مساء الخيرات دكاترة Pre_12 الأعزّاء 🤗🌸🍃

عُدنا بمنشور جديد يتحدّث بشكل عام عن السنة التحضيريّة، والوقت المثالي للبدء بالدراسة وغيرها من الأمور 😌🍃 .

👈🏻 رابط المنشور 🔥 .

وإذا عندكم أي سؤال اكتبوه بالتعليقات بدون تردّد، وبالتوفييق يا ربّ 🤩🌸🍃 .

#Med_Help 🤍🍃
@MedHelpForPreYears

إلى طلاب Pre-11  الكِرام يلي حابين يسجلوا بكليتي الطب البشري والأسنان 💚

الدكتور أحمد فواز الكبيسي مكمل معكم بالسنة التانية بشروحات شاملة مجانية ومعتمدة على مراجع عالمية.

وفق الروابط التالية.

🔴 نضع بين أيديكم رابط قناة التشريح السنة الثانية :
https://t.me/Ah_Med_Anatomy

القناة متضمنة لشرح تشريح الأطراف والرأس والعنق للدكتور أحمد فواز  الكبيسي على برنامج 3D #مجانا

بالإضافة ل:
1) قناة عملي تشريح الأطراف والرأس والعنق
🌷تحتوي على فيديوهات شرح( على الجثث+ مجسمات صور وسلايدات)+ملفات مصطلحات الجلسات :
https://t.me/Ah_Med_Practical_Anatomy

2)قناة عملي النسج العام
🌷 تحتوي على فيديوهات شرح +كتاب عملي النسج وملاحق أرشيف لRBCs:
https://t.me/Ah_Med_Practical_Histology_2023

بالتوفيق يا رب 🤍✨ .

السلام عليكم وصباح الخيرات والعطلة 🌸🍃

كيف حال رفاقنا Pre_12 👀🌟

أكيد كلكم بغروب الفيس وعم تقرؤوا المنشورات الجميلة والمفيدة يلي عم تنزل مهيك؟

ويلي ما كان بالغروب يروح يجهز مشروبه المفضّل ويجي يقرأ معنا هالبوستات 🚴 :

🫧 شو يعني تحضيري 🧐؟

👈🏻 يتحدّث بشكل البوست عام عن السنة التحضيريّة، والوقت المثالي للبدء بالدراسة وغيرها من الأمور 😌🍃 .

🔮 تجارب طلّاب متفوقين بالسنة التحضيريّة:

🫧 تجربة الطالبة لين خضير من طلّاب Pre_10 بمعدّل فرز 90.69 🔥.

🫧 الطالبة جودي الواع وتجربتها في السنة التحضيريّة، وهي من طلّاب Pre_9 ، بمعدّل فرز 92.56 🔥.

🫧 تجربة الطالبة بُشرى نقرَش بالسنة التحضيرية، بمعدل فرز 92.15، وهي من طلّاب Pre_8 🔥.

🫧 تجربة الطالب زين الدين الحوري بالسنة التحضيرية، بمعدل فرز 94.09، وهو من طلّاب Pre_8 🔥.

وانتظرونا مساءً مع:

🫧 تجربة الطالب " زاهر الغريب" بالسنة التحضيريّة، بمعدل فرز 90.05، وهو من طلّاب Pre_8 ⏳.

بالتوفيق جميعًا وأي سؤال لديكم لا تترددوا بتركه في التعليقات 🌸🍃.

#Med_Help 🤍🍃
@MedHelpForPreYears

لطلاب Pre_12 (الطلاب المقبلين على السنة التحضيرية - الدفعة الثانية عشرة)، إليكم الغروبات الرسميّة التابعة لـ Med Help والخاصة بكم 🤩 .

🫧 غروب الفيسبوك.

🫧 غروب التلغرام.

🫧 قناة التلغرام.

🫧 غروب تبادل الكُتب.

بالتوفيق والتفوّق يا ربّ 🩵🍃 .

#Med_Help 🤍🍃
@MedHelpForPreYears

مساء الخيرات من جديد 🌸🍃

↩️ عُدنا إليكم مع التجربة الخامسة والأخيرة من سلسلتنا التعريفية:

🫧 تجربة الطالب " زاهر الغريب" في السنة التحضيريّة، بمعدل فرز 90.05، وهو من طلّاب Pre_8 🔥.

👈🏻 رابط المنشور ❤️‍🔥 .

بالتوفيق والتفوّق جميعًا 🤍🍃 .

#Med_Help 🤍🍃
@MedHelpForPreYears

رجاءً عبولنا هالاستبيان بياخد من 5_7 د اتحملونا

كطلاب طب، نصادف يوميًا الكثير من المعلومات الطبية، لكن هل تساءلت يومًا عن مدى معرفتنا بالعدّ الشائع؟ وهل ندرك تأثيره النفسي على حياة الأشخاص الذين يعانون منه؟ وهل نستطيع التمييز بين السلوكيات الطبيعية والأعراض التي قد تشير إلى وجود مشكلة تحتاج إلى اهتمام؟
ساهم معنا في استكشاف مستوى الوعي والمعرفة لدى طلاب الطب في جامعة دمشق حول العدّ الشائع وآثاره النفسية، فمشاركتك ستساعد في تسليط الضوء على هذا الموضوع المهم وتعزيز الوعي به بين طلاب القطاع الصحي. 🔥
🔗 رابط الاستبيان:https://docs.google.com/forms/d/1Pavrm0gMfE-2D_97Fz1_vKxUc4EOKUSh4YU7VzGqR7M/edit

سلااامٌ عليكم 👀🌸

عدنا مع بوست جديد من سلسلتنا التعريفية بالسنة التحضيريّة 🤩 .

وموضوعنا لليوم عن معدّل الفرز وكيفيّة حسابه🧐؟ وبمَ يختلف عن معدّل السنة ككل؟
ومن ثمّ سنتكلّم عن العملي ومدى أهميتته، ومصادر دراسته 🔥 .

