة :
كمان من اسمها رئوية يعني
تنقل الدم المؤكسج من الرئتين إلى الأذينة اليسرى في القلب

ب- الأجوف العلوي ، الجيب الاكليلي ، الأجوف السفلي

تنقل الدم الفقير من الأكسجين من أنحاء الجسم إلى الأذينه اليمنى

🔺هلق الدم قاعد بالأذينة فرضا هيك من حالو بقرر ينزل عل البطين و مافي شي بعيقوا؟
طيب حتى إذا صار بالبطين في شي كمان بأثر عليه إذا بدو ينتقل للأوردة ؟

أكيد مو من حالو و في شي بعيقو أكيد

انطرونا بالبوست الجاية لتوضيح هي الفكرة 😉
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh
كل التوفيق يا رب..
ولا تنسونا من صالح دعائكم 💜✨

🚨🚨#هام:

من الأعضاء التالية يقع خلف البريتوان ...
ويت وات!! 🤯🤯

أحيانا بيجي سؤال من التالي..اي الأعضاء التالية يقع خلف او امام او داخل البريتوان
هو سؤال وزاري وغير مذكور بصريح العبارة بالكتاب
لكن احيانا بيجي ل تمييز يلي فهمان البنية التشريحية عن يلي حافظ
حاولنا نجمعها برسالة قدر الإمكان ان شاء الله تكون مفيدة:

البريتوان"الصفاق"

🔴الأعضاء التي تقع #أمام البريتوان :
🔸#لا يوجد
🔸لكن نعلم ان الجلد والدهن والعضلات في الأمام 😄

🔴الأعضاء التي تقع #داخل البريتوان :
🔸الكبد
🔸الطحال
🔸المعدة
🔸المعي الدقيق(- الصائم -اللفائفي)
🔸القولون المستعرض
🔸القولون السيني
🔸القسم العلوي من المستقيم

🔴الأعضاء الواقعة #خلف البريتوان :
🔸الكليتان
🔸الغدتان الكظريتان
🔸الحالبان
🔸رأس و جسم المعثكلة
🔸 العفج
🔸القولون الصاعد و النازل
🔸الأبهر البطني
🔸الوريد الأجوف السفلي
🔸المريء البطني
🔸الجزء الأوسط من المستقيم


#Med_Help_Anatomy 💀
@MedHelpForPreYears

سَتمضِي كلُّ هذهِ الأوقات الصّعبةِ ، وسَينبِت مكانُ الجرحِ زهراً ، وسَنصل الى مبتَغانا ان شاء اللّه ف نحنُ خُلِقنا لهَا يا رِفاقُ 🔥✌️🏻
#Med_Help_Be_Optimistic 😌❤️
@MedHelpForPreYears

كُن واثِقاً بأنّ حُلمكَ الذّي تتعبُ من اجلهِ سيتحققُ يَوماً مَا
#Med_Help_Be_Optimistic ❤️😌
@MedHelpForPreYears

#جامعة_دمشق
#مذاكرة #عملي مادة #الفيزيولوجيا

@MedHelpForPreYears

يسعد اوقاتكم 💜✨
#الوراثة
نتابع اليوم معكم بمقرر مادة #الوراثة ب #الفصل_التاسع ببعض الملاحظات والشروحات المبسطة وع بركة الله نبدا
#Med_Help_Genetics 🧬
@MedHelpForPreYears

#وراثة
#الفصل_التاسع
#سؤال_مكرر
رح نحكي عن الفرق بين #عائلة_الجينات و#طائفة_الجينات
بدايةً رح نضع مثال يوضح الفكرة :
فرضاً رحنا مشوار على ضيعة،هالضيعة لساتن على نظام الطوائف
فالطائفة هدفن تطوير القرية، كل مجموعة افراد بتأدي نفس الوظيفة
مجموعة الافراد سميتها عائلة
يعني الطائفة عندن وظيفة معينة وهي حماية القرية وكل عائلة ضمن هالطائفة عملت وظيفة محددة كجزء من الوظيفة الكاملة
طيب فهمت هالحكي 😁
كيف منعمل إسقاط لهاد الحكي على مستوى الجينات؟🥺
◀ مجموعة جينات تكون بعض من تسلسلاتها النكليوتيدية متشابهة بين بعضها فأطلقنا عليها اسم عائلة الجينات
بس انتبه تسلسلات الجينات ليست متطابقة، وإنما تمتلك تسلسل مشترك من التسلسل كامل وكل هالجينات بتعمل نفس الوظيفة
مثال بروتينات الهيستونات ما بتترمز من جين واحدة فقط وإنما عدة جينات بيتشاركو مع بعض سميتن عائلة وحدة لأنو بروتينات الهستونات وظيفتها واحدة ألا وهي رزم شريط الدنا لتكوين ليف الكروماتين 30 nm
مثال آخر عائلة جينات الفا غلوبين بتعمل وظيفة وحدة +عائلة جينات بيتا غلوبين الها وظيفة وحدة لكن مختلفة عن الفا

