وهلّق إجى دور نحكي عن كليّة الطبّ البشري في جامعة حِمص 🔥.

جهزوا كاسة المتّة وتعالوا عنّا حكي كثير 🙂‍↔️🌸 .

🫧 البوست الأوّل.
🫧 البوست الثاني.
🫧 البوست الثالث.
🫧 البوست الرابع.
🫧 البوست الخامس.

#Med_Help 🤍🍃
@MedHelpForPreYears

يعطيكم العافية 🌸🍃

رح نحكي هلّق عن

🌟 <الطب البشري بجامعة حمص> 🌟

وشرح بشكل شوي مختصر ومفيد عن:
المواد / مصادر الدراسة / وضع السكن / وهل في ضرب علامات؟🤔

🪄 أولًا: عنّا بالفصل الأول 7 مواد وهي:

كيمياء حيوية والبيولوجيا الجزيئية + تشريح وصفي1 + نسج عام + انكليزي3 + علم نفس + عربي.

أوّل مادّة معنا ⤵️

الكيمياء الحيوية 🧪

▪︎ دكتور المادة: عدنان الحموي

⚡️ النظري

المادّة حلوة كتير وممتعة ولكن ضخمة، بدها متابعة منيح من أوّل الفصل وهيي أوّل مادّة بتقدموها.

▪︎ قسم الدكتور عدنان (الحيوية):

القسم بيحكي عن السكريات والشحوم بشكل بسيط تركيب كل وحدة منن وشو الها دور بالجسم وهدول القسمين أهمّ شي بالإضافة لأقسام تانية متل الph والماء وفيها معلومات فيزيولوجيا وإنزيمات وهكذا.
مهم كتييير تدرسوا الدورات وقت الامتحان به القسم
▪︎قسم الدكتورة (البيولوجيا الجزيئية):

بتعطي 4 محاضرات بتتعلق ببنية الحموض النووية وتعضّي الدنا وتنسخه تمامًا متل الموجود بالوراثة، يعني قسم سهل ، لكن الدورات قليلة الأهمية فيه.

⚡️ العملي

جدًّا ممتع 🔥 .
بتشتغلوا على تفاعلات كشف عن السكاكر والبروتينات بالمخبر بعد ما تعطيكم المعيدة التعليمات.

▪︎ بحال بقي الدكتور مرهف عليكم هالسنة
فحرفيًا حصته لذيذة وممتعة بشكل، بس تنويه صغيييير بس مهم كتيير :

⚠️ ضروري تروح عالجلسة وأنت دارسها من محاضرات السنة الماضية.

▪︎ حاول تحصلهم من شي حدا بعد ما تتأكد أنّه الدكتور مرهف معكم لساته،
لأن الدكتور في مجموعة أسئلة بيسألها بقلب الحصة، مانها موجودة بالمقرر لكنها اسئلة دورات يعني نفسهم بيسألهم كلّ سنة، واللي بجاوب بيكسب علامات حلوة، فلا تضوعوها من أيدكم.

▪︎ الدكتور متعاون ومحترم جدًّا، ومخبر الكيميا لطيف جدًّا بشكل عام 💫.

▪︎ العلامة موزعة على مذاكرتين وفحص وفي عحضور العملي بس عالأغلب بتتوزع.

⚡️ مصادر الدراسة

▪︎ النظري مقرر أو محاضرات دنا او الفريق العلمي .

▪︎ بحال درستوا مقرّر ضروري تسمع الفويسات مشان تفريغات الدكتورين لأنه مهمين كتير وبيجيبوا منها بالفحص وإذا مامعكن وقت ممكن تجيبوا تفريغات، من المحاضرات.
أمّا العملي المقرر كافٍ بس متل ما قلتكم هالكم تفريغة مهمين لتشاركوا بالحصص،
ما بينقصلكم بحال ما جاوبتوا أو شاركتوا
لكن بزيد كم علامة إذا نقصكم بالمذاكرة بعوضوكم.

وتاني مادّة معنا ⤵️

التشريح الوصفي1 (تشريح أطراف و رأس وعنق) ☠

▪︎ دكتور المادة: عيسى موسى، بالإضافة للدكتور مدين.

