مرحبا ياجماعة
..حدا شاف بطاقه جامعية بمنى العمادة باسم لمك محمود اليوم ضاعت مني عالساعة وحده ونص

لمن وجدها يُرجى التواصل معنا على بوت الإدارة:
@MedHelpForPre_YearsBot

#الفيزيولوجيا
#الفصل_الثاني
#Med_Help_Physiology 💉
وهلق نكمل بفقرة حلوة كتير 😒
🔺النقل الفاعل الثانوي
بدنا نناقش فكرتين
أ- ليش بصير
ب- سبب حدوثه
ج- أنواعه
بداية...
منتذكر أنو شوارد الصوديوم وقت بتنتقل لخااارج الخلية بسبب مدروج كبير لهي الشاردة عبر الغشاء و هل المدروج بيختزن كمية كبيرة من ATP

تذكر😁
نقل شوارد الصوديوم لخااارج الخلية بواسطة النقل الفاعل الأولي
المهم...
صار الصوديوم برا الخلية معو طاقة كبيرة ... منطق أنو بدو يرجع ينتشر لجوا الخلية
طيب .... معنا طاقة و الأمور تمام معناها لايمنع أنو ينقلي مادة أخرى و هو فايت
هي المادة...اما لداخل الخلية
أو
لخارجها
هي أساس العملية
هلق
ب-المسؤول
أكيد عندي بروتين ناقل 🙂
ليش!
لأن هو أساسا موجود بالغشاء
و هو متل الحباسة 😂

يعني بيربطلي شاردة الصوديوم و المادة المرافقة يلي بدها تنتقل معها

لمع ببالك شي صح؟!
إذا أي أو لا بسيطة🤣
المهم وقت ارتبطت شاردة الصوديوم و المادة المرافقة لها بالبروتين حيصير تبدل شكلي في بنيته

ج-أنواعه
🔺نقل المرافق المساير :
بينقل غلوكوز +حموض أمينية

🔺النقل المرافق بالاتجاه المضاد:
بينقل صوديوم و كالسيوم
الصوديوم و هيدروجين

راجع الآليات من الكتاب😌
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears
✨رابط قناة الاتمتة:
@MedHelpAtmateh
كل التوفيق يا رب..
ولا تنسونا من صالح دعائكم 💜✨

‏﮼كُلُ،شَيءٍ... ‏﮼يَمُر

فِي بَعض اللحظات نَظُن بأن كل شيء قد انتهى..
( ماعاد عندي القدرة على شي.. ماعاد عندي الأمل بشي.. ماعاد منتظر شي )
وَ نرى بأنَّ شُعلة الحياة التي بداخلنا انتَهت..
وَ تمضي بنا الأيام..
ثُمَ نَجدُ أنفسنا في وَسط شيء ما يَدفعنا إلى الحياة..

نَستَيقُظُ في صَباح يَومٍ مُشرق، ممتلئين بالطاقة وَ الأمل.. نُحضِر أمتعتنا.. و نُبحِرُ في تَجربة جديدة في الحياة تعرفنا على وجوه جديدة.. وتفاصيل و أعمال لَم نَكُن نَعرفها..

في هَذا اليوم؛ هُنالكَ ألفُ شَخصٍ تَغرب في حياتهم الشَمس.. ينطَفئونَ ويقولون
( ماعاد عندي شيء لأفعله.. )
وهنالكُ ألفٌ تُشرق الشمس في حياتهم.. و تضربُ الريح المنعشة وجوهُهم..
( وهم في الطريق إلى مقابلة العمل... وهم ينتظرونَ افتتاح محلهم الجديد.. يَجلسون في المقهى بانتظار من يحبونه )

إن كانَ الضباب يملأ سماء حياتك اليَوم... فتأكد بأنَّ الغَد مُشرقٌ... وحياتك لَيست سيئة، و إنما الطَقس في طَريقه إلى التَغيير..

ضَع ثِقتك في الله، و افتح نوافذ منزلك.. و انتظر ضوء الشمس الذي سيشرقُ صباحاً
فَكُلُ شيءٍ سَيَمُر..
#منقول
د.فرانسوا داراني
@MedHelpForPreYears

الشَغف يا دكتور... بَعد فترة من بدايتي لأي شي بفقد الشغف كُلياً، بصير الموضوع ممل قد ماكان حلو بالبداية وقد ماكان مُميز..

