🔴رسميا:
تاريخ الدخول الجامعي للسنة الجامعية 2026-2027 سيكون يوم الثلاثاء 22 سبتمبر 2026
بالتوفيق للجميع

سلام عليكم
جماعة علابالي طولت عليكم كنت مشغولة شوي بصح الليلة أن شاء الله راح نبدا نهدرلكم على دوزيام ميد

🩺🫀🫁 دوزيام ميد… واش راح تقراو؟ وكيفاش راح تكون السنة؟ 📚🤍
✏️Part 1

بالنسبة لطلبة👩‍🏫 سنة ثانية طب حبيت نشارك معاكم شوية معلومات باش تكون عندكم فكرة على واش راح يستناكم وكيفاش تقدروا تنظمو رواحكم من البداية
🌸 أولا دوزيام حسب ما قالولي طلبة العام الماضي "اسهل عام" قالك ساهلة ومليحة وتخليك تنظمي روحك و الصعوبة طبعا تبقى تختلف من شخص لشخص

🌼 طريقة الدراسة راح تختلف طبعا بعد ما كنا نقراو بسيستام سوماستريال راح نوليو نقراو بسيستام اينتار (système unitaire ) كل وحدة تهدر على جهاز' appareil 'في جسم الانسان
_خدمتو
_مكان نتاعو
_دور
اما الامراض سنة ثالثة أن شاء الله نبداوهم
✨واسماء الوحدات الي راح نقراوهم كالتالي:
🫀 Cardio-respiratoire
🦋 Endocrino
🫘 Urinaire
🪷 Digestive
🧠 Neuro
✨ وفي كل وحدة راح تلقاو مجموعة من المواد الي هي:
• Anatomie
• Physiologie
• Histologie
• Biochimie /Biophysique(حسب الوحدة)
✨وراح نقراو تاني في آخر عام 2 modules الي هوما:
🛡️ Immunologie
🧬 Génétique

❄️بالنسبة للكنترولات راح يوليو روتين عندنا☃️ وين نكملو نقراو وحدة راح نفوتو الكنترول نتاعها وبالتالي القراية راح تكون شارجي وهذا يخلينا ويحتم علينا لازم نكونو منظمين رواحنا وعارفين من اول مرة كيفاه راح نقراو وبالتالي القراية لازم (اجور) مش كي بروميار اقرأ ليلة الرعد نطلع الموديل ب 10 هذي مكانش في دوزيام

⚓️ بالنسبة لعدد اسئلة كنترول راح تكون من 50 إلى 90 وهذا يختلف حسب كل ولاية و النقطة الاقتصائية راح تكون (5)

📌 بالنسبة للوحدات
اطول وحدة والي راح يكون فيها شارج بزاااف هي اول وحدة Cardio-respiratoire

🖋 هذا بالنسبة الجزء اول الجزء تاني أن شاء الله راح نهدرلكم على مظمون الوحدات و واش نقراو فيهم🔍

الي عندو اي سؤال تاني يقلي باش في نهاية نكون هدرت على كل ما يخص دوزيام

🌷 دوزيام ميد | الوحدة الأولى 🫀🫁
السلام عليكم 🌸
نكملو مع سلسلة السنة الثانية طب واليوم نبدأو بأول وحدة:
🫀🫁 L’appareil cardio-respiratoire
الجهاز القلبي التنفسي

🖋هذه الوحدة تجمع بين:
_ القلب🫀
_ الأوعية الدموية 🩸
_الجهاز التنفسي 🫁

والمليح فيها أنو ما راحش تقراو الجهاز من جهة وحدة برك وإنما راح تشوفوه من عدة جوانب Anatomie Histologie ...الخ وكل مادة تكمل الأخرى😋

📚 راح نقراو فيها modules 4:
Anatomie, Histologie, Physiologie و Biophysique

😉✨نبداو نفصلو في كل موديل
🦴 1 — Anatomie | التشريح:

في Anatomie راح نكتاشفو الجهاز القلبي التنفسي من ناحية التركيب والمكان والعلاقات بين مختلف أجزائه

