ဘီစီ ၁၂ ရာစုလောက်က အိန္ဒိယနိုင်ငံဂူဂျာရက်ဂ်ကို အုပ်စိုးခဲ့တဲ့
ပထမဆုံးစစ်သည်တော်ဘုရင်မ နာရိကာဒေဗီအကြောင်းကို
ရိုက်ကူးထားတဲ့ ဒီဇာတ်ကားလေးဟာ
ဖြစ်ရပ်မှန်ကို အခြေခံပြီး ရိုက်ကူးထားပြီးတော့
ဘုရင်မနာရိကာဒေဗီရဲ့ ရဲစွမ်းသတ္တိတွေ စစ်သည်တော်လိုမျိုး
စစ်မြေပြင်မှာတိုက်ခိုက်ပုံတွေကို အထူးပြုလုပ်ချက်
ကောင်းကောင်းနဲ့ရိုက်ကူးထားပြီး
သမိုင်းကိုဇာတ်အိမ်တည်ထားတာဆိုတော့
ဇာတ်အိမ်မခိုင်မာမှာကို ပူစရာမလိုပါဘူး

စစ်ဘုရင်မိုဟာမတ်ဂိုရီကို ပြန်လည်တိုက်ခိုက်မဲ့
ဧကရီနာရိကာဇာတ်ကားလေးကို ရာဇဝင်စစ်ကားကောင်းလေးတွေကို
လွမ်းဆွတ်နေတဲ့ ပရိသတ်ကြီးအတွက်တင်ဆင်ပေးလိုက်ပါတယ်

ငယ်စဉ်ကတည်းကခင်မင်လာကြတဲ့ သူငယ်ချင်းငါး ယောက်ဟာ ကြီးပြင်းလာသည်တိုင်အောင် အလုပ်အကိုင်တွေမတူသော်ငြားလသ်း အဆက်အသွယ်မပြတ်ကာခင်မင်နေကြတဲ့ ရေစက် လေးဖြစ်ပါတယ် တစ်နေ့မှာတော့ဂျေးတစ်ယောက် အလုပ်ကနေအိမ်ပြန်လမ်းမှာ မတရားမှုတစ်ခုကိုမ တော်တဆမျက်မြင်တွေ့လိုက်ရပြီး ရဲကိုအမြန် သတင်းသွားပို့သော်လည်း ရဲကပါတရားခံတွေနဲ့ အလိုတူအလိုပါဖြစ်နေတဲ့အခါ ဂျေးတစ်ယောက် ခaောင်ပိတ်မိပါတော့တယ်
အဲ့နေ့ကတည်းကစပြီး ဂျေးဟာလည်းပျောက်ခြင်း မလ ပျောက်ဆုံးသွားရတဲ့အတွက် ကျန်တဲ့ သူငယ်ချင်းလေးယောက်ကလည်း ဂျေးနောက်ဆုံးပို့ ခဲ့တဲ့ ဝိုးတိုးဝါးတားအသံဖိုင်ကိုအစပြပြီး သုငယ်ချင်းရှာပုံတော်ဖွင့်ကြပါတော့တယ် ဒီလိုနဲ့သူ တို့လေးယောက်တကယ်ပဲ ဂျေးကိုရာတွေ့ပါ့မလား အကောင်ကြီးတွေနဲ့ပတ်သက်နေတဲ့ မတရားမှုကို ရောအဖြရာနိုင်ပါ့မလားဆိုတာ ဇတ်လမ်းတစ် လျှောက်လှည့်ကွက်ပေါင်းများစွာန့ရင်ခုန်စွာကြည့်ရှုခံစားလိုက်ပါ

အိန္ဒိယနိုင်ငံမှာ ပထမဆုံး တန်ဖိုးနည်း
လေကြောင်းခရီးစဉ်တွေအတွက် Air Deccan ဆိုတဲ့ လေကြောင်းလိုင်းကို ပြေးဆွဲပေးခဲ့တဲ့

စွန့်ဦးတီထွင်သူ G. R. Gopinath ရဲ့ဘ၀ထဲက အဖြစ်အပျက်တစ်ချို့ကို ရုပ်ရှင်တစ်ခုအနေနဲ့ တင်ဆက်လိုက်တဲ့ ဒီဇာတ်ကားဟာ ၂၀၂၀ ခုနှစ်မှာ ထွက်တဲ့ တမီးလ်ဇာတ်ကားတွေထဲမှာတော့ အကောင်းဆုံးဇာတ်ကားလို့ပဲ ပြောချင်ပါတယ်။

အဓိကဇာတ်ကောင်နေရာကို
Singam မင်းသား ဆူရိယက သရုပ်ဆောင်ထားပြီး ဗီလိန်အဖြစ်နဲ့
Oh My God ဇာတ်ကားတွေထဲက Paresh Rawal တို့က သရုပ်ဆောင်ပေးထားပါတယ်။

၂၀၂၀ မှာ ခုလို ကားကောင်းမျိုး
ထွက်လာလိမ့်မယ်လို့မထင်ထားခဲ့တာ အမှန်ပါ။

အတော်လေး နင်းကန်ကောင်းပြီး
ရွှေသဖွယ် တန်ဖိုးရှိတဲ့ကားပါခင်ဗျ

အက်ရှင်ကားမဟုတ်ဘူး၊ ဖြစ်ရပ်မှန်ဇာတ်လမ်းတစ်ပုဒ်ကိုအခြေခံထားတဲ့ သာမန်လူတန်းစားတစ်ယောက်ရဲ့အများအကျိုးပြု အိပ်မက်တစ်ခုကိုအကောင်အထည် ဖော်ပြသွားတဲ့ ဒရာမာကားကောင်းတစ်ကားပါပဲ။