و مين قَلك أنو البداية صعبة؟
كنت هيك مفكرة، بس البداية ولاشي.. قدرت خلي الشخص يلي بحبو؛ يحبني.. بس كتير صارت العلاقة تصعب علينا نحنا التنين.. قدرت أدخل الفرع يلي بحبو، بس ماكان سهل ابداً وبكتير اوقات كنت رح وقف بنص الطريق وقول خلص لهون وبس.. وهيك بالشغل، وبكل الحياة...
مَعناها تعلمتي درس كتير مهم بالحياة..
اكيد، بس صعب يادكتور تفقد شغفك بكل شي بعد فترة من ممارستو.. صَعب كتير

عِندما تبدأ الحياة؛ سَتظنُ أن بداية الأشياء هي الفِعلُ الأهم.. ولكن عندما تَكبر؛ وتأخذ التجارب الحيز الأكبر من حياتك.. ستعلم أن البداية للجميع..
لكن النهاية الصَحيحة لا تكون إلا للبعض..

قَبل أن تبدأ القيام بأي شيء؛ عَليك أن تُفكر بالطريقة التي ستنهيه بِها..
مهما كانت البداية جميلة و شاعرية، حاول ألا تُفرغ خزان وقودك متشوقاً لبداية جَميلة..

فَبِضعُ أمتارٍ في طريق الرجوع عن الهاوية..
أفضل مِن دَرب لا يؤدي إلا للهاوية....❤️
#منقول
د.فرانسوا داراني
@MedHelpForPreYears

دكاترتنا pre 6 🔥
#تشريح
نتابع اليوم ب #الفصل_الخامس من مقرر مادة #التشريح بفيديو نتناول فيه فقرة الابهر البطني بالتفصيل بالاضافة الى تشبيهات بسيطة لحفظ الشرايين..
وطبعا ضروري جدا الفيديوهات والسلايدات في هذا الفصل وخصوصا الشرايين كرمال تركزوها وتحفظوها منيح 😎
والآن اترككم مع الفيديو بالتوفيق ✨
#Med_Help_Anatomy 🧠

Aorta Part 2
#Med_Help_Anatomy 🧠

للمشاهدة بدقة عالية ع اليوتيوب:
https://youtu.be/QjS5XAkZQr4
كل التوفيق يا رب..
ولا تنسونا من صالح دعائكم 💜✨
@MedHelpForPreYears

امتحانات طلاب #السنة_التحضيرية ل #الفصل_الثاني تبدأ بتاريخ 17/7/2021 لغاية 14/8/2021
#أما برنامج الفحص فَلم يصدر بعد..وفور صدوره سنقوم بإعلامكم..

كل التوفيق أطباء وطبيبات الغد 🌸
@MedHelpForPreYears

#جامعة_دمشق
@MedHelpForPreYears

مواعيد الجلسات العملية لفئات الثلاثاء غدا نفس المواعيد السابقة :
الفئة 8 : الساعة11
الفئة 9 : الساعة 12 ونصف
الفئة 10 : الساعة 2
#فيزيولوجيا
#جامعة_حلب
@MedHelpForPreYears

بعد ما انهينا ومشينا معكن بمادة التشريح من الفصل الاول وحتى نصف الفصل الخامس ولقينا في طلاب لسا ما بلشت بهاد الفصل وفي منهن عم يتابعوا معنا...ونحنا بفضل الله قد انهينا الشريان الابهر...فايمتا بتحبوا نكمل بفقرتنا القادمة ويلي هي عن شرايين الراس والعنق وهاد التصويت مشان نكمل معكن بتنزيل الفيديوهات

طبعا يلي بدو كامل الشروحات والاعمال يطلبهن من بوت التشريح
@MedHelpAnatomy_bot
كل التوفيق يا رب ..
ولا تنسونا من صالح دعائكم 💜✨

‏لا تيأس ، حارب مرة ومرتين وثلاث ، حارب لأجل حلمك📚✨
#Med_Help_Be_Optimistic 😌❤️
@MedHelpForPreYears

🔴#مفقودات
بطاقة جامعية باسم ديانا الوادي طالب في #كلية_الصيدلة
موجودة بمكتبة الكمال في جامعة دمشق
اذا حدا بيعرفها يخبرها 🌹

#تعديل: تم تسليمها

دكاترتنا pre 6 🔥
#وراثة
نتابع اليوم معكن بمقرر مادة #الوراثة لننهي #الفصل_السابع ببعض الافكار الهامة والشروحات يلي لازم تنتبهولها وتركزوا عليها وع بركة الله نبدا
#Med_Help_Genetics 🧬

