#晨光二寶線打氣站 from中文組tutors

仔女們
終於去到呢一日呢一刻，過咗今日，我地就唔再係你地tutor啦。
回望返過去我地陪你行嘅呢段路，當中真係有唔少開心辛酸嘅回憶。呢段時間你地真係辛苦啦。我諗直接打氣嘅說話其他tutor都講得夠多啦，咁我就講下我地tutor自己嘅感受啦。

你地成日話好驚對唔住我地，覺得我地好辛苦，怕辜負我地嘅心意，但係我自己嚟講，其實我真係好開心可以同到你地行呢段路。

叫就叫你地做仔女，其實我似係當你地細佬妹多啲。見到你地慢慢一日一日進步，我地就知道我地嘅付出係值得嘅，甚至你地有啲人會同唔同tutor做朋友晚晚傾計，我都戥你地好開心，希望你地喺度有過愉快動人嘅時光。

呢兩個月，其實tutor們都真係出晒力咁想幫你地，我地其實係好驚時間唔夠，所以有啲咩都想儘量做好，務求最短時間之內幫到你地最多。時間人力始終有限，但係希望我地呢段路嘅陪伴，可以減輕到你地嘅考試之旅嘅疲累同負擔。只要有一個人有進步，只要有一個人收到我地嘅鼓勵，咁我地嘅心血就無白費到。

接住落嚟五個鐘，我地會同你地心連心，靜心為作戰中嘅你地打氣。而無論結果如何，成績好壞，希望你地都會記得，你地係我地一班最驕傲嘅仔女。

好唔捨得你地呀，我真係覺得無得再同你地交流中文好可惜，但係我地都戥你地開心呀，因為你地考咗你地其中最驚嘅兩份卷啦，你地真係好叻呀。

記住無論你地成績表上面有冇星星，你地都係我地心目中最奪目嘅星宿。有時你可能會好介意點解自己唔夠人光，但係你地要記住自己都係繁星嘅一部份，要記住每一粒星喺銀行都係獨一無二嘅。多謝你地一路以嚟咁聽教聽話燃燒自己嘅能量，多謝你地比我地見到你地努力閃耀嘅光芒，多謝你地照耀咗我地咁多tutor嘅黑夜。我相信你地每一個都會有奪目燦爛嘅未來，照亮社會所有黯淡無光嘅角落。

過咗今日，我地就唔再係你地tutor啦，但係唔好忘記我地一定會以另一個方式再續前緣。我地會成為你地最堅實嘅後盾，最忠誠嘅朋友，同埋最好嘅手足 :)

中文台 最靚女的兩個tutor上

提示of 中文組tutor

啊！！！！！仲有綜合就ko埋科中文啦！你哋好叻啊！！Jump jump jump🥰🥰快啲交綜合比 啦！(記得連form)

卷三收文（Deadline:今日1600）


另設有卷三急救谷
可pm
@ 查詢

#中文交文格式

想快啲交到文？！只要交文時連埋依個表，admin好快就會幫你處理！💛

#中文交文格式

ID: @
幾年Dser:
Aim:
議論/記抒/綜合：
作文題目/幾年綜合*：
有無野想講：

温馨提示:
1) 交文前請確保文章內沒有附有任何個人資料，如姓名和中學校名。
2) *只接受2016或打後嘅歷屆試題。

見你哋咁攰，綜合組tutor們決定將deadline extend到19:00！！！最後機會啦！！！！記住等收文同時要溫格式同5**真跡，唔好浪費時間啊！🥰

如果想交文，可pm

問野打字！問野打字！你錄音我地搵唔到重點呀

（細細聲：不過時間緊迫，我地答野會用錄音sorry...）

by改文改到傻能左連聽野都有問題嘅綜合tutors

「搏盡無悔，力盡無憾」是我作為文憑試戰士期間我座右銘。

兩年前，我為中文奔波，從一月起一星期寫一篇文給老師批改，直到文憑試前夕，我隔日寫一篇，可惜最終成果也不似預期。始知一分耕耘 一分收穫是屁話，付出最多，收穫卻極差，我固然對自己失望，但我更辜負老師對我的期望。記得那段時間，我與老師每夜在手機屏幕前「促膝長談」，看著她眼底下沉沉的黑圈，我偶爾也會感到抱歉，但老師對此不以為然，更說道：「每每看到你們收心養性，為成績努力，我總能感受到你們突破「陳呂」的框框。」老師的肺腑之言，我至今仍然銘記著。

五湖四海的你們，或許你來自萬眾矚目、新聞媒體爭先報道的學校，或許你來自親戚口中引以為傲的學校，或許你來自屋邨中寂寂無名的學校。大家有著不同的起跑線，但從不代表遲起跑的人就注定失敗，我的起跑線比很多人遠，但我在途中「搏盡跑」或許仍然落後不少。不過，當我停下來回望，那段跑道，大汗淋漓中的笑容總是藏不住。

