ဒီကားလေးကတော့ Horror အမျိုးအစားကားလေးဖြစ်ပြီး လူငယ် သရုပ်ဆောင်များစွာနဲ့ ရိုက်ကူးထားတဲ့ကားလေးပဲဖြစ်ပါတယ်။ ဒီဇာတ်ကားမှာ ဒေးဗစ် ဆိုတဲ့ ခရစ်ယာန်ဘာသာ ယုံကြည်သူကောင်လေးတစ်ယောက် မစ်ရှင်ပွိုင့်ဆိုတဲ့ မြို့ကလေးကို စပြောင်းရွှေ့လာစဉ် အင်မတန် ထူးခြားတဲ့ အဆောက်အဦးတစ်ခုကို မြင်တွေ့မိရာက စတင်ထားပါတယ်။ ဒေးဗစ် ဟာ ဘာသာရေးကို ယုံကြည်သက်ဝင်သူ ဖြစ်သော်လည်း လူငယ် ဖြစ်သည့်အလျောက် ဘာသာရေးအပေါ် နားလည်မှု လွဲခြင်းများလည်း ရှိနေပုံကို ထည့်သွင်း ရိုက်ကူးထားပါတယ်။ ထူးဆန်းတဲ့ နတ်ဆိုးတွေကို ပူဇော်သော ဝီးလ်မိတ်ကာ ဆိုတဲ့ ဂိုဏ်းတစ်ခု ကြီးစိုးနေတဲ့ မစ်ရှင်ပွိုင့်မှာ ဒေးဗစ် တစ်ယောက် ဘာတွေ ကြုံတွေ့ရမလဲ။ ဘယ်လိုတွေ စွန့်စားရမလဲဆိုတာကိုတော့ ဇာတ်ကားလေး ကြည့်ပြီး အဖြေရှာလိုက်ကြပါဦး။

တဘူး၊ ကရီးနား၊ ကရီတီးဆိုတဲ့ အသီးသီးတောက်ပခဲ့ကြပြီး တောက်ပနေတုန်းဖြစ်တဲ့
အိန္ဒိယရဲ့စတားမင်းသမီး သုံးယောက်တွဲထားတဲ့ရုပ်ရှင်ကို တင်ဆက်ပေးလိုက်ပါတယ်။
The Great Indian Kapil Showရဲ့ အစီအစဉ်မှူး ကာပီလ်နဲ့
နာမည်ကျော်ပန်ချာပီအဆိုတော်သရုပ်ဆောင် ဒေလ်ဂျိဒိုဆန်တို့လည်း ပါဝင်အားဖြည့်ထားပါသေးတယ်။
ရုံတင်ငွေ ၁၅၆ ကုဋေရထားပြီး ပေါ့ပေါးပါးပါး ကြည့်ရမယ့် ရွှေခိုးသယ်တဲ့ ဟာသရုပ်ရှင်လေးပါ။
အိပ်မက်ကိုယ်စီနဲ့ လေယာဥ်မယ်သုံးယောက်၊ ဝါသနာအလုပ်ကို
လုပ်နေရပေမယ့် လေကြောင်းလိုင်းက လစာမပေးတော့တာ ခြောက်လကြာသွားတယ်။
လေကြောင်းလိုင်း ဒေဝါလီခံလိုက်ရတာ သိလိုက်ရတော့ စည်းမျဥ်းတွေကို စွန့်ပယ်ပြီး
ဖြတ်လမ်းလိုက်ဖို့ လေဒီသုံးယောက်သား ရွေးချယ်လိုက်ရတဲ့အခါမှာ...

ဇာတ်ကြောင်းကတော့ ခက်တို့ သူငယ်ချင်း၇ယောက် အားလပ်ရက်အပန်းဖြေခရီးထွက်ရင်း လူသူမဲ့ကျွန်းကြီးတစ်ခုအနီးမှာရေသွားကူးဖြစ်ကြပါတယ်။နယ်ခံလှေဆရာကြီးပြောပြတာတော့ အဲ့ဒီကျွန်းဟာ တားမြစ်ထားတဲ့ကျွန်း၊ လူသူမနေတဲ့အပြင် ကျွန်းရဲ့ သမိုင်းကလည်းမကောင်းလှဘူး။လွန်ခဲ့တဲ့ နှစ်နှစ်ရာလောက် အဲ့ကျွန်းပေါ်ကနေထိုင်သူတိုင်းဟာ ကျိန်စာမိသွားပြီး သေဆုံးသွားကြတာ အလောင်းတောင်ရှာမရဘူးတဲ့....။ဖြစ်ချင်တော့ ဒီပုံပြင်ကိုမယုံတဲ့ အခြားလူငယ်အုပ်စုတစ်ခုနဲ့ စကားအချေအတင်ဖြစ်ရင်းအလောင်းအစားတစ်ခုလုပ်မိတယ်...။ လောင်းကြေးကတော့ ရှုံးတဲ့အဖွဲ့ အဲ့ကျွန်းမှာ တစ်ညသွားအိပ်ကြေး....။ ကံဆိုးချင်တော့ ခက်တို့အဖွဲ့ရှုံးသွားပြီး အဲဒီ ကျိန်စာသင့်လူသူမဲ့ကျွန်းမှာ တစ်ညသွားအိပ်ရပါတော့တယ်...။ ခက်တို့ အုပ်စုရော အဲ့ကျွန်းပေါ်ကနေ အသက်ရှင်လျက်ပြန်ထွက်လာနိုင်ပါ့မလားဆိုတော့....။

