🔮 صورة توضح التجربة 🔮

#Genetics 🧬
#MG_Chapter_4
#Med_Help_Genetics
@MedHelpForPreYears

🔷 خلاصة تجربة ستاهل وميسيلسون:

🔺الجيل صفر يحوي N15 بكل انواع التنسخ

🔺التنسخ نصف المحافظ:
#الجيل_الأول: عصابة واحدة N14/N15

#الجيل_الثاني_وكل_الأجيال_بعده: عصابتينN14/N15 و N14/N14

🔺التنسخ المحافظ: كل الاجيال عصابتين N15/N15 و N14/ N14

🔺التنسخ المبعثر: كل الأجيال عصابة واحدة تحوي قطع مبعثرة من N15 و N14

بالتوفيق يارب ❤️✨

#Genetics🧬
#MG_Chapter_4
#Med_Help_Genetics
@MedHelpForPreYears

مساء الخير 👀♥️

بعد ما خلصنا دراسة مقررنا لليوم، شو أهم شي نساويه ؟
طبعًا نحل الدورات الوزارية..

وهلأ بدكم تعيرونا انتباهكم  شوي 🤏🏻😁

👈🏻بالنسبة لنوطة الدورات يلي نشرناها ضمن الفصل، فـ نحن جمعنا تصويباتها وعدلناهم بنوطة جديدة رح ننشرها على القناة اليوم بإذن الله.

↩️يعني النوطة الجديدة يلي رح ننشرها هي مدققة و #مصوبة وخالية من الأخطاء إن شاء الله.

👈🏻وكمان رح ننزل رسالة #تصويبات النوطة #القديمة مشان الطلاب يلي طبعتها ورقي .

وفقط ..
بالتوفيق 🤍

#Genetics 🧬
#Med_Help_Genetics
@MedHelpForPreYears

🟣تصويبات نوطة الوراثة

الصفحة 22:

* السؤال: 3
* الخطأ: B
* التصويب: C

الصفحة 24:

* السؤال: 3
* الخطأ: تعديل الاختيار C
* التصويب: تعديل الخيار c لـ عديدة العوامل والجواب الصحيح C

الصفحة 25:

* السؤال: 4
* الخطأ: B
* التصويب: C

الصفحة 46:

* السؤال: 10
* الخطأ: C
* التصويب: B

الصفحة 48:

* السؤال: 5
* الخطأ: صيغة التسلسل والجواب B
* التصويب: الجواب الصحيح C و تعديل الصيغة لـ
3'ACGT....CAG5'

الصفحة 49:

* السؤال: 4
* الخطأ: صيغة السؤال
* التصويب: تغيير الصيغة لـ كل ما يلي صحيح حول تقابل الاسس الازوتية عدا

الصفحة 55:

* السؤال: 5
* الخطأ: C
* التصويب: A

الصفحة 55:

* السؤال: 5
* الخطأ: C
* التصويب: A

الصفحة 56:

* السؤال: 1
* الخطأ: B
* التصويب: C

الصفحة 65:

* السؤال: 3
* الخطأ: A
* التصويب: D

الصفحة 73:

* السؤال: 3
* الخطأ: B
* التصويب: C

الصفحة 77:

* السؤال: 2
* الخطأ: B
* التصويب: C

الصفحة 95:

* السؤال: 5
* الخطأ: صيغة السؤال
* التصويب: حذف عبارة "ماعدا" وتعديل الجواب ليصبح B

الصفحة 96:

* السؤال: 7
* الخطأ: A
* التصويب: D

الصفحة 100:

* السؤال: 2
* الخطأ: C
* التصويب: B

الصفحة 109:

* السؤال: 6
* الخطأ: خطأ بتنسيق السؤال
* التصويب: تعديله فقط

الصفحة 110:

* السؤال: 6
* الخطأ: B
* التصويب: D حسب د.معتصم

الصفحة 113:

* السؤال: 11
* الخطأ: D
* التصويب: B

الصفحة 123:

* السؤال: 9
* الخطأ: صيغة السؤال
* التصويب: حذف عبارة " ماعدا"

الصفحة 137:

* السؤال: 1
* الخطأ: D
* التصويب: C

الصفحة 144:

* السؤال: 3
* الخطأ: B
* التصويب: C

الصفحة 165:

* السؤال: 12
* الخطأ: B
* التصويب: حذف كلمة "ماعدا" والجواب C

الصفحة 169:

* السؤال: 2
* الخطأ: C
* التصويب: B

الصفحة 178:

* السؤال: 6
* الخطأ: D
* التصويب: B

الصفحة 184:

* السؤال: 4
* الخطأ: D
* التصويب: A

🟣رابط النوطة التي تحتاج هذه التصويبات:
https://t.me/MedHelpForPreYears/12908

بالتوفيق يا رب 💜🌿

#Genetics 🧬
#Med_Help_Genetics
@MedHelpForPreYears

يقدم لكم فريق  MED HELP ملف أسئلة الدورات الوزارية النظامية #المعدل لمادة الوراثة 💜🧬

💟من مزايا هذه النوطة :

🔹تحوي على أسئلة الدورات من عام ٢٠١٧ لعام ٢٠٢٣ .

