وهلق مع ٱخر سؤال 👀🌸

في كتير طلاب بتتوتر من الموضوع وبتخاف تسجّل بحمص لقصة "ضرب العلامات " 😞

" للصراحة أنّه تجيب معدل عالٍ صعب بس مانه مستحيل " 🔥 .

🫧 الوضع تمامًا متل آي جامعة تانية، في كم مادة حتكون تقيلة و فحصها صعب، وفي كم مادة رح بتكون دورات، وأكيد في كم مادة وسط.

🫧 فالمهمّ نعرفه أنّه ما في شي من هالتهويل يلي بتسمعوه لأنّه مبالغ فيه بشكل كبير وغير منطقي لذلك من البداية ابعدوا عن أي حكي سلبي 🤗🌸.

🫧 هاد الحكي من طلاب السنة الرابعة والخامسة ويلي معدلاتهم بالـ 85 % وفوق.

🫧 هلأ بالسنين السابقة كان الوضع سيئ والهيئة القديمة عملت كتير قصص  بصراحة والمعدلات كانت منخفضة، بس ٱخر كم سنة تحسن الوضع أكتر، والسنة الماضية كانت الهيئة الجديدة كتير متعاااونة و في معدلات منيحة بالـ 80 وفوق 🔥.

🫧 وأخيرًا التعب عليك والتوفيق من ربّ العالمين، المهمّ ما تقصّر وما تراكم وكمان ما كتير تحمّلها على حالك غلط هالشي، مَعليه إذا نزلت بمادة إن شاء الله بتجيب معدل بيلي بعدها 🍃 .

🫧 وأهمّ نصيحة لا تقارنوا حالكم بغيركم من المحافظات، يمكن حتّى تلاقوا حالكم جايبين معدّل أعلى بمواد وهنن بمواد أعلى منكم، لهيك المقارنة من أكبر أسباب الفشل والاكتئاب يلي بتصيب الطلاب، ركز عحالك وعهدفك ماعليك بالباقي، وبس هيك 😊🤍.

وَفقكم الله، وإن شاء الله يكون الكلام مفيد لإلكم و ما نكون قصّرنا معكم بشي، ولا تنسونا من صالِح الدعاء 🌸🍃 .

#Med_Help 🤍✨️
@MedHelpForPreYears

سلامٌ عليكم 🤍🍃

لـ Pre_10 🔥
إليكم مثبتة البوستات التعريفيّة عن الكليّات لسهولة الوصول إليها 🥰 .

🩺 الطبّ البشري 🩺

🥼 بوستات جامعة دمشق.

🥼 بوستات جامعة حــمـٰاة.

🥼 بوستات جامعة حلب.

🥼 بوستات جامعة حِمص.

مكملين إن شاء الله مع باقي الجامعات 🍃
وبإذن الله كل شي رح ينزل رح نضيفه لهي الرسالة، بالتوفيق ولا تنسونا من صالِح الدعاء 🤍🍃 .

#Med_Help 🤍✨️
@MedHelpForPreYears

ورجعنا لــ Pre_11 بمنشور جديد 👀🌸🍃

مع الطالبة المتميّزة دومًا "جودي الواع" وتجربتها في السنة التحضيريّة، وهي من طلّاب Pre_9 ، بمعدّل فرز 92.56 🔥 .

👈🏻 رابط المنشور ❤️‍🔥 .

قراءة ممتعة، وبالتوفيق يا ربّ 🌸🍃 .

#Med_Help 🤍✨️
@MedHelpForPreYears

نداااء إلى Pre_11 📢

إليكم مثبتة منشورات السلسلة التعريفيّة بالسنة التحضيريّة التي تمّ نشرها لحدّ الآن على غروب الفيس الخاص بالفريق 🤩 :

💭 تعريف بفريق MED HELP وماذا سيقدّم لكم في هذه الرحلة.

💭 تعريف ولمحة عن السنة التحضيريّة وأنسب وقت للبدء.

💭 تجارب طلّاب متفوقين خاضوا الرحلة من قبلكم:

🪻 تجربة الطالبة "لين خضير"بمعدّل فرز 90.69 🔥.
🪻تجربة الطالبة "جودي الواع" بمعدّل فرز 92.56 🔥.
🪻تجربة الطالبة "بُشرى نقرَش" بمعدّل فرز 92.15 🔥.
🪻تجربة الطالب "زين الدين الحوري" بمعدّل فرز 94.09 🔥.
🪻تجربة الطالب "زاهر الغريب" بمعدّل فرز 90.05 🔥 .

💭 حديث عن معدّل الفرز، ومعدل التحضيريّة كَكُل، والعملي.

💭 مرحلة المفاضلة وما بعدها.

💭 حديث عن دوام العملي والنظري والحضور.

💭 بوستات التعريف بالمواد:

🔬 مادّة البيولوجيا 🔬

🩻 مادّة الفيزياء 🩻

🧪 مادّة الكيمياء 🧪

🗽 اللغة والتاريخ 📜

💭 الفرق بين طريقة دراسة التحضيرية والباك: 1 و 2.
🪴 خطّة النشر يلي عم نمشي عليها.

⚠️ ستتم إضافة جميع بوستات السلسلة إلى هذه الرسالة عند نشرها بإذن الله 🌸🍃 .

بالتوفيق ولا تنسَونا من صالِح الدعاء 🤍🍃 .

#Med_Help 🤍✨️
@MedHelpForPreYears

سلامٌ عليكم جميعًا سكّان قناة ميد هيلـ🤍ـب.

ضعتوا بمنشورات القناة 🫨🍃

معكم حقّ، لأن عم ننشر لــ Pre_10 وَ Pre_11 🔥 .

↩️ لذلك 🌿 :

🫧 منشورات Pre_10 للتعريف عن الكليّات ما بعد الفرز 👈🏻 عم ينضافوا لهذه المثبتة.

🫧 منشورات Pre_11 والسلسلة التعريفيّة عن السنة التحضيريّة 👈🏻 عم ينضافوا لهذه المثبتة.

وهيك ما عد نضيع إن شاء الله 🤗🍃 .
بالتوفيق جميعًا والله يخترلكم الخير 🌸🍃 .
ولا تنسونا من طِيب الدعاء 🤲🏻🤍🍃 .

#Med_Help 🤍✨️
@MedHelpForPreYears

والآن حان الوقت لنحكي عن كليّة الطبّ البشري في جامعة اللاذقية 🤗🔥:

🫧 البوست الأوّل.
🫧 البوست الثاني.

#Med_Help 🤍✨
@MedHelpForPreYears

يعطيكم العافية Pre_10 الأكابر 🌸

رح نحكي عن

🌟 «الطب البشري جامعة اللاذقية» 🌟

🪄 المواد وتقسيمهم بين الدكاترة للفصل الأول:
7 مواد 4 منهم الهم عملي وما تبقّى هنن مواد نظرية بحتة.

