◾️#الفصل_الخامس

تذكرة ع السريع 🔥

🔹 شو هيي الرابطة فوسفاتية الاستر ؟

هيي الرابطة يلي بين زمرة الفوسفات وبين هدروكسيل السكر الخماسي ، فمنسميها رابطة فوسفاتية الاستر.

🔹 طيب معناها شو هيي الرابطة الفوسفاتية ثنائية الاستر ؟
هيي زمرة فوسفات ارتبطت بهدروكسيلتين
يعني ارتبطت بسكرين خماسيين
شوفوا الصورة
الدائرة الزرقة هيي زمرة الفوسفات.
ارتبطت من فوق برابطة استيرية ومن تحت برابطة استيرية.
فصارت عندنا رابطة فوسفاتية ثنائية الاستر .


🔸 بناءاً ع هالحكي صار عنا كالتالي 🔥

🔹 الرابطة بين نكيوتيد ونكليوتيد بعده هي فوسفاتية ثنائية الاستر .

🔹الرابطة بين السكر الخماسي وزمرة الفوسفات بنكليوتيد واحد هيي فوسفاتية الاستر.

🔹 الرابطة بين السكر الخماسي والأساس الآزوتي هيي رابطة غليكوزيدية.

موفقين كتيير 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 ملاحظات هامة جدا جدا جدا جدا 🔥

🔺 ترتيب عوامل الانتساخ في حقيقيات النوى :

وهي مجموعة في كلمة دب فيه ( DB FEH)

المراحل:

🔹 أولاً : TFII(D) اول عامل انتساخ يرتبط بالمحضض TATA لاحتوائه على بروتين رابط التاتا يدعى TBP  🔥🔥

🔹 يرتبط العاملان TFII(A) و TFII(B) الى منطقة المحضض ويتشكل معقد من ثلاث عوامل انتساخ ترتبط بالمحضض وهي TFIIDو TFIIA وTFIIB.

🔹 يرتبط العامل TFII(F) بالرنا بوليمراز 2 ثم يرتبطان سويا بالمقعد المتشكل على المحضض TATA.

🔸 يمتلك العامل TFII(F) القدرة على فصل طاقي الدنا  عند موقع بدء الانتساخ.

🔹 يرتبط العاملان TFII(H) و TFII(J) الى المعقد النهائي

🔸 ويمتلك العاملTFII(H) فعالية انزيم الهليكاز المفكك لطاقي الدنا امام الرنا بوليمراز في مرحلة الاطالة 🔥🔥

🔴 بالتالي :
💡في طور البدء يقوم TFII(F) بفك طاقي الدنا
💡في طور الاطالة يقوم TFII(H) بفك طاقي الدنا


#Genetics 🧬
#MG_Chapter_5
#Med_Help_Genetics
@MedHelpForPreYears

◾️#الفصل_الخامس

🔴 المحضضات التي يستخدمها RNA POL 2 عند الحقيقيات :

1⃣ صندوق TATA وهو TATAAAA موجود في المنطقة بين 20- و 40-.

2⃣ صندوق GC وهو GGGCGG موجود في المنطقة بين 40- و 60-.

3⃣ صندوق CAAT وهو GGCCAATCT موجود في المنطقة 80-.

4⃣ صندوق GC اخر وهو GGGCGG موجود في المنطقة 100-.

5⃣ صندوق الثمانية ATTTGCAT موجود في المنطقة بين 120- و 140-

💎 ملاحظة :
ماحدا يسأل اذا مطلوبين للحفظ🥲 ، يلي بدو ١٠٠ يحفظون 🔥
ركزوا ع  اسم الصندوق ووشو المنطقة يلي بيقع فيها.


#Genetics 🧬
#MG_Chapter_5
#Med_Help_Genetics
@MedHelpForPreYears

◾️ #الفصل_الخامس

🔴 أغلبكن بوقف عند هالفكرة وبيسأل عنها ويلي هي الانهاء عند البدائيات.

🔸 منعرف انو طور الإنهاء عند البدائيات بيحدث بطريقتين :

1⃣ الأولى تعتمد على العامل Rho.
2⃣ الثانية لا تعتمد على العامل Rho.

