لنكمّل 😶‍🌫

🌟 الفصل السابع 🌟

.. الجهاز البولي ..

بيحكي عن الجهاز البولي بشكل عام بالبداية وبعدين الفروقات بين الجهاز البولي للذكر والجهاز البولي للأنثى .

🌟 الفصل الثامن🌟

.. الجهاز التناسلي ..

بيحكي عن الجهاز التناسلي للذكر والجهاز التناسلي للأنثى وبآخر الفصل في حكي بسيط عن غدة الثدي .

الفصلين جدًّا سهلين وبيخلصوا بوقت قصير بإذن الله 🔥 .

🌟 الفصل التاسع 🌟

.. الجهاز الغدي الصمّاوي ..

بيحكي عن جهاز الغدد الصم ،
نسبة منيحة من المعلومات الي فيه معروفة من البكالوريا و من أسهل فصول الكتاب مع الفصل الأوّل بإذن الله 🤩 .

🌟الفصل العاشر🌟

.. الجهاز العصبي المركزي ..

بيحكي عن الجهاز العصبي المركزي 🧠 ، الفصل يعتبر متوسط من حيث الصعوبة 🤓 .

🌟الفصل الحادي عشر🌟

.. الجهاز العصبي المحيطي ..

بيحكي عن الجهاز العصبي المحيطي من عقد وأعصاب و ضفائر عصبية ،
الفصل سهل نسبيا بس في كمية حفظ منيحة .

🌟 الفصل الثاني عشر 🌟

.. أعضاء الحواس ..

الفصل الأخير بيحكي عن أعضاء الحواس،
العين والأذن والجلد 👁👂🏻،
كمان نسية منيحة من المعلومات بتكون مرت معكم بالمادة ومارقة معكم سابقًا بالبكالوريا ،
الفصل سهل وممتع وبيخلص بوقت قصير بإذن الله 🥰🤍 .

♡♡♡♡

بالنسبة لترتيب دراسة الفصول ف ترتيب الكتاب جدًّا مناسب ويفصل الالتزام فيه ،
كلشي بتحتاجوه بالمادة حيكون متوفر على قناة الفريق بإذن الله .
وأي سؤال بيخطرلكم ابعتوه على بوت التشريح والدكاترة بجاوبوكم بإذن الله 🔥 .

👈🏻 رابط البوت :
@MedHelpAnatomy_bot

بالتوفيق يارب 💫 .

#Med_Help 💙✨️
#Med_Help_Anatomy ☠️
@MedHelpForPreYears

عُدنا مع مادتنا الدسمة 🌝🌸

ورح نحكي بإذن الله عن مادة الوراثة 🧬🔥

مادة الوراثة الطبية من المواد الشيقة والجميلة بهالفصل وهي حرفيًّا تعتمد عالمنطق والفهم بشكل شبه كامل مع وجود كم معلومة بصمية 🔥 .

°° مادتنا طويلة 14 فصل، لكن صدقوني رح تكون ممتعة إذا مشيت فيها صح وفهمتها صح وطبقتها صح وتعمقت فيها صح بإذن الله 🔥 °°

🖇 مصادر الشرح موجودة بالبوت الآلي:

🫧 فيديوهات د.عبد الرحمن الحلو.
🫧 فيديوهات الدكتور المعتصم بالله زيتون بجامعة دمشق.
🫧 فيديوهات 4 فصول للدكتور أحمد فواز.
🫧 فيديوهات قديمة للدكتور مروان الحلبي ومجد الجمالي.

🖇 مصادر الدراسة :

🍃 الكتاب ممتاز بشهادة الكل، جربه واحكم بنفسك .
🍃 في كم فصل بيحتاجوا محاضرات أربيسيز بسبب صعوبة الفصل أو ضعف صياغة الكتاب متل آخر فصلين تقريبا بالكتاب، وعلى العموم أربيسيز مصدر معتمد بامتياز أيضًا.

♡♡♡♡

المادة مادة معدّل هااا درسوها منيح لا تتركوها وتقولوا بس بدي ترفيع لأنه هتندم يجميل 😁 .

حنحاول إن شاء الله ننشرلكم شغلات مساعدة بالمادة من فيديوهات وشروحات وملحقات وبوستات وحنتابع معكم خطوة بخطوة بإذن الله فااا Stay tuned 😁🧬 .

نجي هلق للحكي عن الفصول 🔥 :

🧬 الفصل الأول 🧬

فصل سهل نسبيًا وبكالوريا كمفاهيم تقريبًا مع توسع ممتع + رح ندرس هون بعض الأمراض الوراثية السائدة والمتنحية والمرتبطة بالصبغي X، بصمجة؟

في سكيتشات ميد هيلب لهالأمراض 🥳🤍

الفصل تقريبا بيحتاج ✨يوم ونصف✨ دراسة لكن لن نبدأ بهذا الفصل في خطتنا بل رح نبدأ من الفصل الثالث .

🧬 الفصل الثاني 🧬

هون بلشنا نتطور أكتر عن مفهوم الصفات والجينات، كنا نقول جين يعطي صفة ونكتفي، لكن الآن صار عندي الصفات معقدة، كل صفة تخضع لأكثر من جين، بالإضافة إلى تأثير العوامل البيئية وكيفية دراسة تأثير هالعوامل الجينية والبيئية، فصل ممتع جدًّا وبيجاوبك عن أسئلة لطالما خطرت ببالك من وقت البكالوريا 🔥
الفصل تقريبًا بده ✨يوم دراسة✨.

🧬 الفصل الثالث 🧬

يلي رح يكون أوّل فصل رح تدرسوه إن شاء الله بخطتنا😁،
هون تبدأ الوراثة الوراثة 🔥
منحكي فيه عن بنية النكليوتيدات وبنية الDNA وكيفية مشاركة النكليوتيدات لتكوين البوليمير الدنا وكيفية تكدّس الدنا ورح يكون فيه شوية حفظ بس الفصل لذيذ عمومًا.
الفصل بده ✨يوم كامل✨ دراسة.