🫀 بالنسبة للقلب:
راح تقراو
• تشريح القلب
•تتعرفو على مكونات القلب وتركيبه
• كذلك الأوعية الدموية المرتبطة بالقلب، خاصة:
Les artères — الشرايين
Les veines — الأوردة
•وكذالك الأوعية الموجودة حول القلب وكيفاش ترتبط به

🫁 بالنسبة للجهاز التنفسي:
راح تقراو
•تشريح الجهاز التنفسي
• مختلف الأجزاء والتفرعات الموجودة فيه
•من بين الأمور المهمة: Les bronches — القصبات الهوائية

💨 العضلات المسؤولة عن التنفس:
راح تقراو
• العضلات التي تدخل في عملية التنفس
يعني تفهمو البنية العضلية التي تسمح بحركات التنفس

🦴 La cage thoracique — القفص الصدري:
راح تقراو
• العظام التي تشكل القفص الصدري.
•وتتعرفو على البنية التي تحيط وتحمي القلب والرئتين

🔬 2 — Histologie | علم الأنسجة
بعد ما تعرفنا على الجهاز من الناحية التشريحية نروحو نشوفوه على مستوى الأنسجة والخلايا

🫀 أنسجة القلب:
راح تقراو
•الأنسجة التي تشكل القلب
•وتشوفو كيفاش يكون تركيب القلب على المستوى النسيجي

🩸 الأوعية الدموية:
•راح تدرسو أنسجة الأوعية الدموية
🤏يعني كيفاش تكون الأوعية مكوّنة من الداخل وعلى المستوى النسيجي

🫁 الجهاز التنفسي:
•راح تقراو الأنسجة الخاصة بالجهاز التنفسي
•تبدأ الدراسة من الأوعية اللمفاوية الموجودة في الجهاز التنفسي
وتوصل حتى إلى الحويصلات الرئوية — Les alvéoles pulmonaires

🩸 Les organes hématopoïétiques — الأعضاء المكوّنة للدم:
راح تقراو كذلك أنسجة الأعضاء المسؤولة عن تكوين الدم والمناعة

❤️ 3 — Physiologie | علم وظائف الأعضاء
هنا ننتقلو من سؤال:
"كيفاش راه مركب الجهاز؟"
إلى السؤال الأهم:
"كيفاش يخدم؟" 🧠❤️
(في الفيزيولوجي راح تقراو وظائف القلب والدورة الدموية والجهاز التنفسي)

🫀 القلب:
•راح تفهمو كيفاش يخدم القلب
•كيفاش يساهم في المحافظة على الدورة الدموية
•وراح تقراو كذلك كهرباء القلب أي النشاط الكهربائي المرتبط بعمل القلب

🩸 الدورة الدموية:
•راح تقراو كيفاه تخدم الدورة الدموية
•كيفاه يتحرك الدم داخل الأوعية
•وكيفاه يساهم الجهاز القلبي الوعائي في تلبية احتياجات الجسم

💨 التنفس:
•راح تقراو آلية التنفس
•تفهمو كيفاش تتم عملية التنفس وكيفاش يساهم الجهاز التنفسي في وظائف الجسم

⚛️ 4 — Biophysique | الفيزياء الحيوية
وفي الأخير عندنا Biophysique وين نشوفو الجانب الفيزيائي المرتبط بالجهاز القلبي التنفسي

💧 التركيز هنا يكون على:
Physique des fluides — فيزياء السوائل
ومن بعد نطبقو هذه المفاهيم على الدم 🩸.
يعني راح تشوفو كيفاش نقدروا نفهمو حركة وخصائص الدم باعتباره سائل، وكيفاش تطبق قوانين فيزياء السوائل على الدورة الدموية والأوعية

🙋‍♀ملاحظة:
_ مدة دراسة الوحدة 1: شهر ونصف تقريبا
_ بالنسبة لقنوات يوتيوب والمصادر والملخصات...الخ ان شاء الله كي ندخلو نقراو نعطيكم كلش باذن الله 👓