هاد الفيديو بيختصر فهم الطريقتين وإن شاءالله بتتوضح عندكم كامل الفكرة :

https://youtu.be/W69Bic9nVKA

لا تنسونا من صالح الدعاء 💙✨

#Genetics 🧬
#MG_Chapter_5
#Med_Help_Genetics
@MedHelpForPreYears

◾️ #الفصل_الخامس .

🔴 صورة تختصر الكثير 🔥

📌الطاق المرصاف = طاق غير مرمز = الطاق المنتَسَخ
📌الطاق غير المرصاف = طاق مرمز = الطاق غير المنتَسَخ


#Genetics 🧬
#MG_Chapter_5
#Med_Help_Genetics
@MedHelpForPreYears

نفحات رمضانيّة ميد هيلباويّة 💙🍃.


3_رمضان 🤍🌙.


#Med_Help 💙✨️
@MedHelpForPreYears

صباحُ الخير 💞💞

سنكمل اليوم جدولنا مع مادة الفيزيولوجيا الطبية والمقرر علينا منها هو الفصل الثاني ( من بدايته حتى نهاية النسيج العضلي) بإذن الله تعالى🪻.

✨مصدر الدراسة:
-فيديو د.عبد الوهاب شهلا
https://t.me/MedHelpForPreYears/5909

✨بوت مادة الفيزيولوجيا:
@MedHelpPhysiology_bot

✨رابط شات المناقشة العلمية لـ pre-9 :
https://t.me/+P-DoVb8DW9VmZDY0

‏وتذكروا دائماً يا أصدقاء بأن طلبكم للعلم في هذا الشهر المُبارك عبادة عظيمة اختصكم بها ربٌ عظيم لمهنةٍ عظيمة بإذن الله ❤️

🌟تنويه :
الفصل الثاني تحديداً لا تدرسوه من تصوير السنة الماضية لان كان في مشكلة بالتصوير بهاد الفصل فقط ، فادرسوه من تصوير السنوات السابقة وهو نفس المحتوى والقيمة العلمية.

لا تنسوا أن تذكرونا بين طيّات دعواتكم أحبائي 🦋✨.

#Physiology 💉
#MP_Chapter_2
#Med_Help_Physiology
@MedHelpForPreYear

🔴#خبر | #Med_Help | #جامعة_تشرين

تُلغى جلسات العملي لهذا الاسبوع
وتُؤجل للاسبوع الذي يليه

بالتوفيق♥️.

#Med_Help 💙✨️
#Med_Help_Tishreen
@MedHelpForPreYears

يعطيكم العافية جميعا 🌸
إن شاء الله تكون الهمة عالية
بداية ح نبلش معكن بسلسلة مبسطة هدفها مراجعة أفكار فصول الفيزيولوجيا
هدف هاد الشي أنو أنت صديقي وقت تكون عم تقرأ هادا البوست تتذكر الأفكار يلي وردت ضمن الفصول وترتب أفكارك بالفصل ..

أول فصل يلي نحن رح نبلش فيه اليوم هو #الفصل_الثاني

◾ الأنسجة المستثارة◾
أنسجة مستثارة ببساطة كانت
أنسجة :يعني هي مجموعة من خلايا عصبية أو خلايا عضلية (ملساء و مخططة)
مستثارة: يعني هي الخلايا بتخلق اشارات بتتواصل من خلالها
في مصطلح بدو يمر معنا كان بكل فقرة كان اسمو Action potentials
يعني كامن الفعل ويلي هي الطريقة يلي الاشارات بتتواصل من خلالها

نذكر بتوزع الشوارد:

🔺السائل داخل الخلايا :
البوتاسيوم و الفوسفات و البروتينات تراكيز هي الشوارد كبيرة ضمن السائل داخل الخلايا على عكس شوارد الصوديوم يلي بتكون بكميات قليلة بالسائل داخل الخلايا
🔺السائل خارج الخلايا:
عندي كميات كبيرة من شوارد الصوديوم
و شوارد الكلور و الكالسيوم
أما بالنسبة الشوارد البوتاسيوم بتكون كميات قليلة ضمن السائل خارج الخلية
في مصطلح تاني يلي هو