🧬 الفصل الرابع 🧬

بيشرحلنا كيف الDNA يتضاعف، يعني إذا عندي خلية بدها تنقسم لخليتين شو هي هالعملية الفائقة الدقة يلي عم تصير حتى كل خلية ناتجة عم يجيها نفس النصيب من الدنا، تابعوا بوستات هالفصل يلي رح ننشرهن بيساعدو بفهم التجارب يلي وصلتنا للنتائج حول تضاعف الدنا🤍،
الفصل فهمي بامتياز وبده مخمخة ورائع جدًّا ويفضل تركزوا عالفرق بين بدائيات وحقيقيات النوى✨بيخلص بيوم واحد إذا أراد الله✨.

🧬 الفصل الخامس 🧬

بيحكي عن انتساخ الرنا من الدنا، وبيشير لمفهوم رائع يلي هو المسلمة المركزية والتي تتكلم عن الخطوات يلي بتنقلني من الجين الى الصفة وفق الترتيب التالي
جين، انتساخ الرنا المرسال، ترجمة الرنا المرسال الى بروتين، بروتين يعطي صفة.... مع كثير من التفاصيل، ورح نشوف الفروقات بين بدائيات النوى البسيطة وحقيقيات النوى المعقدة ويفضلو تفهمو الفرق منيح، فصل فهمي أيضا بيحتاج 🍃يوم ونص من الدراسة🍃.

🧬 الفصل السادس 🧬

هون عم نحكي عن ترجمة الرنا المرسال الى البروتين، بيحتاج دراسة 🍃يوم ونصف🍃 أيضًا.
الفصل عميق من أجمل فصول الكتاب وبرجع بقول ركزوا عالفرق بين بدائيات وحقيقيات وتابعوا البوستات لهالفصل.

🧬 الفصل السابع 🧬

بيحكي كيف كل هالعمليات يلي حكيت عنها فوق عم تتنظم، طبعا خلق الله عظيم أكيد مافي شي عشوائي، فارح ندرس بعض وسائل تنظيم التعبير الجيني، وهون رح نشوف أنه حتى البدائيات يلي المفترض بسيطة عم يكون تنظيمها بقمة الدقة والحمال متل ما رح نشوف بمشغل اللاكتوز ومشغل التربتوفان🔥،
ورح نفوت بعدها بالموضوع الأعقد وهو تنظيم التعبير الجيني عند حقيقيات النوى.
لا تبصموا بصم، افهموا منيح ركزوا منيح، حبكات الفصل أمتع من 100 مسلسل خصوصًا مشغلات اللاكتوز والترتبتوفان😂🤍 .

الفصل عمومًا بيحتاج 🍃 يومين🍃 دراسة بتركيز.

🧬 الفصل الثامن 🧬

التقانات الوراثية، من أصعب فصول الكتاب، وهلق بدي منكن تعرفوا شغلة أنّه لما نحكي تعقيد فا هاد الشي يعني عم نحكي عن متعة باستكشاف هالفصل، وطبعًا لما عم تدرسوا 40 صفحة مشروحين بالتفصيل المعمّق أكيد رح يكون احسن بكتير من أنك تبصم ملخص 3 صفحات، لما تتعمق بأي شغلة ف أنت عم تيسّر على نفسك أنك ما تنساها، بينما البصمجة رح تنسى بسرعة، حتى ممكن تنسى وتتخبص جوا الفحص.

الفصل طويل ركزو فيه منيح بده 🍃3.5 يوم🍃 وهيك بيكون مرحرح نوعًا ما .

يُتبع ..

#Med_Help 🤍✨
#Med_Help_Genetics 🧬
@MedHelpForPreYears

لنكمّل بباقي الفصول 🔥

🧬 الفصل التاسع 🧬

المجين البشري، رح نحكي فيه عن مجين المتقدرات ثم مجين النواة ونخوض بتفاصيل منطقية، ثم رح نخوض بالطفرات، وكمان رح يفهمونا فكرة ما بظن خطرت على بال الجميع، أنّه على أساس الأليل بيتحدد إذا هو متنحي أو هو راجح؟ يعني ليش أحيانًا أليل الصحة راجح والمرض متنحي بينما بأحيان أخرى عم يكون المرض هو الراجح وأليل الصحة متنحي، ترقبوا التشويق 🌝
الفصل 🍃 بيخلص بيوم 🍃 إن شاء الله.

🧬 الفصل العاشر 🧬

فصل قصير نسبيًا فيه شوية أفكار صعبة عن أعراض التشوهات الصبغية، لذلك لازم لازم تفتحوا ملحق ميد هيلب فيه صور حقيقية عن الأمراض المذكورة بالفصل مشان ذاكرتكن البصرية ما تنسى الأعراض 😁 ،
ثم رح ننتقل للطفرات على مستوى الصبغيات، الفصل الماضي درسنا طفرات على مستوى نكليوتيد أو أكثر من نكليوتيد، هلق صار الحكي عن طفرات بصبغي كامل ( حذفنا الصبغي أو تثلث صبغي وهكذا ).
الفصل بسبب قصره النسبي ما بيحتاج أكتر من
🍃 نصف يوم أو يوم🍃.

🧬 الفصل الحادي عشر 🧬

الفصل طويل شوي بس أفكاره سهلة بيحكي عن شجرة النسب وبعض طرق تشخيص الأمراض وبعض علاجات الاضطرابات الوراثية.
الفصل على العموم بده 🍃 يوم ونص🍃 .

🧬 الفصل الثالث عشر 🧬

الفصل بيحكي عن اختلاف استجابتنا للأدوية باختلاف جيناتنا، مثلا أحد أنواع المرخيات العضلية كان يستعمل أثناء العمليات والأمور لوز، لكن بعض الأشخاص بسبب اختلاف جيناتهم صار معهم فرط حرارة خبيث وماتوا بسبب هاد المرخي!
بلشتو تحسوا معي بأهمية الفصل بالحياة العملية مو؟
هالفصل بيمهد لفكرة الطب الشخصي الفرداني، يعني أي شخص بدنا نعالجه مندرسله جيناته لحتى نعطيه الدواء المناسب بالكمية المناسبة بالوقت المناسبة للأعراض المناسبة حتى نحقق الاستجابة المناسبة والشفاء المناسب باذن الله، فصل فهمي طبعا بيحتاج
🍃 نصف يوم أو يوم🍃 .

