အချစ်ဆိုတာ လူတိုင်းအနည်းဆုံးတစ်ခါလောက်တော့ တွေ့ကြုံကြရတဲ့အရာတစ်ခုပါပဲ။ တချို့က လုံးဝမထင်မှတ်ထားတဲ့လူနဲ့ ချစ်မိနိုင်သလို၊ တချို့အချစ်တွေကတော့ လူသတ်သမားနဲ့တောင် ဆုံကြရတတ်ပါတယ်။
ဒီဇာတ်ကားထဲမှာ ဇာတ်လိုက်ကောင်လေးတစ်ဦးဟာ ဘေးအိမ်က မိန်းကလေးက လူသတ်သမားဖြစ်တယ်ဆိုတာ သိသွားပေမယ့်… ထူးဆန်းစွာနဲ့ သူမကို ချစ်မိသွားပါတယ်။ သေခြင်းတရားနဲ့ အနီးကပ်ရှိနေရင်းပဲ အချစ်တစ်ခုကြောင့် ဘာကိုမှဂရုမစိုက်မိတော့တာပါ။
အချစ်က အားလုံးထက်အရေးကြီးဆုံးဖြစ်နေတာကိုပုံဖော်ထားတဲ့ ဂျပန်ဇာတ်ကားလေးဖြစ်ပြီး သရုပ်ဆောင်မင်းသမီးလည်း အမိုက်စားပါပဲ။✔️

၉၀ ဝန်းကျင်ဖွား သက်ကြားအိုတိုင်းနီးပါး ကစားဖူးတဲ့ ဂိမ်းတစ်ခုရှိပါတယ်။ တရုတ်ဓားခုတ်ဂိမ်း ပါပဲ။

ဒီဂိမ်းကို Romance of the Three Kingdoms သမိုင်းဇာတ်လမ်းကနေ ယူထားတာလည်းသိကြမှာပါ။ ဒီသုံးပြည်ထောင် နဲ့ ပတ်သတ်တဲ့ ဇတ်လမ်းတွေလည်း အများကြီးထွက်ခဲ့ပြီးပါပြီ။ အထင်ရှားဆုံးကတော့Redcliff ၁ နဲ့ ၂ ပေါ့။ အခုဇာတ်လမ်းကတော့ rating အနေနဲ့ နည်းပါတယ်။ ဒါပေမယ့် အမှတ်တရ ပြန်တင်ပေးထားတာပါ။
ဂိမ်းထဲက theme အတိုင်း နောက်ခံတီးလုံး၊ အဝတ်အစား၊ လက်နက်တွေ ပြန်သုံးပေးထားပါတယ်။ ကျွန်တော်တော့
မဆိုးဘူးလို့ ပြောချင်ပါတယ်။ C တွေရဲ့ ထုံးစံအတိုင်း မလိုအပ်တဲ့ အထူးပြုလုပ်ချက်တွေ အိုဗာပါဝါတွေကြောင့်သာ
ခပ်ညံ့ညံ့ကားလိုဖြစ်သွားခဲ့တာပါပဲ။ ဇာတ်လမ်းကိုတော့ ခေါင်းပေါင်းဝါသူပုန်တွေနဲ့ တိုက်ခိုက်တာကနေ အစပြုပါထားပါတယ်။
ဂိမ်းထဲက ပထမဆုံး အခန်းအတိုင်းပါပဲ။ နောက်ပြီးတော့ ဒုတိယတိုက်ပွဲကို ဟူလောင်ဂိတ် နဲ့ လျို့ရန်ကို ဝင်တိုက်တဲ့ အတိုင်းပဲ ဆက်ပြထားပါတယ်။

