سلامٌ عليكم ومبارك لكم هلأ صرتوا Pre_10 رسميًّا 😌✨
وبلش الجد طبعًا 👀

لهيك رح نبدأ بفقرة #المصادر_المساعدة لمقرر اليوم وإليكم الفيديو الأول لفقرة سهلة وبسيطة تتحدث عن الماء بشكل عام وتركيبه وخصائصه وأنواعه ومع الفيديو ستترسخ المعلومات أكثر بإذن الله.

⭐️ تحدثنا بالفيديو عن:

👈🏻 خصائص الماء.
👈🏻 أهميته.
👈🏻 التوتر السطحي.

مشاهدة الفيديو مهمّة لتختصر الوقت عليك، وسنكمل بباقي الفقرات المهمّة تباعًا بإذن الله 🤩💜

#Cell_Biology 🧬
#CB_Chapter_2
#Med_Help_Biology
@MedHelpForPreYears

نُكمل مع فقرة #الفيديوهات_المساعدة بالفيديو الثاني من #الفصل_الثاني .

👈🏻 سنأخذ نظرة عن #الجزيئات_الكبرية قبل ما الخوض بتفاصيل كل جزيئة على حِدة.

⭐️ تحدثنا بالفيديو عن :

👈🏻 أنواع الجزيئات الكبرية وموحوداتها.
👈🏻 مكان وجودها بالطبيعة.
👈🏻 بالإضافة لأسئلة تتكرر من الطلاب على البوت مثل : السكر الثنائي والأحادي وعدد ذرات الكربون فيهما.

من المهم مشاهدة الفيديو ، وأرسلوه لأصدقائكم حتى تعمّ الفائدة.

بالتوفيق يا رب 💜✨

#Cell_Biology 🧬
#CB_Chapter_2
#Med_Help_Biology
@MedHelpForPreYears

مرحبًا 👀

إليكم توضيح لأسئلة مكررة جدًّا من الفصل الثاني:

👈🏻 ما هو الضغط التناضحي؟

صديقي الضغط التناضحي تعريفه فيزيائي وما بهمك بس كظاهرة فيي قلك هيي ميل الماء (المذيب) للتحرّك عبر غشاء شبه نفوذ إلى المحلول الحاوي على المادة المذابة
يعني مثلًا في عندك وسط فيه سكريات مذابة كتير ووسط فيه سكريات مذابة قليل ...فالماء ح يتحرك باتجاه الوسط اللي فيه سكريات كتير
يعني
♡ من التركيز المنخفض للمادة المذابة ♡ للتركيز المرتفع للمادة المذابة ♡

👈🏻 ما هي ذرة الكربون غير المتناظرة؟

غير متناظرة يعني ذرة الكربون مرتبطة بجذور كيميائية مختلفة يعني مثلًا نفس الذرة مرتبطة مع هيدروجين ومع ذرة كربون تانية ومع ميتيل ومع أكسجين (ولا جذر متل التاني)👌

بالتوفيق ولا تنسَونا من صالح الدعاء 🤍✨


#Cell_Biology 🧬
#CB_Chapter_2
#Med_Help_Biology
@MedHelpForPreYears

عُدنا 😌

⭐️ توضيح بسيط للكلمات اللي ممكن تلاقوها جديدة شوي ب #فقرة_السكاكر

👈🏻 التحليل الكمي (تحديده أصعب من الكيفي)

وهو بيعني بدي أعرف أديه في بهالخلية مثلًاا سكريات واديه كمية  البروتينات  ولذلك رح يكون صعب علينا نحدد الكميات بدقة بالإضافة لأنه في عندي مواد بين الخلايا (بالمطرس الخلوي) متل البروتينات والسكريات والنسج الضامة فما رح تخليني اعرف الكمية صح وقدرها بدقّة.

↩ أمّا

👈🏻 التحليل الكيفي:

فيعني بدي أعرف شو نوع المواد الموجودة بالخلية يعني في سكريات ودسم وماء (مثلًا) وما بهمني الكمية لهيك هو أسهل.

