🔸Gerund & infinitive

🔹 remember 

🔘 remember  + Gerund
- نستخدمه عندما يكون الشخص قام بالعمل لأول المرة ،وهلأ عم يتذكره بتفاصيله.

▪️ I remember watching this movie in the cinema.
شفت الفلم من فترة وعم اتذكر هلأ انو انا شايفو من قبل

🔘 Remember + to
- نستخدمه وقت بكون عم ذكر أي شخص يعمل شغلة معينة وما بدي ياه ينسى (متل قواعد)

Remember to eat healthy in order to keep fit.


🔹 Forget:

🔘 Forget + to 
- نستخدمه وقت شخص نسي يقوم بعمل ما بالوقت الحاضر .
▫️ المعنى يعود للحاضر.

▪️ My dad has forgotten to take his pills.
أبي نسي ياخد حبوبه.

🔘 Forget + Gerund
نستخدمه عندما يكون الشخص قام بالعمل ولكن بعد فترة فشلت ذاكرته لحتى يتذكر تفاصيله.
أو وقت عملت شغلة معينة و بعدها نويت ما تنساه بحياتك.
▫️ المعنى يعود للماضي.

◾️ She would never forget seeing the Himalayas for the first time.
هو شاف جبال الهيمالايا، لكن بعد ما شافها لأول مرة هو ما رح ينساها
اخدت الفعل معه ب ing

◾️I forgot meeting him.
هو عامل المقابلة من زمان
بس رجع يتذكر وما قدر يتذكر وين مثلا صارت و متى.

▪️ بينما لو قلت
My dad has forgotten to take the pills.
هون بمعنى : هلأ هو نسي بقوم بالعمل

#English 🗽
#ME_Chapter_5
#Med_Help_English
@MedHelpForPreYears

🔸 Gerund & infinitive

🔹 Stop + Gerund :
بيجي بعد الفعل stop جيراند وقت منحكي عن فعل توقف نهائياً .
يعني كنت مداوم أنك تعمل شيء وهلأ وقفتو.
"finish"

- I've stopped buying the newspaper because now I read the news online.
توقف عن شراء الجرايد ورقياً نهائياً بسبب وجود مواقع أخبار عالنت.

🔹 To + infinitive
أما بعدو مصدر اذا بدنا نوقف الفعل لفترة معينة بس (لأنو في فعل تاني بدو يصير) ونرجع نكملو بعدين.
"Pause"

- He stopped the video to ask the students some questions.
وقف الفيديو لحتى يسأل الطلاب ورح يرجع بعد شوي يكمل  الفيديو "مؤقت"


💥 Quit: to stop doing something or leave a job.
الفعل Quit معناه يقلع أو توقف عن عمل شيء كان يغعله
- لهيك يصرف الفعل بعد quit بال Gerund

#English 🗽
#ME_Chapter_5
#Med_Help_English
@MedHelpForPreYears

و هي عبارات لحفظ الأفعال يلي بيجي بعدها Gerund
عبارات الها لحن خاص لما بتحاول تقرأ بيطلع فيها لحن ، على نفس القافية تقريباً .
عسى تلاقوا فيها الفائدة ✨

*Admit* or *deny* - -  - but don't *avoid* my Question

*Postpone* or *miss* the time - - - but don't *stop* *imagine*

*Practice* to *enjoy* - - - - and *suggest* a new version

*involve* every *fancy* time - - - - and don't *mind* for duration

*Finish* your studying now - - - - even if you're in a  *risk* situation

#English 🗽
#ME_Chapter_5
#Med_Help_English
@MedHelpForPreYears

وهي قصة لحفظ أفعال infinitive+to
ان شاءالله تلاقو فيهن بعض الفائدة ✨

- يا الله بتمنى "hope" أن أشتري سيارة ولكن لا أستطيع "manage/able to" تحمل التكلفة "can't afford" 🤑.
- لذلك قررت 'decided" أن أطلب من الوالد بالرغم من أنني أتوقع "expect" ماذا سيحدث "happen" 🥲
- ذهبت إلى الوالد أعرض "offer" عليه فكرتي، ولكن الوالد حفظه الله 'كان يتصرف "pretend" كأنه لا يسمعني'😴.
-المهم بدأت بالإلحاح... "يا أبي أبنك يريد "want" سيارة مثل كل الشباب ولا يستطيع الانتظار  "can't wait" حتى يتخرج ويجمع المبلغ، ألا ترغب "would like" بتحقيق أمل "hope" ابنك آخر العنقود المُدلل ☻️
-وأعدك "promise" عندي خُطة "plan" اذا سمحت لي "allow" ووافقت "agree" 😎.
-وطبعًا يجب "have/got" أن أتعلم "learn" قيادتها ولكن لا تخشى شيء هناك من يعلمني "teach" 🤓.
- رفض "refuse" الوالد يساعدني "help" 😪!
- وبعد المزيد من الإلحاح بدأ الوالد يميل "tend" بالتهديد "threaten" بحرماني من الخرجية😬💔.