#وراثة
#الفصل_السابع
#سؤال_مكرر
تنظيم لاحق للانتساخ هو التنظيم على مستوى الترجمة يعني على مستوى الرنا المرسال وليس على مستوى جينات الدنا

1 رامزة البدء AUG على الرنا المرسال بيرتبط عنده الريبوزم ويبدأ بالترجمة بالاساس موجود على الطاق المرمز للدنا ATG، فعالية الترجمة بتختلف بين الجينات يعني مثلاً جين بدي ياه بكميات كبيرة أو جين بكميات قليلة، فبتحكم بترجمتو حسب الكمية يلي بدي ياها (تقريباً نفس فكرة توهين التربتوفان بمجرد ما كان موجود كميات كبيرة وقفت ترجمة جيناتو وبالعكس)

2 حركة الريباسة على الرنا المرسال لحتى يتم ترجمة هي المناطق
ممكن تكون سريعة فبتزيد من معدل الترجمة نتيجة الحصول على كميات كبيرة من البروتين او تكون حركة الريباسة بطيئة فبتنقص من معدل الترجمة نتيجة الحصول على كميات قليلة من البروتين

3 جزيئة الرنا المرسال له عمر معين يتحطم بعد عدد من دورات الترجمة. (طالما عم نحكي بدائيات فكل مرة تترجم بيعطي نفس البروتين)
بس الرنا المرسال طويل وبيحوي عدد من الجينات، فممكن تحطم منطقة تغير من البروتين الناتج مثلا عن تحطم منطقة تانية..
#Med_Help_Genetics 🧬

#Med_Help_Genetics 🧬

#وراثة
#الفصل_السابع
اليات التحكم الايجابي والسلبي بالتعبير الجيني
#Med_Help_Genetics 🧬

#الفيزيولوجيا
#الفصل_الثاني
#Med_Help_Physiology 💉
مساء الخير يارب
رجعنالكن مع فقرة حلوة و يلي هي
🌸كامن الغشاء في الأنسجة المستثارة 🌸
بهي الفقرة ريحونا كتير الحمد لله و طلبوا بس القيم تبع الكامن
منذكر فيهن عل السريع
🔺كامن انتشار البوتاسيوم :
-94 ميلي فولط

🔺انتشار الصوديوم و البوتاسيوم عبر غشاء العصب :
-86 ميلي فولط

🔺مضخة الصوديوم و البوتاسيوم:
-4 ميلي فولط

و بالأخير
🔺قيمة كامن الغشاء أثناء الراحة :
-90 ميلي فولط

إذا بدكن التفاصيل رجعوا للكتاب 😁

هلق بدنا نعمل تمهيد لفكرة

🌸Nerve Action Potential 🌸

كامن فعل العصب:
منرجع منذكر بمفهوم كامن الفعل :

أ- تبدل سريع يطرأ على كامن الغشاء
معنى هل الحكي... الغشاء وقت بعطيه منبه كاف شو بصير؟!

أ-يتحول كامن الراحة الغشائي السالب السوي إلى كامن غشاء موجب
ب- بيرجع مرة تانية كامن الغشاء إلى وضع للراحة
طيب
🔺كامن الفعل:
هو انعكاس مفاجئ و مؤقت القطبية الغشاء ناتج عن منبه معين

🚫 تنويه:
في شغلة بدك تحط ببالك متل اسمك
سرعة التبدل من كامن الراحة الغشائي السوي السالب إلى كامن الغشاء الموجب (تساوي) سرعة العودة إلى وضع الراحة

طيب كامن الفعل شو بساوي؟!
يعني انجاز آثار فيزيولوجية عديدة :
أ-نقل دفعات عصبية على طول العصب
ب- احداث تقلص عضلي
ج- تنشيط الإفراز الغدي أو تثبيطه
كان في عنا أطوار لكامن الفعل
🔹دور الراحة
🔹دور زوال الاستقطاب
🔹دور عودة الاستقطاب
انطرونا بالبوست الجاية لنحكي عليهن بالتفصيل 😉
✨رابط بوت الفيزيولوجيا:
@MedHelpPhysiology_bot
✨رابط القناة:
@MedHelpForPreYears

كل التوفيق يا رب..
ولا تنسونا من صالح دعائكم 💜✨

‏📚:سيكون بعد كل هذا الصبر فرحة كبيرة
#Med_Help_Be_Optimistic ❤️😌
@MedHelpForPreYears