‏العاقل اليوم حاله مثل حال الغريب
‏يستغرب الناس من حوله وتستغربه.

‏من صد ما ننشده وشهي له الصده
‏ ما عندنا للقفيّا .. غير شرواها

‏ ومن جا معوّد ما ننشد عنه وش رده
‏ ندري أن هذي هي الدنيا ومجراها..

‏يعرفني الموج ما يعرفني الساحل
‏و يجهلني القاع ما تجهلني القمه.

تستمر الحياه وكل يوم .. جديد
‏نكبـر ونكتشف وقفات ناس جدد
‏تسقط أصحاب كنا نعتبرهم رصيد
‏وتكبر أصحاب نحسبهم زيادة عدد.

‏"لن تنسى الذي وجدك مكلومًا فأحاط وحشتك بأحاديثه ، وقف على معاناتك حتى تعبت ولم يتعب"♥️.

‏العاذل اللي بيننا كان قلبك
‏دوّرت له مليون رادع ورادع
‏ㅤ
‏يوم الموادع لا تقول أحبّك
‏أحبّك اللي يقولها ما يوادع

ليا منا لقينا كل بابٍ للأمل مسدود
‏طرقنا باب ربٍ ما عليه أقفال وحراسة

‏قناعتي ، عقلٍ من الثقل مملي
‏و نفس تمنى لـ العرب ما تمناه
‏راضي ، و مرضيني ما ربي قسم لي
‏وعلى كثر ما اعطاني ، الحمد لله .

ياكم صامتٍ في صدره الرحب مايخفيه
لا ضاق الفضا به مادروبه اموالينه

وياكم مبتسم خلف أبتسامته مايبكيه
يجوز أيتبسم لجل ماتفضحه عينه ..

‏لا يرتفع سقف الطموح وتنخذل
‏اللي يحبّك راح يبقى للأخير
‏واللي تحبّه لو يحبّك بالفعل ؟
‏كان الكلام بداخلك ماهو كثير
‏وإذا الرسايل بينكم بدت تِقل ؟
‏تأكد انْها زايدة معْ شخص غير..

‏في بعض ما تحويه التساؤلات المتآكلة ندماً ..
‏يقول محمد بن فطيس :
‏" يعني وصالك صعب وأهدافي اوهام؟
‏يعني زرعتك للقدر .. ما جنيتك!"

‏تحنّ القلوب وتذكر الماضي اللي فات
‏هو به مودِمي ماهوب مشتاق للماضي

‏غدا كل ماضي فيـه طربّه وبه سجّات
‏وغدا كل حَاضر بس عيشه على الفاضي

‏عسى مقبلة الأيام وصلٍ على الغايات
‏ومن جود مداتَ الزمن خاطري راضي

‏على الله يحقق حاجةٍ فالزمن ما جات
‏فلا غيره الحَاكم ولا غيّره القاضي .

‏يجف الوقت وغيومي تحوفك
‏هقيتك في ظما هالشوق زادي
‏أنا اللي خايف ..تبطي ظروفك
‏الين يصير هذا البعد عادي !

‏يالله عسانا من الضيقات في معزل
‏وإذا خسرنا عسى ما نخسر الغالي

‏"تعاف الناس حب الناس لاقلّ الغلا وتمل
‏وانتي مثل ما انتي عادك احلامي وغاياتي"
‏Vs
‏"شريتك في ليالٍ تكسر الخاطر..وبعت الكل
‏وشفتك عند هقواتي عليك وفوق هقواتي"

‏لو خاطري فيه من صمتك بعض ما يكون
‏أهون من الكلمه العفويّه الجارحه

‏لو أتكلنا على الصمت وكلام العيون
‏ما طاح باقي الغلا اللي بيننا البارحه

‏"سوالف الراحلين تزيد من جرحك
‏جميلة الذكريات بـ قدر : ما توجع
‏والدمعه اللي تطيح لـ موقفٍ مُضحك
‏ما طاحت الا وجع لـ إنسان ما يرجع"

‏أنا بسيطة حلم وإحساس وشُعور
‏يا ضدي اللي صار قلبي يجهلّك
‏عميق ما شدك من السطحي حضور
‏بساطة ( الأشياء ) دايم تقتلك !

‏" جيت أحبّك
‏والشموخ يعمّ قدري ،
‏لو حكوا لي عنك :
‏شينات السوالف !
‏أن بغيت تكون فرحي
‏هاك صدري
‏وان بغيت تكون حزني ؟
‏"ما يخااالف ".

‏هذا الشعور .. اللي عشان أتعدّاه
‏أقسى عليه أحيان وأحيان أحنه ،

‏بسيط .. للحدّ اللي أرتاح ويـاه
‏وعميق للحدّ اللي أخاف منـه !

‏لو في غيابك أخبي الحزن و أداري
‏العين ، فيها حكي ما أقدر أرده
‏دموع ما تسّتحي لا مر لك طاري ،
‏تقول لـ الناس ، شوفوني على خدّه .