ဒီကား ဟာ ၂၀၁၄ ခုနှစ်ကထွက်ရှိခဲ့တဲ့ အင်ဒိုဟော်ရာကားတစ်ကားဖြစ်ပြီး အောက်လမ်းပညာ၊မှော်အတတ် စုန်းအတတ်တွေကိုအခြေခံတဲ့ ဇာတ်ကားပါပဲ၊ ဒီကားရဲ့ထူးခြားချက်ကတော့ အင်ဒိုဟော်ရာကားအများစုမှာမြင်နေကျ ခေါင်းမြီးခြုံ ရိုးရိုးအေးအေး ကောင်မလေးတွေအစား အနောက်တိုင်းသူတွေလို အတိုအပြတ်တွေ၊ မိတ်ကပ်ထူထူတွေနဲ့ အလန်းစားအဟော့စား အမျိုးသမီးတွေနဲ့ ဖွဲ့စည်းထားတာပါ။ လိုင်လာဆိုတဲ့ အသက်အရွယ်နဲ့မလိုက် အံ့ဩစရာကောင်းအောင်အရွယ်တင်နုပျိုလှတဲ့ အမျိုးသမီးတစ်ယောက်။ ငယ်ငယ်ရွယ်ရွယ်နဲ့ အောက်လမ်းအတတ်ကိုစိတ်ဝင်စားပြီး နတ်ဆရာဆီ ခန္ဓာကိုယ်ပေးအပ်ရင်း ပီယသိဒ္ဓိယူနေတဲ့ သူ့သမီးဖြစ်သူ ရီဟန်းနာနဲ့သူငယ်ချင်း သုံးယောက်၊ ပင်ကိုယ်စိတ်စွမ်းရည်ပိုင်ရှင် တီအားရာဆိုတဲ့ ရိုးသားရှက်ကြောက်တတ်တဲ့ ကောင်မလေးတို့ကြားက မှော်မှန်တစ်ချပ်ရယ်၊မှန်ရဲ့အစောင့်အရှောက်စုန်းမအိုကြီးတို့ကြားက အားပြိုင်မှုတွေကိုရှုစားကြရမှာပါ။

ဒီစစ်ဆေးမှုမှာအောင်မြင်တဲ့ကလေးတွေဟာ အရွယ်ရောက်ရင် တိုက်ခိုက်ရေးပညာ သင်ကြားရပြီးတော့ စစ်ဆေးမှုတွေခံယူရပါတယ်။ အဲဒါတွေအကုန်ကျော်ဖြတ်ပြီးမှ အရွယ်ရောက်တဲ့စပါတန်တစ်ယောက် ဖြစ်လာတာပါ။ အဲဒီစပါတန်မျိုးနွယ်မှာ လီယိုနာဒ်ဘုရင်အုပ်ချုပ်နေချိန် ပါရှန်းတွေက ကမ္ဘာကြီးမှာအင်အားကောင်းလာပြီး နိုင်ငံအများစုကလည်း တော်လှန်နိုင်စွမ်းမရှိတာကြောင့် လက်အောက်ခံအဖြစ်ခိုလှုံကုန်ကြပါတယ်။
ဒီလိုနဲ့ပါရှန်းတွေရဲ့စစ်မီးက ဂရိပြည်ဆီလည်းရောက်လာခဲ့ပါတယ်။ အဲဒီစစ်ဘေးကနေ ကာကွယ်ဖို့အတွက် လူအင်အားကြီးမားလှတဲ့ ပါရှန်းကျွန်စစ်တပ်ကြီးကို ရဲစွမ်းသတ္တိရှိတဲ့ စပါတန်အယောက် ၃၀၀ နဲ့ ခုခံတိုက်ခိုက်ကြပုံကို ရိုက်ကူးဖော်ပြထားတာပါ။

ပိန္နဲသီး သရဲကားဆိုပြီး နာမည်ကြီးတဲ့ ထိုင်းသရဲကားဖြစ်ပါတယ်။ပုံမှန်သရဲကားတွေနဲ့ မတူတဲ့အချက်တွေ အများကြီးပါဝင်ပါတယ်။တွေ့နေကြ သရဲကားတွေထက် ပိုပြီး အဓိပ္ပါယ်ရှိတဲ့ ဇာတ်ကားပါ။

ဟာသတွေ ပါတယ်….ကြောက်လန့်စရာတွေ ပါတယ်….ကြည်နူးဖွယ်ရာတွေပါတယ်။အကောင်းဆုံးအချက်ကတော့ တရားသဘောနဲ့ ပတ်သတ်တဲ့ အယူအဆလေးတွေ ပါဝင်ထားပါတယ်။ရသစုံတဲဇာတ်ကား
ပါ။

