#深夜投稿 失眠？唔怕！

Hello大家好我係m，即係平時中文組幫大家收文嗰個，臨考前有少少感言，希望同大家進行一場激情對話。

我係一個抗壓力低到爆嘅人，直到依加我做唔曬功課都會喊哈哈(唔好笑我)，可想言之我考dse嗰陣個狀態有幾差。中文係我當年最有信心嘅一科，點知臨考前一晚我完全訓唔著，越訓唔著就越驚，越驚就忍唔著喊，越喊就越訓唔著。。。最後喊左成晚，係床到起身落地嗰下企都企唔穩，精神狀態勁差地完成份中文卷，嗰刻真係覺得自己何已完，依幾年嘅努力全部付諸東流嗚嗚嗚。。。情況真係好差好差。

但，點知又考得幾好，可以係個channel到略盡綿力幫大家改文。其實都係想話比你哋知，你哋已經做曬可以做嘅野，你睇下我失眠失左成晚都考得幾好，就知其實讀左嘅野你吸收左就吸收左，狀態幾差都唔會變，你都會寫得返出黎架！

你知道嗎？2019年係變天嘅一年，平時習以為常嘅安逸都變得何其奢侈。我哋行街帶個黑色口罩都可能比人拉去打，幫人急救可能會冇左隻眼，講多句事實可能會突然被自殺。面對催淚彈、防暴、水炮車，仲有冷血嘅政權，香港人每一日都被恐懼支配著，渺小嘅我哋即使如何聲嘶力歇，都好似冇咩作用咁。前幾日打開手機，仲見到北京政府因為港府講多一句，話中聯辦受制於基本法22條，就好串咁調動曬林鄭親信，大大聲同我哋講，我嘅權力就係可以無限廷伸，基本法可以都企埋一邊。情況真係好差好差。

但，梁天琦曾經講過，如果政府唔打壓你嘅革命，唔用白色恐怖去恐嚇你，即係我哋做嘅所有野都冇用。換句話，即係我哋正正對政府構成威脅，佢想我哋放棄，所以個情況先會咁差。

有時候，養精蓄銳就係為左等待某一刻來臨。你哋真係超級無敵叻！Channel嘅tutors admins都超級無敵叻！我哋都用緊自己相信嘅方法，去守護我哋嘅屋企。無論結果如何都唔重要，DSE只係人生入面其中一場仗，我哋有幸陪你走過依段路，比你感受到自己係受到好多人關心，spread love比你哋。對抗極權我哋仲有好多場仗未打，第時點捱過？就係靠同路人嘅支持！唔洗驚，未到最後一刻都唔知會點，所以我哋冷靜應對，只要嗰一刻做最好決定已經足夠。天塌下來有我地一眾tutors admins撐住你！所以，放心去，係試場上大展身手吧！

學位戰線有待咁多位仔女休息充足打大佬

(大家早啲瞓乖啦!!)

有別於一眾有*嘅tutor，其實我英文唔叻，英文成績一般。中六嗰年好驚，不斷去補習，操PP。但當年嘅我就冇你哋咁好彩，有一班咁有心嘅人願意改文答問題。

同學仔交三頁嘅P2長文，tutor寫一頁feedback，幾個錄音解釋，甚至拍片。然後有一日，有tutor提議想準確咁幫同學仔俾grade。結果佢哋就開video conference用兩個鐘嘅時間調整俾grade準則，好似日校老師咁。見到佢哋咁用心改卷，係感動埋我。心諗如果當年我考好啲，咁今日就可以同佢地一齊改文，可以幫輕下佢哋。我無能為力，又唔想誤人子弟，日常就係幫大家執頭執尾，收文追文，係tutor同同學仔之間協調。
(揭露俾大家知英文tutorsss們好好好用心💓)

一場反送中，一次武漢肺炎，令你地嘅中六注定不一樣。你哋冇Last Day，冇得一齊操卷，一齊温書，甚至冇一個準確嘅考試日期。辛苦你地啦，備考期間一直都係孤軍作戰，面對種種嘅不確定，一定好徬徨。希望我哋嘅出現，唔單只係提供學術支援，更重要嘅係比你哋知道，我哋關心在乎每一個手足！你地唔係condom！！

入大學呢一場戰役，係為自己而戰，係對自己一個交代。係呢一段備試嘅時間，你哋已經施展左渾身解數去溫習，去光復學位，我哋個個都見到你哋嘅進步。盡咗力就可以啦。不論結果如何，你哋進步咗，勝過以前嘅自己，就已經係我地心目中都係叻仔叻女❤️