🧬 الفصل الرابع عشر 🧬

كلشي لونه أزرق بهالفصل محذوف، الفصل عمومًا ضعيف الصياغة شوي ف يفضل تفتحوا الكتاب مع أربيسيز، مشروح بشكل جيد جدًا بأربيسيز، فصل بيحكي عن السرطانات وفيه أفكار كتير، فصل متوسط الصعوبة، تابعو البوستات عالقناة لتتوضح كم فكرة غامضة كمان.
الفصل بده 🍃 يوم أو يوم ونص 🍃 .

🧬 الفصل السادس عشر 🧬

والأخير، أيضًا كلشي بالأزرق مو مطلوب، يا دوب ربع الفصل مطلوب، هالفصل فيه بصمجة وبده أربيسيز كمان، ويفضل تشوفوا الدكتور المعتصم بالله زيتون وسلايداته لأنه فيها المهم من الفصل😁
بيحتاج 🍃 نصف يوم فقط 🍃 .

♡♡♡♡

وهييك بنكون خلصنا حكي عن المادّة وفصولها 🔥،
طبعًا ما بننسى أنّه إذا كان عندكم أي سؤال أو استفسار علمي أو أي شي بخصوص المادّة، تسألوا على بوت الوراثة والدكاترة بجاوبوكم بإذن الله .

👈🏻 رابط البوت :
@MedHelpGenetics_bot

بالتوفييق بإذن الله تعالى 🤍🌸 .

#Med_Help 🤍✨
#Med_Help_Genetics 🧬
@MedHelpForPreYears

وهلق مع ثالث مادة في سلسلتنا التعريفية 🥳

🌟 مادة الفيزيولوجيا الطبية 🌟

أو علم وظائف الأعضاء من أجمل المواد ب الفصل الثاني 🔥 .

مادة تعتمد على القليل من الحفظ و الكثير من المنطق و الاستدلال .

المادة طويلة ١١ فصل لا يستهان بها ،
و جرت العادة أنها تكون آخر مادة في البرنامج الامتحاني .... ف لازم نخلصها كاملة قبل فترة الامتحانات 😶‍🌫 .

🖇 مصادر الشرح موجودة بالرسالة المثبتة و بالبوت الآلي :

🪄 فيديوهات الدكتور عبد الوهاب شهلا.
🪄 فيديوهات الدكتور صبحي البحري.
🪄 فيديوهات الدكتور عبد الرحمن الحلو.
🪄 شروحات ميد هيلب .

🖇 مصادر الدراسة :

🫧 الكتاب الجامعي هو المصدر الأساسي للدراسة
لكن ثمة فصل مكتوب عنه بالتصويبات الوزارية أنه يحتاج إلى إعادة صياغة وهو الفصل الثالث
ف يفضل دراسة هذا الفصل من أربيسيز (كما بإمكانكم دراسة كامل المادة من اربيسيز) .

♡♡♡♡

وهلق مع حكي سريع عن فصول المادة من حيث أفكارها العامة وطولها و مستوى صعوبتها 🔥 :

💉 الفصل الأول 💉

•• مدخل إلى الفيزيولوجيا ••

الفصل سهل نسبيًا ،
فيه معلومات ما بتنفهم بشكل منيح إلّا لما تدرس بقية الفصول .

و يفضل ترك دراسة هذا الفصل بعد دراسة بقية فصول الكتاب .

💉 الفصل الثاني💉

•• فيزيولوجيا الأنسجة المستثارة ••

أطول فصل بالكتاب و أكثر فصل بيجي عليه أسئلة ب أحد الدورات أجا منه حوالي ١٧ سؤال 🙃
الفصل جميل و بينقسم ل قسمين :

🔖 القسم الأول:
بيحكي عن النسيج العصبي و توليد كامن الفعل و نقله في الألياف العصبية و زمن الاستعصاء المطلق و النسبي ،
و هاد القسم أغلب المعلومات اللي فيه مرت معنا سابقاً في علوم البكالوريا خصوصاً الدرسين ٥ و ٦ من وحدة العصبية .

🔖 القسم الثاني :
من الفصل بيحكي عن النسيج المستثار الثاني في الجسم البشري وهو النسيج العضلي ،
هاد القسم المعلومات اللي فيه جديدة نوعاً ما لكنها سهلة و ممتعة .
و يفضل البدء ب هذا الفصل .

💉 الفصل الثالث💉

•• فيزيولوجيا الدم ••

فصل متوسط الصعوبة و بعض الطلاب بتشوفه فصل صعب ،
و السبب كون هذا الفصل يحتاج إلى حفظ الكثير من المعلومات (عوامل التخثر و سبيلين التخثر و بعض الثوابت الفيزيائية و الكيميائية للدم)

الفصل بينقسم ل قسمين عموماً ،

🔖 القسم الأول : بيحكي عن خواص الدن الفيزيائية و الكيميائية و نقل الدم و الزمر الدموية

🔖 القسم الثاني : بيحكي عن عوامل التخثر و آلية تعامل الجسم مع النزف و تشكل الخثرات الدموية و بعض الأمراض المرتبطة بها .

💉 الفصل الرابع 💉

•• الجهاز العصبي المستقل ••

فصل سهل نسبيًا و نسبة لا بأس بها من معلوماته درسناها بالباكلوريا (الدرس الثالث عصبية)
الفصل بيحكي عن الجهاز العصبي الذاتي بقسميه الودي و نظير الودي و ح نشوف الفروقات التشريحية و الوظيفية بيناتهن
الفصل بيحتاج ل حفظ بعض المعلومات البصمية .