👈🏻 رابط المنشور ❤️‍🔥 .

قراءة ممتعة 🤩🍃 .
وإذا عندكم اي سؤال اتركوه بالتعليقات بدون تردّد 🌸🍃.

بالتوفيق والتفوّق 🩷🍃 .

#Med_Help 🤍🍃
@MedHelpForPreYears

مساء الخيرات دكاترة Pre_12 🥰🌸

ووصلنا أخيرًا للقسم يلي كلّكم منتظرينه من السلسلة التعريفية، ألا وهو قسم التعريف بالمواد ومصادر دراستها 🤩🤍 .

ورح نبدأ اليوم بأمتع مادّة من مواد الفصل الأوّل 🎊 .

وهي مادّة:

🔬 بيولوجيا الخليّة 🔬

ورح نحكي عن فصولها، وكيفيّة دراستها، والمصادر المجانيّة الممتازة المتوافرة للمساعدة على فهمها 🔥 .

👈🏻 رابط البوست ❤️‍🔥 .

اركضوا شوفوه 🏃🏻‍♂ ، وبالتوفيق جميعًا 🤍🍃 .

#Med_Help 🤍🍃
@MedHelpForPreYears

لطلاب Pre_12 (الطلاب المقبلين على السنة التحضيرية - الدفعة الثانية عشرة)، إليكم الغروبات الرسميّة التابعة لـ Med Help والخاصة بكم 🤩 .

🫧 غروب الفيسبوك.

🫧 غروب التلغرام.

🫧 قناة التلغرام.

🫧 غروب تبادل الكُتب.

بالتوفيق والتفوّق يا ربّ 🩵🍃 .

#Med_Help 🤍🍃
@MedHelpForPreYears

#خبر | #Med_Help |:

📍 الرسوم الجامعية لعام 2026-2027.

#Med_Help 🤍🍃
@MedHelpForPreYears

مساء الخيرات 🤗🤍

استكمالًا لسلسلتنا التعريفيّة، سنتحدّث اليوم عن ثاني مادّة معنا وهي:

🩻 مادّة الفيزياء 🩻

👈🏻 رابط المنشور ❤️‍🔥 .

بالتوفيق جميعًا 🌸🍃 .

#Med_Help 🤍🍃
@MedHelpForPreYears

السلام عليكم ورحمة الله وبركاته 🩷🍃

لساتكم متذكرين سلسلتنا 👀🍃

🌸 وهلق بعد ما حكينا عن كليّات الطبّ البشري في حماة ودمشق وحلب، إجى دور نحكي عن كليّة الصيدلة في جامعة دمشق 🌸 :

🫧 البوست الأوّل.
🫧 البوست الثاني.
🫧 البوست الثالث.
🫧 البوست الرابع.

انتظروناا 🌸🍃..

#Med_Help 🤍🍃
@MedHelpForPreYears

سَلام خاص لزملائنا صيادلة Pre_11 الكِرام  🤗🤍

منشورنا اليوم مُخصص للتعريف:

《 بكلية الصيدلة في جامعة دمشق 》

بِسم الله نبدأ بتعريف لطيف للصيدلة 🌸🍃 .

الصيدلة هي عبارة عن #علم و #فن و #تجارة، أي أّنها تجمع المجد من جميع أطرافه 😌👏🏻 .

⏰ مدة دراسة الفرع: خمس سنين ومنهم السنة التحضيرية.

■ هلأ دراسة الصيدلة صعبة أو سهلة؟🧐

🫧 للأمانة صعبة وبدها جهد بس أبدًا مانها مستحيلة، ولا تصدق يلي بقول سهلة، الفرع أبداً ماله متل ما بيحكي عليه البعض وعاملينه شغلة يلي ماله شغلة 😁 .

🫧 طبعاً في المواد السهلة وفي المواد الصعبة ويلي بدها شغل وتعب والقسم العملي فيه للصراحة بدو شغل وركض منييح بس مانه مستحيل👀 .

◽️ حضور المحاضرات هل أنا ملزم فيه أم لا؟

💥 القسم العملي:

أكيد ملزم بالحضور و إلّا ممكن تنحرم من تقديم الامتحان النظري.

💥 القسم النظري:

🫧 لأ ما ملزمين بالحضور وما حدا بياخد تفقد إلّا بعض الدكاترة، وبياخدوا بس أسماء الموجودين منشان إذا كانت علامتهم بالعملي مضروبة يعدلولهم ياها هيك بقولوا 😄.
🫧 ولكن كتجربة الدكاترة جداً ممتازين ومو ضياعة وقت الحضور لإلهم 🌸 .

💠 وهلأ رح نبدأ ان شاء الله بالتعريف بمواد السنة الثانية بشكل مفصّل 👀 .

رح نحكي عن تقسيم المواد بين الفصلين وشو مصادر دراستها وشو وضع الحضور؟

🌻 الفصل الأول: عبارة عن ٧ مواد (٤ مواد فيهم عملي).
🌻 الفصل التاني: عبارة عن  ٦ مواد (٥ مواد فيهم عملي).

🔹 مواد الفصل الأول:

💻  الحاسوب: ( نظري + عملي )

● دكتور المادة: د.مازن الناصر.

● مصادر الدراسة: أربسيز.

● الحضور : ما حدا بيعرف لأن الدكتور أول سنة بيعطي بكلية الصيدلة ولما داوم الدكتور وبدأ الإعطاء كان الفصل بنهايته تقريبًا ومابقى حدا ينزل ويحضر إلّا القلة 😶‍🌫.

● القسم العملي:  مناخد فيها أساسيات الحاسوب وأساسيات البرمجة وشغلات بسيطة جدًا جدًا يعني معروفة عند الغالبية 👏🏻.

● القسم النظري: الشبكات وأنظمة العد وبنية الحاسوب ونظم التشغيل وهالشغلات يعني.