⚡️ النظري

🫧 بالنسبة لمقرر الدكتور عيسى لمّا يحددلكم شو القسم يلي حياخده،
قريب كتير على مقرّر دمشق يلي بيعطيه الدكتور بيان السيد ولكن بشكل مختصر، والحالات السريرية كانت مطلوبة بس حذفها الدكتور عيسى.

🫧 إذا أنت ساكن بحمص أو الجامعة قريب عليك نصيحة احضر فايدة الك ولدفعتك، ليش؟

🫧 الدكتور بيحب كتير العالم يلي بتحضر، وبس يشوف حضور منيح بيجيب الأسئلة النظري أسهل وأوضح، فهي فايدة للجميع 💫.

🫧 وبشكل عام اعتمدوا فيديوهات بيان للدراسة لأنه غنية عن التعريف.

🫧 وعندكم شرح د.أحمد فوّاز للسنة الثانية كمان.

🫧 بالنسبة لقسم الدكتور مدين فهو بيطلب مرجع سنيل بقسمه -الطرف العلوي غالبا- ، محاضرات دنا مفيدة مع دورات طبعا.

⚡️ العملي:

🫧 بيعتمد هون عالمجسمات مافي جثث.

🫧 بالنسبة لتقسيم العملي فعنّا : 20 لفحص العملي، عبارة عن 20 سؤال وهيي عبارة عن سلايدات لمجسمات مع أسئلة نظري متل أكبر عصب بالجسم ومين الشريان يلي فروعه أكتر بالعضد،
بيجيب شي 4 هيك أسئلة وغالبًا بتكون من التفريغات أو النظري، يفضل تقرؤوا التفريغات آخر شي وأهمّ المجسمات.

🫧 واللاتيني مهمّ لأن بيسألك بعدد من التسميات أنّه اكتبها باللاتيني.

🫧 المقابلة على دور بري 9 وبري 10 التغت، لكن بالمجمل هي عليها 5 علامات، بيتقسموا الطلاب لمجموعات وحسب حظ كل مجموعة بيسألها نظري أو عملي.

شفتو أهمية دراسة النظري مع العملي بهالمادة 🌝 حتّى تضمنوها لاتهملوا النظري والعملي بيصير سهل الوضع.

🫧 هلق بالنسبة للمقابلة بالتشريح اذا صارت فشوي كانت أسئلتها معتّة لهيك ما كتير تدقق على نتيجتها أو تدايق، اعمل يلي عليك وفوت وجاوب بثقة واتكل عالله.

منكمل

⚡️ مصادر الدراسة

🫧 النظري فيديوهات الدكتور بيان أو (د.أحمد فوّاز) + مقرّر الدكتور عيسى المعتمد هوي كلّ سنة بيعتمد فريق شكل، وأقسام باقي الدكاترة متل ما خبرتكم بعدها مو واضحة.

🫧 العملي أهمّ شي تشوفوا صور المجسمات تبع المخبر، فيكم تلاقوها ecg من بوت الكراكيب وتركزوا عاللاتيني.
يعني كونه الامتحان سلايدات ففورًا بتروحوا عالمجسمات وبتحفظوهم.
@albaath_files_bot

🫧 وكمان مهم كتير تركزوا مع المعيد،
وحاولوا تحفظو المعالم التشريحية بوقت الجلسة
بتلاقوا حالكم كارجين فيها.

يُتبع 🍃 ..

#Med_Help 🤍🍃
@MedHelpForPreYears

لنكمّل مع ثالث مادّة 🍃

النسج العام 🧪

▪︎ دكتور المادة: د.رحيل.

⚡️ النظري:

المادة بصميّة والها طريقة خاصّة للدراسة بالتكرار وتلخيص المعلومات بتصير أسهل إن شاء الله، ممكن تعتمدو المقرّر بس تنسيقه مو كتير مريح، فيكن تدرسوا محاضرات، الفقرات بتكون مرتبة ومنسقة بجداول.