🕸 وهكدا نكونو هدرنا على كل ما يخص الوحدة 1 الي عندو اي سؤال على هذه الوحدة يقلي قبل ما ننتقلو للوحدة 2🤓

🌷 2ème année médecine | Unité 2

هاااااي🥳🥳
✨رجعتلكم في جزء ثالث من سلسلة سنة ثانية طب و اليوم أن شاء الله راح نبداو بالوحدة 2:
🍽️ L’appareil digestif — الجهاز الهضمي

👩‍🏫بعد ما كملنا رحلتنا مع الوحدة الأولى 🫀🫁 ننتقلو الآن إلى الوحدة (2) الي راح تكون مخصصة لتعرف على "الجهاز الهضمي" بكل أجزائه (من الفم إلى الشرج) ومن مختلف الجوانب

📚 وخلالها راح نقراو 4 موديل:
🦴 Anatomie — التشريح
🔬 Histologie — علم الأنسجة
🧠 Physiologie — علم وظائف الأعضاء
🧪 Biochimie — الكيمياء الحيوية

✨😉 نبداو نفصلو في كل موديل :

🎀 01 | Anatomie 🦴

🌸في الاناطو راح ندرسو الجهاز الهضمي كامل من الفم 👄 حتى الشرج ونتعرفو على مختلف أعضائه وين موجودة 📍كيفاش شكلها 🧩 وكيفاش مرتبطة ببعضاها 🔗 من الناحية التشريحية

🌸كما راح نتعرفو على الغدد الملحقة بالجهاز الهضمي 🧬 بالإضافة إلى الصفاق جدار البطن الكبد والطرق الصفراوية وكذلك الطحال 🩸 والجهاز البابي

"🤓يعني في هذا الموديل راح تكون عندنا نظرة 👀 تشريحية كاملة على الجهاز الهضمي وأعضائه"

💙 02 | Histologie 🔬

✍هنا راح ننتقلو من دراسة الأعضاء ككل إلى دراسة الأنسجة 🔬 المكوّنة لها

✍راح نشوفو 👀 كيفاش تتكون أنسجة مختلف أجزاء الجهاز الهضمي بدايةً من تجويف الفم 👄 مرورًا بـ المريء، المعدة، والأمعاء 🌀، وصولًا إلى القولون والقناة الشرجية.

✍كما راح ندرسو أنسجة بعض الأعضاء والغدد المرتبطة بالجهاز الهضمي، مثل الكبد 🫀، الغدد اللعابية 💧، والبنكرياس 🧬.

"🤓يعني هنا نركزو أكثر على الجهاز الهضمي على المستوى النسيجي 🔬"

💜 03 | Physiologie 🧠

🌿في الفيزيو راح نركزو على كيفاش يخدم الجهاز الهضمي ⚙️ وكيف تتم عملية الهضم 😋

🌿راح نتبعو هذه العملية من البداية ونتعرفو على مراحل الهضم المختلفة 🔄 وكيفاش تحدث كل مرحلة، بدايةً من دخول الطعام 👄 إلى الجهاز الهضمي، وصولًا إلى المراحل النهائية من عملية الهضم

🌿كما راح نتعرفو على الإفرازات المرتبطة بالهضم 💧 ودور بعض الأعضاء والغدد في هذه العملية، وصولًا إلى المراحل المرتبطة بـ الأمعاء 🌀 والقولون

"🤓يعني هنا راح نفهمو كيفاش يخدم الجهاز الهضمي وكيف تتم عملية الهضم 🧠🍽️"

🧡 04 | Biochimie 🧪

🎗في البيوشيمي راح ندخلو أكثر في الجانب الكيميائي 🧪 المرتبط بالموضوع

🎗راح نقراو على الفيتامينات 💊، العناصر النادرة والمعادن 🧂، بالإضافة إلى استقلاب الحديد ⛓‍💥 ودور هذه العناصر في الجسم

"🤓يعني راح نركزو على الجانب الكيميائي للفيتامينات والعناصر والمعادن داخل الجسم 🧪🧬"