بالنسبة للفصل الأول:

تشريح الأطراف☠
نسج عام🔬
جنين عام وخاص👶🏼
كيمياء حيوية 2 🧪
مصطلحات طبية 1🆎
ثقافة 📓
عربي 📕

تشريح الأطراف

■ دكاترة المادة: د.بشر شميس "طرف علوي" و د.علي حسن "طرف سفلي" ( ملاحظة ممكن الدكتور مايعطي هالسنة😢) و د.وجدي" كم محاضرة طرف سفلي" و د.محمد حرفوش" سريريات".

■ مصادر الدراسة: الكتاب/ محاضرات الفرق.

الدكتور بشر منع المحاضرات والزم بالكتاب بس الكتاب شوي قديم ففينا ندرس محاضرات الفرق (أرشيف).

■ شوية حكي عن المادة:

🫧 الدكتور بشر وعلي حسن أسئلتن حلوة، بتعتمد ادرس بتجيب علامة، أمّا د.وجدي فللأمانة أسئلته صعبة نوعًا ما وبحبّ التفاصيل جدًا و د.حرفوش كمان أسئلته صعبة شوي وبجيبها بالانكليزي.

🫧 الحضور مفيد وحسب وقتك.

🫧 لاتروحوا عالامتحان بدون ماتحلّوا دورات د.علي حسن إذا عطى وفهمكم كفاية 😁 .

■ المصادر المساعدة للفهم: شرح الدكتور بيان السيد عاليوتيوب، وماننسى نتر وغريز مهمين جدًا لنقدر نتخيل.
وفي شرح د.أحمد فوّاز.

النسج العام

■ دكاترة المادة: د.غصون حمود.
أنصح بحضور محاضرات النظري شرحها وتعاملها رائع ورح تستمتعوا بالمادة ود.بسام صارم شرحه للأمانة بفهم منيح وبيعطي محاضرتين أو تلاتة
(وممكن بهي السنة مايعطي أبدًا).

■ مصادر دراسة المادة: محاضرات رسمية / محاضرات الفرق.

■ شوية حكي عن المادة:

🫧 د.غصون أسئلتها رايقة وضروري جدًا كثيرًا نحل الدورات 😉 .

🫧 بالنسبة ل د.بسام فأسئلته صعبة ولازم قسمه يندرس كامل بقلب السنة.

🫧 أمّا بالنسبة لقسم الدكتورة غصون فيفضل دراسة ملحقين تلاتة وإذا ماتلحق عادي بتتلحق بأسبوعها بس بزنقة👌🙂 .

■ المصادر المساعدة للفهم: شرح الدكتورة إيمان نبيل عاليوتيوب خارق 🔥 .

الجنين العام والخاص

🫧 "هي المادة كانت مادة فصل تاني ولكن عوقت بري 8 يلي دخلوا بشري انقلبت لمادة فصل أول بالتبادل مع علم النفس، وهاد كان أفضل للطلاب طبعًا الفصل التاني دسم أكتر وهي المادة دسمة نوعاً ما ".

■ دكتورة المادة: د.فلورا.

🫧 أنصح بحضور المادة الها الدكتورة خارقة جدًا بالشرح🔥، وبتحب كتير الطلاب يهتموا بدراسة مادتها وكانت تعطي الدكتورة روميا بس عدور بري 9 ماعطت.

■ مصادر الدراسة : محاضرات رسمية أو أرشيف الفرق.

🫧 رسميات الدكتورة ممتازين جدًا للدراسة وفيهن صور بتوضح كلشي (الدكتورة منعت أي محاضرات للفرق).

■ شوية حكي عن المادة:

🫧 المادة لازم تندرس بقلب الفصل وأقل شي لازم نخلص محاضرات العام وتنتين من الخاص.

🫧 أسئلة الدكتورة منطقية وممكن تطلع ببعض الاسئلة عن المقرر.

■ مصادر مساعدة للفهم: د.مروان الحلبي عاليوتيوب الشرح مفيد جدًا وممتع جدًا 😁.

🫧 وفي فيديوهات بتبعتن الدكتورة احضروهم لتقدر تتخيل كلشي.

الكيمياء الحيوية١

■ دكاترة المادة: المادة بتنقسم لجزأين، جزء فهمي وبيعطيه د.فيصل رضوان، وجزء بصمي نوعًا ما، بيعطيه د.عماد خياط.

🫧 طبعًا المادة لا تُترك لأسبوعها ولازم تندرس خلال الفصل وخصوصًا القسم الفهمي، طويل ودسم وبده متابعة.

🫧 الدكتورين حضور النظري لهم جدًا مفيد
وصحيح قسم د.عماد بصمي ولكن الدكتور ومحاضراته فعلًا بتخليكم رايقين لأنه الدكتور رايق وظريف جدًا.

■ مصادر الدراسة: رسميات الدكاترة/ محاضرات فرق.

■ شوية حكي عن المادة:

🫧 د.فيصل ضروري جدًا نحلّ دورات قبل مانروح عالامتحان، لأن أسئلته بتعتمد عالفهم بشكل كبير، فحتّى نكون مدربين منيح عنمط أسئلته، وللأمانة آخر كم سنة الأسئلة عم تكون حلوة للدارس.

🫧 ود.عماد متل ماقلنا كل ماقدرت تبصم أكتر كل ماحصلت علامة أعلى 😉 .

■ مصادر مساعدة للفهم: في نينجا نيرد، وشرح د.جعفر طالب سنة رابعة بيشرح منهاج اللاذقية.

مصطلحات طبية ١

🫧 أبدًا مانها انجليزي بقواعد هي عبارة عن مصطلحات وتعريفاتهم بالانجليزي متل ما تعودنا نحفظ ڤوكاب قبل.

🫧 أوّل 3 محاضرات من المادة أهمّ من حياتكم، هي بتحكي عن القواعد اللي بنشكل فيها هالمصطلحات وكتير كتير كتير في أسئلة عليهم فضروري كتير إتقانهم.

الثقافة

🫧 المادة مركزية بتندرس من محاضرات الفرق وعسنتنا بعد التحرير كانت عبارة عن 54 صفحة لأنّ انحذف منها كتير وممكن عسنتكم ينزل مقرر جديد بس بشكل عام المادة مضمونة جدًا وحرام تنزل عن ال 90.

عربي

■ دكتور المادة: محسن حيدر ( أول مرة بيعطي).

■ مصدر الدراسة: محاضرات الفرق.

■ شوية حكي عن المادة:

🫧 دراسة المادة سهلة جدًا ومابتاخد وقت وخاصة إذا مستواك منيح بالعربي، بس للأمانة اسئلة الدكتور دقيقة جدًا جدًا والدكتور كان بده يجيب الاسئلة تحريري وفيها موضوع بس عسنتنا مراعاة للطلاب جابها أتمتة وعلى الرغم من هيك كان بدا شغل 😢 .