🫧 بشكل عام الدكتور رايق بأسئلته وبيعتمد على البصم وممكن يكرر دورات وبحب الأرقام جدًاا 😄
وحتى المادة سهلة وممتعة وتعتبر مادة معدّل بامتياز إذا درستوها صح! 👀

📜 اللغة العربية: (نظري فقط)

 

● دكتورة المادة: د. إسراء.

● مصادر الدراسة: أربسيز بس المهم ما تخبروا الدكتورة 🤫.

● الحضور: الدكتورة شرحها حلو بس يعني الحضور ما كتير مهم لأن المقررات بسيطة فحسب كل طالب ومستواه.

● المقرر:  هي عربي بكلّ بساطة 😄
قواعد وشغلات سهلة وسلسة وأغلبها واردة في السنوات السابقة.

🫧 بس في فكرة كتيير مهمة أنّه أسئلة الدكتورة فيها البركة خصوصًا إذا وصلها خبر أنكم عم تدرسوا من أربيسيز 😶‍🌫 .

🫧 وأكبر مثال عنا أخواتنا طلاب بري 8 الحمد لله الدفعة كلّها حملتها 😂 لأنّه وقتها الدكتورة عرفت بمحاضرات أربسيز وهيك فما جابت شي من المحاضرات 😂 .
•• بديل أربيسيز ----> كتاب الدكتورة ( موجود بمستودع الجامعة ) ••

🆎 انكليزي 3: (نظري فقط)

● دكتورة المادة: د.نادرة الفاضل.

● مصادر الدراسة: أربسيز.

● الحضور: برضو حسب المستوى ومفيد أكتر بموضوع النصوص أما القواعد أغلبها مر معنا بالسنوات السابقة.

● المقرر: الشي الجديد الوحيد فيها أنه المصطلحات صارت طبية وما تبقى متل الإنجلش يلي بنعرفه قواعد ونص ورايتينغ. 

📚 الثقافة: (نظري فقط)

🫧 مادّة موحدة لكلّ الكليات، مالها دكتور طبعًا.

<<لكن..تم حذف هي المادة من بعد التحرير..و يُقال انو في بديلة عنها..على الطريق🫠>>


وهلأ بنبدأ بموادنا الممتعة يلي إلها علاقة بالصيدلة 🥳🔥

🧫 الكيمياء الفيزيائية:  (نظري + عملي)

● دكتورة المادة: د. ميسم سلامي.

● مصادر الدراسة: أربسيز.

● الحضور: جدًا مفيد بتلاقي كلامها وشرحها بالفحص.

● القسم النظري: عبارة عن 3 أقسام وهي دمج ما بين الكيمياء والفيزياء.

◍ القسم الأول: بيحكي عن حالات المادة.

◍ القسم التاني: عبارة عن الحركية وسرعة التفاعل والحفازات ورتب التفاعلات وو..

◍ القسم التالت: هاد نوعًا ما جديد بيحكي عن  أساليب القياس (هاد القسم نفسه موجود بالعملي) بس طبعًا بالنظري بشكل أوسع وأساليب التحليل الكيفي أو الكمي للمركبات.

مثلًا عنا (الانكسار والاستقطاب والامتصاص اللوني وهيك وو). 
القسم بصمي لحد ما بس جميل وسهل.

🫧 المادة مُمتعة وبتعتمد على الفهم أكتر من البصم وفيها شبه لكيمياء التحضيري خصوصًا أول قسمين.

🫧 أسئلة الدكتورة واضحة ورايقة جدًاا جدًا وإذا عرفت تمشي فيها من البداية صح فهي مادة معدل بامتياز  ما فيها اي تعقيد أبدًا.

🫧 الدكتورة بتجيب مسائل كتيير (لهيك  بكون معك ٱلة حاسبة بالامتحان) 🤗.

يُتبع 🍃 ..

#Med_Help 🤍🍃
@MedHelpForPreYears

لنكمّل 🍃 ..

🧪  الكيمياء العضوية: ( نظري + عملي )

● دكتور المادة: د. إياد اللوص.

● مصادر الدراسة: أربسيز.

● الحضور: الدكتور إعطائه جدًا منييح وبركز على الأمور المهمة، برأيي يلي منيح بالعضوية ومتمكن منها تماام عادي ممكن ما يحضر، أمّا يلي عنده شوية ركاكة فالحضور مفيد لإله.

🔅 المادة عبارة عن قسمين:
- عضوية ١ ---> فصل أول.
- عضوية ٢ ---> فصل تاني.

• العضوية ١ بتحكي عن الألكانات والألكِنات والألكينات والأغوال وهاليدات الألكيل.

● القسم العملي: جدًا ممتع بس ماله علاقة بمقرر النظري 😁، مناخد فيه البلورة وكيفية فصل المواد عن بعضها وهيك تجارب ظريفة 🤩 .

● القسم النظري: متل ما حكينا كيف  منسمي الألكينات والألكِنات و..، وكيف منحصل عليهن، كيف منصنعهن، و التفاعلات اللي بتصير عليهم وهالشغلات يعني دراسة مفصلة لكل مركب لحاله.

🫧 أسئلة الدكتور بالامتحان عبارة عن معادلات ونواتج وحفازات ومصاوغات cis و trans..و ضروري تعرفوا كيف الأسئلة بتيجي و ع شو تركزوا

🫧 أما أسئلة نظرية كتسمية أو طريقة التفاعل مافي هيك شي إلًا نااادرًا جدًااا.

📌 لهيك بعض الطلاب بتعتمد بدراستها على إكسترا أربسيز مع أو بدون ملخصات .. بكون فيه بس المعادلات والحفازات، أمّا الكلام النظري (يلي هو ٱلية التفاعل وهدول الأمور) فما موجودين.