အမေရိကရဲ့ ထိပ်တန်းကုမ္ပဏီကြီးရဲ့ စီအီးအိုဖြစ်တဲ့ အိန္ဒိယနိုင်ငံသား
မစ္စတာအာကယ်လာဟာ အိန္ဒိယပြည်ကို အလည်ပြန်လာတဲ့အချိန်မှာ
နိုင်ငံတွင်းက ဝန်ကြီးတွေဟာ သူတို့တာဝန်ယူရတဲ့ နယ်မြေမှာ
ကုမ္ပဏီအလုပ်အကိုင်အခွင့်အလမ်းတွေ များလာအောင်လို့
မစ္စတာအာကယ်လာကို ဖိတ်ခေါ်နိုင်ဖို့အတွက် အလုအယက်တောင်းဆိုကြပါတော့တယ်။

အဲဒီမှာပဲ ဝန်ကြီးကီရှေ့ဗ်ဟာ အစိုးရကို ဆန့်ကျင်ပြီးတော့
သူ့ပြည်နယ်ကို မစ္စတာအာကယ်လာ့ကို ခေါ်ယူပြီး ဧည့်ခံပါတော့တယ်။

ဒီလိုဧည့်ခံနေတုန်းမှာပဲ မစ္စတာအာကယ်လာတစ်ယောက် ပြန်ပေးဆွဲခံလိုက်ရပါတော့တယ်။

ကိစ္စအကြီးကြီးဖြစ်ပွားသွားပြီးတဲ့နောက်မှာ ဒီသတင်းကို မပေါက်ကြားစေဘဲ
မစ္စတာအာကယ်လာကို ကယ်တင်နိုင်ဖို့ ဝန်ကြီးတစ်ယောက် ခေါင်းစားရပါတော့တယ်။

ဒီလိုနဲ့ မစ္စတာအာကယ်လာကို ကယ်တင်ပေးဖို့အတွက် အတော်ဆုံးသူကိုရှာတဲ့အခါ
ရာဂျူလို့ခေါ်တဲ့ အရာရှိကို ရွေးချယ်လိုက်ပါတယ်။

ဒါပေမဲ့လည်း သူဟာ
မှန်မှန်ကန်ကန်ပဲ လုပ်တတ်တဲ့အတွက်နဲ့ အထက်ကလူတွေဟာ
သူတို့စကားနားမထောင်တဲ့အကြောင်းပြချက်နဲ့ ရာထူးကနေ ဆိုင်းငံ့ထားလိုက်တာကြောင့်
သူ့တည်နေရာကို မသိရှိဘူးဖြစ်နေကြပါတယ်။

သို့ပေမဲ့လည်း မစ္စတာအာကယ်လာရဲ့ လုံခြုံရေးကို တာဝန်ယူရတဲ့
အရာရှိမီနာရှာဟာ ရာဂျူနဲ့ ရည်းစားဟောင်းတွေဖြစ်နေခဲ့ပြီး သူသာ
ခေါ်လိုက်ရင်သေချာပေါက်လာမယ်ဆိုပြီး ပြောတဲ့အတွက် စိတ်အေးသွားရပါတော့တယ်။

ဒီလိုနဲ့ပဲ အရာရှိမီနာရှာတစ်ယောက် ရာဂျူကို ဘယ်လိုရှာဖွေသွားမလဲ ….

တွေ့ပြီးတဲ့နောက်မှာရော မစ္စတာအာကယ်လာ့ကို ကယ်တင်ဖို့အတွက်
ဘယ်လိုတွေ လုပ်ဆောင်သွားမလဲ၊ ဘာတွေဆက်ဖြစ်မလဲ ဆိုတာကိုတော့
အခွီလေးတွေနဲ့အတူ အက်ရှင်ခပ်မိုက်မိုက်တွေကိုပါ ကြည့်ရှုရမဲ့
ဟာသအက်ရှင်ဇာတ်ကားကောင်းလေးဖြစ်ပါတယ်။

ရွာတစ်ရွာကို နန်းတွင်းမန်းချူးစစ်သည်တွေ ဝင်စီးကြတယ်… အကြောင်းက ဒီရွာမှာရှိတဲ့မိသားစုဝင်တစ်ဦးဟာ နန်းတွင်းသစ္စာဖောက်တစ်ယောက်ဖြစ်နေတယ်ဆိုတဲ့စွပ်စွဲချက်ကြောင့်ဖြစ်တယ်….ဒီသစ္စာဖောက်မှာ သားတစ်ယောက် သမီးတစ်ယောက်ရှိတယ်...မန်ချူးစစ်သည်တွေဟာ တစ်ရွာလုံးသတ်ပြီး မိန်းကလေးတွေကိုခေါ်ဆောင်သွားတယ်…ကံကောင်းထောက်မစွာ သစ္စာဖောက်ရဲ့သားဖြစ်သူဟာ လွတ်မြောက်သွားတယ် တကယ်တော့ လွတ်မြောက်သွားတဲ့သားဖြစ်သူဟာ တကယ့်မြွေ….

