推一推 請看我🙆🏻‍♀️
目前較多同學仔揀mode1。
如果有心急嘅同學仔想快少少攞到篇文，可以考慮轉mode 2。☺️

️⚠️英文科批改公告⚠️

更新截文日期為：4月14日 1800
即時起，只接受未曾交文嘅同學，每人限定一份。

上一次公告後，多咗好多同學仔交文，目前英文科嘅文堆積如山(100+)。相信都要花一段時間先可以改得哂，再遲交嘅文都未必趕得切係開考前俾大家。因此，英文科決定停止收新文🙇🏻‍♂️

就提早截文一事，我地向同學仔致歉，朝夕令改打亂咗你地温書schedule。希望你哋會理解上述嘅原因。

但考慮部份嘅同學仔未交過文，我地都想幫到佢地。即時起至4月14日，只接受未交過文嘅同學仔，每人一份。

任何有關於英文科嘅問題，可以係
@CoreQnA_bot 發問。
交文/還文事宜請搵返收文admin

肯改英文部
4月10日

⚠️通識(中文)交文限額和截文日期事宜⚠️

截文日期: 4月21日 1800

由即日起，通識(中文)交文設有上限，每人只收⼀份卷一或卷二。學生可自由選擇。只接受2015年或以後的歷屆試題。🥰

卷一：整份試卷為一份
卷二：只作答其中一題為一份

註: 通識(英文)仍暫停服務(閉關改文)
註: 或會因實際情況而提早截文

⚠️已過截文時間
英文科Tutor要閉關改文，唔再收新文啦。🙏🏻

中文科批改公告⚠️
截文日期為4月21日1800

目前由於撞正exam同final year project，中文堆文開始上到70+篇，為左等大家都可以dse前收番篇文，會提早截文😢希望咁多位同學仔見諒

有關中文科其他問題，可以用
@CoreQnA_bot

⚠️中文科同通識科已過截文時間

Tutor要閉關改文，唔再收新文啦。🙏🏻
有需要嘅同學仔可以喺
@CoreQnA_bot 發問(唔好嗰度交文呀 文已截)🙆🏻‍♀️

⚠️截咗文咁啲中文卷二卷三/通識卷點算?🥺

雖然冇人改卷，但係都可以自己改。我哋tutors都係跟住marking scheme(ms)改你哋嘅文，mark完唔識再問。自己mark卷其實比叫人幫你mark更加有效，一邊改一邊溫埋。

中文
作文卷: 可以嚟問吓立意，問吓寫作方向，問吓修辭。

綜合卷: 跟住ms自己改。如果唔知自己做唔做到ms嘅要求可以send嚟bot問 (成篇send入嚟即係你冇諗過，唔答)。
@CoreQnA_bot

通識
1. 對住條題目每一粒字，逐段問自己有冇答到題/ 邊度離題/跟著呢/然後呢 。
2.圈起ms / sample 嘅單元概念，睇下自己有冇用到，再自己引申去其他相關概念 。
3. 主題句一定要能夠反映你下面寫嘅內容。
4. 駁論記著要同其他論點分開展述，一般架構係三正一反 。
5. 搵第三者辦認你啲字，雖然時間好趕，但是記得要盡量將啲字寫得大隻啲同清楚啲啊...睇唔到就會skip，啫係冇分。出面marker冇咁好人幫你慢慢睇，估下呢個係咩字咁。🤦🏻‍♀️

未交過文嘅同學仔記住入bot問。
交過文嘅，bot之外，記得睇多次所有comment，有咩一定一定要問，幫得你改卷就唔怕煩 ，唔哂怕醜，放膽問啦。🥰

⚠️截咗文咁啲英文卷二卷三點算?🥺

雖然冇人改卷，但係都可以自己改，我哋tutors都係跟住marking scheme(ms)改你哋嘅文，mark完唔識再問。自己mark卷其實比叫人幫你mark更加有效，一邊改一邊溫埋。


作文卷：
1. 自己check下自己用d字係咪真係啱，意思，詞法，grammar有冇錯。唔好再用not only... but also...用錯率99%。
2. 一段一重點，topic sentence要點明主旨（唔好寫there are few reasons .....）

閲讀卷: 留意ms中無得分嘅答案，諗吓點解唔俾(e.g. grammar/context, 問非所答, etc)

綜合卷:
1. 自己對ms tick point睇清楚係咪抄足完整point意思& keyword。
2. 睇下分段係咪同marking相似，例如8.1abcd同一段,etc.
3.睇下語氣有無犯ms中， appropriacy下面段remarks嘅問題

未交過文嘅同學仔記住入bot問。交過文嘅，bot之外，記得睇多次所有comment，有咩一定一定要問，幫得你改卷就唔怕煩 ，唔哂怕醜，放膽問啦。🥰

⚠️Ls注意事項: 交文篇⚠️
連 格 式 交!

