ကမ္ဘာကြီးတစ်ခုလုံးကို6သစေနိုင်လောက်တဲ့ ဗို!င်းရ!ပ်စ်ပိုးတစ်မျိုးကို အသုံးချမယ့် အစွ!န်းရော!က်အဖွဲ့တစ်ဖွဲ့ ရှိပါတယ်။အဲဒီဗို!င်းရ!ပ်!စ်ကိုသယ်ဆောင်ထားရတဲ့ စီအိုင်အေး အေးဂျင့်မလေးကိုသူတို့နှစ်ယောက် လိုက်ကယ်ရင်း အဲဒီ အဖွဲ့နဲ့ ရင်ဆိုင်ကြတာပေါ့။ဒီမင်းသားကြီး ၂ ယောက် ကယ်တင်နိုင်ပါ့မလားဆိုတာကိုတော့ ခံစားကြည့်လိုက်ပါဦး။အလန်းစားအက်ရှင်ခန်းတွေနဲ့ ရင်သပ်ရှုမောဖွယ်ရာ စတန့်ခန်းတွေကို တစ်၀ကြီးမြင်တွေ့ရမှာဖြစ်လို့ ကြည့်လိုက်ကြပါဦးဗျို့……

ပူရ်နာဟာ အောင်မြင်လူကြိုက်များတဲ့ ဆိုရှယ်အင်ဖလူရန်ဇာဘ၀ကနေ
သရုပ်ဆောင်ဘ၀ကို တက်လှမ်းနိုင်ခဲ့တဲ့ တက်သစ်စမင်းသမီးတစ်ယောက်ပါ။
ဒါပေမဲ့ သူ့အလုပ်ကို မိသားစုကရော ချစ်သူကပါ မကြည်ဖြူပါဘူး။
သူ့အိပ်မက်တွေကို ပုံဖော်ခွင့်ရတော့မယ် သူ့အနာဂတ်ဟာ တောက်ပနေပြီလို့
ထင်ရပေမဲ့ အနှောင့်အယှက်ကြီးကြီးတစ်ခု ၀င်လာခဲ့ပါတယ်။ တစ်နေ့တော့
သူ့အလုပ်နဲ့ပတ်သက်ပြီး ချစ်သူနဲ့ အကြီးအကျယ်စကားများရာကနေ
ပြဿနာအစပျိုးလာတာ ဖြစ်ပါတယ်။
ပူရ်နာတစ်ယောက် အညွှန့်တလူလူတက်ရမဲ့အချိန်မှာ အညွှန့်ချိုးခံရတဲ့အဖြစ်မျိုး ကြုံလိုက်ရတာပါ။
အဲဒီအဖြစ်ကြောင့် ပူရ်နာဟာ သတ်သေဖို့ကြိုးစားပေမဲ့လည်း မအောင်မြင်တာကြောင့်
သူ့ကိုသတ်ဖို့ လူသတ်သမားကို ကိုယ်တိုင်ငှားရမ်းလိုက်ပါတယ်။
ဒီလိုနဲ့ ပူရ်နာတစ်ယောက် ဘာတွေဆက်ကြုံတွေ့ရမဲ့၊
သူ့ကိုယ်သူသေအောင်လုပ်မဲ့ အကြံကအောင်မြင်ပါ့မလား
ဆိုတာကို တွေးတောဆင်ခြင်စရာတွေနဲ့အတူ စိတ်၀င်တစားကြည့်ကြရမှာပါ။
(ဒီစီးရီးအတွက် အညွှန်းနဲ့ဘာသာပြန်တွေကတော့ Cym~ToMo~KKKZ~Alex~ZweYan ဖြစ်ပါတယ်။)

ငွေချေးလုပ်ငန်းကိုလုပ်ကိုင်တဲ့ လူနှစ်ယောက်က အမျိုးသမီးတစ်ယောက်ဆီကနေပြီး ချေးထားတဲ့ငွေကို ပြန်တောင်းဖို့သွားကြတဲ့အခါ ထိုအမျိုးသမီးကချေးထားတဲ့ ငွေကို ပြန်မဆပ်နိုင်တာကြောင့် သူ့ရဲ့သမီးလေးကို အပေါင်အဖြစ်ခေါ်ယူလာခဲ့ပါတယ်။ ကလေးရဲ့ မိခင်က တရားမဝင်နေထိုင်တဲ့သူဖြစ်တာကြောင့်မိမိနေရပ်ကို ပြန်ပို့ခံရပြီး ကလေးကိုတော့ ငွေချေးလုပ်ငန်းလုပ်တဲ့သူတွေဆီ ထားခဲ့ရပါတော့တယ်။
ကလေးကိုသမီးအဖြစ်မွေးခဲ့တဲ့ လူနှစ်ယောက်နဲ့ သံယောဇဥ် တွယ်ပြီးတော့ အတူတူနေထိုင်သွားကြရတဲ့
မိသားစုချစ်ခြင်းမေတ္တာပြ ဇာတ်ကားတစ်ကားဖြစ်ပါတယ်။သရုပ်ဆောင်အနေနဲ့က ဆွန်းဒုံအီ ဟာဂျီဝန် နဲ့ ကင်ဂျယ်ဟွာတို့က သရုပ်ဆောင်ထားပါတယ်

