🔴#جامعة_دمشق

نتائج حملة مقرر الإنكليزي 1

#Med_Help 💙✨️
@MedHelpForPreYears

🔴#جامعة_دمشق

نتائج حملة مقرر التاريخ

#Med_Help 💙✨️
@MedHelpForPreYears

🔴#جامعة_دمشق

نتائج حملة مقرر الفيزياء

#Med_Help 💙✨️
@MedHelpForPreYears

🔴#جامعة_دمشق

نتائج حملة مقرر الكيمياء

#Med_Help 💙✨️
@MedHelpForPreYears

🔴#جامعة_دمشق

نتائج حملة مقرر البيولوجيا

#Med_Help 💙✨️
@MedHelpForPreYears

🔴#خبر | #جامعة_دمشق

تم اعلان نتائج المقررات المحمولة من الفصل الاول لمن تقدم اليها من مستجدين السنة التحضيرية للقبول في الكليات الطبية جامعة دمشق .

يتم التقدم للاعتراضات ان وجدت في امتحانات السنة التحضيرية طابق ثاني مبنى الادارة كلية الطب

المشرف العام

#Med_Help 💙✨️
@MedHelpForPreYears

جماعة بري 10🔥🙂
🔴 #عااااااجل || وزارة التربية تحدد موعد إصدار نتائج امتحانات الدورة الثانية من الشهادة الثانوية بفروعها كافة عند الساعة العاشرة من صباح يوم السبت١٧ آب

#MED_HELP
@MedHelpForPreYears

يعطيكم العافية
و هلق صار دور
《 الصيدلة بدمشق 》

1⃣الفصل الاول ٧ مواد (٤ مواد الهن عملي)
2⃣الفصل التاني ٦ مواد (٥ مواد الهن عملي)

🔴مواد الفصل الاول :
عربي
ثقافة
انكلش
حاسوب (الها عملي)
كيميا عضوية (الها عملي)
كيميا فيزيائية (الها عملي )
وصيدلانيات 1. (الها عملي )

اولاً :

*الحاسوب*

●دكتور المادة : ( د.سمير سليمان)
●مصادر الدراسة:اربسيز او سلايدات الدكتور
●الحضور : مفيد الحضور نسبيا بس مو ضروري يعني ما حياثر اذا ما حضرت

دكتور رايق واسئلتو حلوة وسهلة فالوضع رواق ان شاء الله
كعملي مناخد فيها اساسيات الحاسوب واساسيات البرمجة وشغلات بسيطة جدا يعني
وكنظري الشبكات وتطور الحاسوب وهالقصص
واتطمنوا المادة سهلة وممتعة وتعتبر مادة معدل بامتياز!

تانياً:

*العربي*

●دكتور المادة : د. اسراء
●مصادر الدراسة : اربسيز
●الحضور:حسب المستوى

عربي بكل بساطة😁
بس في فكرة انو اسئلة الدكتورة اجت سم حرفيا وفي نسبة منيحة حملوها ويلي ما حملوها فالاغلب كانت العلامات عالحد يعني
لانو وقتها دريت انو في اربسيز وهيك فما جابت شي من المحاضرات 😂

تالتاً:

الانكلش

●دكتور المادة : د . نادرة الفاضل
●مصادر الدراسة :اربسيز
●الحضور :برضو حسب المستوى بس براي مفيد خاصة بموضوع النصوص
واذا ما بدك تحضر فاسمع التسجيلات بوقت المادة

الجديد فيها المصطلحات الطبية وما تبقى متل انجلش التحضيري قواعد ونص ورايتينغ

رابعاً:

الثقافة

مادة موحدة لكل الكليات
(فيكن تسمعو الفويس يلي سجلو الدكتور زاهر بخصوص هالمادة *بدمشق*
اللينك:
https://t.me/c/1693659319/1141534

منجي للمواد الممتعة مواد الصيدلة🔥

خامساً:

*الكيمياء الفيزيائية*

●دكتور المادة: د. ميسم سلامي
●مصادر الدراسة :اربسيز
●الحضور: جدا مفيد بتلاقي حكيها بالفحص
المادة تلت اقسام وهي عبارة عن كيميا وفيزيا مدموجين مع بعض

