بعد ما انهينا ومشينا معكن بمادة التشريح من الفصل الاول وحتى نصف الفصل الخامس ولقينا في طلاب لسا ما بلشت بهاد الفصل وفي منهن عم يتابعوا معنا...ونحنا بفضل الله قد انهينا الشريان الابهر...فايمتا بتحبوا نكمل بفقرتنا القادمة ويلي هي عن شرايين الراس والعنق وهاد التصويت مشان نكمل معكن بتنزيل الفيديوهات

طبعا يلي بدو كامل الشروحات والاعمال يطلبهن من بوت التشريح
@MedHelpAnatomy_bot
كل التوفيق يا رب ..
ولا تنسونا من صالح دعائكم 💜✨

‏لا تيأس ، حارب مرة ومرتين وثلاث ، حارب لأجل حلمك📚✨
#Med_Help_Be_Optimistic 😌❤️
@MedHelpForPreYears

🔴#مفقودات
بطاقة جامعية باسم ديانا الوادي طالب في #كلية_الصيدلة
موجودة بمكتبة الكمال في جامعة دمشق
اذا حدا بيعرفها يخبرها 🌹

#تعديل: تم تسليمها

دكاترتنا pre 6 🔥
#وراثة
نتابع اليوم معكن بمقرر مادة #الوراثة لننهي #الفصل_السابع ببعض الافكار الهامة والشروحات يلي لازم تنتبهولها وتركزوا عليها وع بركة الله نبدا
#Med_Help_Genetics 🧬

#وراثة
#الفصل_السابع
#سؤال_مكرر
تنظيم لاحق للانتساخ هو التنظيم على مستوى الترجمة يعني على مستوى الرنا المرسال وليس على مستوى جينات الدنا

1 رامزة البدء AUG على الرنا المرسال بيرتبط عنده الريبوزم ويبدأ بالترجمة بالاساس موجود على الطاق المرمز للدنا ATG، فعالية الترجمة بتختلف بين الجينات يعني مثلاً جين بدي ياه بكميات كبيرة أو جين بكميات قليلة، فبتحكم بترجمتو حسب الكمية يلي بدي ياها (تقريباً نفس فكرة توهين التربتوفان بمجرد ما كان موجود كميات كبيرة وقفت ترجمة جيناتو وبالعكس)

2 حركة الريباسة على الرنا المرسال لحتى يتم ترجمة هي المناطق
ممكن تكون سريعة فبتزيد من معدل الترجمة نتيجة الحصول على كميات كبيرة من البروتين او تكون حركة الريباسة بطيئة فبتنقص من معدل الترجمة نتيجة الحصول على كميات قليلة من البروتين

3 جزيئة الرنا المرسال له عمر معين يتحطم بعد عدد من دورات الترجمة. (طالما عم نحكي بدائيات فكل مرة تترجم بيعطي نفس البروتين)
بس الرنا المرسال طويل وبيحوي عدد من الجينات، فممكن تحطم منطقة تغير من البروتين الناتج مثلا عن تحطم منطقة تانية..
#Med_Help_Genetics 🧬

#Med_Help_Genetics 🧬

#وراثة
#الفصل_السابع
اليات التحكم الايجابي والسلبي بالتعبير الجيني
#Med_Help_Genetics 🧬

#الفيزيولوجيا
#الفصل_الثاني
#Med_Help_Physiology 💉
مساء الخير يارب
رجعنالكن مع فقرة حلوة و يلي هي
🌸كامن الغشاء في الأنسجة المستثارة 🌸
بهي الفقرة ريحونا كتير الحمد لله و طلبوا بس القيم تبع الكامن
منذكر فيهن عل السريع
🔺كامن انتشار البوتاسيوم :
-94 ميلي فولط

🔺انتشار الصوديوم و البوتاسيوم عبر غشاء العصب :
-86 ميلي فولط

🔺مضخة الصوديوم و البوتاسيوم:
-4 ميلي فولط

و بالأخير
🔺قيمة كامن الغشاء أثناء الراحة :
-90 ميلي فولط

إذا بدكن التفاصيل رجعوا للكتاب 😁

هلق بدنا نعمل تمهيد لفكرة

🌸Nerve Action Potential 🌸

كامن فعل العصب:
منرجع منذكر بمفهوم كامن الفعل :

أ- تبدل سريع يطرأ على كامن الغشاء
معنى هل الحكي... الغشاء وقت بعطيه منبه كاف شو بصير؟!