ဟာလန်သရွန်ဘီဆိုတဲ့ နာမည်ကြီး လျိုဝှက်သည်းဖိုစာရေးဆရာကြီးရဲ့ ၈၅ နှစ်မြောက် မွေးနေ့မှာသူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။နောက်နေ့မနက်မှာ ဟာလန်ကြီးက သေနေပါလေရော။လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲနာမည်ကျော် အလွတ်စုံထောက်ကြီးက ရောက်ချလာရော။ပြီးတော့ မထင်ထားတာတွေဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။လောက်ဆို ဘယ်လိုကားလဲ  မှန်းမိမှာပါ။

ဒီထဲက အမျိုးသမီးကလည်း မတရားခံရတဲ့သူ ဘယ်လိုမတရားခံရတာလဲဆိုတော့ တာဝန်ပေါ့လျော့တတ်ပြီး ရေသာခိုတဲ့အပြင် မျက်နှာကြီးရာသာ ဟင်းဖတ်ပါတတ်တဲ့ အစိုးရဝန်ထမ်းတွေရဲ့ မြေစာပင်အဖြစ်နဲ့ ခံခဲ့ရတာ

ဒါပေမယ့် သူက ခေါင်းငုံ့မခံဘဲ သူလိုချင်တာကို ရအောင်ယူခဲ့တယ်

ဘယ်လိုယူခဲ့လဲဆိုတော့ အဲ့ဒီ့အစိုးရရုံးထဲ ဗုံးကိုခါးမှာပတ်ပြီး ဝင်သွားတယ် ပြီးတော့ သူလိုချင်တာ ရအောင်မလုပ်ပေးရင် ဗုံးကိုခွဲလိုက်မယ်ဆိုပြီး လေပြေလေးနဲ့ ခြိမ်းခြောက်တယ်

အဲ့လိုနဲ့ သူနဲ့ အစိုးရဝန်ထမ်းတွေနဲ့ ရဲတွေနဲ့ အထက်အကြီးအကဲတွေနဲ့ ဘယ်လိုနှစ်ပါးဆက်သွားမလဲ

သူ့လုပ်ရပ်ကအောင်မြင်ပါ့မလားဆိုတာ ဆက်လက်ကြည့်ရှုကြပါအုံး.....

ဤဇာတ်ကားနှင့်ပက်သက်၍ ခံစားမိသမျှ

ဘာကြောင့်များ လူတစ်ယောက်ဟာ
ဒီလိုလုပ်ရပ်မျိုး လုပ်မိတဲ့အထိ
ကိုယ့်စိတ်ရိုင်းကို ကိုယ်တိုင်အရှုံးပေးပြီး
ဆင်ခြင်တုံတရားဆိုတဲ့ ချည်တိုင်ကနေ
လွှတ်ပေးလိုက်ရတာလဲ?

ဒီဇာတ်ကားအကြောင်း ပြောပါဆိုရင်တော့ လည်ပတ်အောင် ပြောပြနိုင်ဖို့က
ခဲယဥ်းမယ်ထင်တယ်။

ဇာတ်လမ်းက အက်ဆစ်နဲ့အပက်ခံခဲ့ရတဲ့ မိန်းကလေးတစ်ယောက်
သူ့ဘဝကို ဘယ်လိုပြန်လည်တည်ဆောက်ယူသလဲ ။ သူ့လိုမျိုး နောက်ထပ်အတိုက်ခိုက်ခံရနိုင်တဲ့
မိန်းကလေးတွေအတွက် တရားရုံးအဆင့်ဆင့်ကို တက်ပြီး  “အက်ဆစ်ရောင်းချမှုကို တားမြစ်ပိတ်ပင်”ဖို့ အယူခံဝင် ၊ အဆိုပြုလွှာတင်ကာ. . .

