💫 3 مصطلحات حيّرتكم 💫

بس مع Med Help لا مجال للحيرة🥰

🌻المفصل الملتحم - synarthrosis :

✨️ هو نفسه المفصل الليفي ؛ يعني عظم مرتبط مع عظم آخر بواسطة نسيج ليفي .

✨️ من أمثلته :
• المرتبطات - syndesmoses.
•  الدروز - sutures.

🌻 الالتحام الغضروفي - synchondrosis :

✨️ هو نفسه المفصل الغضروفي الزجاجي ؛ يعني عظم عم يرتبط مع عظم بواسطة غضروف زجاجي .

✨️ من أمثلته :
• القرص المشاشي《الصفيحة المشاشية》.
• الالتحام الغضروفي العصبي المركزي .

🌻 الالتحام العظمي《الالتحام المباشر》- synostosis :

✨️ هو عبارة عن عظم ملتحم مع عظم ، يعني عظم ملزوق و مرتبط مع عظم ثاني ولكن بدون صلة وصل《مثل الغضاريف أو النسيج الليفي》،
إذًا عو عظم ملتحم بعظم آخر بدون ولا شيء .

✨️من أمثلته :
ما ذكرولكم بالكتاب أمثلة عليه ، ولكن رح أعطيكم مثال لتاخدوا عنه فكرة :

مو حكينا هلأ أنو الصفيحة المشاشية هي مثال عن الالتحام الغضروفي ؟

⁉️ليش شو هي الصفحية المشاشية ؟

هي عبارة عن غضروف زجاجي بيوصل بين مشاشة و جسم العظم الطويل ، و طبعًا هاد الشي يلي بيسمح بالنمو الطولي للعظام الطويلة .

⁉️طيب ، هلأ بمرحلة معيّنة لما بيتوقّف النمو الطولي شو بصير يا حزركم ؟

يلي بصير أنو هاد الغضروف الزجاجي يلي هو الصفيحة المشاشية بيتعظّم ، يعني بصير عظم
فهون بيتحول الالتحام الغضروفي إلى التحام عظمي ، فبتصير المشاشة ملتحمة بجسم العظم بدون أي غضروف بيناتهم .

بالتوفيق و لا تنسونا من صالح دعائكم 🌸.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🪄المفصل القبضي القصي :

هو ما يسمى بالارتفاق ، وهو مفصل غضروفي ليفي ، يعني هون السطوح المفصلية بتكون مغطاية بغضروفي زجاجي ، و الغضروف الليفي عم يربط بين هالسطوح ، يعني الخلاصة أنه مفصل غضروفي ليفي كما ذُكر في كتابكم .

🪄 المفصل الرهابي القصي :

وهو هون يُدعى بالالتحام الغضروفي ، وهون بترتبط العظام بواسطة غضروف زجاجي ، يعني هو مفصل غضروفي زجاجي .

موفقين يارب 💗.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

في جملة بالكتاب قالولكم فيها :

" تُحاط كل العظام بسمحاق عظمي عدا السطوح المفصلية "

🔹️ طيب شو معناته هالكلام وشو هو السمحاق ؟

💥السمحاق هو جزء أساسي من بنية العظام فيكم تقولوا ، فكل عظام الجسم محاطة بسمحاق العظم ، ولكن عنا استثناء صغير و هو السطوح المفصلية للعظام 《 يعني مكان تمفصل عظم مع عظم آخر》.

🔹️ ليش طيب ما بغطّي السطوح المفصلية ؟

💥 لأنو سمحاق العظم  فيه أعصاب وفيه أوعية دموية  ، فاتخيلوا أنتم أنو بمكان تمفصل عظم مع عظم يكون في أعصاب !
يعني تخيلوا كل ما بدكم تحركوا ساعدكم مثلًا وأنتم عم تعملوا قبض تقوم حركة العظام تضغط عالعصب الموجود بمنطقة السطوح المفصلية تقوم تجعكم إيدكم !

فـ بمنطقة السطوح المفصلية ما بكون عنا سمحاق مغطي للعظم و إنما بكون عنا غضروف زجاجي ؛  《يلي هو نوع من أنواع الغضاريف وما بدكم تفاصيلهم حاليًا ولكن يلي بهمكم فيه أنو  هالغضروف بكون خالي من الأعصاب و الأوعية الدموية ، بالتالي حركة المفاصل مارح تسببلي ألم بالحالات السويّة و الطبيعية للبني آدم》..