◾ مدروج التركيز ◾
أكيد مر معكن بكل فقرة
طيب شو كان معناه
ببساطة هو انتقال الشوارد يلي تركيزها عالي من المنطقة يلي بكون فيها التركيز عالي للمنطقة يلي بتكون فيها تركيزها منخفض
يعني متل إذا أنا عم كب سطل مي من راس الدرج لآخرو 🙂
و هل الشي بخليني استنتج أنو أنا مالي بحاجة لأصرف طاقة ATP
أما أنا إذا بدي أرفع المي من آخر درجة لأول درجة بدي قوة رافعة اجباري
هادا صار اسمو النقل عكس مدروج التركيز و أكيد صار بدي ATP 👍

هلق منجي ع فكرة النقل المنفعل 😁
النقل المنفعل منقسمو:
أ- الانتشار البسيط
ب- الانتشار الميسر

هلق بدنا نتذكر عن شو كان الانتشار البسيط👍
بهادا النوع
من خلالو كان ينتشر نوعين من المواد عبر غشاء الخلية و تذكر أنو غشاء الخلية كان هو طبقة شحمية مضاعفة من هل الشي بوضحلي شو هي المواد
🔺المواد الذوابة في الشحم
🔺الماء !! طيب بتقلي مو ما بصير
بقلب باعتبار الماء مصدر حياتي لحياة الخلية تجاوزا بيمرق من قنوات خاصة بتكون عل الغشاء و بمرق معو المواد

المواد يلي بتمرق الها شرطين:
🔸 يكون وزنها الجزيئي صغير
🔸 تكون غير مشحونة

و تذكر أنو سرعة الانتشار بتتناسب طردا مع مدروج التركيز😉
و هلق الانتشار الميسر
أخي من اسمو ميسر يعني أنا بدي حدا ي يسرلي أموري من هل الحكي
بستنتج أنو
الانتشار الميسر بدو حامل🙃
يعني هي المواد يلي عم تنتشر بحاجة لمساعدة بروتين حامل ( بروتين ناقل)
انتبه ع نقطة أنو سرعة الانتشار الميسر تزداد بزيادة تراكيز المادة المنتشرة ل توصل لحد أقصى

لا تنس تراجع الآلية من الكتاب 😌

سؤال خطر ببالك ... ليش قلتلي سرعة قصوى و بوقف الانتشار و مدري شي .. ليش ما بيشبه الانتشار البسيط... شو الفرق ؟!
تعا لقلك
هلق مو اتفقنا أنو المادة يلي بدها تنتقل بدها ترتبط ب بروتين ناقل و هادا البروتين بكون بقلب قنوات بروتينية و هي القنوات موجودة ع سطح الغشاء
نتوصل لمرحلة هي القنوات بتمتلئ بالكامل من هون بتثبت سرعة الانتشار و من هون اجا مصطلح سرعة الانتشار القصوى

معناها ب الانتشار البسيط النقل غير محدود
انتشار ميسر عندي محدودية للنقل

هلق في فكرة النقل الفاعل
هادا النوع هدفو المحافظه على فروق التراكيز الثابتة على جانبي الغشاء
عكس الانتشار البسيط يلي بخلي التركيز متساويه على جانبي الغشاء

النقل الفاعل كمان نوعين:
أ- النقل الفاعل الأولي
ب- النقل الفاعل الثانوي

سنتكلم عنهم كل واحدٍ على حدى في البوستات القادمة 🎉

⭐ رابط بوت الفيزيولوجيا لأي استفسار :
@MedHelpPhysiology_bot

كل التوفيق يا رب ..
ولا تنسونا من صالح دعائكم 💜✨

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

هلق صار وقت نحكي عن أنواع النقل الفاعل
🔺النقل الفاعل الأولي
🔺النقل الفاعل الثانوي

منرجع منذكر هون عم نعرض العناوين   الأساسية ... ما ح نغوص بالآليات 🙂

🌸النقل الفاعل الأولي:
أهم الشوارد صوديوم ، بوتاسيوم ، كالسيوم  ، هيدروجين
المثال الأشهر ع هاد النوع هو
   🔸مضخة الصوديوم و البوتاسيوم🔸
حنحكي عن وظيفتها و من شو بتتألف

الوظيفة : ضخ شوارد الصوديوم لخااارج الخلية و شوارد البوتاسيوم لداخلها
من هالحكي منستنتج أنها مسؤولة عن
💫 صون التركيز الشاردية لكل من الصوديوم و البوتاسيوم على جانبي الغشاء