أ-يتحول كامن الراحة الغشائي السالب السوي إلى كامن غشاء موجب
ب- بيرجع مرة تانية كامن الغشاء إلى وضع للراحة
طيب
🔺كامن الفعل:
هو انعكاس مفاجئ و مؤقت القطبية الغشاء ناتج عن منبه معين

🚫 تنويه:
في شغلة بدك تحط ببالك متل اسمك
سرعة التبدل من كامن الراحة الغشائي السوي السالب إلى كامن الغشاء الموجب (تساوي) سرعة العودة إلى وضع الراحة

طيب كامن الفعل شو بساوي؟!
يعني انجاز آثار فيزيولوجية عديدة :
أ-نقل دفعات عصبية على طول العصب
ب- احداث تقلص عضلي
ج- تنشيط الإفراز الغدي أو تثبيطه
كان في عنا أطوار لكامن الفعل
🔹دور الراحة
🔹دور زوال الاستقطاب
🔹دور عودة الاستقطاب
انطرونا بالبوست الجاية لنحكي عليهن بالتفصيل 😉
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears

كل التوفيق يا رب..
ولا تنسونا من صالح دعائكم 💜✨

‏📚:سيكون بعد كل هذا الصبر فرحة كبيرة
#Med_Help_Be_Optimistic ❤️😌
@MedHelpForPreYears

امضِ بالحياةِ باتجاهِ احلامكَ ، ولا تأبَه للعقباتِ الموجودة في الطريقِ ، خُلِقتَ لتصلَ لذلكَ كُن قوياً وحارِب من اجلِ اهدافِك✌️🏻🔥
#Med_Help_Be_Optimistic
@MedHelpForPreYears

#الفيزيولوجيا
سيتم اجراء فحص عملي الفيزيولوجيا يوم الاثنين بتاريخ 14/6/2021 وذلك في المواعيد التالية :
الساعة 11 - الفئات :1-2-3
الساعة 12- الفئات 4-5-6
الساعة 1- الفئات 7-8-9-10
#جامعة_حلب
@MedHelpForPreYears

دكاترتنا pre 6
#الاحصاء " مادة المعدل بجدارة "😉🔥
حبينا نقدم الكن شي بمقرر مادة #الاحصاء وهو عبارة عن ملفات ب #الفصول_النظرية جمعنالكن فيها كل الافكار والملاحظات بطريقة مبسطة كرمال ما تتعذبوا فيها وح نكمل معكن ان شاء الله في ملفات اخرى وانتظرنا في ملف نتناول فيه #الفصل_السادس
كل التوفيق يا رب..
ولا تنسونا من صالح دعائكم 💜✨
#Med_Help_Statistics 🧮
@MedHelpForPreYears

♦️ ملف يساعدكم لتجميع أفكار الفصول 10 - 11 - 12 .

#Statistics 🧮
#Med_Help_Statistics 🧮
@MedHelpForPreYears

♦️ ملف يساعدكم لتجميع أفكار الفصول 1 - 2 - 3 - 4 .

#Statistics 🧮
#Med_Help_Statistics 🧮
@MedHelpForPreYears

#English
#Med_Help_English
هاي غاير☺❤
اليوم ح نشرح قاعدة Articles
شو يعني Articles 🤔
قال يعني أدوات التنكير والتعريف يعني(A/An/The) وطبعاً عندون قواعد خاصة لاستخدامون ☺

🔺-نستخدم A/An للأشياء المذكورة لأول مرة

🔺-نستخدم The للأشياء اللي انذكرت سابقاً

E.g :

➡️ I cleaned a car; the car was very dirty

➡️ My mum has just bought a cat, The cat is American.

🔺- نستخدم The للأشياء اللي بتجي بعدا جملة لحتى تعرِّفها ..كيف يعني 🤔
E.g :
الحقيبة يلي اشتريتا مبارح حلوة 😍

The bag that I bought yesterday is beautiful

🔺- تستخدم The مع الكلمات اللي تعتبر واضحة ومعروفة وبديعية بشكل عام
E.g :
He got into the car and drove to the Town Hall

يعني بديهياً هوي لي ليركب السيارة ويقودا اذا مو الو 😒

هلأ هدول كلون قدام وبتعرفون😂
خلينا نفوت بالجد 😍🔥

🔺- لا نستخدم A/An/The للحديث بشكل عام حول الجموع
E.g :
لما بدي قول طلاب المدارس كلهن أذكياء..ما بقول
The school students ❌
وإنما بقول فقط :
School students are generally smart ✅


🔺- مانستخدم كمان A/An مع الكلمات غير

المعدودة (في قاعدة طويلة عرضية عليها 😕🤦‍♂)

E.g :
I don't like a sport or a music ❌
I don't like sport or music ✅

🔺- لا نستخدم A/An مع هدول الشغلات : ⬅️

- Next
- Last
يعني وقت تشوف هدول التنتين مع ظرف زمني اصحك ثم اصحك تحط معهون A/An /the

- Go to home / work..
- At home/work..

