🔴#فيزياء
#العملي
شرح اداة القدم القنوية في تجربة قياس الأطوال 👇:
https://youtu.be/Zg_FLKf1G4c

Ahmed H Fawaz:
🔴#هام
#الفيزياء
#العملي
كتاب العملي 👇:
https://t.me/MedHelpForPreYears/900
دفتر العملي 👇:
https://t.me/MedHelpForPreYears/1466

مساء الخير ❤ #إنكليش١ #النص الخارجي. #البوست الثاني
#Med_Help_English

✍ مدة فحص اللغة الإنكليزية ٩٠ دقيقة ... وعدد الأسئلة ٩٠ سؤال مع نص خارجي حجمه تقرببا نصف صفحة ((A4)) ...
وبالتالي أكبر مشكلة عم اتواجه الطلاب حقيقة هي الوقت والشغلة ما فيها مزح لأن مئات الطلاب في الدفعات السابقة فرشوا من ورا هالقصة وخصوصي بالفصل الاول ...
والحل يكون بتدبير الوقت أثناء الامتحان باتباع استراتيجية معينة وهي التالي:
🔴
نحن ننصحك تبلش بالنص الخارجي وأسئلته ...
والافضل ان تبدأ بحل ورقة الامتحان من السؤال ١١ وهو الموافق للسؤال الاول في قسم الvocabulary ...
وهكذا لنهاية الورقة ...
وبذلك تكون قد ضمنت تقريبا ٩٠ علامة بحل أقسام يلي دارسهم ومحضر لهم جيدا قبل الامتحان ...
والجدير بالذكر بأن معظم أسئلة قسمي grammar + vocabs بيجوا من تمارين الكتاب ...
وبالتالي بالفحص أحيانا بكفي تقرأه اول كلمتين من سؤال هالقسمين لتعرف مباشرة الجواب الصح وخلص بتكون متأكد بأنه صح ... وهذا هو السر وراء يلي بلحقوا حل كل الأسئلة وبزيد معهم وقت ((بكونوا دارسين منيح وواثقين بنفسهم)) ...
ما ننصحك تبلش من الأخير للأول أي من قسم الرايتنغ لأنه معت وغليظ وممكن يجي فيه خارجي ... ابدأ بالقسم المضمون وحله وكبه ورا ظهرك
🔴
من اول لحظة حط ببالك الوقت ... السؤال يلي ما بتعرفه حط عليه اكس وبترجعله اخر شي ... ولا تصفن ... البعض أثناء الامتحان بيفصل فمثلا بصير يقرأ السؤال مرتين تلاتة وهوي فاصل بعدين بتلاقيه صحصح ... في حال صارت معك انتبه وخليك مركز.

✍ موضوع سلسلتنا 😁
هناك بعض الأسئلة الموضوعة على النص الخارجي ... يمكن حلها دون الحاجة لفهم النص أو البحث على الجواب من النص ... ومثال على هذه الأسئلة موضحة في الصور وهي منتقاة من أسئلة الدورات ... فأرجو ممن لن يتاح له الكثير من الوقت في الفحص ... أن ينتقي هذه الأسئلة من أسئلة النص ويحلها ... وبعدها بإمكانه أن يكمل الباقي ((يوجد أيضا أشياء أخرى سنذكرها في بوستات لاحقة إن شاء الله)) .
يلي عنده سؤال يتركلنا ياه عالبوت وبالتوفيق للجميع ❤

كان معكم :
#Med_Help_English 😎

🔴#تنويه:
غروب ل #طلاب_السنة_التحضيرية على الفيسبوك
يتم فيه نشر بوستات علمية و نصائح دراسة
لمن يود الانضمام 👇⁦❤️⁩:
https://www.facebook.com/groups/333800250972576/?ref=share

🔴#تنويه:
القناة الأساسية لجامعة #تشرين و #طرطوس
ويتم أيضا نشر بوستات علمية ودراسية
لمن يود الانضمام ⁦❤️⁩👇:
@pre6in0tishreen
رابط قناة Med Help:
@MedHelpForPreYears