နောက်ဆုံး ဥပဒေပြစ်ဒါဏ်တစ်ခုအနေနဲ့
ပေါ်ထွန်းလာစေဖို့အထိ ကြိုးစားပုံကို
ရိုးရိုးလေး ရိုက်ပြထားတာပါပဲ။

ဖြစ်ရပ်မှန်ဇာတ်ကားဖြစ်လို့ ပရိတ်သတ်ကို မက်ဆေ့ပေးချင်တဲ့ အချက်တွေကို ဇာတ်ကားအစမှာရော အဆုံးမှာပါ ထည့်ပေးထားပါတယ်။

ရင်ဖိုစရာ ၊ စိတ်လှုပ်ရှားစရာတွေထက်ကို  ဆင်ခြင်စရာတွေ ၊ ပြင်ဆင်စရာတွေကို မြင်မိစေပါလိမ့်မယ်။

ဒီဇာတ်ကားကို ရိုက်ဖို့အတွက် မင်းသားရယ်လို့ မယ်မယ်ရရ သုံးမထားပဲ
မင်းသမီး Deepika Padukone တစ်ယောက်သာ သုံးထားတာမို့ ၊ ဘတ်ဂျက်လည်း အင်မတန်နည်းပါတယ်။

ဇာတ်ကားရဲ့ တင်ပြချင်တဲ့ရည်ရွယ်ချက်က ကောင်းမွန်တဲ့အတွက် အိန္ဒိယပြည်နယ်လေးခုမှာ အခွန်ကင်းလွတ်ခွင့်နဲ့ ပြသခွင့်ရခဲ့သလို ဝေဖန်ရေးဆရာတွေကြားမှာလည်း အပြုသဘော ဝေဖန်ချက်တွေ ရခဲ့ပါတယ်။

အယူသီးကြတဲ့ရွာတစ်ရွာမှာ ကျေးရွာလူကြီးရဲ့ ပန်းနာရောဂါသည် သမီးဖြစ်သူ လီလာဟာ
အိမ်ကလူတွေနဲ့ အမြင်မတူဘဲ စကားများလေ့ရှိပါတယ်
တစ်ရက်မှာ မိသားစုပြဿနာတစ်ခုကြောင့် လီလာတစ်ယောက် ထူးဆန်းစွာ
ဆွဲကြိုးချသေဆုံးသွားခဲ့ပြီး တစ်ရွာလုံးအုတ်အော်သောင်းနင်းဖြစ်သွားပါတော့တယ်
သူ့ဈာပနမှာ အလောင်းကောင်က ရုတ်တရက်ငေါက်ကနဲ ထထိုင်ရာကနေ သွေးပျက်စရာ
ခြောက်လှန့်မှုတွေ ဘယ်လိုဖြစ်လာမှာလဲ
ဘယ်လို နောက်ကြောင်းရာဇဝင်တွေရှိနေမှာလဲ သိရအောင်လို့ ပရိသတ်တို့ကပဲ ဆက်လက်အားပေးကြပါဦး
🔽🔽🔽🔽🔽🔽🔽🔽🔽🔽🔽

ဒစ္စနေးရဲ့ မိသားစုကြည့်ဖို့ ဖျော်ဖြေရေး ဟာသ သရဲကားအသစ်ထွက်လာပါပြီ။ သရဲခြောက်တာတွေဆိုပေမဲ့ ရယ်ရပြီး ကြည့်လို့ကောင်းပါတယ်။

သရဲခြောက်တဲ့စံအိမ်ကြီးကိုမသိဘဲ ဝယ်မိသွားတဲ့ သားအမိနှစ်ယောက်က သရဲခြောက်ခံရပါတော့တယ်။

သရဲတွေကို နှင်ထုတ်ဖို့ ပင့်တဲ့ဘုန်းကြီးရော၊ သရဲကင်မရာသမားရော၊ ဝိညာဉ်ဟောတဲ့ဆရာမရော၊ သမိုင်းပညာရှင်ရော အကုန် အကူအညီလိုက်တောင်းပေမဲ့ လာကူညီတဲ့သူအကုန် အိမ်ထဲမှာ ပိတ်မိပြီး သရဲတစ်ထောင်လောက်နဲ့ တိုင်တွေပတ်ကုန်ကြတာပါ။