السؤاال الثاني والأهم:

👈🏻 شو يعني سكر مرجع (أو مختزل)؟

التعريف العلمي لاله أنه هو السكر يلي فيه يتبرع بالإلكترونات لجزيء آخر أو هو يلي بيحتوي ع مجموعة ألدهيد أو كيتون😍، مثل جميع السكاكر الأحادية ومعظم السكاكر الثنائية (السكروز مو مرجع 😒).

👈🏻 أكسدة السكاكر:

هو تفاعل السكاكر مع الأكسجين يعني هو تفاعل احتراق
هلأ شو منستفيد من أكسدة السكاكر؟

• رح ينتج عنا شغلتين:

🔻 أوّل شي طاقة بتستخدمها الخلية بعملياتها الحيوية.

🔻وتاني شغلة بتنتج عن الأكسدة هي طلائع بنائية بتدخل بتركيب المركبات العضوية التانية.

بالتوفيق إن شاء الله 🤍

#Cell_Biology 🧬
#CB_Chapter_2
#Med_Help_Biology
@MedHelpForPreYears

⭐️ المجموعات الوظيفية ⭐️

#Cell_Biology 🧬
#CB_Chapter_2
#Med_Help_Biology
@MedHelpForPreYears

⭐️ الماء الحر والمرتبط ⭐️

#Cell_Biology 🧬
#CB_Chapter_2
#Med_Help_Biology
@MedHelpForPreYears

سلام 👋

تعالوا حلّوا هالسؤالين الحلوين تعالوا 👀

#Cell_Biology 🧬
#CB_Chapter_2
#Med_Help_Biology
@MedHelpForPreYears

صباح الجدّ أصدقاءنا Pre_10 ✨

وهلأ بعد ما طلعت نتائج المفاضلة ما بقى في مماطلة ما بقى في تسويف تمام؟ 👀

رح نكمّل دراستنا بمادة #البيولوجيا 🧬 بالثلث الثاني من الفصل الثاني يلي اتفقنا ندرسه على ثلاثة أجزاء 🔥

🫧 بنذكركم بالمصادر التي سنعتمد عليها في دراستنا:

🌟 شرح د.مجد الجمالي 
https://youtu.be/2Lje9aievw0?si=BB-4Wcb3c_1Wj_H_

🌟 أو تسجيلات د.عبد الرحمن الحلو ود.محمد عمايري تجدونها في البوت الآلي
@MedHelpRobot_bot

🫧 رابط بوت البيولوجيا لاستفساراتكم في المادة:
@MedHelpBiology_ALT_bot

🫧 شات المناقشة العلميّة الخاصة بدفعتكم:
https://t.me/+P-DoVb8DW9VmZDY0

لا يوجد ما يسمى وقت متأخر كي تبدأ، ولا يوجد وقت محدد للوصول للأفضل، طالما قلبك مازال ينبض، وعقلك يستقبل .. إذًا لديك فرصة .. المهم أن تبدأ 🤍

بالتوفيق جميعًا ✨

#Cell_Biology 🧬
#MB_Chapter_2
#Med_Help_Biology
@MedHelpForPreYears

🔴 #خبر | #Med_Help  | #جامعة_طرطوس

#تنويه ‼️

برنامج الدوام ليوم غدٍ #الثلاثاء 15/10/2024 لطلاب السنة التحضيرية للعام الدراسي 2024-2025

من الساعة 8 - 10 #بيولوجيا_الخلية
من الساعة 10 - 12 #فيزياء
من الساعة 12 - 2 #تاريخ_لطب

#المكان : مسرح مدرسة التمريض

#ملاحظة :

الطلاب الراغبين بتغيير جامعة الدوام يمكنهم التقدم بطلب خطي خلال أيام #الثلاثاء و #الاربعاء و #الخميس من الاسبوع الجاري في مكتب شؤون طلاب السنة التحضيرية مصطحبين معهم صورة عن الهوية الشخصية.
( #علماً انه يمكن للطالب تقديم طلب تغيير جامعة الدوام في الجامعة التي يرغب بالنقل اليها مباشرةً دون الحاجة لتقديم الطلب لدينا )

#Med_Help 💙✨️
#Med_Help_Tartous
@MedHelpForPreYears

#بيولوجيا_الفصل_الثاني 🧬

⚠️ سؤال مكرر : ما هي السكاكر المُرجِعة ؟!