💉الفصل الخامس💉

•• القلب🫀 ••

أكثر فصل فهمي و ممتع في الكتاب ،
و فصل سهل نسبيًا ولكنه مهم جداً امتحانياً
لا يمكن دراسة هذا الفصل دون دراسة الفصل الثاني قبله ،
(و أيضاً يفضل دراسة هذا الفصل بعد دراسة الفصل الخامس من مادة التشريح العام لكي نفهم البنية التشريحية للقلب و من ثم ندرس وظائفه) .

الفصل بيحكي عن آلية عمل القلب على المستوى النسيجي و الخلوي و الدورة القلبية و الأصوات الناتجة عن عمله و التخطيط الكهربائي للقلب
و بعض المعلومات عن الأمراض التي تصيب القلب .

💉 الفصل السادس 💉

•• جهاز الدوران ••

فصل سهل بامتياز ،
بيتكلم عن ضغط الدم بشكل أساسي و كيفية قياسه ،
و شو العوامل اللي بترفعه و العوامل اللي بتخفضه ،
و الدوران اللمفي و أهميته .

يُتبع ..

#Physiology 💉
#Med_Help_Physiology
@MedHelpForPreYear

لنكمّل 😶‍🌫 ..

💉 الفصل السابع 💉

•• الجهاز التنفسي 🫁 ••

فصل كثير طلاب بتعتبره صعب ،
بسبب كون الفصل فهمي لدرجة جداً كبيرة
لازم بكل فقرة يضل تركيزك ب أعلى مستوياته ل حتى تقتدر تتجاوز هاد الفصل بنجاح إن شاء الله🔥 .

الفصل بيتكلم عن عملية التنفس بدءاً من الشهيق ل حتى يصير التبادل الغازي و انتقال الغازات بالدم و انتهاءاً بالزفير و آلية تنظيم التنفس .

💉الفصل الثامن💉

•• الجهاز البولي ••

فصل قصير نوعاً ما ولكنه فهمي بدرجة كبيرة و بنهايته بيصير بصمي😅 ،
الفصل فيه بعض الفقرات اللي بيستصعبها بعض الطلاب و لكن فريقنا ما حيتركم تعانوا منها إن شاء الله 😉 .
الفصل بيحي عن تنقية الدم من الفضلات و الترشيح الكبي و إفراز و امتصاص بعض المواد من الرشاحة إلى الدم و بالعكس ل تحقيق استباب الجسم .

💉الفصل العاشر 💉

•• الجهاز الهضمي ••

من أطول فصول الكتاب و من أهم الفصول امتحانياً ،
ب أحد الدورات أتى من هذا الفصل ١٣ سؤال😶‍🌫
الفصل بيتكلم عن وظائف جهاز الهضم
(حركية + إفراز + هضم + امتصاص)
على كامل أنبوب الهضم (فعلاً طويل😁) ،
و بكل مرحلة في هرمونات بتزداد و هرمونات بتنخفض و بتحتاج إلى حفظ .

💉 الفصل الحادي عشر 💉

•• الجهاز الغدي ••

من أطول فصول الكتاب ولكن معلوماته بسيطة و مألوفة من قبل الطالب ،
و الفصل مهم جداً امتحانياً 🔥
بيتكلم عن الغدد ووالهرمونات اللي بتفرزها و آلية تنظيم إفرازها .

💉 الفصل الثاني عشر💉

•• الجهاز العصبي 🧠 ••

فصل متوسط الصعوبة بيحوي ع كمية لا بأس بها من معلومات البكالوريا .

بيتكلم عن المستقبلات و الخلايا العصبية و خلايا الدبق العصبي و بيتكلم عن الجهاز العصبي الجسمي الإرادي .

♡♡♡♡

وهيك خلصنا حكي عن المادة وفصولها وبإذنِ الله رح تلاقوا ٱي شي بتحتاجوه خلال دراستكم موجود بالقناة .
وٱي سؤال أو إشكال بواجهكم خلال دراستكم المادة بإمكانكم تبعتوه على البوت والدكاترة بساعدوكم فيه إن شاء الله 🍃 .

🖇 رابط بوت الفيزيولوجيا :
@MedHelpPhysiology_bot

بالتوفيق والتفوّق بإذن الله 🤍🌸 .

#Physiology 💉
#Med_Help_Physiology
@MedHelpForPreYear

مساء الخير مجددًا شعب MED HELP العَظيم 🤗🤍

بسم الله نبدأ مع مادة 🗽 اللغة الإنكليزية 2 🗽

🦋 مبدئيًا تقسيم المادة نفس تقسيم اللغة 1 تمامًا، عنا 3 وحدات وهي الوحدات هنن الرابعة والخامسة والسادسة من الكتاب المقرر بحيث تقسم كل وحدة لثلاثة أقسام A B C.

🦋 تحوي كل وحدة من الوحدات المُقررة على:

🪷 ثلاثة قواعد.
🪷 وقسمي فوكاب.
🪷 و Mini grammar.
🪷 وقسم Writing.

🔖 بعض الملاحظات المُهمة:

📌 مُستوى صعوبة المادة يختلف من طالب لآخر، ومعظم الطلاب بشوفها أصعب شوية من اللغة 1، لكن بالمجمل المادة سهلة وسلسة جدًا إن شاء الله.

📌 مُستوى الطالب باللغة ليس شرطًا أساسيًا، فمهما كان مستواك باللغة من خلال الدراسة الجيّدة للمقرر المطلوب قادر إنك تحصل علامة وخصوصًا في قسمي القواعد و Writing.

📌 الأولوية في الدراسة هي:

👈🏻 للقواعد 40 سؤال.
👈🏻 ثم الفوكاب 20 سؤال، والرايتنغ 20 سؤال.
👈🏻 وأخيرًا قسم القراءة 10 أسئلة من نص خارجي،°° هاد القسم ممكن يكون معتمد على مستواك لمعرفة معاني كلمات النص و فهم سياقه العام. °°

🦋 أخيرًا، الامتحان 90 سؤال، علامة السؤال الواحد منها (1.11)، الأسئلة بأغلب الأعوام الماضية كانت منطقية وتراعي جميع المستويات

°° عدا دورة pre_7 كان مستواها صعب نوعًا ما °° .