လူဆိုးတစ်‌ယောက်အဖြစ် တရားဥပဒေက တံဆိပ်တပ်ခံထားတဲ့
ဘဟိုင်ရာသီရာနဂယ်ဟာ ငယ်စဉ်ကတည်းက ထောင်ထဲမှာ ကြီးပြင်းခဲ့ရသူပါ။
သူ့ရွာအကျိုးအတွက် အကြမ်းဖက်သလိုဖြစ်ခဲ့ရာက ထောင်းနန်းစံခဲ့ရတဲ့
ရာဂနယ်ဟာ ထောင်ထဲမှာ အလကားမနေဘဲ ဥပဒေပညာကို ကြိုးစားသသင်ယူခဲ့ပါတယ်။
ထောင်ကထွက်လာချိန်မှာလည်း ရှေ့နေအဖြစ် သူ့ရပ်ရွာအကျိုးကို ဆောင်ရွက်ခဲ့ပါတယ်။
သူ့ရပ်ရွာက ပြည်သူတွေအတွက်တော့ သူဟာ နတ်ဘုရားတစ်ပါးလို ဖြစ်လာခဲ့ပါတယ်။
ဒါပေမဲ့ ဇာတ်လမ်းက ဒီမှာတင်ပြီးဆုံးသွားတာ မဟုတ်ပါဘူး။ ငယ်စဉ်ကတည်းက
ဘ၀မလှခဲ့တဲ့ ရာနဂယ်တစ်ယောက် ရှေ့နေဘ၀မှာလည်း
အ‌လှည့်အပြောင်းများစွာ ကြုံတွေ့လာရပါတယ်။
အစကတည်းက ကံကြမ္မာရဲ့မျက်နှာသာပေးခြင်းကို မခံရတဲ့ ရာနဂယ်ကို
ကံတရားက ဘယ်လိုကျီစားဦးမှာလဲ… တရားမျှတမှုနဲ့ မတရားမှုတွေကြားမှာ
ဘယ်လိုဓားစာခံဖြစ်ဦးမှာလဲ… ရှေ့ဆက်ပြီး သူ ဘယ်လို
ကြံ့ကြံ့ခံရင်ဆိုင်သွားမလဲဆိုတာ စိတ်၀င်စားစရာ ဆက်လက်ကြည့်ရှုကြရမှာ ဖြစ်ပါတယ်။
(ဒီဇာတ်လမ်းအတွက် အညွှန်းနဲ့ဘာသာပြန်ကတော့ CM Bollywood team ပါ။)

တပ်မှူးစူးစန့်ဟာ ချင်မင်းဆက်ရဲ့ မင်းသားကိုယ်တိုင်က ချီးမြှောက်ရတဲ့အထိလက်ရုံးရည် နှလုံးရည်နဲ့ ပြည့်စုံတဲ့သူဖြစ်ပါတယ်။ ဒါပေမဲ့ သူ့ရဲ့အိမ်မက်ကတော့ အတော်ဆုံးသိုင်းသမားနဲ့ ပညာချင်းယှဉ်ပြိုင်ပြီး သိုင်းကျောင်းလေးထောင်ကာ မိသားစုနဲ့ပဲ အေးအေးဆေးဆေးဘဝကို ဖြတ်သန်းလိုသူပါ။

ယွမ်လဲ့ဆိုသူကတော့ စူးစန့်မိဘတွေက သူတို့မောင်နှမနှစ်ယောက်ကိုမွေးစားထားတဲ့အတွက် စူးစန့်ရဲ့ အစ်ကိုဖြစ်သလို  စူးစန့် မိန်းမရဲ့ အစ်ကိုဖြစ်တဲ့အတွက် စူးစန့်ရဲ့ ယောက်ဖ ဆိုလည်း မမှားပါဘူး။