ထူးခြားတဲ့ ဆက်တင်, Effect, ဇာတ်ဆောင် တွေမပါဝင်ဘဲ ဇာတ်လမ်းတစ်ခုလုံးကို အကောင်းဆုံးတင်ဆက်သွားနိုင်တာကိုတော့ မြန်မာဇာတ်ကားဖန်တီးသူတွေ အတုယူသင့်ပါတယ်။

ဒစ္စနေးရဲ့ မိသားစုကြည့်ဖို့ ဖျော်ဖြေရေး ဟာသ သရဲကားအသစ်ထွက်လာပါပြီ။ သရဲခြောက်တာတွေဆိုပေမဲ့ ရယ်ရပြီး ကြည့်လို့ကောင်းပါတယ်။

သရဲခြောက်တဲ့စံအိမ်ကြီးကိုမသိဘဲ ဝယ်မိသွားတဲ့ သားအမိနှစ်ယောက်က သရဲခြောက်ခံရပါတော့တယ်။

သရဲတွေကို နှင်ထုတ်ဖို့ ပင့်တဲ့ဘုန်းကြီးရော၊ သရဲကင်မရာသမားရော၊ ဝိညာဉ်ဟောတဲ့ဆရာမရော၊ သမိုင်းပညာရှင်ရော အကုန် အကူအညီလိုက်တောင်းပေမဲ့ လာကူညီတဲ့သူအကုန် အိမ်ထဲမှာ ပိတ်မိပြီး သရဲတစ်ထောင်လောက်နဲ့ တိုင်တွေပတ်ကုန်ကြတာပါ။

တစ်အိမ်တည်းမှာ သရဲတွေဒီလောက်များနေတာဘာကြောင့်လဲ၊ သူတို့ဘာလို့ ဒီလူတွေကို ထွက်မရအောင်ပိတ်ထားတာလဲဆိုတဲ့ ပဟေဠိတွေကို အိမ်ရဲ့သမိုင်းတွေကနေ လေ့လာပြီး သရဲတွေနဲ့ ရင်ဆိုင်ရတာပဲဖြစ်ပါတယ်။

မိသားစုဖြစ်ဖြစ် တစ်ယောက်တည်းအပျင်းပြေကြည့်ဖို့ဖြစ်ဖြစ် ရုပ်ရှင်ကောင်းတစ်ကားပါပဲ။

ဒီဇာတ်လမ်းကတော့ လူသ!တ်သမားဇာတ်လမ်းပဲ ဖြစ်ပါတယ် ။လူပျောက်မှုတွေ ဆက်တိုက်ဖြစ်နေပြီးတော့ ပြစ်မှုကျူးလွန်သူက ဘုန်းတော်ကြီးတစ်ပါးဖြစ်နေတဲ့အခါ …..ကိုရီးယားမှာမူးယ!စ်မှောင်ခိုလုပ်နေတဲ့ တရုတ် ၂ ယောက်က မိန်းကလေးတွေကို အဓ္ဓမပြုကျင့်ပြီး ရ!က်ရ!က်စက်စက်သ!တ်ဖြတ်တာပါ ။ဒီအမှုကိုလိုက်နေတဲ့ ရဲတွေဟာတစ်ရက်မှာတော့ အဲဒီနေရာကိုဝင်ဖမ်းဆီးတဲ့အခါ နောက်ဆက်တွဲ ဘယ်လိုပြဿနာတွေပေါ်လာမလည်းဘယ်လိုအမှုမှန်တွေပေါ်ထွက်လာမလည်းဆိုတာကို စိတ်ဝင်တစားကြည့်ရှုလိုက်ကြရအောင် ပရိတ်သတ်တိုရေ …

လားလ် ဆိုတဲ့ ကောင်လေးဟာ ဉာဏ်ရည်နိမ့်ပြီး ခြေထောက်မသန်စွမ်းပါဘူး

သူဟာ တခြားသူတွေနဲ့ ကွဲပြားမှု မရှိဘဲ အရာရာတတ်စွမ်းကြောင်း ကိုယ့်အားကိုယ်ကိုးတတ်အောင် မိခင်ဖြစ်သူက အမြဲ သင်ပြပေးပါတယ်

မိခင်ဖြစ်သူရဲ့အစွမ်းကုန်ပံ့ပိုးပေးမှုကြောင့် သာမန်ကလေးတွေ တက်တဲ့ ကျောင်းမှာ သူလည်း တက်နိုင်ခဲ့ပါတယ်