وفي الختام بإذن الله رح تلاقوه ٱي شي بتحتاجوه خلال دراستكم موجود بالقناة.

وٱي سؤال أو إشكال بواجهكم خلال دراستكم المادة بإمكانكم تبعتوه على بوت الإنكليزي والدكاترة بساعدوكم فيه إن شاء الله 🤍🍃.

🖇 رابط بوت الإنكليزي:
@MedHelpEnglish_ALT_bot

بالتوفيق جميعًا يا ربّ 🤍🍃.

#Med_Help 🤍✨
#Med_Help_English 🗽
@MedHelpForPreYears

عدنا مجدّدًا مع آخر مادّة بسلسلتنا التعريفية بمواد الفصل الثاني 🩷🍃.

ورح نتعرف على مادة الإحصاء الطّبي 📊

بسم الله نبدأ..

🔮 مبدئيًا المادة بسيطة وخفيفة ومن حيث صعوبة المعلومات فهي شبيهة جدًا بوحدة الاحتمالات لمّا كنتوا بكالوريا 🤗💜.

📌 صح هي مادة مُعدل كما يُقال بس للأمانة الأسئلة مرات بتجي معدل و مرات بتجي ضربة °° حظك نصيبك يعني °° 😶‍🌫😁

📚 مصادر الشرح و الدراسة:

• فيديوهات د.هدى حبش عاليوتيوب أو حضور بالجامعة معها الدكتورة شرحها مرتب ورائع بشهادة الكل.

• أو تسجيلات د.منال البابا عالبوت الآلي.
• مصدر ورقي الكتاب برضو موجود بالبوت شوف شي فصل فيه واحكم عليه بنفسك.

نجي هلأ لنحكي عن المادة بالتفصيل شوي 🎉

🖇 أولًا تتألف مادة الإحصاء من 12 فصل:

📊 الفصل الأول 📊

عبارة عن مقدمة الإحصاء وتعريفه ووظيفته.
– الفصل صفحتين فقط 😁 –

📊 الفصل الثاني 📊

بيحكي عن المتغيرات العشوائية وأنواع مقاييسها.
–الفصل ثلاث صفحات 😁 –

📊 الفصل الثالث 📊

بيحكي من وين نجمع المعلومات الاحصائية والعينات.
– برضو كمان صفحتين ونص 🥳 –

📊 الفصل الرابع 📊

بيحكيلنا عن طرق عرض المعلومات والبيانات كمخططات وجداول ...الخ.

📌 أول أربع فصول هنن فصول سهلة جدًا جدًا بيخلصوا بيوم أو يوم ونص بإذن الله، لأنه بس نظري حفظ ما فيها مسائل.
🖇 نبدأ بالقسم الدسم من المادة 🔥 .

📊 الفصل الخامس 📊 :

أول فصل فيه عملي °° ثلاث قوانين حلوين. بالإضافة لـ قسم نظري عبارة عن تعاريف.

الفصل ما له صعب بس بدّه تركيز بقسم النظري.

📊 الفصل السّادس 📊

محبوب الجماهير 🤗🎉

بدايت توقع وتباين واحتمال شرطي و و ... ، الفصل فيه عدد منيح من المسائل ضروري كتيير تنفهم فيهم طرق الحل وكيفية التفكير بشكل صح.

– بيحتاج لوقت دراسة يومين تقريبًا 🌝 –

📊 الفصل السابع 📊

رح ندرس فيه بعض التوزيعات واختبار الفرضيات ومجالات ثقة °° يلي هي عبارة عن أنه نفرض فرضية و نأثبتها لحتى نختبر صحتها أو لأ 🤷🏻‍♀ °° وهي الدراسة بتم على مستوى عينات، الفصل ماله طويل ولا صعب.

–🌟 ممكن يحتاج يومين دراسة و أقل حسب كل شخص 🌟 –
 

📊 الفصل الثّامن 📊

نفس أفكار وفقرات الفصل السابع لكن على مستوى مجتمعات لذلك ستكون دراسته أسهل بعدما درسنا الفصل السابع إن شاء الله.

 

📊 الفصل التاسع 📊

أهم أفكاره التنبؤ ودراسة عدة ظواهر متغيرة بهدف معرفة إن كان هناك علاقة أو ترابط (مثل علاقة الصحة بالاقتصاد).

هاد الفصل لوز وقوانينه بسيطة 🔥.

📊 الفصل العاشر 📊

يُدرَسُ فيه مصادر البيانات و تجميعها مثل الفصل الثالث بس بشكل مُوسّع أكتر شوي.

– الفصل عبارة عن صفحتين فقط 😁 –

📊 الفصل الحادي عشر 📊

يهتم بشكل أساسي بدراسات التعداد السكاني ومعدَّلات الوفيات والولادات.

– الفصل أربع صفحات 🥳 –

📊 الفصل الثّاني عشر 📊

يتحدث عن السّجلات الطِّبية في المشافي واستدلالاتها.
– برضو فقط ثلاث صفحات 🥳 –

📌 متل ما كانت فصول البداية لطيفة وبتخلص بيوم أو أكتر شوي برضو فصول النهاية { 10/11/12 } هيك كمان ما بتاخد وقت بيوم واحد بإذن الله النظري تبعهم بينحفظ 🔥👏🏻.

🔖 بعض الملاحظات:

🪷 ما ننسى أهميَّة الدورات في توجيه دراستنا نحو الطريقة المُثلى كما كان في الفصل الأول.

🪷 في طلاب بتبدأ دراستها بالفصل السادس فورًا وفي طلاب بتحب تبدأ بالفصل الأول، مافي مشكلة كل طالب إله طريقته.
ولكن يُفضّل تبدأ بالأول عشان تتعوّد وتفهم بسلاسة أكبر ووقت أقل.


وهيك خلصنا حكي عن المادة وفصولها وبإذنِ الله رح تلاقوا ٱي شي بتحتاجوه خلال دراستكم موجود بالقناة.