🔹الأسئلة مقسّمة حسب الفصول وكل فصل مقسّم حسب السنوات .

👈🏻 فبالتالي مقسمة في آنٍ معًا حسب الفصول والسنوات.

🔹الأسئلة وزارية نظامية مع الحل والتوضيح من الكتاب .

🔹️فيها فصل الأسئلة عن الأجوبة لتتمكنوا من اختبار دراستكم بها بسهولة.

⚠️التصويبات:
https://t.me/MedHelpForPreYears/13651

بالتوفيق يا رب ولا تنسونا من طِيب دعائكم 💜🌸.

#Genetics 🧬
#Med_Help_Genetics
@MedHelpForPreYears

يسعد صباحكم بكل خير يارب 🤍✨

مع أضخم المواد وأمتعها 😶‍🌫👀
مكملين معكم مع ثاني أيام الوراثة الطبيّة، وحسب برنامجنا اللطيف علينا إنهاء الفصول [ 5 + 6 + 9 ] إن شاء الله 🧬.

🌱 مصادر دراستنا هي كالتالي:

👈🏻 الفصلين 5 + 6:
   • فيديوهات الدكتور أحمد فوّاز.

👈🏻 الفصل 9:
    • فيديو الدكتور مروان الحلبي.

🪄 الفيديوهات تجدونها في هذه الرسالة.

🌟رابط بوت الوراثة لاستقبال استفساراتكم العلمية بالمادة:
@MedHelpGenetics_bot

بشِّر فؤادك بالسرور، فإنّما الذي ترجوه بات قريبًا🌿

أبلغكم الله مراد قلوبكم🥰
بالتوفيق والسداد، ولاتنسونا من صالح دعائكم🤍✨

#Genetics 🧬
#Med_Help_Genetics
@MedHelpForPreYears

السلام عليكم 🤍🌸

صار الوقت نبدأ بفقرتكم المفضلة، فقرة التجميعات و البوستات يلي رح تسهّل عليكم بإذن الله كتير أفكار مهمة من #مادة_الوراثة 🧬.

بسم الله نبدأ 💫
موفقين يارب 🔥❤️.

#Genetics 🧬
#Med_Help_Genetics
@MedHelpForPreYears

◾️#الفصل_الخامس

شو هو تحرير الرنا وبشو بيفيد ؟ 🤔

🔷 هوة عملية تعديل على الرنا المرسال وليس الجين بعد أن يتم الانتساخ

🔷 شو التعديلات يلي بتتم ؟
ذكرلنا الكتاب تعديلين :
1⃣ تعديل على بنى الأسس الآزوتية ، بالتالي تغيير هي الأسس
2⃣ إضافة أو حذف نكليوتيد اليوراسيل

🔷 رح نضرب مثال ب Apolipoprotein-B ونتبع مع الصورة المرفقة :
🔺 بدايةً ، الجين المرمزة لهاد البروتين بتكون موجودة بالكروماتين الحقيقي لخلايا الكبد والأمعاء
( لاحظ أن الجين نفسها نفسها بالخليتين )

🔺 بعدها بيصير انتساخ لهي الجين بكل من الخليتين ، والرنا المرسال الناتج أيضاً نفسه بالخليتين

🔺 بعدها بيتم التعديل على الرنا المرسال يلي بخلية الأمعاء وتغيير نكليوتيد من C ل U ليتشكل رامز توقف ، بينما الخلية الكبدية ما بصير عليها هاد التعديل

🔺 بعدها بيصير ترجمة للرنا المرسال ،
بالخلية الكبدية بتستمر الترجمة ، بينما بالخلية المعوية بتتوقف الترجمة عند منتصف الرنا بسبب وجود رامز توقف

🔺 البروتين الناتج بالكبد طلع أطول من البروتين الناتج بالأمعاء

#Genetics 🧬
#MG_Chapter_5
#Med_Help_Genetics
@MedHelpForPreYears

💭 تحرير الرنا

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

كتار عم يخربطو بالتعديلات يلي بتصير على الرنا المرسال ، بعد هالبوست ما رح نضيع فيهم ان شاء الله 😌🔥

🔷 إضافة القلنسوة :
1⃣ متى بنضيفها ؟
أثنااااء عملية الانتساخ ، وذكر الكتاب ان طول الرنا بيكون لسا 30 نكليوتيد فقط .

