🌟 توضيح السؤال السابق :

الفكرة هي Shopping معناها المشتريات💜
و هي اسم مفرد غير قابل للعد

نستنج أن Every shopping مستبعدة بالدرجة الأولى؛ لأن لازم يجي بعدها اسم مفرد قابل للجمع، بينما Shopping لا تقبل الجمع 💛

و All shopping غلط لأن اكيد ما رح اشتري كل المقتنيات بالعالم

اكيد الجواب هو All the shopping يعني مقتنيات محددة.... (مو كل شي)..

و هي فكرة مبسطة عن الهدف من معنى The قبل الاسم الجمع .

#English 🗽
#Med_Help_English
@MedHelpForPreYears

كلمة Crew معناها طاقم !...
الطّاقم كلمة واحدة مخباية بقلبها كومة ناس 👀

متل كلمة family/team العائلة كلمة واحدة بداخلها داحشة عدد لا بأس منه من الأشخاص .

اوك، هاد هوّ ال collective noun
إذًا فعله مفرد أو جمع
ولكن بالكتاب مطالبين الفعل فقط جمع.

بالكتاب حاطين مثال فيه
Crew ..work/ works
الجواب بهالحالة...أن نمشي بالكتاب أن فقط ذاكر الفعل جمع فبناخد work
حتى لو شفت نوطة حاطين الفعل مفرد.

بينما clothes بتندرج تحت مسمّى Plural nouns With Plural verbs
يعني اسماء جمع عموما و هي الاسماء مفيش منها مفرد!...😭

Clothes
Earnings
Goods
Manners
Stairs
Belongings

بس في اسماء بتنتهي ب s و ما بدّل على جمع، متل مادّة انتوا بتدرسوها
مثلا Statistics هون القصد فيها مادة الاحصاء فعلها فقط مفرد
أما لو قصدك الاحصائيات فعلها جمع...

مثال اخر من الكتاب
Athletics
Mathematics
Economics

بينما
Trousers
Scissors
Shorts

هو اسمهن Nouns with a plural form and are followed by plural verb
اسماء شكلها جمع و فعلها جمع

🌟 شو بتفرق هالانواع من الأسماء عن Clothes ؟

الجواب Trousers شكلها جمع بس تعود إلى مثنى!...
لأن البنطال كم فردة فيه؟
فيه فردتين!... يعني مثنى، والمثنى يعني جمع!...

و المفرد من النوع هاد من الأسماء حط قبله كلمة متل
A pair of shoes
A pair of trousers
والجمع من هالاسم هو
2 pairs of trousers
2 pairs of shoes

بينما clothes ما بتعود على اسم اله فردتين!..
لا، بتعود على الكلام عن الثياب عموماً.

💌 الخلاصة 💌
▪️كلمة Crew تندرج تحت الاسم Collective noun
فعله مفرد أو جمع انت حرّ إن كنت طالب حربوق
جمع فقط إن كنت طالب السترة فقط...و ماشي متل الكتاب

▪️كلمات Trousers/ shoes
تندرج تحت نوع الاسماء Nouns with a plural form and are followed by plural verb يلي تعود باصلها إلى فردتين!..
و فعلها جمع فقط

▪️كلمة Clothes
بتعود على الأسماء يلي الها هيئة جمع فقط
وفعلها جمع، تعود إلى جمع لا مفرد لها عموما.

#English 🗽
#Med_Help_English
@MedHelpForPreYears

#أسئلة_مكررة

لما نقول A red sports car..

يعني كيف نقول A sports car

فعليا وقت بدك تستعمل كلمة Sport كصفة فبالتالي لازم تكون صيغة جمع
يعني قواعديا و لغويا و سياقيا منقول A sports car.
و هي s من طبيعة الكلمة 👌

يعني وقت sport تجي كصفة طبيعي جدا تكون معها s 🙊...

و صحيحة مية بالمية أن أدخل أدوات التنكير { a/ an } قبل الكلمة يلي عم اعطي عليها معلومات إضافية و حتى لو فيها SPORTS
لأن[ a and an ]عم يوصفوا الاسم وليس sports، و sports هي صفة مو اسم
عم نقول سيارة رياضية

وممكن نشوف
Sport car
Sports car
و بالحالتين Sport هي صفة

#English 🗽
#Med_Help_English
@MedHelpForPreYears

🌟 عنا هدول المصطلحات التلاتة :

▫️ك معنى، المصطلحات التلاتة معناهن مختلف تماماً.