وٱي سؤال أو إشكال بواجهكم خلال دراستكم المادة بإمكانكم تبعتوه على بوت الإحصاء والدكاترة بساعدوكم فيه إن شاء الله.

🖇 رابط بوت الإحصاء:
@MedHelpStatistics_bot

بالتوفيق يا ربّ 🤍🍃.

#Med_Help 💜✨
#Med_Help_Statistics
@MedHelpForPreYears

السلام عليكم ورحمة الله وبركاته 🩷🍃

🔮 نقدّم لكم مثبتة البوستات التعريفيّة بمواد الفصل الثاني من السنة التحضيريّة 🔮

🫧 التشريح.

🫧 الوراثة.

🫧 الفيزيولوجيا.

🫧 اللغة 2.

🫧 الإحصاء.

بالتوفيق والتفوّق يا ربّ 🌸🍃.

#Med_Help 🤍✨
@MedHelpForPreYears

سلامٌ عليكم طلّاب PRE 11 🩷🍃

⭐️ Med Help ⭐️

أسرتنا المتواضعة التي جمعت نُخبة من طلّاب الدفعات السابقة، ها هي اليوم تُكمل ما بدأت به من خمس سنوات، لتستمر بعامها السابع في مدّ يدِ العون والمُساعدة لطلاب السنة التحضيرية في الفصل الثاني.

واليوم سنفتح لكم باب الانضمام والتطوع، مرحبين بكل من يرغب بترك أثر طيّب.


ولا بُدَّ من توضيح عدّة نقاط هامّة:

🔹 فريقنا مختص لمساعدة طلاب السنة التحضيرية #بشكل_مجاني.

🔹 الاستبيان مخصص ل Pre_11 فقط.

🔹 يوجد قبولان: أوليّ (من خلال الاستبيان) وثانوي (يتم تحديده داخل الفريق)، ويتم التواصل مع الطالب مباشرة عند نيله لكل قبول على حِدة.

🔹 المعدل والعلامات ليست هي من يحدد قبولك أو عدمه، فالعلامة بالنسبة لنا حاجة ثانوية وليست معيار.

🔹 آلية التطوع تتضمن:

1️⃣ بالنسبة للمتطوعين في القسم العلمي:

• الإجابة على اسئلة الطّلاب ضمن البّوتات.
• الإجابة على اسئلة الطّلاب على شات التيلغرام لمن يرغب.
• المشاركة في إعداد أعمال يَتُم الإتفاق عليها داخل الفريق.

2️⃣ بالنسبة للمتطوعين في القسم التنسيقي:

• المشاركة في تنسيق الملاحق والملفات وبعض الأعمال الأُخرى التي سيعلن عنها داخل الفريق، وذلك حسب خبرة كل متطوع و معرفته بالبرامج المذكورة في الاستبيان.


🔷 نقطة هامّة وسؤالين سيتراودان إلى أذهانكم:

🫧 ماذا سأستفيد من التطّوع في سنة مصيرية كهذه؟

👈🏻 أولاً وأهم نقطة، هي الأجر العظيم عند رب العالمين، لِقاء جهدكم وطاقتكم ووقتكم الذي ستبذلوه لمساندة ومساعدة زملائكم الطّلاب واستغلال وقت فراغكم بما يعود بالفائدة لكم ولزملائكم.

👈🏻 ثانياً، نتيجة لإجابتكم على اسئلة الطلاب، ربّما تصادفون سؤال لم تنتبهوا له أثناء دراستكم مما يجعلكم تبحثون عنه وتكتسبون معلومة قد كنتم غافلين عنها، وأيضًا ستقومون بتركيز معلوماتكم، نتيجة إجابتكم المتكررة على سؤال معيّن، ممّا يُثبّت المعلومات بذهنكم.

🫧 هل سيضيع وقتي في التّطوع؟

👈🏻 باختصار، إذا قُمت بتنظيم وقتك، فبالتأكيد لن تتأثر دراستك، فأحسن تنظيم وقتك، والأمور ستكون بخير، ولا تنسَ أيضًا أن فريقًا بأكمله يعمل، أي يوجد تعاون بين الأعضاء، فلا تقلق
ولا ننسى البركة في الوقت لِقاء عملكم الخيّر.

🌼 وبالتأكيد نُذكِّرُ بالهدف السّامي الذي نشأ من أجله Med Help، ألا وهو نشرُ العلم و المعرفة والفائدة بين جميع الطلاب، والامتناع عن احتكار العلم في زمن كَثُرَ فعلُ ذلك مع الأسف.

🌼 قال ابن المُبارَك رَحمه الله:
" لا أعلم بعدَ النبوّة درجةٌ أفضل من بثِّ العلم ".

🌼 " وزكاة العِلم أن لا تكتمه عمّن طلبه، و عمّن لم يطلبه ".

🫧 رابط الاستبيان.

وأخيراً نقول 《اللهم سخرّنا لخدمة عبادك واجعل عملنا متقبلاً يا ربّ》.

نحن بانتظاركم ويا مرحبًا بالجميع 🩷🍃.

#Med_Help 🤍✨️
@MedHelpForPreYears

السلام عليكم ورحمة الله وبركاته 🤍🍃

🚨 لأصدقائنا طلّاب pre-11:

وددنا تذكيركم باستبيان التطوع الخاص بعائلة Med Help للفصل الثاني لمن يرغب بالانضمام إلينا.

🫧 رابط البوست الخاص بالاستبيان.

بانتظاركم ويا مرحبًا بالجميع 🤍🍃.
دمتم بخير 🌸🍃.

#Med_Help 🩷✨️
@MedHelpForPreYears

السلام عليكم ورحمة الله وبركاته 🩷🍃

🫧 عدنا إليكم بأحد التجارب المميزة، والتي اعتمدت في دراستها على المصادر التي ذكرناها لكم سابقًا 👈🏻 في هذه المثبتة.

السلام عليكم زملائي طلاب وطالبات Pre 11 🤍🍃.