2⃣ شو وظيفتها ؟
الحماية من انزيمات النكلياز ( يلي شغلتها انها تدرك الرنا ) + بترتبط فيها بعض البروتينات حتمرق معنا بالفصل السادس

3⃣ كيف بنضيفها ؟
ثلاث خطوات ، وكل خطوة مسؤول عنها انزيم :

🔸 الخطوة الأولى مسؤول عنها انزيم اسمو Guanylyl Transferase ، من اسمو بياخد GTP وبياخد الغوانين منو وبيحطو على النكليوتيد الأول برابطة مميزة هية رابطة ثنائية الاستر 5'-5'

🔸 الخطوة التانية مسؤول عنها انزيم اسمو Guanine -7- mythyl transferase ، كمان من اسمو بياخد ميتيل وبيحطو عالكربون رقم 7 من الغوانين .

🔸الخطوة التالتة مسؤول عنها انزيم اسمو O methyl transferase ـ2' ، بيحط ميثيل على النكليوتيد يلي ارتبط فيه الغوانين .


🔷 إضافة الذيل :
1⃣ متى ؟
بعد ما يتم شطر الرنا عند موقع الشطر

2⃣ شو وظيفتو ؟
له وظيفتين ، بيزيد ثباتية الرنا ( يعني بيقلل تدركه ) + بيساعد خارج النواة

3⃣ كيف ؟
عن طريق خطوتين مسؤول عنهما انزيمين :
🔸 الخطوة الأولى مسؤول عنها انزيم من النوع Endonuclease بيشطر الرنا المرسال عند موقع الشطر

🔸 الخطوة التانية مسؤول عنها انزيم Ploy A ploymerase ، بيضيف الذيل عند موقع الشطر .


🔷 ازالة الانترونات ( التضفير )
1⃣ متى ؟
بعد الانتساخ وقبل الترجمة ( قبل ما يطلع الرنا من النواة )

2⃣ شو فائدته ؟
بيشيل الانترونات يلي ما رح تفيدني بالترجمة + بنستفاد منه بالتفضير البديل يلي بيعطنا بروتينات جديدة من نفس الجين

3⃣ كيف ؟
قبل ما نحكي كيف في عنا 3 مواقع مهمة بدنا نحكي عنها
💫 النهاية 5' للانترون يلي بترتبط مع للنهاية 3' للاكسون يلي قبله بتحتوي نكليوتيدين مصانين هنن GT ( وبتكون GU على الرنا )
💫 موقع التفرع قريب من النهاية 3' للانترون بيحوي نكليوتيد مصان هوة A
💫 النهاية 3' للانترون يلي بترتبط مع النهاية 5' للاكسون يلي بعده وفيها نكليوتيدين مصانين هنن AG

🔸 الخطوة الأولى بيرتبط U1 عند النهاية 5' للانترون و U2 عند موقع التفرع

🔸 الخطوة التانية بينشطر الانترون عند النهاية 5'

🔸 الخطوة التالتة بترتبط النهاية 5' للانترون عند موقع التفرع برابطة مميزة  هية رابطة فوسفورية ثنائية الاستر 5'-2'

🔸 الخطوة الرابعة بتنشطر النهاية 3' للانترون وبيتحرر الانترون

🔸 الخطوة الخامسة بنوصل بين الاكسونين يلي كان الانترون بيناتهم عن طريق انزيم الليغاز

⭐ كل العمليات التلاتة بتصير ضمن النواة
⭐ الرنا الناقل والريباسي بيخضعو للتضفير أيضاً ولكن بآليات مختلفة.

موفقين كتير ولا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

تذكرة ع السريع 🔥

🔹 شو هيي الرابطة فوسفاتية الاستر  ؟

هيي الرابطة يلي بين زمرة الفوسفات وبين هدروكسيل السكر الخماسي ، فمنسميها رابطة فوسفاتية الاستر.