◀ مجموعة جينات لا تملك تشابه كبير بين تسلسلاتها النكليوتيدية وبالتالي تؤدي إلى وظائف متكاملة أي مرتبطة ببعضها وليست نفس الوظيفة، فأطلقنا عليها اسم طائفة الجينات
(يعني اذا شفنا تشابه كبير اسما عائلة اما تشابه صغير كتير فهي طائفة، والطائفة بتضم عدة عائلات)
مثال عن الطائفة: طائفة الغلوبولينات المناعية وهي اجتماع لعائلة الفا غلوبين و عائلة بيتا غلوبين وعائلات أخرى كلها تندرج تحت اسم الطائفة وكل عائلة تقوم بفعل معين يساهم في تكوين الوظيفة الرئيسية وهي المناعة

◀ في جملة بالكتاب مو واضحة لأغلبكن وكتير انسألنا عنا ألا وهي..
((طائفة الغلوبولينات المناعية تملك ميادين مشابهة لتلك الموجودة في الغلوبولينات المناعية ولكنها تختلف عنا بوظيفتها المتمثلة في ارتباط الخلايا مع بعضها وتمييزها بعضها لبعض))
الفكرة هون انو طائفة Ig هي عدة عائلات غلوبولينات مناعية
هلأ العائلة تمتلك تسلسلسلات متشابهة بس اذا ركزنا الرؤية وشفنا الموضوع من ناحية أكبر لاحظنا انو الطائفة اكيد بتتشابه مع العائلات بضمنها لهيك عم تأدي وظيفة كاملة
يعني وظيفة طائفة الغلوبولينات هي التعرف والالتصاق بين الخلايا،وضمن هالطائفة في مجموعة عائلات، كل عائلة عندها جزء من الوظائف
ان شاء الله تكون وضحت الفكرة 🙏
#Med_Help_Genetics 🧬
@MedHelpForPreYears

#وراثة
#الفصل_التاسع
#الجينات_الكاذبة
عنا جين ما على أحد الصبغيات ورمز بروتين معين وساهم بوظيفة معينة
فمعنى هاد الحكي انو الجين وظيفي..

ممكن نتيجة خطأ بتضاعف الدنا وعدم إصلاحه ينتج تسلسلات تانية متشابهة بجزء أو تسلسل كامل للجين المدروس
كيف يعني؟
ببساطة الجين الكاذب ممكن ينقصو انترون او اكسون او اكتر، وإما يكون لديه عيب بالمحضض تبعو او عدة اختلافات أخرى...
وممكن تكون موجودة على صبغيات مختلفة
لكن هي التسلسلات لا تنتسخ او ممكن تنتسخ ولا تعطي منتج بروتيني او حتى تعطي بروتين غير وظيفي

بعض الجينات الكاذبة ممكن تؤدي دور إلى تنظيم التعبير الجيني
مثال: جين XIST (انذكر مسبقاً بالفصل 7) موجود على الصبغيين X عند الانثى،
عندما يُنتسخ الى رنا مرسال ولكن لا يترجم الى بروتين، مما أدى إلى تراكم الرنا فوق الصبغي وبالنهاية تثبيط الصبغي

إن شاء الله تكون وضحت 🙏
#Med_Help_Genetics 🧬
@MedHelpForPreYears

🚨#مفقودات
بطاقة جامعية باسم ""براءة المصري""
على من يجدها التواصل على بوت الإدارة
رابط البوت:
@MedHelpForPre_YearsBot
#تعديل: تم استلامها ✅

انهضْ ، قاوِم واصنَع مُعجزتكَ ، ولا تأبَه للصّعابِ والعَثراتِ ، آمِن بنفسِك وقدراتِك ، وثِق انَّك اهلٌ لهَا ، وسَتلتَقي بذلِك العَظيم الذّي ينتَظِركَ في نهايةِ الطّريقِ ، اعِدُكَ🔥✌️🏻
#Med_Help_Be_Optimistic ❤️😌
@MedHelpForPreYears