စဉ်းစားဉာဏ်လည်းရှိတဲ့အပြင် မြှားပစ်တဲ့နေရာမှာလည်း တစ်ဖက်ကမ်းခတ် ကျွမ်းကျင်တဲ့သူဖြစ်တယ်…

စွန့်စားခန်းတွေကို နှစ်သက်သဘောကျပြီး
အရာရာတိုင်းကိုအကောင်းမြင်တတ်တဲ့
သူငယ်ချင်းတွေနဲ့ အပြန်အလှန် ချစ်ခင်မှုကိုရထား တဲ့ ဒေ့ဗ်..
မူကြိုအရွယ်ထဲက မွေးနေ့တူလို့ ပေါင်းမိသွားကြတဲ့
ဒွ့ဗ် ဗစ်ကီ နဲ့ နီရှာတို့ သုံးယောက်ဟာ တက္ကသိုလ် အထိအတူတူ
တစ်တွဲတွဲရှိနေရာက ဗစ်ကီနဲ့နီရှာတို့ရဲ့ တိုက်တွန်းမှ ကြောင့်
ကံတရားရဲ့အလိုအတိုင်းဆိုပြီး ပထမ ဆယ်ယောက် ထဲမှာ
နောက်ဆုံး နံပါတ် ၁ ကျတဲ့ People You May Know
ကောင်မလေးအဖြစ်လိုက်မယ်လို့ အလောင်းအစား လုပ်ကြရာမှ

သမီးလေးရယ် ၊ လင်မယားနှစ်ယောက်ရယ် ပျော်စရာကောင်းတဲ့ မိသားစုလေးပေါ့..

တစ်နေ့... သူ့ဇနီးက ရုတ်တရက် တိုက်ပေါ်က ခုန်ချပြီး သတ်သေသွားတယ်...

နောက်ထပ် ၂ နှစ်လောက်ကြာတော့...
သတ်သေမှုတစ်ခုပေါ်လာပြန်တယ်.

နှစ်ခုလုံးက မတ်လ ၂၃ ရက်နေ့မှာဖြစ်သွားတာ နောက်ပြီး သူ့မိန်းမ သေဆုံးသွားတဲ့အချိန် လက်ပေါ်မှာ ထင်နေတဲ့အမှတ်အသားနဲ့ ဒုတိယသေဆုံးသူရဲ့ လက်ပေါ်မှာထင်နေတဲ့ အမှတ်အသားနှစ်ခု သွားတူနေတဲ့အခါ..

သူ့မိန်းမဟာ တကယ်တမ်း သတ်သေခဲ့တာလား ဒါမှမဟုတ် တစ်စုံတစ်ယောက်က တမင်သတ်သေစေအောင် ကြံစည်ခဲ့သလားဆိုတာ သူမဝေခွဲနိုင်ဖြစ်လာတယ်..

ဒီတော့ သူ့သံသယတွေကိုရှင်းလင်းစေဖို့....ဒီအမှုနှစ်ခုနောက်ကို လိုက်ရင်း..
အခြားအမှုတွေပါ တစ်သီတစ်တန်းကြီးပေါ်လာတဲ့အခါမှာတော့....

အသစ်ထွက်ထားတဲ့ တေလေဂူးစကားပြော နိုင်ငံရေး၊ အက်ရှင်ဒရာမာ ရုပ်ရှင်တစ်ခုကို ပရိသတ်တွေအတွက် တင်ဆက်ပေးချင်ပါတယ်။
အာဂျွန်နဲ့ သူငယ်ချင်းတစ်စုဟာ မတူတဲ့အကျင့်တွေရှိကြတဲ့ နှစ်ချို့အင်ဂျင်နီယာကျောင်းသားတွေဖြစ်ပါတယ်။အကျင့်တစ်ခုစီ မတူကြပေမဲ့ အရက်သောက်တဲ့နေရာမှာ လူညီကြတာကြောင့် သူတို့အဖွဲ့ဟာ အမြဲတမ်းတတွဲတွဲပါပဲ။သူတို့ထဲမှာ ခေါင်းဆောင်လို့ပြောလို့ရတဲ့ ဇာတ်လိုက်အာဂျွန်ဟာ ကိုယ်နဲ့မဆိုင်လာသရွေ့ ဘာကိုမှဂရုမစိုက်တတ်ပေမဲ့ ဆိုင်လာခဲ့ရင်တော့ အဆုံးထိ ဝင်ပါတတ်တဲ့စရိုက်ရှိသူပါ။အဲဒီလို အရက်သောက်တာကလွဲပြီး ကောလိပ်မှာအလေပဲလိုက်နေတဲ့ သူတို့အဖွဲ့ဟာ သူတို့ကောလိပ်ကို
ကာကွယ်ဖို့အတွက် အင်အားကြီး နိုင်ငံရေးပါတီတစ်ခုနဲ့ ရင်ဆိုင်ဖို့ဖြစ်လာတဲ့အခါမှာတော့…
(ဒီရုပ်ရှင်အတွက် အညွှန်းနဲ့ဘာသာပြန်ကတော့ B-Team ပါ။)

ဒီတစ်ခါတော့ CM ပရိသတ်ကြီးတို့အတွက် 2024 ခုနှစ်မှာထွက်ခဲ့တဲ့ 𝕄𝕦𝕟𝕛𝕪𝕒 ဆိုတဲ့ ဟာသအနည်းငယ်ရောနှောရိုက်ကူးထားတဲ့ သရဲကားတစ်ကားနဲ့မိတ်ဆက်ပေးချင်ပါတယ်။

IMDb 7.1/10 ရရှိထားပြီး အိန္ဒိယရိုးရာယုံကြည်မှုထဲကမိစ္ဆာတစ်မျိုးကို အခြေတည်ရိုက်ကူးထားတာပဲဖြစ်ပါတယ်။

ဇာတ်လမ်းအညွှန်းကတော့ _
၁၉၅၂ခုနှစ်လောက်မှာ ဂေါယာလို့အမည်ရတဲ့ကောင်လေးတစ်ယောက်ဟာ သူ့ထက် ၇ နှစ်ကြီးတဲ့ အမျိုးသမီးလေးတစ်ယောက်ကို စွဲလန်းနေတာကြောင့် သူ့ရဲ့သတို့သားကို ကြွက်သတ်ဆေးနဲ့လုပ်ကြံခဲ့ပါတယ်။