⭕هاام:
#جامعة_دمشق
لسبب طارئ جداً
تؤجل مذاكرات يوم الخميس ٣ كانون الاول لعملي مقرر الفيزياء الطبية لموعد يحدد لاحقا"
المشرف العام
د عببر قدسي

📌غروب الدفعة : تحضيرية سوريا دفعة 2021
أخبار السنة التحضيرية الطبية في سوريا

🔴#جامعة_دمشق:
تعلن عن تمديد فترة التقدم الى مفاضلة #التعليم المفتوح حتى يوم الاثنين الواقع في2020/12/7
@MedHelpForPreYears

مساء الخير يا أكابر 💚🌸

موضوعنا اليوم هو عن حفظ الجدول الدوري 💡

كتير طلاب سألت عن الجدول الدوري وشو مطلوب منو وشو نحفظ فيه !
بالحقيقة الجدول بمعظم الدورات كان يجي مع الأسئلة ، ولكن بآخر كم دورة ما عاد جابوه
علماً أنو لو إجا من الأفضل تكون متدرب وحافظ قسم منو لعدم ضياع الوقت أثناء الفحص .

👈🏻 لهيك المطلوب : حفظ أول أربع أدوار بالجدول الدوري .

👈🏻 ولتسهيل عملية الحفظ جمعت عناصر كل دور بجملة :

🟩 منجي لأول دور : طبعا هاد الدور كتير سهل ومعروف انو فيو بس هيدروجين وهيليوم ، يعني HHe (واحد عم يضحك 😂) .

🟩 الدور التاني: لبيب سنو فني .
المقصود بكلمة لبيب Li ,Be, B .
والمقصود بكلمة سنو C, N, O .
أما فني فمعناها F, Ne .

🟩 الدور التالت: نحن مجال سيبس كلار .
نحن يعني Na ، مجال يعني Mg, Al ، سيبس يعني Si, P, S ، وكلار يعني Cl, Ar .

🟩 بالدور الرابع صار عندي عناصر انتقالية وبما أنو صار في عناصر انتقالية أنا حابب أنتقل بالتسمية للغة العربية بقا بقول:

(بوران كانت جاية جري وزارت سليم بكرة)

بوران تعني بوتاسيوم ، كانت تعني كالسيوم .
جاية تعني جاليوم ، جري تعني جرمانيوم .
زارت تعني زرنيخ ، سليم تعني سيلينيوم .
بكرى تعني بروم وكريبتون .

⚠️ زيادة بفيدوا:

🟩 العمود الأول: ليش نحن فريق اربسز .
ليش تعني Li, H ، نحن تعني Na ، فريق تعني Fr, K ، اربسز تعني Rb, Cs (تحية للفريق الرائع RBCs 👋🏻🩸)

🟩 الهالوجينات هي: I, Br, Cl, F
تقرأ إما (يأبر سلفي) من اليسار لليمين أو
(فلكلور بري) من اليمين لليسار .

💡طريقة التوزيع الالكتروني وتحديد الصف والعامود والكتلة وإذا كان العنصر انتقالي أو لا انتقالي

👈🏻 أول شي إذا بدي وزع الكترونياً لعنصر بدي عددو الذري .

لما باخد العدد الذري بروح بكتب (اسين بسين دبسين فدبس فدب) يعني

(s s p s p s d p s d p s f d p s f d p)

👈🏻 هلا بدنا نرقم:

1- أنا بعرف s بيظهر من أول طبقة كمومية رئيسية يعني أول s بشوفها بعطيها الرقم 1 وتاني s بشوفها بعطيها الرقم 2 وتالت s بشوفها بعطيها الرقم 3 وهيك ليخلصوا ...

2- أنا بعرف p بتظهر من تاني طبقة كمومية رئيسية يعني أول p بشوفها بعطيها الرقم 2 وتاني p بشوفها بعطيها الرقم 3 وتالت p بشوفها بعطيها الرقم 4 وهيك ليخلصوا ...