نصيحة نصيحة
المادة كتير حلوة إذا فهمتها
كيف بفهمها؟
بتروح لعند د.إيمان نبيل
دكتورة مصرية شارحة كل حرف ومحاضراتنا حرفيًا بنسبة كتير كبيرة مطابقة للمعلومات يلي بتذكرها 🔥
مشان الامتحان ، الدكتور كتير بركز عالمصطلحات و التسميات الغريبة فركز عليهم بدراستك

⚡️ العملي:

🫧 عبارة عن 30 علامة موزعين على 15محضر.

🫧 يعني كلّ محضر علامتين وهوي أهم فحص عملي عبارة عن سلايدات (مو عالمجاهر).

🫧 يفضل تتابعوا العملي ولاتراكموه مع كلّ محاضرة بتنعطى.

🫧 اكتبوا مع الدكتور الكتابة الامتحانية يلي بيحكيها عن كلّ محضّر وجيبوا صور من محاضرات العملي وشوفوا صور قد مابتقدروا، وفي ملف كامل فيه أغلب الصور يلي كان يجيبها الدكتور، واتتدربوا عالسرعة بالكتابة مشان تلحقوا
وطبعًا صار في مقرر الها بس لا تكتفوا فيه حاولوا تشوفوا صور كتير.

⚠️ ملاحظة:
▪︎ المادة يمكن تسمعو إنها كانت دورات،
هالشي تغير تمامًا بدءًا من السنة الماضية لما تغير الدكتور وإجى الدكتور رحيل.

▪︎ الدكتور رحيل كتير بحب يركز عالظهارات
عالأرقام، الأطوال، الأقطار، إلخ..
لهييييك مهمممممم تشوف آخر دورتين حصرًا حتّى تعرفوا النمط، يعني لازم تتمكن منها خلال الفصل.

مع رابع مادّة ⤵️

الانكليزي3

▪︎ هون بتصير اللغة أحلى لأنّه تمامًا عبارة عن مصلحات طبيّة + حالات سريرية.

▪︎ دكتور المادة: السنة الماضية كانت د.مي غرير.

▪︎ المادة 8 محاضرات خفاف ظراف قصيرة بشكل ولذيذة ومعدّل 🔥.

خامس مادّة ⤵️

علم النفس

▪︎ مادة كانت حلوة و مادة معدل، بس تغير الدكتور و صارت المادة بدها شغل كتييير خلال الفصل

سادس مادّة ⤵️

العربي

▪︎ بتدرسوا من أي ملخص.

▪︎والمادة قبلها يوم انتبهوا.

▪︎ ملحق ecg ممتاز 140 صفحة.

▪︎ بس كمان المادة قبلها يوم بس بتلحقوا إن شاء الله إذا ماتلهيتوا أبدًا.

▪︎ المادة عبارة عن قواعد الباك نفسها تمامًا.

يُتبع 🍃 ..

#Med_Help 🤍🍃
@MedHelpForPreYears

🪄 وهلق منكفي مع مواد الفصل التاني يلي هيي:

فيزيولوجيا 1 + سريرية 1 + تشريح 2 + جنين + نسج خاص + مهارات تواصل + إنكليزي 4.

الفيزيولوجيا الطبية والمرضية1 💉🩸

🫧 من أحلى مواد الفصل التاني قريبة على يلي اخدناها بالتحضيري مع أقسام جديدة.

🫧 تعتبر مادة ضخمة و لهيك بدها متابعة من أوّل الفصل وأكتر مادة بدكن تعطوها حقها وهيي سهلة مابتاخد وقت.

🫧 العملي ممتع بتاخدوا طريقة حساب كمية الخضاب بالدم بجهاز خاص وكمان بتعملو تجارب اختبار التصالب بالدم.

🫧 العلامة مقسمة على مذاكرة وفحص و5 علامات بيعطيا الدكتور للكل.

🫧 بالنسبة للفحص هو عبارة عن 5 طاولات كل طاولة عليها أداة أو مجهر وبدكن تذكروا اسم الأداة و وظيفتها وشو شايفين بالمجهر.