အမြဲတမ်း အနိုင်ကျင့်ခံရပြီး အပယ်ခံ ဖြစ်နေရတဲ့ သူဟာ ကျောင်းမှာ သူ့ကို အားပေးကူညီတဲ့  ရူပါ နဲ့ သူငယ်ချင်း ဖြစ်လာပါတယ်

သူငယ်ချင်းမလေး ရူပါ နဲ့ ကျောင်းအတူ ကောလိပ်အတူတက်ရပြီး သံယောဇဉ်ကြိုးတွေ နှောင်ဖွဲ့လာပါတယ်

မိခင်ဖြစ်သူနဲ့ ရူပါ ဟာ သူ့ဘဝမှာ အကောင်းဆုံးလူတွေပါ

အနိုင်ကျင့်တဲ့သူတွေလက်ထဲက ပြေးရင်းနဲ့ အပြေးသန်လာတဲ့ သူဟာ အပြေးသမားလည်း လုပ်ဖြစ်ခဲ့တယ် စစ်ထဲလည်း ဝင်ဖူးခဲ့တယ်

သူ့ဘဝတစ်လျှောက် ကြုံတွေ့ရတဲ့ အရာတွေကို ဒီရုပ်ရှင်မှာ ဘယ်လိုစိတ်ဝင်စားဖွယ် တင်ဆက်ပြသထားမလဲ ဆိုတာ ပရိသတ်ကြီးတို့ ကြည့်ရှုအားပေးကြပါဦး...

နက်ဖလစ်ထွက် အင်ဒိုသရဲကားအလန်းလေးတွေမှ ကြိုက်ပါတယ်ဆိုသူတွေအတွက်
ဒီနေ့ပဲ အမြန်ဆုံးတင်ဆက်ပေးလိုက်ပါပြီခင်ဗျာ။
ဒီတစ်ခါမှာတော့ သကြားစက်ရုံမှာ ကြံရာသီ ရောက်လာချိန်မှာ သကြားစက်ရုံကို အလုပ်လုပ်ဖို့သွားကြမဲ့
အလုပ်သမားတစ်စုရဲ့အဖြစ်ဆိုးကို ရိုက်ကူးထားတာဖြစ်ပါတယ်။ နယ်ဘက်က သကြားစက်ရုံမှာ
ကြံ‌ပင်တွေ ရိတ်သိမ်းချိန်ရောက်နေပြီဆို ရာသီအလိုက် အလုပ်သမားတွေလာခေါ်လေ့ရှိပါတယ်။
ချောင်ကျကျနေရာလေးမှာ အလုပ်လုပ်ရတာဆိုပေမဲ့ နေစားငြိမ်းဖြစ်တဲ့အပြင် လုပ်ခကလည်း
တခြားနေရာနဲ့ယှဉ်ရင် အတော်များတာဖြစ်လို့ ဝါတီတို့ သူငယ်ချင်းတစ်စုလည်း ကိုယ့်ရဲ့အိပ်မက်လေးတွေ
အမြန်ဖြည့်ဆည်းနိုင်ဖို့ မျှော်လင့်ချက်ကိုယ်စီနဲ့သွားကြတာပေါ့။ ဒါပေမဲ့ ဒီသကြားစက်ရုံမှာ ထူးဆန်းတဲ့
မီးလောင်မှုတွေဖြစ် လူတွေသေထားလို့ အနီးနားကလူတွေကို အလုပ်ခေါ်မရဘူးဆိုတာရယ်
ဒီသကြားစက်ရုံမှာ လူမဟုတ်တဲ့ မူလနေထိုင်သူတွေ ရှိနေတယ်ဆိုတာကို သူတို့မသိကြတဲ့အခါမှာတော့...

ပရိတ်သတ်တို့ရဲ့အချစ်တော်ဆုန်းဂျီဟိုနဲ့လူသန်ကြီးမာဒုံဆော့တို့ရဲ့ဇာတ်လမ်းလေးလာပါပြီ။

အိမ်ထောင်မကျခင်အထိလူမိုက်ဆန်ဆန်နေလာခဲ့တဲ့ဂန်ဒုံချောဟာ ကင်ဂျီဆူးဆိုတဲ့နတ်သမီးလေးနဲ့လက်ထပ်ပြီးတဲ့နောက်မှာ တစ်နိုင်စီးပွားရေးလုပ်ပြီးတော့ဘဝကိုအေးအေးဆေးဆေးဖြတ်သန်းခဲ့ပါတယ်။

