文憑試那年我17歲，當時的中文科還未有範文，單是要猜測作者寫藍色窗簾代表啲乜已經玩到我頭昏腦脹。那年的腦袋大概只放得下pastpaper和情愛等無聊事，對世間醜惡應該未算了解。
轉眼三年過去，當年的試卷題目早已忘記，這陣子卻於機緣巧合下認識了一群應屆考生，雖素未謀面，但即使隔空對話仍能感覺到他們的稚嫩可愛。相比起當年的我們，他們似乎背負更多、或是太多。

年紀小小便清楚當今成人的無能，甚至被拋棄、背叛，當全世界都看不到未來之時，他們卻要為自己的未來打拼，更在最美好的年華經歷抗爭和疫症。時代欠他們的債，沒有人能夠償還，沒有人能夠還他們青春，還他們對世界的絢爛想像。

自知付出不多，每次聽到他們的感激說話都尤感慚愧，但願我的丁點本領，能助你們渡過人生的一小個難關，如果有幸可以於這個殘酷的人間，令你們感覺到一絲溫暖就更好了。
-
致差唔多每日交文嘅同學仔 你哋好鬼得意 希望你哋一切都好 無論結果如何 只要成為一個好人就好了 多謝你哋需要我
會相見的 我們總有一天會在理想的地方相見 到時會好想攬攬你哋：p

by某位心思細膩嘅tutor

致一班兄弟姊妹、仔仔女女:

從來無諗過一個義補平台會令我遇到你地每一個。呢個月以嚟，我見到好多唔同嘅你地，有好勤力嘅、有好醒目嘅、有講野好sweet嘅，但你地都有一個共通點，就係有一顆正直嘅心，有一雙明辨是非嘅眼睛，呢樣係最重要，亦都最難得嘅野。

眼見住你地今年經歷好多好多嘅苦難，我就會好後悔點解唔做多啲、早啲幫你地，又會嬲點解咁多老師遇到你地一班咁可愛嘅學生，竟然可以得過且過，無好好地去教你地。我相信你地嘅感受一定比我更多、更深刻，見證過你地有進步嘅時候、傷心嘅時候、温到頹嘅時候，我好開心亦好慶幸可以陪你地行過呢條路。都係嗰句，你肯寫我肯改，你肯付出我一定會盡全力幫你地，無論幾時，我地都隨時stand by。

有比我改過文嘅小朋友，都知我好鍾意祝人生日快樂。曾經我覺得每個新生命嘅誕生，都係一樣被期待同祝福嘅事，但原來呢個世界有好多父母即使係血肉之親，都可以對自己嘅仔女唔關心，甚至講得出後悔生咗小朋友嘅說話。我唔知道你地有幾多位喺呢段時間經歷咗唔同關係嘅決裂，但我好想同你地嘅每一個講，你地每一個嘅誕生，都係令我好慶幸同快樂嘅事。因為我好開心亦都好感恩，有你地呢班咁可愛嘅屋企人同我一齊守護香港。所以，你嘅存在係好值得快樂架，唔准你地成日睇輕自己!!!!!!
(In case有人生日，我喺到祝晒咁多位小朋友2020年生日快樂先!!!!)

唔講加油喇，因為我知你地已經好努力，所以我相信你地一定無問題💛💜

等你地考完dse，我地一齊實現我地想實現嘅事。

記得要掌握好時間

同學們!
到主科最後一份卷喇 入到考場就俾信心自己相信自己 心無雜念唔好諗之前考過嘅野 戴住耳機專心啲聽 諗清楚要寫啲咩 努力過一定會有回報! 辛苦你地喇加油:)))

by某動物tutor

其實我地全部tutor都一齊同你聽緊錄音架～

提示of 中文組tutor

考完中文就到physics啦點算好？
我哋其中一個tutor會係臨考前一日(5月6號）下就2點係一個教學生Physics嘅Ig page開直播答問題 如果你哋物理有問題就去問啦!
Ig : dse.phys.dog

理科仔想交咩卷？有咩想人對？歡迎去pin個個bot度同番tutor講~

《雞精聯盟》
最後一課：離別

給各位DSE寶寶：

多謝你地加入雞精聯盟，讓我地陪你考DSE🙇🏻‍♀️由最初疫情嚴峻到可能取消考試，到今日考哂四大主科📚
恭喜咁多位❗️你地贏左人生勝仗‼️
🏆你地係被時代揀選的無敵考生🏆

不過我地今晚要同大家道別💔
由於公海早前先後兩次受攻擊，各大科目channel也被滲透，導致早前公海和科目熄燈🌚

對於我地不能保護呢度，深感難過及抱歉🙇🏻‍♀️😭無論挑釁者係學生定咩組織，admin全體選擇原諒同愛你地❤️
你地可能惡作劇或受命打撃學生，但我地不會以暴易暴，所以我地不反撃不引戰，但不代表我哋妥協和害怕！

為了保障各位同學的安全，亦見到你地這兩個月來的成長，包括早睡早起，考完向前望，仲互相鼓勵，我地為你地感到無比的自豪，但我地亦學識放手，
Admin宣布決定忍痛將公海炸毀💥
令外界對考生的騷擾減至最低，讓你們專心應付未來的選修科🙏

公海消失不代表服務終結
各選修科仍然運作，大家可以問問題，操pp唔明立即問，今晚凌晨零時，公海將會由我地親手炸毀，雞精聯盟將會暫告一段落😭

我們會保留雞精聯盟的channel同ig一段時間，並在背後默默為你祈禱，支持你們每一個❤️我們相信我們暫時完成上帝畀我們的首階段任務👩🏻‍🌾
假如上帝允許，未來會相見和重聚

未來見！大學見！

😭😭😭😭😭
我愛雞精聯盟！我愛雞精聯盟！

只要你係想幫手足，科目5* or above，請pm @

❗️交文/問問題呢度

中六同學仔！

Hist Geog 文學 中史 改文服務

交文請pm #文科交文格式

問問題（24/7，但請等等）

數學台(M1 M2都得）

@MathGenius_Bot

選修科台（Phy Chem Bio Econ ICT Geog Hist 中史）

@PhyChemBioGenius_Bot

英文通識中文Tutor正在休假，中四中五同學仔比佢地抖下好無？

哎呀我好想交文呀！

請pm @bellobellooo

#文科交文格式

科目：
Telegram ID: @
邊一年嘅dser :
Aim幾：
(xx年p1/2)(如有，p2請分類其所屬單元):
Remark:

温馨提示:
1) 中史必修部分只批改18或以後嘅pp
選修部分則歷屆pp亦可。
2) 中史選修單元煩請填上單元名稱（暫時只能批改 知子/制度/婦女）
3) 交文前請確保文章內不會附有任何個人資料，如姓名和中學校名。

有tutor想同大家打氣❤️

phys支援bot

@PhyChemBioGenius_Bot

提示of 中文組tutor

https://www.facebook.com/plasticguyss/videos/2449851165251056/?v=2449851165251056

大家考到咁上下都好攰嫁喇，tutor想同你地分享一套幾分鐘既卡通片，希望大家睇完放鬆下❤️

希望同學仔關注下近日嘅國歌法同埋琴晚樂富遇襲事件。