موفقين ❤️🔥.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🌟سؤال:
كيف يعني الأربطة تؤدي دور منفعل في ثبات المفصل و العضلات تؤدي دور فاعل في ثباته؟
ما الفرق ببن منفعل و فاعل؟

🌟الجواب:


🔻الأربطة: تؤدي دور منفعل في ثبات المفصل =دور غير فاعل = تعاكس حركة المفصل (تمنع حركته أكثر من الحد المسموح) ..
+ الأربطة تبقى ثابتة ووظيفتها الوحيدة تثبيت العظام يعني هيي أصلاً بس بتثبت العظام دون "صرف طاقة"

🔻العضلات تؤدي دور فاعل = تقلصها و ارتخاؤها يؤدي إلى الحركة
+ العضلات بتقلصها واسترخائها لتثبيت العظام فإنها "تصرف طاقة" وتقوم بفعل التثبيت أي أنها فاعلة لهذا التثبيت

بالتوفيق يا رب ولا تنسونا من صالح دعائكم 🌿

#Med_Help 🤍✨️
#Med_Help_Anatomy ☠️
#MA_Chapter_2
@MedHelpForPreYears

مساء الخير 🥰

بعد انتهائنا من الملاحظات والتجميعات، حان وقت فيديوهات #الرسمات 《 الفيديوهات مهمين وضروري تشوفوهم 》

👈🏻فيديو رسمات الفصل الأول:
https://youtu.be/gxCKGlYhWaY?si=lwaUQd1OKe8DagTN

👈🏻فيديو رسمات الفصل الثاني " الجزء الأول ":
https://youtu.be/jyfW_Ao6i5U?si=5gj5rvxUusL-2abt

موفقين يارب 🌿

#General_Anatomy ☠️
#Med_Help_Anatomy
@MedHelpForPreYears

#المصطلحات

مهم جدًا يا جماعة تركزوا المصطلحات بعد كل فصل أو بعد كل فقرة وبس تخلصوا الفصل تعملولهم مراجعة 🙌🏻بسبب ورود عدد جيد من الأسئلة بالفحص يعتمد على المصطلحات 👀


📍وهي رسالة توضيح بالمصطلحات يلي لازم تدرسوها :
https://t.me/MedHelpForPreYears/13198

📍لهيك جينا نذكركم بمشروعنا الجديد يلي رح يساعدكم بدراسة المصطلحات بوقت مقبول إن شاء الله 🥳

📍فكرة المشروع:
https://t.me/MedHelpForPreYears/13194

📍تطبيق Flash cards :
https://t.me/MedHelpForPreYears/13195

📍رزمة مصطلحات الفصل الأول :
https://flashcards.world/link/4THGZp41rwmTNafR8

📍مصطلحات الفصل الثاني  《 ادرسوا المصطلحات يلي بتتعلق بمقررنا لليوم يعني فقرة العظام والمفاصل 》:
https://flashcards.world/link/21pDshb78oeLBMxt7

بالتوفيق يا رب ولا تنسونا من صالح دعائكم 🌻

#General_Anatomy ☠️
#Med_Help_Anatomy
@MedHelpForPreYears

تعقيبًا على البوست السابق 👀👆🏻

واستكمالًا لمفاجآت الميد 😍
المفاجأة يلي خبرناكم عنها ويلي أغلبكم ناطرها صارت بفضل الله جاهزة 🥁🥁

💎نوطة مصطلحات كتاب التشريح العام الشاملة على شكل Pdf 💎

👈🏻النوطة تتضمن كامل مصطلحات الفقرات بالإضافة إلى المصطلحات المطلوبة من الرسمات 🎉🎉

يعني شاملة لكل ما هو مطلوب منكم من مصطلحات بإذن الله 🤍

ستصدر النوطة بعد نصف ساعة، بالتوفيييق🥳🥳

#Med_Help 💙✨️
#Med_Help_Anatomy ☠️
@MedHelpForPreYears

ملف مصطلحات كتاب التشريح العام الشامل بين أيديكم 🤩🤩

🔹️يتضمن كل المصطلحات اللاتينية المطلوبة منكم 《 مصطلحات الفقرات والمصطلحات المطلوبة من الرسمات 》 وترجمتها العربية .

🔹️المصطلحات مقسمّة حسب فصول الكتاب .

🔹️ننوّه لكم على أهميّة المصطلحات ، وذلك لوجود 40 سؤال تقريبًا في الامتحان يعتمد عليهم .

⚠️التصويبات:
https://t.me/MedHelpForPreYears/13299

بالتوفيق يا رب..
واذكرونا بدعوة صالحة في هذه الليالي المُباركة ❤️

#General_Anatomy ☠️
#Med_Help_Anatomy
@MedHelpForPreYears

صباح الخير ❤️💫
جمعة مباركة 🌸

♡مع ثاني يوم من أيام دراسة مادة التشريح
مقررنا لليوم دسم شوي يحتاج همتكم وتركيزكم 👀 :

القحف العصبي والقحف الحشوي .