တစ်နေ့မှာလင်မယားနှစ်ယောက်အလုပ်ကနေအိမ်ကိုအတူတူပြန်လာတော့လမ်းမှာနောက်ကနေဝင်တိုက်တဲ့ကားနဲ့ပြသနာရှင်းရာကနေဘယ်လိုတွေဆက်ဖြစ်မလဲ။ လူမိုက်လောကကနေအနားယူထားတဲ့လူကိုသွားထိမိလို့ဘယ်လိုတွေဖြစ်မလဲ။

ချေးငွေလုပ်ငန်းကနေတစ်ဖက်လှည့်နဲ့အမျိုးသမီးတွေကိုအတင်းပြည့်တန်ဆာလုပ်ငန်းလုပ်ခိုင်းတရားမဝင်လူကုန်ကူးနေတဲ့ဂိုဏ်းနဲ့လူမိုက်လောကကနေအနားယူထားတဲ့ဂန်ဒုံချောတို့တွေ့ကြတဲ့အခါဘာတွေဘယ်လိုဆက်ဖြစ်ကြမလဲဆိုတာတော့

လူသန်ကြီးမှာလည်းအသည်းနဲ့ပါဆိုသလိုဇနီးအပေါ်မှာထားတဲ့မေတ္တာကိုလည်းမြင်တွေ့ရမှာပါ။

Comedy အနည်းငယ်ပါဝင်တဲ့ Action ကားကောင်းတစ်ကောင်းဖြစ်ပါတယ်။ လက်မလွှတ်သင့်တဲ့ဇာတ်ကားကောင်းတစ်ကားလို့ပြောပါရစေ

IMDb Rating (6.2) ရရှိထားပြီး မင်းသားကြီး နီကိုလပ်ကေ့ချ်ပါဝင်ထားပါတယ်။နီကိုလပ်ကေ့ချ်ဇာတ်ကားတွေရဲ့ မြင်နေကျ/ရနေကျ အရသာဖြစ်တဲ့တစ်ခုခုနောက်ကို သိချင်စိတ်နဲ့လိုက်ပါစီးမျောရမှာပါ…ကျွန်တော့်အတွက်တော့ လိုက်ပါစီးမျောရုံနဲ့ မပြီးဆုံးသွားဘဲ ရက်သတ္တပတ်လုံး မှိုင်းညှို့နေခဲ့တဲ့ ဇာတ်ကားဖြစ်ပါတယ်။Action, Drama, Mystery အမျိုးအစားဖြစ်ပြီး သဘာဝလွန်ဖြစ်ရပ်ဆန်ကြိုက်နှစ်သက်သူတွေ ခံတွင်းတွေ့မယ်လို့ ညွှန်းပါရစေ။

အဆို​တော်​မ​လေးတစ်​ယောက်​ကို အကြ!မ်းဖက်​မှုမှကယ်​တင်​ခဲ့ချိန်​မှစလို့ သူဟာ စံပြနိုင်​ငံသားဆုကိုရပြီးလူအများရဲ့စိတ်​ဝင်​စားမှုကိုရရှိခဲ့ပါတယ်​။ဒါ​ပေမယ့်​သူဟာ နိုင်​ငံ​ရေးသမား​တွေရဲ့သား​ကောင်​ဖြစ်​နေခဲ့ပါတယ်။ တစ်​နေ့ သမ္မတ​လောင်းကိုယ်​စားလှယ်​အသ!တ်​ခံရမှုမှာ မတရားစွပ်​စွဲခံရကာ ထွက်​ပြေးတိမ်း​ရှောင်​နေခဲ့ရပါတယ်​။ရိုးအတဲ့ ကင်​ဂွမ်​ဝူး တစ်​ယောက်​သူ့ရိုးသားမှုကို ပြန်​လည်​ဖော်​ထုတ်​နိုင်​မလား၊​နောက်​ဆုံးမှာအာဏာရှိသူကပဲအနိုင်​ရသွားမလားဆိုတာ​စောင့်​ကြည့်​ရမှာဖြစ်​ပါတယ်​။