اول قسم مناخد فيه عن حالات المادة
تاني قسم الحركية وسرعة التفاعل والحفازات ورتب التفاعلات والخ ...
القسم التالت نوعا ما جديد عبارة عن اساليب القياس ونفسن موجودين بالعملي وبالنظري بشكل أوسع واساليب التحليل الكيفي او الكمي للمركبات
متل الانكسار والاستقطاب والامتصاص اللوني وهيك شغلات
هاد القسم بصمي نسبيا بس جميل

المادة ممتعة وفهمية اكتر من بصمية وشبه كبير لكيميا التحضيري خصوصاً اول قسمين وأسئلتها واضحة ورايقة جداً وما فيها اي تعقيد ويلي بيعرف يدرسها صح بتجي معه معدل يعني كان في عنا فيها ٩٥و٩٦ عادي بتجي مو صعبة

سادساً :

*العضوية*

●دكتور المادة : د اياد اللوص
●مصادر الدراسة : اربسيز
●الحضور : حسب يلي منيح بالعضوية مافي داعي براي اما يلي عندو شوي ركاكة فمفيد الحضور والدكتور جيد بالاعطاء
المادة مقسومة عضوية ١ فصل اول، عضوية ٢ فصل تاني
عضوية ١ بتحكي عن الالكانات والالِكنات والالكينات والاغوال وهاليدات الالكيل

المادة نظري وعملي متل ما ذكرنا
العملي جدا ممتع مناخد فيه البلورة وكيف منفصل المواد عن بعضها وهالحكي
النظري متل ما حكينا كيف منسمي الكينات وهالكنات وهيك.. كيف منحصل عليهن...كيف منصنعهن وشو التفاعلات اللي بتصير عليهم وهيك يعني
اسئلة المادة عبارة عن معادلات ونواتج وحفازات ..
ما بتجي اسئلة نظرية الا نااادرا وهي عبارة عن يا تسمية يا عن مصاوغات cis و trans اكتر من هيك نظري ما بيجي
ففي طلاب بتدرسها اكسترا اربسيز بكون فيها بس المعادلات مافيها حكي النظري ابدا ( يلي هو الية التفاعل وهيك شغلات)

سابعاً :

الصيدلانيات1

●دكتور المادة :
د. امل يوسفان
د. هند الزين
●مصادر الدراسة :
د. هند —> اربسيز
د.امل. مانعة اربسيز بتدرس من سلايداتها حصرا
وسلايداتها بالانكليزي
بس اسئلتها بتجي عربي اغلبها وشوية انكليزي
وهي بتاخد رايكم بالسنة انو بدكم الاسئلة انكليزي ولا عربي
●الحضور :
د.هند ما كتير مفيد الحضور
د. امل
دكتورة خارقة حرفيا وبراي الحضور جدا جدا جدا مفيد اولا بحببك بالمادة وبفهمك المادة وبصير القسم البصمي منها اسهل للحفظ
هي محاضرتها بتملل شوي لسبب واحد انو بتعطي فيها معلومات جدا
فالواحد بينعس اخر شي
بس حتاخد معلومات فخمة
فيك تحضر
وبوقت المادة تسمع التسجيلات بتكون امورك لوز

المادة الامتع تقريباً 😁🔥
بتحكي عن الاشكال الصيدلانية للدواء مثلا شراب مسحوق مستحلبات( نوع منها :كريمات) قطرات حثيرات حبوب مضغوطات كبسولات الخ... من اشكال الدواء وكيف منصنع كل وحدة وشو شروط تصنيعها وشو ميزاتها وشو مساوئها

المادة جدا ممتعة لكن بحاجة حفظ منيح
والعملي تبعها نفس الشي ممتع و منحضر فيه وصفات وهالقصص
#Med_Help 💙✨️
@MedHelpForPreYears

القسم الثاني للصيدلة:

مواد الفصل التاني :

كيمياء حيوية 1 (الها عملي)
صيدلانيات 2 (الها عملي)
كيميا عضوية 2 (الها عملي)
كيميا تحليلية 1 (الها عملي)
ال E4
عقاقير 1 (الها عملي)


أولا ً:

ال *E4*

●دكتور المادة : د. نادرة الفاضل
●مصادر الدراسة : اربسيز
●الحضور : نفس وضع E3
اخر انجلش بتاخدوها بسنينكم ، كمان مصطلحات طبية وقواعد ونصوص ورايتينغ بس بشكل خااص عن الامراض النفسية مصطلحاتها ونصوصها