💊 الصيدلانيات 1: (نظري + عملي)

● دكاترة المادة:
✿ฺ  د. أمل يوسفان.
✿ฺ  د. هند الزين.

● مصادر الدراسة:

✿ฺ  د. هند: أربسيز.
✿ฺ  د.أمل: سلايدات حصرًاا لأنها مانعة أربسيز.

🫧 وملاحظة مهمة سلايداتها بالانكليزي 😶 .
بس الأسئلة الغالب بتجي عربي  وشوية مصطلحات انكليزي.

● الحضور:

✿ฺ  د.هند: ما كتير مفيد الحضور المقرر تبعها، سهل ما بحاجة شرح.

✿ฺ  د.أمل: للأمانة الدكتورة خارقة حرفيًا وشرحهاا رائع وبرأيي الحضور جدًا مفيد بساعدك على فهم المادة بطريقة صح وبصير القسم البصمي منها أسهل للحفظ.

🫧 بس مشكلتها أنّه محاضرتها بتملل شويتين 🫠 لسبب واحد إنّها بتعطي بتعطي بتعطي كل وقت المحاضرة، يعني ساعتين كاملين عبارة عن معلومات وأغلبها جديد فالواحد ممكن يتعب وبينعس ٱخر شي وعقله بسافر لشي مكان وبتركه لحاله عم يجاهد 🥲😅 .

🫧 بس لا ننكر أنّك رح  بتاخد معلومات فخمة🔥 .

🫧 لهيك ممكن تحضر وبوقت المادة ترجع تسمع التسجيلات، إذا رايح عليك شي بترممه، وهيك بتكون أمورك تمام إن شاء الله.

🫧 نحكي عن محتوى المقررات شوي تقريبًا هي المادة الصيدلانية الأمتع هالفصل 😁🔥 .

🫧 بتحكي عن الأشكال الصيدلانية للدواء مثلًا شرابات مساحيق مستحلبات (يلي من أنواعها الكريمات) قطرات، حثيرات، حبوب، مضغوطات، كبسولات ... إلخ، وكيف منصنع كل وحدة وشو شروط تصنيعها وشو ميزاتها وشو مساوئها ووو..

● القسم العملي: جميييل وبحسسك أنك صيدلاني رح نحضّر شرابات وفوارات وشغلات وعملات 😄😌🔥 .

🫧 المادة بحاجة حفظ منيح وهي المادة الوحيدة بهالفصل يلي بتكون أسئلتها غليظة نوعًا ما وبدها شغل منيح بالدراسة 😶‍🌫 .

وبس هيك خلصنا الفصل الأول 🤗🌸 .

يُتبع 🍃 ..

#Med_Help 🤍🍃
@MedHelpForPreYears

وهلأ رح نحكي عن مواد الفصل الثاني، هاد الفصل ممتع جدًا وخصوصًا قسمه العملي:

🆎 الانكليزي 4: (نظري فقط)

● دكتور المادة: د.نادرة الفاضل.

● مصادر الدراسة: أربسيز.

● الحضور: نفس وضع انكلش 3.

🫧 وهي آخر انجلش رح بتاخدوها بسنينكم 🥳🥳.

🫧 كمان برضو مصطلحات طبية وقواعد ونصوص ورايتينغ بس هالفصل النصوص والمصطلحات بشكل خااص عن الأمراض النفسية 👻 .

💊 صيدلانيات 2: (نظري + عملي)

● دكاترة المادة:

- د. أمل يوسفان.
- د. أنطون اللحام.

● مصادر الدراسة:

✿ฺ  د. أنطون : أربسيز.
✿ฺ  د.أمل نفس وضع صيدلانيات 1🙄.

● الحضور:

🫧 د.أنطون احم للأمانة بيجي بس ما بيشرح ولا حرف وأغلب المحاضرة بنتعلم كيف نطبخ وبتكتشف مكونات عجيبة يعني أكيد مافي داعي تحضروا 😂
و بجيب أغلب قسمه دورات بس مو دائماً 🤓

🫧 د.أمل برضو نفس وضع صيدلانيات 1.

● مقررات القسم النظري:

🫧 كمان هالفصل بتحكي عن أشكال الدواء بس  الأكثر تعقيد ودقّة بالتصنيع والاستخدام هالمرة.

🫧 مثلًا عنّا (الحقن العضلية والوريدية، القطرات العينية، المعلقات، الجسيمات الشحمية، المستحلبات...).

🫧 وطبعًا رح ندرس كيف منصنعهم و بأي شروط وهكذا نفس الصيدلانيات 1 بالضبط بس أشكال جديدة.

● القسم العملي: هالفصل للأسف رح يكون مايل للنظري أكتر من التحضير بإدينا 🫥 و فيه مسائل ممتعة جداً كمان🔥

🫧 وبالنسبة للأسئلة: د.أنطون أغلب أسئلته دورات، ودوراته مهمة لأنها دورات من برا المنهاج  🫣🫠 يعني إذا بلا دراسة المنهاج مش مشكلة 😂
د. أمل نفس الوضع  تبع أسئلة صيدلانيات 1🙄.

🌱 العقاقير: (نظري + عملي)

● دكاترة المادة:

✿ฺ  د.رشا الخطيب
✿ฺ  د.لؤي علان.

● مصادر الدراسة: د.لؤي أربسيز.
د.رشا كمان أربسيز🤗.

● الحضور:

🫧 ماكتير مفيد لأنّه مقرّر المادة فهمه سهل ومايل للبصم بشكل كبييير.

🫧بس د.لؤي شوي بجيب من حكيه فإذا صحلكم احضروا أو تسجيلات.

🫧 ود.رشا بتركز ب اسئلتها على الاستخدامات و شغلات ب المحاضرات..يعني عادي ما تحضروا لها ☠️🫠 .

🫧 المادّة عبارة عن قسمين:

◍ القسم الأول: للدكتورة رشا بيحكي عن النباتات وفصائلها، وكل نبتة شو بتحوي مواد وشو استخدام كل نبات.