3- أنا بعرف d بتظهر من تالت طبقة كمومية رئيسية يعني أول d بشوفها بعطيها الرقم 3 وتاني d بشوفها بعطيها الرقم 4 وتالت d بشوفها بعطيها الرقم 5 وهيك ليخلصوا ...

4- أنا بعرف f بتظهر من رابع طبقة كمومية رئيسية يعني أول f بشوفها بعطيها الرقم 4 وتاني f بشوفها بعطيها الرقم 5 ...

👈🏻 وهيك بصير الترقيم :

(1s 2s 2p 3s 3p 4s 3d 4p 5s 4d 5p 6s 4f 5d 6p 7s 5f 6d 7p)

طبعاً بيجي واحد بقول أنو هي الطريقة كتير طويلة هيك وبتاخدلي وقت الامتحان ، الطريقة ولا أسرع لأنو أنا لما يعطيني عنصر مو ضروري اكتبلو كل هاد التوزيع يعني أنا إن عطاني الكالسيوم يلي عددو الذري 20 مثلاً عن طريق التقدير انا بكتب اسين بسين فقط وبعدين بوزع الالكترونات ويلي بزيد بشطبو (طبعا هي الطريقة ما بتاخد اكتر من 10 ثواني إن الواحد أتقنها) . وما ننسى أنو كل s بيسع الكترونين وكل p بيسع 6 وكل d بيسع 10 وكل f بيسع 14 .

👈🏻 هلأ بعد ما وزع لحدد الدور بجي باخد أكبر رقم موجود عيسار المدارات بكون هاد رقم الدور .

👈🏻 لحدد العمود هون بدي ميز حالتين:

1- إذا كان العنصر لا انتقالي (يعني ينتهي ب s أو p) :

بجمع الالكترونات الموجودين بأعلى طبقة فرعية يعني المدارات يلي إلها أكبر رقم عاليسار .

2- إذا كان العنصر انتقالي (ينتهي ب d أو f) :

بجمع الكترونات أخر مدارين s و d شو ما كانت ارقامن وإذا كان المجموع 8 أو 9 أو 10 بكون العنصر بالعمود التامن وإذا كان المجموع أكبر من 10 بطرح منو 10 بيطلع رقم العمود وغير ذلك ناتج الجمع هو رقم العمود .

👈🏻 آخر شي لحدد الكتلة بشوف التوزيع الالكتروني يلي عندي إن انتهى ب p فهو بالكتلة p وإن انتهى ب d فهو بالكتلة d وإن انتهى ب s بشوف يلي قبلو إن كان d فهو بالكتلة d وإلا فهو بالكتلة s .

موفقين جميعاً ولا تنسونا من صالح الدعاء 💚🙏🏻


#Chemistry 🧪
#MC_Chapter_3
#Med_Help_Chemistry
@MedHelpForPreYears

كثيرٌ ما نسمع عن أهم مكون في #الحياة
الذي هو ال #DNA
الذي يحمل معلوماتك الوراثية .. التي بالأصل تكون متأصلة في دنا والديك
لكن..ماهو الدنا ؟ وممّ يتكون؟ وكيف ترُبط مكوناته؟
وماذا يعني النكليوتيد منقوص الأكسجين والذي يدخل في بنية الدنا؟
وماذا تعني قطبية الدنا؟
أقدم لكم شرح مفصّل لبنية الدنا..علما ان دراسة الدنا لاتقتصر على السنوات الأولى في الطب"التحضيرية" بل تتعداها إلى سنين متقدمة
وهو أساس في علم #البيولوجيا و #الوراثة و #الكيمياء_الحيوية والكثير من العلوم🙏🌷
"شوفوه ع فضاتكم .. باذن الله رح تتوضحلكم كتير أمور ضرورية لدراستكم بهالمواد"
🔴رابط الفيديو 👇⁦❤️⁩:
https://youtu.be/2TBkFMGlcgQ

ملاحظة الفيديو هام للفصلين الثاني والرابع #بيولوجيا ⁦❤️⁩⁦☝️⁩