過咗呢一個考試，應該都會同大部份嘅同學仔分道揚鑣，你地繼續你地嘅求學之路，而我哋又會為下一屆嘅手足服務。呢場時代革命我哋經歷左好多傷心，悲憤，甚至失去左人命。但同時佢將我哋拉埋一齊，希望係一片漆黑之中，你仍有我地點起嘅光。有一日我地會係街道上重聚。

最後想多謝一眾英文Tutorsss，瘋狂俾我chur去改文，包容我啲甩漏❤️😽
一眾adminss多謝你哋依家都未踢走我
大家，請繼續多多指教❤️

M

跟左你地好多日嘅英文tutor，有野想同你地講：

唔係咁鍾意英文嘅英文台男神：英文台的大家都mean開😂 唔係好識講啲咩溫馨提示同埋last words。不過想同大家講放心，大部分DSE markers都寬容過我地😂 所以聽日大家盡全力就得。

英文，唔怕！

派level2嘅英文台J：放心 DSE Marker 寬容過我好多

💬：老實講最後呢場仗都係你自己一個人打
但希望你記住上戰場之前你從來都唔係一個人
many people are here supporting you!!!!!!!!! Look at your friends and family! (And tutors like us hahaha 💕💕)
我相信只要你用力跑過呢一段日子
將來你望返轉頭就一定唔會後悔
嚟緊呢一年話長唔長話短唔短
希望可以喺呢一段時間創造奇蹟
講到奇蹟 要令到佢實現嘅最大因素就係信念
從來我都覺得只要你信念堅定 就nothing is impossible
我知道到最後其實有好多野都唔到我地控制
But - control the controllables
能力範圍內控制到嘅嘢一定要盡全力做好佢
其他嘢就交俾個天決定啦 反正我覺得個天從來都唔會待薄勤力嘅人
請你唔好質疑自己嘅能力 未來嘅時間專注喺點樣可以做得更加好
每一日都盡力去比尋日做得更加多 盡你最大嘅能力係有限嘅時間裏面披荊斬棘
係好辛苦好難捱 但我相信一年後你會覺得好值得 會好感謝當年嘅自己咁不顧一切地向前衝
希望你嘅青蔥歲月入面可以有一段咁熱血單純嘅回憶
聽日 上陣殺敵 大學見

J:
作文記住最尾留返啲時間proofread篇文，唔好有太多careless mistakes~
今晚早啲訓，聽日加油～希望尼緊大學可以見到你地💓

tutor有野想嗌比你地聽（請小心音量）

唔好對卷呀

咁多位同學仔， 我係收文人肉bot牛。

係過去嘅一年，大家作為香港人都經歷左好多，有感動，亦都伴隨更多嘅不憤同悲痛。 正所謂兄弟爬山，各自努力。呢場香港保衛戰需要每一位手足嘅貢獻，打好每一條戰線，唔放過每一個機遇。所以我地咁多位admin同tutor齊心協力幫你地備戰DSE，就係想你地入大學，做一個有學識，有國際視野，明辨是非知大義嘅香港人。

學如逆水行舟，不進則退。學習如此，保衛香港更是如此。 你依家就係要全力應對DSE呢場考驗，考完試將會有更多嘅關卡要過。 昔日玄奘為普渡眾生取西經，孤身一人苦行十數載。今日嘅你地，有我地呢班admin同tutor，二百萬+一相伴，一齊為香港嘅未來而奮鬥。DSE係你個人嘅考驗，但唔好忘記背後仲有好多哥哥姐姐熱心家長嘅支持。

前路漫漫，未知何時了。未來我地將會面臨更多嘅打壓，嚴刑酷法無不令人髮指。黎明來臨之前係最撚黑暗嘅，但仍希望你可以同所有手足一齊迎難而上，為公義為民主奮鬥到底。雖千萬人吾往矣。

行到水窮處，坐看雲起時。

牛願有日能與手足煲底相見。

快啲去瞓啦仔仔女女們

繼續睇，比啲鼓勵你地！

定打定打，今晚大覺訓，今日專心應戰💪
From 其實唔係咁鍾意英文的英文tutor

各位同學仔唔洗咁緊張，平常心面對就得啦。
no pressure, easy汁
From: 牙tutor 上

辛苦啦大家!!!

可能你地會覺得呢個絕對唔係考試既好時間，無論係社會環境，定係武漢肺炎，都完完全全打亂左溫習既進度，又或者，根本唔會有心情溫書。

係呢個紛亂既時間，我地呢班人做到既唔係太多，改下文，陪你地吹下水，但係去到最後某程度上你地都要孤身奮戰。

雖然我改英文，但係容許我拋下書包：「天將降大任於斯人也」我相信你地呢代(或者我地呢代)都係被選中既細路，成就大業之前一定要經歷七七四十九次磨難，而dse只會係其中一難。

放心考啦，考場出面，仲有我地，仲有大把手足，等緊同你地一齊建造美麗新香港。
From h