🫧 معكم زميلتكم لين خضير من Pre 10، بمعدل الفصل الأوّل 82.4% والفصل الثاني 87.8% وبمعدل فرز 90.69% بفضل رب العالمين 🤍🍃

إن شاء الله يكون تقديمكم في الفصل الأول جيد وبأعلى الدرجات يا ربّ 👀🍃

🫧 وهلأ عندكم الفصل الثاني فرصة كثير كبيرة للتعويض ولرفع معدلكم بإذن الله.

🫧 أول شغلة بأكد عليكم نصيحة أنّه لا تركضوا فورًا عالكورسات قبل ما تشوفوا المصادر المجانية البحرر يلي موجودة قدامكم 🔥.

وكونوا أكيدين أنه تتعلموا من أخطاءكم بالفصل الأول وتتجنبوها..

🫧 بالنسبة لمواد الفصل الثاني فهنن صح كثيفين بس أمتع بكثير من مواد الفصل الأول إن شاء الله 🌸🍃.

● التشريح 🫀

🫧 مادة بتفوتوا فيها على مود المواد الطبية، كثيفة بنفس الوقت بتعتمد على الرسم والذاكرة البصرية بشكل كبير.

🫧 بنصحكم بالدكتور بيان السيد (جامعة دمشق)، دكتور أكثر من رائع بيرسم بأيده وبيشرح كل تفصيلة وعنده طرق تحفيظ..

🫧 إذا سهل تنزلوا عالجامعة فأكيد بنصحكم بالحضور بالمدرج والمتابعة الدكتور بالجامعة.

أما إذا كان صعب عليكم بالفيديوهات موجدين عاليوتيوب وشاملين وكثير مناح للدراسة وتكرارهم بفيد بالحفظ والمراجعة.

🫧 وطالما اعتمدتوا تتابعوا مع الدكتور بيان فأكيد الكتاب أفضل مصدر للدراسة وامشوا على حكي الدكتور ولو بالبداية حسيتوا حالكم ضايعين .. بس عطوا التجربة فرصة 👀.

🫧 بالنسبة لحل الدورات.. مهم لتعرفوا كيف الأسئلة بتجي مع نسبة تكرار قليلة جدًا جدًا.

● الوراثة 🧬

🫧 المادة الضخمة مرعبة الجميع.. ولكن بالفهم بتفرط على الأخير بإذن الله 😇.

🫧 في دكاترة بالجامعة بفهّموا و موجود فيديوهاتهم عاليوتيوب.. ولكن أنا كان عندي بوقت محاضرة الوراثة عملي لهيك اضطريت تابع لحالي مو مع الجامعة 👀

🫧 ضليت دوّر على مصدر أفهم عليه وخصوصًا أن كل يلي حواليي كانوا راكضين فيها عالكورسات لأنها مادة صعبة.

بالأخير لقيت قناة Medverse على اليوتيوب للدكتور عبد الرحمن الحلو وعم ينشر شرح الوراثة و الفيزيو مجانًا.

🫧 طبعا مجرد حضور الفيديوهات والتركيز فيها + ترسموا الرسمات مع الدكتور والمخططات بتعتبروا الفصل فرط وبيبقى لكم تكرار بسيط لتمكن المعلومة 😉

🫧 الكتاب جيد جدًا رغم أنه سميك بس فيه فصول محذوفة ولقيت تنسيقه ممتاز.

🫧 حل الدورات مهم جدًا لتتعودوا على طريقة عرض السؤال.

● الفيزيولوجيا 💉

🫧 مادة بتعتمد على الفهم بشكل كبير وأكيد فيها نسبة حفظ..

🫧 درستها مع الدكتور عبد الوهاب شهلا بجامعة دمشق وكان كل أسبوع يعطي محاضرة يوم الإثنين يعطي فيها فصل فكان كثير ممتاز أنه كل أسبوع مخصصة يوم الاثنين للفيزيولوجيا..

🫧 بنزل بحضر المحاضرة ( مهم تنتبهوا على الدكتور وتسجلوا الملاحظات وراه👀)
وأرجع عالبيت أدرس الفصل واحفظه وحل دوراته يكون تمّ الفصل كامل بيوم -يوم ونصف.

🫧 الحضور جيد، جربوا الدكتور سواء بالمدرج أو الفيديوهات ع اليوتيوب، في حال ما تأقلمتوا فمثل ما قلنا د.عبد الرحمن الحلو منزّل شرح وكنت استعين فيه ببعض الفقرات 😁🔥.

🫧 حل الدورات كثير كثير مهم لأن الأسئلة بتعتمد على فهم.

🫧 اعتمدت عالكتاب.. بس بنصحكم تحطوا كل المحذوفات قبل ما تبلشوا دراسة مشان ما تضيعوا مثل ما كان يصير معي 😄.

● الإحصاء 📊

🫧 مادة سهلة ممتنعة..

🫧 رغم سهولة دراستها إلا أنها بتحتاج تكرار وتدريب كثير.

موجود شرح الدكتوة هدى حبش دكتورة بجامعة دمشق ع اليوتيوب وجيّد جدًا.

🫧 أغلب الطلاب بتبلش بالقسم العملي بعدين النظري مشان يأمنوا عليه، بس بنصحكم تبلشوا نظري ((كثير سهل فبيعطيكم دفعة حلوة بالمادة))  بعدين العملي تتركنوا عليه.

🫧 أهم شي تضلوا تدربوا على الآلة الحاسبة بكل تمرين وتجربوا القوانين وسرعة الكتابة عليها.

🫧 بتحلوا تمارين الكتاب + الدورات جدًا جدًا مهم خصوصًا آخر دورتين بري9+10.

🫧 ومنأكد على التدرييييب بقلب الفصل لتاخدوا السرعة ومَلَكة  الحلّ.

🫧 الكتاب كثير كان منيح وواضح.

والدكتورة رنا عطت السنة الماضية بجامعة دمشق وكانوا الطلاب يحبوا شرحها بس ما تسجلوا المحاضرات 😕.

🫧 المادة بتنجاب معدّل بالتدريب الكثيف خلال الفصل وبأسبوعها وما بتنترك 👀🍃.