هلق منجي منحكي عن مكوناتها :
بروتين حامل
هادا البروتين كان بيتكون من اجتماع بروتينين كرويين منفصلين

🔺بروتين أصغر :
يلي هي تثبيت البروتين الحامل في شحم الغشاء
🔺 البروتين الأكبر :
يلي خصائصه ضرورية  لعمل هي المضخة

راجعهن عل السريع من الكتاب 😉

منتذكر أنو لهي المضخة اتجاهين متعاكسين للنقل
يعني
أ- تفكيك ال ATP
ب- تركيب ال ATP

طيب كيف بقرر آلية النقل ؟🤨
هلق منتذكر أنو
ADP+Pi >> ATP
معناها
التراكيز النسبية لل ADP و ATP و Pi
و ضيف عليها قيمة المدروج الكيميائي الكهربائي لكل من الصوديوم و البوتاسيوم

يُتبع ...

كل التوفيق يا رب..💜

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

وهلق نكمل بفقرة حلوة كتير 🙃
🔺النقل الفاعل الثانوي
بدنا نناقش فكرتين
أ- ليش بصير
ب- سبب حدوثه
ج- أنواعه
بداية...
منتذكر أنو شوارد الصوديوم وقت بتنتقل لخااارج الخلية بسبب مدروج كبير لهي الشاردة عبر الغشاء و هل المدروج بيختزن كمية كبيرة من ATP

تذكر😁
نقل شوارد الصوديوم لخااارج الخلية بواسطة النقل الفاعل الأولي
المهم...
صار الصوديوم برا الخلية معو طاقة كبيرة ... منطق أنو بدو يرجع ينتشر لجوا الخلية
طيب .... معنا طاقة و الأمور تمام معناها لايمنع أنو ينقلي مادة أخرى و هو فايت
هي المادة...اما لداخل الخلية
أو
لخارجها
هي أساس العملية
هلق
ب-المسؤول
أكيد عندي بروتين ناقل 🙂
ليش!
لأن هو أساسا موجود بالغشاء
و هو متل الحباسة 😂

يعني بيربطلي شاردة الصوديوم و المادة المرافقة يلي بدها تنتقل معها

لمع ببالك شي صح؟!
إذا أي أو لا بسيطة🤣
المهم وقت ارتبطت شاردة الصوديوم و المادة المرافقة لها بالبروتين حيصير تبدل شكلي في بنيته

ج-أنواعه
🔺نقل المرافق المساير :
بينقل غلوكوز +حموض أمينية

🔺النقل المرافق بالاتجاه المضاد:
بينقل صوديوم و كالسيوم
الصوديوم و هيدروجين

راجع الآليات من الكتاب😌

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

🏮 مضخة الصوديوم-بوتاسيوم:

🔹 بداية ليش عنا هالمضخة؟ وشو أهميتها؟
مضخة صوديوم بوتاسيوم بتحافظ على الغشاء بحالة راحة، كيف؟ عن طريق صون تراكيز الشوارد (Na,K) على جانبي غشاء الخلية

🔹 كيف بتعمل المضخة هاد الشي؟
  1️⃣ بتطلع 3 صوديوم للخارج وبتدخل 2 بوتاسيوم للداخل، وبما أنه نحنا بنعرف الصوديوم خارج الخلية أكتر من جوا، والبوتاسيوم داخل الخلية أكتر من برا فهي عم تنقل الشوارد بعكس مدروج التركيز

  2️⃣ بالتالي، رح تحتاج لحلمهة الـATP كمصدر طاقة

  3️⃣ بما أن الشاردتين Na+ وK+ بيحملوا نفس الشحنة (+1)، فالمحصلة أنه عم نخسر شاردة موجبة من داخل الخلية بكل مرة
⬅️ السلبية داخل الخلية عم تزيد بالنسبة لخارجها كنتيجة

وهاد هو حال استقطاب الغشاء بحالة الراحة

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

🏮 عمل مضخة الصوديوم-بوتاسيوم بالاتجاه المعاكس:


🔹 اتفقنا إنو المضخة بتطلع صوديوم لبرا و بتفوّت بوتاسيوم لجوا، يعني بتوجّه المدروج لحالته بأثناء الراحة

