🌷🧬 Unité 4 | L’appareil endocrino-génital

هااااي🥳🥳💖
✨اليوم وصلنا للوحدة الرابعة من برنامج 2ème année médecine 🩺 بعد ما تعرفناعلى 3 وحدات🫀🫁🍽️💧 وهذي المرة راح ندخلو لعالم "الجهاز الغدي والتناسلي 🧬"وين راح نتعرفو على الغدد والهرمونات من جهة وعلى الجهاز التناسلي الأنثوي والذكري من جهة أخرى ♀️♂️

⏳ و مدة الوحدةراح تكون 7 أسابيع

✨وخلال هذي الرحلة راح نتناولو الوحدة من خلال 4 موديل وكل واحد فيهم يخلينا نكتاشفو جانب مختلف منها✨
━━━━━━━━━━━━━━━━━━
👈ليموديل هذو راح يكونو
Anatomie Histologie physiologie biochimie

💜 01 | Anatomie — التشريح 🦴

🤏في Anatomie راح نركزو على الغدد الصماء 🧬 والأعضاء التناسلية ♀️♂️ من الناحية التشريحية

✍راح نتعرفو على الغدد الموجودة في الجسم من بينها الغدة النخامية 🧠 والغدة الدرقية والغدد الكظرية بالإضافة إلى الغدة الثديية

✍ومن جهة أخرىراح ندرسو الجهاز التناسلي الأنثوي 💁‍♀ بمختلف أجزائه وكذلك الجهاز التناسلي الذكري 👨🏻 مع التعرف على أجزائه ومكوّناته

👨‍🏫يعني في هذا الموديل راح نبنيو صورة واضحة على أماكن الغدد والأعضاءشكلها وأجزائها وعلاقاتها التشريحية 🩺

🔬 02 | Histologie — علم الأنسجة 🧫

📌بعد ما نتعرفو على هذه الغدد والأعضاء من الناحية التشريحية 🦴 نروحو نشوفوها على المستوى المجهري 🔬

📌راح ندرسو الأنسجة الخاصة بمختلف الغدد الصماء 🧬 ونشوفو كذلك أنسجة الأعضاء التناسلية ♀️♂️

📌ومن بين الجوانب اللي راح نمرّو عليها: الأنسجة المرتبطة بالمنظومة الوطائية-النخامية 🧠، والغدة الدرقية، والغدد الكظرية، والبنكرياس الصمّاء، بالإضافة إلى أنسجة المبيض 🥚 والرحم والمهبل والخصيتين وغيرها.

📌كما راح نتطرقو إلى تطور الغدة التناسلية غير المتمايزة 🧬

🤓يعني هنا راح نبدلو النظرة من العضو كامل إلى الخلايا والأنسجة اللي تكوّنه 🔬

💙 03 | Physiologie — علم وظائف الأعضاء 🧠

🖋في الفيزيولوجيا راح ندخلو في الجانب الوظيفي ونحاولو نفهمو كيفاش يتم التحكم في الهرمونات 🧪 وكيفاش تخدم المنظومة الهرمونية داخل الجسم

🖊راح نتعرفو على أنظمة التحكم الهرموني 🔄، وعلى العلاقة بين الوطاء والغدة النخامية 🧠، بالإضافة إلى الهرمونات المرتبطة بالنمو مثل GH 🌱

🖋كما راح نشوفو وظيفة الغدة الدرقية 🦋 والغدد الكظرية، وكيفاش يرتبط النشاط الهرموني بتوازن الكالسيوم والفوسفات ⚖️.

🖋ونتعرفو كذلك على الأنسولين والغلوكاغون 🩸بالإضافة إلى الوظائف التناسلية الأنثوية ♀️ والذكرية ♂️.

🧡 04 | Biochimie — الكيمياء الحيوية 🧪

🔍وفي Biochimie، راح نقربو أكثر للهرمونات من الناحية الكيميائية 🧬

🔍راح نبدأو بفهم الهرمونات بشكل عام ومن بعد نتعرفو على الهرمونات المرتبطة بالمنظومة الوطائية-النخامية 🧠

📚كما راح نتطرقو إلى الهرمونات الستيرويدية 🧪 والهرمونات الدرقية 🦋 والكاتيكولامينات بالإضافة إلى الجانب الكيميائي المرتبط بـ إعادة تشكيل العظام 🦴

😎يعني هنا راح نهتمو أكثر بـ الطبيعة الكيميائية للهرمونات وكيفاش ترتبط بمختلف العمليات داخل الجسم 🧬🧪