تانياً:

*صيدلانيات2*

●دكتور المادة :د. امل يوسفان
د. انطون اللحام
●مصادر الدراسة: انطون اربسيز
امل نفس وضع صيدلانيات ١
●الحضور : د. انطون بيجي بس ما بيشرح
شي
وبقرر المنهاج وبروح 😂
د. امل برضو نفس وضع صيدلانيات١

كمان بتحكي عن اشكال الدواء بس الاكثر تعقيداً ههالمرة والاكثر دقة بالشغل خلينا نقول
متل الحقن العضلية والوريدية ، القطرات العينية، المعلقات ، الجسيمات الشحمية ، المستحلبات الخ....
كمان مندرس كيف مصنعهم و بأي شروط وهكذا نفس الصيدلانيات ١ بس عم ندرس اشكال جديدة
العملي تبعها شوي مايل للنظري اكتر من الشغل بايدنا
(الاسئلة: د انطون اغلب اسئلته دورات ودوراته مهمة لانو دورات من برا المنهاج في قسم منها
د امل نفس الوضع تبع ال ١ ممكن تجيب شوية انكليزي )

ثالثاً:

*العقاقير*

●دكتور المادة:
د . عصام الشماع
د. لؤي علان
●مصادر الدراسة : د لؤي اربسيز
د عصام نوطة بوزعها عليكم مختصرة شي ٢٥ صفحة ما بيطلع براتها ابدا
●الحضور:ماكتير مفيد
بس د لؤي شوي بجيب من حكيه فاذا صحلكم احضروا او تسجيلات
ود عصام بحب الحضور فاحضروله بس ليرضى عالدفعة ويوزع النوطة ☠️

قسمين المادة
القسم الاول للدكتور عصام مندرس فيها النباتات وفصائلها و وكل نبتة شو بتحوي مواد وشو استخدام كل نبات
القسم التاني للدكتور لؤي عبارة عن تعريف بالمركبات( تانينات وفلافونوئيدات. وسكريات مفردة ومتعددة متجانسة ولا متجانسة وهيك) وكل واحد شو استخدامو وهكذا
العملي فيها سلس وبسيط عبارة عن محضرات نباتات منشوفن تحت المجهر
(الاسئلة: قسم لؤي بيجي في منه سهل وواضح وفي منه بده تركيز وعسنتنا جاب ١٢ سؤال برا المنهاج ☠️ بس مو دائما بيعملها هي
قسم د عصام
كل اسئلته اختر الخطأ بجيب هو ٣٥ سؤال ود لؤي ٣٥)

رابعاً:

*الحيوية*

●دكتور المادة :
د فايزة
د رنوة
●مصادر الدراسة : اربسيز بالقسمين
●الحضور :عند د فايزة مو كتير مهم بس هي بتسجل حضور
د رنوة
مهم جدا جدا جدا جدا جدا برضو جدا 😂
قسمين
قسم الدكتورة فايزة بيحكي عن
الماء وشو فوائدها بالجسم الاستقلاب والوقاءات وهيك حكي فيزيولوجيا يعني
العناصر المعدنية يود حديد زنك الخ ... شو فوائدها ،سبل اطراحها ،شو بحفز امتصاصها وهيك
الاحماض الامينية، عديدات الببتيد، البروتينات والبنى تبعها ،الانزيمات
وشوية تقنيات من تبعات الفصل ٨ وراثة
يعتبر قسم بصمي بحت

القسم التاني للدكتورة رنوة ممتع جدا فهمي وبصمي بيحكي عن الاستقلاب بشكل عام بعدين استقلاب السكاكر بالاخص الغلوكوز بعدين استحداث الغلوكوز بعدها حلقة كريبس والفسفرة التاكسدية لنحول الطاقة وهييك يعني
مخططات الدكتورة كاافية لتفهم محاضرتها تماما لهيك الحضور عندها ضروري

العملي تبع المادة ممتع ممتع جدا 🔥
عبارة عن كيف منكشف عن السكاكر عن الاحماض الامينية ونحددها بتفاعلات كيميائية او بطرق تانية فيزيائية متل الاستشراب وهيك
كيف منحلل دم وكولسترول وكرياتينين والفيتامينات ونستخرج dna الفريز وهالقصص
(الاسئلة: د فايزة اسئلتها واضحة
د رنوة اسئلتها تتطلب الفهم وفهم كل الخطوات يلي عم تصير بكل عملية )