🔹 نحنا منعرف إنو المدروج عبر الغشاء بيختزن طاقة، وطول ما المضخة عم تشتغل ف مخزون الطاقة عم يزداد لحتى يصير أعلى من الطاقة اللي بتتطلبها المضخة و اللي بتجيبها من حلمهة الـATP

🔹 بهي المرحلة بتتوقف المضخة عن حلمهة الATP، و بتصير تعمل بالاتجاه المعاكس و بنتائج معاكسة للسابق:
1️⃣  بتنقل K+ و Na+ باتجاه المدروج (مشان تستخدم الطاقة المختزنة بالمدروج)

2️⃣  بتركّب ATP بدلًا من حلمهته

3️⃣  رح تزداد الشحنة الإيجابية في الداخل كنتيجة


🔴 ومن كل ما سبق منستنتج شغلة جدًا مهمة:

اللي بيفعّل العمل الاتجاه التاني هو الشغلات اللي بتعملها بالاتجاه الأول نفسها، لكن بعد مدة

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني


⚪️ الصوديوم:

🔹المسؤول الرئيسي لنشوء كامن الفعل في الأعصاب (زوال الاستقطاب).

🔹إغلاق قنواتها هو المسؤول الرئيسي عن عودة الاستقطاب

⚪️البوتاسيوم:

🔹المسؤول الرئيسي عن كامن الغشاء بحالة الراحة (يساهم ب-94 ميلي فولط).

🔹 فتح قنواتها هو المسؤول عن بدء عودة الاستقطاب (إنهاء كامن الفعل).

🔹يساهم في زيادة سرعة العودة إلى الاستقطاب.


#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

رجعنالكم مع فقرة حلوة هي :

◾كامن الغشاء في الأنسجة المستثارة ◾
بهي الفقرة ريحونا كتير الحمد لله و طلبوا بس القيم تبع الكامن
منذكر فيهن ع السريع

🔺كامن انتشار البوتاسيوم :
-94 ميلي فولط

🔺انتشار الصوديوم و البوتاسيوم عبر غشاء العصب  :
-86 ميلي فولط

🔺مضخة الصوديوم و البوتاسيوم:
-4 ميلي فولط

و بالأخير
🔺قيمة كامن الغشاء أثناء الراحة :
-90 ميلي فولط

إذا بدكن التفاصيل رجعوا للكتاب 😁

هلق بدنا نعمل تمهيد لفكرة

◾Nerve Action Potential ◾

كامن فعل العصب:
منرجع منذكر بمفهوم كامن الفعل :

أ- تبدل سريع يطرأ على كامن الغشاء
معنى هل الحكي... الغشاء وقت بعطيه منبه كاف شو بصير؟!

أ-يتحول كامن الراحة الغشائي السالب السوي إلى كامن غشاء موجب 
ب- بيرجع مرة تانية كامن الغشاء إلى وضع للراحة
طيب
🔺كامن الفعل:
هو انعكاس مفاجئ و مؤقت القطبية الغشاء ناتج عن منبه معين

🚫 تنويه:
في شغلة بدك تحط ببالك متل اسمك
سرعة التبدل من كامن الراحة الغشائي السوي السالب إلى كامن الغشاء الموجب (تساوي) سرعة العودة إلى وضع الراحة

طيب كامن الفعل شو بساوي؟!
يعني انجاز آثار فيزيولوجية عديدة :
أ-نقل دفعات عصبية على طول العصب
ب- احداث تقلص عضلي
ج- تنشيط الإفراز الغدي أو تثبيطه
كان في عنا أطوار لكامن الفعل
🔹دور الراحة
🔹دور زوال الاستقطاب
🔹دور عودة الاستقطاب

انطرونا بالبوست الجاية لنحكي عليهن بالتفصيل 😉

كل التوفيق يا رب..
ولا تنسونا من صالح دعائكم 💜✨

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

متل ما اتفقنا بدنا نفصل بالأطوار يلي حكينا عنهن بالبوست الماضي

أ- دور الراحة :
يعني كامن الغشاء في أثناء الراحة قبل نشوء كامن الفعل
و اتفقنا أنو قيمتو -90
و بكون كامن الغشاء شديد السلبية