ဒါပေမဲ့ သူ့အမေက သိသွားပြီး ဟိန္ဒူဘာသာအရ အရွယ်ရောက်အခမ်းအနားကို လုပ်စေခဲ့ပါတယ်။

ဒီအခမ်းအနားဟာ ၁၀ ရက်ကြာမြင့်ပြီး အဲဒီအချိန်အတွင်းမှာ ဂေါယာရဲ့အမျိုးသမီးလေးဟာ လက်ထပ်တော့မှာဖြစ်ပါတယ်။

အချစ်ကြီးလို့ အမျက်ကြီးသလို အငြိုးလည်းကြီး ဇက်ရဲလက်ရဲလည်းနိုင်တဲ့
ဂေါယာတစ်ယောက်ဟာ ကောင်မလေးကိုပြန်ရဖို့အတွက်
အောက်လမ်းပညာစီရင်ဖို့ကြိုးစားပါတော့တယ်။

ဒါပေမဲ့ အောက်လမ်းစီရင်နေတုန်း မထင်မှတ်ဘဲ ဂေါယာသေဆုံးသွားခဲ့ပြီး
သူ့ရဲ့ အရွယ်ရောက်အခမ်းအနားလည်းမပြီးဆုံးသေးတာကြောင့်
အစီအရင်သစ်ပင်ကြီးမှာ တွယ်ကပ်နေတဲ့ ဘရဟ္မရာရှာသဆိုတဲ့
မိစ္ဆာဘ၀ကို ရောက်သွားရာကစတင် ဇာတ်အိမ်တည်ထားပါတယ်။

နှစ်ပေါင်းများစွာကြာတဲ့အချိန်မှာ သရဲကပ်နေတဲ့သစ်ပင်ကြီးနဲ့
သူ့ဆီလာဖို့ခေါ်နေတဲ့အသံကို အမြဲတစေကြားယောင်နေတဲ့
ဘီတူလို့အမည်ရတဲ့ကောင်လေးတစ်ယောက်ပေါ်လာပါတယ်။

သူနဲ့ အဲဒီသစ်ပင်၊ အဲဒီမိစ္ဆာတို့ကရော ဘာတွေဘယ်လိုဆက်စပ်နေကြသလဲ၊
သူကပဲ နှိမ်နင်းမှာလား၊ သူ့ကိုပဲ နေရာဆက်ခံဖို့၀ါးမျိုလိုက်မလား၊
ဘယ်လိုဆက်ဖြစ်ဦးမလဲဆိုတာကိုတော့ ဇာတ်လမ်းနဲ့အတူ လိုက်ပါကြည့်ရှုခံစားပေးပါဦးဗျာ

အရာရာနားလည်လက်ခံကြပြီး သိပ်ကိုချစ်ကြပါတယ်ဆိုတဲ့ချစ်သူတွေလည်း
လက်ထပ်ခါနီးမှ သောကဝေ ဒုက္ခတွေများကြရပါတယ် အကြောင်းအရင်းကတော့
နှစ်ဖက်အသိုင်းအဝိုင်းမိဘတွေရဲ့ လွှမ်းမိုးမှုပါပဲ နှစ်ယောက်တည်းတုန်းက
ညှိလွယ်ပြေလွယ်ခဲ့ကြတဲ့အရာတွေက အသိုင်းအဝိုင်းကြီးနှစ်ခုထိပ်တိုက်တွေ့တဲ့အခါ
ထင်သလောက်မလွယ်တော့ပါဘူး အချစ်နဲ့ ရအောင်ကျော်ဖြတ်နိုင်ကြသူတွေ
ရှိသလို ဒီနေရာမှာ အချစ်ဇာတ်လမ်းတစ်ခန်းရပ်သွားသူတွေ ဒုနဲ့ဒေးပါ

အာရှူနဲ့ အန်ဗီတို့က ရှေးရိုးစွဲမိသားစုတွေကြားထဲကနေမှ ဆွေမျိုးမိဘတွေ မသိအောင်
အတူပေါင်းသင်းနေထိုင်နေကြတဲ့ လူငယ်စုံတွဲလေး။
ဒီကြားထဲမှာ ဆွေမျိုးမိဘတွေကြောင့်ပဲ ပြဿနာတွေတက်၊ နှစ်ယောက်ကြားမှာ
အဆင်မပြေမှုတွေဖြစ်လာရာကနေ သူတို့နှစ်ယောက်အချစ်ခရီးဟာ
ရှေ့တိုးရမလို နောက်ဆုတ်ရမလိုတွေ ဖြစ်လာပါတော့တယ်

နှစ်ဖက်အသိုင်းအဝိုင်းအရှိန်အဝါတွေကြောင့် အချစ်ဇာတ်သိမ်းသွားမလား
အချစ်နဲ့ပဲရအောင်ကျော်ဖြတ်မလားဆိုတာ ပေါ့ပေါ့ပါးပါးအချစ်ကားလေးကို အကဲဖြတ်ရှုစားကြည့်ပါဦး

