Med Help

يسعدلي مساكم أخواتي 😍😍

عنا كتاب رائع وجميل جدا جدا ، رح يحكي عن الأشعة الكهرطيسية ، رح تتعرفوا فيه على تصوير الايكو وعلى تصوير الاشعة السينية والتصوير الطبقي المحوري المشهورين خصوصا هدول ..

رح تعرفوا فيه آلية عمل مكرويف المطبخ من خلال تعرفكم ع الاشعة الخاصة فيه ، رح تفهموا الأشعة الراديوية ، والاشعة فوق البنفسجية والسبب أنه التعرض المستمر الها بأدي لأذية سواء للعين او الجلد رغم انه بنفس الوقت منقدر من خلاله نستفاد من هي الأشعة لصالح الجسم كيف ؟ رح تفهموا بالكتاب بالتفصيل ، والليزر يلي كنتوا انتوا ورفقاتكم تحطوه ع عين بعض 😂😂

المصادر هي :
■ الكتاب ثم الكتاب ثم الكتاب ، يعني صح رح تلاقيه بدايةً صعب بس لما رح تتعود عليه رح ترتاح كتير وخصوصاً بترتاح من وسواس هي المحاضرة كاملة او لأ ..الخ
■ فريق اربسيز غني عن التعريف رغم شايف أنه ماله داعي ابدا ابدا لكن وارد تستصعب بعض الامور ف فيك تشوف الفريق كيف منظمها وتحاول تدرسها .
■ الحضور بالجامعة : نفس الشي بكل المواد بتحضر اول اسبوع وبتجرب حالك فيه اذا فهمت بتكمل اذا مافهمت قعود بالبيت وبلا وجع الراس ، لكن في الدكتور ابراهيم "جامعة دمشق" الدكتور رائع جدا وعظيم فإذا سمعت اسمه احضر عنده مع احترامنا المحتم لكل الدكاترة لكن عجبني اسلوبه ❤
■ تسجيلات : في تسجيلات الدكتور محمد الحلبي الخارق ، وع القناة رح تنزل تسجيلات هي السنة ، والسلايدات تبعاته نوعا ما شاملة لأن في كتير طلاب درست منها وجابت معدل 75+ بس يعني لا أنصح بغير الكتاب بالنهاية هو المعتمد الرئيسي
■ اليوتيوب : فريق junior nerd عامل شرح مفصّل ورهيب لكل المادة وصح هو مارح يساعدك بالفهم ١٠٠% ببعض الفصول لكن صدقني رح توصلك 80% من المعلومة ولمجرد انك تعيد الفصل قراءة رح تكون فارمه فرم والفريق شارح المادة كاملةً ، يعني يلي مابيحسن يعتمد ع حاسة السمع بالتسجيلات فيه يعتمد ع السمع والبصر ع محاضرة اليوتيوب
■ طريقة الدراسة : الكتاب عبارة عن١٧ فصل في فصول بتخلص بيوم وفي فصول بتحتاج يومين واكبر فصل بيحتاج ٣ ايام (اذا كل يوم بتدرس ٦ ساعات) لهيك اذا قلنا معك ١٠ اسابيع ف لازم كل اسبوع تكون خالص فصل ان كان طويل وفصلين ان كانوا سهلين ، انا شو بده يعرفني شو يلي بده وقت وشو لأ ؟ على مهل ياقلبي منخبرك بس تبدأ دوام بس هلأ عم نعطيك لمحة عامة ((ولا تنس ان كنت بدأت نصحتك تبدأ بيو )).

#ملاحظة : هي المصادر كفيلة بأنها تخليك تجيب معدل 90+ ، وعندي رفقاتي رغم صعوبة دورة السنة الماضية جابوا 96 وماحدا طلع برا هي المصادر 😁

بالتوفيق ❤❤
@MedHelpForPreYears
#Med_Help_Physics

4.49K viewsedited 19:21