#English 🗽
#ME_Chapter_5
#Med_Help_English
@MedHelpForPreYears

#Vocabulary

The music   -   الموسيقا
فقرة طويلة شوي ولكنها بصمية وعلامتها بإذن الله مضمونة

               ☆☆☆☆☆☆☆☆☆☆☆☆☆☆

1⃣ اول شي رح نحكي عن شوية كلمات بتتعلق بالموسيقا وصناعتها :
The music :

🔴 Singer-songwriter:
الكاتب والمغني
هلأ هدول كلمتين ولكن بما انو حطينا الداش (-) بيناتهن فمنعتبرهن كلمة وحدة فهون جاية بمعنى انو شخص واحد كتب وغنى هالأغنية

🔴 Soloist :
الفنان المنفرد
شخص بيعزف وبيغني لحالو

🔴 Lead-Singer : 🎙
المغني الرئيسي بفرقة موسيقية

🔴 Composer : 🎼
المؤلف
شخص بيكتب الموسيقا

🔴 Rapper : 🗿
مغني الراب

🔴 DJ : 💽
منسّق الأغاني

🔴 Beat/Rhyme :
الإيقاع

🔴 Tune :
النغمة
وهي الموسيقا دون الكلمات

🔴 Choir :
كورال أو جوقة
وهي مجموعة ناس بيغنّوا سوا
(بأغلب الأوقات مع مصطلح الجوقة بتجي كلمة الكنيسة بنفس الجملة)

🔴 Orchestra :
أوركسترا
مجموعة كبيرة من الموسيقيين بيعزفوا سوا

🔴 Conductor :
قائد الأوركسترا
هاد الي بيلقط عصاية وبينظّم الأوركسترا

🔴 Tenor : 👨🏻
وهي الطبقة الحادة (high-pitched) للرجل

🔴 Bass : 🧔🏻
الطبقة الخشنة (low-pitched) للرجل

🔴 Soprano : 👱🏻‍♀
الطبقة الحادة للأنثى

🔸ملاحظات:
- مهم جدا تفرق بين الطبقة الحادة للرجل والأنثى

- الجوقة هن مجموعة ناس بيغنوا فقط
اما الاوركسترا فهن مجموعة عازفين وممكن يكون معهم مغني

               ☆☆☆☆☆☆☆☆☆☆☆☆☆

2⃣ وهلأ رح نحكي عن الآلات الموسيقي وعازفيها
Instruments/Musicians :
الآلات/العازفين

🔵 Guitar/Guitarist : 🎸
الغيتار / عازف الغيتار

🔵 Bass/Bassist :
الباز / غازف الباز

🔵 Violin/Violinist : 🎻
الكمان / عازف الكمان

🔵 Cello/Cellist :
التشيلو / عازف التشيلو

🔵 Piano/Pianist : 🎹
البيانو / عازف البيانو

🔵 Organ/Organist :
الأورغن / عازف الأورغن

🔵  Saxophone/Saxophonist : 🎷
الساكسوفون / عازف الساكسوفون

🔵 Trumpet/Trumpeter : 🎺
البوق / عازف البوق

🔵 Drums/Drummer : 🥁
الطبول / عازف الطبول

🔵 Keyboard/Keyboard Player : 🎹
الكيبورد / عازف الكيبورد

🔶 ملاحظة:
ما بهمنا كتير الفرق بين الآلات ولكن المهم هو أنو نعرف كيف نكتب اسم عازف كل آلة

              ☆☆☆☆☆☆☆☆☆☆☆☆☆☆

3⃣ رح نحكي عن بعض التعابير الموسيقية
Idioms :

🟡 A Good Ear for Music : 👂🏻
أذن موسيقية
هي منقولها لشخص بيقدر يسمع النغمات الموسيقية بدقة ويفرّق بيناتهن
e.g He has a good ear for music, he can play a song as soon as he hears it.
هو يمتلك أذن موسيقية، هو يستطيع أن يعزف أغنية بعد سماعها مباشرة.

