هَلْ لِي بِحُلمٍ أنْ أرَاك ولو بِهِ
ألْقِي عَليْكِ مِن الحَنَانِ سَلامَا؟

نحس فيها ك مواساة وطمأنينة لما نحلم ب بابا بعد يوم متعب والاحساس بالضيقه

كأنه يطبطب ويواسي في

نذكر حلمت انه جا وسلم علينا انا وخوتي وقال نبي نطمن عليكم معش تزعلوا وتضايقوا

سبحان الله !

بعد يوم متعب وطويل قبل م نرقد ندعي اني نشوف بابا فالحلم

رحمة الله عليهم

من فتره قررت نكتب مذكرات او نفرغ مشاعري في الكتابه منها تفريغ للسلبيه ومنها اللغه العربيه تتحسن

وانا حرفيا نجلد ف روحي لاني نحس لو مهزبتش روحي مش ح نتعافى ولا نتريح

يتم جلد الذات

انت تجلدي ف ذاتي اكثر من نفسي

زمان ونا صغيره كنت نكتب ف مذكرات وحرفيا نكتب اي حاجه صارت اي تفصيله م ننساهاش تغدينا وتعشينا ورقدت وحلمت وجا فلان وعدا فلان لكن فكره انك تكتب مشاعرك واللي تحس فيه بديت فيها من الثانوي يمكن بس كانت بالعامي بالليبي يعني

وفعلا الكتابه خاصه باللغه العربيه الفصحى احسن بواجد