သူ့အိပ်မက်က ထူးဆန်းတယ်။
ကျယ်ပြန့်တယ်၊လက်တွေ့မှာမလွယ်လှတဲ့လေကြောင်းလိုင်းတစ်ခုကို ထူထောင်ဖို့ပါ။

ကျွန်းတစ်ကျွန်းမှာ ဘိုးဘိုးကြီဆက်ထမ်းရုပ်ထုကို အရမ်းယုံကြည်ကိုးကွယ်ကြပါတယ်၊တစ်နေ့မှာ ထမ်ဟာ အစ်ကိုဖြစ်တဲ့ ဘုန်းကြီးထီကို သူတို့မိဘဆုံးသွားကြောင်း သတင်းပြောဖို့ ထိုကျွန်းကိုရောက်လာခဲ့ပါတယ်၊သူရောက်လာတော့ အစ်ကိုဖြစ်တဲ့ ထီဟာကျောင်းထိုင်ဆရာတော်ကို သတ်တယ်လို့စွပ်စွဲခံရပြီး ပျောက်ဆုံးနေပါတယ်။ ထမ်ဟာ အစ်ကိုအကြောင်းစုံစမ်းဖို့ အဲ့ဒီဘုန်းကြီးကျောင်းမှာတည်းဖို့ ခွင့်တောင်းလိုက်ပါတယ်။

ဒီကျွန်းမှာ ထူးခြားတာက အရိုးပြာကို ရုပ်တုထဲထည့်တဲ့ဓလေ့ပါ၊ပထမညမှာတင် ထူးဆန်းတာတွေဖြစ်ခဲ့တယ်။ကျွန်းမှာ ဂဝံရုပ်အစီအရင်လုပ်နေတဲ့သူရှိပါတယ်။ ဂဝံရုပ်လုပ်နည်း မျိုးစုံရှိတဲ့ထဲမှာ လူသေအလောင်းနဲ့ သရဲတွေလုပ်ပြီး လူတွေကိုလိုက်ခြောက်တာပါ။အဲ့ဒီဂဝံရုပ်သရဲလုပ်တဲ့သူကဘယ်သူလဲ၊သူ့အစ်ကိုကိုရော ရှာတွေ့မလား ဇာတ်ကားထဲကြည့်လိုက်ရအောင်နော်။

ကလေးငယ်တွေနဲ့မကြည့်သင့်သလို သွေးထွက်သံယိုတွေမကြည့်နိုင်သူတွေလည်း သတိထားရှောင်သင့်ရလောက်အောင်ကြမ်းတဲ့ ဇာတ်ကား

အသာကုန်ကြမ်းတဲ့ကားပါဗျာ

T*h÷e R_a>i<d ဇာတ်ကားနဲ့အတူအောင်မြင်လာတဲ့ မင် သားIko Uwaisပါဝင်ရိုက်ကူးထားတဲ့ ဒီကားဟာလုံးဝအကြိုက်တွေ့စေမှာပါ။

ဇာတ်လမ်းဇာတ်ကွက်ကတော့ သိပ်မရှိပေမယ့် action အသားပေးထားပြီး အသားပေးထားတဲ့အတိုင်အရမ်းကြမ်းပါတယ်။

ကလေးငယ်တွေနဲ့မကြည့်သင့်သလို သွေးထွက်သံယိုတွေမကြည့်နိုင်သူတွေလည်း သတိထားရှောင်သင့်ရလောက်အောင်ကြမ်းပါတယ်။

အတိုက်အခိုက် အသတ်အဖြတ်တွေကို ကြမ်းကြမ်းတမ်းတမ်းရိုက်ပြတာမျိုးကြည့်ချင်သူတွေအတွက်ကတော့ လုံးဝအကြိုက်တွေ့စေမှာပါ။

အရင်ဆုံးပြောရရင် ဒီကားက ရုပ်ငြိမ်ဓာတ်ပုံတွေ တော်တော်လှပါတယ်။

ဇာတ်လမ်းကတော့ ကျောင်းအုပ်ဆရာကြီးတစ်ယောက်ရဲ့မြေး ဗိုင်ရှ်နာဗီဆိုတဲ့ မိတဆိုးကလေးမလေးဟာ မထင်မှတ်ထားဘဲ သူ့ရဲ့ခွေးလေး သေသွားတဲ့အတွက်
သူ့ခွေးလေးကို သဝာ်တဲ့တရားခံကို ရဲတိုင်ရာကနေ
လူဆိုးဂိုဏ်းကြီးတစ်ခုကို ရန်စမိသလိုဖြစ်သွားခဲ့ပါတယ်။

အဲဒီလိုဖြစ်ပြီး ဗိုင်ရှ်နာဗီလေး အသက်အန္တရာယ်တွေ ကြုံလာရတဲ့အတွက်
ထောင်ကျနေတဲ့ သူ့ရဲ့ဖခင် မဟာရာ့ဂျ်က ထောင်ဖောက်ပြေးလာပြီး
သူ့သမီးရဲ့အိမ်မှာ ဒရိုက်ဗာအယောင်ဆောင်ကာ သမီးဖြစ်သူကို
ကာကွယ်ပေးဖို့ကြိုးစားပါတယ်။