◍ القسم التاني: للدكتور لؤي عبارة عن تعريف بالمركبات (تانينات وفلافونوئيدات وسكريات مفردة ومتعددة متجانسة ولا متجانسة و و) وكل واحد شو استخدامه وتركيبه وهكذاا..

● القسم العملي: فيها جمييل وسلس وبسيط عبارة عن تحضير محضرات لنباتات، ومنشوفهن تحت المجهر وبنطلع العناصر التشخيصية يلي بتميّز كل نبات عن التاني.

🫧 أمّا بالنسبة للأسئلة: قسم د.لؤي بيجي سهلة و واضحة بحت وللأسف في كم سؤال بدهم تركيز لأنّه بكونوا من خارج المنهاج قريب الـ10 أسئلة أو اكتر🫠 .

🫧 أما قسم د.رشا ف بتركز على شغلة معينة و بتكرر عليها الأسئلة متل استخدامات النباتات..المواد الفعالة..

🩸الكيمياء الحيوية: (نظري + عملي)

● دكاترة المادة:

د.فايزة القبيلي.
د.رنوة السيد.

● مصادر الدراسة: أربسيز بالقسمين.

● الحضور:

🫧 عند د.فايزة ما كتير مهم لأن القسم بصمي بشكل كبيير بس هي الدكتورة بتسجل حضور  👀.

🫧 أمّا بالنسبة لقسم د.رنوة فالحضور مهم جدًا جدًا جدًا جدًا جدًا برضو مرة كمان جدًا 😂 لأنه قسمها فهمي فهمي 🙃 .

● مقررات القسم النظري:

✿ฺ قسم الدكتورة فايزة بيحكي عن الماء وشو فوائده بالجسم، الاستقلاب والوقاءات، شغلات فيزيولوجيا يعني 😶‍🌫 .

🫧 العناصر المعدنية يود حديد زنك الخ ... شو فوائدها سبل اطراحها شو بحفز امتصاصها، الأحماض الأمينية، عديدات الببتيد، البروتينات والبنى تبعها، الانزيمات وشوية تقنيات من تبع الفصل ٨ وراثة.

🫧 يُعتبر قسم بصمي بحت بس مانه صعب بده متابعة أوّل بأوّل.

✿ฺ القسم التاني للدكتورة رنوة فهمي وبصمي بيحكي عن الاستقلاب بشكل عام بعدين استقلاب السكاكر بالأخص الغلوكوز بعدين استحداث الغلوكوز بعدها حلقة كريبس والفسفرة التاكسدية لنحول الطاقة...
المخططات يلي بتعملها الدكتورة وهي بتشرح كافية لتفهم محاضرتها تمامًا لهيك الحضور عندها ضروري.

● القسم العملي:

🫧 ممتع جدًا 🔥 .

🫧 هو بحاجة لفهم ولحفظ سوا، أهم وأول شي رح تكتسبوا خبرته من التجارب هو البحث والتشخيص المخبري، لما بتساووا اختبارات الكشف والمعايرة (كيف منكشف عن السكاكر وعن الأحماض الأمينية ونحددها بتفاعلات كيميائية أو بطرق ثانية فيزيائية مثل الاستشراب..، كيف منحلل دم وكولسترول وكرياتينين والفيتامينات ونستخرج DNA الفريز ...).

● الأسئلة:

🫧 د.فايزة أسئلتها واضحة وما بتطلع برا المقرر.

🫧 د.رنوة أسئلتها بتتطلب الفهم والتركيز وفهم كلّ الخطوات يلي عم تصير بكل عملية بس بتنحل بسهولة إذا مركّز وفاهم منيح.
و تنيناتن بحبوا المصطلحات

يُتبع 🍃 ..

#Med_Help 🤍🍃
@MedHelpForPreYears

لنكمّل مع مواد الفصل الثاني 🍃 ..

🧪 الكيمياء العضوية 2: (نظري + عملي)

● دكتور المادة: د.إياد اللوص.

● مصادر الدراسة: أربسيز.

● الحضور: متل عضوية 1.

● المقررات والأسئلة: برضو نفس مبدأ عضوية 1 بس هالفصل لمركبات تانية،
( ألدهيدات كيتونات حموض كربوكسيلية ومشتقاتها والأمينات ).

● القسم العملي: عبارة عن تفاعلات كشف واستخلاص وكالعادة العملي حلو و سهل وأهم شي الكواشف والتفاعلات بشكل عام.

★ بقولوا أسهل و أمتع من العضوية 1 بس أنا ما شفتها هيك (كلّ شخص ونظرته مالنا علاقة 😂 ).

🌡 الكيمياء التحليلية 1: (نظري + عملي)

● دكاترة المادة:

✿ฺ  د.جمعة الزهوري.
✿ฺ  د.فداء عم علي.
✿ฺ  د.علا.

● مصادر الدراسة:

✿ฺ  كل الأقسام ..أربسيز.

● الحضور: مفيد جدًا جدًا بكل الأقسام والدكاترة رائعين جدًا بالإعطاء والشرح.

● القسم النظري: عبارة عن 3 أقسام،
{{ ٢ علا ، ٢ فداء ، ٦ جمعة }}.

🫧 قسم الدكتور جمعة:

🖇 ٦ محاضرات بيحكي عن المحاليل، ستكيومترية التفاعل، التراكيز، حموض وأسس مخططات ال ph والمشعرات وطرق المعايرة والمعايرة اللامائية.

🖇 الدكتور جمعة مابيطلع عن يلي بيحكيه أبدًا وبتطلعوا من المحاضرة فهمانين ؛ بقراءة سريعة للمحاضرة بتكون أموركن تمام.
بشكل عام قسمه سهل وكله معروف مابياخد كتير وقت.

🫧 قسم الدكتورة علا:

🖇 محاضرتين بيحكوا عن الترسيب والتحليل الوزني.