خامساً:

*العضوية*

●دكتور المادة : د اياد اللوص
●مصادر الدراسة :اربسيز
●الحضور :متل عضوية ١

نفس مبدأ عضوية ١ بس لمركبات تانية
فينولات الدهيدات كيتونات حموض كربوكسيلية ومشتقاتها والامينات
العملي تبعها نفس النمط للعضوية ١
الاسئلة تبعها كمان عبارة عن تفاعلات نواتج وحفازات ...
وبشكل عام هي اسهل من عضوية ١

سادساً:

*الكيمياء التحليلية*

●دكتور المادة:
د. جمعة الزهوري
د. فداء عم علي
د. علا
●مصادر الدراسة : اربسيز عدا فداء مانعة اربسيز
●الحضور: مفيد جدا جدا بكل الاقسام بس بالاخص د فداء وعلا
امتع مادة بالفصل التاني 🔥
المادة تلت اقسام علا ٢ فداء ٢
قسم الدكتور جمعة ٧ محاضرات سلس جدا وكلو معروف بيحكي عن المحاليل ، ستكيومترية التفاعل ، التراكيز ، حموض واسس ومخططات الph والمشعرات وطرق المعايرة واخر محاضرة معايرة لامائية
قسم د. علا محاضرتين بيحكو عن الترسيب والتحليل الوزني
قسم د. فداء محاضرتين اكسدة وارجاع ومعقدات
وجزء من النظري موجود كمان بالعملي معايرة وهالقصص
(الاسئلة: د جمعة المعتاد دورات عدا السنة هي غير نمطه ونسبيا ضرب الدفعة نسبة النجاح كانت ٦٠ بالمية وبالسنين قبل كانت توصل لل٩٠
د فداء ود علا بدهم فهم وتحنيك شوي )

ملاحظة اخيرة السنة التانية هي سنة المعدل بامتياز لهيك استغلوها

#Med_Help 💙✨️
@MedHelpForPreYears

مساء الخيرات 💙🌸

نداء هام لكل طالب سنة تحضيرية يبحث عن كتب للتحضيرية 🧐

ولكل طالب Pre_9 والسنوات الأعلى يريد أن يتبرع أو يبيع كتبه 📚.

غروب تبادل الكتب تم تفعيله من جديد 🥳.

⭐️رابط غروب التبادل :
https://t.me/+kpLC0STr7Dg2MzRk
انضموا لتساعدوا بعض ✨️

⚠️ولا تنسوا الإطّلاع على الرسالة المثبتة بالغروب.

وبالتوفيق للجميع 🙏🏻🌸.

#Med_Help 💙✨️
@MedHelpForPreYears

السلام عليكم بري 9 💙✨️

مكملين معكم بالبوستات التعريفية عن الكليات وهالبوست مخصص عن كلية الصيدلة بجامعة تشرين " كوكب زمردة"😊🌸

🔹️بدايةً عنا ٧ مواد بالفصل الأول و ٦ مواد بالفصل الثاني.

🔹️مواد الفصل الأول:

🧪الكيمياء العضوية 1 :《 هي المادة مع عملي 》.

⭐️دكتور المادة : الدكتور محمد الناصر .
⭐️المادة بشكل عام: بتشبه وحدة العضوية بالتحضيرية بس بشكل موسع ، رح نتعرف على المجموعات الكيميائية << ألكانات ، الكِنات ، ألدهيدات ، كيتونات ...>> وطرق تسميتها ، وخواصها الفيزيائية والكيميائية .
⭐️حضور المادة : أنصح بالحضور ، الدكتور إعطاؤه جميل ومفيد .
⭐️العملي : حلو خفيف نظيف تفاعلات كشف عن مواد وتجارب حلوة

🧫الكيمياء الفيزيائية: 《 المادة مع عملي أيضًا 》.