🟡 Music To My Ears: 😍
خبر مفرح جدا

e.g. That's wonderful news! It's like music to my ears.
هذه أخبار رائعة! يسرّني جدا سماعها.
مثال ثاني للضرورة
e.g. Your pain is music to my ears.
صياحك طرب.🪓😈

🟡 Blow His Own Trumpet : 😏
يغتّر بنفسه (يشوف حالو كتير)

E.g He is always blowing his own trumpet, he keeps telling people about how smart he is.
هو دائما يغتر بنفسه، هو يستمر بإخبار الناس بمدى ذكائه

🟡 Out of Tune : 🙉
خارج الإيقاع
e.g He is not singing the same notes as we are, he's out of tune.
هو لا يغني النغمات كما نحن نغني، إنه خارج عن الإيقاع.

🟡 Face the music : 😢
يواجه عواقب الأفعال
e.g. He did a terrible crime and now he must face the music.
هو ارتكب جريمة فظيعة ويجب عليه أن يواجه عواقب الذي فعله.

🟡 Monotonous Voice : 🥱
صوت بنبرة وحدة ما بتتغير ( ممل، او يخليك تنعس)
e.g. The teacher had such a monotonous voice I fell a sleep.
المعلم كان لديه صوت ممل للغاية لدرجة أني نمت.

              ☆☆☆☆☆☆☆☆☆☆☆☆☆☆

4⃣ أخيراً رح نحكي عن بعض الصفات الموسيقية
Music Adjectives :

🟣 Incomprehensible : 🤨
غير مفهوم
e.g. This song has incomprehensible lyrics.
هذه الأغنية تمتلك كلمات غير مفهومة.

🟣 Very Catchy :
تحفر في الأذن، سهلة التذكر
e.g. It's a very catchy song.
الأغنية سهلة التذكر وتحفر في الأذن.
(أنا البندورة الحمرة ستايل 🍅)

🟣 So Moving :
محركة للمشاعر (غالبا بشكل حزين بخليك تبكي)
e.g. This music is very moving.
هذه الموسيقى مؤثرة جدا بمشاعري

🟣 Strong beat :
أيقاع قوي (بخليك تقوم ترقص)
e.g.  It's a song with a very strong beat.
الأغنية ذات أيقاع قوي جدا.(والثوب البني💃🏻)

🟣 Recognize the Tune : 🧐
تميّز هذه النغمة
e.g. I recognize this tune.
أنا عرفت هي النغمة.

#English 🗽
#ME_Chapter_5
#Med_Help_English
@MedHelpForPreYears

Part 1 🔥
- Used to
- Be used to (is used to & was used to)
- get used to

#English 🗽
#ME_Chapter_5
#Med_Help_English
@MedHelpForPreYears

Part 2 🔥

- get used to / got used to / will get used to


#English 🗽
#ME_Chapter_5
#Med_Help_English
@MedHelpForPreYears

وهي تجميعة حلوة 💜:

💥 منعرف انو present simple هو من استخداماتو بيحكي عن عادات يومية تكرارية بشكل منتظم ، أو عن حقيقة
- ممكن استخدام ظروف لحتى ندلّ على وجود جدول منتظم:
( sometime ,usually , always , every day ...)

💥 أما استخدام  Used to :
" وهو محور قاعدتنا "
-  وقت منكون عم نحكي عن عادات وأعمال متكررة بالماضي فقط ،لا علاقة لها بالحاضر.
يعني العادة كنت تعملها بس هلأ وقفتها وانتهت..

🔴 الفعل بعد used to يأتي بالمصدر (بالعامية الفعل يلي لا تضفلو شي)

- I used to drink five cups of coffee a day, but now I am not.

- I used to have croissants for breakfast when I lived in France.


🟠 اذا بدك تنفي الجملة
🖇 didn't use to 🖇

- استخدمنا فعل مساعد لأنو الفعل use مالو من الأفعال القوية يلي بقدر انفيه فوراً ، ولأنو الزمن ماضي ف did
🔴 الفعل بيرجع use وليس used

- I didn't use to sleep very well, but then I started doing yoga and it really helps.

▪️ في طريقة تانية للنفي
🖇 Used not to 🖇

- I used not to sleep very well.

