مرحبا 👀❤️

بعد غياب طويل، رح نبدأ معكم بعد شوي بنشر ملاحظات وبوستات هامّـة حول مقررنا لليوم من مادة التشريح:《 الفصل الأول وفقرة العظام والمفاصل 》.

موفقين يارب ❤️💫.

#General_Anatomy ☠️
#Med_Help_Anatomy
@MedHelpForPreYears

🌟البداية مع ملاحظة بالنسبة للوضعية التشريحية :

وضعية النوم العميق ليست وضعيّة تشريحيّة 🛌

اتذكروا أنو بالوضعية التشريحيّة بكونوا كعبين القدم متلاصقين ببعض في الخلف ، و اللي نايم أكيد رح يكون متفرفرد و آخذ راحته كتير ما هيك؟ 👀

🌟أثناء النوم على الظهر يكون السطح العلوي هو السطح الأمامي تشريحياً و السطح السفلي هو السطح الخلفي تشريحياً
و هي معلومة هامة من أجل العمل الجراحي .. فالمريض يكون بوضعية الاضطجاع الظهري أثناء العمل الجراحي

اتخيلوها 💭.

#General_Anatomy ☠️
#MA_Chapter_1
#Med_Help_Anatomy
@MedHelpForPreYears

📌 معلومة جميلة و سريعة :

👈🏻 من العناصر التي تتوضع على الخط الناصف :
• الرغامى .
• المري .
• الأبهر البطني .

1️⃣ ملاحظة رقم 1 :
القلب لا نعتبره من العناصر المتوضعة على الخط الناصف 《 لأنه يتّجه للأيسر كما نعلم 》.

2️⃣ ملاحظة رقم 2 :
الأبهر البطني هو مائل قليلًا إلى يسار الخط الناصف ، هذا يعني أنه تقريبًا يقع على الخط الناصف ، لكن هذه الملاحظة مبنيّة على سؤال دورة وزارية وكانت خياراته هي العناصر المذكورة في الأعلى .

#General_Anatomy☠️
#MA_Chapter_1
#Med_Help_Anatomy
@MedHelpForPreYears

أسنان؟! وبالفصل الأول؟!! 🥲🙃

أي نعم ، اتمعنوا بهالصورة جيّدًا ، و ركزوا فيها ، و شوفوا ترتيب الأسنان كيف ، أنسي وحشي ..
《باعتبار آخدين مقطع يظهر فيه نصف الأسنان في الفك》.

#General_Anatomy ☠️
#MA_Chapter_1
#Med_Help_Anatomy
@MedHelpForPreYears

والآن مع سؤال تكرر كثير فيما يخص فقرة العظام والمفاصل من الفصل الثاني.

🔹️ما نوع المفصل بين الفقرات، غضروفي ليفي أم زليلي مسطّح ⁉️

👈🏻 نقدم لكم فيديو للدكتور أحمد فوّاز يوّضح لكم الفكرة بإذن الله:
https://youtu.be/12D02Pr3jwY

بالتوفيق يا ربّ 💫.

#General_Anatomy ☠️
#MA_Chapter_2
#Med_Help_Anatomy ☠️
@MedHelpForPreYears

🪄العظام وانواعها 🪄

لدينا في جسمنا خمس أنواع من العظام :

🔹 العظام الطويلة long bones :
وهي التي تملك جسم و مشاشتين.

🔹 العظام المسطحة flat bones :
صفحيتان من العظم الكثيف بينهما نسج اسفنجي.

🔹 العظام القصيرة short bones :
طبقة خارجية قشرية تحيط بنسيج اسفنجي.

🔹 العظام السمسمانية sesamoid bones :
لم تذكر في الكتاب.

🔹 العظام غير المنتظمة irregular bones :
لم تذكر في الكتاب وهي تعرف بالاستبعاد.


⭐️ العظام الطويلة :
• الترقوة clavicle
• العضد humerus
• الزند ulna
• الكعبرة radius
• سنعيات اليد metacapral bones
• سلاميات phalanges
• الفخذ femur
• الظنبوب tibia
• الشظية fibula
• أمشاط القدم metatarsal bones

⭐️ العظام المسطحة:
• لوح الكتف scapula
• الأضلاع ribs
• القص sternum 
• العظم الجبهي frontal bone
• العظم الجداري parietal bone
• العظم القذالي  occipital bone
• العظم الأنفي nasal bone
• الحرقفة ilium

⭐️ العظام القصيرة :
• عظام الرسغ carpal bones
• عظام الرصغ tarsal bones

⭐️ العظام السمسمانية:
• الرضفة patella
• العظمان السمسانيان بين السنعي الأول و السلامى الأولى للإبهام sesamoid bones of hand

⭐️ العظام غير المنتظمة:
• الفقرات ككل vertebraes
• باقي عظام القحف العصب والحشوي أي :
   - العظم الوتدي sphenoidal bone
   - العظم الصدغي temporal bone
   -  العظم الغربالي ethmoidal bone
   - العظم الفكي سفلي mandible
   - العظم الفكي علوي maxilla
   - العظم الوجني zygomatic bone
   - الميكعة vomer
   - العظم الحنكي  palatine bone
   - القرين  الأنفي  السفلي  Inferior nasal concha
   - العظم اللامي hyoid bone
   - العانة pubis
   - الاسك ischium
   - العظم الوركي hip bone
   - مطرقة malleus
   - سندان incus
   - ركاب stapes

بالتوفيق يا رب 🌼.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

💫 3 مصطلحات حيّرتكم 💫

بس مع Med Help لا مجال للحيرة🥰

🌻المفصل الملتحم - synarthrosis :

✨️ هو نفسه المفصل الليفي ؛ يعني عظم مرتبط مع عظم آخر بواسطة نسيج ليفي .