1. 推論要做確實，不停問自己：“接著呢？”“然後呢？”“所以呢？” (tutors睇到同學仔明明寫到啲嘢，但無寫落去，又辛苦又嬲啊！)
2. 麻煩大家改善一下字體，如果唔係tutor會睇到好辛苦🥺🥺
3. 段與段之間，每題分題之後都要留空白位置，俾tutor打comment 📃

📝中文科記抒穩三教學📝

以下我地主要教你Q1點樣攞一個3，唔好深究點樣寫好篇文，淨係教你點樣穩合格攞一個Lv3。

假設寫 2016 DSE Q1，熱鬧過後我卻感到失落。

第一，一定唔可以離題，文筆唔好再偏離題目要求就一定冇希望，所以第一件事要睇清楚題目，圈低關鍵字，適當嘅位就抄落去。例如首段一定要扣題，咁就諗辦法抄熱鬧兩個字去寫背景嗰句，抄失落兩個字落去心情嗰句 (但係唔好唔記得熱鬧都應該要有開心興奮嘅感覺所以寫埋落去心情嗰句度)，第一段就淨係寫呢兩句，其他唔寫。
—> 簡單例子：今天是聖誕節，維港兩岸都站滿了人群，非常熱鬧。而我站在興奮的人群中卻感到失落。

第二，用真人真事，你親身經歷過嘅嘢你先容易寫，同埋感情會真，記住唔好亂作。

第三，每個位都諗清楚自己有咩感受，每段都一定要加，每一段完嘅時候就自己睇吓，未寫就最後一句寫出嚟，直述都要寫。同埋全文最後嗰段，你要做嘅嘢就係先做一句總結，跟住抒情/寫感悟 (最少都要寫四五句)，記住抄返題目個字落去。
—>簡單例子：本來應該是歡樂的節日，我看着天上的煙花和兩岸的燈光，再看着身邊密密麻麻的人群 (扣熱鬧)，只感到十分失落。當四周的人都有朋友相伴，而我卻只有自己一個。為什麼我總是被遺忘？為什麼朋友都不找我一起？ (扣失落講感受) 突然我的電話響起，「兒子，你回來沒？我留了熱湯給你。」媽媽溫柔地說。對啊，我雖然沒有朋友相伴，卻仍有關心我的家人等待著我。 (最後要有個正面立意)

第四，唔識用嘅字唔好用，寫最簡單嘅字，用最簡單嘅修辭，我地放棄文筆分，只係要文句通順攞5分，所以一定要讀落好順。

第五，要識分詳略，你一開始落筆之前要寫大綱，限自己10分鐘內寫起承轉合嘅四個細節，每個細節隔離要有感情字眼同自己講要抒咩情，寫嘅時候大約「起」寫半版，跟住「承」一版，「轉」一版半，「合」半版，咁嘅結構就穩陣攞5分。如果覺得自己有時間寫多啲嘅唔該分開兩次proofread清楚唔好寫錯字，再proofread自己有冇唔通順嘅句子，同埋啲字寫靚啲。
__
如果aim 4 or above嘅同學又想攞意見嘅，歡迎PM返改你文嘅tutor，或者去core bot問 @CoreQnA_bot

聽日就係主科第一戰啦
快啲check齊有無以下物品🙆🏻‍♀️
1.准考證
2.身份證
3.文具(其他備用文具)
4.計數機
5.手錶(最好非電子錶)
6.外套(有冷氣嘅地方多著幾層。太熱可以除，記住著多比著少好)
7.簡單筆記(中場休息最後衝刺)
8.錢(飛的用）
9.止痛藥
10.紙巾
11.八達通
12.雨傘
13.收音機
14.耳機
15.水(有時候要冷靜....)
16.口罩
17.酒精搓手液

致即將步上戰場嘅你：

作為過來人，喺風起雲湧一日嘅前夕，你嘅徬徨、擔憂不安，我完完全全感受得到 😢

我邀請你宜家暫時放低手上啲雞精書，瞇埋眼，深呼吸，問問自己，宜家嘅情緒狀況係點。如果你覺得好驚嘅話，即管喊出嚟 😭
“It's ok not to be ok”，冇問題㗎。當然，如果你心入面係覺得平安嘅，誠心祝福你呢份平安可以延續落去 😇 不論你考完/放榜之後嘅心情/成績如何，都歡迎你同我分享下！讓我哋一齊好好擁抱明天！

今晚好好瞓一覺！
為你祈禱！

All the best!
ND
2020dser

十點半出完last reminder之後你地全部同我去訓！