မဟာရာ့ဂျ်ကတော့ တချိန်က အင်မတန်နာမည်ကြီးခဲ့တဲ့
ဂိုဏ်းစတားတစ်ယောက်ဖြစ်ပြီး သူ့သမီးကို ကာကွယ်ဖို့ကြိုးစားရင်း
နောက်ကလိုက်နေတဲ့ ရဲစုံထောက်တစ်ယောက်နဲ့လည်း ရင်ဆိုင်ရပုံတွေကို
ဒီရုပ်ရှင်ထဲမှာ မြင်ကြရမှာဖြစ်ပါတယ်…။

ဒီဇာတ်ကားဟာ ရိုးရိုးအက်ရှင်ကားထက် ပိုပါတယ်။ ဒါဟာ အငြင်းပွားဖွယ်ရာ အတိတ်တစ်ခုနဲ့ မြို့တစ်မြို့ရဲ့ ကံကြမ္မာကို ပြောင်းလဲပစ်လိုက်တဲ့ လူတစ်ယောက်ရဲ့ အကြောင်းရိုက်ထားတာပါ။

မွန်ဘိုင်းမြို့ရဲ့ မှောင်မိုက်တဲ့လမ်းတွေပေါ်ကို ခြေချလိုက်တဲ့ Ojas Gambheera (ခေါ်) OG ဆိုတဲ့ လူငယ်တစ်ဦးနဲ့ တွေ့ရပါလိမ့်မယ်။ သူဟာ ငယ်စဉ်က ဂျပန်မှာ ဆာမူရိုင်းတစ်ဦးရဲ့ အမွေအနှစ်ကို သယ်ဆောင်လာသူဖြစ်ပြီး မြို့ပြဂိုဏ်းစတားလောကထဲကို ဝင်ရောက်လာခဲ့ပါတယ်။

OG ဟာ မွန်ဘိုင်းရဲ့ အရေးပါတဲ့ ပုဂ္ဂိုလ်တစ်ဦးအတွက် သစ္စာခံတစ်ဦးအဖြစ် ရပ်တည်ခဲ့ရာကနေ မြို့ပြရဲ့ အချမ်းသာဆုံးနဲ့ အကြောက်ရွံ့ရဆုံး ပုဂ္ဂိုလ်တစ်ဦး ဖြစ်လာဖို့ သူ့ရဲ့ တိုက်ခိုက်ရေးစွမ်းရည်နဲ့ လျှို့ဝှက်ချက်တွေကို အသုံးပြုခဲ့ပါတယ်။

ကိစ္စတစ်ခုကြောင့်ဆယ်စုနှစ်တစ်ခုကြာ ပျောက်ကွယ်သွားပြီးနောက် မြို့ကို ခြိမ်းခြောက်လာတဲ့ အန္တရာယ်အသစ်တွေ ပေါ်လာတဲ့အခါ OG ဟာ ပြန်ပေါ်လာခဲ့ပါတယ်။ သူဟာ ဘာကိုမှ မကြောက်သူလား ဒါမှမဟုတ် ပြန်လာခြင်းနောက်ကွယ်မှာ နက်နဲတဲ့ အကြောင်းရင်းတွေ ရှိနေတာလားဆိုတာ...

အိန္ဒိယ အက်ရှင်ကား ခပ်ကြမ်းကြမ်း ခပ်လွင့်လွင့်မှ ကြိုက်နှစ်သက်သူတို့အတွက် မာလစ်ခ်ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။  အခုဇာတ်ကားဟာ 1980 ပြည့်နှစ်က အလာဟာဘတ် (Allahabad) လူဆိုးဂိုဏ်းကြီးရဲ့ အမိုက်စား လှုပ်ရှားမှုတွေအကြောင်း ဖော်ပြထားတာပါ။ ဒီကားကို လူကြမ်းမင်းသားချောကြီး Rajkummar Rao ကိုယ်တိုင် ပါဝင်သရုပ်ဆောင်ထားပါတယ်။

ဒီကားမှာ အိန္ဒိယရဲ့ ထုံးစံအတိုင်း လူဆိုးဂိုဏ်းနဲ့ ရဲတွေကြားထိပ်တိုက်တွေ့ပုံကို အားရပါးရခံစားကြည့်ရှုရမှာပါ။ ဒါပေမဲ့ ဆန်းတာကတော့ ဒီကားမှာ ရဲတွေဖက်က ရှူထောင့်နဲ့ ရိုက်ကူးထားတာ မဟုတ်ဘဲ လူဆိုးဂိုဏ်းခေါင်းဆောင် မာလစ်ခ် ဖက်ကနေ ရိုက်ကူးထားပါတယ်။ တစ်မြို့လုံးက ဖိန့်ဖိန့်တုန်အောင် ကြောက်ရပြီး ပါးစပ်က ပြောသမျှစကားတိုင်းဟာ ဥပဒေလို အစွမ်းထက်တဲ့ မာလစ်ခ်တစ်ယောက်ရဲ့ လောကကြီးကို စိန်ခေါ်ပုံ၊ အကွက်ကျကျ ကြိုးကိုင်ပုံတွေကလည်း တစ်မျိုးဆန်းလို့နေပါတယ်။