✨️ من أمثلته :
• المرتبطات - syndesmoses.
•  الدروز - sutures.

🌻 الالتحام الغضروفي - synchondrosis :

✨️ هو نفسه المفصل الغضروفي الزجاجي ؛ يعني عظم عم يرتبط مع عظم بواسطة غضروف زجاجي .

✨️ من أمثلته :
• القرص المشاشي《الصفيحة المشاشية》.
• الالتحام الغضروفي العصبي المركزي .

🌻 الالتحام العظمي《الالتحام المباشر》- synostosis :

✨️ هو عبارة عن عظم ملتحم مع عظم ، يعني عظم ملزوق و مرتبط مع عظم ثاني ولكن بدون صلة وصل《مثل الغضاريف أو النسيج الليفي》،
إذًا عو عظم ملتحم بعظم آخر بدون ولا شيء .

✨️من أمثلته :
ما ذكرولكم بالكتاب أمثلة عليه ، ولكن رح أعطيكم مثال لتاخدوا عنه فكرة :

مو حكينا هلأ أنو الصفيحة المشاشية هي مثال عن الالتحام الغضروفي ؟

⁉️ليش شو هي الصفحية المشاشية ؟

هي عبارة عن غضروف زجاجي بيوصل بين مشاشة و جسم العظم الطويل ، و طبعًا هاد الشي يلي بيسمح بالنمو الطولي للعظام الطويلة .

⁉️طيب ، هلأ بمرحلة معيّنة لما بيتوقّف النمو الطولي شو بصير يا حزركم ؟

يلي بصير أنو هاد الغضروف الزجاجي يلي هو الصفيحة المشاشية بيتعظّم ، يعني بصير عظم
فهون بيتحول الالتحام الغضروفي إلى التحام عظمي ، فبتصير المشاشة ملتحمة بجسم العظم بدون أي غضروف بيناتهم .

بالتوفيق و لا تنسونا من صالح دعائكم 🌸.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

🪄 المفصل القبضي القصي:

هو ما يسمى بالارتفاق، وهو مفصل غضروفي ليفي، يعني هون السطوح المفصلية بتكون مغطاية بغضروفي زجاجي، والغضروف الليفي عم يربط بين هالسطوح، يعني الخلاصة أنه مفصل غضروفي ليفي كما ذُكر في كتابكم.

🪄 المفصل الرهابي القصي:

وهو هون يُدعى بالالتحام الغضروفي، وهون بترتبط العظام بواسطة غضروف زجاجي، يعني هو مفصل غضروفي زجاجي.

موفقين يا ربّ 💗🍃.

#General_Anatomy ☠️
#MA_Chapter_2
#Med_Help_Anatomy ☠️
@MedHelpForPreYears

آخر ملاحظة لليوم:

في جملة بالكتاب قالولكم فيها:

" تُحاط كل العظام بسمحاق عظمي عدا السطوح المفصلية "

🔹️ طيب شو معناته هالكلام وشو هو السمحاق؟

🫧 السمحاق هو جزء أساسي من بنية العظام فيكم تقولوا، فكل عظام الجسم محاطة بسمحاق العظم، ولكن عنا استثناء صغير وهو السطوح المفصلية للعظام 《 يعني مكان تمفصل عظم مع عظم آخر》.

🔹️ ليش طيب ما بغطّي السطوح المفصلية؟

🫧 لأنه سمحاق العظم  فيه أعصاب وفيه أوعية دموية ، فاتخيلوا أنتم أنه بمكان تمفصل عظم مع عظم يكون في أعصاب!

يعني تخيلوا كل ما بدكم تحركوا ساعدكم مثلًا وأنتم عم تعملوا قبض تقوم حركة العظام تضغط عالعصب الموجود بمنطقة السطوح المفصلية تقوم تجعكم إيدكم!

فـ بمنطقة السطوح المفصلية ما بكون عنا سمحاق مغطي للعظم وإنما بكون عنا غضروف زجاجي؛  《يلي هو نوع من أنواع الغضاريف وما بدكم تفاصيلهم حاليًا ولكن يلي بهمكم فيه أنو  هالغضروف بكون خالٍ من الأعصاب والأوعية الدموية، بالتالي حركة المفاصل ما رح تسببلي ألم بالحالات السويّة والطبيعية للبني آدم》..