🖇 أسئلتها متنوعة بين السهل والمتوسط والصعب؛ بس كتير دقيقة واللي بيفهم قسمها بكل التفاصيل رح يحل كل أسئلتها إن شاء الله.

🫧 قسم الدكتورة فداء:

🖇 محاضرتين أكسدة وإرجاع ومعقدات.

🖇 \\ جزء من مقررات النظري موجودة نفسها بالعملي كمعايرة أكسدة ومعقدات وترسيب و ..\\

🫧 الأسئلة:

■ د.جمعة المعتاد دورات عدا على دور بري 8 غير نمطه و بقي معتمده ع دورنا نحن كمان بري9 🫠 .

■ د.فداء ود.علا بدهم فهم وتحنيك شوي كونه أغلب الأسئلة عم بتكون مسائل.
وآخر دورة..صار و الدكتورة فداء جابت دورات مع العلم انها ما بتجيب..ف انتو و حظكن🤗

وبس هيك خالصين الفصل التاني 🥳🥳🤍 .

⚠️ ملاحظة أخيرة: السنة التانية هي سنة المعدل كونه لسا المواد خفيفة ومافيها هالضغط الكبير لذلك استغلوها من البداية صح 👏🏻.

وبالتوّفيق إن شاء الله وأهلًا وسهلًا بزملائنا السنافر 🌸🌿 .

#Med_Help 🤍🍃
@MedHelpForPreYears

مساء الخيرات سنافر Pre_12 الأعزّاء 🩷🍃

والآن متل العادة.. حضروا مشروبكم المفضّل وتعالوا اقرؤوا معنا هالبوستات يلي رح تجاوب على كتير من أسئلتكم بخصوص هالسنة بإذن الله 🤩🌸

🔮 وصلنا بسلسلتنا التعريفية إلى:

🫧 التعريف بمادّة الكيمياء.

🫧 التعريف بمادّة التاريخ.

🫧 التعريف بمادّة اللغة.

🫧 موضوعنا في هذا البوست هو موضوع كثييير تساءلتوا عنه، وهو 《شو الفرق بين طريقة الدراسة في السنة التحضيريّة والباك》🧐 .

وهل معقول أقعد أبصم المقرّرات كلمة كلمة مع ضخامتها وضيق الوقت بالنسبة للباك؟ 😰

وللإجابة عن جميع استفساراتكم بهالموضوع اركضوا شوفوا المنشور 🏃🏻‍♂ .

👈🏻 والجزء الثاني هُنا ❤️‍🔥.

قراءة ممتعة 🤩🍃 .
وإذا عندكم أي سؤال اتركوه بالتعليقات بدون تردّد 🌸🍃.

بالتوفيق والتفوّق 🩷🍃 .

#Med_Help 🤍🍃
@MedHelpForPreYears

وهلّق إجى دور نحكي عن كليّة الطبّ البشري في جامعة حِمص 🔥.

جهزوا كاسة المتّة وتعالوا عنّا حكي كثير 🙂‍↔️🌸 .

🫧 البوست الأوّل.
🫧 البوست الثاني.
🫧 البوست الثالث.
🫧 البوست الرابع.
🫧 البوست الخامس.

#Med_Help 🤍🍃
@MedHelpForPreYears

يعطيكم العافية 🌸🍃

رح نحكي هلّق عن

🌟 <الطب البشري بجامعة حمص> 🌟

وشرح بشكل شوي مختصر ومفيد عن:
المواد / مصادر الدراسة / وضع السكن / وهل في ضرب علامات؟🤔

🪄 أولًا: عنّا بالفصل الأول 7 مواد وهي:

كيمياء حيوية والبيولوجيا الجزيئية + تشريح وصفي1 + نسج عام + انكليزي3 + علم نفس + عربي.

أوّل مادّة معنا ⤵️

الكيمياء الحيوية 🧪

▪︎ دكتور المادة: عدنان الحموي

⚡️ النظري

المادّة حلوة كتير وممتعة ولكن ضخمة، بدها متابعة منيح من أوّل الفصل وهيي أوّل مادّة بتقدموها.

▪︎ قسم الدكتور عدنان (الحيوية):

القسم بيحكي عن السكريات والشحوم بشكل بسيط تركيب كل وحدة منن وشو الها دور بالجسم وهدول القسمين أهمّ شي بالإضافة لأقسام تانية متل الph والماء وفيها معلومات فيزيولوجيا وإنزيمات وهكذا.
مهم كتييير تدرسوا الدورات وقت الامتحان به القسم
▪︎قسم الدكتورة (البيولوجيا الجزيئية):

بتعطي 4 محاضرات بتتعلق ببنية الحموض النووية وتعضّي الدنا وتنسخه تمامًا متل الموجود بالوراثة، يعني قسم سهل ، لكن الدورات قليلة الأهمية فيه.

⚡️ العملي

جدًّا ممتع 🔥 .
بتشتغلوا على تفاعلات كشف عن السكاكر والبروتينات بالمخبر بعد ما تعطيكم المعيدة التعليمات.

▪︎ بحال بقي الدكتور مرهف عليكم هالسنة
فحرفيًا حصته لذيذة وممتعة بشكل، بس تنويه صغيييير بس مهم كتيير :

⚠️ ضروري تروح عالجلسة وأنت دارسها من محاضرات السنة الماضية.

▪︎ حاول تحصلهم من شي حدا بعد ما تتأكد أنّه الدكتور مرهف معكم لساته،
لأن الدكتور في مجموعة أسئلة بيسألها بقلب الحصة، مانها موجودة بالمقرر لكنها اسئلة دورات يعني نفسهم بيسألهم كلّ سنة، واللي بجاوب بيكسب علامات حلوة، فلا تضوعوها من أيدكم.

▪︎ الدكتور متعاون ومحترم جدًّا، ومخبر الكيميا لطيف جدًّا بشكل عام 💫.