▫️ولكن عمومًا In my opinion معناها "برأيي"... هي ببساطة صيغة بيستخدمها الشخص لما بدو يحكي عن "رأيو" بموضوع معين. هاد الرأي قد يحتمل الصواب أو الخطأ... هو "رأي".

الصيغة ممكن تيجي ببداية الجملة, وبنهاية الجملة, وبنصف الجملة بشكل اعتراضي (متل الأمثلة بالصورة).

#English 🗽
#Med_Help_English
@MedHelpForPreYears

🌟 In general

معناها "غالباً, أو بشكل عام, عموماً"
بستخدمها لما بدي وضح إني عم احكي عن شغلة بشكل عام (يعني عموماً ولكن في حالات استثنائية) أو لما احكي عن شي إنو "غالباً" هو كذا...

In general, He is a calm man.
هي معناها "هو بشكل عام شخص هادي"... بشكل عام يعني "أغلب" وقتو, بس لا يعني مية بالمية, لا يعني انو ولا مرة ضاج, أو مستحيل يضوج, بس هي حالتو "بشكل عام, غالباً"

🌟 in general
الصيغة كمان ممكن تيجي ببداية الجملة, وبآخرها, وبالنص .

#English 🗽
#Med_Help_English
@MedHelpForPreYears

#أسئلة_مكررة

بدنا نشرح بعض الملاحظات عن The
المُلاحظات من الكتاب صفحة ٧٠/٧٨

🌟 Don't use the when you are talking in general about kinds of music.
ما منحط The إن كِنت عم تحكي عن انواع الموسيقا.
ممكن من انواع الموسيقا
Simple
Upbeat
Energetic
Complex
Rebellious
👈🏻 مثال :
I love classical music.
I love the classical music.
الجملة ٢ غلط

👈🏻 طيّب، متى بحط The ؟
لما بذكر اسم من اسماء ادوات الموسيقا
I play the 🎻.
I play the guitar.

---------------------------------------
🌟 إن مو غلط نقول The news
و فرق بين News and The news

▫️ال News معناها، الاخبار و التقارير و المعلومات ليتم نشرها بالصّحف خاصّة.
و المعنى الآخر ، الاخبار يلي بتسمع فيها و انت ما بتعرف فيها مُسبقاً

▫️بينما The news هي نشرة أخبار من الراديو او التلفاز حصرا.

#English 🗽
#Med_Help_English
@MedHelpForPreYears

#أسئلة_مكررة

🌟 كلمة Fruit بتكون اسم معدود لما نحكي عن نوع فاكهة محدد، أو أنواع مختلفة من الفواكه.

مثلا An apple is A FRUIT معدود مفرد، عم احكي عن نوع فاكهة محدد: التفاح.

🌟 Mangos and bananas are tropical fruits
المانغو والموز هنن فواكه استوائية، معدود جمع، لأنو عم احكي عن نوعين مختلفين من الفواكه.

▪️ الكلمة بتجي ك اسم غير معدود، لما كون عم احكي عن الفواكه بشكل عام، بدون تحديد.

• متل لما قول I love fruit، أنا بحب الفواكه، بحبهن بشكل عام، مو نوع محدد، كلهن بشكل عام.

• You should eat a lot of fruit.
لازم تاكل كتير فواكه، مو مهم نوع الفواكه، مو نوع واحد محدد، فواكه بشكل عام.

• ومافي فرق بالجمع، Fruit or fruits كلاهما جمع صحيح. الجمع
يعني Fruit متل جمع كلمة Sheep، وجمع Fruits هو جمع نظامي.
بالاستخدام كلاهما صح.

#English 🗽
#Med_Help_English
@MedHelpForPreYears

#أسئلة_مكررة

👈🏻 بالنسبة لـ Either...or
فالقاعدة "الآمنة" هي إنو خلو الفعل يتوافق مع الكلمة الأقرب

🌟 Either the teacher or the students have come.
هون الفعل have توافق مع كلمة students يلي هي جمع.

🌟 Either the students or the teacher has come.
هون الفعل has توافق مع كلمة teacher يلي هي مفرد.