موفقين يا ربّ 🤍🍃.

#General_Anatomy ☠️
#MA_Chapter_2
#Med_Help_Anatomy ☠️
@MedHelpForPreYears

فريق MED HELP يهنئكم بحلول شهر رمضان المبارك 🤍✨️

رمضان مُبارك على الجميع ✨️.

المجلس العلمي الفقهي في وزارة الأوقاف يعلن :
غداً الاثنين أول أيام شهر رمضان المبارك لعام 1445هـ في #الجمهوية_العربية_السورية


وكل عام وانتم بخير بمناسبة حلول شهر الخير 🤍.

#Med_Help 💙✨️
@MedHelpForPreYears

صباحُكم همّة وإنجاز 💕💫

سنكمل بمقرر مادة التشريح لهذا الأسبوع ،وتحديدًا سندرس:

فقرة القحف العصبي من الفصل الثاني💀

💥مصدر الدراسة: فيديو للدكتور أحمد فوّاز:
•https://youtu.be/wEtcVy1R6jY?si=LJ0eg0LFf7teguxk


•وبعد انتهائكم من المقرر لا تنسوا فيديو شرح الرسمات:
•https://youtu.be/jyfW_Ao6i5U?si=5gj5rvxUusL-2abt

💥بوت المادة لاستقبال كامل استفساراتكم العلمية:
@MedHelpAnatomy_bot

💥رابط شات المناقشة العلمية للدفعة التاسعة:
https://t.me/+P-DoVb8DW9VmZDY0

"و أوصيك بهذا يا صديق
جدِّد إيمانك بأنك تستطيع.. ولا تتوقَّف عن المُحاولة" 💪🏻
لا خيَّبَ اللهُ مساعيكم.. 🌸

بالتوفيق يا رب ولا تنسونا من صالح دعائكم ✨️.

#General_Anatomy☠️
#MA_Chapter_2
#Med_Help_Anatomy
@MedHelpForPreYears

🔴#خبر | #Med_Help | #جامعة_تشرين

■نقلًا عن الهيئة:

فيما يخص موضوع الاعتراضات
يُفتح باب التقدم للاعتراض على مقررات النظري من اليوم حتى الاثنين القادم

الخطوات:
١) بفتح ع سيرياتيل كاش قسم التعليم العالي بدفع رسوم الاعتراض اللي هي ٨٠٠٠ الاف عن كل مادة
٢) بنزل عشؤون الطلاب مشان تكمل الاجراءات

يحق للطالب الاعتراض على اي مادة او مجموعة مواد بلا قيود
الرسم عالمادة الوحدة ٨٠٠٠

بالتوفيق ♥️♥️

#Med_Help 💙✨️
#Med_Help_Tishreen
@MedHelpForPreYears

ملف مصطلحات كتاب مادّة التشريح كاملةً بين أيديكم 🥳.

👈🏻 بحيث يتضّمن المصطلحات العربية و اللاتينية مقسّمة حسب فصول الكتاب .

🌻 ننوّه لكم على أهميّة المصطلحات ، وذلك لوجود 40 سؤال تقريبًا في الامتحان يعتمد عليهم .

بالتوفيق يارب ولا تنسونا من دعواتكم الطيّبة 🌸

#Med_Help 🤍✨️
#Med_Help_Anatomy ☠️
@MedHelpForPreYears

السلام عليكم 💙✨️

جاهزين نبدأ بملاحظات وفيديوهات مساعدة حول مقررنا لليوم ؟ 🤛🏻

انتظرونا في تمام الساعة الثالثة إن شاء الله 🤍🎉.

بالتوفيق 🌸.

#General_Anatomy ☠️
#MA_Chapter_2
#Med_Help_Anatomy
@MedHelpForPreYears

☁️ القحف بشكل عام + دروز القحف ☁️

شرح هاتين الفقرتين سيكون عن طريق فيديو خفيف ولطيف؛ الشرح من بداية الفيديو لغاية الدقيقة ٨ و ٢٠ ثانية تقريبًا، ولكن تتمة الفيديو تحتوي أيضًا على ملاحظات ومعلومات هامّة، فيفضَّل أن تشاهدوه بشكل كامل ☝️🏻

👈🏻 رابط الفيديو.

⚠️ مع العلم أنه يوجد درز أتى بسؤال امتحاني من قِبَل د.بيان في أحد دورات التكميلي، وهو غير مذكور بالكتاب، فسجلوه واكتبوه عندكم وراء الدكتور أحمد لأنه ذاكره بالفيديو.

بالتوفيق يا ربّ 🤍🍃.

#General_Anatomy ☠️
#MA_Chapter_2
#Med_Help_Anatomy ☠️
@MedHelpForPreYears

سؤال مكرر: ماهو الفرق بين الحفرة والثقبة؟

👈🏻 الجواب الشافي والوافي في هذا الفيديو من د.أحمد.

بالتوفيق يا ربّ 🤍🍃.

#General_Anatomy ☠️
#MA_Chapter_2
#Med_Help_Anatomy ☠️
@MedHelpForPreYears