⭐️دكتور المادة: كان السنة الماضية الدكتور حسن جريكوس .
⭐️المادة بشكل عام: سهلة وبسيطة ومقرر هي المادة بتشرين خفيف رح نتعرف على حالات المادة وصفات المحاليل وطرق تحضيرها ومعادلات التوازن الكيميائي و حركية التفاعلات .
⭐️حضور المادة : أيضًا مفيد الدكتور أسئلته دقيقة بالفحص  وبيركز  على ملاحظات ذكرها ضمن المدرج وبيعطيكم أسئلة ضمن المحاضرة لتركزوا عليها .
⭐️العملي : بيحكي عن مفاهيم متل التوتر السطحي والكثافة واللزوجة .. 

💊علم الصيدلانيات 1 :《 المادة معها عملي 》

⭐️دكتورة المادة : الدكتورة سالي داغر .
⭐️المادة : جدا ممتعة وهي المادة يلي رح تفوتنا بجو الادوية و الصيدلة شوي 😁
رح نتعرف من خلالها على الأشكال الصيدلانية من شرابات و مضغوطات وأقراص ..
وطرق إيتاء الدواء والجرعة والعيار وهالأمور  
⭐️الحضور : الدكتورة شرحها رائع جدا
⭐️العملي : حلاوة العملي انه رديف للنظري يعني شي ما فهمتوه بالنظري تفهموه بالعملي والعكس الصحيح و رح ندرس شوية وصفات ونحضرها بشكل مبسط.

💻الحاسوب :《 مع عملي أيضًا 》
⭐️دكتور المادة: الدكتور علي ميا
⭐️حضور المادة: انت ووقتك ،بس عكلٍ المادة بسيطة ولكن الدكتور كان ياخد حضور السنة الماضية 👀
⭐️المادة :  رح نتعلم مكونات الحاسب المادية وبعض البرامج وأنظمة العد و خوارزميات بسيطة.
⭐️العملي : رح تتعرفوا على شوية مبادئ وأساسيات ببرامج الاوفيس مثل اكسل و وورد .

📜العربي :
عربي 😂 متل اي عربي اخدناه بالسنين القبل
⭐️نمط أسئلة الفحص : قصيدة وعليها تطبيقات وإعرابات وبالإضافة لموضوع
⭐️الحضور : مو كتير مهم الحضور ف انت ووقتك .

🆎️الإنكليزي 3 :
⭐️دكتورة المادة: الدكتورة ميس سلهب .
⭐️الحضور : حسب المستوى .
⭐️المادة: قواعد و مصطلحات واحرف جر وأسهل من انكليزي التحضيرية اتطمنوا

📚الثقافة :
المادة ما رح نكتر حكي عليها 
الأسئلة بتجي مركزية ،بتدرسوها من شي ملخص .

#Med_Help 💙✨️
@MedHelpForPreYears

🔹️وهلأ رح نحكي عن مواد الفصل الثاني :

⭐️الكيمياء العضوية 2:《 مع عملي 》:
■ دكاترة المقرر: د.محمد الناصر و د.فاتن الشب .
■الحضور : مفيد طبعًا
■المادة: رح ناخد فيها مجموعات كيميائية غير يلي اخدناها بالفصل الأول ورح ندرس تسميتها وخواصها الفيزيائية والكيميائية.
■العملي : مشابه لعملي العضوية ١

⭐️الكيمياء التحليلية 《 مع عملي 》
■ دكتور المادة: د.محمد معروف
■ الحضور: أنصح جدا، الدكتور بيجيب من شرحه كتير .
■المادة: رح ترافقنا بهالمادة : "المعايرة" وأنواعها واستخداماتها ، وتفاعلات حمض أساس
و أنواع التراكيز متل << التركيز المولاري والمولالي والخ...>>
و أهم شيء نحفظ القوانين وتطبيقاتها ونركز الحكي النظري وامورنا بإذن الله بالسليم 🔥
■العملي : رح تتعرفوا على طرق التحليل الكيفي والكمي
وتعملوا معايرات وحسابات ضمن المخبر  

⭐️الصيدلانيات 2 《 مع عملي 》
■دكاترة المقرر: د.لمى الهوشي و د.سالي داغر
■ الحضور: الدكتورتين شرحهم رائع جدا و ممتع بالأخص قسم الدكتورة لمى لا تفوتولها ولا محاضرة
■ المادة : قسم د.لمى بيعتمد عالفهم بيحكي عن الانسيابية والمستحلبات والمعلقات
اما قسم د.سالي بيعتمد عالبصم بيحكي عن الشرابات والقطورات العينية والمحضرات الزرقية.
■ العملي : أيضا رديف للنظري
رح تحضروا كريمات ومستحلبات ومعلقات.

