Med Help

💭 تحرير الرنا.

#Genetics 🧬
#MG_Chapter_5
#Med_Help_Genetics 🧬
@MedHelpForPreYears

❤7

1.43K viewsedited 09:15

◾️#الفصل_الخامس

كتار عم يخربطوا بالتعديلات يلي بتصير على الرنا المرسال، بعد هالبوست ما رح نضيع فيهم إن شاء الله 😌🔥.

🔷 إضافة القلنسوة:

1⃣ متى بنضيفها؟

أثنااااء عملية الانتساخ ، وذكر الكتاب ان طول الرنا بيكون لسا 30 نكليوتيد فقط .

2⃣ شو وظيفتها؟

الحماية من انزيمات النكلياز ( يلي شغلتها انها تدرك الرنا ) + بترتبط فيها بعض البروتينات حتمرق معنا بالفصل السادس.

3⃣ كيف بنضيفها؟

ثلاث خطوات، وكل خطوة مسؤول عنها إنزيم:

🔸 الخطوة الأولى مسؤول عنها انزيم اسمو Guanylyl Transferase ، من اسمو بياخد GTP وبياخد الغوانين منو وبيحطو على النكليوتيد الأول برابطة مميزة هية رابطة ثنائية الاستر 5'-5' .

🔸 الخطوة التانية مسؤول عنها انزيم اسمو Guanine -7- mythyl transferase ، كمان من اسمو بياخد ميتيل وبيحطو عالكربون رقم 7 من الغوانين.

🔸الخطوة التالتة مسؤول عنها انزيم اسمو O methyl transferase ـ2' ، بيحط ميثيل على النكليوتيد يلي ارتبط فيه الغوانين.

🔷 إضافة الذيل:

1⃣ متى؟
بعد ما يتم شطر الرنا عند موقع الشطر.

2⃣ شو وظيفته؟

له وظيفتين، بيزيد ثباتية الرنا ( يعني بيقلل تدركه ) + بيساعد خارج النواة.

3⃣ كيف؟
عن طريق خطوتين مسؤول عنهما إنزيمين:

🔸 الخطوة الأولى مسؤول عنها انزيم من النوع Endonuclease بيشطر الرنا المرسال عند موقع الشطر.

🔸 الخطوة التانية مسؤول عنها انزيم Ploy A ploymerase ، بيضيف الذيل عند موقع الشطر.

🔷 إزالة الإنترونات (التضفير)

1⃣ متى؟
بعد الانتساخ وقبل الترجمة (قبل ما يطلع الرنا من النواة)

2⃣ شو فائدته؟
بيشيل الانترونات يلي ما رح تفيدني بالترجمة + بنستفاد منه بالتفضير البديل يلي بيعطنا بروتينات جديدة من نفس الجين.

3⃣ كيف؟
قبل ما نحكي كيف في عنا 3 مواقع مهمة بدنا نحكي عنها.

💫 النهاية 5' للانترون يلي بترتبط مع للنهاية 3' للاكسون يلي قبله بتحتوي نكليوتيدين مصانين هنن GT (وبتكون GU على الرنا).

💫 موقع التفرع قريب من النهاية 3' للانترون بيحوي نكليوتيد مصان هوة A.

💫 النهاية 3' للانترون يلي بترتبط مع النهاية 5' للاكسون يلي بعده وفيها نكليوتيدين مصانين هنن AG.

🔸 الخطوة الأولى بيرتبط U1 عند النهاية 5' للانترون و U2 عند موقع التفرع.

🔸 الخطوة التانية بينشطر الانترون عند النهاية 5'.

🔸 الخطوة التالتة بترتبط النهاية 5' للانترون عند موقع التفرع برابطة مميزة هية رابطة فوسفورية ثنائية الاستر 5'-2'.

🔸 الخطوة الرابعة بتنشطر النهاية 3' للانترون وبيتحرر الانترون.

🔸 الخطوة الخامسة بنوصل بين الإكسونين يلي كان الانترون بيناتهم عن طريق أنزيم الليغاز.

⭐ كل العمليات التلاتة بتصير ضمن النواة
⭐ الرنا الناقل والريباسي بيخضعو للتضفير أيضاً ولكن بآليات مختلفة.

موفقين كتير 🤍🍃.

#Genetics 🧬
#MG_Chapter_5
#Med_Help_Genetics 🧬
@MedHelpForPreYears

❤18

1.58K viewsedited 09:38