نكمل مع فقرة #الفيديوهات_المساعدة
بفيديو سيشرح لكم بعض الأفكار الهامة .

⭐️ تحدثنا بالفيديو عن :

👈🏻 الخاصية الإرجاعية لـ السكاكر .
👈🏻 ما أهمية زمرة الهدروكسيل (OH) في هذا التفاعل عند إضافة الكواشف .
👈🏻 بالإضافة إلى انه يوضّح ماذا يعني أكسدة و إرجاع .. وهي فقرة مهمة أيضاً في مادة #الكيمياء .

⭐️ لمشاهدة الفيديو على اليوتيوب:
https://youtu.be/1GJMbnYD8O4


بالتوفيق يا رب 🤍✨

#Cell_Biology 🧬
#CB_Chapter_2 🧬
#Med_Help_Biology
@MedHelpForPreYears

⭐️ السكاكر بطريقة الجداول والمخططات مع شوية ملاحظات وشرح لفقرات مبهمة وبينسأل عنها كتير ⭐️

بالتوفيق جميعًا 🤩🌸


#Cell_Biology 🧬
#CB_Chapter_2 🧬
#Med_Help_Biology
@MedHelpForPreYears

⭐️ الشحميات 😌 ⭐️

موفقين🤍✨

#Cell_Biology 🧬
#MP_Chapter_2 🧬
#Med_Help_Biology
@MedHelpForPreYears

سلام 🌸

كتير سألتونا عن هالجدول و شو نحفظ منه أو شو نعمل فيه؟😶‍🌫

هاد البوست لح يكون تفريغ لهي الأشكال و إن شاء الله هي المطلوب من هالرسمة

يتألف...... من .... :

1⃣ حمض الفوسفاتيديك :
● حمضين دسمين
● جزيئة غليسرول
● مجموعة فوسفات

2⃣ فوسفاتيديل ايثانولامين :
● حمضين دسمين
● جزيئة غليسرول
● مجموعة فوسفات
● إيثانولامين

3⃣ فوسفاتيديل كولين :
● حمضين دسمين
● جزيئة غليسرول
● مجموعة فوسفات
● كولين

4⃣ فوسفاتيديل سيرين :
● حمضين دسمين
● جزيئة غليسرول
● مجموعة فوسفات
● سيرين

5⃣ فوسفاتيديل اينوزيتول :
●حمضين دسمين
● جزيئة غليسرول
● مجموعة فوسفات
● اينوزيتول

6⃣ سفنغوميلين :
● حمضين دسمين
● سفنغوزين
● مجموعة فوسفات
● كولين

🔥ملاحظة:

ذكرولكم فوق الرسمة كلمة (سيراميد) :
هي عبارة عن (حمض دسم + سفينغوزين).

وفقط 🤓

بالتوفيق يا رب، ولا تنسونا من صالح دعائكم 💜.

#Cell_Biology🧬
#MB_Chapter_2🧬
#Med_Help_Biology
@MedHelpForPreYears

🔴 #خبر | #Med_Help  | #جامعة_طرطوس

📌جميع كتب السنة التحضيرية متوفرة بمستودع الكتب.

