بما انو عدد الي عندهم مشكل في إنجليزية طبية كبير انا وزميلي بارك الله فيه بعثنا البارح لجامعة التكوين التواصل وهدرنا بصفة طلبة كل
ان شاء الله بتحل مشكل

📢 إعلان هام بخصوص تخصص الإنجليزية الطبية – السنة الأولى والثانية

بعد التواصل مع جامعة التكوين المتواصل (UFC) والاستفسار عن وضعية التسجيل في تخصص الإنجليزية
الطبية، تم التوصل إلى ما يلي:

🔹 تسجيل الطلبة يتم آليًا من طرف وزارة التعليم العالي والبحث العلمي، وليس من طرف الجامعة.

🔹 لا توجد أي حقوق أو رسوم مالية مطلوبة للتسجيل.

🔹 تأخر ظهور تسجيل الطلبة يعود إلى الضغط الكبير على مستوى الوزارة.

🔹 سيظهر تسجيل تخصص الإنجليزية الطبية قريبًا في منصة PROGRES، كما ستظهر بطاقة الطالب الخاصة بالتخصص بعد استكمال عملية التسجيل.

📌 نرجو من الطلبة التحلي بالصبر وانتظار ظهور التسجيل رسميًا في المنصة.

معلومات التواصل:

📞 الهاتف: +213 23 31 24 97

📧 البريد الإلكتروني:

centre-ecoute@ufc.dz

الموقع الالكتروني :

https://share.google/HEk01wByggZv4dyyT

📍 العنوان: شارع أحمد واكد، دالي إبراهيم، الجزائر العاصمة.


بالتوفيق والنجاح للجميع 🤍📚

جبتلكم واش وعدتكم 🥹❤️‍🩹
#2éme_med
@apexmed33

جماعة نخدملكم كي هذو كل واحد وحدهم باش موديل يحي الخط كبير و واضح واش رايكم؟
وراح ندير من ليكور تع قسنطينة وملحقاتها

وهذي تع ليموديل مع بعض
(نسخة فرنسية)

هذي طريقة دراسة
هذي تع ابتهال (طروازيام ميد) انا عجبتني قلت نبرطاجيها

📌شوفو بالنسبة للطريقة العامة
افضل حاجة ناسبتني هي اني نعرف على واه ادور الكور نتاعي قبل مانبدا نهز البولي و نديشيفري....
نعز سع الكور نبعثو لجميني او نقولو يلخصلي وش فيه كامل ندي نظرة عليه نفهم وش راح نشوف كامل في الكور مبعد نبدا نتفصل بالعنوان الواحد
او راح نربح وقت خير مانبقى حاصلة اني نشرح الكور حرف حرف
كي ندخل في التفاصيل نكتب ملخص صغير ولا شرح لشي لي فهمتو قدام كل عنوان باه تسهل عليا وقت روكوش
بعد مانكمل نحل الكسيام او نشوف روحي وين مليحة وش قدرت نجاوب او نشوف وش لازم نعاود نريفيزي
كاين مرات وين سع تفرجت في اليوتيوب يعني فيديوات على الكور مبعد لقطة الجيميني مبعد بقية الخطوات عادي جدا

شوفو نصيحة من احد ليماجور ربي يجازيه
قال انو مالازمش طول بزاف مع الكور لانو راح يتنسا راح يتنسا عليها لازم تفهم او ديشيفري على لول مبعد كثرو روكوش لانو كل ماتعاودو المعلومة راح تثبت
مثلا قريتوه بالاحد عاودو اسيدي بالتلاث ولا في ويكاند اقسمو ليكور نتاعكم على ايام السمانة كل واحد وش اناسبو

ذك السؤال كيفاه تروكوشيو مليح
📌📌 حلو وذنيكم مليح 🔪🙂

شوفو كاين طريقة اسمها الاكتيف ريكول 🙂 اسمها باهي علابالي او معناه الاسترجاع الفعال

ولكن كيفاه ديروها
عندكم زوج طرق او في زوج ملاح

معلومة الطريقة هذه ديروها قبل ماتمسو البولي نتاعكم ولا حتى طلو عليه

📍 لولة تخدمو فلاش كاردز بلا تعبو رواحكم كاين ديسيت يخدموهم كيما

Notbooklm gizmo thea
او هذو كامل بلاش تبعثولهم الكور يديروبكم فلاش كاردز
وش فايدتها انو هو يطرح عليكم اسئلة
او نتوما تجاوبو اذا حصلتو ولا نسيتو تشوفو الاجابة
📍 الثانية انو تروحو تحلو الكسيام
يس تحلوهم قبل ماتراجعو البولي علابالي ممكن تغلطو يزاف ممكن تنساو ماتخافوش هذا هو الهدف من هذه الطريقة اصلا

انو تعرفو وش تفكرتو من الكور نتاعكم او وين نقاط ضعفكم او كل ماطبقوها راح تثبت المعلومة او يقل النسيان نتاعكم او نهار الكونترول مخكم يكون اصلا تعود انو يجبد المعلومة بشكل اسرع

نا وحدة من ناس قبل ماندير الملخص نطل سع على الكسيام نشوف ابيبري على واه اركزو كثر او وش راهو يدور كثر
مرات نكتب نوت كسيام
او مرات نلخص بلا بيهم
بالنسبة ليموديل تختالف طريقة تلخيص على حسابهم
مثلا فيزيو كي قريناها العام ليفات يعني حاجة تحتاج شرح او تحتاج نفهمها سع
نكتب ليزيتاب كيفاه تصرا ذيك الحاجة او نكتب في ستيك نوت العناصر لي يدخلو او مرات
كاين مثلا كيما الهرمونات نكتب كل واحد فيهم وشيهي خدمتو او منين اجي كيما بطاقة تعريف باه نشفى او نخدم بزاف بالمخططات فيها

الحوايج لي كيما الايستو نفضل بزاااااااف الجداول و رسمات
مثلا نديرو النسيج كيفاه مداير طبقاتو او كل طبقة نخرج منها رسم او نكتب في نقاط وش فهمت او وش لازم نحفظ
مام الخلايا ساعات نرسمهم او نكتب ميزات كل وحدة طبقتها في نورو هذه
اناتو نترجم خاصة ليرابور او فاسكيلاريزاسيون من فقرات لمخططات