▪︎ العلامة موزعة على مذاكرتين وفحص وفي عحضور العملي بس عالأغلب بتتوزع.

⚡️ مصادر الدراسة

▪︎ النظري مقرر أو محاضرات دنا او الفريق العلمي .

▪︎ بحال درستوا مقرّر ضروري تسمع الفويسات مشان تفريغات الدكتورين لأنه مهمين كتير وبيجيبوا منها بالفحص وإذا مامعكن وقت ممكن تجيبوا تفريغات، من المحاضرات.
أمّا العملي المقرر كافٍ بس متل ما قلتكم هالكم تفريغة مهمين لتشاركوا بالحصص،
ما بينقصلكم بحال ما جاوبتوا أو شاركتوا
لكن بزيد كم علامة إذا نقصكم بالمذاكرة بعوضوكم.

وتاني مادّة معنا ⤵️

التشريح الوصفي1 (تشريح أطراف و رأس وعنق) ☠

▪︎ دكتور المادة: عيسى موسى، بالإضافة للدكتور مدين.

⚡️ النظري

🫧 بالنسبة لمقرر الدكتور عيسى لمّا يحددلكم شو القسم يلي حياخده،
قريب كتير على مقرّر دمشق يلي بيعطيه الدكتور بيان السيد ولكن بشكل مختصر، والحالات السريرية كانت مطلوبة بس حذفها الدكتور عيسى.

🫧 إذا أنت ساكن بحمص أو الجامعة قريب عليك نصيحة احضر فايدة الك ولدفعتك، ليش؟

🫧 الدكتور بيحب كتير العالم يلي بتحضر، وبس يشوف حضور منيح بيجيب الأسئلة النظري أسهل وأوضح، فهي فايدة للجميع 💫.

🫧 وبشكل عام اعتمدوا فيديوهات بيان للدراسة لأنه غنية عن التعريف.

🫧 وعندكم شرح د.أحمد فوّاز للسنة الثانية كمان.

🫧 بالنسبة لقسم الدكتور مدين فهو بيطلب مرجع سنيل بقسمه -الطرف العلوي غالبا- ، محاضرات دنا مفيدة مع دورات طبعا.

⚡️ العملي:

🫧 بيعتمد هون عالمجسمات مافي جثث.

🫧 بالنسبة لتقسيم العملي فعنّا : 20 لفحص العملي، عبارة عن 20 سؤال وهيي عبارة عن سلايدات لمجسمات مع أسئلة نظري متل أكبر عصب بالجسم ومين الشريان يلي فروعه أكتر بالعضد،
بيجيب شي 4 هيك أسئلة وغالبًا بتكون من التفريغات أو النظري، يفضل تقرؤوا التفريغات آخر شي وأهمّ المجسمات.

🫧 واللاتيني مهمّ لأن بيسألك بعدد من التسميات أنّه اكتبها باللاتيني.

🫧 المقابلة على دور بري 9 وبري 10 التغت، لكن بالمجمل هي عليها 5 علامات، بيتقسموا الطلاب لمجموعات وحسب حظ كل مجموعة بيسألها نظري أو عملي.

شفتو أهمية دراسة النظري مع العملي بهالمادة 🌝 حتّى تضمنوها لاتهملوا النظري والعملي بيصير سهل الوضع.

🫧 هلق بالنسبة للمقابلة بالتشريح اذا صارت فشوي كانت أسئلتها معتّة لهيك ما كتير تدقق على نتيجتها أو تدايق، اعمل يلي عليك وفوت وجاوب بثقة واتكل عالله.

منكمل

⚡️ مصادر الدراسة

🫧 النظري فيديوهات الدكتور بيان أو (د.أحمد فوّاز) + مقرّر الدكتور عيسى المعتمد هوي كلّ سنة بيعتمد فريق شكل، وأقسام باقي الدكاترة متل ما خبرتكم بعدها مو واضحة.

🫧 العملي أهمّ شي تشوفوا صور المجسمات تبع المخبر، فيكم تلاقوها ecg من بوت الكراكيب وتركزوا عاللاتيني.
يعني كونه الامتحان سلايدات ففورًا بتروحوا عالمجسمات وبتحفظوهم.
@albaath_files_bot

🫧 وكمان مهم كتير تركزوا مع المعيد،
وحاولوا تحفظو المعالم التشريحية بوقت الجلسة
بتلاقوا حالكم كارجين فيها.

يُتبع 🍃 ..

#Med_Help 🤍🍃
@MedHelpForPreYears

لنكمّل مع ثالث مادّة 🍃

النسج العام 🧪

▪︎ دكتور المادة: د.رحيل.

⚡️ النظري:

المادة بصميّة والها طريقة خاصّة للدراسة بالتكرار وتلخيص المعلومات بتصير أسهل إن شاء الله، ممكن تعتمدو المقرّر بس تنسيقه مو كتير مريح، فيكن تدرسوا محاضرات، الفقرات بتكون مرتبة ومنسقة بجداول.

نصيحة نصيحة
المادة كتير حلوة إذا فهمتها
كيف بفهمها؟
بتروح لعند د.إيمان نبيل
دكتورة مصرية شارحة كل حرف ومحاضراتنا حرفيًا بنسبة كتير كبيرة مطابقة للمعلومات يلي بتذكرها 🔥
مشان الامتحان ، الدكتور كتير بركز عالمصطلحات و التسميات الغريبة فركز عليهم بدراستك

⚡️ العملي:

🫧 عبارة عن 30 علامة موزعين على 15محضر.

🫧 يعني كلّ محضر علامتين وهوي أهم فحص عملي عبارة عن سلايدات (مو عالمجاهر).

🫧 يفضل تتابعوا العملي ولاتراكموه مع كلّ محاضرة بتنعطى.