အင်တာနက်စာရေးဆရာ စူးဖေး ဟာ ရည်းစားဖြစ်သူ အသတ်ခံရပြီးနောက် ပုံရိပ်ယောင်တွေကိုထင်ယောင်ထင်မှား မြင်မိနေပါတယ်။ အဲဒီနောက် သူဟာ စိတ်ပြေလက်ပျောက် အပန်းဖြေရအောင် တိတ်ဆိတ်အေးချမ်းတဲ့ စန်းကျားရွာကို ထွက်လာခဲ့ပါတယ်။ ဒါပေမဲ့ စန်းကျားရွာမှာ သူမဟာ တစ်ရက်မှ အေးချမ်းမှုကို မရခဲ့ဘဲလူယုတ်မာရဲ့ ထောင်ချောက်ထဲကို ရောက်မှန်းမသိ ရောက်သွားခဲ့ပါတယ်။ တည်းခိုဆောင်မှာလာရောက်တည်းခိုနေတဲ့ ပန်းချီဆရာနဲ့ တည်းခိုဆောင်ပိုင်ရှင် ရန်ပေါ ဆိုသူတို့ထဲမှာ ဘယ်သူက တရားခံအစစ်ဖြစ်မလဲ။ တရားခံကရော စူးဖေး ကို ဘာလို့ လိုက်လံနှောင့်ယှက်နေရတာလဲ ဆိုတာကို ရုပ်ရှင်နဲ့အတူ အဖြေရှာလိုက်ရအောင်ဆိုရအောင်။

IMDB မှာ ၆.၉ အထိရထားပြီး မင်းသားကြီး ဗီဂျေးစည်သူပတီ နဲ့ မင်းသမီးချော ကာထရီနာတို့ရဲ့ ဒရမ်မာ ရုပ်ရှင်လေးတစ်ကားနဲ့မိတ်ဆက်ပေးပါရစေ။ အာလူးပုတ်ရဲ့ Rating ကလည်း 85% တောင်ရှိတာမို့ တကယ်ကောင်းတဲ့ကားဆိုတာတော့ မငြင်းနိုင်တဲ့ကားလေးတစ်ကားဖြစ်မှာပါ...

ဇာတ်လမ်းအကျဉ်းကတော့ ဒူဘိုင်းကနေ ခုနစ်နှစ်နေမှ ပြန်လာတဲ့လူတစ်ယောက် စကားမပြောတတ်တဲ့ ကလေးလေးကိုပိုင်ဆိုင်ထားတဲ့ မိန်းမချောတစ်ယောက် မိန်းမမြင်ရင် အကုန်ကူညီတတ်တဲ့ ပေါတောတောလူတစ်ယောက် သူတို့သုံးယောက်ရဲ့ခရစ်စမတ်ည ဇာတ်လမ်းလေးတစ်ပုဒ်ပါ။

ခရစ်စမတ်ညမှာဖြစ်တဲ့ လူသတ်မှုတစ်ခုကို ဇာတ်လမ်းဆင်ထားပြီး တစ်ကွက်ခြင်းဆီကို မြှုပ်ကွက်တွေနဲ့ အစအဆုံးခေါ်သွားမှာမို့ မိုးအေးအေးနဲ့ ဇိမ်နဲ့နှပ်ပြီး ကြည့်ချင်တဲ့ ဘောလိ၀ုဒ်ပရိတ်သတ်တွေအတွက် တကယ်ကို အစအဆုံးဆွဲခေါ်သွားနိုင်မယ့် ဇာတ်လမ်းကောင်းလေးတစ်ကားအဖြစ်မိတ်ဆက်ပေးလိုက်ပါတယ်။

သူ့နာမည်က မော်ဂလီတောတွင်းသားလေးနာမည်ပေါ့ မိဘတွေကို ငယ်စဉ်တည်းက ဆုံးရှုံးလိုက်ရပြီး တောထဲမှာပဲ ဇစ်မြစ်ချနေနေလို့ မော်ဂလီလို့ခေါ်ကြတယ် .... နေလာရင်းနဲ့တစ်နေ့ ရိုက်ကူးရေးအဖွဲ့သားတွေက သူတို့ရွာမှာ ရုပ်ရှင်လာရိုက်ကြတယ် လူစားထိုးဖို့လို နေတာနဲ့ ပေးမဲ့ပမာဏကလည်းများနေတော့ မော်ဂလီတစ်ယောက် အရန်မင်းသားဝင်လုပ်တယ်ပေါ့ အဲဒီမှာ မင်းသမီးလေးဂျပ်စမင်ဆိုတာနဲ့တွေ့ဖို့အကြောင်းဖန်လာခဲ့တယ်.... ဂျပ်စမင်က ဆွံ့အနားမကြားသူတစ်ယောက် ဒါပေမဲ့ သူ့အလှကတော့ အများကြားပေါ်လွင်လွန်းတာ ကြောင့် လိုချင်တဲ့လူက ခပ်များများရယ် ဆရာ့ဆရာကြီးတွေနဲ့ အပြိုင်ကြဲရင်း အချစ်အတွက် သူရင် ဆိုင်ရမှာတွေက ဘာတွေများဖြစ်နေမလဲ လိုချင်တာကိုရော တောတွင်းသားလေးတစ်ယောက် ရသွား နိုင်မလားဆိုတာကတော့...။

အခုတစ်ခေါက်မှာတော့ စိတ်ဝင်စားဖို့ကောင်းတဲ့
အိန္ဒိယမှုခင်းကားတစ်ကားနဲ့ မိတ်ဆက်ပေးချင်ပါတယ်

အမျိုးသမီးတစ်ယောက် အိမ်ပြန်လာတော့
အိမ်ထဲမှာမှောင်နေတယ်
သူ့ယောက်ျားကို သူအော်ခေါ်နေရင်း လိုက်ရှာတော့
အိမ်သာထဲမှာ တွေ့လိုက်ရတာက