🤭وهكذا نكونو كملنا هدرنا على الوحدة 4 بقاتلنا غير وحدة وندخلو للموديلات الي عندو اي سؤال على هذي الوحدة او الوحدات السابقة يسال

✍بالتوفيق ❤️

جماعة راكم تقدرو تجبدو شهادة التسجيل درك من هذا الموقع
👇
https://progres.mesrs.dz/webetu

هاااي💖💖
سلام جماعة حبيت نسقسيكم بعد ما نكمل نهدرلكم على ليموديل و لينيتي واش تحبو نديرلكم على دوزيام 🤔🤔؟

وتقدرو تشوفو هذا اللايف لي درناه مع ims academy هدرنا فيه على السنة اولى بالتفصيل ✅️

https://youtu.be/-WX1BYfEOHc?si=IL36dSRqv2gBtI7m

هذا مفيد بزاااف لجماعة بروميار ميد

🧠💙 Unité 5 | Neuro

هاااي Doctors 🥳🥳💖
✨ان شاء الله تكونو كامل بخير
❤️‍🔥 اليوم أن شاء الله راح نكملو في سلسلة سنة ثانية طب
🔍 بعد ما كملنا 4 وحدات 😮‍💨 وصلنا للوحدة الخامسة الي راح ندخلو فيها لعالم مختلف شوية 👀: الجهاز العصبي 🧠 وأعضاء الحس 👁️👂

🧠💙 Unité 5 | Neuro

🥹هذي الوحدة تعتبر ايضا من الوحدات الأطول وراح ترافقنا لمدة 9 أسابيع ⏳

👌خلال هذي الفترة راح نقراو الوحدة من خلال 4 موديل:
Anatomie
Physiology
Histologie
Biophysique

🫥وكل موديل راح يخلينا نشوفو الجهاز العصبي وأعضاء الحس من زاوية مختلفة ✨

😉✨نبداو نفصلو في كل موديل:

━━━━━━━━━━━━━━━━━━
💜 01 | Anatomie — التشريح 🦴

🔏في الاناطو راح نبدأو بالتعرف على التركيب التشريحي للرأس والرقبة 🧠 من العظام الموجودة في الجمجمة والوجه إلى العضلات والأوعية الدموية المرتبطة بهذه المناطق

🔏ومن بعد نتعمقو أكثر في الدماغ 🧠 وأجزائه بالإضافة إلى النخاع الشوكي والأعصاب المرتبطة به

🔏وما ننسوش كذلك أعضاء الحس 👁️👂👃وين راح يكون عندنا جانب تشريحي خاص بها مع دراسة ما يرتبط بالرؤية والسمع

✂️يعني باختصار راح نبنيو صورة تشريحية للجهاز العصبي من الرأس والدماغ 🧠 إلى النخاع الشوكي والأعصاب ومعاهم أعضاء الحس 👁️👂📚

💗 02 | Histologie — علم الأنسجة 🔬

📝بعد ما نشوفو الجهاز العصبي من الناحية التشريحية نروحو للمستوى المجهري 🔬

📖هنا راح نتعرفو على الأنسجة اللي تكوّن الجهاز العصبي 🧠 ونشوفو كيفاش تكون على المستوى النسيجي

📚وكذلك راح ندخلو لأعضاء الحس 👁️👂👅👃 ونتعرفو على الأنسجة الخاصة بها مثل الأنسجة المرتبطة بالعين والأذن والأنف واللسان والجلد

🔖كما راح نمرّو على جانب متعلق بـ تطور الجهاز العصبي المركزي 🧬
━━━━━━━━━━━━━━━━━━
💙 03 | Physiologie — علم وظائف الأعضاء ⚡🧠

📌هنا نبدأو نفهمو كيفاش يخدم الجهاز العصبي وما هي الوظائف المختلفة اللي يقوم بها

📌راح نتعرفو على الإحساس بالألم ⚡ وكيفية حدوثه ونشوفو كذلك كيفاش تتم الرؤية 👁️ والسمع 👂 من الناحية الوظيفية

📌كما راح نتطرقو إلى النخاع الشوكي ودوره وبعض مكوّنات الجهاز العصبي المرتبطة بالتحكم في الوظائف المختلفة

📌ومن بين الجوانب اللي راح نقراوها كذلك النوم واليقظة 🌙☀️ بالإضافة إلى وظائف مرتبطة بالحركة والمسارات الحركية
━━━━━━━━━━━━━━━━━━
💚 04 | Biophysique — الفيزياء الحيوية 🌊👁️👂