ب- دور زوال الاستقطاب  Depolarization stage :
تذكر معي  .....
زوال يعني صوديوم
قصدي
الغشاء بهي المرحلة فجأة شديد النفوذية لشوارد الصوديوم ...
يعني شوارد الصوديوم عم تتدفق لجوا الخلية بكميات هائلة
و تذكر قبل ما يفوت الصوديوم .... كامن الغشاء شديد السلبية ... وقت الصوديوم صار يفوت و بغزارة ..بصير عندي ارتفاع سريع للكامن بالاتجاه الموجب

وهلق ببلش عندي دور عودة الاستقطاب Repolarization Stage :
بعد ما صار الغشاء شديد لشوارد الصوديوم
تبدأ قنوات الصوديوم بالانغلاق
تذكر أنا بدي رجع الغشاء شديد السلبية
بعد ما سكرنا قنوات الصوديوم
بدها تفتح قنوات البوتاسيوم
نفس المبدأ
فتحت قنوات البوتاسيوم و صار عندي انتشار سريع لشوارد البوتاسيوم (للخارج )

بالنهاية يعود كامن الغشاء السالب  السائد في أثناء الراحة 😁

برأيي هيك الفكرة ... احفظوها بشكل قصة 😉

⭐ رابط بوت الفيزيولوجيا لأي استفسار:
@MedHelpPhysiology_bot

بالتوفيق يا رب 🌻💚

#Physiology 💉
#MP_Chapter_2
#Med_Help_Physiology
@MedHelpForPreYears

نفحات رمضانيّة ميد هيلباويّة 💙🍃.


4_رمضان 🤍🌙.


#Med_Help 💙✨️
@MedHelpForPreYears

صيامًا مقبولًا وإفطارًا شهيًّا 🌸

سنكمل سويةً بالشروحات المساعدة للـ #فصل_الثاني من مادة الفيزيولوجيا 🩸

دمتم بخير، موفقين جميعًا ❤️🔥.

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

رجعنالكم مع أحلى فقرة وهي :
◾The Absolute Refractory period ◾

فترة الحران المطلق
الحران بتشبه كلمة حردان 😂 
المهم
يعني متل أخونا الصغير وقت منكون عاملين العمايل و منجي بدنا نراضي بالمصاري بالأكل  بس مافي أمل 😁 
يلي بقصدو التالي :
الحران المطلق هي فترة بعد ما يبدأ العصبون بانتاج كامن فعل يصبح عاجزا عن توليد كامن فعل آخر
طيب ليش؟!
🔺لأن بكون في عندي كتير قنوات الصوديوم مفتوحة أصلا
🔺و بعض القنوات الصوديوم تكون معطلة الفعالية و لا تفتح استجابة لأي تنبيه أبدا مهما بلغت قوته
وهي الفترة تشمل
أ- الطور الصاعد لكامن الفعل
ب- القسم الأول من الطور النازل

◾The Relative Refractory period ◾
فترة الحران النسبي
بتصير مباشرة فترة الحران المطلق في زمن حدوثها
يعني هي بيرجع العصبون خلالها قدرته على إنتاج كامن فعل جديد
طيب ليش ؟!
أ- انغلاق بعض قنوات البوتاسيوم المبوبة الفولطاج
ب- انعتاق بعض قنوات الصوديوم المبوبة فولطيا من حالة تعطيل الفعالية و بترجع لحالة الإغلاق الذي يسود في حالة الراحة

هي الفترة بتتمثل ب :
أ- طور فرط الاستقطاب
ب- القسم الأخير من الطور النازل لكامن الفعل

ان شاء الله  تكونوا عم تفهموا و تثبتوا الأفكار بهي الطريقة 😇

⭐ رابط بوت مادة الفيزيولوجيا لأي استفسار :
@MedHelpPhysiology_bot


بالتوفيق يارب ❤️✨

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

لنبدأ رحلتنا مع فقرة النسيج العضلي مع فويس قصير يتحدث عن العضلة ومكوناتها 💪🏻

#Physiology 💉
#MP_Chapter_2
#Med_Help_Physiology
@MedHelpForPreYears

#الفيزيولوجيا
#الفصل_الثاني

🔹 نقدم لكم فويس قصير وجميل يتحدث عن الميوزين . 🎉

بالتوفيق إن شاء الله 🔥❤️

#Physiology 💉
#MP_Chapter_2
#Med_Help_Physiology
@MedHelpForPreYears