တစ်ကိုယ်လုံးကို တိတိပပ လှီးဖြတ်ထားတဲ့
ဓားရာတွေနဲ့ သေဆုံးနေတဲ့ သူ့ယောက်ျားကို တွေ့လိုက်ရတော့တယ်

သူ့ယောက်ျားက ရုပ်ရှင်ဝေဖန်ရေးသမားတစ်ယောက်ဖြစ်ပြီး
သူသေတော့ သူ့နဖူးပေါ်မှာ အမှတ်အသားတစ်ခုရှိနေခဲ့တယ်

အဲဒီလိုနဲ့ သိပ်မကြာခင်မှာပဲ ရထားလမ်းပေါ်မှာ
လူတစ်ယောက် ကိုယ်တစ်ပိုင်းပြတ်ပြီး သေနေပြီး

သူကလည်း ရုပ်ရှင်ဝေဖန်ရေးသမားတစ်ယောက်ဖြစ်ကာ
သူ့ရဲ့နဖူးမှာလည်း ပထမတစ်ယောက်လိုမျိုး အမှတ်အသားတစ်ခု
ရှိနေခဲ့တယ်..

အဲဒီလိုနဲ့ လူသတ်မှုတွေ ဆက်တိုက်ဆက်တိုက်ဖြစ်ပေါ်လာခဲ့ပြီး
ရဲတွေကို ပဟေဠိပေးနေတဲ့ အဲဒီကွင်းဆက်လူသတ်သမားက
ဘယ်သူဖြစ်မလဲ ဘာကြောင့် ဒီလိုတွေသတ်နေတာလဲဆိုတာ
မှုခင်းကားကြိုက်တတ်သူတွေအဖို့ ဒီကားဟာ တကယ့်ကို
ပဟေဠိတွေနဲ့ အဖြေညှိရမယ့် မှုခင်းကားကောင်းတစ်ပုဒ်ပဲဖြစ်ပါတယ်

နေစရာမရှိလို့ အကူအညီမဲ့နေတဲ့ အိုင်းရစ်စ် ဆိုတဲ့ အိမ်ခြေရာမဲ့ကောင်မလေးနဲ့ပါ၊တစ်နေ့မှာတော့ အဖေဆုံးသွားလို့အတည်ပြုပေးဖို့ အဆက်အသွယ်ရလာတယ်၊သူ့အဖေရဲ့ ပိုင်ဆိုင်မှုကိုကြည့်လိုက်တော့ ရှေးဟောင်းအဆောက်အဦကြီး ဖြစ်နေပါတော့တယ်၊ ဝမ်းသာအားရနဲ့ သူ့အဖေရဲ့အဆောက်အဦမှာ စနေဖြစ်ခဲ့ပါတယ်။ သူမသိခဲ့တာက စာချုပ်မှာ လက်လွှဲယူတဲ့စာချုပ်မှာ လက်မှတ်ထိုးမိတာနဲ့ ပြန်လှည့်လို့မရတဲ့ လမ်းကိုလျှောက်ပြီးသား ဖြစ်သွားပြီဆိုတာပါပဲ၊အကြောင်းကတော့ မြေအောက်ခန်းမှာ ရှိနေတဲ့ စုန်းမတစ်ကောင်ကိုပါ လက်လွှဲယူပြီးသား ဖြစ်နေလို့ပါပဲ၊စုန်းမမှာ သေပြီးသားလူတွေကို ခဏတာ ပြန်ခေါ်ပေးနိုင်တဲ့ အစွမ်းရှိပါတယ်၊

အဲဒါကို တလွဲ အသုံးချခဲ့တဲ့လူတွေကတော့ ဇာတ်သိမ်းမလှခဲ့ကြပါဘူး၊ဒါတွေကို မသိသေးတဲ့ အိုင်းရစ်တယောက်ဘာတွေဆက်ဖြစ်မလဲဆိုတာ။

အခုတစ်ခါတော့ တမီးလ်မင်းသားကြီး
အဂျစ်ကူးမားကဲ့ နာမည်ကြီး အက်ရှင်ခပ်ကြမ်းကြမ်းကားလေးကိုတင်ပေးလိုက်ပါတယ်။
ဇာတ်လမ်းကတော့

လူဆိုးဂိုဏ်းတစ်ခုဟာ ဘဏ်တစ်ခုကိုဓားပြတိုက်ဖို့ ရဲတွေ၊ဘဏ်အတွင်းပိုင်းကလူတွေနဲ့ ပေါင်းပြီး ၀င်စီးကြပါတော့တယ်။
ဘဏ်ဓားပြတွေဟာ အကုန်လုံးကိုထိန်းချုပ်ပြီး ပျော်နေကြတုန်းမှာ
မထင်မှတ်ထားတဲ့ အန္တရယ်တစ်ခုပေါ်လာပါတယ်။ အဂျစ်ကူးမားပါ။
သူက ရဲဘက်ကလည်းမဟုတ်၊စစ်တပ်ဘက်ကလည်းမဟုတ်ဘဲ ဘဏ်ဓားပြတွေကို တိုက်ခိုက်ပါတယ်။
သူခိုးဆီက သူခိုးကပြန်ခိုးသလို
ဓားပြတွေဆီက တစ်ကိုယ်တော် ဓားပြပြန်တိုက်တာပါ။
ဘဏ်ကြီးကို သူတစ်ယောက်တည်းနဲ့ဓားပြတိုက်တဲ့အခါမှာတော့ ....
Money Heist ကဲ့သို့ ဘဏ်ဓားပြကားလို
လှည့်ကွက်တွေ၊ မြှုပ်ကွက်တွေနဲ့အတူကြည့်ရှုရမှာပါ။
ဘဏ်ဖောက်ကား ကြိုက်သူတွေအတွက်
လက်မလွှတ်သင့်တဲ့ ကားလေးလို့ပဲ ညွှန်းလိုက်ပါရစေ

