عندما تصبح الحقوق ، أمنيات ... فاعلم باختصار شديد أنك في ليبيا !
اللهم فرجا من عندك ....
واجعل معيشتنا في هذه البلاد سببا لحط السيئات ورفعة في الدرجات فيما هو خير وأبقى عندك يا رب العالمين !

يؤلمني ما آلت إليه سمعة بلادي، فقد غدت تُعرَف بأنها بلادُ الواسطة والفساد، لا لعيبٍ في أرضها ولا في تاريخها، وإنما بسبب ما أفسده فيها بعض أبنائها؛ جشعًا وطمعًا، حتى باتت الواسطة عندهم سبيلًا، والفساد عادةً، والمصلحة الشخصية مقدَّمةً على مصلحة الوطن.

ذل
من
لا
سياره
له

كيف عرفتوا سيارتنا عطلت 😆

الحمدلله حمداً كثيراً طيباً مباركاً فيه
وقدر الله وماشاء فعل

تم فك لعنة الطب رسميا ونمشو ندوروا اي لعنه ثانيه نكملوا حياتنا فيها

شعور العرقله وانك كلما تحاول تفشل كل ما تحاول تفشل وعدم استسلامك ويقينك الكامل انك المره هذي ناجح ، المره هذي انت قدها ، المره هذي انت درت جميع الطرق وحاربت بجميع أسلحتك ، لكن الخصم كان أقوى، الخصم كان ظالم، الخصم كانن اسلحته اكبر منك واقوى منك

شعور انك حاربت اربع مرات مش مره ولا اثنين ، وفي كل مره كنت تقول المره هذي انا الفائز ، بس بعد الامل واليقين هذا تفشل مره اخرا
شعور عجزت نلقاله وصف

انا مش فاشله ولا ضعيفه ولا انه المكان هذا مش مكاني
بس الخصم كان يعذب فيك وويضغط عليك ويجرب بأي طريقه يعرقل طريقك ويوقفك

نصيحه للدفعة الجديده اللي خاطرها في الطب
منبيش نحبطك مانبيش نخوفك
بس جامعة البيضاء لا
حاولوا انكم تقروها في مكان ثاني
ولو امكانيتكم منعتكم كيفي
توكلوا على الله وحققوا حلمكم وحاربوا الخصم الظالم من اداره ورئاسة قسم فاشل

سبحان الله مغير الاحوال فعلا
كنت من الأوائل والشاطرين واللي يحبو العلم والقرايه
مش شكيره في روحي ولا عمري كنت نشوف روحي احسن من حد بس فالسنوات الجامعيه شفت كيف هلي واثقين اني ننجح لكن بعد اول صدمه حاولوا يدخلوا ويساعدوني بعدها جت ثاني صدمه ف خلاص جاهم شعور البرود وانه وين م تقعدي المهم انك متريحه
شوفوا وين وصل وضعي
المضحك المبكي فعلا😂😂😭😭

قناتي قعدت قمة البؤس وتذا

توا بعد نخش تخصص اخرا ترد قناة ايجابيه اخرا ما عليكم