🙋ملاحظة:
_مدة دراسة الوحدة 2: تقريبا شهر ونصف (6اسابيع)
_اما بالنسبة لقنوات يوتيوب ملخصات مصادر كتب ...الخ كما ذكرنا سابقا كي ندخلو القراية باذن الله نعطيكم ونوفرلكم كلش

👩‍🏫 وهكذا نكونو هدرنا على كل ما يخص الوحدة 1 الي عندو اي سؤال على هذه الوحدة يقلي قبل ما ننتقلو للوحدة 3

Gyyse partajoo lcanal bach tstfado kaml ☺️💗

الاطلاع على ⁨Med Minds ✨️🥼⁩: ⁨https://t.me/MedGuideDZ⁩

السلام عليكم ورحمة الله وبركاته

اذا تعرفو عباد معندهمش وين يباتو ولا وين يقعدو تحرقو ديارهم مدولهم الرقم هادا
0554801118
راهم منازل مجهزة فقسنطينة
والماكلة والشراب باطل
تقريبا ل100 عبد
الدال على الخير كفاعله

#أجر_وأثر

💧🩺 Unité 3 | L’appareil urinaire

هاااي 🥳🥳💖💖
ان شاء الله تكونو قاع بخير ☺️
اليوم أن شاء الله جينا باش نكملو في سلسلة سنة ثانية طب وندخلو للوحدة الثالثة الا و هي🤯:

💧🩺 Unité 3 | L’appareil urinaire

✨هذه الوحدة على عكس بعض الوحدات اللي تكون طويلة هذي الوحدة خفيفة بزاااف راح نقراوها في 3 أسابيع فقط ⏳

👩‍🏫وخلال هذي الفترة راح نفهمو الجهاز البولي من البداية للنهاية

📌ونشوفو كيفاش راه مكوّن 🧩
📌 واش كاين داخل أجزائه 🔬
📌كيفاش تخدم الكليتين 🫘
📌وكيفاش يتكوّن البول 💧
📌وحتى الجانب الكيميائي المرتبط بـ السوائل وحموضة الدم 🩸

🔍والأجمل أن الوحدة تجمعنا مع 4 مواد وكل مادة منها تعطينا نظرة مختلفة على نفس الجهاز

📚الي هوما :
🦴 Anatomie — التشريح
🔬 Histologie — علم الأنسجة
🧠 Physiologie — علم وظائف الأعضاء
🧪 Biochimie — الكيمياء الحيوية

😉⚡نبداو نفصلو في كل موديل:

🟢 Anatomie 🦴

🖌نبدأو أولًا بالتعرف على الجهاز البولي من الناحية التشريحية🩻يعني نكتاشفو مكوّناته وكيفاش مترابطة مع بعضها🔗

📍راح يكون التركيز على الكليتين 🫘 وأجزائهما المختلفة وكذلك المسالك البولية 🚻 وما تحتويه من أجزاء باش تكون عندنا صورة واضحة🗒 على تركيب الجهاز البولي كامل🤓

🧡 Histologie | علم الأنسجة 🔬

🔏بعد ما نعرفو شكل وتركيب الجهاز البولي ننتقلو نشوفوه على المستوى المجهري 🔬

📍هنا راح نتعرفو على الأنسجة والخلايا 🧬 الموجودة في مختلف أجزاء الجهاز البولي ونشوفو كذلك النيفرونات الحقيقية 🫘 (الوحدات الصغيرة الموجودة في الكلى 🫘)

✨يعني نبدلو النظرة من الجهاز ككل إلى الأنسجة والخلايا اللي تكوّنو🥹

❤️ 03 | Physiologie — علم وظائف الأعضاء 🧠

🖌هنا راح نبدأو نفهمو كيفاش تخدم الكليتين 🫘

📍راح نقراو على إنتاج البول 💧 ونتعرفو على المراحل والآليات اللي تمر بها العملية حتى يتم إنتاج البول