♡مصدر دراستنا : فيديوهات الدكتور أحمد أو الدكتور بيان، التي تجدونها كلّها في المثبتة:
https://t.me/MedHelpForPreYears/12381

♡وبعد اختتامكم للمقرر لاتنسوا فيديوهات الرسمات:
https://t.me/MedHelpForPreYears/12369

♡عصرًا سنقوم بنشر بعض البوستات والملاحظات حول مقررنا .

♡ بوت التشريح لأي سؤال حول المادة:
@MedHelpAnatomy_bot

♡ شات المناقشة العلمية للدفعة التاسعة:
https://t.me/+P-DoVb8DW9VmZDY0

بالتوفيق يا رب 🥳

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

السلام عليكم 💙✨️

جاهزين نبدأ بملاحظات وفيديوهات مساعدة حول مقررنا لليوم ؟ 🤛🏻

انتظرونا في تمام الساعة الثانية إن شاء الله 🤍🎉.

بالتوفيق 🌸.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

☁️القحف بشكل عام + دروز القحف ☁️

شرح هاتين الفقرتين سيكون عن طريق فيديو خفيف ولطيف ؛ الشرح من بداية الفيديو لغاية الدقيقة ٨ و ٢٠ ثانية تقريبًا ، ولكن تتمة الفيديو تحتوي أيضًا على ملاحظات و معلومات هامّة ، فيفضَّل أن تشاهدوه بشكل كامل ☝️🏻

👈🏻 رابط الفيديو :
https://youtu.be/B1YFE16dyGg

⚠️ مع العلم أنه يوجد درز أتى بسؤال امتحاني من قِبَل د.بيان في أحد دورات التكميلي ، وهو غير مذكور بالكتاب ، فسجلوه و اكتبوه عندكم وراء الدكتور أحمد لأنه ذاكره بالفيديو .

بالتوفيق يارب ، لا تنسونا من صالح دعائكم 🌸.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

سؤال مكرر: ماهو الفرق بين الحفرة والثقبة ؟

👈🏻 الجواب الشافي و الوافي في هذا الفيديو من د.أحمد :
https://youtu.be/xiVUOJBPda0

بالتوفيق يا رب 💜💫.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🌟 و الآن نقدّم لكم فيديوهات الإكسترا الهامة لمقرر اليوم.

🪄 الحجاج :
https://youtu.be/axnj6z2rGx0

🪄 الحفرة الجناحية الحنكية:
https://youtu.be/ENhcyYjoQCE

🪄 الحفرة الصدغية:
https://youtu.be/0KAU11vaT70

🪄 الحفرة تحت الصدغية :
https://youtu.be/DH_A_5910tY

⚠️تنويه: أنو جميع هذه الفيديوهات هي قصيرة وهاامّة وسهلة ، بدورة pre-7 ورد سؤال عن الحجاج ، و فيديوهات الحفر كتير مهمين لحتى تفهموهم بالشكل الجيد  .

بالتوفيق يارب 🌻.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🌸المفصل الصدغي الفكي 🌸

بدايةً نقدّم لكم فيديو الشَّرح الخاص بهذه الفكرة  :

🌼 رابط الفيديو :
https://youtu.be/vk7k2UiqnTk

⭐️أهم ما يجب التركيز عليه بالفيديو "طبعًا يجب دراسة الفيديو كاملًا ":

☁️السطوح المفصلية .
☁️نوع المفصل و بماذا تتغطى سطوحه المفصلية .
☁️ أربطة المفصل .
☁️ مجاورات المفصل التشريحية .
☁️ ترويته و تعصيبه .

و الآن نترككم للإبحار في خفايا هذا المفصل و التّفكّر في عظمة الخالق و إبداعه 🌹

وفّقكم اللّه و أيّدكم بالفتوح و التوفيق 🌺.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🥇 ملاحظة هامة 🥇

فيما يخصّ المفصل الصّدغي الفكّي :

🌼 تتذكروا دكاترة إنه لما حكينا عن السمحاق قلنا إنه هو بيغطّي العظام ما عدا السطوح المفصلية كانت تُغطّى ❄️ بغضروف زجاجي ❄️

و لأنّ لكل قاعدة استثناء عُدنا باستثناء خطير 👀:
يخصّ المفصل الصدغي الفكي ألا و هو أن السطوح المفصلية للمفصل الصدغي الفكي تّغطى بغضروف 《 ليفي》 و ليس بغضروف زجاجي