🫧 ونظرًا لأنّه الأجوبة بتكون قصيرة يا دوب سطر لكل سؤال لهيك في دقة عالتصحيح عالكلمة بيروح علامات، ويمكن يروح السؤال إذا كنت كاتب شرح زيادة أو كلمة غلط مو مطلوبة بتكون.

🫧 مهم تتدرب عالسرعة لتجاوب وبينجاب عملي عالٍ ساعتا لا تخاف.

سهل بس بس بدو سرعة ودقة 💫.

▪︎ دكتور المادة: برهان كنوزي.

▪︎ مصادر الدراسة: يعتبر الدكتور من أفضل الدكاترة بهالفصل ونصيحة يلي بيقدر يحضر لا يفوت الفرصة، أمّا جماعة المحافظات اسمعوا الفويسات كتير بفيدكن.

🫧 بالنسبة للنظري فجيبوا مقرّر الدكتور كتير مريح ومابيطلع برا المقرر، ولا تجيبوا محاضرات لأنه كتير بتفوت بالحيط، ومانها مريحة وكمان ماديًا عندكن 22 محاضرة.

🫧 يعتبر عم تظلموا الدكتور إذا جبتو محاضرات
العملي الو مقرر كمان مريح للدراسة.

🫧 بحال انزنقتو بالمادة وحاولو لاء، في اكستريات دنا ممتازين ساعتها.

سريرية1 🧪

🫧 بالسريرية بيصير تركيزنا على استقلاب المواد،
من حيث تدرك واصطناع وشو بتنتج عنا حالة إذا صار اضطراب بهالاصطناع.

🫧 تعتبر المادة حلوة ولكن ضخمة وبصمية أكتر من الحيوية، في تفاعلات كتير وأنزيمات وأمراض فالمادة بدها معاملة خاصة كمان هيي أول مادة بتقدموها بهالفصل.

🫧 دكتور المادة نفسه عدنان الحموي كمان ينصح تسمعوا الفويسات مع مقرره أو محاضرات إذا ماعندكن وقت، تنسيقها حلو ومرتب.

🫧 بالنسبة للعملي فهو أمتع من الحيوية وفيه شغل أكتر و بفيدكن لبعدين سريريًا، متل كأنكم عم تشتغلو بمخبر تحاليل.

🫧 بتاخدوا عينات دم وبتحطوا كواشف وبتحسبوا نسبة المادة الموجودة بهي العينة متل غلوكوز وشحوم وخضاب وبولة وكولسيترول وإلخ ..

🫧 وبهاد العملي بتتعلموا سحب الدم لأوّل مرّة، لا تخافوا المعيدين معكم خطوة خطوة.

يُتبع 🍃 ..

#Med_Help 🤍🍃
@MedHelpForPreYears

ونكفي مع مواد الفصل الثاني 🙂‍↔️🌸

تشريح 2 (صدر وبطن وعجان)

🫧 الوضع نفسه بالفصل الأوّل.

🫧 وبشكل مختصر مصادر الدراسة نظري مع بيان السيد (أو د.أحمد فوّاز) + المقرّر المعتمد.

🫧 العملي صور مجمسات ولاتيني.

🫧 كمان عندكم فريقين اعتمدوا عليهم، وكمان برجع بنوه على ضرورة دراسة النظري لأنّه بيسهل معا العملي.

🫧 الفحص تبعها بدّه تركيز وتمكن منيح.

🫧 الدكتور مدين طلب دراسة من مرجع سنيل للاسف.

🫧 الوضع شوي صغيرة مكركب بهي المادة كان عدورنا إن شاء الله عدوركن يكون أفضل.

الجنين الطبي

🫧 هي المادة جديدة وغريبة شوي عليكم مقسمة على جنين عام وجنين خاص، وطبعًا الخاص هوي الأهمّ وبيجي عليه علامات، ولكن لازم تمشوا بالعام قبل.

🫧 طيب كيف رح تلحقوا كلّ هالدراسة؟🧐
الأفضل تتابعوا كلّ الجنين العام مع د.مروان الحلبي هوي كم ساعة وقراية سريعة بعدها لأنه الشغل عالخاص أكتر.

🫧 النظري فيكم مقرّر فيكم محاضرات.
والأفضل؟🧐
ملاحق أسهللكم وشاملين.