⭐️العقاقير :《 مع عملي 》
■دكتورة المادة : الدكتورة عزيزة يوسف .
■الحضور: صراحة المادة بصمية ولكن الدكتورة كانت مدققة ع موضوع الحضور والتفقد
■ المادة : بتحكي عن النباتات الطبية يلي منستخرج منها بعض المواد الفعالة لبعض الادوية والتأثير الفيزيولوجي لكل نبات و القسم المستعمل من النبات و طريقة جني النبات ووقت الجني الأمثل 🤗 ...
■ العملي : رح نشوف تحت المجهر النباتات وندرسهم ونميز العناصر التشخيصية المميزة لكل نبات 🌱


⭐️الكيمياء الحيوية 1 《 مع عملي 》
■ دكاترة المقرر: د.محمد ايمن عوامة و د.راما ابراهيم .
■الحضور : الشرح اكثر من ممتاز
■ المادة : رح نتعرف على المواد الداخلة بتركيب الجسم الحي
قسم د.راما بيحكي عن الانزيمات والفيتامينات والليبيدات ،معلومات هالقسم مهمة جدًّا للفحص وللسنين القادمة " على حكي طلاب أكبر مننا"
قسم د.أيمن بيحكي عن الأحماض الامينية والبروتينات والسكريات وتحلل السكر وحلقة كريبس والسلسلة التنفسية
■ العملي :عبارة عن الكشف عن أحماض امينية و بروتينات .

⭐️انكليزي 4 :
■الدكتورة : ميس سلهب.
■ هون مختلف شوي عن الإنكليزي 3 ف الإنكليزي 4  عبارة عن نصوص ومصطلحات فقط يعني مافي قواعد متل الفصل الاول.

#Med_Help 💙✨️
@MedHelpForPreYears

#متفرقات 🤓

👈🏻كل المواد مؤتمتة .


👈🏻كل مادة الها عملي فبيكون ٧٠ للنظري و ٣٠ للعملي .

👈🏻وهون صار العملي داخل بالمعدل فبدكن تركزوا عليه وما تهملوه أبدًا.
لا تهملوا العملي
عملي لا تهملوا 👀

👈🏻العملي يومين بالأسبوع وأسبوع اي وأسبوع لأ  ،والنقل مع بديل حصرًا

👈🏻النظري يومين بالأسبوع،  كل أسبوع في نظري .
" هيك كانو السنة الماضية "

👈🏻بالنسبة لمصادر الدراسة : عندكم أساسية الدكاترة أو محاضرات الفرق: فريق دريم وفريق النجاح
بكرا مع بداية الفصل بينزلوا عينات Pdf مع الأسلوب يلي ترتاحوا معه كملوا .

👈🏻تابعوا دراستكم من بداية الفصل ولو عالخفيف بترتاحوا من زنقة شهر الفحص و تفرحوا بالمعدل بنهاية السنة إن شاء الله ❤️

موفقييين جميعًا والسلام 🌸

#Med_Help 💙✨️
@MedHelpForPreYears

السلام عليكم ورحمة الله جميعًا 🩷🌱

🔹️يقدّم لكم فريق #Med_Help الغروب الرسمي الخاص بالفريق لمساعدة الدفعة العاشرة 🔥

🔹️نرجو منكم إرسال رابط الغروب لكل من تعرفونه يودّ التسجيل في السنة التحضيرية، فـ الدّال على الخير كفاعلِه 🌿

🔹️رابط الغروب:
•https://www.facebook.com/share/g/QPKpKWVpohmpjs4v/?mibextid=A7sQZp

نسأل الله التوفيق للجميع 🙏🏻🌸

#Med_Help 💙✨️
@MedHelpForPreYears

صدر التقويم الجامعي ويبدأ الدوام بـ ١٥/٩.

- هالقرار مين بيشمل ⁉️.
بيشمل السنوات ٣ وطالع ( يعني مابيمشل الطلاب يلي حيصيروا سنة ٢ بالطبيات )

بالنسبة للطلاب يلي خلصوا تحضيرية ورايحين للفرز ،فداومهم دوما عم بكون بشهر ١١ تقريبا أو نصف العاشر ،المهم غم يتأخر ، لأنو عملية الفرز وما إلى ذلك بتطول.