人生路上，我們不必與他人比較，因為眾生皆獨特，西瓜與沙發又怎能作比較？我們也不必回答他人披著期望皮殼的壓力，因為子非魚，焉知魚之樂。從來人生的敵人及恩人只有自己，我們要與昨日的、過去的、未成熟的自己比較；要向搏盡的，力盡的自己感恩。當你懂得感激盡力的自己，成績的好壞其實不足掛齒。

「盡力啦」看似公廁😂，但短短的三字是我對你們的期望，也是你們對自己的要求。盡自己努力考好就是對自己的最大回報，成績好壞不過是額外獎勵。隨時間流逝，你們腦袋中留下的碎片不是星星的多少而是那段努力搏盡的過程，也即是你們和我們tutor共渡的時光。

Btw卷三將來出社會寫嗰啲都好有用，希望你哋將來都活用到啦🙋🏻‍♂️

明日既卷三，搏盡無悔 力盡無憾！！💪🏿💪🏿💪🏿
By卷三刀子嘴豆腐心tutor
（見到黑人皮膚會唔會知我係邊個呢🤣）

**「陳呂」：大西北某屋邨band3學校

#好重要大家都要睇

文已經派到7788，諗到2020dse嘅主科改文要畫上一個句號，霎時有啲莫名其妙嘅不捨。

主科考完，不論是學生，還是tutor，其實明天開始你們再也沒有留在這裡的理由，dse同學們，往後將是你們需要自己走的路，或許往後再也難以會有面對一個大難題時，有一堆素未謀面而善心無限的tutor幫助你，日時瘋狂為你們改文，夜時為你們解答追問，不辭勞苦、不求回報地幫助你們。

同學們，我想說句對不起，有時遇上些很需要別人幫助的同學，總覺得channel開得太遲，令你們沒有進步至你們想要的貌樣；其次，對不起，因為實在太多太多學生的緣故，有時候收文只能覆一句「好」，又或是一張sticker，甚至無覆到🥺其實我份人好on9都好錫你地，好想同你地每一個講加油。

Tutor和admin們，對不起我所愛的admin們，本身好chur情緒都低落但比我忽視左嘅M，熬義氣而留下來的m，明明改記抒比我調左去數理班男人堆嘅s，根本就唔係特別想改通識嘅P，大才小用嘅N，random咁入黎搞到唔想掂telegram嘅k，默默入data嘅b...我自己本身份人就係個啲一做就會想chur盡嘅人，令到你地可能無形中受到壓力，唔怕，慶功宴大家嘅珍奶我嘅！

對不起tutor們，特別係通識組同綜合組，通識組得個10幾個active嘅，結果改左成百幾篇文，考通識前想喊嘅你地，抱歉除了偷偷地改左幾篇通識，沒有作出很多很多補償予你們；綜合組的人十隻手指數得曬，今日更加係即日收即日改，一人三四份咁食，特別想多謝下M同Y呢兩個癲嘅，綜合又高產，卷二又高產，改左兩日文，又有啲學生態度好差，令你地受左氣，好對唔住好對唔住。

ok廢時變左道歉文，我想多謝埋係呢個平台嘅每一個你地，比人屌我都咁話，我覺得運動至今，確實黃圈多左好多批鬥嘅風氣，大家少左好多體諒同愛，但我係呢度，我見到好善良好體諒漏文嘅手足同學仔，見到同我講覺得辜負左我地嘅同學仔，見到收到一篇文打左成版野多謝我地嘅同學仔，你地全部都好抵錫，唔係因為你地寫得幾好幾叻幾高分，而係你地擁有一顆善良嘅心，多謝你地，令到tutor搵到唔同嘅價值，令到admin仲會熬到落去，令到我有無限想試下幫更多人嘅勇氣。

仲有呢班痴撚線嘅tutor，先唔講比我洗左人情牌嘅中同大同小同，唔識嘅你地真係好好，開channel前我真係個好廢嘅人，身同心都受左好大傷，節節打擊下開左呢舊野，原本打算抵諗啲，太多文就自己食左佢啦，點知你地班人，又執我地啲屎，又話我自私自己改文，明明你地都唔係個啲好得閒嘅人，仲要一個學生唔開心，成村人凌晨三點四點一齊諗點安慰，又唱歌又寫千字文又錄音又盛，你地其實唔單只幫左啲學生，其實都拯救、溫暖左好多人嘅心，成件事好似番到去六月嘅時候，大家熱衷同充滿愛嘅心，一個人話要啲咩，其他人就會無條件咁付出，你地係我心目中真係天使咁善良，一直照住我呢個講笑話唔好笑嘅人😟