🫧 لا تنسَوا التفريغات، الدكتور كمان بيحب يجيب من حكيه برا المقرر حتّى لو كان في تناقض مع المقرر.

🫧 بصمية بحتة، بس الحلو أنّه في كتير فيديوهات بتساعدكم، متل نينجا نيرد وأوسموز،
وفيكم طبعًا تتابعوا مع الدكتور مروان الحلبي.
بصراحة شرحه رائع وبيفيدكم كتير 💫.

🫧 كمان الدكتور عيسى، بيعطي هالمادة كلّ شي انذكر بالتشريح بينطبق هون بس الزيادة أنّه عندكم رسم تنقيط بصير،
وفي صور تلزيق كمان بتجيبوها من مكتبة طريف.

🫧 المادة الدكتور بيكرّر فيها دورات لحد الأربعين سؤال الباقي لازم تكونوا دارسين ومركزين الخاص أكتر شي.

نسج خاص 🔬

🫧 ممتعة أكتر من النسج العام، بس أصعب طبعًا.

🫧 نفس الدكتور بيعطي المادة، ونفس شغل الفصل الأوّل.

مهارات تواصل

🫧 مادة معدّل 🔥
خفيفة نضيفة، دراستها فيكم تدرسوا بأسبوعها بتتلحق وزيادة إن شاء الله.

🫧 بيعطيها دكتورين وهي 10 محاضرات. ، مادة +٩٠ برياحة بإذن الله.

انكليزي 4

🫧 أسهل من الفصل الأوّل، عطتها د.دالين الخس كتير لطيفة وحبابة، والعلامات أسطورية كانت.

يُتبع 🍃 ..

#Med_Help 🤍🍃
@MedHelpForPreYears

وهلق مع ٱخر سؤال 👀🌸

في كتير طلاب بتتوتر من الموضوع وبتخاف تسجّل بحمص لقصة "ضرب العلامات " 😞

" للصراحة أنّه تجيب معدل عالٍ صعب بس مانه مستحيل " 🔥 .

🫧 الوضع تمامًا متل أي جامعة تانية، في كم مادة حتكون تقيلة وفحصها صعب، وفي كم مادة رح بتكون دورات، وأكيد في كم مادة وسط.

🫧 فالمهمّ نعرفه أنّه ما في شي من هالتهويل يلي بتسمعوه لأنّه مبالغ فيه بشكل كبير وغير منطقي لذلك من البداية ابعدوا عن أي حكي سلبي 🤗🌸.

🫧 هاد الحكي من طلاب السنة الرابعة والخامسة ويلي معدلاتهم بالـ 85 % وفوق.

🫧 هلأ بالسنين السابقة كان الوضع سيئ والهيئة القديمة عملت كتير قصص بصراحة والمعدلات كانت منخفضة، بس ٱخر كم سنة تحسن الوضع أكتر، والسنة الماضية كانت الهيئة الجديدة كتير متعاااونة و في معدلات منيحة بالـ 80 وفوق 🔥.

🫧 وأخيرًا التعب عليك والتوفيق من ربّ العالمين، المهمّ ما تقصّر وما تراكم وكمان ما كتير تحمّلها على حالك غلط هالشي، مَعليه إذا نزلت بمادة إن شاء الله بتجيب معدل بيلي بعدها 🍃 .

🫧 وأهمّ نصيحة لا تقارنوا حالكم بغيركم من المحافظات، يمكن حتّى تلاقوا حالكم جايبين معدّل أعلى بمواد وهنن بمواد أعلى منكم، لهيك المقارنة من أكبر أسباب الفشل والاكتئاب يلي بتصيب الطلاب، ركز عحالك وعهدفك ماعليك بالباقي، وبس هيك 😊🤍.

وَفقكم الله، وإن شاء الله يكون الكلام مفيد لإلكم وما نكون قصّرنا معكم بشي، ولا تنسونا من صالِح الدعاء 🌸🍃 .