#Med_Help 💙✨️
#Med_Help_Tartous
@MedHelpForPreYears

السلام عليكم 🤍
رح نحكي عن فقرة جميلة بهذا البوست ☺️
بسم الله نبدأ ✨

بداية نحنا بنعرف أنه الشحميات أو الدسم بتتألف من ارتباط الكحول مع أحماض عضوية وسميناها (الاحماض الدسمة)
هلأ خلونا نحكي عنها شوي🌝:

⭐️ الأحماض الدسمة (Fatty Acids):

الأحماض الدسمة بالمجمل بتتكون من سلاسل كربونية طويلة مفتوحة (غير حلقية ) وغير متفرعة (بمعنى أنو على استقامة واحدة ومالا فروع)
صيغتها العامة : CH3-(CH2)n-COOH

⭐️ تعد جزيئات الحمض الدسم مستقطبة أو ثنائية الطور (Amphipathic)
(هالحكي معناته أنه حسب الصيفة العامة للحمض الدسم منلاحظ أنه هو مقسم لقسمين:
_ قسم يلي هو المجموعة الكربوكسيلة (COOH) وهو قسم قطبي محب للماء، ومنسميه بالعادة رأس.
_قسم تاني يلي هو السلسلة الهيدروكربونية يلي هي  CH3-(CH2)n
ويلي بتكون قسم غير قطبي كاره للماء ومنسميه الذيل.

⭐️ هلأ بالطبيعة في عنا أكثر من 70 حمض دسم وبيختلفوا عن بعضن البعض:

🪄 بعدد الروابط اللي بتربط ذرات الكربون إن كانت فردية أو زوجية (حنحكي عنا هلأ).

🪄 و بعدد ذرات الكربون  (يلي بكونو بين ال4 لل26 ذرة) وأكثر الاحماض الدسمة شيوعًا هي الحاوية على 16 و 18 ذرة كربون.

⭐️ هلأ منجي عأنواع الحموض الدسمة
عنّا نوعين للحموض الدسمة فقط يلي هنن:
• حموض دسمة مشبعة (saturated fatty acids)
• حموض دسمة غير مشبعة (Unsaturated fatty acids).

🔻 الحموض الدسمة المشبعة:

صيغتها العامة نفس الصيغة الي فوق تبع الحموض الدسمة بشكل عام ويلي هي CH3-(CH2)n-COOH 
وبهي الحموض بتكون كل الروابط  بين ذرات الكربون هي روابط أحادية، ومن أشهرها:

•حمض الزبدة  CH3(CH2)2COOH
•حمض جوز الهند (Caprytic Acid) CH3(CH2)6 COOH
•حمض النخيل (palmitic Acid) CH3(CH2)14 COOH
•حمض الشحم (السيتاريك  Stearic Acid )
CH3(CH2)16 COOH  

طبعًا الاسماء بالانكليزي يفضل تحفظن أما الصيغ بكفي تحفظ الn.

🫧 هلأ الخواص تبع هي الحموض المشبعة منقدر نقول بتتعلق بطول السلسلة الكربونية بشكل خاص وبالزمرة الكربوكسيلة كمان (فمثلًا كل ما طولت السلسلة الكربونية انخفضت قدرة هالحمض على الذوبان بالماء وبالمقابل ارتفعت درجة انصهاره وغليانه )

طيب بدنا مثال 🧐

عندك حمض الخل C2H4O2 بيمتزج بسهولة مع الماء وبأي نسبة كانت بينما عندك حمض الزبدة C4H8O2 بتنخفض نسبة ذوبانيته ل 5.6% وهاد بسبب أنه سلسلة الكربون أو الذيل متل ماقلنا سابقًا بحمض الزبدة أطول من سلسلة الكربون بحمض الخل (منلاحظ أنه تضاعف عدد الكربونات بالجزيء) 
طيب وبالمنطق أكيد عنّا حد لعدد ذرات الكربون  بجزيء الحمض يلي كلشي فوق هالحد بصير الحمض غير قابل للذوبان بالماء وهاد الحد هو لما عدد ذرات الكربون C=6

✨(يعني كلشي جزيئات حموض دسمة مشبعة عدد ذرات كربوناتها فوق ال6 فهية غير ذوابة بالماء)✨

ومتل ماحكينا كمان فوق أنه كل مازادت طول السلسلة الكربونية زادت درجة الانصهار والغليان تبع هاد الحمض.