🫧 المادة فينا نتركها لقبل أيامها .

يتبع 🌿 ..

#Med_Help 🤍✨
@MedHelpForPreYears

لنكمّل 🔥

بالنسبة للعملي:

تشريح الأطراف☠

🫧 مناخد العملي على مجسمات أو على سلايدات.

🫧 بينقسم العملي لمذاكرة وامتحان بتعملوهم بنفس اليوم.

🫧 المذاكرة غالبًا بتكون من مقررات العملي أو تُطالبوا بمحاضرات النظري يلي بتوافق العملي.

🫧 والامتحان سلايدات بتنعرض قدامكم بالمدرج على شاشة إسقاط كل سلايد 20 ثانية مطلوب منكم تعرفوه.

النسج العام🔬

🫧 العملي على المجاهر وفي قسم نظري كمان.

🫧 بدايةً بتاخدوا المحاضرة على جهاز الإسقاط مع السلايدات وبعدها بتشوفوا المحضرات عالمجاهر ضروري نركز كيف بقدر ميّز المحضر هالشي بفيدكم بالامتحان.

🫧 العملي مذاكرة وامتحان كمان بينعملوا بنفس اليوم أو كل وحدة لحال.

🫧 المذاكرة أسئلة نظرية من مقررات العملي،
والامتحان هو ورق مطبوع عليه صور للنسيج غالبًا 3 بكونوا بظرف مع سؤال أو سؤالين نظري

🫧 انتبهوا ترتبوا كتير الورقة لأن الدكتورة كتير بهما هاد الشي.

الجنين العام والخاص 👶🏼

🫧 العملي كلّه نظري تقريبًا مافي شي نشتغله.

🫧 كمان مذاكرة وامتحان بنفس اليوم، أسئلة نظرية من مقررات العملي وبكون في رسمات مطلوبين طبعًا.

كيمياء حيوية 1🧪

🫧 شغلنا بالمخابر، أغلب الشغل عملي في شوية نظري بمقرر العملي مطلوب من أسماء المواد والمشعرات وهكذا.

🫧 المعيدة بتعطينا فكرة عن كيفية القيام بالتجربة مع الطريقة وبتعطينا رانج معين لازم يطلع فيه الحسابات تبعنا.

🫧 بنشتغل بمجموعات بتقسمهم المعيدة بأول جلسة للعملي.

🫧 المذاكرة والامتحان سوا وكلّه أسئلة نظرية من مقررات العملي (بتنزل نوطة صغيرة مندرسها).

🫧 الأسئلة أتمتة وممكن يقلولنا أتمتة ونتفاجأ بأنها تحريري 🫠.

دوام العملي 🥼

🫧 بكون يوم واحد بالأسبوع هو بينزل التقسيم هيك جاهز ممكن عدد من الطلاب يحكم دوامهم يومين بالأسبوع بيقدروا ينقلوا عيوم واحد.

🫧 طبعًا الحضور إجباري، الغياب لأكتر من 3 مرات بينحرم نظري والرسوب بالعملي نفس الشي
لا تهملوا العملي هون بقي داخل بالمعدل 🤭 .

🫧 طبعًا مصادر دراسة العملي هنن نوط رسمية للدكاترة بتنزل بمركز تصوير الكلية، وفي كمان محاضرات بتنزلهم الفرق.

حضور النظري 🤓

🫧 ماله إلزامي وماعليه علامات.

🫧 ممكن أحيانًا الدكاترة تاخد حضور بس يعني مابروحوا علامات أبدًا إن شاء الله.

وهلأ حنحكي عن

السكن الجامعي في اللاذقية

🫧 بدايةً في تطبيق للتسجيل عالسكن لازم يكون موجود عندكم أغلب الإجراءات بتعملوها عليه.

🫧 غالبًا وقت تطلع نتيجة الفرز رح يكون السكن امتلى وما عاد في أماكن بالوحدات المخصصة لطلاب البشري.

↩️ بتنحطوا بغرف الزوائد أو الشواغر وممكن تنحطوا بوحدات التمريض.

🫧 إذا كان الكم حدا بتعرفوه بالسكن ممكن تنقلوا على غرفته.

🫧 غالبًا أقل عدد ممكن يكون موجود بغرفة وحدة هو 4 طلاب 🤓.

🫧 ممكن يكون في اختلاف بالأعداد على حسب إذا الأشخاص اللي أخدوا السكن عم يستخدموه دائمًا ولا هو مجرد يوم اللي بينزلوا ليداوموا وبيطلعوا يعني ممكن يكون العدد أقل.

🫧 طبعًا ممكن الطلاب اللي معك بالغرفة ما يكونوا بشري، فالأفضل وكنصيحة حقها دهب 😂
تتفقوا مع مجموعة من رفقاتكن وتاخدوا غرفة الكم وحدة بحيث كلكم بشري رح تنزلوا تداوموا يوم واحد بالعملي وحتى جو الدراسة بالغرفة رح يفرق كتير 👀 .

ونهايةً 🌿

فتحَ الله عليكم وجبرَ خواطركم .. موفّقين بإذن الله بالخطوات القادمة، ولا تنسَونا من صالِح الدعاء 🤍

#Med_ Help 🤍✨
@MedHelpForPreYears

سلامٌ عليكم 🤍🍃

لـ Pre_10 🔥
إليكم مثبتة البوستات التعريفيّة عن الكليّات لسهولة الوصول إليها 🥰 .

🩺 الطبّ البشري 🩺

🥼 بوستات جامعة دمشق.

🥼 بوستات جامعة حــمـٰاة.

🥼 بوستات جامعة حلب.

🥼 بوستات جامعة حِمص.

🥼 بوستات جامعة اللاذقيّة.

مكملين إن شاء الله مع باقي الجامعات 🍃
وبإذن الله كل شي رح ينزل رح نضيفه لهي الرسالة، بالتوفيق ولا تنسونا من صالِح الدعاء 🤍🍃 .

#Med_Help 🤍✨️
@MedHelpForPreYears

السلام عليكم Pre_11 الكِرام 🤍🍃

↩️ إليكم التجربة الثالثة من سلسلتنا التعريفية:

🫧 تجربة الطالبة المتميّزة " بُشرى نقرَش" بالسنة التحضيرية، بمعدل فرز 92.15، وهي من طلّاب Pre_8 🔥 .

👈🏻 رابط المنشور ❤️‍🔥 .

بالتوفيق والتفوّق جميعًا 🤍🍃 .

#Med_Help 🤍✨
@MedHelpForPreYears

🌸 بعد ما حكينا عن كليّات الطبّ البشري، إجى دور نبدأ بالصيدلة، ورح نحكي هلق عن كليّة الصيدلة في جامعة دمشق 🌸 :

🫧 البوست الأوّل.
🫧 البوست الثاني.
🫧 البوست الثالث.
🫧 البوست الرابع.