🖍كما راح نتعرفو على تصفية الدم 🩸 وعلاقتها بتكوين البول وعلى توازن البول 💧

🗝يعني في الفيزيولوجي راح نركزو على وظيفة الكليتين وكيفاش يتم إنتاج البول 🫘💧

💗 04 | Biochimie — الكيمياء الحيوية 🧪

🖋وفي البيوشيمي راح نركزو على كيمياء السوائل 💧 بالإضافة إلى حمُوضة الدم 🩸

📍وراح نشوفو الجانب المرتبط بـ التوازن الحمضي القاعدي ⚖️ ودور الكليتين 🫘 في الحفاظ على هذا التوازن في الجسم

🙋‍♀وهكدا نكونو كملنا هدرنا على الوحدة 3 بشكل عام الي عندو اي سؤال على هذي الوحدة يقلي وملخصات و مصادر الخ كي قلنا قبل حتى ندخلو القراية

بالتوفيق❤️❤️❤️

احسن وحدة تشوفوها في عامكم كامل واخف وحدة

╭─❖ إعلان هام للطلبة ❖─╮

🎓 فتح موقع التحويلات الجامعية للطلبة القدامى عبر نظام بروغراس (30 اوت ------ 15 سبتمبر
🔗 الرابط الرسمي:
progres.mesrs.dz/webetu⁠�
ــــــــــــــــــــــــــــــــــــ
① 🔐 تسجيل الدخول
الدخول إلى منصة التحويلات الجامعية
استعمال رقم التسجيل في البكالوريا وكلمة المرور(الموجودة أسفل كشف البكالوريا)

② 🔄 اختيار نوع التحويل

✨تحويل داخلي: من تخصص إلى آخر داخل نفس الجامعة.
✨تحويل خارجي: من جامعة إلى جامعة أخرى.

③ 📝 ملء استمارة الطلب
اختيار التخصص الجديد.
تحديد نوع التحويل.
إرفاق مبرر التحويل، مثل:
🏠 شهادة إقامة.
🩺 وضعية صحية.
📄 أسباب بيداغوجية.
وغيرها حسب الحالة.

④ 📎 إضافة الوثائق
إرفاق نسخة من شهادة البكالوريا.
التأكد من أن الوثائق واضحة وقابلة للقراءة.

⑤ ✅ تأكيد الطلب
مراجعة جميع المعلومات والوثائق.
الضغط على «تأكيد» بعد التأكد من صحة البيانات.
🧾 طباعة أو حفظ وصل الإيداع (PDF).

⑥ 🏛️ دراسة الملف
تتكفل لجنة التحويلات في الجامعة بدراسة الملفات.
يتم قبول أو رفض الطلب وفقًا لـ المقاعد البيداغوجية والشروط المعمول بها
.
⑦ 📢 الإعلان عن النتائج
العودة إلى نفس المنصة.
تسجيل الدخول إلى الحساب.
الاطلاع على نتيجة طلب التحويل.
ــــــــــــــــــــــــــــــــــــ
📌 ملاحظة مهمة
⚠️ تأكد من صحة جميع المعلومات والوثائق قبل إرسال الطلب.
💾 احتفظ بـ وصل الإيداع كدليل على إتمام العملية.
╰─❖ بالتوفيق لجميع الطلبة 🤍🎓 ❖─╯

الي عندو اي سؤال عن التحويلات يسقسي👌

جماعة بالنسبة إلي حاب يحول للزيانية راهي مكانش سنة مكانش في سيت لاسف

بالنسبة للطلبة المنتقلين للسنة ثانية طب هذو لي درتهم لبرومو 2024 تلقاو الدروس و ليبروف لي حنا قراونا وطريقة الدراسة🤍
1-UEI 01: cardio-respiratoire
2-UEI 02: App digestif
3-UEI 03: App urinaire
4-UEI 04: App endocrinien
5-UEI 05: App neurologique
6-Immunologie et génétique
7-English Test👀
8-conseil pour les étudiants de 2 ème année
#arteria

مالا منتعبش روحي ونكمل الباقي
😂😂😂😂

ايه بصح لبروف اهم تاه سطيف