لازلتم موفّقين 💖.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🪄الآن سنبدأ معكم بشرح فقرة الأسنان على مدار أربعة بوستات 🪄

بالتوفيق يا رب 🌻🌿.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

الأسنان 1️⃣🦷

☝️🏻 أول شي رح نحكي عن الحواف السنخية

🔻الحافة السنخية أو "القوس السنخية "
👈🏻هي عبارة عن عظم تغطيه اللثة ، وهي القوس السنخية بكون فيها ثقوب تنغرس فيها جذور الأسنان .《 شوفوا الصورة رقم 1》 

🔻 ما هي اللثة إذاً  ؟

👈🏻 اللثة هي عبارة عن أنسجة داعمة للأسنان ، تغطي القوس السنخية.

🔻 حكينا أيضاً عن جذور الأسنان ..هل للسن أقسام يعني ؟ 👀

👈🏻 نعم ، حيث يتكون السن من ٣ أقسام :

🔸الجذر : مغروس ضمن السنخ.
🔸العنق : منطقة الاتصال بين الجذر والتاج.
🔸التاج : يشكل بارزة ضمن جوف الفم.

يتبع .. 👀

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

الأسنان 2️⃣ 🦷

🔻 طيب، تعالوا نحكي عن تفاصيل الأسنان 《الصورة رقم 2》:

👈🏻 في معلومات مهمة لازم نحطها ببالنا :

🍃في عندي بكل سن تجويف مركزي يعني بمركز السن من جوا اسمه "الجوف اللبي" ، هذا الجوف -من اسمه- يحتوي على لب السن ، وبينفتح هذا الجوف على العظم السنخي عبر فوهة موجودة في ذروة الجذر .

طيب ما هو لب السن ؟! 🧐

🍃لب السن : هو عبارة عن نسيج ضام يحتوي على الأوعية والعصب السني .

🍃 يحيط بالجوف اللبي العاج 《السنين》.

والعاج ، ماهو ؟! 🧐

🍃العاج《السنين》: عبارة عن مادة قاسية لونها أصفر تحيط بالجوف اللبي ، و يكون مغطى في منطقتي الجذر والتاج على النحو التالي :

»  يُغطى العاج بمنطقة الجذر بالملاط .
»  يُغطى العاج بمنطقة التاج بالميناء .

🍃 الميناء: مادة شفافة وهي أكثر قساوة من العاج ، تحيط بالعاج في منطقة التاج .

طيب خلونا نركز الأفكار 🤓

لب السن موجود ضمن الجوف اللبي ويحيط بالجوف اللبي العاج والعاج مغطى بالملاط في منطقة الجذر ومغطى بالميناء في منطقة التاج.

🔻 وتذكروا :

المفصل الكائن بين السن وعظم سنخه يسمى 《مفصل وتدي/المرتج》وهو النمط الثالث من المفاصل الليفية .

يتبع في الجزء 3👀

#MA_Chapter_2
@MedHelpForPreYears

الأسنان3️⃣

✨️الأسنان تقسم إلى جيلين:

1️⃣ الأسنان الساقطة (اللبنية، الحليبية).

2️⃣ الأسنان الدائمة.
✨️ والأسنان تسمى من الإنسي للوحشي على الترتيب التالي :

ثنايا ⬅️ رباعيات⬅️ أنياب ⬅️ ضواحك ⬅️ أرحاء

💥 ملاحظة: وهي تختلف حسب أشكالها ووظائفها
《كما هو موضح في الصورة رقم 3》

🔴الأسنان الساقطة:

  🌹 ترافق مرحلة الطفولة الأولى .
  🌹 تظهر في جوف الفم مابين الشهر السادس والثلاثين بعد الولادة.
  🌹 تبزغ عادة الأسنان السفلية قبل العلوية .
  🌹 أولى الأسنان بالبزوغ القواطع الأنسية.
  🌹 عددها الكلي 20 سن :
《5 أسنان لكل نصف قوس سنخية》؛قاطعتان وناب ورحوان.

🔴الأسنان الدائمة:

🌹 تبدأ بالظهور في سن السادسة وهي تحل محل الأسنان الساقطة .
🌹 يكتمل ظهورها في نحو السن الثانية عشرة وتستمر مدى الحياة .
🌹 عددها 32 سن :
《8 أسنان لكل نصف قوس سنخية》؛ قاطعتان وناب وضاحكتان وثلاثة أرحاء .


والآن نتابع في الجزء الأخير🤗🥳

#General_Anatomy ☠️
#MA_Chapter_2
#Med_Help_Anatomy
@MedHelpForPreYears