DSE手足，你地因為承受太多啦，今次等我地成班上左岸嘅大姐姐大哥哥，幫輕你小小啦，不過聽日開始，你地就可以唔洗嗌我牙平牙平姐近平姐咁叫我lu，如果有tutor想多謝，唔好吝嗇，考完拎五分鐘出黎，多謝下佢地啦，佢地唔只拎時間出黎，佢地仲拎埋愛出黎比你地，好多人窮極一生都得唔到嘅野，因為一場社運，因為我地都追求緊光復香港，依架無條件大贈送比大家！

可能就算唔係師生關係，日後有啲咩難題都好，都歡迎你地隨時番黎同tutor吹下水，同admin hea下時間。

講太多講太多啦，講到天光都講唔曬，最後一次交文都完左啦，你地每個人都有進步，Tutor同admin都係呢個地方搵到價值，咁我就覺得自己付出極大嘅心機同時間係無白廢，比人笑我on9無收錢停埋part time停曬job去做呢啲野，我都可以一笑置之，因為你們值得。

呢個地方會一直存在，牙平會盡最大嘅力去守護佢，大家展翅飛到攰，無處可休息嘅話，呢個平台隨時歡迎你地。

祝大家前程似錦。

平均睡覺時間四至五小時的P字

仔女們，好高興可以認識到你地每一位，雖然可能你地唔知我係邊一位（因為禾矛打5P字、禾又矛鳩叫）。作為Tutor，好多謝你地比一個機會我，去體會原來我本人都係有啲價值嘅。同你地一齊拼搏，都幾青春，幾熱血吖，咁又係嘅，因為除咗老師同學生，我地仲係手足嘛。

有仔女問過我，可以點樣報答我地，其實你地嘅用心已經係最好嘅回報。我見到你地考前好驚好驚，我想同你地講，去到呢一刻，已經冇嘢可以驚喇。考前考後因為各種未知，係特別煎熬，但我相信你地絕對夠堅強，可以捱埋落去！

遇到唔識嘅題目，唔好慌，我地又唔係要滿分（你地有時問我問題我都唔識答，唔好屌我，梳😹），唔好越諗越多，越諗越亂，自己嚇自己。

如果有同學醒咗/訓唔著/考前考後好驚，大可以搵Tutor，雖則我地唔係萬能，但無論發生咩事，我地都會陪住你地。

Sorry啊，我講到真係好1999，最後我想講，可能有好多人放棄過你地，包括你地自己，但係絕對唔包我地。我已經見到你地各自唔同嘅光芒，做Tutor真係好大感觸，尤其係你地每一位嘅信任，所以啊，我係絕對唔會放棄你地任何一個，冇人教嘅，我地教！

未到最後一刻都唔好放棄，無論我仲係咪你地嘅Tutor，無論係發生咩事，總之你筋疲力竭想放手嘅時候，同我講，我幫你撐住。一陣嘅考試，係重要，但唔係你人生所有。孩子們，放心去啦，加油，我陪住你地考。

成日被無視被Dead好可憐嘅鳩叫Tutor上

圖片by某位大西北tutor

聽日很熱，但禮堂或班房冷氣好凍，記住帶褸

文憑試那年我17歲，當時的中文科還未有範文，單是要猜測作者寫藍色窗簾代表啲乜已經玩到我頭昏腦脹。那年的腦袋大概只放得下pastpaper和情愛等無聊事，對世間醜惡應該未算了解。
轉眼三年過去，當年的試卷題目早已忘記，這陣子卻於機緣巧合下認識了一群應屆考生，雖素未謀面，但即使隔空對話仍能感覺到他們的稚嫩可愛。相比起當年的我們，他們似乎背負更多、或是太多。

年紀小小便清楚當今成人的無能，甚至被拋棄、背叛，當全世界都看不到未來之時，他們卻要為自己的未來打拼，更在最美好的年華經歷抗爭和疫症。時代欠他們的債，沒有人能夠償還，沒有人能夠還他們青春，還他們對世界的絢爛想像。

自知付出不多，每次聽到他們的感激說話都尤感慚愧，但願我的丁點本領，能助你們渡過人生的一小個難關，如果有幸可以於這個殘酷的人間，令你們感覺到一絲溫暖就更好了。
-
致差唔多每日交文嘅同學仔 你哋好鬼得意 希望你哋一切都好 無論結果如何 只要成為一個好人就好了 多謝你哋需要我
會相見的 我們總有一天會在理想的地方相見 到時會好想攬攬你哋：p

by某位心思細膩嘅tutor