ဒါပေမဲ့ စူးစန့်ရဲ့မိဘတွေက ယွမ်လဲ့တို့မောင်နှမကို မွေးစားထားရတဲ့အကြောင်းက ဘာကြောင့်များဖြစ်မလဲ…။ စူးစန့်ကရော အကောင်းဆုံးပြိုင်ဘက်ကို ရှာတွေ့ပြီး သူနေချင်တဲ့အတိုင်း ဘဝကို အေးအေးချမ်းချမ်းပဲ ဖြတ်သန်းသွားရမှာလား… ဆိုတာတွေကို စိတ်ဝင်စားဖွယ်ကောင်းစွာ ကြည့်ရှုရမှာဖြစ်ပြီး သိုင်းကားကြိုက်သူတွေအတွက် မလွတ်တမ်းကြည့်ရှုသင့်တဲ့ ဇာတ်ကားကောင်းတစ်ကားပဲ ဖြစ်ပါတယ်။

မင်းသားနာနီရဲ့ ဒေါသကြီးလွန်းတဲ့သားဖြစ်သူဆူရီယာကိုမိခင်ဖြစ်သူကမသေခင်မှာ တပတ်ကိုတစ်ရက်ပဲဒေါသပေါက်ကွဲဖို အလေ့အကျင့်လုပ်ပေးခဲ့ပါတယ်။ မိခင်ကိုအလေးအမြတ်ထားပြီး စနေနေ့တစ်ရက်မှာပဲ ဒေါသကိုဖွင့်ထုတ်ခဲ့တဲ့ ဆူရီယာဟာ အဲဒီတစ်ရက်စာဒေါသကြောင့်ပဲ ပြဿနာတွေအကြိမ်ကြိမ်ဖြစ်ရပါတယ်။

ဖခင်ဖြစ်သူရော အစ်မဖြစ်သူပါ အမျိုးမျိုးတားဆီးဖိုကြိုးစား..သူကိုယ်တိုင်လည်း ဒေါသဖြစ်စရာအခြေနေတွေကို အမျိုးမျိုးရှောင်ခဲ့ပေမဲ့ ပြဿနာတွေက သူ့ဆီကိုတည့်တည့်၀င်လာတဲ့အခါမှာတော့...စနေနေ့ concept နဲ့နေတဲ့ ဆူရီယာ နဲ့ နေ့တိုင်းပြဿနာဖန်တီးနေတဲ့ လူတစ်သိုက်ကြား ဘယ်လိုဆက်နှစ်ပါးသွားကြမလဲဆိုတာ.....?

K drama ကို reference ယူပြီးဖန်တီးထားတယ်ဆိုတဲ့ ဒီကားလေးဟာ အိန္ဒိယရဲ့ box office မှာလည်း ၀င်ငွေကောင်းခဲ့တဲ့ ကားလေးဖြစ်ပါတယ်။

ဇတ်လမ်းပုံစံကတော့ အန္ဒိယ နိုင်ငံကို အင်္ဂလိပ်လူဖြူတွေကကျွန်အရောင်းအ၀ယ် ကုန်သွယ်မှုတွေ
အပြင် တစ်ဖြေးဖြေး စီးနင်းလာတဲ့အခါမျိုးချစ်စိတ် ရှိတဲ့ ဘုရင့်အမျိုးအနွယ်တွေက ပုန်ကန်ဖို့ လုပ်ကြပါတယ်။

ဒါပေမဲ့ အရမ်းလည်လွန်းတဲ့ လူဖြူ အရာရှိ
ကလိုက်ဖ် က အတော်များများကို
သတ်ပစ်ခဲ့ပါတယ်။

အဲ့ဒီထဲကမှ ဘုရင်ကြီး တစ်ပါးရဲ့ သမီးဖြစ်သူ ဇာဖီရာ ဟာလူယုံတော်ကြီး အာဇတ် နဲ့ အတူ လွတ်မြောက်သွားခဲ့ပါတယ်။

နှစ်ပေါင်းအတော်ကြာတဲ့ အခါ ပင်လယ်ဓါးမြကြီး
ပုန်ကန်သူ အာဇတ် နဲ့အဖွဲ့ဖြစ်ပေါ်လာပြီး အင်္ဂလိပ်အစိုးရကို သွေးလန့်စေခဲ့ပါတော့တယ်။