ومع هدول كمان مانستخدم A /An/ the إطلاقاً
E.g :
I'll meet you next monday ✅
I'll meet you the next monday ❌


E.g :
I'm at home ✅
I'm at the home ❌

🔺- لا نستخدم The مع أي نوع من

Country : بلد / capital : عاصمة /
City : مدينة / Town : بلدة /
Continent : قارة

وكمان ما منستخدم The للمناطق التي تنتهي باسم بلد
E.g :

North America ✅

The North America ❌


إلا مع هدول الأربعة بلدان منقدر نستعمل The. معون واللي هنن :
- UK ( United Kingdom )
- USA ( United States of America )
- Czech Republic
- Netherlands
✨رابط بوت المادة:
@MedHelpEnglish_ALT_bot
✨رابط القناة:
@MedHelpForPreYears
كل التوفيق يا رب..
ولا تنسونا من صالح دعائكم 💜✨

حُلمكَ يستَحقُ التَعب ، الحَرب ، الجِدّ..فلا تبخَل عن هَذا العظِيم ولو بقدرِ ذرةٍ واحِدةٍ ، ولَو تعرّضتَ للهزيمةِ ، انهَض وابدَأ كفاحَك من جدِيد لأجلِ الذّي ينتَظِركَ في نهايةِ الطّريقِ ✌️🏻🔥
#Med_Help_Be_Optimistic ❤️😌
@MedHelpForPreYears

"يهمِّني حُلمي البريء مهما يكُون"
ستأتي لحظاتك التي رسمتها اطمئن ، لكن بادر فلا شي يأتي ليقع بيديك بلا مقابل ✨
.#Med_Help_Be_Optimistic ❤️😌
@MedHelpForPreYears

#الفيزيولوجيا
#الفصل_الثاني
#Med_Help_Physiology 💉
يعطيكن العافية ...
متل ما اتفقنا بدنا نفصل بالأطوار يلي حكينا عنهن بالبوست الماضي
بداية

أ- دور الراحة :
يعني كامن الغشاء في أثناء الراحة قبل نشوء كامن الفعل
و اتفقنا أنو قيمتو -90
و بكون كامن الغشاء شديد السلبية

ب- دور زوال الاستقطاب Depolarization stage :
تذكر معي .....
زوال يعني صوديوم
قصدي
الغشاء بهي المرحلة فجأة شديد النفوذية لشوارد الصوديوم ...
يعني شوارد الصوديوم عم تتدفق لجوا الخلية بكميات هائلة
و تذكر قبل ما يفوت الصوديوم .... كامن الغشاء شديد السلبية ... وقت الصوديوم صار يفوت و بغزارة ..بصير عندي ارتفاع سريع للكامن بالاتجاه الموجب

وهلق ببلش عندي دور عودة الاستقطاب Repolarization Stage :
بعد ما صار الغشاء شديد لشوارد الصوديوم
تبدأ قنوات الصوديوم بالانغلاق
تذكر أنا بدي رجع الغشاء شديد السلبية
بعد ما سكرنا قنوات الصوديوم
بدها تفتح قنوات البوتاسيوم
نفس المبدأ
فتحت قنوات البوتاسيوم و صار عندي انتشار سريع لشوارد البوتاسيوم (للخارج )

بالنهاية يعود كامن الغشاء السالب السائد في أثناء الراحة 😁

برأيي هيك الفكرة ... احفظوها بشكل قصة 😉
✨رابط بوت الفيزيولوجيا :
@MedHelpPhysiology_bot
✨رابط القناة:
@MedHelpForPreYears
كل التوفيق يا رب..
ولا تنسونا من صالح دعائكم 💜✨

#الفيزيولوجيا
#الفصل_الثاني
#Med_Help_Physiology 💉
أصدقائنا الغاليين 😇
بوست مراجعة لكلشي حكينا سابقا.... أنا ما بهمني تحفظ أكتر من أنك تفهم🙂
الفهم لهيك مادة أحلى من الحفظ بكتير .... و معت تنساها 😉
تنويه
هيك بوست بس المراجعة و تثبيت الأفكار قبل ما نفوت لفقرة الحران و نبلش بالتقلص العضلي يلي حينزل ع شكل فويسات ☺️
بداية...
🔺قيمة كامن الغشاء في حالة الراحة -90 ميلي فولط.
🔺بس حبيت نذكر بالقنوات البروتينية يلي من خلالها بمروا الشوارد :
بوابة الفولطاج لشوارد الصوديوم
بوابة الفولطاج لشوارد البوتاسيوم
بوابة الربيطة يلي منفصل عنها بالتقلص العضلي
دور الراحة كان كامن الغشاء -90 ميلي فولط
دور زوال الاستقطاب...
بتفتح قنوات الصوديوم و تدخل شوارد الصوديوم بكميات كبيرة لداخل غشاء الخلية
معناها بيتغير كامن الغشاء من السالب الموجب

دور عودة الاستقطاب
بتسكر قنوات الصوديوم .
بتفتح قنوات البوتاسيوم.... و كميات كبيرة من البوتاسيوم تتجه ل (خارج ) الخلية و بيرجع كامن الغشاء السالب السائد في أثناء الراحة

وهيك منكون خلصنا اليوم.
بوست خفيف نظيف راجع أفكار يلي حكينا عنهن
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh
كل التوفيق يا رب ..
ولا تنسونا من صالح دعائكم 💜✨