ဒီရုပ်ရှင်ကားဟာ သာမန်ရဲတွေ မဖော်ထုတ်နိုင်တဲ့ အမှုတွေကို ထက်မြက်တဲ့ ဉာဏ်ပညာ နဲ့ ဖြေရှင်းပေးမယ့် စိတ်လှုပ်ရှားစရာ ရာဇဝတ်မှု သည်းထိတ်ရင်ဖိုဇာတ်လမ်း ပဲ ဖြစ်ပါတယ်။

ဇာတ်လိုက်မင်းသား (Verti) ဟာ နာမည်ကြီး ရာဇဝတ်မှု စာရေးဆရာတစ်ဦးရဲ့သားဖြစ်ပါတယ်။ ဖခင်ဆီက အမွေဆက်ခံရရှိခဲ့တဲ့ ထူးခြားတဲ့ ထောက်လှမ်းနိုင်စွမ်းတွေနဲ့ ရဲလုပ်ငန်းမှာ ဘယ်သူမှ မစဉ်းစားနိုင်တဲ့ အဖြေတွေကို ရှာဖွေပေးနိုင်သူပါ။ သူ့ရဲ့ ဉာဏ်ကြီးရှင်အရည်အချင်းကြောင့် စိတ်မနှံ့တဲ့ ကွင်းဆက်လူသတ်သမားတစ်ဦး ကို ဖမ်းဆီးဖို့ ရုန်းကန်နေရတဲ့ အမှုစစ် သမ်ဘီ ရာမိုင်ယာ နဲ့ ဆုံတွေ့ခဲ့ရတာမှာတော့........

အမှုစစ် ရာမိုင်ယာ ရဲ့ ရယ်စရာကောင်းတဲ့ ဟာသပုံစံနဲ့ Verti ရဲ့ တည်ငြိမ်တဲ့ ထောက်လှမ်းမှုတွေ ပေါင်းစပ်ပြီး လူသတ်သမားကို လိုက်လံဖမ်းဆီးတဲ့အခါ ဘယ်လို စိန်ခေါ်မှုတွေ၊ ဘယ်လို ထိတ်လန့်စရာ အလှည့်အပြောင်းတွေ ကြုံရမလဲဆိုတာ ရင်ခုန်စွာနဲ့ စောင့်ကြည့်ရမှာပါ။

လူသတ်သမား ဘယ်သူလဲ?
ဒီလူသတ်မှုတွေရဲ့ နောက်ကွယ်က အမှန်တရားနဲ့ ရည်ရွယ်ချက်က ဘာလဲ?
တရားမျှတမှုကို ဘယ်လို ဆောင်ကြဉ်းပေးမလဲ?

ဆိုတာတွေကို ပုံမှန်သည်းထိတ်ရင်ဖိုဇာတ်လမ်းတွေထက် ပိုမိုရှုပ်ထွေးပြီး မထင်မှတ်ထားတဲ့ ဇာတ်လမ်းနှစ်ခုကို ပေါင်းစပ်ထားတဲ့ ဒီရုပ်ရှင်ကို ကြည့်ရှုရမှာဖြစ်ပါတယ်

ဉာဏ်ကြီးရှင် စုံထောက်ပုံစံ၊ စိတ်ခံစားမှုပြင်းထန်တဲ့ သရုပ်ဆောင်မှုနဲ့ ရင်တထိတ်ထိတ်နဲ့ အဆုံးသတ်ကို သိချင်စိတ်ကို ပေးမယ့် သည်းထိတ်ရင်ဖို ရုပ်ရှင်ကောင်းတစ်ကားဖြစ်ပါတယ်။

ဒီ ဇာတ်ကားဟာအက်ရှင်ကားစစ်စစ်တွေလို့ ပြောရလောက်အောင် အထိုးအခုတ်အတိုက်အခိုက် ပေါက်ကွဲရမ်းကားမှုတွေနဲ့ ဆွဲဆောင်မှုရှိခဲ့ပါတယ်။ အဓိကဇာတ်ကောင် ဟာစည်းကမ်းတွေနဲ့ အလုပ်လုပ်တတ်တဲ့ သယ်ယူပို့ဆောင်ရေးသမားဖြစ်ပြီး တိကျမှု စမတ်ကျမှု တည်ကြည်ခန့်ငြားမှုတွေအပြင် ကိုယ်ပိုင်အတွေးအခေါ်နဲ့ ရှင်သန်နေထိုင်တဲ့ တကယ့်ဖိုက်တာတစ်ယောက်ပါ…ဒီလိုလူမျိုးနဲ့မှ လာပတ်သက်မိတဲ့ ဒုစရိုက်သမားတွေ ဘယ်လိုအဗျင်းခံရလဲဆိုတာ အပေါ်စီးကနေ ထိုင်ကြည့်နေယုံပါပဲ။ မင်းသား ရဲ့တည်ငြိမ်တဲ့ပုံစံကြောင့် ဒီဇာတ်ကားဟာ နာမည်ကြီးလူကြိုက်များခဲ့ပါတယ်။

