💭 تحرير الرنا

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

كتار عم يخربطو بالتعديلات يلي بتصير على الرنا المرسال ، بعد هالبوست ما رح نضيع فيهم ان شاء الله 😌🔥

🔷 إضافة القلنسوة :
1⃣ متى بنضيفها ؟
أثنااااء عملية الانتساخ ، وذكر الكتاب ان طول الرنا بيكون لسا 30 نكليوتيد فقط .

2⃣ شو وظيفتها ؟
الحماية من انزيمات النكلياز ( يلي شغلتها انها تدرك الرنا ) + بترتبط فيها بعض البروتينات حتمرق معنا بالفصل السادس

3⃣ كيف بنضيفها ؟
ثلاث خطوات ، وكل خطوة مسؤول عنها انزيم :

🔸 الخطوة الأولى مسؤول عنها انزيم اسمو Guanylyl Transferase ، من اسمو بياخد GTP وبياخد الغوانين منو وبيحطو على النكليوتيد الأول برابطة مميزة هية رابطة ثنائية الاستر 5'-5'

🔸 الخطوة التانية مسؤول عنها انزيم اسمو Guanine -7- mythyl transferase ، كمان من اسمو بياخد ميتيل وبيحطو عالكربون رقم 7 من الغوانين .

🔸الخطوة التالتة مسؤول عنها انزيم اسمو O methyl transferase ـ2' ، بيحط ميثيل على النكليوتيد يلي ارتبط فيه الغوانين .


🔷 إضافة الذيل :
1⃣ متى ؟
بعد ما يتم شطر الرنا عند موقع الشطر

2⃣ شو وظيفتو ؟
له وظيفتين ، بيزيد ثباتية الرنا ( يعني بيقلل تدركه ) + بيساعد خارج النواة

3⃣ كيف ؟
عن طريق خطوتين مسؤول عنهما انزيمين :
🔸 الخطوة الأولى مسؤول عنها انزيم من النوع Endonuclease بيشطر الرنا المرسال عند موقع الشطر

🔸 الخطوة التانية مسؤول عنها انزيم Ploy A ploymerase ، بيضيف الذيل عند موقع الشطر .


🔷 ازالة الانترونات ( التضفير )
1⃣ متى ؟
بعد الانتساخ وقبل الترجمة ( قبل ما يطلع الرنا من النواة )

2⃣ شو فائدته ؟
بيشيل الانترونات يلي ما رح تفيدني بالترجمة + بنستفاد منه بالتفضير البديل يلي بيعطنا بروتينات جديدة من نفس الجين

3⃣ كيف ؟
قبل ما نحكي كيف في عنا 3 مواقع مهمة بدنا نحكي عنها
💫 النهاية 5' للانترون يلي بترتبط مع للنهاية 3' للاكسون يلي قبله بتحتوي نكليوتيدين مصانين هنن GT ( وبتكون GU على الرنا )
💫 موقع التفرع قريب من النهاية 3' للانترون بيحوي نكليوتيد مصان هوة A
💫 النهاية 3' للانترون يلي بترتبط مع النهاية 5' للاكسون يلي بعده وفيها نكليوتيدين مصانين هنن AG

🔸 الخطوة الأولى بيرتبط U1 عند النهاية 5' للانترون و U2 عند موقع التفرع

🔸 الخطوة التانية بينشطر الانترون عند النهاية 5'

🔸 الخطوة التالتة بترتبط النهاية 5' للانترون عند موقع التفرع برابطة مميزة  هية رابطة فوسفورية ثنائية الاستر 5'-2'

🔸 الخطوة الرابعة بتنشطر النهاية 3' للانترون وبيتحرر الانترون

🔸 الخطوة الخامسة بنوصل بين الاكسونين يلي كان الانترون بيناتهم عن طريق انزيم الليغاز

⭐ كل العمليات التلاتة بتصير ضمن النواة
⭐ الرنا الناقل والريباسي بيخضعو للتضفير أيضاً ولكن بآليات مختلفة.

موفقين كتير ولا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

تذكرة ع السريع 🔥

🔹 شو هيي الرابطة فوسفاتية الاستر  ؟

هيي الرابطة يلي بين زمرة الفوسفات وبين هدروكسيل السكر الخماسي ، فمنسميها رابطة فوسفاتية الاستر.

🔹 طيب معناها شو هيي الرابطة الفوسفاتية ثنائية الاستر ؟
هيي زمرة فوسفات ارتبطت بهدروكسيلتين
يعني ارتبطت بسكرين خماسيين
شوفوا الصورة
الدائرة الزرقة هيي زمرة الفوسفات.
ارتبطت من فوق برابطة استيرية  ومن تحت برابطة استيرية.
فصارت عندنا رابطة فوسفاتية ثنائية الاستر .