ဒါကြောင့် မာလစ်ခ်ရဲ့ မျှော်လင့်ချက်တွေ အိပ်မက်တွေ အထာကျကျအတွေးအခေါ်တွေနဲ့ ဘဝအလှည့်အပြောင်း ဘဝဇာတ်ခုံက ဘယ်လို ကကြိုးဆင်မလဲဆိုတာကို ကြမ်းကြမ်းရမ်းရမ်း အက်ရှင်အပြည့်နဲ့  ကြည့်ရှုခံစားလိုက်ကြပါဦး။

ပထမအွန်းဘတ်ရုပ်ရှင်၏ရှေ့ဇာတ်ကြောင်း (prequel) ဖြစ်ပြီး ၁၅ ရာစုခန့်၊ ထိုင်းနိုင်ငံ အေဒီယာရာတိုင်းပြည်ကာလကို ပြန်လည်ရိုက်ကူးထားသည်။ ဇာတ်လိုက် “တီယန်” (တိုနီဂျာ) သည် မင်းမျိုးမင်းနွယ်တစ်ဦးဖြစ်သော်လည်း ငယ်စဉ်ကတည်းက မိဘများအသတ်ခံရပြီး ကျွန်အဖြစ်ရောင်းစားခံရသည်။ နောက်ပိုင်းတွင် “ဖူနမ်ဆောင်” ခေါ် ဓားပြဂိုဏ်းကြီးမှ ကယ်တင်ပြီး မတူကွဲပြားသော ကိုယ်ခံပညာ၊ လက်နက်ပညာ မျိုးစုံကို သင်ကြားပေးခြင်းခံရသည်။ တီယန်သည် မိမိမိသားစုကို သတ်ဖြတ်သူများကို အလဲအလှယ်မရှိ လက်စားချေရန် ခရီးထွက်ခဲ့သည်။

ဒီကားလေးကတော့ Horror အမျိုးအစားကားလေးဖြစ်ပြီး လူငယ် သရုပ်ဆောင်များစွာနဲ့ ရိုက်ကူးထားတဲ့ကားလေးပဲဖြစ်ပါတယ်။ ဒီဇာတ်ကားမှာ ဒေးဗစ် ဆိုတဲ့ ခရစ်ယာန်ဘာသာ ယုံကြည်သူကောင်လေးတစ်ယောက် မစ်ရှင်ပွိုင့်ဆိုတဲ့ မြို့ကလေးကို စပြောင်းရွှေ့လာစဉ် အင်မတန် ထူးခြားတဲ့ အဆောက်အဦးတစ်ခုကို မြင်တွေ့မိရာက စတင်ထားပါတယ်။ ဒေးဗစ် ဟာ ဘာသာရေးကို ယုံကြည်သက်ဝင်သူ ဖြစ်သော်လည်း လူငယ် ဖြစ်သည့်အလျောက် ဘာသာရေးအပေါ် နားလည်မှု လွဲခြင်းများလည်း ရှိနေပုံကို ထည့်သွင်း ရိုက်ကူးထားပါတယ်။ ထူးဆန်းတဲ့ နတ်ဆိုးတွေကို ပူဇော်သော ဝီးလ်မိတ်ကာ ဆိုတဲ့ ဂိုဏ်းတစ်ခု ကြီးစိုးနေတဲ့ မစ်ရှင်ပွိုင့်မှာ ဒေးဗစ် တစ်ယောက် ဘာတွေ ကြုံတွေ့ရမလဲ။ ဘယ်လိုတွေ စွန့်စားရမလဲဆိုတာကိုတော့ ဇာတ်ကားလေး ကြည့်ပြီး အဖြေရှာလိုက်ကြပါဦး။

တဘူး၊ ကရီးနား၊ ကရီတီးဆိုတဲ့ အသီးသီးတောက်ပခဲ့ကြပြီး တောက်ပနေတုန်းဖြစ်တဲ့
အိန္ဒိယရဲ့စတားမင်းသမီး သုံးယောက်တွဲထားတဲ့ရုပ်ရှင်ကို တင်ဆက်ပေးလိုက်ပါတယ်။
The Great Indian Kapil Showရဲ့ အစီအစဉ်မှူး ကာပီလ်နဲ့
နာမည်ကျော်ပန်ချာပီအဆိုတော်သရုပ်ဆောင် ဒေလ်ဂျိဒိုဆန်တို့လည်း ပါဝင်အားဖြည့်ထားပါသေးတယ်။
ရုံတင်ငွေ ၁၅၆ ကုဋေရထားပြီး ပေါ့ပေါးပါးပါး ကြည့်ရမယ့် ရွှေခိုးသယ်တဲ့ ဟာသရုပ်ရှင်လေးပါ။
အိပ်မက်ကိုယ်စီနဲ့ လေယာဥ်မယ်သုံးယောက်၊ ဝါသနာအလုပ်ကို
လုပ်နေရပေမယ့် လေကြောင်းလိုင်းက လစာမပေးတော့တာ ခြောက်လကြာသွားတယ်။
လေကြောင်းလိုင်း ဒေဝါလီခံလိုက်ရတာ သိလိုက်ရတော့ စည်းမျဥ်းတွေကို စွန့်ပယ်ပြီး
ဖြတ်လမ်းလိုက်ဖို့ လေဒီသုံးယောက်သား ရွေးချယ်လိုက်ရတဲ့အခါမှာ...