အင်္ဂလိပ်အစိုးရကလဲ သူတို့ အချုပ်အခြာအာဏာ တည်မြဲရေးအတွက်အာဇတ် ကို ဖမ်းမိရဖို့အတွက် အတော်ဆုံးလူလိုက်ရှာတဲ့အခါမှာတော့

ပိုက်ဆံကလွဲပြီး ဘာမှ မသိ ပိုက်ဆံသာဘုရားသခင် လို့ မှတ်ယူထားတဲ့ဖီရန်ဂီ နဲ့ စတင် တွေ့တော့တာပါပဲ.......

ငယ်စဉ်ကတည်းက ရိုးရာနတ်ပညာ၊ ပယောဂအတတ်တွေမှာ စိတ်ဝင်စားခဲ့တဲ့ ယွန်းဂျီဟီး (Kim Gyuri) ဟာ
ယောက်ျားတွေကို အသုံးချပြီး လိုချင်တာကို အရယူနိုင်မှန်း နားလည်သွားတဲ့အခါ မျက်နှာခွဲစိတ်ပြုပြင်ပြီး
အထောက်အထား အကုန် အတုလုပ်ပြီးတော့ ဘဝအသစ်နဲ့ စတင်နေထိုင်ခဲ့ပါတယ်။
အဲဒီအချိန်မှာပဲ အာဏာရဲ့ အရသာကို မြည်းစမ်းကြည့်မိသွားတဲ့ ဂျီဟီးတစ်ယောက် တောင်ကိုးရီးယား
တစ်နိုင်ငံလုံးကို သူ့လက်ခုပ်ထဲ ရောက်‌အောင်လုပ်မယ်ဆိုတဲ့ ရမ္မက်စိတ်နဲ့ လူ့အသက်ကိုပါ
ထိခိုက်စေလောက်တဲ့အထိ ပယောဂအတတ်ကို အသုံးချလာပါတော့တယ်။
မယုံကြည်နိုင်ဖွယ် ဖြစ်ရပ်တွေ ဆက်တိုက်ဖြစ်လာလေလေ  ဂျီဟီးအတွက် ပန်းတိုင်နဲ့ နီးကပ်လာလေပဲပေါ့။

မင်းသမီးချော ရှရဒါးစရီနတ်နဲ့ ကီရှိုးတို့ပါဝင်သရုပ်ဆောင်ထားတဲ့ Kaliyugam 2064ဆိုတဲ့ 3 post-apocalyptic survivalအမျိုးအစား ဇာတ်လမ်း‌ကောင်းလေးကို CM ပရိသတ်တို့အတွက် တင်ဆက်ပေးလိုက်ပါပြီ။

ဒီဇာတ်ကားလေးကတော့ တတိယကမ္ဘာစစ် ၇ နှစ်ကြာအပြီးမှာ စစ်လက်နက်ဘေးနဲ့ ပြိုကွဲပျက်စီးလုနီးပါး ကာလတစ်ခုဖြစ်တဲ့ 2064 ခုနှစ်မှာ အဖိနှိပ်ခံလူတန်းစားတစ်စုရဲ့ လူ့အခွင့်အရေးအတွက်တိုက်ပွဲဝင်ကြရပုံကို ပုံဖော်ထားတာဖြစ်ပြီး positive reviewတွေလည်းရထားတာဖြစ်လို့ ခုပဲရှုစားလိုက်ကြပါဦးစို့။