⚠ ملاحظة صغيرة مهمة أنه كلشي أحماض دسمة مشبعة عدد  كربوناتها بالجزيء تبعها أقل من عشر ذرات فبتكون بالحالة السائلة في درجة حرارة الغرفة.

🔻 منجي هلأ عالحموض الدسمة غير المشبعة (سهلة وبسيطة مافيا شي):

_أول شي صيغتا العامة CnH(2n-2)O2
_أشهرها هنن حمض الزيت Oleic acid وحمض بذر الكتان Linoleic acid.

ياسيدي قال هي الحموض غير المشبعة بتتميز بوجود رابطة زوجية (ثنائية) واحدة او أكثر بقلب السلسلة الكربونية وهي الرابطة بتخلي درجة انصهاره للحمض تقل وتنخفض بشكل كبير بالمقارنة مع الحموض المشبعة.
ومعظم هي الأحماض بتكون سائلة بدرجة حرارة الغرفة.

تقريبًا آخر شي أنه الأحماض الدسمة غير المشبعة الرابطة الزوجية (الثنائية) تبعه بتكون من الشكل cis.
شوهو الشكل cis (مقرون) ؟🧐

هاد أنه وقت يكون ذرتين الهدروجين يلي على أطراف الرابطة الثنائية باتجاه واحد فمنسمي هي الرابطة رابطة من الشكل cis وإذا مالا من الشكل cis بتكون من الشكل trans.

⭐️ هلا منجي لأخر شي، معناتها شو الفرق الجوهري بين الحموض الدسمة المشبعة وغير المشبعة؟🤨

الفرق هو الرابطة 😊
بالمشبعة جميع الروابط أحادية
أما بغير المشبعة فعنا علأقل رابطة ثنائية وحدة، طيب بتقلي هي الرابطة مابتأثر عشي أو بتعمل شي بهاد الحمض بقلك بلى، متعارف على الرابطة الثنائية أنه هي أقسى من الأحادية وبما أنه هي أقسى فهي حتغير البنية أو الشكل الفراغي للحمض الدسم،
فالحمض المشبع يلي روابطه أحادية شكله حيكون مستقيم (إذا بدنا نلجأ للتشبيه) أما غير المشبع فمنقدر نقول أنه هي بتخلي الحمض ياخد شكل منحني وبتغير بشكله كل هالشي بسبب صلابة هي الرابطة 😐.

تعبتوا 👀؟

وهيك منكون وصلنا لنهاية  فقرة الأحماض الدسمة يلي بتكوّن الشحميات أو الدسم 🤩🥳

بالتوفيق ولا تنسونا وطيب الدعاء 🤲🏻🤍✨

#Cell_Biology 🧬
#CB_Chapter_2
#Med_Help_Biology
@MedHelpForPreYears

🌟 تجميعة لقليلات وعديدات السكاريد 🌟

بالتوفيق يا رب 💜✨

#Cell_Biology 🧬
#MB_Chapter_2
#Med_Help_Biology
@MedHelpForPreYears

💡توضيح للسؤال السّابق :

الريبوز علمياً كمان ألدهيدي
بس ما ذكرولكم شي عنه بالكتاب انه هو ألدهيدي أم كيتوني
لهيك بالنسبة الكم لا يعتبر جواب صحيح و بالتالي عليكم التقيّد بمعلومات الكتاب فقط

اي الجواب الصحيح هو D ولو كان A صحيح علمياً
لكن هيك ورد بأحد الدورات و برجع بقول أنتم مطالبين بما هو ضمن كتابكم.

بالتوفيق يا رب 💜.

#Cell_Biology 🧬
#MB_Chapter_2
#Med_Help_Biology
@MedHelpForPreYears

⭐️ عديد السكر ببساطة ⭐️

#Cell_Biology 🧬
#CB_Chapter_2 🧬
#Med_Help_Biology 🧬
@MedHelpForPreYears