🔍وفي البيوفيزيك راح نركزو على الجانب الفيزيائي المرتبط بـ الرؤية 👁️ والسمع 👂

🖊يعني راح نحاولو نفهمو كيفاش تخضع هذي الظواهر للقوانين الفيزيائية وكيفاش نقدروا نفسرو الضوء المرتبط بالرؤية 🌈 والموجات الصوتية المرتبطة بالسمع 🔊
━━━━━━━━━━━━━━━━━━

🙋‍♀ وهكذا نكونو كملنا هدرنا على آخر وحدة في سنة ثانية بشكل عام الي عندو اي سؤال على هذه الوحدة او وحدات الاخرى يكتب في تعليقات باش ندخلو ليموديل 💁‍♀

🔴La rentrée universitaire sera officiellement dimanche le 20 septembre 2026
Bon courage

بالصحة لينا ندخلو قبل جماعة الليسي ونخرجو بعدهم

توحشت نقرى صراحة 🦦🦦🦦 (ياربي اغفرلي)

🧬💙 Module | Génétique

هلا Doctors 🩺✨
إن شاء الله تكونو كامل بخير
واليوم نبدأو معاكم Module Génétique 🧬 وين راح نكتاشفو عالم الـ ADN chromosomes و l’information génétique بطريقة تدريجية ومترابطة 🔬

✨راح نقسملكم الموديل درس بدرس باش تكون عندكم فكرة واضحة على واش راح تقراو 👀👇🏻
━━━━━━━━━━━━━━

🧬 01 | Structure des acides nucléiques

📝في هذا الدرس راح نتعرفو على الأحماض النووية (acides nucléiques) والمكوّنات اللي تشكل الـADN والـARN 🔬

📖وراح نفهمو كيفاش تكون بنيتهم والتنظيم تاعهم 🧬

🔍وهذا باش نأسسو القاعدة اللازمة لفهم باقي دروس الـGénétique ✨

🧬 02 | La réplication de l’ADN

🖊هنا راح نشوفو كيفاش يتم تضاعف الـADN ونسخ المعلومات الوراثية بطريقة منظمة 🔬

🖋كما راح نتعرفو على كيفية حدوث هذه العملية عند les procaryotes و les eucaryotes 🧬

🖌وبهذا نفهمو كيفاش يتم الحفاظ على المعلومات الوراثية أثناء التضاعف ✨

🧬 03 | Organisation des génomes

🔗في هذا الدرس راح نكتاشفو كيفاش تكون المادة الوراثية منظمة داخل الـgénome 🧬

🖇راح نتعرفو على تنظيم الـgénome ومختلف المستويات اللي تسمح بترتيب المعلومات الوراثية 🔬

🧷يعني راح نبدأو نفهمو كيفاش الـADN يكون منظم وماشي مجرد سلسلة عشوائية ✨

🧬 04 | Structure et organisation de la chromatine

🔏هنا ننتقلو من الـADN إلى la chromatine ونشوفو كيفاش تكون المادة الوراثية منظمة داخل الخلية 🔬

🔐راح نتعرفو على بنيتها وكيفاش يساهم تنظيمها في ترتيب الـADN 🧬

🔒وهذا الدرس يخلينا نفهمو أكثر العلاقة بين الـADN والـchromatine ✨

🧬 05 | La transcription

📌في هذا الدرس راح نتعرفو على la transcription وكيفاش يتم الانتقال من المعلومات الموجودة في الـADN إلى ARN 🧬

📌راح نفهمو الفكرة العامة للعملية وكيفاش يتم التعبير عن المعلومات الوراثية 🔬

📌وهو درس مهم باش نربطو بين الـADN وباقي مراحل التعبير الجيني ✨

🧬 06 | Le caryotype normal

📔هنا راح نتعرفو على le caryotype normal وكيفاش تكون الصبغيات (chromosomes) عند الإنسان 🔬

📒راح نشوفو تنظيمها وكيفاش نقدروا نقراو ونفهمو الـcaryotype 🧬

📕وبهذا نكونو حضرنا الأساس لفهم التغيرات اللي ممكن تصرا على مستوى الـchromosomes ✨