ဇာတ်ကြောင်းကတော့ ခက်တို့ သူငယ်ချင်း၇ယောက် အားလပ်ရက်အပန်းဖြေခရီးထွက်ရင်း လူသူမဲ့ကျွန်းကြီးတစ်ခုအနီးမှာရေသွားကူးဖြစ်ကြပါတယ်။နယ်ခံလှေဆရာကြီးပြောပြတာတော့ အဲ့ဒီကျွန်းဟာ တားမြစ်ထားတဲ့ကျွန်း၊ လူသူမနေတဲ့အပြင် ကျွန်းရဲ့ သမိုင်းကလည်းမကောင်းလှဘူး။လွန်ခဲ့တဲ့ နှစ်နှစ်ရာလောက် အဲ့ကျွန်းပေါ်ကနေထိုင်သူတိုင်းဟာ ကျိန်စာမိသွားပြီး သေဆုံးသွားကြတာ အလောင်းတောင်ရှာမရဘူးတဲ့....။ဖြစ်ချင်တော့ ဒီပုံပြင်ကိုမယုံတဲ့ အခြားလူငယ်အုပ်စုတစ်ခုနဲ့ စကားအချေအတင်ဖြစ်ရင်းအလောင်းအစားတစ်ခုလုပ်မိတယ်...။ လောင်းကြေးကတော့ ရှုံးတဲ့အဖွဲ့ အဲ့ကျွန်းမှာ တစ်ညသွားအိပ်ကြေး....။ ကံဆိုးချင်တော့ ခက်တို့အဖွဲ့ရှုံးသွားပြီး အဲဒီ ကျိန်စာသင့်လူသူမဲ့ကျွန်းမှာ တစ်ညသွားအိပ်ရပါတော့တယ်...။ ခက်တို့ အုပ်စုရော အဲ့ကျွန်းပေါ်ကနေ အသက်ရှင်လျက်ပြန်ထွက်လာနိုင်ပါ့မလားဆိုတော့....။

အမေရိကရဲ့ ထိပ်တန်းကုမ္ပဏီကြီးရဲ့ စီအီးအိုဖြစ်တဲ့ အိန္ဒိယနိုင်ငံသား
မစ္စတာအာကယ်လာဟာ အိန္ဒိယပြည်ကို အလည်ပြန်လာတဲ့အချိန်မှာ
နိုင်ငံတွင်းက ဝန်ကြီးတွေဟာ သူတို့တာဝန်ယူရတဲ့ နယ်မြေမှာ
ကုမ္ပဏီအလုပ်အကိုင်အခွင့်အလမ်းတွေ များလာအောင်လို့
မစ္စတာအာကယ်လာကို ဖိတ်ခေါ်နိုင်ဖို့အတွက် အလုအယက်တောင်းဆိုကြပါတော့တယ်။

အဲဒီမှာပဲ ဝန်ကြီးကီရှေ့ဗ်ဟာ အစိုးရကို ဆန့်ကျင်ပြီးတော့
သူ့ပြည်နယ်ကို မစ္စတာအာကယ်လာ့ကို ခေါ်ယူပြီး ဧည့်ခံပါတော့တယ်။

ဒီလိုဧည့်ခံနေတုန်းမှာပဲ မစ္စတာအာကယ်လာတစ်ယောက် ပြန်ပေးဆွဲခံလိုက်ရပါတော့တယ်။

ကိစ္စအကြီးကြီးဖြစ်ပွားသွားပြီးတဲ့နောက်မှာ ဒီသတင်းကို မပေါက်ကြားစေဘဲ
မစ္စတာအာကယ်လာကို ကယ်တင်နိုင်ဖို့ ဝန်ကြီးတစ်ယောက် ခေါင်းစားရပါတော့တယ်။

ဒီလိုနဲ့ မစ္စတာအာကယ်လာကို ကယ်တင်ပေးဖို့အတွက် အတော်ဆုံးသူကိုရှာတဲ့အခါ
ရာဂျူလို့ခေါ်တဲ့ အရာရှိကို ရွေးချယ်လိုက်ပါတယ်။

ဒါပေမဲ့လည်း သူဟာ
မှန်မှန်ကန်ကန်ပဲ လုပ်တတ်တဲ့အတွက်နဲ့ အထက်ကလူတွေဟာ
သူတို့စကားနားမထောင်တဲ့အကြောင်းပြချက်နဲ့ ရာထူးကနေ ဆိုင်းငံ့ထားလိုက်တာကြောင့်
သူ့တည်နေရာကို မသိရှိဘူးဖြစ်နေကြပါတယ်။

သို့ပေမဲ့လည်း မစ္စတာအာကယ်လာရဲ့ လုံခြုံရေးကို တာဝန်ယူရတဲ့
အရာရှိမီနာရှာဟာ ရာဂျူနဲ့ ရည်းစားဟောင်းတွေဖြစ်နေခဲ့ပြီး သူသာ
ခေါ်လိုက်ရင်သေချာပေါက်လာမယ်ဆိုပြီး ပြောတဲ့အတွက် စိတ်အေးသွားရပါတော့တယ်။

ဒီလိုနဲ့ပဲ အရာရှိမီနာရှာတစ်ယောက် ရာဂျူကို ဘယ်လိုရှာဖွေသွားမလဲ ….