ခေတ်မီလက်နက်မျိုးစုံနဲ့ တတိယကမ္ဘာစစ်ကြီး 7 နှစ်တာကာလအကြာမှာ ရပ်ဆိုင်းသွားပြီးတဲ့နောက် ပျက်စီးလုနီးနီး ကမ္ဘာကြီးဟာ ဖုန်းဆိုးမြေသာသာဖြစ်ပြီး လူနည်းစုလောက်ပဲ ကျန်ရစ်ခဲ့ပါတယ်။ဒီကျန်ရစ်ခဲ့တဲ့ လူနည်းစုထဲက ထက်မြက်တဲ့လူတချို့က Residenceဆိုတဲ့အဖွဲ့ကိုတည်ထောင်ပြီး ကျန်ရှိတဲ့စားနပ်ရိက္ခာနဲ့ ရေတချို့ကို ရှာဖွေစုဆောင်းသိမ်းဆည်းပြီး အပြင်လောကနဲ့ အုတ်တံတိုင်းနံရံကြီးတစ်ခုခြားလို့ သီးခြားနေထိုင်ကြတာပေါ့။

ဒါပေမဲ့ ဒီအခွင့်ထူးတွေက သာမန်လူတန်းစားဖြစ်တဲ့ နံရံအပြင်ဘက်ကလူတွေအတွက်တော့ မဟုတ်ခဲ့ပါဘူး....

ဂျက်လီရဲ့ကားတွေထဲမှာ အကောင်းဆုံးနဲ့အမိုက်ဆုံးကားတစ်ကားဆိုရင်လည်းမမှားပါဘူး…

မိစ္ဆာတွေကိုလိုက်ဖမ်းတဲ့ကျောင်းတိုင်ဘုန်းတော်ကြီးဖအိုင် အဖြစ်ဂျက်လီကိုမြင်ရမှာဖြစ်ပါတယ်

သူဟာမိစ္ဆာပေါင်းစုံကိုလိုက်လံနှိမ်နင်းဖမ်းဆီးပြီးတော့ကျောင်းဆောင်အပေါ်ထပ်မှာချုပ်နှောင်ထားရပါတယ်

လိုက်လံဖမ်းဆီးနေတဲ့အချိန် တခြားအရပ်မှာတော့ မိစ္ဆာမြွေမလေး ၂ ယောက်ထဲကအမဖြစ်သူ စုစုဟာလူသားယောက်ျားလေးတစ်ယောက်ကို ရုတ်တရက်မြင်မိရာကနေချစ်ကြိုက်မိသွားပါတယ်

တစ်ကားလုံးနီးပါး စိတ်ဝင်တစားကြည့်ရမှာဖြစ်ပြီးတော့ လူသားကောင်လေးတစ်ယောက်နဲ့မိစ္ဆာမြွေမလေးတစ်ယောက်ရဲ့အချစ်ဇာတ်လမ်းဟာလည်း စိတ်ဝင်စားစရာပါ

ဒီကားလေးက မိသားစု ပညာပေးကားပါ... ဘယ်လိုမျိုးလဲ ဆိုတော့ အိန္ဒိယမှာ အဖြစ်များနေတဲ့ လူမသိသူမသိ မတရားပြုကျင့်ခံရတဲ့ အမျိုးသမီးတွေကို ရည်ရွယ်ပေးထားတာပါ...

ပြုလုပ်သူအတွက်တော့ အချိန်တွေဟာ ကုန်လွန်လွယ်ပေမယ့် ပြုခံရသူအတွက်ကတော့ ထာ၀ရ ငရဲခံနေရတော့တာပါပဲ...

ဒါကို ဖော်ထုတ်မပြဘဲ ကျိတ်ခံစားတဲ့သူ၊ လောကကြီးကို အရှုံးပေးသွားတဲ့သူ၊ တိုင်တန်း အရေးယူတဲ့သူ နဲ့ လက်တုံ့ပြန်သူရယ် ဆိုပြီး ကွဲပါတယ်...

ခင်ပွန်းဖြစ်သူကို သွားပြောပြန်ရင်လဲ နှစ်သိမ့်မှု မရတဲ့အပြင် နင်ကိုက အနေအထိုင် မတတ်တာကိုးဆိုပြီး အပြစ်တင်သံ ပဲ ကြားရမှာပါ... တကယ်တော့ အပြစ်ကျူးလွန်ချင်တဲ့သူကသာ အခွင့်အလမ်းကို စောင့်နေတာပါ... အမျိုးသမီးတွေမှာ အပြစ်မရှိပါဘူး...