#Med_Help 🤍✨
@MedHelpForPreYears

سَلام خاص لزملائنا صيادلة Pre_10 الكِرام  🤗🤍

منشورنا اليوم مُخصص للتعريف:

《 بكلية الصيدلة في جامعة دمشق 》

بِسم الله نبدأ بتعريف لطيف للصيدلة 🌸🍃 .

الصيدلة هي عبارة عن #علم و #فن و #تجارة، أي أّنها تجمع المجد من جميع أطرافه 😌👏🏻 .

⏰ مدة دراسة الفرع : خمس سنين ومنهم السنة التحضيرية.

■ هلأ دراسة الصيدلة صعبة أو سهلة؟🧐

🫧 للأمانة صعبة وبدها جهد بس أبدًا مانها مستحيلة، ولا تصدق يلي بقول سهلة، الفرع أبدًا ماله متل ما بيحكي عليه البعض وعاملينه شغلة يلي ماله شغلة 😁 .

🫧 طبعًا في المواد السهلة وفي المواد الصعبة ويلي بدها شغل وتعب والقسم العملي فيه للصراحة بدو شغل وركض منييح بس مانه مستحيل👀 .

◽️ حضور المحاضرات هل أنا ملزم فيه أم لا؟

💥 القسم العملي:

أكيد ملزم بالحضور و إلّا ممكن تنحرم من تقديم الامتحان النظري.

💥 القسم النظري:

🫧 لأ ما ملزمين بالحضور وما حدا بياخد تفقد إلّا بعض الدكاترة، وبياخدوا بس أسماء الموجودين منشان إذا كانت علامتهم بالعملي مضروبة يعدلولهم ياها هيك بقولوا 😄.
🫧 ولكن كتجربة الدكاترة جدًا ممتازين ومو ضياعة وقت الحضور لإلهم 🌸 .

💠 وهلأ رح نبدأ ان شاء الله بالتعريف بمواد السنة الثانية بشكل مفصّل 👀 .

رح نحكي عن تقسيم المواد بين الفصلين و شو مصادر دراستها وشو وضع الحضور؟

🌻 الفصل الأول : عبارة عن ٧ مواد (٤ مواد فيهم عملي).
🌻 الفصل التاني: عبارة عن  ٦ مواد (٥ مواد فيهم عملي).

🔹 مواد الفصل الأول:

💻  الحاسوب  : ( نظري + عملي )

● دكتور المادة: د.مازن الناصر.

● مصادر الدراسة: أربسيز.

● الحضور : ما حدا بيعرف لأن الدكتور أول سنة بيعطي بكلية الصيدلة ولما داوم الدكتور وبدأ الإعطاء كان الفصل بنهايته تقريبًا ومابقى حدا ينزل ويحضر إلّا القلة 😶‍🌫.

● القسم العملي:  مناخد فيها أساسيات الحاسوب وأساسيات البرمجة وشغلات بسيطة جدًا جدًا يعني معروفة عند الغالبية 👏🏻.

● القسم النظري: الشبكات وأنظمة العد وبنية الحاسوب ونظم التشغيل وهالشغلات يعني.

🫧 بشكل عام الدكتور رايق بأسئلته وبيعتمد على البصم وبحب الأرقام جدًاا 😄
وحتى المادة سهلة وممتعة وتعتبر مادة معدّل بامتياز إذا درستوها صح! 👀

📜 اللغة العربية: (نظري فقط) 

● دكتورة المادة: د. إسراء.

● مصادر الدراسة: أربسيز بس المهم ما تخبروا الدكتورة 🤫.

● الحضور: الدكتورة شرحها حلو بس يعني الحضور ما كتير مهم لأن المقررات بسيطة فحسب كل طالب ومستواه.

● المقرر :  هي عربي بكلّ بساطة 😄
قواعد وشغلات سهلة وسلسة وأغلبها واردة في السنوات السابقة.

🫧 بس في فكرة كتيير مهمة أنّه أسئلة الدكتورة فيها البركة خصوصًا إذا وصلها خبر أنكم عم تدرسوا من أربيسيز 😶‍🌫 .

🫧 وأكبر مثال عنا أخواتنا طلاب بري 8 الحمد لله الدفعة كلّها حملتها 😂 لأنّه وقتها الدكتورة عرفت بمحاضرات أربسيز وهيك فما جابت شي من المحاضرات 😂 .
•• بديل أربيسيز ----> كتاب الدكتورة ( موجود بمستودع الجامعة ) ••

🆎 انكليزي 3 : (نظري فقط)

● دكتورة المادة: د.نادرة الفاضل.

● مصادر الدراسة: أربسيز.

● الحضور: برضو حسب المستوى ومفيد أكتر بموضوع النصوص أما القواعد أغلبها مر معنا بالسنوات السابقة.

● المقرر: الشي الجديد الوحيد فيها أنه المصطلحات صارت طبية وما تبقى متل الإنجلش يلي بنعرفه قواعد ونص ورايتينغ. 

📚 الثقافة: (نظري فقط)

🫧 مادّة موحدة لكلّ الكليات، مالها دكتور طبعًا.

🫧 سابقًا المقرر كان هالقد حجمه وما مفهوم منه حرف 😂 حاليًا وبعد ما اختصروه بقي شغلات بديهية وبسيطة كلّ الطلاب هالسنة جابتها معدّل 😌😂.

● مصدر الدراسة: ملخص حكيم مع دورات كافٍ وزيادة.

وهلأ بنبدأ بموادنا الممتعة يلي إلها علاقة بالصيدلة 🥳🔥

🧫 الكيمياء الفيزيائية:  (نظري + عملي)

● دكتورة المادة: د. ميسم سلامي.

● مصادر الدراسة: أربسيز.

● الحضور: جدًا مفيد بتلاقي كلامها وشرحها بالفحص.

● القسم النظري: عبارة عن 3 أقسام وهي دمج ما بين الكيمياء والفيزياء.

◍ القسم الأول: بيحكي عن حالات المادة.

◍ القسم التاني: عبارة عن الحركية وسرعة التفاعل والحفازات ورتب التفاعلات وو..

◍ القسم التالت: هاد نوعًا ما جديد بيحكي عن  أساليب القياس (هاد القسم نفسه موجود بالعملي) بس طبعًا بالنظري بشكل أوسع وأساليب التحليل الكيفي أو الكمي للمركبات.

مثلًا عنا (الانكسار والاستقطاب والامتصاص اللوني وهيك وو). 
القسم بصمي لحد ما بس جميل وسهل.

🫧 المادة مُمتعة وبتعتمد على الفهم أكتر من البصم وفيها شبه لكيمياء التحضيري خصوصًا أول قسمين.