#Med_Help 🤍🍃
@MedHelpForPreYears

السلام عليكم Pre-12 🤍🍃

نُكمل سويًا سلسلتنا التعريفية الشيقة وموضوع اليوم مهم جدًا للأشخاص اللذين يُحبون اختبار أنفسهم ومعرفة درجاتهم 💯.

ألا وهو:
 

   🔮 دورات المواد على شكل استبيانات 🔮

وعلى بركة الله نبدأ 🤍

ما هو المشروع 🧐:

🫧 لقد عملنا على تحويل أسئلة الدورات على شكل اختبار، سؤال واختيارات في نماذج غوغل.

🫧 الأسئلة مُقسمة حسبَ الفصول، وكُل سؤال مُرفق بتوضيح حلّه.

🫧 هُناك نتيجة لكل اختبار، أي أنك تقوم بحل جميع الأسئلة، ثمّ تظهر نتيجتك، والأسئلة التي أجبت عليها بشكل صحيح وكذلك خاطئ ولديك الفرصة بمعرفة توضيح السؤال الذي أخطأت بحله 🤗 .

▫️تساؤلات:

🔹 كيف يمكننا أن نحصل على الاستبيانات؟🤔

هُناك مثبتة خاصة بكل مادة تحوي روابط استبيانات الفصول جميعها 🥳 .

🔹 بمَ تختلف الاستبيانات عن ملفات الدورات؟

نفس المُحتوى، الأسئلة الموجودة ضمن الملفات هي الدورات الوزارية النظامية وكذلك الموجودة بالاستبيانات.

ونحيطم علمًا بأن تنسيق ملفات الدورات أيضًا ممتاز جدًا لمن يحب اختبار نفسه ويتم التعديل عليها وإضافة التصويبات دوريًّا، إلا أننا حرصنا على تلبية كافة الأذواق 😁🤍 .

بالتوفيق 🤍🍃 .

#Med_Help 🤍🍃
@MedHelpForPreYears

لطلاب Pre_12 (الطلاب المقبلين على السنة التحضيرية - الدفعة الثانية عشرة)، إليكم الغروبات الرسميّة التابعة لـ Med Help والخاصة بكم 🤩 .

🫧 غروب الفيسبوك.

🫧 غروب التلغرام.

🫧 قناة التلغرام.

🫧 غروب تبادل الكُتب.

بالتوفيق والتفوّق يا ربّ 🩵🍃 .

#Med_Help 🤍🍃
@MedHelpForPreYears

السلام عليكم جميعًا 🤗🤍

استكمالًا لسلسلتنا التعريفية عدنا اليوم ببوست جديد 🤩🌟 .

↩️ ألا وهو:

🫧 كيفية التعامل مع الورقة الامتحانية 🫧

وهو فيديو مهم جدًا للتعامل مع ورقة الامتحان بشكل جيّد وضمان عدم ضياع علاماتكم دون انتباه 🤍 .

👈🏻 رابط المنشور ❤️‍🔥 .

هيّا انطلقوا، وبالتوفيق جميعًا 🤍🍃 .

#Med_Help 🤍🍃
@MedHelpForPreYears

السلام عليكم ورحمة الله وبركاته 🩷🍃
مساء الخيرات جميعًا..

استكمالًا لسلسلتنا التعريفيّة.. اليوم سنتحدث عن أمر مهم جدًّا في السنة التحضيرية، وهو أهميّة الحالة النفسية للطالب 🤍🌿.

🫧 شو دخل التحضيرية بالحالة النفسية؟

بداية من أوّل كلمة يمكن ترافقكم من يلي حوليكم، السنة التحضيرية مستحيلة.. لازم تدرس ساعات بدون ما تنام.. لازم تحيب كورسات ونوطات وتدفع هديك الحسبة و و و و..

والكثير من الأراء السلبية وغير الحقيقية أو المضخّمة حول هذه السنة!

⚠️ لذلك فلتعلم صديقي أنّ كل إنسان له تجربة مختلفة في هذه السنة، ويلي أفاد صديقك أو صديقتك وتابع معهم وفهم عليهم ليس بالضرورة تفهم عليه ويفيدك بنفس الدرجة..

بتجرب مرة ومرتين وتلاتة وبعدها بتقرر، حسب راحتك.. مو حسب راحة يلي حوليك وكلامهم.