🫧 اكتبوا مع الدكتور الكتابة الامتحانية يلي بيحكيها عن كلّ محضّر وجيبوا صور من محاضرات العملي وشوفوا صور قد مابتقدروا، وفي ملف كامل فيه أغلب الصور يلي كان يجيبها الدكتور، واتتدربوا عالسرعة بالكتابة مشان تلحقوا
وطبعًا صار في مقرر الها بس لا تكتفوا فيه حاولوا تشوفوا صور كتير.

⚠️ ملاحظة:
▪︎ المادة يمكن تسمعو إنها كانت دورات،
هالشي تغير تمامًا بدءًا من السنة الماضية لما تغير الدكتور وإجى الدكتور رحيل.

▪︎ الدكتور رحيل كتير بحب يركز عالظهارات
عالأرقام، الأطوال، الأقطار، إلخ..
لهييييك مهمممممم تشوف آخر دورتين حصرًا حتّى تعرفوا النمط، يعني لازم تتمكن منها خلال الفصل.

مع رابع مادّة ⤵️

الانكليزي3

▪︎ هون بتصير اللغة أحلى لأنّه تمامًا عبارة عن مصلحات طبيّة + حالات سريرية.

▪︎ دكتور المادة: السنة الماضية كانت د.مي غرير.

▪︎ المادة 8 محاضرات خفاف ظراف قصيرة بشكل ولذيذة ومعدّل 🔥.

خامس مادّة ⤵️

علم النفس

▪︎ مادة كانت حلوة و مادة معدل، بس تغير الدكتور و صارت المادة بدها شغل كتييير خلال الفصل

سادس مادّة ⤵️

العربي

▪︎ بتدرسوا من أي ملخص.

▪︎والمادة قبلها يوم انتبهوا.

▪︎ ملحق ecg ممتاز 140 صفحة.

▪︎ بس كمان المادة قبلها يوم بس بتلحقوا إن شاء الله إذا ماتلهيتوا أبدًا.

▪︎ المادة عبارة عن قواعد الباك نفسها تمامًا.

يُتبع 🍃 ..

#Med_Help 🤍🍃
@MedHelpForPreYears

🪄 وهلق منكفي مع مواد الفصل التاني يلي هيي:

فيزيولوجيا 1 + سريرية 1 + تشريح 2 + جنين + نسج خاص + مهارات تواصل + إنكليزي 4.

الفيزيولوجيا الطبية والمرضية1 💉🩸

🫧 من أحلى مواد الفصل التاني قريبة على يلي اخدناها بالتحضيري مع أقسام جديدة.

🫧 تعتبر مادة ضخمة و لهيك بدها متابعة من أوّل الفصل وأكتر مادة بدكن تعطوها حقها وهيي سهلة مابتاخد وقت.

🫧 العملي ممتع بتاخدوا طريقة حساب كمية الخضاب بالدم بجهاز خاص وكمان بتعملو تجارب اختبار التصالب بالدم.

🫧 العلامة مقسمة على مذاكرة وفحص و5 علامات بيعطيا الدكتور للكل.

🫧 بالنسبة للفحص هو عبارة عن 5 طاولات كل طاولة عليها أداة أو مجهر وبدكن تذكروا اسم الأداة و وظيفتها وشو شايفين بالمجهر.

🫧 ونظرًا لأنّه الأجوبة بتكون قصيرة يا دوب سطر لكل سؤال لهيك في دقة عالتصحيح عالكلمة بيروح علامات، ويمكن يروح السؤال إذا كنت كاتب شرح زيادة أو كلمة غلط مو مطلوبة بتكون.

🫧 مهم تتدرب عالسرعة لتجاوب وبينجاب عملي عالٍ ساعتا لا تخاف.

سهل بس بس بدو سرعة ودقة 💫.

▪︎ دكتور المادة: برهان كنوزي.

▪︎ مصادر الدراسة: يعتبر الدكتور من أفضل الدكاترة بهالفصل ونصيحة يلي بيقدر يحضر لا يفوت الفرصة، أمّا جماعة المحافظات اسمعوا الفويسات كتير بفيدكن.

🫧 بالنسبة للنظري فجيبوا مقرّر الدكتور كتير مريح ومابيطلع برا المقرر، ولا تجيبوا محاضرات لأنه كتير بتفوت بالحيط، ومانها مريحة وكمان ماديًا عندكن 22 محاضرة.

🫧 يعتبر عم تظلموا الدكتور إذا جبتو محاضرات
العملي الو مقرر كمان مريح للدراسة.

🫧 بحال انزنقتو بالمادة وحاولو لاء، في اكستريات دنا ممتازين ساعتها.

سريرية1 🧪

🫧 بالسريرية بيصير تركيزنا على استقلاب المواد،
من حيث تدرك واصطناع وشو بتنتج عنا حالة إذا صار اضطراب بهالاصطناع.

🫧 تعتبر المادة حلوة ولكن ضخمة وبصمية أكتر من الحيوية، في تفاعلات كتير وأنزيمات وأمراض فالمادة بدها معاملة خاصة كمان هيي أول مادة بتقدموها بهالفصل.

🫧 دكتور المادة نفسه عدنان الحموي كمان ينصح تسمعوا الفويسات مع مقرره أو محاضرات إذا ماعندكن وقت، تنسيقها حلو ومرتب.

🫧 بالنسبة للعملي فهو أمتع من الحيوية وفيه شغل أكتر و بفيدكن لبعدين سريريًا، متل كأنكم عم تشتغلو بمخبر تحاليل.

🫧 بتاخدوا عينات دم وبتحطوا كواشف وبتحسبوا نسبة المادة الموجودة بهي العينة متل غلوكوز وشحوم وخضاب وبولة وكولسيترول وإلخ ..

🫧 وبهاد العملي بتتعلموا سحب الدم لأوّل مرّة، لا تخافوا المعيدين معكم خطوة خطوة.

يُتبع 🍃 ..

#Med_Help 🤍🍃
@MedHelpForPreYears