💥 يوجد شكلين لاستعمال Used to :
Be used to & get used to

#English 🗽
#ME_Chapter_5
#Med_Help_English
@MedHelpForPreYears

💥 رح أعطيكن شغلة تفيدكن من الآخر.

وقت يكون بالجملة في جمل مثل :
- moved to new town
- started a new job
- changed 
- at first
أو أي شي بدلّ انو في حالات بالماضي ،وأجا بتاني جملة فيها
then , but , now ...
أو شي بيدلّ على انو في تغيّر بالجملة الأولى
ف غالباً انت بوضع تكيّف (عم تحاول انك تعتاد على الحدث يلي بعد but مثلاً)

- ووضع التكيف يعني get used to أو got

بالمثال ، هو كره قصة الشعر بالبداية ، لكن بعدين اتأقلم معها (شوف في نقطة) وبعدين حكا انو حب قصة الشعر..
والتأقلم بالماضي.

- بعد ال get used to اما gerund أو اسم

#English 🗽
#ME_Chapter_5
#Med_Help_English
@MedHelpForPreYears

وهلأ معنا قسم مفردات  5B

⭐ عنوان القاعدة:
Sleep 💤
هلا لازم نحفظ معنى كل كلمة لنقدر نحل السؤال تبعها .

🔴 Sleepy
يعني يشعر بالنعاس💤
E.g
Most people start feeling Sleepy after midnight.
اغلب الناس بيشعرو بالنعاس بعد منتصف الليل (الا طلاب الطب)😪

🔴 Yawn
تعني يتثائب 🥱
E.g
people open their mouth and yawn.
المقصود منها بيفتحو تمهن وبيتاوبو🥱🥱💔

🔴 Set alarm
تعني يضبط منبه (انتبهو انو الفعل مع alarm هو Set)
E.g
he went to bed and set his alarm clock.
ذهب الى التخت و ضبط منبه⏰

🔴 Blanket/Sheets/Duvet
المعنى تبعن هون انو بطانيات وشراشف😂
ما فهمنا عطينا مثال
E.g
people cover themselves with duvets, sheets and blankets.
يعني لقد غطّوا انفسهم بالبطانيات والشراشف

🔴 Fall asleep
يغط في النوم (انتبهو fall بمعنى مجازي هون)
E.g: they'll fall asleep soon.
قريبا سيغطون في النوم💫

🔴 Snore
تعني يشخر 😴
E.g
some people make loud noise while sleeping, they snore.
بعض الناس يصدرون صوت في اثناء نومهم انهم يشخرون😬

🔴 nightmares
تعني كوابيس .
E.g
During night, people have either nightmares or dreams.
خلال الليل يكون لديهم يا احلام يا كوابيس💔

🔴 Oversleeping.
النوم الزايد او التأخر في الاستيقاظ متل ما بقولو (راحت عليه نومة)😬

E.g
If people didn't wake up in time, it means that they overslept.
اذا لم يستيقظوا في الوقت المناسب هذا يعني انهم قد تأخرو في الاستيقاظ(نامو زيادة عن اللزوم)

🔴 Keep you awake
تعني يبقيك مستيقظاً🧐
E.g
if you drink coffee, it might keep you awake.
اذا شربت القهوة فربما ستبقيك مستيقظ

🔴 insomina
تعني الأرق (يعني مافينك تنام لسبب معين متل اكل هم الفحص)
E.g
some people can't sleep because they suffer from insomina.
بعض الناس لا تستطيع النوم بسبب معاناتهم من الأرق

🔴 Sleeping tablets
حبوب منومة
E.g
These people often have to take sleeping tablets.
هؤلاء الناس غالبا اعتادوا على الحبوب المنومة‌.

🔴 Siesta
تعني قليلولة وحصرا بتكون بعد الغدا 🌌
E.g
Some people have a siesta after lunch.
بعض الناس يأخذون قيلولة بعد الغدا.