🧬 07 | Les anomalies du caryotype

🗓بعد ما عرفنا الـcaryotype normal راح نشوفو les anomalies du caryotype 🔬

🗓يعني راح نتعرفو على التغيرات اللي يمكن نلقاوها على مستوى الصبغيات 🧬

📁🗓وهذا يسمح لنا نفهمو كيفاش نميزو الـcaryotype العادي عن الحالات اللي فيها anomalies ✨

🧬 08 | La traduction / Biosynthèse des protéines

📚هنا راح نكملو رحلة المعلومة الوراثية ونتعرفو على la traduction وbiosynthèse des protéines 🧬

📚راح نفهمو بصفة عامة كيفاش تتحول المعلومة الوراثية إلى بروتين 🔬

📚وبهذا نربطو بين المراحل المختلفة للتعبير عن الـinformation génétique ✨

🧬 09 | Les variants, mutations et polymorphismes

✂️وفي هذا الدرس راح نتعرفو على les variants mutations و polymorphismes 🧬

📌راح نفهمو بصفة عامة الاختلافات اللي يمكن تصرا على مستوى المادة الوراثية 🔬

📌وبهذا نكملو الصورة العامة حول التنوع والتغير في الـinformation génétique ✨

🙋‍♀وهكدا نكونو هدرنا على كل درس من موديل بصفة عامة أن شاء الله يكون عجبكم نلتقي في آخر موديل ايمنولوجي الي عندو اي سؤال يسال❤️
بالتوفيق💖💖💖

🧬 IMMUNOLOGIE — 2ème année médecine

✋هاااااي اطباء المستقبل 💖
✨ان شاء الله تكونو بخير
✨بعد ما تعرفنا المرة السابقة على موديل جينيتيك اليوم راح ننتقلو للموديل تاني والاخير ألا وهو ايمنولوجي (d’Immunologie 🛡️🧬)

🤏موديل يخلينا نفهمو كيفاش يخدم الجهاز المناعي🤧 شكون هي الخلايا والمكونات اللي تشارك في الدفاع 🦠وكيفاش تتواصل فيما بينها باش تكون Réponse immunitaire فعّالة

📚 الموديل مقسم إلى 13 درس وكل درس يفتح لنا جانب جديد من عالم المناعة:

01. 🫀 Organes lymphoïdes

📌نبدأو بالتعرف على الأعضاء اللمفاوية وين تتواجد الخلايا المناعية وكيفاش تكون منظمة داخل الجسم مع التمييز بين مختلف الأعضاء اللمفاوية ودورها في الاستجابة المناعية

02. 🔬 Cellules présentatrices d’antigène

🖊هنا نتعرفو على الخلايا المقدمة للمستضد (CPA) ودورها في التعرف على الـ Antigène وتقديمه للخلايا المناعية
🖋وهي خطوة أساسية لانطلاق الاستجابة المناعية

03. ⚔️ Cellules NK

🔍درس مخصص لـ Natural Killer (NK) وين نشوفو هاذ الخلايا ودورها في الدفاع المناعي خاصة في التعامل مع الخلايا المستهدفة ضمن immunité innée

04. 🧫 Granulocytes et mastocytes

📖نكتشفو Granulocytes و Mastocytes مع التركيز على مختلف أنواعها ودورها في الدفاع و الالتهاب والتفاعلات المناعية
05. 🧬 Lymphocytes B

📚ندخلو لعالم LB الخلايا المسؤولة أساسًا عن immunité humorale ونتعرفو على خصائصها ودورها في إنتاج anticorps والاستجابة المناعية

06. 🛡️ Lymphocytes T

📝هنا نركزو على LT ودورها في immunité cellulaire مع فهم أنواعها وكيفاش تشارك في تنظيم وتنفيذ الاستجابة المناعية

07. 🎯 Antigènes

📌قبل ما نفهمو الاستجابة المناعية مليح لازم نفهمو Antigène: واش هو ؟كيفاش يتم التعرف عليه؟ وعلاقته ببدء الاستجابة المناعية؟

08. 🔗 CMH

🔖درس Complexe Majeur d’Histocompatibilité (CMH) وين نفهمو كيفاش يتم عرض المستضدات والتعرف عليها من طرف الخلايا اللمفاوية ودور الـ CMH في التواصل بين الخلايا المناعية

09. 🧪 Immunoglobulines

🔒ندخلو لعالم الأجسام المضادة (Immunoglobulines) 🧬
نتعرفو على بنيتها تصنيفها إلى IgG, IgA, IgM, IgD, IgE، خصائص كل نوع ووظائفها في الاستجابة المناعية