فريحوا راسكم حاليا بالنسبة الكم مافي دوام 💆🏻‍♂️.

بس في شغلة ،أنو مع الأسف صح ماعندكم دوام بس فحصكم بكون بنفس توقيت فحص باقي السنوات ، يعني هاد الوقت يلي عم يضيع ،رح يضيع من عندكم..

لهيك رح حاول قدر الإمكان وضحلكم ايمت وكيف تبلشوا ع قناة السنة الثانية :
• https://t.me/Ah_Med_Anatomy

حاليا ارتاحوا وكملوا عطلتكم وفرغوا طاقتكم ،موفقين يارب 🥰.

📌 بالنسبة للطلاب يلي صارو سنة تالتة بشري بذكركم بقناة تشريح العصبية :
• https://t.me/Ah_med_Practicle_Anatomy

- د.أحمد فوّاز.

@Ah_Med_Anatomy 🤍

السلام عليكم 🌸
بري 10 الأعزاء😁❤️
يسعد أوقاتكم يا رب 🤍
من الأخير و بدون طول مُقدّمات 🙅🏻‍♀
حبينا نكشف الستارة عن أولى المفاجآت يلي مجهزها إلكم فريق Med Help ✨
و هلأ رح نترككم مع مواضيع السلسلة التعريفية الشاملة يلي تنزل على هاد الغروب قريبًا جدًا بإذن الله ⏳

لا تنسوا تعملوا دعوة لرفقاتكم لأنّهُ ينتظركم و إياهم الكثير من الخير و الفائدة بإذن الله🫡❤️

رابط غروب فريق med help التطوعيّ الخاص بـ pre 10 على فيسبوك:
https://www.facebook.com/share/g/QPKpKWVpohmpjs4v/?mibextid=A7sQZp


@MedHelpForPreYears

تم تعديل الرسالة و إضافة بوست عن بشري البعث

لا تنسونا من صالح دعائكم❤️

@MedHelpForPreYears

📣أخبار الصباح

■↖️ رفع رسوم التعليم الموازي بنسبة 100 %
↖️↖️السنة التحضيرية مليونين و 400 ألف

ك طالب بري 9⃣
أنت بتبقى عم تدفع عالسعر القديم يلي هو مليون و ٢٠٠ ألف
ك طالب بري 🔟
للأسف بدك تدفع عالسعر الجديد

بالتوفيق

#MED_HELP
@MedHelpForPreYears

لطلاب Pre_10 ( الطلاب المقبلين على السنة التحضيرية - الدفعة العاشرة ).

الغروبات الرسمية والقنوات التابعة لـ Med Help والخاصة بكم.

📝 غروب الفيسبوك:
https://www.facebook.com/share/g/QPKpKWVpohmpjs4v/?mibextid=A7sQZp

📝 غروب التلغرام:
https://t.me/+P-DoVb8DW9VmZDY0

📝 قناة التلغرام:
https://t.me/MedHelpForPreYears

بالتوفيق يارب 💜✨.

تعلن وزارة التعليم العالي والبحث العلمي مفاضلة الفرز لطلاب السنة التحضيرية للعام الدراسي 2023_2024

🔥تقدم الطلبات خلال الفترة من 3-9-2024 ولغاية 12-9-2024


#MED_HELP
@MedHelpForPreYears

🎉أهم المعلومات من الملف:

● اقرأ الملف كله لأن المعلومة يلي أنا بشوفها عادية ممكن تكون جديدة بالنسبة الك

● الالتزام ببلش بعد ما تخلص اختصاص ....يعني بعد ما تخلص اختصاص ببلش العد بال 10 سنين تبع الالتزام وليس الاختصاص ضمنه

● تقدم الطلبات خلال الفترة من 3-9-2024 ولغاية 12-9-2024
يعني هلق ما فيك تسجل ل 3 الشهر
لا حدا يرابط عالموقع من هلق

● رابط موقع المفاضلة ( www.mof.sy )

■ فكرة خارجية :
دفع السلفة بأي بنك أو سيرياتيل كاش يلي هو أسهل
ولو طلعت عام و بدك تسترد السلفة
خلال السنة الجامعة بتنزل إعلان سحب سلفة
بتاخدها من المكتب بالجامعة

#MED_HELP
@MedHelpForPreYears