فهون عم نخلي الفعل يتوافق مع الكلمة القريبة على الفعل, الكلمة يلي بعد الـ or
وطبعاً لما يكون عنا اسمين مفرد, فمفرد, ولما اسمين جمع, فجمع.

👈🏻 ملاحظتين :
▪️هي القاعدة دائماً صح, بس قد يكون في حالات غير هيك... هي كما ذكرت هي القاعدة "الآمنة" يلي أكييييد الكل بيعتبرها صح. بقية الحالات قد تكون صح بحالة بحالة بس غلط بحالة تانية, فالأفضل عدم الخوض بهاد الموضوع.

▪️الكلام فوق يشمل either...or، وليس either of - neither of يلي الهن تفصيل تاني. وكذلك neither...nor إلها تفصيل تاني.

#English 🗽
#Med_Help_English
@MedHelpForPreYears

🟡 تصويبات نوطة دورات اللغة 🟡

🌱 الصفحة 58 ، السؤال رقم 27
الجواب : B
التصويب : A ✓

🌱 الصفحة 66 ، السؤال رقم 69
الجواب : D
التصويب : A ✓

🌱 الصفحة 82 ، السؤال رقم 70
الجواب : C
التصويب : B

بالتوفيق يارب ، لا تنسونا من صالح الدعاء 🤍🌻

#English 🗽
#Med_Help_English
@MedHelpForPreYears

⚠️ تنويه :

بما أنه متلبكين شوي بقسم ال Writing قررنا نعمل فقرة خاصة لهاد القسم حتى يصير بسيط وحلو بإذن الله .

الفقرة رح تبلش الساعة 9 🎉

بالتوفيق ان شاء الله ❤️

#English 🗽
#Med_Help_English
@MedHelpForPreYears

بالنسبة لهاد السؤال، فالجملة بدون فاصلة قبل ال because بتحمل معنيين:
1. لفظي مانو واضح زيادة لأني بعاني من لفظ ال"ر".
2. لفظي واضح منيح بس مو لأني بعاني من لفظ ال"ر" إنما لسبب تاني.

إذا بدي خليها تحمل معنى واحد، إنو سبب عدم وضوح لفظي هو إني بعاني أحياناً من لفظ حرف ال"ر"، فالأصح يكون في فاصلة.

وجود الفاصلة هون بيعطي معنى اوضح، وهو أصح.

#English 🗽
#Med_Help_English
@MedHelpForPreYears

🌟 ملاحظة بسيطة بخصوص استخدام ال The :

▫️Nouns lose their articles after possessive' s
يعني اذا في ملكية ما بنحط The

ناخد مثال:
The coat that belongs to Jack
نفسها أن قلنا
Jack's coat
ولكن ما بيصح نقول:
Jack's the coat
The Jack's coat.

▫️بس متى منحط The قبل الاسم يلي s الملكية ؟

But the possessive noun itself may have an article
إن كان صاحب الملك بالأساس مع the

مثال:
The wife of the boss
بتصير:
The boss's wife

وهيك منكون خلصنا فقرة الملاحظات والأسئلة المكررة ، متل ما اتفقنا لا تنسوا فقرة الرايتينغ عالساعة 9 🔥

بالتوفيق يارب ❤️

#English 🗽
#Med_Help_English
@MedHelpForPreYears

تأخرنا عليكم شوي 🤏🏻
يلا جاهزين نبلش الجلسة ؟ 👀🔥

موفقيين يارب ❤️

#Med_Help_English
@MedHelpForPreYears

🌟 التوضيح 🌟

ما ننسى أن نهاية الكلام نقطة .

ما ننسى أن Team هو collective متل كلمة Family فعلها مفرد أو جمع
حسب المطالب من الكتاب
هذا النوع من الاسم، فعله فقط جمع.

#English 🗽
#Med_Help_English
@MedHelpForPreYears

🌟 التوضيح 🌟

ما ننسىى، أن وقت اذكر اسم شخص،
و بدي ضيف شي ما بهمني عنه، متل وظيفته، حياته، بحطها بين فاصلتين.

ما ننسى أن الكلام المنقول بعد فعل النقل Say دائما بدايته حرف كبير.

#English 🗽
#Med_Help_English
@MedHelpForPreYears