🫧 طيّب كيف بعرف أنّي فهمت عنجد؟

🫧 بعد ما تخلص الدراسة من المصدر يلي بدك ياه (سواء من المصادر المجانية الموجودة على البوت تبعنا أو فصل مجانٍ من فريق ثانٍ..)

درست الفصل من الكتاب، كتبت مخطط شامل لأهم الأفكار بطريقة مختصرة، أو اتبعت طريقة دراسة بترتاح فيها (أكيد ما رح تكون بأنه تكون تكتب كل الفصل لأنه ما بتخلص دراسة هيك)..

▫️الدراسة بتكون بفهم الفكرة العامّة وحفظ النقاط الأساسية▫️

👈🏻 يأتي وقت تختبر حالك بالدورات وتشوف نسبة فهمك للمعلومات.. طبيعي ما تجاوب كل شي صح مية بالمية من أوّل مرّة.

ولكن نسبة 50% صح من الدورات و 50%  التانية فهمت فكرتها بعد ما فكرت فيها شوي وراجعت معلوماتها.. فوضعك بإذن الله ممتاز.

🫧 من الأمور المهمة أيضًا ما نتأثر بيلي بلش بكير أو حتّى يلي ما بلش أو أو..

غير مهم رفيقك وين وصل بدراسته..

ممكن إذا عندك صديق واثق فيه جدًا تدرسوا سوا وتتسابقوا بالدراسة ولكن بطريقة تشدوا بعض فيها مو تحبطوا بعض أبدًا..

💭 لذا من أهم النصائح أن المرحلة التي ستخوضها ليست مستحيلة، مادمت تسعى بنية مخلصة، ما دمت تحاول يومًا بعد يوم فالرحلة ستكلل بالخير بإذن الله 🤍🌿.

💭 الكميات كبيرة ولكن عون الله أكبر..

• ادرس بحب وافهم المعلومة..

• حاول ابدأ دراسة من بداية الفصل..

• لا تسوّف وضع خطة وبرنامج أسبوعي وهذا نساعدك فيه بقناتنا إن شاء الله تعالى..

💭 اسأل واستفسر عن المعلومة في بوتاتنا وبإذن الله رح نساعدكم قدر المستطاع..

• لا تتردد عن السؤال ولا تخجل منه..

فممكن أن يكون سؤال في فحصك بعد أشهر..

🫧 وتوكل على الله وتذكّر.. من رزقك التوفيق والمعونة في البكلوريا وغيرها، يرزقك إياهم بالسنة التحضيرية بإذنه، اسعَ اتخاذًا بالأسباب وأيقن أن النتيجة كرم وهبةً من الله 🤍🍃.

🫧 ادعُ الله أن يعينك في كل وقت وحين وأكثر من الحوقلة دائمًا 🤍🍃.

🫧 وبوت الدعم النفسي موجود لمساعدتكم، في تنظيم برنامج، ومساعدتكم في أولى خطواتكم حتى نهايتها، ندعمكم فيه نفسيًا وتنظيميًا إن شاء الله وكلّه بسريّة تامّة، وهذا هو:
@Med_Help_Be_Optimistic_bot

وختامًا..

"فما نَيلُ المَطالِبِ بِالتَمَنّي
وَلَكِن تُؤخَذُ الدُنيا غِلابا
وَما استَعصى عَلى قَومٍ مَنالٌ
إِذا الإِقدامُ كانَ لَهُمْ رِكابا!"

كلّ التوفيق لكم دكاترة المستقبل وأي سؤال لديكم اتركوه في التعليقات بلا تردد 🩷🌿.

#Med_Help  🤍🍃
@MedHelpForPreYears

السلام عليكم، ظهر الخيرات أصدقاءنا 🌸🍃

منشور اليوم رح يكون مميّز لأنه بيتحدث عن أفخم مشروع ميدهلباوّي ألّا وهو:

    🤖 البوت الٱلي وبوتات المواد العلمية 🤖

          🌟(الكنز الثمين في السنة التحضيرية)🌟

ولتعرفوا أكتر عن مشروعنا الجميل إليكم:

👈🏻 رابط البوست ❤️‍🔥.