တွေ့ပြီးတဲ့နောက်မှာရော မစ္စတာအာကယ်လာ့ကို ကယ်တင်ဖို့အတွက်
ဘယ်လိုတွေ လုပ်ဆောင်သွားမလဲ၊ ဘာတွေဆက်ဖြစ်မလဲ ဆိုတာကိုတော့
အခွီလေးတွေနဲ့အတူ အက်ရှင်ခပ်မိုက်မိုက်တွေကိုပါ ကြည့်ရှုရမဲ့
ဟာသအက်ရှင်ဇာတ်ကားကောင်းလေးဖြစ်ပါတယ်။

ရွာတစ်ရွာကို နန်းတွင်းမန်းချူးစစ်သည်တွေ ဝင်စီးကြတယ်… အကြောင်းက ဒီရွာမှာရှိတဲ့မိသားစုဝင်တစ်ဦးဟာ နန်းတွင်းသစ္စာဖောက်တစ်ယောက်ဖြစ်နေတယ်ဆိုတဲ့စွပ်စွဲချက်ကြောင့်ဖြစ်တယ်….ဒီသစ္စာဖောက်မှာ သားတစ်ယောက် သမီးတစ်ယောက်ရှိတယ်...မန်ချူးစစ်သည်တွေဟာ တစ်ရွာလုံးသတ်ပြီး မိန်းကလေးတွေကိုခေါ်ဆောင်သွားတယ်…ကံကောင်းထောက်မစွာ သစ္စာဖောက်ရဲ့သားဖြစ်သူဟာ လွတ်မြောက်သွားတယ် တကယ်တော့ လွတ်မြောက်သွားတဲ့သားဖြစ်သူဟာ တကယ့်မြွေ….

စဉ်းစားဉာဏ်လည်းရှိတဲ့အပြင် မြှားပစ်တဲ့နေရာမှာလည်း တစ်ဖက်ကမ်းခတ် ကျွမ်းကျင်တဲ့သူဖြစ်တယ်…

စွန့်စားခန်းတွေကို နှစ်သက်သဘောကျပြီး
အရာရာတိုင်းကိုအကောင်းမြင်တတ်တဲ့
သူငယ်ချင်းတွေနဲ့ အပြန်အလှန် ချစ်ခင်မှုကိုရထား တဲ့ ဒေ့ဗ်..
မူကြိုအရွယ်ထဲက မွေးနေ့တူလို့ ပေါင်းမိသွားကြတဲ့
ဒွ့ဗ် ဗစ်ကီ နဲ့ နီရှာတို့ သုံးယောက်ဟာ တက္ကသိုလ် အထိအတူတူ
တစ်တွဲတွဲရှိနေရာက ဗစ်ကီနဲ့နီရှာတို့ရဲ့ တိုက်တွန်းမှ ကြောင့်
ကံတရားရဲ့အလိုအတိုင်းဆိုပြီး ပထမ ဆယ်ယောက် ထဲမှာ
နောက်ဆုံး နံပါတ် ၁ ကျတဲ့ People You May Know
ကောင်မလေးအဖြစ်လိုက်မယ်လို့ အလောင်းအစား လုပ်ကြရာမှ

သမီးလေးရယ် ၊ လင်မယားနှစ်ယောက်ရယ် ပျော်စရာကောင်းတဲ့ မိသားစုလေးပေါ့..

တစ်နေ့... သူ့ဇနီးက ရုတ်တရက် တိုက်ပေါ်က ခုန်ချပြီး သတ်သေသွားတယ်...

နောက်ထပ် ၂ နှစ်လောက်ကြာတော့...
သတ်သေမှုတစ်ခုပေါ်လာပြန်တယ်.

နှစ်ခုလုံးက မတ်လ ၂၃ ရက်နေ့မှာဖြစ်သွားတာ နောက်ပြီး သူ့မိန်းမ သေဆုံးသွားတဲ့အချိန် လက်ပေါ်မှာ ထင်နေတဲ့အမှတ်အသားနဲ့ ဒုတိယသေဆုံးသူရဲ့ လက်ပေါ်မှာထင်နေတဲ့ အမှတ်အသားနှစ်ခု သွားတူနေတဲ့အခါ..

သူ့မိန်းမဟာ တကယ်တမ်း သတ်သေခဲ့တာလား ဒါမှမဟုတ် တစ်စုံတစ်ယောက်က တမင်သတ်သေစေအောင် ကြံစည်ခဲ့သလားဆိုတာ သူမဝေခွဲနိုင်ဖြစ်လာတယ်..

ဒီတော့ သူ့သံသယတွေကိုရှင်းလင်းစေဖို့....ဒီအမှုနှစ်ခုနောက်ကို လိုက်ရင်း..
အခြားအမှုတွေပါ တစ်သီတစ်တန်းကြီးပေါ်လာတဲ့အခါမှာတော့....

အသစ်ထွက်ထားတဲ့ တေလေဂူးစကားပြော နိုင်ငံရေး၊ အက်ရှင်ဒရာမာ ရုပ်ရှင်တစ်ခုကို ပရိသတ်တွေအတွက် တင်ဆက်ပေးချင်ပါတယ်။
အာဂျွန်နဲ့ သူငယ်ချင်းတစ်စုဟာ မတူတဲ့အကျင့်တွေရှိကြတဲ့ နှစ်ချို့အင်ဂျင်နီယာကျောင်းသားတွေဖြစ်ပါတယ်။အကျင့်တစ်ခုစီ မတူကြပေမဲ့ အရက်သောက်တဲ့နေရာမှာ လူညီကြတာကြောင့် သူတို့အဖွဲ့ဟာ အမြဲတမ်းတတွဲတွဲပါပဲ။သူတို့ထဲမှာ ခေါင်းဆောင်လို့ပြောလို့ရတဲ့ ဇာတ်လိုက်အာဂျွန်ဟာ ကိုယ်နဲ့မဆိုင်လာသရွေ့ ဘာကိုမှဂရုမစိုက်တတ်ပေမဲ့ ဆိုင်လာခဲ့ရင်တော့ အဆုံးထိ ဝင်ပါတတ်တဲ့စရိုက်ရှိသူပါ။အဲဒီလို အရက်သောက်တာကလွဲပြီး ကောလိပ်မှာအလေပဲလိုက်နေတဲ့ သူတို့အဖွဲ့ဟာ သူတို့ကောလိပ်ကို
ကာကွယ်ဖို့အတွက် အင်အားကြီး နိုင်ငံရေးပါတီတစ်ခုနဲ့ ရင်ဆိုင်ဖို့ဖြစ်လာတဲ့အခါမှာတော့…
(ဒီရုပ်ရှင်အတွက် အညွှန်းနဲ့ဘာသာပြန်ကတော့ B-Team ပါ။)