တစ်အိမ်တည်းမှာ သရဲတွေဒီလောက်များနေတာဘာကြောင့်လဲ၊ သူတို့ဘာလို့ ဒီလူတွေကို ထွက်မရအောင်ပိတ်ထားတာလဲဆိုတဲ့ ပဟေဠိတွေကို အိမ်ရဲ့သမိုင်းတွေကနေ လေ့လာပြီး သရဲတွေနဲ့ ရင်ဆိုင်ရတာပဲဖြစ်ပါတယ်။

မိသားစုဖြစ်ဖြစ် တစ်ယောက်တည်းအပျင်းပြေကြည့်ဖို့ဖြစ်ဖြစ် ရုပ်ရှင်ကောင်းတစ်ကားပါပဲ။

ဇာတ်လမ်းအကျဉ်းလေးကတော့
အနာဂတ်ကာလဖြစ်တဲ့ ၂၅၀၀လောက်မှာ အချိန်ယူထားပါတယ်။ရေခဲတောင်တွေလဲ အရည်ပျော်ပြီး ကမ္ဘာတစ်ခုလုံး ရေလွမ်းမ်ိုးခြင်းခံထားရပါပြီ ပင်လယ်ရေမျက်နှာပြင်ဟာ‌ေပပေါင်း၂သောင်း၅ထောင်ထိ ရှိနေပါတယ် လူတွေဟာလဲ ရေပေါ်မှာပဲ ကိုယ်ပိုင်တဲ ကိုယ်ပိုင်လှေများနဲ့ စားသောက်နေထိုင်ရတဲ့ အချိန်ပါ။ ထူးထူးဆန်းဆန်း အသက်ငယ်ငယ်ကောင်မလေးတစ်ယောက်ရဲ့ ကျောမှာ တက်တူးတစ်ခုပါလာပါတယ်။အဲ့တက်တူးကတော့ Dryland ဆိုတဲ့ ကမ္ဘာမြေကို သွားဖို့ မြေပုံတစ်ခုဖြစ်ပါတယ်။ ဒါကြောင့်နှစ်ပေါင်းများစွာ ရေနဲ့ပဲထိတွေ့နေရတဲ့ လူတွေဟာ Dryland ကိုရှာပုံတော်ထွက်ခဲ့ကြပါတယ်။

ပိုက်ဆံ _ လောကမှာမျက်နှာအကြီးဆုံး အရေးအကြီးဆုံးပေါ့
တရားသဖြင့်ရှာတဲ့ပိုက်ဆံက ကြာရှည်တတ်လို့
မတရားသဖြင့် ဖြတ်လမ်းကလိုက်ဖို့ကြံကြတဲ့လူငယ်တွေ
တခြားတော့မဟုတ် သဲတွေကို ခိုးထုတ်ပြီးရောင်းရတာပါ
နေ့ဘက်ဆို အဖမ်းအဆီးကြမ်းလို့ အရုဏ်တက်မရောက်ခင်
ညဦးတည်းက ရဲတွေမမြင်အောင် သက်စွန့်ဆံဖျား
တောအုပ်ကြားက ဆိုင်ကယ်နောက် သဲအိတ်ကြီးတွေနဲ့
ပိုက်ဆံကို ပင်ပင်ပန်းပန်းရှာကြရတယ်
ဒီလိုခိုးလုပ်ရတဲ့အလုပ်ကို ဆိုင်ကယ်ကဟောင်းနေတော့ ပျက်တဲ့အချိန်ပျက်
တွန်းရတဲ့အချိန်တွန်းရပေါ့ဗျာ ဆိုင်ကယ်သစ်လေးဝယ်ချင်တာက
ဒီကလေးရဲ့အိပ်မက် သူ့နည်းတူတခြားလူတွေက
ဆိုင်ကယ်အကောင်းစားနဲ့ဆိုတော့ ပစ္စည်းတွေများများနဲ့
မြန်မြန်ငွေပိုရှာနိုင်တော့ မဝယ်နိုင်သေးတဲ့သူ့အနေနဲ့က ‌အားကျရုံမှတစ်ပါး
မတတ်နိုင်ခဲ့ဘူးပေါ့
ဒါပေမဲ့ လူ့ဘဝရဲ့ကံကြမ္မာအလှည့်အပြောင်းမှာ သူတို့ဘဝတွေထဲ
ဘယ်လိုအန္တရာယ်တွေဝင်လာမလဲ သူတို့ကရော
ဘယ်လိုတွေခုခံရင်ဆိုင်သွားမယ်ဆိုတာကို ကြည့်ရှုရမှာပဲဖြစ်ပါတယ်
( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )