💡توضيح للسؤال السّابق :

الريبوز علمياً كمان ألدهيدي
بس ما ذكرولكم شي عنه بالكتاب انه هو ألدهيدي أم كيتوني
لهيك بالنسبة الكم لا يعتبر جواب صحيح و بالتالي عليكم التقيّد بمعلومات الكتاب فقط

اي الجواب الصحيح هو D ولو كان A صحيح علمياً
لكن هيك ورد بأحد الدورات و برجع بقول أنتم مطالبين بما هو ضمن كتابكم.

بالتوفيق يا رب 💜.

#Cell_Biology 🧬
#MB_Chapter_2
#Med_Help_Biology
@MedHelpForPreYears

⭐️ عديد السكر ببساطة ⭐️

#Cell_Biology 🧬
#CB_Chapter_2 🧬
#Med_Help_Biology 🧬
@MedHelpForPreYears

⭐️مقارنة هامة بين السكاكر الأحادية وقليلات السكاريد⭐️

#Cell_Biology 🧬
#CB_Chapter_2 🧬
#Med_Help_Biology 🧬
@MedHelpForPreYears

أسعد الله صباحكم أطبّاء المستقبل🥰✨

مع بداية هذا النهار المفعم بالحيوية والنشاط🔥

والمشوار اليوم مع مادة #الكيمياء الطبية 🧪🌸
رح نكمّل الفصل الثاني للأخير ونبلش بالفصل الثالث بإذن الله تعالى.

🌟 مصدر دراستنا هي تسجيلات الدكتورة بيان للفصل الثاني:
https://t.me/MedHelpForPreYears/11000

🌟 تسجيلات الدكتورة بيان للفصل الثالث:
https://t.me/MedHelpForPreYears/11045

🌟 وإليكم ملحق <<حل أختبر معلوماتك>> للتأكد من حلولكم🔥:
https://t.me/MedHelpForPreYears/7540

🌟 وإذا احتجنا اي استفسار بالمادة فهذا رابط البوت لاستقبال أسئلتكم 😌:
@Medhelp_chemistry_alt_bot


✨️ لا يقاس النجاح بالموقع الذي يتبوأه المرء في حياته، بقدر ما يُقاس بالصعاب الذي يتغلب عليها✨️

بالتوفيق جميعًا 🤍

#Chemistry 🧪
#Med_Help_Physics 🧪
@MedHelpForPreYears

#الكيمياء
#الفصل_الثاني
#ملاحظات_هاامة

🔸️الذرة المعتدلة: عدد البروتونات يساوي عدد الالكترونات.

🔸️الذرة المشحونة ايجابًا: عدد البروتونات اكبر من عدد الالكترونات.

🔸️الذرة المشحونة سلبًا: عدد الالكترونات أكبر من عدد البروتونات.

🔸️عدد البروتونات في كل ذرة  ثااابت والذي يتغير  عند تشكل أيون هو عدد الالكترونات.

🔸️زيادة الشحنة النووية= زيادة عدد البروتونات= الانتقال الى العنصر التالي في الجدول الدوري.

#Chemistry 🧪
#MC_Chapter_2🧪
#Med_Help_Chemistry
@MedHelpForPreYears

السلام عليكم 🌸

سنبدأ بأتمتات للفصل الثاني ،ونذكركم انها أسئلة دورات يجب الانتباه والتركيز لفكرتها جيدًا.

بالتوفيق يا رب ✨️.

#Chemistry 🧪
#MC_Chapter_2
#Med_Help_Chemistry
@MedHelpForPreYears

💡توضيح السؤال السابق :

من السؤال بنلاحظ انه ما طلب جهة الانحرف وبالتالي بنستبعد الخيار الاول

ومالها علاقة الطاقة الكهربائية بنستبعد الخيار الرابع

بقي عنا خيار الثاني و الثالث

وبنعرف الالكترون كتلته اصغر من البروتون ب 1/1836
ومنه الخيار الثالث هو الصحيح ✅

#Chemistry🧪
#MC_Chapter_2🧪
#Med_Help_Chemistry
@MedHelpForPreYears

#الكيمياء
#الفصل_الثالث

💡ملاحظة مهمة مشان تعباية الالكترونات بالمدارات وبتفيد بمعرفة المجموعة والدور والكتلة.

منعبي هيك :
اس اس بس بس دبس دبس فدبس فدب
1s 2s 2p 3s 3p 4s 3d 4p 5s 4d 5p 6s 4f 5d 6p 7s 5f 6d 7p

بالتوفيق ☺️✨
#Chemistry 🧪
#MC_Chapter_3 🧪
#Med_Help_Chemistry
@MedHelpForPreYears

مساء الخير يا أكابر 💚🌸

موضوعنا اليوم هو عن حفظ الجدول الدوري 💡

كتير طلاب سألت عن الجدول الدوري وشو مطلوب منو وشو نحفظ فيه !
بالحقيقة الجدول بمعظم الدورات كان يجي مع الأسئلة ، ولكن بآخر كم دورة ما عاد جابوه
علماً أنو لو إجا من الأفضل تكون متدرب وحافظ قسم منو لعدم ضياع الوقت أثناء الفحص .

👈🏻 لهيك المطلوب :  حفظ أول أربع أدوار بالجدول الدوري .

👈🏻 ولتسهيل عملية الحفظ جمعت عناصر كل دور بجملة :

🟩 منجي لأول دور : طبعا هاد الدور كتير سهل ومعروف انو فيو بس هيدروجين وهيليوم ،  يعني HHe (واحد عم يضحك 😂) .

🟩 الدور التاني: لبيب سنو فني .
المقصود بكلمة لبيب Li ,Be, B .
والمقصود بكلمة سنو C, N, O .
أما فني فمعناها F, Ne .

🟩 الدور التالت: نحن مجال سيبس كلار .
نحن يعني Na ،  مجال يعني Mg, Al ، سيبس يعني Si, P, S ، وكلار يعني Cl, Ar .

🟩 بالدور الرابع صار عندي عناصر انتقالية وبما أنو صار في عناصر انتقالية أنا حابب أنتقل بالتسمية للغة العربية بقا بقول:

(بوران كانت جاية جري وزارت سليم بكرة)

بوران تعني بوتاسيوم ، كانت تعني كالسيوم .
جاية تعني جاليوم ، جري تعني جرمانيوم .
زارت تعني زرنيخ ، سليم تعني سيلينيوم .
بكرى تعني بروم وكريبتون .

⚠️ زيادة بفيدوا:

🟩 العمود الأول:  ليش نحن فريق اربسز .
ليش تعني Li, H ، نحن تعني Na ، فريق تعني Fr, K ،  اربسز تعني Rb, Cs (تحية للفريق الرائع RBCs 👋🏻🩸)

🟩 الهالوجينات هي: I, Br, Cl, F
تقرأ إما (يأبر سلفي) من اليسار لليمين أو
(فلكلور بري) من اليمين لليسار .

💡طريقة التوزيع الالكتروني وتحديد الصف والعامود والكتلة وإذا كان العنصر انتقالي أو لا انتقالي

👈🏻 أول شي إذا بدي وزع الكترونياً لعنصر بدي عددو الذري .

لما باخد العدد الذري بروح بكتب (اسين بسين دبسين فدبس فدب) يعني

(s s p s p s d p s d p s f d p s f d p)

👈🏻 هلا بدنا نرقم:

1- أنا بعرف s بيظهر من أول طبقة كمومية رئيسية يعني أول s بشوفها بعطيها الرقم 1 وتاني s بشوفها بعطيها الرقم 2 وتالت s بشوفها بعطيها الرقم 3 وهيك ليخلصوا ...

2- أنا بعرف p بتظهر من تاني طبقة كمومية رئيسية يعني أول p بشوفها بعطيها الرقم 2 وتاني p بشوفها بعطيها الرقم 3 وتالت p بشوفها بعطيها الرقم 4 وهيك ليخلصوا ...

3- أنا بعرف d بتظهر من تالت طبقة كمومية رئيسية يعني أول d بشوفها بعطيها الرقم 3 وتاني d بشوفها بعطيها الرقم 4 وتالت d بشوفها بعطيها الرقم 5 وهيك ليخلصوا ...

4- أنا بعرف f بتظهر من رابع طبقة كمومية رئيسية يعني أول f بشوفها بعطيها الرقم 4 وتاني f بشوفها بعطيها الرقم 5 ...

👈🏻 وهيك بصير الترقيم :

(1s 2s 2p 3s 3p 4s 3d 4p 5s 4d 5p 6s 4f 5d 6p 7s 5f 6d 7p)

طبعاً بيجي واحد بقول أنو هي الطريقة كتير طويلة هيك وبتاخدلي وقت الامتحان ، الطريقة ولا أسرع لأنو أنا لما يعطيني عنصر مو ضروري اكتبلو كل هاد التوزيع يعني أنا إن عطاني الكالسيوم يلي عددو الذري 20 مثلاً عن طريق التقدير انا بكتب اسين بسين فقط وبعدين بوزع الالكترونات ويلي بزيد بشطبو (طبعا هي الطريقة ما بتاخد اكتر من 10 ثواني إن الواحد أتقنها) . وما ننسى أنو كل s بيسع الكترونين وكل p بيسع 6 وكل d بيسع 10 وكل f بيسع 14 .

👈🏻 هلأ بعد ما وزع لحدد الدور بجي باخد أكبر رقم موجود عيسار المدارات بكون هاد رقم الدور .

👈🏻 لحدد العمود هون بدي ميز حالتين:

1- إذا كان العنصر لا انتقالي (يعني ينتهي ب s أو p) :

بجمع الالكترونات الموجودين بأعلى طبقة فرعية يعني المدارات يلي إلها أكبر رقم عاليسار .

2- إذا كان العنصر انتقالي (ينتهي ب d أو f) :

بجمع الكترونات أخر مدارين s و d شو ما كانت ارقامن وإذا كان المجموع 8 أو 9 أو 10 بكون العنصر بالعمود التامن وإذا كان المجموع أكبر من 10 بطرح منو 10 بيطلع رقم العمود وغير ذلك ناتج الجمع هو رقم العمود .

👈🏻 آخر شي لحدد الكتلة بشوف التوزيع الالكتروني يلي عندي إن انتهى ب p فهو بالكتلة p وإن انتهى ب d فهو بالكتلة d وإن انتهى ب s بشوف يلي قبلو إن كان d فهو بالكتلة d وإلا فهو بالكتلة s .

موفقين جميعاً ولا تنسونا من صالح الدعاء 💚🙏🏻


#Chemistry 🧪
#MC_Chapter_3
#Med_Help_Chemistry 🧪
@MedHelpForPreYears

🔴 #خبر | #Med_Help  | #جامعة_طرطوس

برنامج يوم #الأربعاء 16/10/2024 لطلاب السنة التحضيرية للعام  الدراسي 2024-2025

المحاضرة : #الكيمياء
المكان : #مسرح_التمريض

من الساعة 8-10 ( الطلاب الذين تبدأ اسماؤهم بالأحرف من /أ/ إلى /ظ/ )

من الساعة 10-12 ( الطلاب الذين تبدأ اسماؤهم بالأحرف من /ع/ إلى /ي/ )

بالتوفيق 🤍✨

#Med_Help 💙✨️
#Med_Help_Tartous
@MedHelpForPreYears

يسعد أوقاتكن يا رب 💚

بعد ما انتهينا من المطلوب مننا لهذا اليوم، وخلصنا الفصل الثاني بمادة #الكيمياء بفضل الله 🎉
رح نحل دوراته لحتى تثبت المعلومات وتكون على شكل مراجعة سريعة وخفيفة إن شاء الله🔥

💫 نقدم لكم نوطة الدورات الوزارية الشاملة للكيمياء 《 Pdf 📘》 :
https://t.me/MedHelpForPreYears/12146

💫 وهنا بنلاقي دورات كل فصل على حدى على شكل نموذج استبيان:
https://t.me/MedHelpForPreYears/11157

و موفقين يا رب 🌸✨

#Chemistry 🧪
#Med_Help_Physics 🧪
@MedHelpForPreYears

صباح الخير جميعًا🔥

رح نزين هالنهار بمادتنا #الكيمياء الطبية 🧪 🌸
وسنكمل الفصل الثالث _بعد ما أنهينا قسم منه مبارح _ بعون الله تعالى 💚

🌟مصدر دراستنا هي تسجيلات الدكتورة بيان:
https://t.me/MedHelpForPreYears/8717

🌟 وإليكم ملحق <<حل أختبر معلوماتك>> للتأكد من حلولكم:
https://t.me/MedHelpForPreYears/7540

🌟ولأي استفسار رابط بوت المادة العلمي:
@Medhelp_chemistry_alt_bot

✨️ النجاح ليس انجازًا بقدر ما هو قدرة مستمرة على الإنجاز ✨️

موفقين يا رب🔥💚

#Chemistry 🧪
#MC_Chapter_3 🧪
#Med_Help_Chemistry
@MedHelpForPreYears

سلاام 👋

جاهزين نبعت شويّة ملاحظات وبعدهم شويّة أتمتات بتخص مقرّر اليوم 👀 ؟

استعدّوا 🔥

#Chemistry 🧪
#MC_Chapter_3 🧪
#Med_Help_Chemistry
@MedHelpForPreYears

#الكيمياء
#الفصل_الثالث
#سؤال_مكرر

ليش طاقة الالكترونات في 2sاكبر من 1s مع انو طاقة التاين بالعكس ؟🧐

طاقة التاين تختلف عن طاقة السوية

طاقة التاين هي الطاقة الواجب تقديمها لالكترون لانتزاعه من مداره وكلما ابتعدنا عن النواة يخف أثر جذبها للالكترون فنحتاج طاقة اقل لننتزعه .

أما طاقة الالكترون فإن الذرة تزداد طاقة سوياتها كلما انتقلنا الى مدار اعلى .

الدليل :
١_نعلم أنه مع انتقال الالكترون الى مدار اعلى تزداد طاقته لانه يمتص طاقة ومع انتقاله الى مدار اقرب الى النواة يفقد طاقة على شكل فوتون اشعاع .

٢_من الفيزياء الطاقة المسموة للسوية
E=_13.606/n^2
بسبب وجود الاشارة السالبة تزداد الطاقة مع ازدياد n.

بالتوفيق ولا تنسونا من طيب دعائكم 🤲🏻🤍✨

#Chemistry 🧪
#MC_Chapter_3 🧪
#Med_Help_Chemistry
@MedHelpForPreYears