🔴 Sleep like a log
ينام كقطعة خشب (نوم عميييق)
E.g
A person who sleeps well, sleeps like a log.
الشخص الذي ينام جيدا ينام بعمق (متل الخشبة لا بيحس ولا بيسمع)😂

🔴 Jet-Lagged
تعني اضطراب في اوقات النوم (مثلا لما تغير مكان نومك من مكان لتاني)
E.g
someone who is tired after flying to another time zone, is jet-lagged.
الشخص الذي ينام بعد تغير مكان نومه يعاني من اضطرابات في النوم(❌)

🔴 nap
تعني قيلولة كمان بس بتكون خلال ليوم‌  وهي عامة أكتر من siesta
E.g
A short sleep during the day is a nap.
النوم القصير خلال النهار يدعى بالقيلولة

#English 🗽
#ME_Chapter_5
#Med_Help_English
@MedHelpForPreYears

بهاد البوست رح نشرح قاعدة 5C :

{Reporting Verbs}

سهلة كتير بس بصمية 🤕

🔘 بداية نقل الافعال هو مشابه لشي ورد معنا بالباك ولهو الكلام المنقول الاختلاف هون انو انا بدي انقل الحدث كفعل.


🔘 حناخد 3 حالات عالشكل الآتي :

1⃣ نضع To + Infinitive بعد كل من :

Agree يوافق         ,       Offer يعرض
Refuse يرفض     ,        Promise يعد
Threaten يهدد

- He agreed to give me his PS 5 for free.
قبل يعطيني البليستشن ٥ تبعو ببلاش 😍

الجملة بدنا نوصل للطرف التاني انو مثلاً شاف أحمد معي بليستشن فقلتلو انو أخي علي قبل يعطيني ياها ،فعم انقل فكرة القبول.

2⃣ نضع Object + To + Infinitive بعد كل من :
Advice ينصح     ,  Ask يسأل
Convince يقنع  ,  Persuade يقنع
Invite يدعو        ,  Encourage يشجع
Remind يذكر     ,  Tell يخبر
Warn ينبه

- He Told me to give him his PS 5 back
اخبرني ان اعيد البليستشن ٥ له .
(يافرحة ما تمت 😢)
هون لازم مفعول به

3⃣ نضع Verb + ing بعد كل من :
Apologize for يعتذر
Accuse \Someone\ of يتهم
Blame \someone for\يلوم
Recommend يوصي
Suggest يقترح
Insist on يصر
Deny ينكر
Admit يعترف
Regret يندم

-  I insisted on keeping it
أصريت انو خليها عندي 😏

#English 🗽
#ME_Chapter_5
#Med_Help_English
@MedHelpForPreYears

🔴#جامعة_حلب |#Med_Help

توزيع حملة مقرر الفيزياء للمستجدين

#Med_Help 💙✨️
#Med_Help_Aleppo
@MedHelpForPreYears

شرح الـ Mini Grammar
As and its Uses

ل as أربع استخدامات رح نذكر كل وحدة منها مع أمثلة مشان توضح الفكرة

1⃣ To give a reason:     
لإعطاء سبب:

قال فيني استخدم as مشان اعطي سبب
e.g. As it was raining, we didn't go out.
لأنها كانت تمطر، لم نخرج.

منلاحظ شغلة هون انو as بهاد الاستخدام ممكن بدلها بكلمة (since) لأنو (since) كمان من احد استخداماتها إعطاء سبب، أو ممكن حتى بدلها ب beacuse.
e.g. As/Since/Beacuse it was raining, we didn't go out.
نفس المثال السابق وال٣ كلمات صحيحات 💯

               ☆☆☆☆☆☆☆☆☆☆☆☆☆

2⃣ To compare things or people:
لمقارنة الأشياء أو الأشخاص :

بقدر استخدم as للمقارنة بين الأشياء والأشخاص عن طريق إني حط as قبل الصفة وبعدها.
كيف يعني؟ تابع المثال
e.g. He is as smart as me.
هو ذكاؤه نفس ذكائي(أنا وياه متساوين بالذكاء).
e.g. She is as tall as me.
هي طولها نفس طولي(متساوين بالطول).

شو منلاحظ هون؟ أنو المقارنة ب as بالحالة المثبتة دائما للتعبير عن التساوي بين الشغلات الي عم قارنها،
أما اذا بدي عبر عن فرق بين هالشغلات فلازم استعمل النفي
e.g. He isn't as fast as her.
هو ليس سريعاً كسرعتها.

               ☆☆☆☆☆☆☆☆☆☆☆☆☆

3⃣ To describe someone's/something's job:
لوصف عمل شخص او شيء ما:

بستخدم as مشان عبّر عن شو بيشتغل هالشخص أو الشيء
e.g. She works as a nurse.
هي تعمل كممرضة.
e.g. We had to use a handkerchief as a bandage.
اضطرينا نستعمل منديل كضماد.