🫧 أسئلة الدكتورة واضحة ورايقة جدًاا جدًا وإذا عرفت تمشي فيها من البداية صح فهي مادة معدل بامتياز  ما فيها اي تعقيد أبدًا.

🫧 الدكتورة بتجيب مسائل كتيير (لهيك  بكون معك ٱلة حاسبة بالامتحان) 🤗.

يُتبع 🍃 ..

#Med_Help 🤍✨
@MedHelpForPreYears

لنكمّل 🍃 ..

🧪  الكيمياء العضوية  : ( نظري + عملي )

● دكتور المادة: د. إياد اللوص.

● مصادر الدراسة: أربسيز.

● الحضور: الدكتور إعطائه جدًا منييح وبركز على الأمور المهمة، برأيي يلي منيح بالعضوية ومتمكن منها تماام عادي ممكن ما يحضر، أمّا يلي عنده شوية ركاكة فالحضور مفيد لإله.

🔅 المادة عبارة عن قسمين:
- عضوية ١ ---> فصل أول.
- عضوية ٢ ---> فصل تاني.

• العضوية ١ بتحكي عن الألكانات والألكِنات والألكينات والأغوال وهاليدات الألكيل.

● القسم العملي: جدًا ممتع بس ماله علاقة بمقرر النظري 😁، مناخد فيه البلورة وكيفية فصل المواد عن بعضها وهيك تجارب ظريفة 🤩 .

● القسم النظري: متل ما حكينا كيف  منسمي الألكينات والألكِنات و..، وكيف منحصل عليهن، كيف منصنعهن، و التفاعلات اللي بتصير عليهم وهالشغلات يعني دراسة مفصلة لكل مركب لحاله.

🫧 أسئلة الدكتور بالامتحان عبارة عن معادلات ونواتج وحفازات ومصاوغات cis و trans..

🫧 أما أسئلة نظرية كتسمية أو طريقة التفاعل مافي هيك شي إلًا نااادرًا جدًااا.

📌 لهيك بعض الطلاب بتعتمد بدراستها على إكسترا أربسيز بكون فيه بس المعادلات والحفازات، أمّا الكلام النظري (يلي هو ٱلية التفاعل وهدول الأمور) فما موجودين.

💊 الصيدلانيات 1: ( نظري + عملي)

● دكاترة المادة:
✿ฺ  د. أمل يوسفان.
✿ฺ  د. هند الزين.

● مصادر الدراسة:

✿ฺ  د. هند: أربسيز.
✿ฺ  د.أمل: سلايدات حصرًاا لأنها مانعة أربسيز.

🫧 وملاحظة مهمة سلايداتها بالانكليزي 😶 .
بس الأسئلة الغالب بتجي عربي  وشوية مصطلحات انكليزي.

● الحضور:

✿ฺ  د.هند: ما كتير مفيد الحضور المقرر تبعها، سهل ما بحاجة شرح.

✿ฺ  د.أمل: للأمانة الدكتورة خارقة حرفيًا وشرحهاا رائع وبرأيي الحضور جدًا مفيد بساعدك على فهم المادة بطريقة صح وبصير القسم البصمي منها أسهل للحفظ.

🫧 بس مشكلتها أنّه محاضرتها بتملل شويتين 🫠 لسبب واحد إنّها بتعطي بتعطي بتعطي كل وقت المحاضرة، يعني ساعتين كاملين عبارة عن معلومات وأغلبها جديد فالواحد ممكن يتعب وبينعس ٱخر شي وعقله بسافر لشي مكان وبتركه لحاله عم يجاهد 🥲😅 .

🫧 بس لا ننكر أنّك رح  بتاخد معلومات فخمة🔥 .

🫧 لهيك ممكن تحضر وبوقت المادة ترجع تسمع التسجيلات، إذا رايح عليك شي بترممه، وهيك بتكون أمورك تمام إن شاء الله.

🫧 نحكي عن محتوى المقررات شوي تقريبًا هي المادة الصيدلانية الأمتع هالفصل 😁🔥 .

🫧 بتحكي عن الأشكال الصيدلانية للدواء مثلًا شرابات مساحيق مستحلبات (يلي من أنواعها الكريمات) قطرات، حثيرات، حبوب، مضغوطات، كبسولات ... إلخ، وكيف منصنع كل وحدة وشو شروط تصنيعها وشو ميزاتها وشو مساوئها ووو..

● القسم العملي: جميييل وبحسسك أنك صيدلاني رح نحضّر شرابات وفوارات وشغلات وعملات 😄😌🔥 .

🫧 المادة بحاجة حفظ منيح وهي المادة الوحيدة بهالفصل يلي بتكون أسئلتها غليظة نوعًا ما وبدها شغل منيح بالدراسة 😶‍🌫 .

وبس هيك خلصنا الفصل الأول 🤗🌸 .

يُتبع 🍃 ..

#Med_Help 💙✨️
@MedHelpForPreYears

وهلأ رح نحكي عن مواد الفصل الثاني، هاد الفصل ممتع جدًا وخصوصًا قسمه العملي:

🆎 الانكليزي 4: (نظري فقط)

● دكتور المادة: د.نادرة الفاضل.

● مصادر الدراسة: أربسيز.

● الحضور: نفس وضع انكلش 3.

🫧 وهي آخر انجلش رح بتاخدوها بسنينكم 🥳🥳.

🫧 كمان برضو مصطلحات طبية وقواعد ونصوص ورايتينغ بس هالفصل النصوص والمصطلحات بشكل خااص عن الأمراض النفسية 👻 .

💊 صيدلانيات 2: (نظري + عملي)

● دكاترة المادة:

- د. أمل يوسفان.
- د. أنطون اللحام.

● مصادر الدراسة:

✿ฺ  د. أنطون : أربسيز.
✿ฺ  د.أمل نفس وضع صيدلانيات 1🙄.

● الحضور:

🫧 د.أنطون احم للأمانة بيجي بس ما بيشرح ولا حرف وأغلب المحاضرة بنتعلم كيف نطبخ وبتكتشف مكونات عجيبة يعني أكيد مافي داعي تحضروا 😂 .

🫧 د.أمل برضو نفس وضع صيدلانيات 1.

● مقررات القسم النظري:

🫧 كمان هالفصل بتحكي عن أشكال الدواء بس  الأكثر تعقيد ودقّة بالتصنيع والاستخدام هالمرة.

🫧 مثلًا عنّا (الحقن العضلية والوريدية، القطرات العينية، المعلقات، الجسيمات الشحمية، المستحلبات...).

🫧 وطبعًا رح ندرس كيف منصنعهم و بأي شروط وهكذا نفس الصيدلانيات 1 بالضبط بس أشكال جديدة.

● القسم العملي: هالفصل للأسف رح يكون مايل للنظري أكتر من التحضير بإدينا 🫥 .

🫧 وبالنسبة للأسئلة: د.أنطون أغلب أسئلته دورات، ودوراته مهمة لأنها دورات من برا المنهاج  🫣🫠 يعني إذا بلا دراسة المنهاج مش مشكلة 😂
د. أمل نفس الوضع  تبع أسئلة صيدلانيات 1🙄.

🌱 العقاقير: (نظري + عملي)

● دكاترة المادة:

✿ฺ  د.عصام الشماع.
✿ฺ  د.لؤي علان.

● مصادر الدراسة: د.لؤي أربسيز.
د عصام نوطة بوزعها عليكم مختصرة شي ٢٥ صفحة ما بيطلع براتها أبدًا أبدًااا إن شاء الله 🤗.

● الحضور:

🫧 ماكتير مفيد لأنّه مقرّر المادة فهمه سهل ومايل للبصم بشكل كبييير.

🫧بس د.لؤي شوي بجيب من حكيه فإذا صحلكم احضروا أو تسجيلات.

🫧 ود.عصام بحب الحضور فاحضروله بس لحتّى يرضى عالدفعة ويوزع النوطة ☠️🫠 .

🫧 المادّة عبارة عن قسمين:

◍ القسم الأول: للدكتور عصام بيحكي عن النباتات وفصائلها، وكل نبتة شو بتحوي مواد وشو استخدام كل نبات.

◍ القسم التاني: للدكتور لؤي عبارة عن تعريف بالمركبات (تانينات وفلافونوئيدات وسكريات مفردة ومتعددة متجانسة ولا متجانسة و و) وكل واحد شو استخدامه وتركيبه وهكذاا..

● القسم العملي: فيها جمييل وسلس وبسيط عبارة عن تحضير محضرات لنباتات، ومنشوفهن تحت المجهر وبنطلع العناصر التشخيصية يلي بتميّز كل نبات عن التاني.

🫧 أمّا بالنسبة للأسئلة: قسم د.لؤي بيجي منه أسئلة سهلة وواضحة بصمية بحت وللأسف في كم سؤال بدهم تركيز لأنّه بكونوا من خارج المنهاج قريب الـ10 أسئلة 🫠🫠🫠 .

🫧 أما قسم د.عصام فكل أسئلته عبارة عن اختر الخطأ 😬
((وجرت العادة انه بجيب هو ٣٥ سؤال ود.لؤي ٣٥ سؤال)).

🩸الكيمياء الحيوية: (نظري + عملي)

● دكاترة المادة:

د.فايزة القبيلي.
د.رنوة السيد.

● مصادر الدراسة: أربسيز بالقسمين.

● الحضور:

🫧 عند د.فايزة ما كتير مهم لأن القسم بصمي بشكل كبيير بس هي الدكتورة بتسجل حضور  👀.

🫧 أمّا بالنسبة لقسم د.رنوة فالحضور مهم جدًا جدًا جدًا جدًا جدًا برضو مرة كمان جدًا 😂 لأنه قسمها فهمي فهمي 🙃 .

● مقررات القسم النظري:

✿ฺ قسم الدكتورة فايزة بيحكي عن الماء وشو فوائده بالجسم، الاستقلاب والوقاءات، شغلات فيزيولوجيا يعني 😶‍🌫 .

🫧 العناصر المعدنية يود حديد زنك الخ ... شو فوائدها سبل اطراحها شو بحفز امتصاصها، الأحماض الأمينية، عديدات الببتيد، البروتينات والبنى تبعها، الانزيمات وشوية تقنيات من تبع الفصل ٨ وراثة.

🫧 يُعتبر قسم بصمي بحت بس مانه صعب بده متابعة أوّل بأوّل.

✿ฺ القسم التاني للدكتورة رنوة فهمي وبصمي بيحكي عن الاستقلاب بشكل عام بعدين استقلاب السكاكر بالأخص الغلوكوز بعدين استحداث الغلوكوز بعدها حلقة كريبس والفسفرة التاكسدية لنحول الطاقة...
المخططات يلي بتعملها الدكتورة وهي بتشرح كافية لتفهم محاضرتها تمامًا لهيك الحضور عندها ضروري.

● القسم العملي:

🫧 ممتع جدًا 🔥 .

🫧 هو بحاجة لفهم ولحفظ سوا، أهم وأول شي رح تكتسبوا خبرته من التجارب هو البحث والتشخيص المخبري، لما بتساووا اختبارات الكشف والمعايرة (كيف منكشف عن السكاكر وعن الأحماض الأمينية ونحددها بتفاعلات كيميائية أو بطرق ثانية فيزيائية مثل الاستشراب..، كيف منحلل دم وكولسترول وكرياتينين والفيتامينات ونستخرج DNA الفريز ...).

● الأسئلة:

🫧 د.فايزة أسئلتها واضحة وما بتطلع برا المقرر.

🫧 د.رنوة أسئلتها بتتطلب الفهم والتركيز وفهم كلّ الخطوات يلي عم تصير بكل عملية بس بتنحل بسهولة إذا مركّز وفاهم منيح.

يُتبع 🍃 ..

#Med_Help 🤍✨️
@MedHelpForPreYears

لنكمّل مع مواد الفصل الثاني 🍃 ..

🧪 الكيمياء العضوية 2: (نظري + عملي)

● دكتور المادة: د.إياد اللوص.

● مصادر الدراسة: أربسيز.

● الحضور: متل عضوية 1.

● المقررات والأسئلة: برضو نفس مبدأ عضوية 1 بس هالفصل لمركبات تانية،
( ألدهيدات كيتونات حموض كربوكسيلية ومشتقاتها والأمينات ).

● القسم العملي: عبارة عن تفاعلات كشف واستخلاص وكالعادة العملي حلو و سهل وأهم شي الكواشف والتفاعلات بشكل عام.

♪♪ بقولوا أسهل من العضوية 1 بس أنا ما شفتها هيك (كلّ شخص ونظرته مالناش علاقة 😂 ).

🌡 الكيمياء التحليلية 1: (نظري + عملي)

● دكاترة المادة:

✿ฺ  د.جمعة الزهوري.
✿ฺ  د.فداء عم علي.
✿ฺ  د.علا.

● مصادر الدراسة:

✿ฺ  د.جمعة ود.علا أربسيز.
✿ฺ  د.فداء سلايدات لإنها مانعة أربسيز 😶‍🌫.

● الحضور: مفيد جدًا جدًا بكل الأقسام والدكاترة رائعين جدًا بالإعطاء والشرح.

● القسم النظري: عبارة عن 3 أقسام،
{{ ٢ علا ، ٢ فداء ، ٧ جمعة }}.

🫧 قسم الدكتور جمعة:

🖇 ٧ محاضرات بيحكي عن المحاليل، ستكيومترية التفاعل، التراكيز، حموض وأسس مخططات ال ph والمشعرات وطرق المعايرة والمعايرة اللامائية.

🖇 الدكتور جمعة مابيطلع عن يلي بيحكيه أبدًا وبتطلعوا من المحاضرة فهمانين ؛ بقراءة سريعة للمحاضرة بتكون أموركن تمام.
بشكل عام قسمه سهل وكله معروف مابياخد كتير وقت.

🫧 قسم الدكتورة علا:

🖇 محاضرتين بيحكوا عن الترسيب والتحليل الوزني.

🖇 أسئلتها متنوعة بين السهل والمتوسط والصعب؛ بس كتير دقيقة واللي بيفهم قسمها بكل التفاصيل رح يحل كل أسئلتها إن شاء الله.

🫧 قسم الدكتورة فداء:

🖇 محاضرتين أكسدة وإرجاع ومعقدات.

🖇 \\ جزء من مقررات النظري موجودة نفسها بالعملي كمعايرة أكسدة ومعقدات وترسيب و \\

🫧 الأسئلة:

■ د.جمعة المعتاد دورات عدا على دور بري 8 غير نمطه و بقي معتمده ع دورنا نحن كمان بري9 🫠 .

■ د.فداء ود.علا بدهم فهم وتحنيك شوي كونه أغلب الأسئلة عم بتكون مسائل.

وبس هيك خالصين الفصل التاني 🥳🥳🤍 .

⚠️ ملاحظة أخيرة: السنة التانية هي سنة المعدل كونه لسا المواد خفيفة ومافيها هالضغط الكبير لذلك استغلوها من البداية صح 👏🏻✨.

وبالتوّفيق إن شاء الله وأهلًا وسهلًا بزملائنا السنافر 🌸🌿 .

#Med_Help 🤍✨️
@MedHelpForPreYears

كليّة طِبّ الأسنان في جامعة دمشق 🦷🔥:

🫧 البوست الأوّل.
🫧 البوست الثاني.

#Med_Help 🤍✨
@MedHelpForPreYears

عودة قريبة 😌🔥

الكثير من الكلام الممتع والمفيد عن

🦷 «طب الأسنان في جامعة دمشق» 🦷

🪄 مواد السنة الثانية 16 مادة تتوزع على 8 مواد بكل فصل، خلونا نحكي عن الفصل الأول مبدئيًا:

🪄 المواد الطبية ٥ مواد🤩:
(تشريح ونحت ورسم أسنان «هي مادة وحدة» + نسج عام + فيزيولوجيا الفم + تشريح رأس وعنق + مواد سنية1).

🪄 والباقي بتحسوهم ملحقات لطيفة ظريفة🥰:
لغة عربية + انكليزي3 + الثقافة.

أوّل مادّة معنا ⤵️

تشريح ونحت ورسم الأسنان 🦷☠

🫧 وبدايةً مع المادة يلي فرّشت أغلب الدفعات القديمة (لكن الموضوع نسبي وحسب رواق الدكتور ورضاه عن الحضور بالمدرج، يعني بدفعتنا كانت الاسئلة حلوة والعلامات عالية بس اللي قبلنا لا).

🫧 تنقسم علامتها بين:

● 60 نظري.
● 40 عملي.

🫧 العملي تبعها ح تلاقوه جدًا ممتع إذا عندكم شوية ميول فنية 👩‍🎨🎨 .

🫧 بترسموا الأسنان من خمس جهات (دهليزي، لساني، أنسي، وحشي، قاطع أو طاحن) شغلتها سهلة حتى لو مالكن فنانين.

🫧 بعدييين بتبلشوا بنحت الأسنان،
ح تنحتوا كتيير ثنايا وتكبوا صابون كتير ليزبط 🧼 لا تيئسوا ح تحاولوا كتير لكن ح يطلع معكم نتائج حلوة بإذن الله 🎊 .

🫧 وآخر شي لوحة تقطيع الأسنان ح تقطعوا أسنان طبيعية مقاطع إنسي وحشي، دهليزي لساني، ومقطع عرضي.

🫧 الامتحان عباره عن نحت سن خلال وقت معين بيفرضه الدكتور.

🫧 النظري تبعها: ضخم لذلك ننصح بشدة تدرسوها خلال الفصل بالإضافة أنه ممكن يفيدكن برسم التفاصيل ونحتها إذا عرفتوا توظفوه صح بترفعوا علامتكن بالعملي.

يلا حاجة منروح عالمادة يلي بعدها ⤵️

المواد السنية 1 🦷

🫧 تنقسم علامتها بين:

● 60 نظري.
● 40 عملي.

🫧 مادة رايقة وجميلة، بتحكي عن المواد السنية المستخدمة للحشوات أو التبطين أو كحشوة قاعدية.

🫧 رح تعملوا بقبضتكم المعوجة حفرة مستطيلة غالبًا (ممكن ماتضطروا تجيبوا القبضة فيكن تخلوا طالب عنده مكرتور أو طالب أكبر منكن يعمللكن الحفرة) لأن الغرض الاساسي هو أنه تمزجوا المواد وتحشوا الحفرة.

🫧 رح تتعرفوا على كتير مواد سنية،
كل وحدة تركيبها استعمالاتها ميزاتها وسلبياتها وزمن مزجها وطريقته وزمن تصلبها وكتير أشياء.

🫧 مذاكرة العملي تحريري وامتحان العملي غالبًا مقابلة (والسنة الماضية كانت المذاكرة والامتحان تحريري).

🫧 النظري لا بأس فيه وبده شغل وحضور هي المادة مفيد (بمقابلة العملي أو الامتحان).

يلا المادّة يلي بعدها ⤵️

تشريح رأس وعنق ☠

🫧 تنقسم علامتها بين:

● 70 نظري.
● 30 عملي.

🫧 العملي الذي يتميز بالسلايدات فقط، شبَه تبع التحضيرية يا عيني عليك ☺️،
والمذاكرة والامتحان نفس الترتيب إلا أنّه منتعمق بالرأس والعنق تحديدًا كثيرًا.

🫧 والنظري بدّه شغل من تخيل وتطبيق 3D.

🫧 وفي شرح د.أحمد فوّاز ممكن يفيدنا.

🫧 المحاضرات عظام الرأس والعنق والعضلات والأعصاب والتروية الدموية والكثير وأهمّ محاضرة عمّ جميع أطباء الأسنان عصب مثلث التوائم العصب القحفي الخامس V 😌

🫧 المذاكرة والامتحان العملي سلايدات وصور متل التحضيري،
وكلّ ماكانت دراستكم للعملي أكبر حيكون وضعكن بالنظري أحسن، لأن أغلب النظري كان مارق بالعملي.

🫧 فبرأيي يستحسن ندرس النظري خلال الفصل وهيك منكون خلصنا من العملي والنظري سوا 🔥 .

يُتبع 🍃 ..