🔸 بناءاً ع هالحكي صار عنا كالتالي 🔥

🔹 الرابطة بين نكيوتيد ونكليوتيد بعده هي فوسفاتية ثنائية الاستر .

🔹الرابطة بين السكر الخماسي وزمرة الفوسفات بنكليوتيد واحد هيي فوسفاتية الاستر.

🔹 الرابطة بين السكر الخماسي والأساس الآزوتي هيي رابطة غليكوزيدية.

موفقين كتيير 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 ملاحظات هامة جدا جدا جدا جدا 🔥

🔺 ترتيب عوامل الانتساخ في حقيقيات النوى :

وهي مجموعة في كلمة دب فيه ( DB FEH)

المراحل:

🔹 أولاً : TFII(D) اول عامل انتساخ يرتبط بالمحضض TATA لاحتوائه على بروتين رابط التاتا يدعى TBP  🔥🔥

🔹 يرتبط العاملان TFII(A) و TFII(B) الى منطقة المحضض ويتشكل معقد من ثلاث عوامل انتساخ ترتبط بالمحضض وهي TFIIDو TFIIA وTFIIB.

🔹 يرتبط العامل TFII(F) بالرنا بوليمراز 2 ثم يرتبطان سويا بالمقعد المتشكل على المحضض TATA.

🔸 يمتلك العامل TFII(F) القدرة على فصل طاقي الدنا  عند موقع بدء الانتساخ.

🔹 يرتبط العاملان TFII(H) و TFII(J) الى المعقد النهائي

🔸 ويمتلك العاملTFII(H) فعالية انزيم الهليكاز المفكك لطاقي الدنا امام الرنا بوليمراز في مرحلة الاطالة 🔥🔥

🔴 بالتالي :
💡في طور البدء يقوم TFII(F) بفك طاقي الدنا
💡في طور الاطالة يقوم TFII(H) بفك طاقي الدنا


#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 المحضضات التي يستخدمها RNA POL 2 عند الحقيقيات :

1⃣ صندوق TATA وهو TATAAAA موجود في المنطقة بين 20- و 40-.

2⃣ صندوق GC وهو GGGCGG موجود في المنطقة بين 40- و 60-.

3⃣ صندوق CAAT وهو GGCCAATCT موجود في المنطقة 80-.

4⃣ صندوق GC اخر وهو GGGCGG موجود في المنطقة 100-.

5⃣ صندوق الثمانية ATTTGCAT موجود في المنطقة بين 120- و 140-

💎 ملاحظة :
ماحدا يسأل اذا مطلوبين للحفظ🥲 ، يلي بدو ١٠٠ يحفظون 🔥
ركزوا ع  اسم الصندوق ووشو المنطقة يلي بيقع فيها.


#Genetics 🧬
#MG_Chapter_5
#Med_Help_Genetics
@MedHelpForPreYears

💫أصدقاء ميد هيلب

عدنا اليكم مع ملف
🔥🔥 دورة English 2024🔥🔥
إن أحسنا فمن الله وإن أخطأنا فمن أنفُسنا. ♥️
لا تنسونا من صالح دعائكم

ختامًا أُسرة ميد هيلب تتمنى لكم التوفيق والسداد 🙏🏻.

|| Good luck! 🥳🤍

#Med_Help 💙✨️
@MedHelpForPreYears

◾️ #الفصل_الخامس

🔴 أغلبكن بوقف عند هالفكرة وبيسأل عنها ويلي هي الانهاء عند البدائيات.

🔸 منعرف انو طور الإنهاء عند البدائيات بيحدث بطريقتين :

1⃣ الأولى تعتمد على العامل Rho.
2⃣ الثانية لا تعتمد على العامل Rho.

هاد الفيديو بيختصر فهم الطريقتين وإن شاءالله بتتوضح عندكم كامل الفكرة :

https://youtu.be/W69Bic9nVKA

لا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️ #الفصل_الخامس .

🔴 صورة تختصر الكثير 🔥

📌الطاق المرصاف = طاق غير مرمز = الطاق المنتَسَخ
📌الطاق غير المرصاف = طاق مرمز = الطاق غير المنتَسَخ


#Genetics 🧬
#MG_Chapter_5
#Med_Help_Genetics
@MedHelpForPreYears

#الوراثة 🧬
#الفصل_السادس

📌 خصائص الرامز الوراثي :🔥

◾يتالف من 3 نوكليوتيدات (شيفرة) التي ترمز لحمض اميني واحد.

◾غير متداخل.

◾لا يحوي فواصل بين كل شيفرة واخرة تليها.

◾متعدد :  يعني الحمض الأميني الواحد ممكن يجي من أكتر من رامزة وراثية ( يعني الأرجنين بيقدر يجي من CGC و CGU و CGA و CGG )
بينما كل واحد من هالروامز مابتقدر تعطي الا أرجنين فقط لاغير.

◾️غير ملتبس : يعني الرامز الوراثي الواحد بيقدر يعطيني فقط حمض أميني واحد ( يعني مثلاً CGC بيعطي فقط الأرجينين ..).

◾مرتب ومنظم

◾روامز البدء AUG / روامز الانتهاء UAA, UAG, UGA

◾الرامز الوراثي عام : اي الشيفرة الوارثية تعطي نفس الحمض الاميني في كل المخلوقات (تقريبا).

🔴 ملاحظة : رامز البدء AUG يتم ترجمته الى حمض اميني.
اما روامز التوقف UAA, UAG, UGA لا يتم ترجمتها.

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔴 تجميعة ملاحظات سريعة 🔥

◾️ بدائيات النوى:

   🔸 الريباسة : حجمها (70S) ووزنها الجزيئي 2.5 مليون دالتون بأبعاد 25×20 نانومتر
عبارة عن وحيدتين :

✨الوحيدة الصغيرة حجما (30s) ⬅️ بتحتوي على :
رنا ريباسيي (16S) مع 21 عديد ببتيد مختلف

✨الوحيدة الكبيرة حجما (50S) ⬅️ بتحتوي على :
جزيئين رنا ريباسي(5S) و (23S) مع 31 عديد ببتيد .

🔹 وتحتوي الريباسة  على جزيء رنا ناقل tRNA حجمه (4S) وطولها بين 70 و 95 نكليوتيد.

◾️حقيقيات النوى:

الريباسة  حجما (80S) عبارة عن وحيدتين :

✨الوحيدة الصغيرة : حجما (40S) ⬅️ بتحتوي على :
رنا ريباسي (18S) إضافة إلى  33 عديد ببتيد.

✨الوحيدة الكبيرة : حجما 60S ⬅️ بتحتوي على :
3 جزيئات رنا ريباسي (5S) و (5.8S) و (28S) إضافة إلى 49 عديد ببتيد.

🔸واحفظوا أنو ريباسة المتقدرات والصانعات الخضراء في حقيقيات النوى حجما (60S)🙄


#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔸نحنا منعرف انو عديدات الببتيد مشان ماتضيع وقت تروح للعضية اللي بالخلية بتكون حاملة تتالي قصير من الأحماض الأمينية بوجّها وبيرشدا للمكان الصحيح ( بكون مرتبط هالتتالي يا أما عند النهاية الكربوكسيلية او النهاية الأمينية ) :

🔹البروتينات المفرزة : التتالي موجود عندا عند النهاية الأمينية بوجها إلى أغشية الشبكة الإندوبلازمية.

🔹البروتينات التي تستهدف المتقدرات والصانعات الخضراء : بكون التتالي القصير موجود  عند النهاية الأمينية.

🔹البروتينات النووية : بكون التتالي القصير موجود عند النهاية الكربوكسيلية.


كل التوفيق يا رب..
ولا تنسونا من صالح دعائكم 💜✨

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

وصلتنا أسئلة كتير نحفظ الروامز كل واحد شو بيعطي ولا لا ؟
لهيك جمعنالكم الروامز يلي لازم نحفظ دلالاتها 🔥

🔴#المجين_النووي:


🔹 الرامز : GAG => الحمض الغلوتامي
🔹 الرامز : GUG => الفالين
🔹الرامز : UUU => الفينيل الانين
🔹الرامز : UGG => التربتوفان
🔹الرامزان : AGG + AGA => الأرجينين

🔸 الرامز: AUG => الميثيونين ( رامز بدء )

🔺الرامز : UAA + UAG + UGA => روامز توقف

🔴#المجين_المتقدري:

🟢الروامز :  UAA + UAG + AGA + AGG => روامز توقف

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

طريقة سهلة جداً لحفظ أصناف الحموض الأمينية.🔥🔥

فيديو يحوي مسرحية جميلة لطيفة❤️🔥

◾️ رابط الفيديو :
https://youtu.be/Gh4U3iA7AUc

لاتنسونا من الدعاء 💜✨

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔴 التثفل "سڤيدبيرغ" 🔥

نُلاحظ ترسّب المواد الأكبر قبل المواد الأصغر.

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔴 التثفل "سڤيدبيرغ" 🔥


#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔴 فروقات طور بدء الترجمة عند بدائيات وحقيقيات النوى..🔥

#Genetics 🧬
#MG_Chapter_6
#Med_Help_Genetics
@MedHelpForPreYears

#Genetics 🧬
#MG_Chapter_6
#Med_Help_Genetics
@MedHelpForPreYears

#الفصل_التاسع

🔴#سؤال_مكرر 🔥🔥

رح نحكي عن الفرق بين #عائلة_الجينات و #طائفة_الجينات

بدايةً رح نضع مثال يوضح الفكرة :
فرضاً رحنا مشوار على ضيعة،هالضيعة لساتن على نظام الطوائف
فالطائفة هدفن تطوير القرية، كل مجموعة افراد بتأدي نفس الوظيفة
مجموعة الافراد سميتها عائلة
يعني الطائفة عندن وظيفة معينة وهي حماية القرية وكل عائلة ضمن هالطائفة عملت وظيفة محددة كجزء من الوظيفة الكاملة
طيب فهمت هالحكي 😁
كيف منعمل إسقاط لهاد الحكي على مستوى الجينات؟🥺
◀ مجموعة جينات تكون بعض من تسلسلاتها النكليوتيدية متشابهة بين بعضها فأطلقنا عليها اسم عائلة الجينات 
بس انتبه تسلسلات الجينات ليست متطابقة، وإنما تمتلك تسلسل مشترك من التسلسل كامل وكل هالجينات بتعمل نفس الوظيفة
مثال بروتينات الهيستونات ما بتترمز من جين واحدة فقط وإنما عدة جينات بيتشاركو مع بعض سميتن عائلة وحدة لأنو بروتينات الهستونات وظيفتها واحدة ألا وهي رزم شريط الدنا لتكوين ليف الكروماتين 30 nm
مثال آخر عائلة جينات الفا غلوبين بتعمل وظيفة وحدة +عائلة جينات بيتا غلوبين الها وظيفة وحدة لكن مختلفة عن الفا

◀ مجموعة جينات لا تملك تشابه كبير بين تسلسلاتها النكليوتيدية وبالتالي تؤدي إلى وظائف متكاملة أي مرتبطة ببعضها وليست نفس الوظيفة، فأطلقنا عليها اسم طائفة الجينات
(يعني اذا شفنا تشابه كبير اسما عائلة اما تشابه صغير كتير فهي طائفة، والطائفة بتضم عدة عائلات)
مثال عن الطائفة: طائفة الغلوبولينات المناعية وهي اجتماع لعائلة الفا غلوبين و عائلة بيتا غلوبين وعائلات أخرى كلها تندرج تحت اسم الطائفة وكل عائلة تقوم بفعل معين يساهم في تكوين الوظيفة الرئيسية وهي المناعة

◀ في جملة بالكتاب مو واضحة لأغلبكن وكتير انسألنا عنا ألا وهي..
((طائفة الغلوبولينات المناعية تملك ميادين مشابهة لتلك الموجودة في الغلوبولينات المناعية ولكنها تختلف عنا بوظيفتها المتمثلة في ارتباط الخلايا مع بعضها وتمييزها بعضها لبعض))
الفكرة هون انو طائفة Ig هي عدة عائلات غلوبولينات مناعية
هلأ العائلة تمتلك تسلسلسلات متشابهة بس اذا ركزنا الرؤية وشفنا الموضوع من ناحية أكبر لاحظنا انو الطائفة اكيد بتتشابه مع العائلات بضمنها لهيك عم تأدي وظيفة كاملة
يعني وظيفة طائفة الغلوبولينات هي التعرف والالتصاق بين الخلايا،وضمن هالطائفة في مجموعة عائلات، كل عائلة عندها جزء من الوظائف
ان شاء الله تكون وضحت الفكرة 🙏

#Genetics 🧬
#MG_Chapter_9
#Med_Help_Genetics
@MedHelpForPreYears

#الفصل_التاسع

🔴 الجينات الكاذبة :

عنا جين ما على أحد الصبغيات ورمز بروتين معين وساهم بوظيفة معينة 
فمعنى هاد الحكي انو الجين وظيفي..

ممكن نتيجة خطأ بتضاعف الدنا وعدم إصلاحه ينتج تسلسلات تانية متشابهة بجزء أو تسلسل كامل للجين المدروس
كيف يعني؟
ببساطة الجين الكاذب ممكن ينقصو انترون او اكسون او اكتر، وإما يكون لديه عيب بالمحضض تبعو او عدة اختلافات أخرى...
وممكن تكون موجودة على صبغيات مختلفة
لكن هي التسلسلات لا تنتسخ او ممكن تنتسخ ولا تعطي منتج بروتيني او حتى تعطي بروتين غير وظيفي

بعض الجينات الكاذبة ممكن تؤدي دور إلى تنظيم التعبير الجيني
مثال: جين XIST (انذكر مسبقاً بالفصل 7) موجود على الصبغيين X عند الانثى،
عندما يُنتسخ الى رنا مرسال ولكن لا يترجم الى بروتين، مما أدى إلى تراكم الرنا فوق الصبغي وبالنهاية تثبيط الصبغي

إن شاء الله تكون وضحت 🙏

#Genetics 🧬
#MG_Chapter_9
#Med_Help_Genetics
@MedHelpForPreYears

#الفصل_التاسع

    🛑 تجميعات أرقام في الفصل التاسع 🛑

🔴 المجين النووي والمتقدري :

🔷 عدد الجينات :

🔺 يتكون المجين البشري النووي من نحو 26000 جين.
🔺 بينما يحتوي المجين المتقدري 37 جين ، 28 جين في الطاق الثقيل و 9 جينات في الطاق الخفيف.
🔥 ورد في موضع آخر في الفصل : يحوي المجين البشري 20500 جين والعدد مرشّح لتخطي الـ 30000جين.

🔷 طول المجين :

🔺 يبلغ طول المجين البشري النووي 3000Mb تتوزع في 23 أو 24 صبغي.
🔺 يبلغ طول المجين المتقدري 16.6 كيلو من شفع الأسس.

🔷 تتوزع جينات الدنا المتقدري إلى:

🔺 الرنا الناقل tRNA له 22 جين
🔺 الرنا الريباسي rRNA له جينتان
🔺 الرنا المرسال mRNA له 13 جين

🔷 يحوي الدنا المتقدري على 60 رامزاً ترمز لأحماض أمينية و 4 روامز توقف هم :

🔺الرامز AGA
🔺الرامز AGG
🔺الرامز UAG
🔺الرامز UAA

🔷 يشكل التسلسل المرمز للبروتين 1.5% من المجين البشري.

🔷 يتوضع بين الطاقين الثقيل والخفيف في الصبغي المتقدري شدفة (7s DNA).

🔷 يَكثر الكروماتين المُغاير في الصبغيات 1 ، 9 ، 16 ، 19 والصبغيات 13 ، 14 ، 15 ، 21 ، 22 ، Y


🔴 بعض الجينات :

🔸 الجينات المرمزة لمعقد التوافق النسيجي تتراكب على الذراع القصير للصبغي 6.

🔸 تتوضع الجينات OGMP, EVI2B, EVI2A في الإنترون 27b من الجين NF1.

🔸 تتألف جين الأنسولين من ثلاثة إكسونات وإنترونين .

🔸 تتألف سلف طليعة الأنسولين من 110 حمض أميني.

🔸 تتوضع الجين  NF1 على الصبغي 17 وتتألف من 60 إكسون.



🔴 انواع الرنا :

🔷 يزداد تعداد جينات الرنا عن 6000 جين.

🔷 الرنا الناقل طوله بين 70 و 80 نوكليوتيد.

🔷 الرنا الريباسي طوله بين 125 و 5000 نوكليوتيد.

🔷 الرنا النووي الصغير طوله بين 60 و 360 نوكليوتيد.

🔷 الرنا النويي الصغير طوله بين 60 و300 نوكليوتيد.

🔷 الرنا المكروي طوله نحو 22 نوكليوتيد.

🔷 الرنا PiRNA يتراوح طوله بين 24 و 31 نوكليوتيد.

🔷 الرنا التداخلي الصغير داخلي المنشأ طوله بين 21 و 22 نوكليوتيد.

🔷 الرنا غير المرمز الطويل طوله 1000 نوكليوتيد.



🔴 التتاليات المتكررة :

🔷 تتاليات الدنا المتكررة يتراوح طولها بين 2 و 200 نوكليوتيد.

🔷 نسب العناصر الانتقالية في المجين البشري:
🔺 تتاليات LINEs نسبتها 21%
🔺 تتاليات SINEs نسبتها 13%
🔺 تتاليات LTR Elements نسبتها 8%
🔺 تتاليات DNA Elements نسبتها 3%

#Genetics 🧬
#MG_Chapter_9
#Med_Help_Genetics
@MedHelpForPreYears