1995 ခုနှစ်မှာ တရုတ်က 43ခုမြောက် နျူကလီးယားလက်နက်ကို စမ်းသပ်အောင်မြင်ခဲ့ပြီး ပါကစ္စန်ကို လက်နက်ထောက်ပံ့ပေးလျက်ရှိနေပါတယ်... ထို့အပြင် အမေရိကန်ကလဲ စစ်လက်နက်ထောက်ပံ့ပေးထားလို့ ပါကစ္စတန်ဟာ စစ်အင်အားတောင့်တင်းတဲ့ အခြေအနေမှာရှိနေပါတယ်

အိမ်နီးချင်းနိုင်ငံဖြစ်တဲ့ အိန္ဒိယကိုတော့ နိုင်ငံတကာက ဖိနှိပ်ထားပြီး နျူကလီးယားစမ်းသပ်မှုလဲ မလုပ်ရသေးပါဘူး... ဒီအချိန် အိန္ဒိယဝန်ကြီးရဲ့ရုံးခန်းထဲမှာ တရုတ်နိုင်ငံရဲ့လုပ်ရပ်တွေကို အပြစ်ရှာဖို့နဲ့နျူကလီးယားလက်နက်စမ်းသပ်ဖို့ အပြင်းအထန်ထိုင်ပင်နေကြပါတယ်

အဲ့ဒီအစည်းအဝေးမှာ Ashwath Raina က နျူကလီးယားလက်နက် စမ်းသပ်ဖို့ သူ့ရဲ့အစီအစဉ်ကိုတင်ပြလိုက်တဲ့အခါ လူတွေကသူ့ကိုဝိုင်းလှောင်တဲ့အတွက် အစည်းအဝေးကနေ သူထွက်လာခဲ့တယ်

ဒါက ဖြစ်ရပ်မှန်ဇာတ်လမ်းတစ်ခုရဲ့အစပါ တရုတ်နဲ့ အမေရိကန်လို အင်အားကြီးနိုင်ငံတွေရဲ့ ဖိနှိပ်မှုအောက်ကနေ နျူကလီးယားလက်နက်စမ်းသပ်ဖို့ ကြိုးစားခဲ့တဲ့ အန္ဒိယနိုင်ငံ အောင်မြင်နိုင်ပါ့မလားဆိုတာ ဇာတ်လမ်းအဆုံးမှာသိရမှာပါ

IMDB မှာ ၆.၉ အထိရထားပြီး မင်းသားကြီး ဗီဂျေးစည်သူပတီ နဲ့ မင်းသမီးချော ကာထရီနာတို့ရဲ့ ဒရမ်မာ ရုပ်ရှင်လေးတစ်ကားနဲ့မိတ်ဆက်ပေးပါရစေ။ အာလူးပုတ်ရဲ့ Rating ကလည်း 85% တောင်ရှိတာမို့ တကယ်ကောင်းတဲ့ကားဆိုတာတော့ မငြင်းနိုင်တဲ့ကားလေးတစ်ကားဖြစ်မှာပါ...

ဇာတ်လမ်းအကျဉ်းကတော့ ဒူဘိုင်းကနေ ခုနစ်နှစ်နေမှ ပြန်လာတဲ့လူတစ်ယောက် စကားမပြောတတ်တဲ့ ကလေးလေးကိုပိုင်ဆိုင်ထားတဲ့ မိန်းမချောတစ်ယောက် မိန်းမမြင်ရင် အကုန်ကူညီတတ်တဲ့ ပေါတောတောလူတစ်ယောက် သူတို့သုံးယောက်ရဲ့ခရစ်စမတ်ည ဇာတ်လမ်းလေးတစ်ပုဒ်ပါ။

ခရစ်စမတ်ညမှာဖြစ်တဲ့ လူသတ်မှုတစ်ခုကို ဇာတ်လမ်းဆင်ထားပြီး တစ်ကွက်ခြင်းဆီကို မြှုပ်ကွက်တွေနဲ့ အစအဆုံးခေါ်သွားမှာမို့ မိုးအေးအေးနဲ့ ဇိမ်နဲ့နှပ်ပြီး ကြည့်ချင်တဲ့ ဘောလိ၀ုဒ်ပရိတ်သတ်တွေအတွက် တကယ်ကို အစအဆုံးဆွဲခေါ်သွားနိုင်မယ့် ဇာတ်လမ်းကောင်းလေးတစ်ကားအဖြစ်မိတ်ဆက်ပေးလိုက်ပါတယ်။

အခုတစ်ခါတော့ ၂၀၀၆ ခုနှစ်ကထွက်ရှိထားတဲ့မာယာလူမျိုးတွေရဲ့ သမိုင်းနောက်ခံဇာတ်ကားလေးကိုတင်ဆက်ပေးလိုက်ပါတယ်...မာယာနိုင်ငံတော်ကြီးဟာ သဘာဝဘေးတွေ ကြုံတွေ့ရကာမှ ယဇ်ပူဇော်ရန်အတွက် တောထဲမှ လူမျိုးစုများကိုဖမ်းခေါ်ပြီး စတေးကြပါတယ်...ဒီလိုနဲ့ ဖမ်းလာတဲ့အထဲကမှ (Jaguar Paw) ကတော့ နတ်ဘုရားတွေရဲ့ မျက်နှာသာပေးခြင်းကိုခံရပြီး အသ!တ်ခံရနီးမှာ ပြန်လည်လွတ်မြောက်လာခဲ့ပါတယ်၊ ဘယ်လို တိုက်ခိုက်ပြီး အသက်ရှင်ဖို့ ရူန်းကန်သွားမလဲ၊ သူ့ရဲ့ မိသားစုနဲ့ကော ပြန်လည်ဆုံဆည်းနိုင်မလားဆိုတာကိုတော့...