10. 🛡️ Le complément

🔗نتعرفو على Système du complément وهو جزء مهم من الدفاع المناعي مع دراسة طرق تفعيله تنظيمه والنتائج التي يساهم فيها مثل lyse opsonisation et inflammation

11. ⚔️ Réponses immunitaires

🔏هنا نجمعو الخيوط مع بعض 🧩
نفهمو Réponse immunitaire innée et spécifique والفرق بينهما ثم نتبعو الاستجابة الخلوية بواسطة LT والاستجابة الخلطية بواسطة LB، وصولًا إلى réponse secondaire et mémoire immunitaire

12. 💬 Cytokines

📒ندخلو لعالم Cytokines جزيئات التواصل بين الخلايا المناعية 🗣️🧬
نشوفو خصائصها مستقبلاتها طرق عملها وتصنيفها إضافة إلى دورها في réponse immunitaire, inflammation, défense antivirale et hématopoïèse

13. 🤝 Molécules
d’adhésion cellulaire

📚نختمو الموديل بـ Molécules d’adhésion اللي تسمح للخلايا بالتفاعل والالتصاق ببعضها وتشارك في ظواهر مهمة مثل inflammation, migration des leucocytes, homing lymphocytaire et synapse immunologique

✍وهكدا نكونو كملنا آخر موديل لسنة تانية ميد ان شاء الله تكونو استفدتم وعجبكم
الي عندو اي سؤال يسال
بالتوفيق💖💖

وهكذا يا أطباء نكونو كملنا هدرنا على جميع الوحدات و جميع الموديل الي راح نقراهم في سنة ثانية طب
ان شاء الله تكونو استفدتم وعجبكم
نلتقي في منشور اخر❤️❤️❤️

-9j🦦🦦🦦

🟢 ثانيا : وش هو الكيرسيس Cursus ؟

• في كلية الطب باتنة و أغلب كليات الوطن (ماشي كامل)، يبداو بحسبو الكيرسيس إبتداءا من السنة الثالثة ، و الكيرسيس هو مجموع معدل السنوات : الثالثة + الرابعة + الخامسة + السادسة ، يعني يجمعوهم كامل و يقسموهم على 4 ، المعدل لي يخرج هو الكيرسيس تاع كل واحد فينا.

• الكيرسيس هو المعدل لي راح يعتمدوه باه يرتبونا من أعلى معدل إلى أدنى معدل في السنة السابعة إن شاء الله، باه نخيرو لي سارفيس تاع الأنتارنا ، يعني المعيار الوحيد المعتمد لترتيب الطلبة عند إختيار لي سارفيس تاع الأنتارنا هو الكرسيس.

• أيضا الكيرسيس يدخل مع الريزيدانا ، لكن بطريقة غير مباشرة ، مثلا في كلية الطب الجزائر العاصمة ، إمتحان الرزيدينا عبارة عن كنترول QCS, و بالتالي إحتمال باه تلقا ناس عندهم نفس المعدل و يتشاركوا في نفس الفاصلة إحتمال كبير بزاف.
كي يلقاو مثلا 10 أشخاص عندهم معدل 15.20 ، وكيما علابالكم الكلاسمون في الريزيدانا مهم ، فمن أجل أن يتم ترتيبهم و يكون الكلاسمون عادل من أعلى معدل إلى أدنى معدل ، الناس هاذو لي عندهم نفس معدل الريزيدانا 15.20 ، يوليو يشوفولهم للكيرسيس تاع كل واحد فيهم ، لي عندو أعلى كيرسيس يكون الأول منهم و ولي عندو أدنى كيرسيس يكون اللخر منهم ، أي من هاذوك ال 15 لي عندهم نفس معدل الريزيدانا.
أما في كليتنا الكيرسيس تقريبا ماعندوش أهمية في الرزيدانا لأنو الإمتحان عندنا QCM, و بالتالي فرص باه يتساواو زوج في فاصلة صغيرة قليلة جدا ، و لكن يبقا الواحد لازم بديرلو حساب إحتياطا.

• معدل السنة الثالثة يدخل في الكيرسيس فقط ، و ماعندو حتى علاقة بلي سارفيس تاع الرابعة، لأنو في السنة الرابعة يتغير السيستام و نوليو نقراو بلي روتاسيون و نسطاجيو كامل كيف كيف.

https://www.instagram.com/apexm_ed?stkn=d200OHI4Z2xsZmhl

جماعة مفيدة لجماعة و دروميار و الدوزيام
متنساوش تابونيوها🥹

انظمو راح تفيدكم