يُتبع 🩷🍃 ..

#Med_Help 🤍🍃
@MedHelpForPreYears

لنكمّل 🩷🍃

● الإنجليزي 🗽

ألطف مادة بالفصل 🌸🍃

🫧 شو ما كانت تجربتكم معها بالفصل الأول فهلأ فرصة وتجربة جديدة.

🫧 بالفصل الثاني كنت ملحوقة كثير وما لحقت افتح النوطة خلال الفصل لأن كان تركيزي عالمواد التقيلة 😁..

🫧 قواعد هالفصل بيعتمدوا ع الحفظ + الفوكاب حفظي.

🫧 فتت عأسبوعها وحاطة ببالي بدي ادرسها مرتين غير قراءة يوم الجمعة كيف وشلون ما بعرف..

وفعليًا درست دراسة جدية من أوّل يوم وكل يوم أدرس وحدة وآخر شي الرايتنغ، وراجعتها بيوم ونصف، بعدين قرأتها الجمعة..

🫧 طبعًا التكرار كان مهم مشان الحفظ الكبير بالمادة..
والحمد لله رب العالمين الله قدّرني أدرسها وعيدها وجيبها 96 ❤️‍🔥.

🫧 بس لا يعني تتوانوا وتتركوها لأسبوعها..

إذا قدرتوا تدرسوا منها خلال الفصل لا تقصروا وبتوفروا على حالكم جهد لقدام.. ومتل ما تعاملتوا معها بالفصل الأول فبنفس الطريقة وتعلموا من أخطاءكم في حال كانت تجربتها سيئة بالفصل الأول..

● ختامًا

🫧 شو ما كان وضعكم بالفصل الأوّل.. لا تحملوا معكم منه شي..
بلشوا بداية جديدة وتعلموا من أخطاءكم واستغلوا الوقت من بداية الفصل.

🫧 لا تهملوا أي فقرة أو معلومة وعطوا المواد حقها ورح تحسسكم أنه دخلتوا بمود الطب وجسم الإنسان 🔥.

🫧 تجربتي مالها المصدر الوحيد.. بنصحكم تجربوا مصادر لتلاقوا المصدر يلي بناسبكم وتعتمدوا على دراستكم قبل المصدر وتنظموا وقتكم منيح.

بالتوفيق يا ربّ وتكون نتيجتكم مثل ما بدكم وأحسن 🤗🩷🍃.

#Med_Help 🤍🍃
@MedHelpForPreYears

📌 السنة التحضيرية للكليات الطبية بجامعة دمشق 📢:

الطلّاب الأعزاء 🌸🍃

🫧 نرفق لكم برنامج المحاضرات النظرية للفصل الثاني للسنة التحضيرية للكليات الطبية بجامعة دمشق والذي يبدأ الإثنين ٦-٤-٢٠٢٦.

🫧 وبرنامج جلسات العملي الذي يبدأ الإثنين ١٣-٤-٢٠٢٦.

🫧 نرفق لكم توزيع فئات النظري والعملي للفصل الثاني للسنة التحضيرية ٢٠٢٥-٢٠٢٦.

مع رجائنا لكم بالنجاح والتوفيق 🩷🍃.

#Med_Help 🤍✨
@MedHelpForPreYears

#Med_Help 🤍✨
@MedHelpForPreYears

سلام يا كِرام 👀🌸🍃

سنقوم بعد قليل بنشر مثبتات لكامل المواد لتكون مرجعكم الدائم والشامل لما تحتاجونه بالمادة من كتاب ومحذوفات وتصويبات وشروحات وملاحق وملاحظات بإذن الله 🥳🌸🍃 .

دمتم بخير 🤍🍃.

#Med_Help 🩷✨️
@MedHelpForPreYears

🫀 المثبتة الشاملة لمادة التشريح العام للسنة التحضيريّة 🫀

⬜️ القسم النظري:

🪻 كتاب التشريح العام، هُنا.

🪻 التصويبات والمحذوفات، هُنا.

🪻 ملف توضيح محذوفات الفصل الثاني، هُنا.

🪻 ملف صور أطلس _RBCs، هُنا.

🪻 فيديوهات النظري للتشريح || د.أحمد فواز، هُنا.

🪻 رابط قائمة التشغيل الكاملة لفيديوهات التشريح || د.بيان السيد 2023، هُنا.

🪻 شرح رسمات كتاب التشريح || د.أحمد فواز، هُنا.

🪻 بلاي ليست شرح معالم العظام || د.أحمد فواز، هُنا.

🪻 فيديوهات الإكسترا الهامة، هُنا.

🪻 تطبيق Complete Anatomy.

🪻 تطبيق anatomy learning.

🪻 موقع Anatomy Standard مجّاني يعرض صور عظام الجسم بشكل 3D.

🪻 تطبيقات أخرى.

🪻 تطبيق Flashcards 🔥.

👈🏻 رابط تحميل التطبيق من المتجر، هُنا.

👈🏻 رزم مصطلحات الفصول لكل فصل على حِدة، هُنا.

👈🏻 لمن لم تعمل عنده روابط الفصول، هُنا.

🪻 هاشتاغ الملاحظات لكل فصل على حِدة، هُنا.

■ أعمال الفريق:

🫧 نوطة الدورات الوزارية، هُنا.

🫧 نوطة مصطلحات كتاب التشريح، هُنا.

🫧 ملحق الفصل الرابع، هُنا.

🫧 ملف معالم الفصل الثاني، هُنا.

🫧 ملف عضلات الفصل الثالث، هُنا.

🫧 ملف أرقام كتاب التشريح، هُنا.

⬜️ القسم العملي.

🫧 بوت مادة التشريح لأي استفسار:
@MedHelpAnatomy_bot

⚠️ سيتم التعديل على هذه الرسالة عند إضافة كل جديد إن شاء الله.

بالتوفيق يا ربّ 🤍🍃

#Med_Help 🤍✨️
#Med_Help_Anatomy ☠️
@MedHelpForPreYears