ဂျက်ကီချန်းဟာ လော့ကျီလုံဆိုတဲ့ စတန့်သမားဟောင်းအဘိုးကြီး
အနေနဲ့ ပါဝင်ထားပါတယ်.....သူ့မှာ သားအရင်းလိုချစ်ရတဲ့ မြင်းလေးဖိုးနီပဲရှိပြီး သူတို့နှစ်ယောက်တည်း ဆင်းဆင်းရဲရဲနဲ့ အလုပ်ရှာပြီးအသက်မွေးနေရတာပါသူ့ရဲ့သမီး ရှောင်ပေါင် ကလည်း သူ့ကိုစိတ်နာစရာတွေရှိတာကြောင့် စကားမပြော အသိအမှတ်မပြုပါဘူး။သူ့ရဲ့မြင်းလေးဖိုးနီဟာ သူ့ကို ကုမ္ပဏီပိုင်ရှင်သူဌေးဝမ်က မ6သခင်လက်ဆောင်ပေးခဲ့တာပါ.......ဒါပေမဲ့အဲဒီသူဌေးရဲ့ ကုမ္ပဏီ ဒေဝါလီခံရပြီးနောက်မှာ ကုမ္ပဏီအသစ်က သူ့ရဲ့မြင်းကိုပါ ကုမ္ပဏီပိုင်ပစ္စည်းအနေနဲ့သိမ်းဖို့ကြိုးစားလာပါတယ်......တချိန်တည်းမှာပဲ သူ့ရဲ့အကြွေးရှင်တွေကလည်း မြင်းကို အကြွေးနဲ့သိမ်းဖို့ အတင်းကြိုးစားလာပါတယ်......အဲဒီအန္တရာယ်တွေကြားမှာ မြင်းလေးကိုကာကွယ်ဖို့ ဘယ်လိုတိုက်ခိုက်ရုန်းကန်ရလဲဆိုတာကို ဆက်ကြည့်ရမှာပဲ ဖြစ်ပါတယ်......

ထီ" က "စီ" နဲ့ မိသားစုကြီးတစ်ခုထူထောင်ဖို့ စီစဉ်ထားတဲ့ လူငယ်တစ်ဦးဖြစ်ပါတယ်။

သို့သော် စီ ရုတ်တရက်သေဆုံးသွားသောအခါ သူရဲ့ဘဝဟာပြောင်းလဲသွားခဲ့တယ်။ ချစ်ရသူကိုဆုံးရှုံးလိုက်ရတဲ့အချိန်မာ သူဟာ ဝမ်းနည်းမှု၊ မျှော်လင့်ချက်မဲ့မှု၊ စိတ်ဓာတ်ကျမှု၊ ခွန်အားမရှိမှု၊ မစားနိုင်မအိပ်နိုင်ဖြစ်ပြီး ခံစားခဲ့ရပ့တယ်။

အရင်ကလို စိတ်ဓာတ်တက်ကြွမှုတော့ဘဲ "ထေပ်"နဲ့ “‌လွေန်” တို့ နှစ်ယောက်လုံးက ထီ ကို သူ့ဘဝပုံစံပြန်ကောင်းလာအောင် ကူညီပေးဖို့ သဘောတူခဲ့ကြပြီး သူတို့တတ်နိုင်သမျှ နည်းလမ်းပေါင်းစုံနဲ့ ကုသဖို့အတွက်ခေါ်သွားကြပါတယ်။

သူဟာ "ဆွေ" နဲ့ရင်းနှီးသွားခဲ့ပြီး သူ့နှလုံးသားဟာနောက်တစ်ခေါက်ပြန်ချစ်ဖို့ရန်အတွက်ရောဖြစ်နိုင်ပါ့မလားဆိုတာ...

အချစ်ဆိုတာ လူတိုင်းအနည်းဆုံးတစ်ခါလောက်တော့ တွေ့ကြုံကြရတဲ့အရာတစ်ခုပါပဲ။ တချို့က လုံးဝမထင်မှတ်ထားတဲ့လူနဲ့ ချစ်မိနိုင်သလို၊ တချို့အချစ်တွေကတော့ လူသတ်သမားနဲ့တောင် ဆုံကြရတတ်ပါတယ်။
ဒီဇာတ်ကားထဲမှာ ဇာတ်လိုက်ကောင်လေးတစ်ဦးဟာ ဘေးအိမ်က မိန်းကလေးက လူသတ်သမားဖြစ်တယ်ဆိုတာ သိသွားပေမယ့်… ထူးဆန်းစွာနဲ့ သူမကို ချစ်မိသွားပါတယ်။ သေခြင်းတရားနဲ့ အနီးကပ်ရှိနေရင်းပဲ အချစ်တစ်ခုကြောင့် ဘာကိုမှဂရုမစိုက်မိတော့တာပါ။
အချစ်က အားလုံးထက်အရေးကြီးဆုံးဖြစ်နေတာကိုပုံဖော်ထားတဲ့ ဂျပန်ဇာတ်ကားလေးဖြစ်ပြီး သရုပ်ဆောင်မင်းသမီးလည်း အမိုက်စားပါပဲ။✔️