الشي الي منلاحظو هون هو أنو لما يكون عندي فاعل مع فعل work وبعدو عمل معين(طيار/معلم/موظف) منحط as بين الفعل والعمل.

               ☆☆☆☆☆☆☆☆☆☆☆☆☆

4⃣ To tell that something happened while something else was happening:
لنقول أن شيء ما حصل بينما كان يحصل شيء آخر:

شو يعني هالحكي؟ باختصار شديد بقدر استخدم as لتقاطع الأزمنة يعني لما عندي حدث مستمر وبيقطعو حدث تاني فممكن استعمل as للتعبير عن هذا التقاطع،
شو يعني هالحكي؟ يعني من الآخر متل (when)🌚

e.g. The phone rang as I was eating.
رنّ الهاتف بينما كنتُ آكل.
e.g. As they were leaving, the postman arrived.
عندما كانوا يخرجون وصل ساعي البريد.

#English 🗽
#ME_Chapter_5
#Med_Help_English
@MedHelpForPreYears

يقدّم لكم فريق Med Help:

🔮 نوطة الدورات الوزارية النظامية لمادة اللغة الإنكليزية 🔮

🪄 تحتوي النوطة على :

💭 أسئلة الدورات من عام 2016 لعام 2022 .
💭 الأسئلة مقسّمة حسب السنوات ، وكل سنة مقسّمة مثل تقسيم الامتحان .
💭 النوطة مدقّقة علميًا وخالية من الأخطاء بإذن الله .

🌻 تصويبات النوطة :
https://t.me/MedHelpForPreYears/10046

كلّ الشكر والامتنان لكلّ الأيادي البيضاء الذين ساهموا في وضع هذا العمل بين أيديكم بهذه الصورةٍ المتقنة، جزاهم الله عنا وعنكم كلّ خير وبارك لهم في أوقاتهم وأكرمهم بالعوض الجميل والنتائج المرضيّة. 🌼

بالتوفيق يارب ولا تنسونا من صالحِ دعائكم 🤍✨

#English 🗽
#Med_Help_English
@MedHelpForPreYears

🔴#خبر | #Med_Help | #جامعة_دمشق

📌نقلًا عن الدكتورة عبير قدسي:

اعلان هام يخص امتحانات مقررات الفصل الاول المحمولة لمستجدي السنة التحضيرية للقبول في الكليات الطبية جامعة دمشق:

وفقا للبرنامج المعلن سابقا (المرفق مع هذا الاعلان) سيتقدم حملة مقرر بيولوجيا الخلية ممن سجلوا اسماؤهم لدينا يوم غد الثلاثاء ٢ تموز ٢٠٢٤ الساعة ١١-١٢.٣٠
يختلف توزيع الطلاب المسجلين لدينا على المقررات المحمولة عن توزيع الفصل الثاني بالتاكيد وهو ايضا مختلف في كل مقرر وسيتم صباح يوم الامتحان اعلان (في لوحات اعلان السنة التحضيرية المجاورة لنوافذ شؤون الطلاب للسنة التحضيرية) توزيع خاص بالمقرر المعني وللمستجدين بالتاكيد قاعاتهم الخاصة وسيتم اعطاء علامة الصفر لمن يتعمد تبديل قاعته الامتحانية
تنطبق كل القواعد والتعليمات الامتحانية المعلنة سابقا ايام الثلاثاء كما هو الحال ايام السبت


#Med_Help 💙✨️
#Med_Help_Damascus
@MedHelpForPreYears

صباح الهمة والنشاط 🥰

اليوم سنختتم مادة اللغة بإذن الله ، شايفين اديش المادة سهلة وبسيطة، خلصناها ب 3 ايام ورح نعيدها مرتين إن شاء الله 😁🔥

واليوم حسب برنامجنا، رح ننهي اليوم Unit 6 كاملةً إن شاء الله ✨️.

🌿 مصدر دراستنا سيكون شروحات سيتم نشرها تباعاً خلال اليوم على القناة بإذن الله.

🌟رابط بوت اللغة لاستقبال كامل استفساراتكم :
@MedHelpEnglish_ALT_bot

🌟رابط البوت الآلي:
@MedHelpRobot_bot

‏بالتوفيق يارب 🤍✨

#English🗽
#ME_Unit_6
#Med_Help_English
@MedHelpForPreYears