🔹 طيب معناها شو هيي الرابطة الفوسفاتية ثنائية الاستر ؟
هيي زمرة فوسفات ارتبطت بهدروكسيلتين
يعني ارتبطت بسكرين خماسيين
شوفوا الصورة
الدائرة الزرقة هيي زمرة الفوسفات.
ارتبطت من فوق برابطة استيرية  ومن تحت برابطة استيرية.
فصارت عندنا رابطة فوسفاتية ثنائية الاستر .


🔸 بناءاً ع هالحكي صار عنا كالتالي 🔥

🔹 الرابطة بين نكيوتيد ونكليوتيد بعده هي فوسفاتية ثنائية الاستر .

🔹الرابطة بين السكر الخماسي وزمرة الفوسفات بنكليوتيد واحد هيي فوسفاتية الاستر.

🔹 الرابطة بين السكر الخماسي والأساس الآزوتي هيي رابطة غليكوزيدية.

موفقين كتيير 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 ملاحظات هامة جدا جدا جدا جدا 🔥

🔺 ترتيب عوامل الانتساخ في حقيقيات النوى :

وهي مجموعة في كلمة دب فيه ( DB FEH)

المراحل:

🔹 أولاً : TFII(D) اول عامل انتساخ يرتبط بالمحضض TATA لاحتوائه على بروتين رابط التاتا يدعى TBP  🔥🔥

🔹 يرتبط العاملان TFII(A) و TFII(B) الى منطقة المحضض ويتشكل معقد من ثلاث عوامل انتساخ ترتبط بالمحضض وهي TFIIDو TFIIA وTFIIB.

🔹 يرتبط العامل TFII(F) بالرنا بوليمراز 2 ثم يرتبطان سويا بالمقعد المتشكل على المحضض TATA.

🔸 يمتلك العامل TFII(F) القدرة على فصل طاقي الدنا  عند موقع بدء الانتساخ.

🔹 يرتبط العاملان TFII(H) و TFII(J) الى المعقد النهائي

🔸 ويمتلك العاملTFII(H) فعالية انزيم الهليكاز المفكك لطاقي الدنا امام الرنا بوليمراز في مرحلة الاطالة 🔥🔥

🔴 بالتالي :
💡في طور البدء يقوم TFII(F) بفك طاقي الدنا
💡في طور الاطالة يقوم TFII(H) بفك طاقي الدنا


#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 المحضضات التي يستخدمها RNA POL 2 عند الحقيقيات :

1⃣ صندوق TATA وهو TATAAAA موجود في المنطقة بين 20- و 40-.

2⃣ صندوق GC وهو GGGCGG موجود في المنطقة بين 40- و 60-.

3⃣ صندوق CAAT وهو GGCCAATCT موجود في المنطقة 80-.

4⃣ صندوق GC اخر وهو GGGCGG موجود في المنطقة 100-.

5⃣ صندوق الثمانية ATTTGCAT موجود في المنطقة بين 120- و 140-

💎 ملاحظة :
ماحدا يسأل اذا مطلوبين للحفظ🥲 ، يلي بدو ١٠٠ يحفظون 🔥
ركزوا ع  اسم الصندوق ووشو المنطقة يلي بيقع فيها.


#Genetics 🧬
#MG_Chapter_5
#Med_Help_Genetics
@MedHelpForPreYears

💫أصدقاء ميد هيلب

عدنا اليكم مع ملف
🔥🔥 دورة English 2024🔥🔥
إن أحسنا فمن الله وإن أخطأنا فمن أنفُسنا. ♥️
لا تنسونا من صالح دعائكم

ختامًا أُسرة ميد هيلب تتمنى لكم التوفيق والسداد 🙏🏻.

|| Good luck! 🥳🤍

#Med_Help 💙✨️
@MedHelpForPreYears

◾️ #الفصل_الخامس

🔴 أغلبكن بوقف عند هالفكرة وبيسأل عنها ويلي هي الانهاء عند البدائيات.

🔸 منعرف انو طور الإنهاء عند البدائيات بيحدث بطريقتين :

1⃣ الأولى تعتمد على العامل Rho.
2⃣ الثانية لا تعتمد على العامل Rho.

هاد الفيديو بيختصر فهم الطريقتين وإن شاءالله بتتوضح عندكم كامل الفكرة :

https://youtu.be/W69Bic9nVKA

لا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️ #الفصل_الخامس .

🔴 صورة تختصر الكثير 🔥

📌الطاق المرصاف = طاق غير مرمز = الطاق المنتَسَخ
📌الطاق غير المرصاف = طاق مرمز = الطاق غير المنتَسَخ


#Genetics 🧬
#MG_Chapter_5
#Med_Help_Genetics
@MedHelpForPreYears

#الوراثة 🧬
#الفصل_السادس

📌 خصائص الرامز الوراثي :🔥

◾يتالف من 3 نوكليوتيدات (شيفرة) التي ترمز لحمض اميني واحد.

◾غير متداخل.

◾لا يحوي فواصل بين كل شيفرة واخرة تليها.

◾متعدد :  يعني الحمض الأميني الواحد ممكن يجي من أكتر من رامزة وراثية ( يعني الأرجنين بيقدر يجي من CGC و CGU و CGA و CGG )
بينما كل واحد من هالروامز مابتقدر تعطي الا أرجنين فقط لاغير.

◾️غير ملتبس : يعني الرامز الوراثي الواحد بيقدر يعطيني فقط حمض أميني واحد ( يعني مثلاً CGC بيعطي فقط الأرجينين ..).

◾مرتب ومنظم

◾روامز البدء AUG / روامز الانتهاء UAA, UAG, UGA

◾الرامز الوراثي عام : اي الشيفرة الوارثية تعطي نفس الحمض الاميني في كل المخلوقات (تقريبا).

🔴 ملاحظة : رامز البدء AUG يتم ترجمته الى حمض اميني.
اما روامز التوقف UAA, UAG, UGA لا يتم ترجمتها.

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔴 تجميعة ملاحظات سريعة 🔥

◾️ بدائيات النوى:

   🔸 الريباسة : حجمها (70S) ووزنها الجزيئي 2.5 مليون دالتون بأبعاد 25×20 نانومتر
عبارة عن وحيدتين :

✨الوحيدة الصغيرة حجما (30s) ⬅️ بتحتوي على :
رنا ريباسيي (16S) مع 21 عديد ببتيد مختلف

✨الوحيدة الكبيرة حجما (50S) ⬅️ بتحتوي على :
جزيئين رنا ريباسي(5S) و (23S) مع 31 عديد ببتيد .

🔹 وتحتوي الريباسة  على جزيء رنا ناقل tRNA حجمه (4S) وطولها بين 70 و 95 نكليوتيد.

◾️حقيقيات النوى:

الريباسة  حجما (80S) عبارة عن وحيدتين :

✨الوحيدة الصغيرة : حجما (40S) ⬅️ بتحتوي على :
رنا ريباسي (18S) إضافة إلى  33 عديد ببتيد.

✨الوحيدة الكبيرة : حجما 60S ⬅️ بتحتوي على :
3 جزيئات رنا ريباسي (5S) و (5.8S) و (28S) إضافة إلى 49 عديد ببتيد.

🔸واحفظوا أنو ريباسة المتقدرات والصانعات الخضراء في حقيقيات النوى حجما (60S)🙄


#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

🔸نحنا منعرف انو عديدات الببتيد مشان ماتضيع وقت تروح للعضية اللي بالخلية بتكون حاملة تتالي قصير من الأحماض الأمينية بوجّها وبيرشدا للمكان الصحيح ( بكون مرتبط هالتتالي يا أما عند النهاية الكربوكسيلية او النهاية الأمينية ) :

🔹البروتينات المفرزة : التتالي موجود عندا عند النهاية الأمينية بوجها إلى أغشية الشبكة الإندوبلازمية.

🔹البروتينات التي تستهدف المتقدرات والصانعات الخضراء : بكون التتالي القصير موجود  عند النهاية الأمينية.

🔹البروتينات النووية : بكون التتالي القصير موجود عند النهاية الكربوكسيلية.


كل التوفيق يا رب..
ولا تنسونا من صالح دعائكم 💜✨

#Genetics 🧬
#MG_Chapter_6
#Med_Help_Genetics
@MedHelpForPreYears

#الوراثة 🧬
#الفصل_السادس

وصلتنا أسئلة كتير نحفظ الروامز كل واحد شو بيعطي ولا لا ؟
لهيك جمعنالكم الروامز يلي لازم نحفظ دلالاتها 🔥

🔴#المجين_النووي:


🔹 الرامز : GAG => الحمض الغلوتامي
🔹 الرامز : GUG => الفالين
🔹الرامز : UUU => الفينيل الانين
🔹الرامز : UGG => التربتوفان
🔹الرامزان : AGG + AGA => الأرجينين

🔸 الرامز: AUG => الميثيونين ( رامز بدء )

🔺الرامز : UAA + UAG + UGA => روامز توقف

🔴#المجين_المتقدري:

🟢الروامز :  UAA + UAG + AGA + AGG => روامز توقف

#Genetics 🧬
#MG_Chapter_6
#Med_Help_Genetics
@MedHelpForPreYears