#Med_Help 🤍✨
@MedHelpForPreYears

لنكمّل مع المواد 🤩 .

النسج العام 🔬

🫧 تنقسم علامتها بين:

● 70 نظري.
● 30 عملي.

🫧 مادة المجهر والرسم 🔬🎨 .

🫧 منحكي فيها عن أنواع الأنسجة في الجسم بشكل عام.

🫧 العملي مجاهر والمذاكرة والامتحان مجاهر برضو نفس ترتيب البيولوجيا بالتحضيرية ما حلكم تنسوه 🥲 .

🫧 بس من جديد اقترحوا بالقسم أنّه يصير في قسم من علامة العملي لمذاكرة تحريرية واتطبق بالفصل التاني، فغالبًا حيتطبق هي السنة من أوّل فصل.

🫧 النظري جميل وعلى وقتنا كانت مادة معدّل لكن هذا لا يمنع أنّها كثيفة، وحاولوا تمرقوا قد ما بتقدروا منها خلال الفصل.

المادة البعدها ⤵️

فيزيولوجيا الفم 💉

🫧 مادّة ما لها عملي وإنما 100% نظري.

🫧 مادة تقيلة دم لكن خدوها بروح رياضية وصبر ونفَس عميق.

🫧 المادة بتفيدنا بطب أسنان،
بتحكي عن العضلات الماضغة والمفصل الفكي الصدغي وإفراز اللعاب والألم والكثير.

🫧 مرقوا منها خلال الفصل، زنقة أسبوعها لا تُنسى لذلك اسمعوا مني 😣 .

🫧 وفيكن تستعينوا بفديوهات شرح من اليوتيوب.

يلا هانت ح نخلص باقي المواد شغلتهم فراطة إن شاء الله 🫡
وكلهم 100% نظري فقط 🔥

اللغة العربية

🫧 المادة الجميلة الممتعة،
مادّة المعدل ويلي ممكن تلحق باليومين يلي قبلها،
لكن لا ما بيعني ما تدرسوا منها خلال الفصل إذا كان معكن وقت.

اللغة الانجليزية 3 🗽

🫧 جميلة و ماده معدّل، وفي اعتماد لا بأس فيه عالمستوى باللغة لكن الاعتماد الغالب عالدراسة
بتلحق بأيامها حسب تجارب الأسبقين.
وأسهل من الانكليزي 1 و 2 🔥.

الثقافة 📜

🫧 مادّة معدل لمن يبصمها بجدارة.

🫧 بدها حفظ وتكرار كتير وبصم تواريخ.

🫧بتتلحق بيومينها برياحة.

♡♡♡♡

وأخييييرًااا خلّصنا يا رفاق 😌🔥
كيف كانت هالجولة الجميلة معكم؟ 🤩
عقبال ما تعيشوها بجمالها وحلاوتها وصعوباتها..

°° إي نعم في صعوبات بكلّ شيء في الحياة في صعوبات °°

بس لما نركّز عأهدافنا و نتوكّل على ربّ العالمين بهون الطريق قدامنا 🤍🍃 .

موفّقين جميعًا يا ربّ، ولا تنسونا من صالِح الدعاء 🌸🍃 .

#Med_Help 🤍✨️
@MedHelpForPreYears

هذا البوست كمالة لحديثنا عن كليّة الطِبّ البشري في جامعة حِمص، ونظرًا لكثرة أسئلتكم عن الموضوع ⤵️ .

الدوام العملي بجامعة حِمص 🥼

■ بالسنة التانية:

🫧 يوم واحد أوّل فصل.

🫧 يومين تاني فصل، غالبًا بكونو متفرّقين يعني مو ورا بعض (ثلاثاء وخميس مثلًا) إلخ..

■ بالسنة التالتة:

🫧 يومين أوّل فصل.
🫧 يوم واحد تاني فصل.

■ بالسنة الرابعة + الخامسة:

🫧 ستاجات، لكن بحمص مافي ستاجات كونه مشفى الجامعة صغير فخلوه للسوادس والمقيمين.

🫧 لحد هلق مافي،
حاولوا يعملوا ستاج قصير سنة الماضية شغلة أسبوعين بس.

🫧 طيّب نحكي شوي عن هالنقطة أكتر حتى ما تخاف.

🫧 بالنسبة لطلاب المحافظات فهي ميزة تعتبر
ليش؟🧐

🫧 بكلّ بساطة أنت بوقت دوام الستاجات رح بتداوم كل يوم.
↩️ بهالحالة انت مضطر تنقل سكنك لهنيك وبالتالي مسؤولية أكبر + تكاليف أكبر.
لهيك تعتبر ميزة
أنك بهالسنتين تقريبًا مارح تنزل أبدًا عالعملي.

🫧 بالرابعة في مادة عملي وحدة هي أشعة ولحد هلق مو ملزمين بحضورها لحد هلق،
فنزلتك رح تكون فقط لامتحانات العملي والنظري.

🫧 طيّب طيّب طيّب 
كيف بعوض الفاقد التعليمي؟؟؟ 😞

↩️ عادي ببساطة انزل مع طلّاب جامعتك إن كنت دمشق أو غير محافظة 😃 .
اطلب من أي حدا يساعدك يبعتلك برنامج الستاجات وانزل داوم معهم ماحدا بيسألك من وين أنت.

🫧 طيّب لطلاب حمص نفسهم؟🥹

هون بدنا نحاول نجتهد شوي،
منجرب ننزل عمشفى الجامعة ونخبرهم أنّه بدنا نتعلم وما بقصروا معكم.
أو منبلش ندور بإيدنا على مواضيع عمليّة عاليوتيوب وإلخ..

👈🏻 بقيّة البوستات يلي حكينا فيهن عن جامعة حِمص.

أيي وبس هييك 🤗🤍
بالتوفيق يا ربّ، ولا تسَونا من صالِح الدعاء 🌸🍃 .

#Med_Help 🤍✨
@MedHelpForPreYears

سلامٌ عليكم 🤍🍃

لـ Pre_10 🔥
إليكم مثبتة البوستات التعريفيّة عن الكليّات لسهولة الوصول إليها 🥰 .

🩺 الطبّ البشري 🩺

🥼 بوستات جامعة دمشق.

🥼 بوستات جامعة حــمـٰاة.

🥼 بوستات جامعة حلب.

🥼 بوستات جامعة حِمص.

🥼 بوستات جامعة اللاذقيّة.

💊 الصيدلة 💊

🥼 بوستات جامعة دمشق.

🦷 طبّ الأسنان 🦷

🥼 بوستات جامعة دمشق.

بإذن الله كل شي رح ينزل رح نضيفه لهي الرسالة، بالتوفيق ولا تنسونا من صالِح الدعاء 🤍🍃 .

#Med_Help 🤍✨️
@MedHelpForPreYears