ထီ" က "စီ" နဲ့ မိသားစုကြီးတစ်ခုထူထောင်ဖို့ စီစဉ်ထားတဲ့ လူငယ်တစ်ဦးဖြစ်ပါတယ်။

သို့သော် စီ ရုတ်တရက်သေဆုံးသွားသောအခါ သူရဲ့ဘဝဟာပြောင်းလဲသွားခဲ့တယ်။ ချစ်ရသူကိုဆုံးရှုံးလိုက်ရတဲ့အချိန်မာ သူဟာ ဝမ်းနည်းမှု၊ မျှော်လင့်ချက်မဲ့မှု၊ စိတ်ဓာတ်ကျမှု၊ ခွန်အားမရှိမှု၊ မစားနိုင်မအိပ်နိုင်ဖြစ်ပြီး ခံစားခဲ့ရပ့တယ်။

အရင်ကလို စိတ်ဓာတ်တက်ကြွမှုတော့ဘဲ "ထေပ်"နဲ့ “‌လွေန်” တို့ နှစ်ယောက်လုံးက ထီ ကို သူ့ဘဝပုံစံပြန်ကောင်းလာအောင် ကူညီပေးဖို့ သဘောတူခဲ့ကြပြီး သူတို့တတ်နိုင်သမျှ နည်းလမ်းပေါင်းစုံနဲ့ ကုသဖို့အတွက်ခေါ်သွားကြပါတယ်။

သူဟာ "ဆွေ" နဲ့ရင်းနှီးသွားခဲ့ပြီး သူ့နှလုံးသားဟာနောက်တစ်ခေါက်ပြန်ချစ်ဖို့ရန်အတွက်ရောဖြစ်နိုင်ပါ့မလားဆိုတာ...

ပဟေဠိတွေ ဇာတ်မြှုပ်တွေနဲ့ စိတ်၀င်စားဖွယ်ကြည့်ရှုရမယ့် horror/mystery ကားလေး
သူ့ရဲ့သမီးလေးအသက်ကိုကယ်ဖို့ လွှတ်တော်အမတ်ဆီက ပိုက်ဆံခိုးယူပြီး ဖွက်ထားခဲ့တဲ့ အမတ်ရဲ့လက်ထောက်ရာဂျာ
လွှတ်တော်အမတ်ကသိသွားတော့ ရာဂျာတို့ကိုလိုက်သတ်ခိုင်းထားတဲ့ကြားက မရရအောင်ထွက်ပြေးရင်
လူငယ်လေးတစ်ဖွဲ့နေတဲ့အိမ်ကို ရောက်သွားပြီး အကြောင်းစုံပြောပြကာ သေသွားပါတော့တယ်။
အဲဒီလူငယ်လေးတွေလည်း ပိုက်ဆံကိုရှာပြီး ကလေးမလေးကိုဆေးကုပေး ပိုတာတွေကို အညီအမျှခွဲမယ်ဆုံးဖြတ်လိုက်ကာ သူငယ်ချင်းတွေလူစုပြီး လိုက်ရှာကြပါတော့တယ်။
အဲဒီလူငယ်အဖွဲ့ထဲမှာလည်း ရီယာဆိုတဲ့ကောင်မလေးဟာ အမြဲတမ်းလိုလို ကလေးနဲ့ပတ်သက်ပြီး ခဏခဏသရဲတွေမြင်နေရတဲ့သူတစ်ယောက်ပါပါတယ်။
သူတို့တွေ ညကြီးပိုက်ဆံလိုက်ရှာကြတဲ့အချိန်မှာပဲ သူငယ်ချင်းတွေ ထူးဆန်းစွာနဲ့ တစ်ယောက်ပြီးတစ်ယောက်သေဆုံးသွားကြတဲ့အချိန်မှာတော့.....