دمتم بخيرٍ موفّقين دكاترة المستقبل 😌🤍 .

#Med_Help 🤍🍃
@MedHelpForPreYears

السلام عليكم 🤍🍃

💡 والآن إليكم بوتات المواد المُتاحة لمدة 24 ساعة، في حال واجهتم أي استفسار في أي مادة؛ فيمكنكم طرح السؤال على البوت المخصص للمادة:

🫧 بوت البيولوجيا:
@MedHelpBiology_ALT_bot

🫧 بوت الكيمياء:
@Medhelp_chemistry_alt_bot

🫧 بوت الفيزياء:
@MedHelpPhysics_ALT_bot

🫧 بوت التاريخ:
@MedHelpHistory_ALT_bot

🫧 بوت اللغة الانكليزية:
@MedHelpEnglish_ALT_bot

🔮 بوت الدعم النفسي:
@Med_Help_Be_Optimistic_bot

💡 الاسئلة العامة والإداريّة والاستفسارات تُرسل إلى بوت الإدارة:
@MedHelpForPre_YearsBot

🤖 البوت الآلي الذي يتواجد عليه كل ما تحتاجونه من مصادر مساعدة في الدراسة والفهم:
@MedHelpRobot_bot

⚠️ مُلاحظات هامّة:

📌 بوتات المواد هي ليست بوتات آلية، أي يوجد أشخاص حقيقيون وهم طاقم كل مادة، تقومون بسؤالهم ويقومون بإجابتكم.

📌 يُرجى طرح السؤال في بوت المادة المخصصة، ونعتذر عن الإجابة في حال تم السؤال عن مادة في غير البوت المُخصص لها.

🪄  رابط شات المناقشة العلمية للدفعة 12 :
https://t.me/+P-DoVb8DW9VmZDY0

بالتوفيق يا ربّ، ولا تنسونا من دعائكم الطّيب 🤍🫧 .

#Med_Help 🤍🍃
@MedHelpForPreYears

نداااااااء إلى Pre_12 📢

🫧 إليكم مثبتة منشورات السلسلة التعريفيّة بالسنة التحضيريّة التي تمّ نشرها على غروب الفيس الخاص بالفريق 🤩🫧 :

💭 تعريف بفريق MED HELP وماذا سيقدّم لكم في هذه الرحلة.

💭 تعريف ولمحة عن السنة التحضيريّة وأنسب وقت للبدء.

💭 تجارب طلّاب متفوقين خاضوا الرحلة من قبلكم:

🪻 تجربة الطالبة "لين خضير"بمعدّل فرز 90.69 🔥.

🪻تجربة الطالبة "جودي الواع" بمعدّل فرز 92.56 🔥.

🪻تجربة الطالبة "بُشرى نقرَش" بمعدّل فرز 92.15 🔥.

🪻تجربة الطالب "زين الدين الحوري" بمعدّل فرز 94.09 🔥.

🪻تجربة الطالب "زاهر الغريب" بمعدّل فرز 90.05 🔥 .

💭 حديث عن معدّل الفرز، ومعدل التحضيريّة كَكُل، والعملي.

💭 بوستات التعريف بالمواد:

🔬 مادّة البيولوجيا 🔬

🩻 مادّة الفيزياء 🩻

🧪 مادّة الكيمياء 🧪

🗽مادّة اللغة 🗽

📜 مادّة التاريخ 📜

💭 الفرق بين طريقة دراسة التحضيرية والباك: 1 و 2.

💭 دورات المواد على شكل استبيانات.

💭 كيفيّة التعامل مع الورقة الامتحانية.

💭 أهميّة الحالة النفسية للطالب في هذه السنة.

💭 البوت الآلي وبوتات المواد.

🪴 خطّة النشر.

⚠️ سيتمّ التعديل على المثبتة عند إضافة كل جديد إن شاء الله.

بالتوفيق يا ربّ، ولا تنسَونا من صالِح الدعاء 🤍🍃 .

#Med_Help 🤍🍃
@MedHelpForPreYears