ဒီတစ်ခါတော့ CM ပရိသတ်ကြီးတို့အတွက် 2024 ခုနှစ်မှာထွက်ခဲ့တဲ့ 𝕄𝕦𝕟𝕛𝕪𝕒 ဆိုတဲ့ ဟာသအနည်းငယ်ရောနှောရိုက်ကူးထားတဲ့ သရဲကားတစ်ကားနဲ့မိတ်ဆက်ပေးချင်ပါတယ်။

IMDb 7.1/10 ရရှိထားပြီး အိန္ဒိယရိုးရာယုံကြည်မှုထဲကမိစ္ဆာတစ်မျိုးကို အခြေတည်ရိုက်ကူးထားတာပဲဖြစ်ပါတယ်။

ဇာတ်လမ်းအညွှန်းကတော့ _
၁၉၅၂ခုနှစ်လောက်မှာ ဂေါယာလို့အမည်ရတဲ့ကောင်လေးတစ်ယောက်ဟာ သူ့ထက် ၇ နှစ်ကြီးတဲ့ အမျိုးသမီးလေးတစ်ယောက်ကို စွဲလန်းနေတာကြောင့် သူ့ရဲ့သတို့သားကို ကြွက်သတ်ဆေးနဲ့လုပ်ကြံခဲ့ပါတယ်။

ဒါပေမဲ့ သူ့အမေက သိသွားပြီး ဟိန္ဒူဘာသာအရ အရွယ်ရောက်အခမ်းအနားကို လုပ်စေခဲ့ပါတယ်။

ဒီအခမ်းအနားဟာ ၁၀ ရက်ကြာမြင့်ပြီး အဲဒီအချိန်အတွင်းမှာ ဂေါယာရဲ့အမျိုးသမီးလေးဟာ လက်ထပ်တော့မှာဖြစ်ပါတယ်။

အချစ်ကြီးလို့ အမျက်ကြီးသလို အငြိုးလည်းကြီး ဇက်ရဲလက်ရဲလည်းနိုင်တဲ့
ဂေါယာတစ်ယောက်ဟာ ကောင်မလေးကိုပြန်ရဖို့အတွက်
အောက်လမ်းပညာစီရင်ဖို့ကြိုးစားပါတော့တယ်။

ဒါပေမဲ့ အောက်လမ်းစီရင်နေတုန်း မထင်မှတ်ဘဲ ဂေါယာသေဆုံးသွားခဲ့ပြီး
သူ့ရဲ့ အရွယ်ရောက်အခမ်းအနားလည်းမပြီးဆုံးသေးတာကြောင့်
အစီအရင်သစ်ပင်ကြီးမှာ တွယ်ကပ်နေတဲ့ ဘရဟ္မရာရှာသဆိုတဲ့
မိစ္ဆာဘ၀ကို ရောက်သွားရာကစတင် ဇာတ်အိမ်တည်ထားပါတယ်။

နှစ်ပေါင်းများစွာကြာတဲ့အချိန်မှာ သရဲကပ်နေတဲ့သစ်ပင်ကြီးနဲ့
သူ့ဆီလာဖို့ခေါ်နေတဲ့အသံကို အမြဲတစေကြားယောင်နေတဲ့
ဘီတူလို့အမည်ရတဲ့ကောင်လေးတစ်ယောက်ပေါ်လာပါတယ်။

သူနဲ့ အဲဒီသစ်ပင်၊ အဲဒီမိစ္ဆာတို့ကရော ဘာတွေဘယ်လိုဆက်စပ်နေကြသလဲ၊
သူကပဲ နှိမ်နင်းမှာလား၊ သူ့ကိုပဲ နေရာဆက်ခံဖို့၀ါးမျိုလိုက်မလား၊
ဘယ်လိုဆက်ဖြစ်ဦးမလဲဆိုတာကိုတော့ ဇာတ်လမ်းနဲ့အတူ လိုက်ပါကြည့်ရှုခံစားပေးပါဦးဗျာ

အရာရာနားလည်လက်ခံကြပြီး သိပ်ကိုချစ်ကြပါတယ်ဆိုတဲ့ချစ်သူတွေလည်း
လက်ထပ်ခါနီးမှ သောကဝေ ဒုက္ခတွေများကြရပါတယ် အကြောင်းအရင်းကတော့
နှစ်ဖက်အသိုင်းအဝိုင်းမိဘတွေရဲ့ လွှမ်းမိုးမှုပါပဲ နှစ်ယောက်တည်းတုန်းက
ညှိလွယ်ပြေလွယ်ခဲ့ကြတဲ့အရာတွေက အသိုင်းအဝိုင်းကြီးနှစ်ခုထိပ်တိုက်တွေ့တဲ့အခါ
ထင်သလောက်မလွယ်တော့ပါဘူး အချစ်နဲ့ ရအောင်ကျော်ဖြတ်နိုင်ကြသူတွေ
ရှိသလို ဒီနေရာမှာ အချစ်ဇာတ်လမ်းတစ်ခန်းရပ်သွားသူတွေ ဒုနဲ့ဒေးပါ

အာရှူနဲ့ အန်ဗီတို့က ရှေးရိုးစွဲမိသားစုတွေကြားထဲကနေမှ ဆွေမျိုးမိဘတွေ မသိအောင်
အတူပေါင်းသင်းနေထိုင်နေကြတဲ့ လူငယ်စုံတွဲလေး။
ဒီကြားထဲမှာ ဆွေမျိုးမိဘတွေကြောင့်ပဲ ပြဿနာတွေတက်၊ နှစ်ယောက်ကြားမှာ
အဆင်မပြေမှုတွေဖြစ်လာရာကနေ သူတို့နှစ်ယောက်အချစ်ခရီးဟာ
ရှေ့တိုးရမလို နောက်ဆုတ်ရမလိုတွေ ဖြစ်လာပါတော့တယ်

နှစ်ဖက်အသိုင်းအဝိုင်းအရှိန်အဝါတွေကြောင့် အချစ်ဇာတ်သိမ်းသွားမလား
အချစ်နဲ့ပဲရအောင်ကျော်ဖြတ်မလားဆိုတာ ပေါ့ပေါ့ပါးပါးအချစ်ကားလေးကို အကဲဖြတ်ရှုစားကြည့်ပါဦး

အင်တာနက်စာရေးဆရာ စူးဖေး ဟာ ရည်းစားဖြစ်သူ အသတ်ခံရပြီးနောက် ပုံရိပ်ယောင်တွေကိုထင်ယောင်ထင်မှား မြင်မိနေပါတယ်။ အဲဒီနောက် သူဟာ စိတ်ပြေလက်ပျောက် အပန်းဖြေရအောင် တိတ်ဆိတ်အေးချမ်းတဲ့ စန်းကျားရွာကို ထွက်လာခဲ့ပါတယ်။ ဒါပေမဲ့ စန်းကျားရွာမှာ သူမဟာ တစ်ရက်မှ အေးချမ်းမှုကို မရခဲ့ဘဲလူယုတ်မာရဲ့ ထောင်ချောက်ထဲကို ရောက်မှန်းမသိ ရောက်သွားခဲ့ပါတယ်။ တည်းခိုဆောင်မှာလာရောက်တည်းခိုနေတဲ့ ပန်းချီဆရာနဲ့ တည်းခိုဆောင်ပိုင်ရှင် ရန်ပေါ ဆိုသူတို့ထဲမှာ ဘယ်သူက တရားခံအစစ်ဖြစ်မလဲ။ တရားခံကရော စူးဖေး ကို ဘာလို့ လိုက်လံနှောင့်ယှက်နေရတာလဲ ဆိုတာကို ရုပ်ရှင်နဲ့အတူ အဖြေရှာလိုက်ရအောင်ဆိုရအောင်။

IMDB မှာ ၆.၉ အထိရထားပြီး မင်းသားကြီး ဗီဂျေးစည်သူပတီ နဲ့ မင်းသမီးချော ကာထရီနာတို့ရဲ့ ဒရမ်မာ ရုပ်ရှင်လေးတစ်ကားနဲ့မိတ်ဆက်ပေးပါရစေ။ အာလူးပုတ်ရဲ့ Rating ကလည်း 85% တောင်ရှိတာမို့ တကယ်ကောင်းတဲ့ကားဆိုတာတော့ မငြင်းနိုင်တဲ့ကားလေးတစ်ကားဖြစ်မှာပါ...

ဇာတ်လမ်းအကျဉ်းကတော့ ဒူဘိုင်းကနေ ခုနစ်နှစ်နေမှ ပြန်လာတဲ့လူတစ်ယောက် စကားမပြောတတ်တဲ့ ကလေးလေးကိုပိုင်ဆိုင်ထားတဲ့ မိန်းမချောတစ်ယောက် မိန်းမမြင်ရင် အကုန်ကူညီတတ်တဲ့ ပေါတောတောလူတစ်ယောက် သူတို့သုံးယောက်ရဲ့ခရစ်စမတ်ည ဇာတ်လမ်းလေးတစ်ပုဒ်ပါ။

ခရစ်စမတ်ညမှာဖြစ်တဲ့ လူသတ်မှုတစ်ခုကို ဇာတ်လမ်းဆင်ထားပြီး တစ်ကွက်ခြင်းဆီကို မြှုပ်ကွက်တွေနဲ့ အစအဆုံးခေါ်သွားမှာမို့ မိုးအေးအေးနဲ့ ဇိမ်နဲ့နှပ်ပြီး ကြည့်ချင်တဲ့ ဘောလိ၀ုဒ်ပရိတ်သတ်တွေအတွက် တကယ်ကို အစအဆုံးဆွဲခေါ်သွားနိုင်မယ့် ဇာတ်လမ်းကောင်းလေးတစ်ကားအဖြစ်မိတ်ဆက်ပေးလိုက်ပါတယ်။